Bashkimi Europian ka dënuar deklaratat e kryetarit të Partia Demokratike e Shqipërisë, Sali Berisha, ndaj ambasadorit të BE-së në Shqipëri, Silvio Gonzato.
Në një reagim publik në rrjetet sociale, një zëdhënës i BE-së i cilësoi të papranueshme sulmet personale ndaj diplomatit europian, duke shprehur mbështetje të plotë për punën e tij.
“Deklarata të tilla janë të papranueshme. BE-ja dënon fuqimisht sulmet personale të bëra në Ditën e Europës kundër Ambasadorit të Bashkimit Europian në Shqipëri. Ambasadori i BE-së ka vepruar në çdo kohë me profesionalizëm dhe integritet të plotë. Ne kemi besim të plotë tek ai dhe puna e tij”, thuhet në reagim.
Deklarata vjen pasi Berisha, gjatë aktiviteteve të Ditës së Europës, e cilësoi Gonzaton si “ambasador të Edi Rama”, duke e akuzuar se ka përcjellë informacione të pavërteta në Bruksel kundër opozitës shqiptare.
Reagimi i Bashkimi Europian vjen në një moment të ndjeshëm politik, teksa Shqipëria vijon procesin e negociatave për integrimin europian.