Takimi mes presidentit Donald Trump dhe Volodymyr Zelenskyt u mbyll me anulimin e një konference të përbashkët për shtyp si dhe tërheqjen e projekt-marrëveshjeje mbi mineralet.
Pas përplasjes mes Trump dhe Zelenskyt në Zyrën Ovale, nuk mund të mungonte një reagim nga Elon Musk, i cilësuar si krahu i djathtë i Presidentit të SHBA-vë, Donald Trump.
Në reagimin e tij Musk thekson se Zelensky ka shkatërruar veten në sytë e amerikanëve.
”Zelensky e shkatërroi veten para syve të amerikanëve’’, deklaroi Musk.
Në takimin live për mediat kudo në borë, mes fjalëve të rënda dhe akuzave të njëpasnjëshme, Trump dhe Vance akuzuan administratën e mëparshme dhe presidentin Zelensky për mosmirënjohje, teksa i kujtuan se nuk është në kushte të favorshme për të bërë kërkesa të reja.
Presidenti ukrainas ndodhej në Uashington DC për të bindur homologun e tij amerikan që të ofrojë mbështetje për sigurinë kundër çdo agresioni të ardhshëm rus, në këmbim të një marrëveshjeje ekonomike për burimet e rralla minerale të Ukrainës. Por takimi në Zyrën Ovale përfundoi në mënyrë të paprecendentë.