Month: June 2025

Dashi

Për sa iu përket çështjeve te ezmeres, priten emocione pa fund gjate kësaj dite. Do ndiheni te lumtur ne krahët e partnerit tuaj dhe nuk do dëshironi te shkëputeni për asnjë çast prej tij. Beqaret do kenë mundësi te mira për te filluar një lidhje te qëndrueshme. te ardhurat do jene edhe me te mira se disa dite me pare prandaj mund te shpenzoni pa frike.

Demi

Do i kushtoni me tepër kohe se kurrë partnerit sot dhe çastet intime do jene me elektrizuese. Do mundoheni t’ia bëni qejfin atij për çdo gjë. Beqaret do jene mjaft kapricoze dhe nuk do pranojnë te dalin me cilindo qe do i joshe. Financat do mbrohen gjithë kohës nga yjet. Disa prej tyre do iu nxitin te bëni ekonomi duke hequr disa para mënjanë.

Binjaket

Do mahniteni nga surprizat e partnerit tuaj gjate kësaj dite. Kjo do iu beje ta ridashuroni atë me më shume se kurrë me pare. Beqaret do pëlqejnë persona misterioze, por qe ne realitet janë gurë te çmuar qe nuk duhen lënë te ikin. Ne përgjithësi financat do jene te stabilizuara, gjithsesi do bënit mire te mos kryenit investime marramendëse apo te jepni para hua.

Gaforrja

Dite shume e zakonshme dhe pa asnjë te veçante kjo e sotmja për ata qe janë ne një lidhje. Merrini gjerat si t’iu vijnë. Beqaret nga ana tjetër do kenë një dite plot surpriza. Do takohen me persona te shumte dhe do fillojnë shpejt lidhjen qe kane ëndërruar. Me financat nuk duhet te luani sepse do digjeni keq dhe do mbeteni pa para.

Luani

Ka rrezik qe lidhja juaj te kaloje një krize gjate kësaj dite. Nuk do kuptoheni aspak mire me atë qe keni ne krah dhe nga inati mund te bëni gjera qe as vete nuk i kishit parashikuar. Beqaret nuk do jene me fat dhe do mbeten serish vetëm. Dielli dhe Merkuri do favorizojnë financat. Do ketë përmirësime te ndjeshme te situatës, prandaj mund te kryeni te gjithash shpenzimet e dëshiruara.

Virgjeresha

Do e ulni shume partnerin tuaj ne disa raste dhe kjo do e lëndojë pa mase atë. Nëse nuk e doni me si me pare me mire te flisni hapur me te dhe te mos mbani një lidhje sa për t’u dukur. Beqaret do kenë takime, por nuk do guxojnë te hedhin asnjë hap me tej. Po nuk e hoqët turpin nuk keni për te krijuar ndonjëherë ndonjë lidhje. Financat do kenë tronditje here pas here.

Peshorja

Dite shume e paqëndrueshme kjo e sotmja për çiftet. Here do dashuroheni dhe here do keni debate me partnerin. Beni kujdes sepse ne këtë mënyrë nuk keni për te qene kurrë te lumtur. Beqaret nuk do kenë aspak dëshirë te sakrifikojnë lirinë e tyre për te krijuar një lidhje. Ne planin financiar do shkoje çdo gjë me se miri. Do e dini mire sa te shpenzoni dhe sa para te hiqni mënjanë.

Akrepi

Dite jo problematike kjo e sotmja për te dashuruarit. Do kaloni momente te këndshme pranë atij qe dashuroni dhe nuk do iu tërheqin aspak aventurat me persona te tjerë. Edhe beqareve do iu konkretizohen me ne fund disa ëndrra. Financat do jene te mire, por shume shpejt mund te kenë edhe me tepër përmirësime fale disa projekteve qe do filloni.

Shigjetari

Do i shprehni natyrshëm ndjenjat gjate kësaj dite dhe marrëdhënia me par5nerin do jete me e mire. Ata qe kane pasur vështirësi dhe debate do i ndreqin me maturi. Beqaret nuk do jene ne humorin duhur për te dale dhe për te njohur persona te rinj. Financat do jene te qëndrueshme. Mund te kryeni edhe ndonjë shpenzim me tepër për gjerat e domosdoshme.

Bricjapi

Do e ndryshoni rrënjësisht jetën tuaj ne çift gjate kësaj dite. Do i shtoni dozat e imagjinatës dhe do gjeni mënyra te reja si ta riktheni pasionin dhe entuziazmin. Beqaret do takohen me persona interesante me te cilët ia vlen te fillojnë një lidhje. Merkuri do sjelle fat ne planin financiar. Do jeni shume te qarte se sa duhet te shpenzoni dhe sa te hiqni mënjanë.

Ujori

Dite goxha e turbullt dhe problematike kjo e sotmja për ata qe janë ne një lidhje. Asgjë nuk do shkoje ashtu si e kishit menduar kështu qe duhet bere kujdes. Beqaret edhe pse do kërkojnë pa fund për princin e kaltër nuk do arrijnë ta gjejnë dot. Financat do jene te mira. Filloni te hiqni disa para mënjanë sepse me vone do keni nevoje për to.

Peshqit

Edhe pse do mundoheni tej mase nuk do arrini dot te ruani një klime harmonike ne çift sot. Partneri do jete i zënë me pune dhe nuk do iu kushtoje vëmendjen qe ju kërkoni. Beqaret do kenë vetëm dashuri platonike, sepse princin e kaltër ende nuk do e takojnë dot. Perspektivat materiale do jene te shkëlqyera. Situata shume shpejt do ketë përmirësime te ndjeshme.

Një grabitje me vlerë mbi 600 mijë euro, një rikthim po aq i pazakontë dhe një letër e shkruar me dorë që shton misterin… Është ky rasti tejet i pazakontë në Milano.

Gjithçka ndodhi shumë shpejt në hotelin prestigjioz The Westin Palace.

Një turist amerikan u bë viktimë e grabitjes spektakolare, një çantë e zezë Tom Ford me AirPods, karta krediti, para cash (600 dollarë dhe 300 euro) dhe më kryesorja, katër ora super të shtrenjta të markës Richard Mille, secila e vlerësuar me 150 mijë euro.

Policia ndërhyri menjëherë duke ndaluar një 27-vjeçar francez, i cili kishte sjellje të dyshimta. I riu dyshohet si bashkëpunëtor në grabitje, ndërsa “protagonisti” ia doli të arratiset. Autoritetet thonë se është një 19-vjeçar maroken, me precedent të mëparshëm kriminalë.

Por një ditë më vonë erdhi kthesa e madhe, çanta u gjet në të njëjtin vend, te holli i hotelit. Brenda saj ishte një pjesë e parave dhe orat e padëmtuara. Ajo që ngjalli më shumë interes ishte letra e shkruar në italisht me një shkrim të çrregullt:

“Gli orologi sono falsi”, pra “Orat janë fallco”.

Një kthesë që befasoi edhe policinë. A ishte kjo një përpjekje për të hequr përgjegjësinë ligjore? Apo ndoshta një tentativë për të çorientuar hetimet?

Megjithatë, hetimet vijojnë, në një rast që ngjan si film me komedi e krim brenda.

Një makth pa mbarim, një jetë ku betejat e forta, stërmunduese e kanë përplasur Ivanën duke ia lëkundur themelet.

Historia e saj në “Ka Një Mesazh Për Ty” në Tv Klan është reflektim i shumë grave e vajzave që kanë pasur të njëjtin fat, por pa mundur të rrëfehen me zë të lartë.

Pasi tezja e shiti te një tutor, pas një viti Ivana mësoi qëllimin e tij të vërtetë. Bashkëshortja e tij i zbuloi se në të vërtetë, do ta shfrytëzonin për prostitucion. Ivana vendosi t’ia mbathte bashkë me djalin, por s’mundi t’i shpëtonte dot fatit që e priste.

Ardit Gjebrea: Cili ishte qëllimi i tij?

Ivana: Thjesht të më merrte për jashtë shtetit, të bënte dokumentet e tij, të më bënte prostitutë. Ai kishte një grua shumë të mirë, kishte edhe një gocë shumë të mirë. Unë në fillim u prezantova si shoqja e tij, si mikesha e tij. Kemi fjetur në një vend, unë me gruan, vajzën e tij kam fjetur në një vend. Vajza e tij ishte origjinal si vajza ime sot, ngjasojnë shumë.

Ardit Gjebrea: Po ti, fole me të shoqen?

Ivana: Kur kaloi edhe një vit te shtëpia e tij, atëherë më tregon kjo mua, shprehet lirisht.

Ardit Gjebrea: Që?

Ivana: Unë e kam burrë, por ky të do për rrugë, ty nuk të merr për grua dhe unë u ndjeva pak si keq sepse nuk i dija planet e tyre. Iki unë, largohem fshehurazi, shkoj fle te dërrasat prapë te “Zogu i Zi”. Flija përjashta.

Ardit Gjebrea: Me çunin me vete, gjithmonë.

Ivana: Dal, ishte kohë darke, dal për të blerë. Ky më ndjek me makinë, hijen e tij e kisha hap pas hapi. Më kap zvarrë kështu, isha me gjithë djalin në krahë se nuk guxoja ta lija djalin vetëm, kisha frikë. Më hip në makinë, e çon djalin te shtëpia e gruas së vet.

Ardit Gjebrea: Po ty?

Ivana: Mua më çoi te shtëpia me qira dhe aty më rreh dhe më thotë që unë të dua ty, por ti kot ike, more mendtë e njerëzve, unë nuk kam grua, unë ty do të të marr.

Pas dy tentativash për ta kaluar përmes kufirit, Ivana u gjend fillimisht në Greqi. Detyra ishte e qartë, e frikshme por nuk kishte zgjidhje tjetër.

Ivana: Më duhej të punoja aty, isha në Athinë.

Ardit Gjebrea: Çfarë pune?

Ivana: Të punoja, të shisja trupin tim me lekë. E kam bërë!

Ardit Gjebrea: Për sa kohë?

Ivana: Kam ndenjur gati një vit. Ai ia çonte lekët familjes së vet. Punova edhe me drogë, shisja drogë për të. Pas asaj gjëje, nuk i erdhi rezultati siç donte ai që të kishte shumë para dhe më çon për në Itali. Edhe atje të njëjtën gjë kam bërë. Vjen policia dhe këta na marrin në telefon, na thanë fshihuni se erdhi policia. Unë bëra sikur u fsheha në një lulishte dhe dola prapë se doja të dorëzohesha, e dija që ajo punë s’ishte për mua. Nuk isha e aftë të përballoja çdo lloj njeriu. Nuk isha e tillë.

Ardit Gjebrea: Cilat kanë qenë momentet më të tmerrshme të asaj pune? Më fal që të pyes.

Ivana: Momenti kur më kanë marrë, më kanë çuar në një vend që nuk dija rrugën, nuk dija italisht, më mori një burrë, më rrahu, më mori edhe lekët, kisha gati 1500 euro, më rrahu mirë e mirë dhe më la në një cep shinash. Nuk e dija rrugën.

Ardit Gjebrea: Po ky nuk të mbronte?

Ivana: Jo, ai thjesht merrte paratë e tij, i interesonin paratë. Bënte sikur më mbronte, vinte vërdallë me makinë që të na ruante nga policia, por në situata të tilla jo.

Shkëputja nga ajo jetë erdhi ditën që iu dorëzua policisë. Ivana nuk tregoi kush ishte personi që ia kishte siguruar dokumentet dhe më pas erdhi lajmi se do të dënohej me tre vite burg.

Ardit Gjebrea: Si arrite të shkëputeshe, të shpëtoje? Ti sot nuk je më me të apo jo?

Ivana: Jo, nuk jam. Ishte momenti kur unë u dorëzova te policia. Më kapën, më mbajtën tre muaj në kamp. S’kisha kush të më sillte për të ngrënë, as për të pirë. Në Itali më mbajtën tre muaj, nga Italia më sollën në Rinas. Më thoshin trego kush t’i ka bërë letrat false.

Ardit Gjebrea: I tregove?

Ivana: Jo, nuk i tregova. Kisha frikë të tregoja se kisha djalin te shtëpia e tij. Më marrin e më dënojnë tre vjet e tre muaj burg.

Ky ishte momenti kur Ivana mësoi se ishte shtatzënë për herë të dytë, me një vajzë./ tvklan

Romë, 29 Qershor 2025 – Evropa Jugore po përjeton një valë ekstreme të të nxehtit, me temperatura që kanë kaluar 40 gradë Celsius në disa vende, duke detyruar autoritetet të shpallin alarme të kuqe dhe të ndërmarrin masa emergjente.

Në Itali, Ministria e Shëndetësisë ka vendosur në alarm të kuq 17 qytete kryesore, përfshirë Romën, Milanon dhe Napolin. Rajone si Lazio, Toskana, Kalabria, Puglia dhe Umbria po shqyrtojnë ndalimin e punëve në natyrë gjatë orëve më të nxehta të ditës për të mbrojtur punëtorët dhe popullsinë.

Në Spanjë, agjencia meteorologjike AEMET ka paralajmëruar se muaji qershor është në rrugën për t’u bërë më i nxehti i regjistruar ndonjëherë, me temperatura që në qytete si Sevilja pritet të arrijnë 42°C. Autoritetet shëndetësore këshillojnë shmangien e aktiviteteve të lodhshme, qëndrimin në ambiente të freskëta dhe konsumimin e lëngjeve—veçanërisht për të moshuarit dhe fëmijët e vegjël.

Edhe Greqia dhe Portugalia po përballen me temperatura të larta, teksa banorët dhe turistët kërkojnë mënyra për t’u mbrojtur nga i nxehti ekstrem.

Sipas ekspertëve, valët e nxehtësisë gjithnjë e më të shpeshta dhe më intensive janë një pasojë direkte e ndryshimeve klimatike, që po vënë në rrezik infrastrukturën, shëndetin publik dhe gatishmërinë emergjente në rajon.

Rreziku për shpërthimin e zjarreve është gjithashtu i lartë, për shkak të kushteve të thata dhe erërave të forta, duke bërë që autoritetet të mbeten në gatishmëri të plotë për ditët në vijim.

Shënim: Disa imazhe gjenden nga interneti, që konsiderohen të jenë në domenin publik. Nëse dikush pretendon pronësinë, ne do të citojmë autorin, ose, sipas kërkesës, do të heqim menjëherë imazhin

E ndërsa kokat e grupit Hellbanianz nga Barking në Lindje të Londrës janë zhvendosur në Dubai, ushtarët e tyre përfundojnë në burgjet angleze. Më i fundit i dënuar me burg përjetë për vrasje është 31 vjeçari Sabajet Shuti i njohur me pseudonimin Skilla.

Top Channel raporton se pas anëtarëve me pseudonimet Zeero, Pato dhe Guçi, Skilla, Sabajet Shuti nga Fajza e Kukësit është më i fundit nga Hellbaniaz që dënohet për vrasje.Shuti u shpallur fajtor për vrasjen e 27-vjeçarit Lumturi Zeqja. Vëllai i Shutit, Emirlion Shuti 30 vjeç u shpall fajtor për përleshje. Ai mori një dënim prej 20 muajsh, me kusht për dy vjet..Edhe Emirlion Shuti është pjesë e Hellbanianz i njohur me pseudonimin “One Mili HB”.

Ndërkohë që këtë proces gjyqësor e zhvilloi në gjendje të lirë Emirlion Shuti u bë viral në TikTok pas përplasjes të fortë me fyerje me ish anëtarin tjetër të Hellbanianz Fabiol Kucin i njohur me pseudonimin Guci.

Në vend që të thotë Barking ai thotë Parkingu dhe kjo batutë e “One Mili HB” u shumë fishua në TikTok. Sabajet Shuti nisi sulmin e tij fatal mbrëmjen e 16 tetorit 2022 në Church Lane, Leytonstone pas një përplasje me një grup tjetër shqiptarësh. Gjatë grindjes që pasoi, Sabajet Shuti nxori një thikë dhe e goditi dy herë Lumturin, dhe një herë mikun e tij.

Të dy vëllezërit Shuti ikën nga vendi i ngjarjes duke e lënë Lumturin të rrëzuar dhe të vdekur në trotuar. Një ditë pas vrasjes, Sabajet Shuti bëri plane për t’u larguar nga Mbretëria e Bashkuar. Ai ndryshoi pamjen e tij duke rruar mjekrën dhe më pas udhëtoi për në Folkestone përpara se të kalonte Kanalin në Francë.

Një vit pas sulmit, më 3 tetor 2023, Sabajet Shuti u arrestua në Suedi dhe u ekstradua në Britaninë e Madhe.

E mbetur pa baba, vetëm me nënën e vëllanë, në kushte varfërie që e përballnin me bullizimin, Elsa dëshironte vetëm pak shpresë për një jetë më të mirë. Mundësia erdhi, fondacioni “Fundjavë Ndryshe” bëri çmos që familja nga Delvina të gjente pak qetësi në Fier, në një shtëpi të re.

Në një moment kur gjithçka dukej se po ndrinte, një sëmundje e papritur në periudhën e pandemisë, pas një beteje të ashpër shtatëditore, shoi jetën e vogëlushes. Arbër Hajdari i ndan të gjitha këto në rubrikën “E Diela Ndryshe”, ndërsa bashkë me moderatorin e së “Dielës Shqiptare”, udhëtojnë drejt Korçës për misionin e fundit.

Arbër Hajdari: Në periudhën e pandemisë më vjen një telefonatë nga nëna e Elsës dhe më thotë që Elsa është në spital në Tiranë, në gjendje të rëndë.

Ardit Gjebrea: Po çfarë kishte?

Arbër Hajdari: Kishte një sëmundje shumë të keqe ku mjekët u detyruan të bënin disa analiza të shpejta jashtë vendit për shkak të specifikimit të sëmundjes dhe ishte një sëmundje e agravuar tashmë. Jam gjendur në spital sapo kam marrë informacion nga nëna e vet, mos të harrojmë që në ato kohë Tirana ishte gati e izoluar për shkak të pandemisë, sapo kishte nisur izolimi nga pandemia sepse askush nuk dinte çfarë ishte kjo lloj sëmundjeje. Elsa luftoi për jetën gati shtatë ditë.

Ardit Gjebrea: Kaq shpejt?

Arbër Hajdari: Kaq shpejt. Pas shtatë ditësh, Elsa ndërroi jetë, me të gjithë mënyrat që mjekët u munduan ta shpëtonin. I gjendur para kësaj tragjedie që i ndodhi familjes dhe që ne ishim pjesë, jam mbyllur në shtëpi menjëherë që atë ditë dhe nuk doja që të më shikonin anëtarët e familjes sime në gjendjen e rënduar psikologjise që isha. Isha sepse ishim të lidhur me të, ishte një fëmijë që sapo e kishte nisur jetën, një fëmijë që sapo i buzëqeshi…

Humbja e Elsës la një shenjë dhe dhimbje të fortë te themeluesi i fondacionit “Fundjavë Ndryshe”. vetëm ai dhe nëna e saj e shoqëruan Elsën drejt banesës së fundit. Pas funeralit, Arbër Hajdari u mbyll në shtëpi për ditë me radhë dhe në kokë i vërtitej veç një mendim: të largohej nga fondacioni.

Me ndihmën e njerëzve pranë tij, gjeti forcën për t’u rikthyer dhe për t’u përballur me sfidën e radhës, largimin e katër bashkëpunëtorëve të afërt. Ndërkohë, Elsa e ka lënë gjurmën e saj. Dëshira e asaj vogëlusheje për dije ka frymëzuar një bursë me emrin e saj që i vendoset një kauze.

Arbër Hajdari: Kam qenë vetëm unë dhe nëna e saj në ditën e funeralit sepse nuk lejohej të shkonte askush, ishte pandemia.

Ardit Gjebrea: E paske përcjellë vetëm ti dhe e ëma?

Arbër Hajdari: Vetëm unë me të ëmën. Mund të ketë qenë një nga momentet më të vështira të miat sepse një javë më parë e kisha në krahë dhe një javë më vonë gjendesha në varrezat e Fierit me nënën e saj duke e përcjellë për herë të fundit. Një moment shumë i rënduar për mua dhe sigurisht për nënën e vet dhe të vëllanë që kishin humbur njeriun e tyre më të shtrenjtë. Kthehem në Tiranë dhe vendos që ta braktis “Fundjavën Ndryshe”.Vendos që ta braktis, të shkëputem sepse e ndieja veten jo më të fortë emocionalisht për të përballuar ngarkesa të tilla, aq më tepër kur ne trajtojmë raste shumë të vështira dhe probabiliteti për të ndodhur sërish ishte i lartë. Kam kaluar gati 15 ditë pa dalë nga shtëpia, rrija vetëm në shtëpi, kisha shkëputur komunikimin me njerëzit.

Ardit Gjebrea: Me gjithë botën.

Arbër Hajdari: Me gjithë botën dhe kam qenë në një fazë të gjatë meditimi për të kaluar atë boshllëkun e madh… më dukej sikur më ishte vrarë shpirti dhe kishte përpjekje të vazhdueshme nga stafi, nga anëtarë, nga bashkëshortja ime për të thënë që ju keni bërë ç’ishte e mundur për Elsën dhe ndërkohë po bëheni ju arsyeja që shumë fëmijë të tjerë po shpëtojnë. Filluan të më trajtojnë me disa terapi meditimi që të rizgjohesha dhe të rikthehesha sërish te “Fundjavë Ndryshe” më i fortë, ndërkohë që katër anëtarë të tjerë të stafit të “Fundjavë Ndryshe” e lanë “Fundjavën” që atë ditë.

Ardit Gjebrea: Vërtet?

Arbër Hajdari: Po, dhe unë rikthehem dhe gjendem për të drejtuar “Fundjavën” në mungesë të katër aleatëve kryesorë që kisha në punë dhe m’u desh të ribëj sërish ekipin e “Fundjavës”, kryesorin. Nga ai moment, ne kemi filluar vit pas viti dhe kemi bërë një bursë që e kemi quajtur bursa Elsa. E kemi dedikuar kështu sepse ajo ishte një vajzë që e dëshironte shumë shkollën dhe këtë bursë e japim vit për vit, një bursë të plotë për një student/e që në mungesë të kushteve ekonomike lë shkollën apo nuk realizon dot atë ëndrrën që ka.

Futbollisti i Kombëtares Shqiptare, Armando Broja, po shijon pushimet verore në Miami, dhe së fundmi ka ndarë me ndjekësit e tij në Instagram disa foto të ëmbla me partneren.

Në imazhet e publikuara, çifti shfaqet i buzëqeshur dhe i relaksuar buzë detit, ndërsa duken se po kalojnë momente të qeta larg zhurmës së jetës së përditshme dhe fushës së futbollit. Partnerja, e cila quhet Sindi, zbulohet se ka origjinë shqiptare nga Përmeti dhe jeton në SHBA prej vitesh.

Broja e zbuloi lidhjen e tij që në shkurt të këtij viti, ku postoi një story përkrah partneres, në një dhomë të mbushur e trëndafila dhe tullumbace të kuqe.

Ndryshe nga herët e mëparshme, këtë herë futbollisti është treguar më i hapur me publikun, duke ndarë pamje të qarta nga koha që kalon me të dashurën e tij, ndonëse nuk ka bërë ndonjë deklaratë romantike në mbishkrimin e fotove.

Megjithatë, siç thotë dhe një fjalë e urtë “një emoji flet më shumë se një mijë fjalë”:

Para se të konfirmonte lidhjen me Sindin, Broja u përfol për një romancë me influenceren angleze Jade Alyssa Wills, një lidhje që megjithëse nuk u bë asnjëherë zyrtare nga vetë futbollisti, tërhoqi vëmendjen e mediave britanike dhe shqiptare për disa muaj.

Ata u shfaqën bashkë në disa dalje publike dhe ndjekësit vunë re ndërveprime të shumta mes tyre në rrjete sociale. Megjithatë, lidhja përfundoi pa shumë bujë dhe Broja vendosi ta mbajë jetën private larg syrit të publikut, derisa publikoi foton me Sindin në fillim të këtij viti.

Deputeti britanik Nigel Farage ka vijuar polemikat në distancë me kryeministrin Edi Rama.

Në një postim të ri në Twitter, ai e etiketon Ramën duke shkruar se në Mbretërinë e Bashkuar jetojnë 53,000 qytetarë shqiptarë, nga të cilët 1,099 ndodhen në burgje.

Farage thekson se kjo do të thotë se 1 në 48 shqiptarë është i burgosur dhe premton se do t’i kërkojë Sekretarit të Brendshëm të organizojë rikthimin e të gjithë këtyre të burgosurve në Shqipëri.

Në fund ai shkruan: “Faleminderit për bashkëpunimin tuaj.”

“Në Mbretërinë e Bashkuar ka 53,000 qytetarë shqiptarë dhe 1,099 prej tyre janë në burgjet tona. Në fakt, kjo është 1 në 48. Do t’i kërkoj Sekretarit të Brendshëm të organizojë që të gjithë këta të burgosur t’ju kthehen. Faleminderit për bashkëpunimin tuaj”, shkruan Nigel Farage .

Kujtojmë që kryeministri Edi Rama kishte kundërshtuar deklaratat e mëparshme të deputetit britanik Nigel Farage, i cili ishte shprehur se shqiptarët në Britaninë e Madhe janë aktorë kryesorë në kriminalitet, duke pretenduar se 1 në 50 shqiptarë në territorin britanik ndodhet në burg.

Rama e sfidoi deputetin britanik për një përballje me shifra reale, duke theksuar se pretendimi i Farage është i tejfryrë. Ai u zotua se, nëse rezulton e vërtetë që “1 në 50 shqiptarë” në Britaninë e Madhe është i burgosur, atëherë do të marrë të gjithë ata në Shqipëri.

Kryeministri e sfidoi Farage-n duke thënë se, nëse deklaratat e tij nuk rezultojnë të vërteta, ai do ta mirëpriste në Shqipëri.

“Dhe gjithçka që do t’ju kërkoj në këmbim është një zotim i vogël, i thjeshtë: që herën tjetër, kur dikush të përgojojë shqiptarët, të jeni ju i pari që t’i thoni të ndalet”, shtoi Rama.

Ish fituesi i ‘Big Brother VIP Albania’ Gjesti mbrëmjen e kaluar ishte i pranishëm tek një koncert në Gjermani.

Nuk ishte vetëm performance e tij që ka rrëmbyer vëmendjen e mijëra ndjekësve, por ai në një moment teksa këndon,ka deklaruar që është i martuar, shkruan “Kosovarja”.

Teksa ishte në skenë dhe po këndonte, Gjesti është ndalur për një moment dhe ka thënë “Çka po ju dukem unë juve, more vëlla? Unë jam i martuar!”

Kjo deklaratë ka ngjallur menjëherë reagime në rrjetet sociale, ku ndjekësit kanë komentuar se ai ndoshta po i referohej dasmës simbolike që bëri me Eglin gjatë qëndrimit në shtëpinë e ‘Big Brother’.

Gjyshja ime katolike, Zoti e pastë mëshiruar, më kujtonte shpesh një proverbë latine: Errare humanum est, sed perseverare diabolicum. Që në përkthim të lirë do të thotë: Të gabosh është njerëzore, por të këmbëngulësh në gabim është djallëzore.

Prandaj, në vend që të shqetësosh ministren e Brendshme, e cila është tashmë e zënë, ndoshta më mirë do të ishte të më thuash se kur mund të të mirëpres në Tiranë, si i ftuari im i nderit. Sepse, i dashur Nigel, shifrat qartazi nuk janë pika jote e fortë, ndaj le të jemi të qartë – TI KE HUMBUR.

“Aktualiteti” yt për shqiptarët në Britani është veçanërisht qesharak. Ti pretendon se janë 53.000. Në realitet, numri është shumë më i lartë – shumëfish i asaj që thua. Por le të qëndrojmë tek burimi yt: The Telegraph, që ishte i pari që përhapi teorinë “një në 50”, dhe që më pas e pranoi vetë:

“Analiza ka të ngjarë të ketë nënvlerësuar madhësinë e popullsisë shqiptare, pasi nuk merr parasysh emigrantët e paligjshëm, përfshirë më shumë se 12.000 që kanë mbërritur me varka të vogla në vitin 2022. Disa vlerësime sugjerojnë se numri real i shqiptarëve mund të jetë deri në 140.000 – çka do të thotë se më pak se një në 100 ndodhet në burg.”

Sa për shifrën e të burgosurve, ja një pyetje më e rëndësishme: sa prej tyre janë dënuar për vepra që nuk kanë të bëjnë fare me sistemin tuaj të vjetruar të emigracionit dhe vizave?

Po, numrat mund të jenë të mërzitshëm – por janë edhe kokëfortë. Dhe kur dikush i gabon vazhdimisht, pyetja e vërtetë është: Pse këmbëngul? Sepse, me sinqeritet, të jesh djallëzor duket poshtë edhe stilit tënd të zakonshëm.

Shqiptarët në Britani nuk janë një statistikë që mund të përdoret si dekor për teatrin politik pas-Brexit. Ata janë studentë, akademikë, ndërtues, shoferë, sipërmarrës dhe partnerë. Dhe nëse një në një mijë gabon, kjo nuk e kthen shumicën në kokë turku për konfuzionin tuaj kombëtar.

Ne kemi qëndruar krah për krah me qeverinë britanike në uljen drastike të emigracionit të paligjshëm dhe në luftën kundër krimit. Këtë e tregojnë shifrat reale – dhe kjo quhet bashkëpunim. Por “një në 50 shqiptarë në burgjet britanike”? Kjo nuk është fakt – kjo quhet iluzion pas-Brexit. Jam duke pritur me kënaqësi të të pres në Shqipëri, siç të kam premtuar – për shumë diell, mikpritje të ngrohtë dhe fakte të vërteta.