Month: August 2026

Aksident me pasojë vdekje në aksin Korçë-Maliq, në afërsi të fshatit Vashtëmi.

Sipas informacioneve paraprake, një mjet tip “Audi” ka përplasur një mjet tjetër i cili ka dalë më pas nga rruga.Nga mjeti i përplasur ka pësuar vdekjen drejtuesi i mjetit. Ndërsa, kanë mbetur të plagosur edhe 3 persona të tjerë, njëri prej tyre po merr ndihmë në spitalin e Korçës dhe 2 vajza në spitalin e Pogradecit.

Policia ndodhet në vendngjarje për zbardhjen e rrethanave.

Dashi
Energjia juaj është në rritje dhe dita favorizon nisma të reja. Në punë mund të merrni një lajm pozitiv, ndërsa në dashuri sinqeriteti do të forcojë marrëdhëniet. Kujdes me shpenzimet impulsive.

Demi
Sot është një ditë e mirë për të mbyllur çështje të mbetura pezull. Durimi do t’ju ndihmojë të shmangni keqkuptimet me familjarët ose kolegët. Në mbrëmje gjeni kohë për pushim.

Binjakët
Komunikimi është pika juaj më e fortë. Takimet dhe bisedat mund të sjellin mundësi interesante profesionale. Në jetën sentimentale, një surprizë e këndshme mund t’ju ndryshojë humorin.

Gaforrja
Fokusi është te stabiliteti financiar dhe organizimi. Shmangni vendimet e nxituara dhe analizoni çdo ofertë që ju paraqitet. Një bisedë me një person të afërt do t’ju qartësojë mendimet.

Luani
Dielli ju favorizon dhe ju jep besim në vetvete. Është momenti për të treguar aftësitë tuaja dhe për të marrë drejtimin e një projekti. Në dashuri priten emocione pozitive.

Virgjëresha
Dita kërkon qetësi dhe planifikim. Mos u ngarkoni me detyra që nuk ju takojnë. Kujdesi për shëndetin dhe ritmin e përditshëm do të japë rezultate të mira.

Peshorja
Marrëdhëniet shoqërore janë në plan të parë. Një bashkëpunim i ri mund të hapë dyer të rëndësishme. Në aspektin sentimental, dëgjoni më shumë sesa flisni.

Akrepi
Ambicia ju shtyn drejt objektivave të rëndësishëm. Mund të merrni vlerësime për punën tuaj, por shmangni debatet me persona autoritarë. Në mbrëmje relaksohuni.

Shigjetari
Kureshtja dhe dëshira për të provuar diçka të re do ta bëjnë ditën dinamike. Mund të lindë një ide që ia vlen të zhvillohet. Në dashuri, spontaniteti do të sjellë buzëqeshje.

Bricjapi
Përqendrohuni te prioritetet dhe mos e shpërndani energjinë në shumë drejtime. Financat kërkojnë kujdes, ndërsa në familje mund të merrni mbështetje për një vendim të rëndësishëm.

Ujori
Partneritetet janë kyçe gjatë kësaj dite. Bashkëpunimi do të sjellë rezultate më të mira sesa veprimi i vetëm. Në jetën personale, tregohuni të hapur ndaj kompromisit.

Peshqit
Puna dhe përgjegjësitë kërkojnë organizim më të mirë. Mos lini pas dore pushimin, pasi lodhja mund të ndikojë në përqendrim. Një lajm pozitiv në fund të ditës do t’ju motivojë për planet e ardhshme.

Pas përfundimit të eksperiencës së saj si moderatore e Ferma VIP 3, Arbana Osmani duket se ka nisur punën për një projekt të ri, për të cilin ka zgjedhur të japë vetëm një sinjal të vogël në rrjetet sociale.

Moderatorja ndodhet aktualisht në Korenë e Jugut, nga ku ka ndarë me ndjekësit disa momente nga vizita e saj në Zonën e Çmilitarizuar (DMZ), kufirin mes Koresë së Jugut dhe Koresë së Veriut, duke rrëfyer disa prej historive më të veçanta që lidhen me një nga vendet më të militarizuara në botë.

Përmes disa postimeve në InstaStory, Arbana tregoi se turi në DMZ zgjati rreth shtatë orë, ndërsa vizitorët nuk lejoheshin të përdornin telefonat në pjesën më të madhe të itinerarit. Ajo ndau edhe informacione mbi familjet koreane që u ndanë pas luftës dhe programin televiziv të vitit 1983, i cili shërbeu për ribashkimin e shumë prej tyre.

Në një tjetër postim, moderatorja e cilësoi eksperiencën si të veçantë, sidomos për shqiptarët.

“Një eksperiencë unike sidomos për ne shqiptarët që kemi përjetuar izolimin, arratisjet dhe komunizmin. Absolute must nëse e vizitoni Korenë.”

Megjithatë, vëmendjen më të madhe e mori postimi i fundit. Arbana publikoi një fotografi pranë kufirit së bashku me bashkëshortin e saj, Eduart Grishaj, duke lënë të kuptohet se kjo vizitë nuk ka qenë vetëm një udhëtim.

“Ia dolem të bëjmë një selfie te kufiri dhe morëm frymëzimin për projektin e radhës :).”, shkroi ajo.

Ky mesazh ka nxitur menjëherë kureshtjen e ndjekësve, pasi lë të kuptohet se vizita në kufirin mes dy Koreve mund të ketë shërbyer si burim frymëzimi për një format të ri televiziv.

Ndonëse Arbana nuk ka dhënë detaje të tjera, postimi ka bërë që shumë të pyesin nëse moderatorja po përgatit një reality show krejtësisht ndryshe nga projektet që ka sjellë deri më tani.

Edhe pse “Big Brother VIP Albania 5” ka mbyllur rrugëtimin e tij, diskutimet për sezonin e ardhshëm kanë nisur prej kohësh.

Si çdo vit, në rrjetet sociale dhe mediat rozë kanë filluar të qarkullojnë emra personazhesh që mund të jenë pjesë e edicionit të gjashtë, ndonëse deri tani nuk ka asnjë konfirmim zyrtar nga Top Channel.

Pesë sezonet e para kanë sjellë në shtëpinë më të famshme në Shqipëri më shumë se 170 banorë, mes tyre këngëtarë, aktorë, moderatorë, gazetarë, sportistë, modele, influencerë dhe personazhe të njohur të rrjeteve sociale. Pas një numri kaq të madh pjesëmarrësish, pritshmëritë janë që produksioni të orientohet drejt emrave të rinj që nuk kanë qenë më parë pjesë e formatit.

Përvoja e viteve të fundit ka treguar se përzgjedhja nuk bazohet vetëm te fama apo numri i ndjekësve në rrjetet sociale. Shpesh janë zgjedhur personazhe që kanë aftësi komunikimi, krijojnë dinamika dhe përshtaten me ritmin e një reality show, pavarësisht profilit që kanë jashtë televizionit.

Bazuar në emrat që janë përfolur ndër vite, në profilet që i përshtaten formatit dhe në figurat që kanë tërhequr vëmendje në televizion apo rrjetet sociale, lista e kandidatëve të mundshëm për sezonin e gjashtë mund të përfshijë:

1. Visjan Ukcenaj, aktor dhe moderator, me eksperiencë në radio dhe spektakle televizive.

2. Young Zerka, i cili më herët ka pranuar se ka pasur diskutime për një pjesëmarrje të mundshme.

3. Robert Aliaj Dragot, një figurë publike me qëndrime të drejtpërdrejta, emri i të cilit është përmendur vazhdimisht për një hyrje të mundshme në format.

4. Sara Hoxha, influencuese me audiencë të konsiderueshme në rrjetet sociale.

5. Hilda Kërtalli, e cila është bërë e njohur përmes përmbajtjeve në TikTok dhe Instagram.

6. Renee Reffo, artiste dhe krijuese përmbajtjeje me profil të fortë në rrjetet sociale.

7. Meriton Rama, i njohur për videot humoristike që kanë marrë miliona shikime në TikTok.

8. Eugent Bushpepa, një nga emrat më të njohur të muzikës shqiptare, edhe pse angazhimet artistike mund ta bëjnë më të vështirë një pjesëmarrje.

9. Ina Pashollari, me eksperiencë në radio.

Natyrisht, kjo mbetet vetëm një listë me emra që përmbushin profilin e kërkuar nga formati dhe që janë përfolur në periudha të ndryshme.

Si çdo vit, produksioni ruan konfidencialitet të plotë deri në prezantimin zyrtar të kastit dhe nuk përjashtohet mundësia që një pjesë e banorëve të jenë emra që nuk janë përmendur më parë në media.

Prova të reja kanë dalë në dritë në rastin e vrasjes së shtetases britanike e cila u gjet e vdekur në një valixhe në Kypseli.
Sipas informacioneve telefoni celular i gruas luajti një rol vendimtar në hetim, të cilin, pas vrasjes së saj, 26-vjeçari filloi ta përdorte. Oficerët e policisë përcaktuan se të mërkurën në mëngjes telefoni ishte çaktivizuar, ndërsa ishte ende në përdorim, ndërsa sinjali i fundit që lëshoi ​​u zbulua në Arachova.

Nëpërmjet analizës së pamjeve filmike, hetuesit hartuan lëvizjet e përdoruesit të telefonit celular dhe përfunduan në një vend në një manastir në Kypseli, ku jetonin gra me ndjenja të forta fetare.

Atje, u gjet një grua, gjithashtu britanike, e cila ishte në një lidhje me të akuzuarin 26-vjeçar. Kur u pyet nga policia, ajo fillimisht pretendoi se ishte me partnerin e saj në Arachova. Megjithatë, siç zbuloi hetimi, i akuzuari e kishte kuptuar tashmë se autoritetet policore po e kërkonin.

Gruaja më pas u tha hetuesve se 26-vjeçari i kishte rrëfyer asaj se e kishte vrarë gruan britanike sepse viktima e saj fliste vazhdimisht për krishterimin dhe po përpiqej, sipas tij, ta ndikonte atë në aspektin fetar. Pas këtij zbulimi, 26-vjeçari u zhduk për një kohë të shkurtër,por më vonë u gjet nga autoritetet.

Pas arrestimit të tij, i akuzuari pretendoi se kishte hyrë në apartament dhe e kishte gjetur gruan britanike të vdekur. Më pas, siç tha ai, ai u frikësua dhe vendosi ta hiqte qafe trupin duke e futur në një valixhe në mënyrë që të mos përfshihej në çështje. Megjithatë, ai pranoi se i kishte hequr kartën bankare dhe kishte filluar të tërhiqte paratë.

Sa i përket mjekut ligjor që po merret me çështjen, ai vlerësoi se nga të gjitha provat në dosjen e çështjes dhe imazhi i trupit, është i dukshëm një akt kriminal me shkakun më të mundshëm të vdekjes asfiksinë ndërsa priten edhe rezultatet e analizave toksikologjike.

Kryeministri Edi Rama ka reaguar pas debateve të krijuara rreth reformës së propozuar territoriale dhe kundërshtimeve të ngritura nga disa përfaqësues vendorë dhe zëra brenda Partisë Socialiste.

Përmes një postimi në rrjetin social X, Rama ka ironizuar kritikët që e kanë paraqitur situatën si një krizë për mazhorancën, duke deklaruar se reagimet ndaj reformës janë pjesë normale e procesit të konsultimit publik.

“Vazhdon qarja e hallit të kalorësit se po i varen këmbët, së fundi edhe me një agjitim të madh nga vajtorët e vajtojcat, që tanimë po protestohet edhe ‘brenda PS’ dhe kjo qenka një shenjë tmerrsisht e keqe për ‘regjimin’”, shkruan Rama.

Ai shton se, përjashtuar disa raste që i cilëson të papërshtatshme, kundërshtimet janë të mirëpritura dhe pjesë e një procesi demokratik.

“Në fakt jo, përjashto aktin e turpshëm të djegies së teserave të PS në një rast, nga disa individë që as vetë s’kanë ditur tamam ç’kanë bërë apo ndonjë rast kur deputetë tanët kanë bërë ‘tribunin e vegjëlisë’ pa ditur tamam çfarë thonë, gjithçka tjetër është jo vetëm normale po edhe e mirëseardhur”, deklaron kryeministri.

Rama thekson se reforma ndodhet ende në fazën e konsultimit publik dhe se kjo periudhë është krijuar pikërisht për të dëgjuar mendimet e palëve të interesuara.

“Dokumenti i reformës së propozuar është pikërisht në fazën e vet të konsultimit publik ligjor prej 60 ditësh dhe kjo fazë do të thotë pikërisht, bujrum gjithkush të shprehet lirisht për propozimin”, shprehet ai.

Kryeministri i është referuar edhe reagimeve nga kryetarë bashkish dhe këshilla bashkiakë, duke argumentuar se ata kanë të drejtë të shprehin qëndrimet e tyre.

“Sipas ligjit kryetarët e bashkive e këshillat bashkiakë duhet të shprehen me shkrim për qëndrimet e tyre dhe është krejt e kuptueshme që ata që janë kundër të shprehen edhe me forma të tjera paqësore, për sa kohë nuk bllokojnë rrugë e nuk pengojnë të tjerët të bëjnë jetën e tyre, duke u futur vetë në konflikt me ligjin dhe me PS bashkë”, shkruan Rama.

Ai ka mohuar çdo pretendim për përplasje të brendshme apo kufizim të debatit brenda Partisë Socialiste.

“As në Shqipëri nuk ka regjim, as në PS nuk ka dhe nuk do të ketë asnjë vendim për të shkurajuar askënd që të shprehë opinionin e vet për këtë reformë, për të cilën sigurisht do të vendosë parlamenti”, deklaron Rama.

Sipas tij, deri në momentin e votimit në Kuvend, të gjitha palët do të kenë mundësi të japin mendimet e tyre.

“Por deri atëherë të gjithë do të dëgjohen, përfshirë edhe bashkitë që mund të duan të integrojnë tek vetja bashki më të vogla që në propozimin aktual mbeten siç janë”, shton kryeministri.

Në fund të reagimit të tij, Rama paralajmëron se gjatë 60 ditëve të konsultimit do të ketë më shumë diskutim mbi arsyet e reformës dhe kundërshton argumentet që lidhen me historinë apo traditën e zonave.

“Do të informohen shumë më tepër përgjatë këtyre 60 ditëve lidhur me arsyet logjike të propozimeve , ku nuk ka pasur si të merren parasysh reputacioni i zonës bashkiake që nga koha e antikitetit, numri i të rënëve në luftërat e 2000 viteve të fundit apo të tjera të dhëna e gojëdhëna të kësaj natyre, të cilat s’kanë qenë dhe s’mund të jenë farë argumenta në këtë debat”, përfundon Rama.

Një grua, e identifikuar si Sara, gjatë një interviste, ka rrëfyer historinë e trishtë të jetës së saj, që nis me përdhunimin që në moshën 13-vjeçare.

Ajo tregoi se është abuzuar seksualisht nga të njëjtët persona, për gati tetë vite.

“Ndodhte nëpër makina, hotele, ferra, ku të ishin… Shoqet e mia më shihnin shenjat, nuk e morën kurrë guximin të më pyesin apo të më thoshin a ke nevojë për ndihmë. Ata më thoshin po tregove gjë, do të të vrasim”.

Për shkak të kërcënimeve të vazhdueshme, Sara nuk e mori dot guximin të denonconte autorët.

“Kam tentuar të largohem, kur ata kryenin aktin makabër, unë i godisja dhe ofendoja. Por, mora guximin për të ikur 2 vite më vonë. Doja të nisja një jetë të re, por ishte e pamundur. Nuk i shkova dot deri në fund, nuk i denoncova dot. Frika më e madhe ishte se ata nuk vepronin vetëm”.

Nisi një jetë të re, por ra sërish viktimë e një përdhunimi, nga i cili mbeti shtatzënë.

“Më pas u abuzova prapë, solla në jetë një fëmijë. vendosa ta mbaja fëmijën. E denoncova dhe personi që abuzoi me mua, bëri vetëm dy vite burg. Po e rris e vetme fëmijën. Kushtet ekonomike nuk i kam, pa punë jam. Shpesh, fëmijës i mungojnë gjërat elementare”.

Me dhimbje, Sara tregon rastet kur bashkë me fëmijën flenë pa ngrënë.

Megjithatë, apeli i saj i vetëm është të ketë mbrojtje, pasi kërcënohet vazhdimisht nga abuzues dhe familjarë të tyre.

“Ka raste që flemë pa ngrënë. Kërkoj që shteti të më mbrojë mua dhe fëmijën tim nga këta persona. Kam që në korrik që marr mesazhe kërcënuese. Më ka thënë ‘e dimë shumë mirë ku ndodhesh, nëse i bën publike këto mesazhe, do të të çojmë në Holandë dhe do marrin 300 mijë euro. I kam çuar letrat në Prokurori dhe më ka sjellë letër për mosfillimin e çështjes, pasi për prokuroren këto nuk janë kërcënime”.

Trupi i një modeleje ruse, e cila ishte zhdukur gjatë pushimeve në Beograd, është gjetur i futur brenda një valixheje të hedhur në një kanal, duke tronditur opinionin publik në Serbi.

Viktima është identifikuar si Lyudmila Turkova, 28 vjeçe, nga Shën Petersburgu. Ajo kishte humbur kontaktet për gjashtë ditë pasi kishte dalë për të takuar disa miq në një klub nate në kryeqytetin serb.

Trupi i saj u zbulua në kanalin Vizelj, pasi banorë të zonës vunë re një objekt të dyshimtë në ujë dhe njoftuan policinë. Forcat e rendit përdorën një qen kërkimi, i cili ndihmoi në gjetjen e mbetjeve.

Policia serbe nuk ka bërë ende publike mënyrën se si është kryer vrasja, ndërsa trupi është dërguar në Institutin e Mjekësisë Ligjore për autopsi, e cila do të përcaktojë shkakun e vdekjes.

Autoritetet kanë arrestuar një shtetas turk, i identifikuar me inicialet K.E., i cili u ndalua në aeroportin Nikola Tesla të Beogradit teksa dyshohet se po përpiqej të largohej nga vendi.

Ministria e Brendshme e Serbisë bëri të ditur se një shtetas turk i lindur në vitin 2001 është ndaluar nën dyshimin për vrasjen e modeles. Hetuesit dyshojnë se krimi ka ndodhur në orët e para të 26 korrikut, në një apartament me qira në zonën Borça të Beogradit.

Lyudmila Turkova kishte udhëtuar në Serbi për një pushim dyjavor. Pas zhdukjes së saj më 25 korrik, familjarët ngritën alarmin pasi ajo kishte dërguar një mesazh të fundit rreth orës 23:00 dhe më pas nuk kishte dhënë më asnjë shenjë jete.

Një çështje që nisi me një operacion të përbashkët mes SPAK dhe Guardia di Finanza në Itali ka marrë një zhvillim të ri pas vendimit për heqjen e sekuestros mbi pasuritë me vlerë rreth 4 milionë euro në Verona.

Në korrik të vitit 2025, autoritetet shqiptare dhe italiane sekuestruan një ndërtesë në rrugën Murari Bra, me rreth 30 ambiente tregtare dhe zyra, si dhe një kompleks në Nogarole Rocca.

Sipas dyshimeve të ngritura nga autoritetet shqiptare, këto pasuri ishin blerë nga kompania Meral Srl, në pronësi të familjes Çela, me të ardhura që dyshohej se vinin nga aktivitete të paligjshme, përfshirë trafikun e kokainës.

Por më 4 gusht 2025, gjyqtarja e hetimeve paraprake në Verona, Paola Vacca, vendosi anulimin e masës së sekuestrimit dhe rikthimin e pasurive te pronarët.

Sipas vendimit të gjykatës, dokumentet e paraqitura nga mbrojtja tregonin se blerja e pasurive ishte kryer me të ardhura nga aktivitete të ligjshme. Po ashtu, mbrojtja argumentoi se anëtarët e familjes Çela nuk rezultonin të dënuar në procese që kishin përfunduar me vendim penal.

Pas heqjes së sekuestros, përfaqësuesi ligjor i kompanisë Meral Srl depozitoi një kallëzim për kallëzim të rremë ndaj ish-kreut të SPAK, Altin Dumani.

Prokuroria e Veronës kërkoi fillimisht mbylljen e çështjes, por gjyqtari Enrico Zuccon vendosi që të kryhen verifikime të mëtejshme.

Hetuesit italianë pritet të shqyrtojnë dokumentacionin e dërguar nga autoritetet shqiptare, si dhe nëse Tirana kishte dijeni për vendimet e mëparshme të arkivimit të hetimeve ndaj familjes Çela.

Mbrojtja e Dumanit ka kërkuar sërish arkivimin e çështjes, duke pretenduar se kallëzimi synon të ndikojë në rolin e tij në hetime të tjera.

Për momentin procedura vijon të jetë e hapur. Prokuroria italiane ka një afat dy muaj për përfundimin e verifikimeve, ndërsa më pas palët do të dalin sërish para gjyqtarit për vendimmarrje.

Biznesmeni Mohamed Alabbar, investitori i projektit të Marinës së Durrësit, ka pranuar dështimin me projektin miliarda euro në Shqipëri. Në një intervistë për mediat e huaja, themeluesi i kompanisë “Emaar” është shprehur se “në Shqipëri ndërtova shumë shpejt” dhe se kjo, sipas tij, “ishte gabim”. Më tej Alabbar ndalet edhe te një tjetër projekt i tij në bregdetin e Malit të Zi, të cilin gjithashtu e cilëson si një gabim. Sipas tij, vendimmarrja u ndikua nga këshillat e një juristi indian, çka, sipas biznesmenit, rezultoi një zgjedhje e gabuar. Kujtojmë se projekti “Durrës Yacht & Marina”, i prezantuar si një nga investimet më të mëdha strategjike në Shqipëri, me një vlerë prej 3.2 miliardë eurosh është përballur me probleme serioze gjatë zbatimit.

Dy nga godinat e ndërtuara në kantier në zonat e menaxhimit A02 dhe A04, të cilat ndodhen në fazën e sistemimeve të jashtme kanë pësuar ulje të konsiderueshme në strukturë. Sipas raportit topografik të Institutit të Ndërtimit, objekti 02 ka pësuar një ulje prej 28 centimetrash, ndërsa objekti 04 është fundosur me 18 centimetra. Sipas një denoncimi të publikuar më herët në media, problematika ka nisur që në fazat e para të ndërtimit, ku nuk janë vendosur pilotat e thella të domosdoshme për një terren ranor dhe të paqëndrueshëm pranë detit. Ky zhvillim vjen në një kohë kur projekti ka qenë nën kritika edhe për ecurinë e ngadaltë dhe modelin financiar. Edhe pse ishte premtuar ndërtimi i rreth 1680 apartamenteve në fazën e parë, deri më tani janë përfunduar vetëm tre godina, ndërsa investimet reale mbeten shumë larg shifrave të deklaruara fillimisht. Sipas të dhënave financiare, për vitet 2023–2024 janë shpenzuar rreth 41 milionë euro për punime, ndërkohë që vetë kompania ka investuar vetëm një pjesë të vogël të kapitalit nga fondet e saj, duke u mbështetur kryesisht në shitjen e apartamenteve në fazë projekti. Megjithatë, mbetet ende pa përgjigje pyetja thelbësore: kush mban përgjegjësi për këtë situatë-projektuesit, zbatuesit apo institucionet shtetërore që kanë mbështetur projektin?

Çfarë ka ndodhur?

Një dëshmi tronditëse nga brenda kantierit të projektit ‘Durrës Marina’ ngre alarmin për sigurinë e dy prej godinave të para të ndërtuara në këtë kompleks gjigant. Sipas një nënkontraktori të angazhuar në punimet e betonit, dy pallatet e para kanë pësuar ulje të konsiderueshme në tokë, duke arritur deri në 74 centimetra zhytje. Projekti i njohur ndryshe si kompleksi i Alabarit është prezantuar si një investim strategjik prej 3.2 miliardë eurosh në zonën e portit të Durrësit. Megjithatë, dëshmia e fundit hedh hije të forta dyshimi mbi cilësinë e ndërtimit dhe standardet e zbatuara. Sipas nënkontraktorit, problematika ka nisur që në fazat e para të ndërtimit, ku nuk janë vendosur pilotat e thella të domosdoshme për një terren ranor dhe të paqëndrueshëm pranë detit.

‘Terreni nuk e mban objektin. Është kënetë, rërë. Duhej bërë ndërtimi mbi pilota, por për të kursyer kostot, është ndjekur një procedurë e gabuar,’ shprehet ai. Pas shfaqjes së problemeve, në objekt janë konstatuar dëmtime serioze, përfshirë çarje të strukturës dhe thyerje të elementëve të vendosur si dyer dhe dritare. Aktualisht, sipas dëshmisë, po kryhen ndërhyrje përforcuese anësore me pilota, një zgjidhje që ekspertët e konsiderojnë të pamjaftueshme nëse nuk është aplikuar që në fillim. Nga ana tjetër, matjet e kryera në terren nga Piranjat, përmes teknologjisë së dronit, konfirmojnë një disnivel të konsiderueshëm mes godinave. Rezultatet tregojnë diferenca nga 70 centimetra de