Month: June 2025

“Përshëndetje nga Gaza. Jemi vendosur në çadër, pasi shtëpia jonë është në një vend shumë të rrezikshëm”, kështu e nis rrëfimin në shqip, palestinezi Abdullah Jabir, i cili bashkë me familjen e tij, gruan dhe djalin, jetojnë në atë që konsiderohet sot  “ferri mbi tokë”.

“Kam jetuar në Shqipëri nga viti 1994. Jam i martuar me Albinën, nusen time të dashur nga Korça. Kam djalin tim Jakubin, ndërsa djalin tjetër e kemi humbur nga kjo luftë, Ibrahim, ndërsa djali i madh, Ahmedi, është në Tiranë”, thotë ai, teksa zbulon se Ahmedi edhe është martuar para gjashtë muajsh.

Abdullah zbulon në një rrëfim për “Off the Record” në A2 CNN, pse ka zgjedhur të jetojë këtu, pavarësisht se ka humbur një djalë.

“Jemi palestinezë, prindërit e mi janë këtu. Kemi shtëpinë këtu në Gaza dhe po vazhdon jeta. Ndodhi lufta dhe ne këtu na ndihmoi shumë ambasada shqiptare në Egjipt. I kam lumtur nusen me Ibrahimin dhe Jakubin për të ikur, sepse unë nuk lë dot mamanë dhe motrën me gjithë familjen, që janë këtu, por prapë nusja tha, Abdullah unë kurrë nuk të lë. Jemi vendosur në Gaza”.

Nuk preferon të flasë shumë për atë që po bën ushtria izraelite në Gaza. “Ju i shikoni vetë”, thotë ai. Teksa flet, në sfond dëgjohen bombardimet e ushtrisë izraelite. “Janë bombat e izraelitëve sipër popullit të Gazës. Por nuk do të flas për atë, ju i shihni vetë. Do flas për vështirësitë e popullit të Gazës. 2,2 milionë persona sot nuk gjejnë bukë. Jetojmë një herë me bukë, një herë pa bukë. Por edhe ky, për zotin, nuk është problem. Nuk gjejmë ujë, duhen gati një orë për të mbushur bidonin. Jeta është tmerr. Telefonin që po filmojmë, ecim gati gjysmë ore që të gjejmë një pikë për ta karikuar”.

Pavarësisht asaj që po përjeton familje e tij, Abdullah thotë se nga kjo luftë, anëtarët e familjes janë më afër njëri-tjetrit. Vërtet kohë e vështirë, por e ka bërë familjen prej hekuri. Dashuri, kujdes për njëri-tjetrin”.

Jabir tregon se në zonën e Gazës ku ai jeton, palestinezët duan të mësojnë shqip dhe kanë fituar respekt të veçantë për Shqipërinë.

“Albina përfaqëson Shqipërinë brenda Gazës. Në çdo vend ku ajo shkon dhe marrin vesh që është shqiptare dhe ka mundësi të largohet nga ky siklet dhe nuk largohet, sepse ka mundësi të rrijë afër burrit dhe familjes, nuk e dini çfarë respekti kanë. Sa njerëz e duan Shqipërinë në Gaza, nga Albina. Kanë filluar mësojnë gjuhën shqipe, për zotin, nga Albina. Jakubi që vesh bluzën me flamur shqiptar dhe del për qejf, thotë jam palestinez shqiptar”, tregon ai.

Corriere della Sera’ shkruan se agresioni i Vladimir Putinit ndaj Ukrainës dhe kërcënimet ndaj Perëndimit ka zgjuar Gjermaninë nga pacifizmi i saj historik.

Vendimet e Berlinit për të furnizuar armë Ukrainës dhe për të lejuar përdorimin e tyre brenda territorit rus tregojnë një kthesë strategjike të rëndësishme.

Sipas artikullit, rikthimi i Gjermanisë si fuqi ushtarake përbën një rrezik real për Rusinë, pasi Berlini ka kapacitet financiar dhe teknologjik shumë më të madh. Në të njëjtën kohë, veprimet e Putinit dhe dobësimi i angazhimit amerikan po shtyjnë Evropën dhe Azinë drejt një riorganizimi të mbrojtjes, ku Japonia dhe Koreja e Jugut mund të ndjekin të njëjtin drejtim. Kështu, Rusia mund të përballet në të ardhmen me pasoja që i ka nxitur vetë.

Pjesë nga shkrimi i “Corriere della Sera”:

Reagimi i ashpër i Vladimir Putinit ndaj vendimeve të fundit të Gjermanisë – për të furnizuar me shumë armë Ukrainën dhe për të lejuar përdorimin e tyre thellë brenda territorit rus – zbulon një pikë të dobët të udhëheqësit rus. Ai ndoshta po e kupton tashmë pasojën më të madhe të sjelljes së tij agresive.

Me pushtimin e Ukrainës, Putini e detyroi Suedinë dhe Finlandën, dy shtete tradicionalisht neutrale, të bashkohen me NATO-n. Tani, duke refuzuar edhe ndërhyrjen e Donald Trump, ai ka përshpejtuar procesin e riarmatosjes së Gjermanisë – një shtet që për afro tetë dekada ishte pacifist dhe disi i çarmatosur.

Rikthimi i Gjermanisë në skenën ushtarake mund të jetë goditje e madhe për Moskën. Historikisht, Gjermania ka qenë një nga kërcënimet më të mëdha për sigurinë e Rusisë. Të zgjosh këtë “gjigant të fjetur” mund të jetë një nga gabimet më të mëdha strategjike të Putinit.

Sipas vëzhgimit klasik të sekretarit të parë të NATO-s, Lord Ismay, qëllimi i Aleancës ishte: “Të mbajë amerikanët brenda (në Evropë), rusët jashtë dhe gjermanët poshtë.” Kjo logjikë e pas Luftës së Dytë Botërore e përshkruante qartë balancën e fuqisë dhe frikën nga një Gjermani e riarmatosur. NATO i siguronte të gjithëve që Amerika do të mbronte Evropën, pa pasur nevojë që Gjermania të ringrihej ushtarakisht.

Por tani, pas veprimeve të Putinit dhe dobësimit të përkushtimit amerikan, Gjermania ndjehet e pambrojtur dhe e detyruar të kujdeset vetë për sigurinë e saj. Kreu aktual i CDU-së, Friedrich Merz, nuk është militarist, por duhet të veprojë.

Edhe pse do të duhen vite për të rindërtuar forcat e armatosura gjermane dhe industrinë e saj të mbrojtjes, potenciali financiar dhe teknologjik i Gjermanisë është shumë më i madh se ai i Rusisë. Prandaj, një ditë, Putini mund të pendohet që e detyroi Berlinin të zgjohej nga letargjia e tij gjeopolitike.

I njëjti skenar po shfaqet edhe në Azi: nëse Amerika largohet nga rajoni, Japonia dhe Koreja e Jugut mund të ndihen të detyruara të riarmatosen, ndoshta edhe me armë bërthamore. Përpjekjet e Xi Jinping për të dobësuar praninë amerikane në Indo-Paqësor mund të prodhojnë të njëjtat pasoja të padëshiruara si veprimet e Putinit në Evropë.

Në thelb, dy liderët autoritarë, Putin dhe Xi, po nxisin një ringjallje të fuqive që për dekada kanë qëndruar të përmbajtura – Gjermania, Japonia – dhe një riorganizim të thellë të arkitekturës globale të sigurisë. Kjo mund të rezultojë në një kthim të fuqishëm të ekuilibrave të vjetër, me pasoja afatgjata që mund t’i kushtojnë shumë vetë Rusisë dhe Kinës.

Disa ditë më parë u publikua një video nga një takim zyrtar mes përfaqësuesve të Bashkimit Evropian dhe autoriteteve vendore shqiptare.

Nga ky takim, kryebashkiaku i Ersekës, Erion Isai, u bë objekt memesh në rrjet për shkak të anglishtes dhe përmendjes së çuditshme të Donald Trump-it gjatë diskutimeve për integrimin, klimën dhe ekonominë.

Në seksionin e komenteve në Instagram, një qytetar i zhgënjyer nga performanca e Isait reagoi me një koment të ashpër.

Por ajo që ndodhi më pas është krejtësisht e papranueshme dhe e pajustifikueshme: kryebashkiaku i ka shkruar qytetarit në mënyrë private në Instagram, duke e fyer rëndë me një fjalor rrugësh, aspak të denjë për një përfaqësues të një institucioni publik, shkruan joq.

Screenshoot i marre nga Joq

Fyerjet e rënda janë të dokumentuara me prova, pasi qytetari ka dërguar pamje të mesazheve në redaksinë tonë.

Përveç fyerjeve, Isai e ka ftuar qytetarin edhe në një përballje “tek e tek”, duke e kthyer debatin virtual në një sfidë personale, që më shumë i ngjan një sherri lagjeje sesa sjelljes së një zyrtari lokal.

Kuzhinieri-biznesmeni me origjinë turke, Nusret Gokçe ka publikuar një foto me kryeministrin Edi Rama.

Dyshja u bë bashkë me rastin e zhvillimit të finales së UEFA Champions League mbrëmjen e shkuar në Mynih të Gjermanisë.

Nusret ka publikuar foto me personalitete të shumtë nga mbrëmja teksa duket se për Ramën ka një etiketim paksa më të veçantë.

“Më shumë se një mret”, shkruan Nusret krahas fotos me Ramën duke i shtuar dhe një kurorë, një simbol në emoji “për mos marrje më sysh” dhe dy zemra të kuqe.

Nusret Gökçe, i njohur më mirë si Salt Bae, është një shef kuzhine dhe pronar restorantesh. Teknika e Gökçe për përgatitjen dhe spërkatjen e mishit u bë një meme në internet në janar 2017. Ai themeloi Nusr-Et, një zinxhir restorantesh luksoze për biftek.

Që nga viti 2021, Nusr-Et ka degë në Turqi, Greqi, Shtetet e Bashkuara, Mbretërinë e Bashkuar, Emiratet e Bashkuara Arabe, Katar dhe Arabinë Saudite. Emri i zinxhirit të restoranteve vjen nga emri i tij dhe et, që do të thotë “mish” në turqisht.

Dy turistë anglezë pranë “Shkëmbit të Kavajës” morën me qira mjetin lundrues Jet Ski, të cilin e pronetuan për disa orë.

Pasi u pajisen me jelek shpëtimi, ata kaluan në hapësirën e dedikuar për mjetet lundruese dhe nuk u kthyen deri sa u konstatuan nga policia kufitare.

Tv Klan ka publikuar pamjet e ngjarjes së ndodhur paraditen e të dielës.

https://streamable.com/e/l05dx1?quality=highest

Siç duket në këtë video, dy turistët anglezë presin të nisen me Jet Ski.

Pasi ndihmohen nga punonjësi i pikës së dhënies me qira të mjeteve, ata nisën në orën 09:41.

Gjatë kësaj kohe miqtë e tyre, i filmojnë me telefon, për të dokumentuar xhiron e tyre në det.

Teksa dy turistët anglezë lundrojnë në det, dy efektivë të policisë kufitare paraqiten pranë biznesit për të kontrolluar dokumentacionin.

Tetë minuta pasi nisën nga bregu i detit, viktima Sylvester Obeng, i cili ishte drejtuesi i mjetit kreu një manovër me shpejtësi e për pasojë humbi kontrollin e mjetit duke përfunduar poshtë tij, ndërsa partnerja e tij në det të hapur.

Kjo skenë siç duket në pamje pikaset nga miku i tyre në breg të detit i cili lajmëron pronarin e biznesit dhe efektivët e policisë.

Këta të fundit lajmërojnë në radio patrullën që ndodhej në det duke kryer kontrolle.

Mjeti lundrues i policisë kufitare niset me shpejtësi, por arrin 1 minutë më vonë pranë dy turistëve anglezë. Ata përpiqen tu japin ndihmën e shpejtë, por 34-vjeçari nuk ia doli të mbijetojë. E gjithë dinamika e aksidentit, u deklarua në polici nga partnerja e viktimës e cila i tha bluve se morën me qira mjetin dhe nuk iu kërkua as patentë dhe as iu dha skafandër.

Por mungesa e patentës dhe kokores për policinë janë shkelje të rregullave të mbrojtjes në punë nga pronari i biznesit, 56-vjeçari Luiz Xhumari, i cili këtë të hënë u vu në pranga.

Sipas bluve të Durrësit, ai u ka dhënë me qira Jet Ski-në dy turistëve pa i pajisur ata me skafandër mbrojtëse, por vetëm me jelek shpëtimi.

Gjithashtu nga ana policisë është pezulluar dhe aktiviteti i subjektit. Për sqarimin e plotë të ngjarjes policia po kryen verifikime edhe ndaj dy shtetasve anglezë, për të parë nëse kanë qenë nën efektin e alkoolit ndonëse deri më tani nuk ka të dhëna të tilla./Tv Klan

Një 39-vjeçar nga fshati Kaninë është arrestuar mbrëmjen e së shtunës në Vlorë, pasi kundërshtoi me dhunë punonjësit e policisë.

Ngjarja ndodhi rreth orës 21:00, në lagjen “Hajro Çakërri”, ku i arrestuari kishte parkuar makinën në mënyrë të gabuar, duke bllokuar rrugën për mjetet dhe kalimtarët. Pasi iu kërkua të largohej dhe u njoftua për gjobën, ai reagoi me dhunë ndaj efektivëve të policisë që ndodheshin në vendngjarje.

Pas incidentit, ai u shoqërua dhe u arrestua. Ndaj tij do të hetohet për kundërshtim të forcave të rendit.

Materialet procedurale i kaluan Prokurorisë pranë Gjykatës së Shkallës së Parë të Juridiksionit të Përgjithshëm Vlorë, për veprime të mëtejshme, për veprën penale “Kundërshtimi i punonjësit të policisë së rendit publik.”

“Strukturat e Komisariatit të Policisë Vlorë, në bashkëpunim me oficerin e Policisë Gjyqësore në Prokurorinë e Rrethit Gjyqësor Vlorë, arrestuan në flagrancë shtetasin N. A., 39 vjeç, banues në fshatin Kaninë, Vlorë.

Ky shtetas, më datë 01.06.2025, rreth orës 21:00, në lagjen “Hajro Çakërri”, ka ndaluar dhe parkuar automjetin në kundërshtim me rregullat e qarkullimit rrugor, duke penguar lëvizjen e lirë të mjeteve dhe përdoruesve të tjerë të rrugës, në shkelje të dispozitave të parashikuara në Kodin Rrugor. Pasi i është komunikuar masa administrative për shkeljen, ky shtetas ka kundërshtuar me dhunë punonjësit e patrullës së përgjithshme, gjatë ushtrimit të detyrës”, njofton policia.

Teksa tensionet në kufijtë lindorë të Evropës me Rusinë vazhdojnë të rriten, një analizë e përgatitur nga gazeta gjermane Frankfurter Allgemeine Zeitung nxjerr në pah realitetin e kapaciteteve ushtarake të vendeve të NATO-s në kontinent. Pavarësisht ambicieve politike, Europa përballet me sfida të mëdha në përgatitjen për një konflikt të mundshëm me Moskën.

Ushtria më e madhe në Evropë: Franca dhe Polonia në krye Franca ka aktualisht forcat më të mëdha të armatosura në BE dhe NATO-n evropiane, me 202.000 ushtarë aktivë. Pas saj qëndron Polonia me po aq trupa aktive, por me 300.000 rezervistë dhe objektivin për të arritur në 300.000 trupa aktive deri në vitin 2027. Gjermania ka rreth 182.000 trupa aktive dhe 62.000 rezervistë, ndërsa ambiciet e qeverisë Merz janë që ky numër të arrijë në 460.000 gjithsej deri në vitin 2031.

Italia ka 170.000 ushtarë aktivë, Mbretëria e Bashkuar 141.000, Greqia 132.000 dhe Spanja 122.000.

Kapacitetet tokësore: Greqia surprizon me më shumë tanke se Gjermania Në aspektin e blinduar, Greqia ka arsenalin më të madh të tankeve në Evropë (përjashtuar Turqinë), me mbi 1.300 tanke në dispozicion, përfshirë modele të avancuara Leopard 2. Polonia ndjek me 662 tanke, e ndjekur nga Gjermania me 300 Leopard 2, Spanja me 274, Britania me 213, Franca me 200 Leclerc, Finlanda me 200 Leopard dhe Italia me rreth 150 tanke Ariete.

Mbrojtja ajrore: Franca dhe Greqia në avantazh Forcat Ajrore Franceze janë më të fuqishmet në Evropë me 240 avionë luftarakë dhe 60 të tjerë në Marinë. Greqia vjen pas me 230 avionë, përfshirë Rafale dhe F-16. Gjermania ka 266 avionë, përfshirë 138 Eurofighter dhe 93 Tornado, ndërsa pritet të shtojë edhe F-35. Italia ka 92 Eurofighter dhe 26 F-35, ndërsa Mbretëria e Bashkuar mbetet në pozitë të katërt.

Mbrojtja detare: Franca dhe Italia në pozicion dominues Në aspektin detar, Franca mban pozitat udhëheqëse me një flotë të avancuar, e ndjekur nga Italia, Britania e Madhe dhe Greqia. Këto vende zotërojnë anije të fuqishme dhe në disa raste edhe nëndetëse bërthamore, që luajnë rol strategjik në mbrojtjen e kontinentit.

Konkluzioni Evropa zotëron një numër të konsiderueshëm ushtarësh dhe pajisjesh, por përballë një superfuqie si Rusia, sfida qëndron jo vetëm në numra, por në koordinim, teknologji dhe gatishmëri të menjëhershme. Ndërkohë që ambiciet politike për një forcim të mbrojtjes janë të qarta, zbatimi i tyre kërkon investime masive dhe kohë.

Partia e Lirisë ka kërkuar zyrtarisht rinumërimin e votave në Bashkinë Kavajë, ku Aleanca për Shqipërinë Madhështore (ASHM) siguroi një fitore me 2899 vota më shumë se Partia Socialiste.

Kërkesa është depozituar në Komisionin Qendror të Zgjedhjeve (KQZ) nga Sekretari i Përgjithshëm i PL-së, Tedi Blushi, i cili deklaroi:

“Të rinumërohen të gjithë fletët e votimit në Bashkinë Kavajë. Dyshime të arsyeshme për parregullsi gjatë procesit të numërimit të votave. Kërkesa jonë është në funksion të transparencës dhe legjitimitetit të rezultatit përfundimtar.”

Ndërkohë, disa kandidatë të ASHM-së në Tiranë kanë shprehur dyshime për manipulime në numërimin e votave dhe kanë dorëzuar kërkesa zyrtare pranë Komisionit të Ankimimeve dhe Sanksioneve (KAS) për rinumërim të votave preferenciale.

KAS, ku shumicën e përbëjnë përfaqësues të Partisë Demokratike, rrëzoi ankesat e katër kandidatëve të PD-së, duke argumentuar se Kodi Zgjedhor nuk e lejon kërkesën individuale të kandidatëve, përveçse përmes partisë.

Për këtë çështje, kryetari i PD-së, Sali Berisha, sqaroi se kandidatët kanë ndjekur një rrugë të këshilluar, por që duhet të veprojnë në përputhje me platformën e partisë dhe jo individualisht:

“Ata vepruan sipas ligjit, pasi Kodi Zgjedhor e ndalon që kandidatët të kërkojnë rinumërim individualisht. Nëse partia ka kërkuar paligjshmërinë e zgjedhjeve, kjo shqyrtohet e para dhe më pas paraqiten një nga një kërkesat e kandidatëve. Ka pasur vetëm një keqkuptim nga ana e tyre. Çdo kandidat që mendon se i duhet transparenca, do të mbështetet nga partia, por duhet të respektojë këtë platformë të përcaktuar.”

Berisha theksoi se përfaqësuesit e PD-së në KAS kanë zbatuar ligjin dhe nuk kanë votuar për një akt që ligjërisht është i pavlefshëm. Ai siguroi se kërkesat e kandidatëve do të paraqiten në mënyrë të organizuar dhe ligjore nga përfaqësuesit e partisë në KQZ.

Një grua që ishte klinikisht e vdekur për tetë minuta ka ndarë përvojën e saj të jashtëzakonshme, duke thënë se vdekja është thjesht një iluzion.

Brianna Lafferty, një banore 33-vjeçare e Colorados që jetonte me një çrregullim neurologjik, i njohur si mioklonus distonia, dikur arriti në një pikë ku trupi i saj “u dorëzua” dhe u shpall klinikisht e vdekur.

Ajo kujton se dëgjoi një zë që e pyeste nëse ishte gati, i ndjekur nga errësira e plotë. Shpirti i saj dukej sikur “fluturonte” mbi trupin e saj dhe hynte në një mbretëri të përjetshme, raporton Daily Star.

Brianna e përshkroi përvojën: “U ndava papritmas nga trupi im fizik. Nuk e pashë ose nuk e mbaja mend veten time njerëzore. Isha plotësisht e qetë, megjithatë ndihesha plotësisht e gjallë, e vetëdijshme dhe më shumë vetvetja se kurrë më parë.”

“Nuk kishte dhimbje, vetëm një ndjenjë të thellë paqeje dhe qartësie. Kjo shkëputje nga forma ime fizike më bëri të kuptoj se sa e përkohshme dhe e brishtë është përvoja jonë njerëzore. Ekziston një prani, ose inteligjencë, më e lartë se ne vetë që na udhëzon dhe na mbikëqyr me dashuri të pakushtëzuar.

“Çdo gjë ndodh menjëherë atje, sikur koha të mos ekzistonte, megjithatë kishte një rend të përsosur. Përjetova fillimin e gjithçkaje dhe mësova se universi ynë është i përbërë nga një grumbull numrash.

“Takova qenie të tjera që nuk jam i sigurt nëse ishin njerëz, por më ndienin të njohura. Kjo ndryshoi rrjedhën e jetës sime – ajo që kisha frikë se nuk kishte më pushtet mbi mua dhe ajo që ndiqja më parë nuk dukej më e rëndësishme. U ktheva me një ndjenjë misioni dhe nderimi të thellë si për jetën ashtu edhe për vdekjen.”

Takimi i Briannës e ka lënë atë me bindjen e thellë se “vetëdija mbetet gjallë” përtej vdekjes, duke pësuar thjesht një transformim në formë.

Ajo shtoi: “Mendimet e mia u manifestuan menjëherë në jetën e përtejme. Vura re se mendimet tona krijojnë një realitet atje – thjesht duhet kohë – gjë që është një bekim.

“Ne jemi në gjendje ta ndryshojmë negativitetin tonë në pozitivitet, duke e shndërruar këtë në realitet. Ndihem e fuqizuar dhe u besoj ngjarjeve të jetës, veçanërisht atyre të vështira.”

Duke reflektuar mbi udhëtimin e saj, ajo e kuptoi me një depërtim të qartë pse u përball me sëmundje dhe sfida të ndryshme. Ajo ka përqafuar një filozofi se gjithçka ndodh me të vërtetë për një arsye, duke zgjedhur të rrjedhë me jetën pa zemërim ose mërzitje kur përballet me vështirësi.

Përtej një ndryshimi të thellë mendor, Brianna është përballur edhe me sfidat e prekshme të rikuperimit fizik nga kjo përvojë e saj, duke përfshirë rimësimin e funksioneve themelore si ecja dhe të folurit.

Ajo zbuloi: “Kam pasur gjithashtu efekte anësore të qëndrueshme dhe dëmtime në gjëndrën time të hipofizës, për të cilën bëra një operacion eksperimental në tru për ta trajtuar – dhe deri më tani ka qe një sukses. Kam pak frikë se do të kem një tjetër përvojë pranë vdekjes, vetëm sepse rikuperimi është i vështirë.”

Teksa ishte pjesë e shtëpisë më të famshme në Shqipëri, “Big Brother VIP”, Loredana Brati, zbuloi se ishte e martuar me letra. Edhe pse ishte ndarë nga ish-partneri, ky i fundit nuk i kishte dhënë divorcin.

E mbrëmjen e djeshme ish-banorja e BBV zbuloi në “Goca dhe Gra” se është zyrtarisht beqare. Loredana tregoi se ka përfunduar martesa që kishte zgjatur disa vite, raport i krijuar për letrat italiane.

“Po, sapo jam divorcuar. Martesa ishte për letra, zgjati tre vjet dhe javën e kaluar i dhashë fund”, ka pohuar Loredana me sinqeritet.

Ndërkohë fansat e saj janë kuriozë që të dine se çfarë po ndodh me raportin e saj me këngëtarin, Jozefin Marku. Ata krijuan një histori dashurie brenda shtëpisë së BBV 4, e cila pati mjaft ulje dhe ngritje.

Por pas përfundimit të reality show-t, Loredana dhe Jozi nuk janë parë në shoqërinë e njëri-tjetrit dhe as nuk kanë komentuar rreth tyre. E të gjithë duan të dinë nëse janë bashkë apo jo?