Author: admin

I tillë është edhe rasti i sotëm i trajtuar në Fiks Fare. Nëna e tre fëmijëve njeh në Tik-Tok një zotëri 8 vite më të ri se veten.

Sipas saj ajo bie në dashuri dhe lë burrin dhe 3 fëmijët dhe shkon të jetojë me të në stan.

Adriatik Kullolli e ka njohur para 8 muajsh në Tik Tok nënën e tre fëmijëve, prej të cilëve dy djem të moshës 14 dhe 6 vjeç dhe një vajzë 11 vjeç.

Njohja u finalizua me takimin e tyre në 14 gusht, ku nëna e tre të miturve vendosi të lërë burrin e saj dhe fëmijët, me të cilët jetonte në Bilisht dhe shkoi te Adriatiku.

10 ditë pasi nëna kishte braktisur fëmijët dhe burrin për dashurinë e jetës, babai i fëmijëve ndërron jetë. Në këto kushte nëna rikthehet për të marr fëmijët dhe i çon tek Adriatiku në stan në Mallakastër, duke i hequr nga jeta e tyre e mëparshme në Bilisht. Ata prej disa javësh jetojnë së bashku dhe jetën e tyre e bëjnë publike në Tik -Tok duke marrë qindra klikime.

Fiksi fillimisht u njoftua nga persona të tjerë për jetesën e fëmijëve të mitur dhe nënës së tyre me Adriatik Kullonin, person sipas tyre jo i besueshëm.

Fiksi udhëtoi drejt stanit në Mallakastër te Adriatiku, ku pa nga afër gjendjen. Fillimisht çifti i lidhur nga Tik -Toku dhe fëmijët flinin të gjithë në një hapsirë, më pas Adriatiku ishte mundur të krijonte një si ndarje.

Për Adriatikun vizita e Fiksit nuk e surprizoi, pasi siç tregon dhe vetë tek ai kanë shkuar edhe punonjës të bashkisë të cilët duan t’i heqin fëmijët prej aty. Por askush prej tyre si Adriatiku apo nëna e fëmijëve nuk tregojnë arsyet sepse të miturit nuk duhet të jetojnë aty dhe sidomos me Adriatikun. Nëna thjesht shprehet se ka ndjekur zemrën dhe se 8 vite diferencë nuk janë problem, ” mosha në dashuri është numër këpuce”.

Fiksi kontakton me shërbimin socisal të bashkisë të cilët pohuan se kanë shkuar dhe e kanë parë gjendjen në të cilën jetojnë të miturit si dhe kanë vendosur bashkë me nënën e tyre e cila ka firmosur të largohen drejt Ballshit, gjë e cila ende nuk ka ndodhur. Pyetjes së Fiksit se pse është marrë ky vendim nga shërbimi social këta të fundit tregojnë se përveç kushteve aspak të favorshme për mirërritjen e fëmijëve, Adriatiku ka një të shkuar të errët dhe është i rrezikshëm. Edhe pse Fiksi këmbëngul për të marr vesh të vërtetën, por punonjësja e shërbimit social pohon se informacionet janë konfidenciale dhe nuk mund t’i bëjë publike.

Pyetjes se përse fëmijët lihen me një person nëse ai i rrezikon, shërbimi social tregon se nuk kanë mundur të gjejnë një zgjidhje më të shpejte, por u zotuan se fëmijët do ta nisin shkollën në qytet. Fiksi mëson gjithashtu se as për zonjën apo edhe fëmijët nuk është bërë një raport vlerësimi psikologjik, pasi nuk kanë psikologe.
Fiksi e ndoqi rastin në ditët në vijim dhe pa se të miturit vitin e ri shkollor nuk e nisën në Ballsh siç u zotuar shërbimi social, por në fshatin ku jeton Adriatiku.

Pra edhe pse ishte marrë një vendim ai nuk ishte zbatuar. Fiksi ritelefonoi shërbimin social ku përgjegjësja pranon se fëmijët vazhdojnë ende të jetojnë në stan. Pyetjes së Fiksit se pse rasti në fjalë, kur personi me të cilet jetojnë të miturit rezulton i rrezikshëm, nuk është referuar në polici dhe prokurori përgjegjësja shmang pyetjen duke thënë se nuk mund të bëjë komente për rastin në fjalë. Pra tre të mitur jetojnë me të dashurin e nënës në kushte aspak të mira, e mbi të gjitha me një të dashur që për shtetin rezulton i rrezikshëm./TCH

Gazetari investigativ Artan Hoxha, komentoi në një emision televiziv dosjen me mbi 500 faqe të SPAK për procesin e privatizimit të ish-kompleksit “Partizani” dhe akuzat ndaj ish-kryeministrit Sali Berisha dhe dhëndrit të tij, Jamarbër Malltezi.

Hoxha u shpreh i bindur se ka prova të tjera që nuk kanë dalë akoma nga dosja e Prokurorisë së Posaçme dhe duhet të jemi të përgatitur për një proces që do të zgjasë.

“Dosja e Berishës ka nisur nga ish-drejtuesi i SPAK Arben Kraja dhe prokurorja Enkelejda Millonai. Financimi i këngëtarit Rikardo Koçante është vetëm një gjë episodike.

Prokurori e ka vënë për të treguar se këto para janë përdorur edhe në fushatë elektorale. Të gjithë këngëtarët kanë qenë aty. Në kemi publikuar dikur një listë në vitin 2001 dhe një këngëtare kishte marrë 54 milionë lekë, një apartament, që ishte shumë atëherë.

Dosja e tij ka dalë dhe seicili merr pjesën që do për ta publikuar, por opinioni publik nuk duhet të bjerë pre e detajeve. Sekretari i Shtetit Entoni Blinken thoshte se Berisha mund t’i manipulojë proceset gjyqësore dhe të devijojë të vërtetën dhe çfarë ka thënë ai janë formësuar në dosjen e SPAK-ut.

Ose të marrim rastin e Damir Fazlliç, që bleu shumë shtrenjtë pronat e blera shumë lirë nga Jamarbër Malltezi në Porto Romano. Ajo ka qenë tokë e kontaminuar dhe është blerë me 1 mijë lekë të vjetra dhe dyshohet se kishte informacione se kjo pronë do të vjelë shumë më vonë.

Rasti tjetër është për pronat e blera nga Jamabër Malltezi nga viti 2018, në Budapest, në Belgjikë, një apartament në Holandë për vajzën dhe të gjitha së bashku shkojnë në vlerën 1 milion euro nga viti 2018 deri ën vitin 2021.

Jam i bindur që ka prova të tjera që nuk kanë dalë akoma. Duhet të jemi të përgatitur për një proces që do të zgjasë.

Ky proces është një sfidë e hapur për Doktorin dhe do të shohim për herë të parë në një nivel SPAK-un me një nga ata që e kemi quajtur të pandëshkeshëm.”-u shpreh Hoxha.

Objekti u vërejt fillimisht nga Programi i NASA-s për Vëzhgimin e Objekteve Afër Tokës (NEO), i cili përdor observatorë në mbarë botën për të dalluar objekte hapësinore të pazbuluara, raporton Independent.

Asteroidi po gjurmohet nga Projekti Virtual Telescope, i cili e regjistroi atë më 9 shtator duke udhëtuar me rreth 40,000 kilometra në orë.

SHBA- NASA ka lëshuar një paralajmërim për një asteroid me madhësinë e një “stadiumi” që do t’i afrohet Tokës të martën, më 17 shtator. Asteroidi “2024 ON” është 290 metra në diametër dhe do t’i afrohet Tokës brenda 1 milion kilometrave, sipas Laboratorit të Propulsionit të Gazit të agjencisë amerikane të hapësirës. Shkëmbi hapësinor fluturoi për herë të fundit pranë Tokës në vitin 2013 dhe do të bëjë një tjetër afrim në vitin 2035, sipas të dhënave të NASA-s.

Objekti u vërejt fillimisht nga Programi i NASA-s për Vëzhgimin e Objekteve Afër Tokës (NEO), i cili përdor observatorë në mbarë botën për të dalluar objekte hapësinore të pazbuluara, raporton Independent. Asteroidi po gjurmohet nga Projekti Virtual Telescope, i cili e regjistroi atë më 9 shtator duke udhëtuar me rreth 40,000 kilometra në orë. Megjithëse ekspertët e kanë konsideruar atë potencialisht të rrezikshëm, distanca në të cilën do t’i afrohet Tokës është 2.6 herë më e madhe se distanca mesatare hënore, që do të thotë se 2024 ON nuk përbën kërcënim për Tokën në orbitën e saj aktuale, por edhe një devijim i vogël mund të ketë pasoja të mëdha.

Madhësia e madhe e asteroidit e bën atë 99% më të madh se çdo objekt tjetër pranë Tokës, por ai nuk do të kalojë aq afër sa të jetë i dukshëm pa një teleskop. Megjithatë, për këdo që dëshiron të vëzhgojë qiellin atë ditë, do të ketë një eklips të pjesshëm hënor të rrallë, i cili përkon me një super hënë të plotë. Ky spektakël do të jetë i dukshëm në të gjithë Evropën dhe Afrikën, dhe gjithashtu do të jetë i dukshëm në pjesë të Amerikës së Veriut dhe Jugut, si dhe në Azi.

Asteroidi po gjurmohet nga Projekti Virtual Telescope, i cili e regjistroi atë më 9 shtator duke udhëtuar me rreth 40,000 kilometra në orë. Megjithëse ekspertët e kanë konsideruar atë potencialisht të rrezikshëm, distanca në të cilën do t’i afrohet Tokës është 2.6 herë më e madhe se distanca mesatare hënore, që do të thotë se 2024 ON nuk përbën kërcënim për Tokën në orbitën e saj aktuale, por edhe një devijim i vogël mund të ketë pasoja të mëdha.

Madhësia e madhe e asteroidit e bën atë 99% më të madh se çdo objekt tjetër pranë Tokës, por ai nuk do të kalojë aq afër sa të jetë i dukshëm pa një teleskop. Megjithatë, për këdo që dëshiron të vëzhgojë qiellin atë ditë, do të ketë një eklips të pjesshëm hënor të rrallë, i cili përkon me një super hënë të plotë. Ky spektakël do të jetë i dukshëm në të gjithë Evropën dhe Afrikën, dhe gjithashtu do të jetë i dukshëm në pjesë të Amerikës së Veriut dhe Jugut, si dhe në Azi.

Aktori i humorit Agron Llakaj do të vijë këtë sezon me një emision të ri humori. Ai ka postuar në Instagram një video promo ku shkruhet “Së shpejti me një show humori të ri”.

Mirëpo, ai nuk ka zbuluar më shumë detaje, as emrin dhe as bashkëpuntorët që do ketë në këtë projekt. Ende nuk dihet nëse ky show do zhvillohet në ekranin e Vizion Plus, apo në ndonjë media tjetër.

Kujtojmë se pak muaj më parë Agron Llakaj pësoi një humbje të madhe, atë të bashkëshortes. Por mesa duket ai po vijon karrierën dhe pasionin për humorin, përmes emisioneve të tilla.

Çifti mysliman i Tik-Tokut, Hati dhe Jashari kanë qenë në qendër të vëmendjes pasi policia u hoqi patentën dhe u sekuestroi makinën, për tejkalim të shpejtësisë.

Videot me shpejtësi ekstreme ata i postonin në rrjetet sociale, nga dhe ku u nis policia për t’i ndaluar.

Por për gazetarin Milaim Zeka, autoritetet nuk kanë bërë sa ç’duhet. Ai tha në emisionin “Ftesë në 5”, se në shtetet perëndimore, kur policia të ndalon për shpejtësi të madhe, jo vetëm që përfundon në burg, por prokuroria nis hetimet mbi të ardhurat, në rast se kapesh me makina luksoze.

Zeka bëri edhe një ironi, duke thënë se kur kalon nga “gamilja në shkretëtirë” në makina luksoze, e “hup kretj orientimin”.

“Kur je me një gamile në shkretëtirë dhe ti pastaj hyp në një makinë moderne, të hup komplet orientimi. Unë ia vë fajin policisë shqiptare, nëse ti e nget makinën me shpejtësi, policia jo të heq patentën por prokuroria nis hetimet nga i gjen paratë. Ku i gjen Jashari paratë me këtë lluks”, u shpreh Zeka.

Një shqetësim i madh, i përqendruar aktualisht në zonën e Ballkanit, do të çojë në një përkeqësim gradual të kushteve të këqija të motit në Itali, me reshje të shpërndara në të gjithë territorin, veçanërisht në sektorët e Adriatikut, më të përhapura dhe të vazhdueshme në Emilia-Romagna dhe Marche, raportojnë mediat italiane.

Për më tepër, formimi i një zone me presion të ulët mbi detin e poshtëm Tirren do të gjenerojë një intensifikimin e erërave veri-lindore mbi sektorët qendror-veriorë të Adriatikut.

Bazuar në parashikimet e disponueshme, Departamenti i Mbrojtjes Civile ka lëshuar një paralajmërim për kushtet e pafavorshme të motit.
Paralajmërimi parashikon reshje të përhapura dhe të vazhdueshme nga orët e para të ditës së nesërme, duke përfshirë shira ose stuhi, në Emilia-Romagna dhe Marche, dhe nga mëngjesi, reshje të shpërndara, duke përfshirë shira ose stuhi, në Abruzzo dhe Molise, veçanërisht në sektorët bregdetarë dhe në Kampania, Pulia dhe Bazilikata.

Këto dukuri do të shoqërohen me reshje të dendura shiu, aktivitet të shpeshtë elektrik (rrufe), stuhi lokale breshëri dhe me erëra të forta. Për më tepër, nga nesër herët në mëngjes priten erëra të forta deri në stuhi në Friuli Venezia Giulia, Veneto, Emilia-Romagna dhe Marche, veçanërisht në sektorët bregdetarë dhe Apenin.

Në bazë të fenomeneve të pritshme dhe të vazhdueshme, alarm i verdhë është vlerësuar për nesër në një pjesë të Emilia-Romagna, Marche, Umbria, Lazio, Abruzzo, në të gjithë territoret e Molise, Basilicata dhe Puglia, në një pjesë të Campania-s dhe Sardenjës.

Moderatorja Kostana Morava ka qenë e ftuar në emisionin “S’e luan Topi” në Top Channel me moderatore Erjona Rusin, ku ndër të tjera ka folur dhe për ngacmimet seksuale.

“Unë e di se çfarë ndodh me viktimën. Jam treguar pragmatiste për të mbrojtur veten. Sidomos po të panë që je pak simpatike dhe je kaq e çlirët. Ah, po kjo e ka bërë vetë.

Kjo është e para. Nuk kanë asnjëri guximin të ulen, të mendojnë dhe ta shohin nga perspektiva e tyre, që është gjë shumë e shëmtuar.

Nuk e di nëse do ta thoja tani, por dua të them të vërtetën. Kryesisht për një personazh, i cili është bërë për mua një problem shumë i madh në ato vite.

Jam detyruar të largohem nga puna, kam kaluar situatë tepër stresuese nga ana psikologjike. Nuk dua të tingëllojë patetike kjo që do them, por është e vërteta. Kam menduar vetëm për fëmijët e tij, vajyën e tij…”, tha ajo.

– Pra, është i martuar?

– Patjetër, këta janë të gjithë të martuar. Po të mos ishte i martuar, nuk do ishte aq i tmerrshëm ngacmimi i parë.

Mediat Italiane kanë publikuar hetimin e Guardia Di Finanza Italiane e cila ka zbuluar se nga Tirana me mijëra diploma false janë shitur për shtetas Italian.

Sipas mediave atje, pjesë e skemës është edhe një zyrtarë i qeverisë shqiptare i cili ka favorizuar italianët të ndërtonin skemën nëpërmjet, Kolegjit Universitar WISDOM.

Të arrestuar janë:

Maria Saveria e Fortunata Giada Modaffari, rispettivamente di 38 e 35 anni, nate a Reggio Calabria; Maria Ornella Attisano, 57 anni, di Locri; Lucia Catalano, alias Lucy, 44 anni, di San Severo; Savino Cianci, detto Nino, 60 anni, di Trani; Leonardo Catalano, detto Leo, 42enne di San Severo; Marco Lombardi, 52 anni, di Stornarella (Foggia); Antonio Caporale, 33 anni, di Foggia; e Maria M’Daraa, 36 anni, di Stornarella (Foggia).

Referuar dokumentave të qendrës kombëtare të regjistrimit të biznesit, Saviono Cianci rezulton administrator i Kolegjit me NIPT:K01411002D

Objekti i Veprimtarisë: Kurse kualifikimi profesionale te gjuheve te huaja / Kurse per mesimin e programeve kompjuterike / E drejta e ushtrimit te aktivitetit ne fushen e arsimit / Hapje shkolle e mesme, 9 vjeçare, cikel parashkollor / Universitet (per studime universitare e pasuniversitare te te gjitha niveleve) / kopshte, dhe konkretisht: Shkolle te Mesme te Pergjithshme dhe te Profilizuar.Shkolle te Mesme Profesionale.Dega Ekonomik.Dega Hoteleri-Turizem. Dega InformatikeElektronike –Arte.

Shkolla 9-vjeçare.Cikli i ulet. Cikli i larte. Kopshte. Universitet, perfshire te gjitha llojet e Fakulteteve, Fakulteti i Gjuheve te Huaja, Arkitekture, Psikologji, Ekonomik, Shkenca Politike, Shkenca Shoqerore, Drejtesi, etj. Studime ”Pas-Universitare” pas ciklit te pare “Bachelor ” – 3 vjeçar.

Studime te ciklit te dyte “Master i Shkencave” dhe “Master Profesional”. Studime te ciklit te trete “Doktorature”. Mesimdhenia ne te gjithe nivelet eshte (do jete) ne gjuhen shqipe, ose te huaj, ose te dyja bashke. Botime librash, revistash, broshurash gazetash, dhe materiale te tjera publikuese.

Emërtime të tjera Tregtare: WISDOM

Forma ligjore: Shoqëri me Përgjegjësi të Kufizuar SH.P.K

Po ashtu në pranga ka rënë edhe shtetasi Italian Leonardo Catalano, administrator i kolegjit.

Edhe pse emri zyrtarit shqiptarë të korruptuar nga ky grup nuk është bërë publik, weblajm shkruan se ka mundur të mësojë nga burime pranë GDF se ai është pjesë e sistemit universitar në drejtorinë e diplomave në vendin tonë./Foggiatoday

Elseid Hysaj gjendet në një pozitë të vështirë te Lacio. Mbrojtësi shqiptar nuk është përshirë në listën e lojtarëve që do të luajnë në Serinë A dhe në Ligën e Europës. Megjithatë, ai vazhdon ende të ketë një kontratë të vlefshme deri në vitin 2026.

Giulio Cardone e sheh të pabesueshëm faktin se si klubi nuk mundi të gjente një zgjidhje për të transferuar Hysajn. Gazetari i “La Repubblica”-s ka thënë për “Radio Sei”-n se gjetja e gjuhës së përbashkët nuk duhet të ishte kaq e vështirë, pasi sipas tij nuk bëhet fjalë për një lojtar të nivelit më të lartë, por për një futbollist shqiptar.

Kjo është padyshim e turpshme dhe një racizëm i hapur ndaj shqiptarëve, pasi sipas gazetarit italian, një lojtar shqiptar nuk mund të ngjitet kurrë në nivelet më të larta të futbollit.

“Sigurisht që Lacio u përpoq të gjente mënyra për të shkëputur kontratën e Hysajt, por për ata që kanë kontratë deri në vitin 2026 me gati 3 milionë euro në sezon dhe është e vështirë të gjesh zgjidhje. Mes Arabisë, Turqisë dhe vendeve të tjera, është krejt e pabesueshme që nuk është gjetur një zgjidhje. Nuk është se po flasim për një top lojtar, por ai është një lojtar shqiptar”, është shprehur Giulio Cardone, me një gjuhë që është krejtësisht vulgare dhe tërësisht e evitueshme. Pavarësisht se Hysaj nuk është lojtari më i preferuar nga tifozët shqiptarë në Kombëtare, në një çështje dhe moment të tillë, duhet të ketë mbështetjen maksimale.

Sali Berisha ka folur për dosjen e SPAK, ku ai u mor i pandehur për çështjen “Partizani”.

Në një konferencë me gazetarët, kreu i PD sqaroi  se shpenzimet që Argita dhe Jamarbër Malltezi kanë bërë për të, për shëndetin dhe për gjyqet janë të gjitha nga kursimet e tij, që siç shprehet i ka të deklaruara.

Berisha tha se i kishte dhënë porosi vajzës së tij që shpenzimet ti bënte nga kursimet, por ajo nuk e ka zbatuar duke i përballuar me paratë e saj, që i ka të deklaruara.

“Sali Berisha ka kursimet e veta të deklaruara qindarkë për qindarkë në ILKPDI, nuk është marrë kurrë me administrimin e tyre, me to merret vajza Argita Malltezi”, tha ish kryeministri.

“I pyetur mbi këtë pjesë të dosjes Berisha tha se “vajza jonë Argita Malltezi, lidhur me shpenzimet shëndetësore, do ju rrëfej një sekret, në të gjitha rastet ka marrë një porosi nga unë. Këto shpenzime do i marrësh nga kursimet e mia, ajo nuk e ka zbatuar. Ka gjykuar që këto shpenzime ti përballojë me kursimet e saj dhe unë jam mirënjohës, asaj dhe Abit.

Ne jemi familje me solidaritet të madh. Lidhur me ndonjë transfertë që ka bërë Jamarbër Malltezi me porosi të Argitës, e cila nuk ka qenë në Shqipëri, ata e kanë zgjidhur problemin fill mbrapa. Pra nuk ka asnjë shkelje ligjore, ata që mendojnë se është ryshfet solidariteti familjar, ata nuk kanë familje. Mund të jenë prindër, por nuk janë,  nuk e meritojnë”, tha Berisha.

Sipas tij, “pagesat me avoketërit janë bërë, por janë të gjitha hua të katër personave, që janë në procesin e shpalljes non-grata nga lobimi korruptiv i Edi Ramës, Soros dhe MgGonigal pranë Blinken”.