Author: admin

Presidenti i Republikës, Bajram Begaj, dekretoi sot emërimin e Gent Shalës si gjyqtar në Gjykatën e Lartë. Vendimi u publikua më 12 dhjetor 2025 dhe i jep fund një procesi që sot merr një kuptim politik dhe institucional të qartë.

Gentian Shala është gjyqtari i Apelit që firmosi vendimin penal që çoi në burg ish-deputetin e Partisë Demokratike, Ervin Salianji. Dënimi u ekzekutua dhe Salianji humbi lirinë pas një vendimi që u konsiderua gjerësisht si selektiv dhe politik.

Sot, vetëm pak kohë pas burgosjes së Salianjit, i njëjti gjyqtar ngjitet në majën e sistemit gjyqësor shqiptar. Ky zhvillim përforcon perceptimin se dënimi i figurave politike kritike ndaj pushtetit shoqërohet me avancim karriere për ata që firmosin vendimet.

Emërimi i Gentian Shalës vjen pavarësisht se gjatë procesit të rivlerësimit ai ka qenë subjekt kontestimesh serioze mbi pasurinë dhe profesionalizmin.

Janë ngritur dyshime për fshehje pasurie, përfshirë pretendime për aksione në kompani ndërtimi dhe për kontrata huaje të pahetuara, çështje që u konsideruan të pamjaftueshme për të penguar konfirmimin e tij në sistem.

Megjithë këto probleme të dokumentuara, sistemi zgjodhi ta çojë përpara Shalën, duke e shpërblyer me një karrige në Gjykatën e Lartë. Ky është sinjali më i qartë për mënyrën se si funksionon hierarkia e re e drejtësisë kur përballë saj ndodhen kundërshtarë politikë.

Salianji bëri burgun në emër të partisë, ndërsa gjyqtari që e dënoi sot merr gradën më të lartë gjyqësore. Ja ku doli edhe e vërteta e kësaj çështjeje.

SHBA-të janë tronditur nga një ngjarje e rëndë, ku një djalë 15-vjeçar nga Teksasi ka vrarë 3 persona brenda pak minutash.

Dhe gjithçka lidhej me një motiv “pasioni”, sepse e dashura e tij po e mitur e ndau dhe ai u hakmor në mënyrën më makabre. I vrau nënën, motrën dhe vëllanë.

Nëna 39-vjeçare e vajzës, Jennifer Rodriguez, u gjet e vdekur në apartamentin e saj luksoz në Odessa, Teksas, të martën, më 9 dhjetor. Vajza e saj, 13 vjeçe dhe djali 9 vjeç, u gjetën me të po të pajetë.

Policia kishte reaguar në vendngjarje atë pasdite pas raportimeve për të shtëna me armë. I riu ia mbathi dhe u arrestua rreth 40 minuta më vonë, tha policia.

15-vjeçari ishte në një lidhje me vajzën më të madhe të Rodriguez, e cila është po 15 vjeçe, dhe kishte planifikuar ta qëllonte atë jashtë shkollës. Ai përfundimisht ndryshoi mendje dhe u shfaq në shtëpinë e vajzës ku kreu vrasjen e trefishtë.

Sipas raportimeve, 15-vjeçari nuk e pranoi që e dashura e tij i kishte kërkuar të ndaheshin. Vajza nuk u lëndua, por nuk dihet nëse ajo ishte në shtëpi në kohën e sulmit të të riut.

Babai i tre fëmijëve (i cili ishte ndarë nga Rodriguez) thotë se është i shkatërruar dhe në një postim, thekson se “nuk e priste që kjo lloj tragjedie t’i ndodhte asnjërit prej nesh”.

15-vjeçari është akuzuar për vrasje të shumëfishtë dhe është marrë në paraburgim. Teksasi ka dënimin me vdekje, por nuk u shqiptohet kurrë vrasësve të dënuar.

Një armë u gjet pranë apartamentit dhe po ekzaminohet për të parë nëse është arma e vrasjes. Ndërkohë, autoritetet tashmë e dinë se kush e bleu armën.

© Panorama.al

Gazetari Artan Hoxha ka ngritur shqetësimin se një numër i madh personash të botës së krimit të organizuar janë pajisur me pasaporta greke, në rrethana që sipas tij ngrenë dyshime serioze për rrjete të mirëorganizuara me prapavijë politike dhe ultranacionaliste.

Hoxha tregoi se edhe atij personalisht i janë bërë oferta nga biznesmenë dhe individë të lidhur me qarqe politike dhe ultranacionaliste greke, me qëllim që të heshtë dhe të mos kritikojë Alfred Belerin apo politikat dhe fushatat greke në Shqipëri. Në këmbim, sipas tij, i është ofruar pajisja me pasaportë greke dhe përfitime të tjera.

“Më kanë ofruar njerëz biznesi të lidhur me qeveri dhe individë ultranacionalistë grekë që të hesht dhe, në këmbim, të më pajisin me pasaportë greke. Nuk kam pranuar,” deklaroi Hoxha në “Ma Shqip me Flamur Vezaj”.

Ai solli edhe shembuj konkretë, duke përmendur emra të njohur të krimit të organizuar shqiptar, të cilët sipas tij janë pajisur me pasaporta greke të rregullta. Mes tyre Gramoz Rexhepi, i cilësuar si njeri i karteleve të drogës në Amerikën Latine dhe i arrestuar në Ekuador me pasaportë greke, si dhe Plarent Dervishi, i përfshirë në dosje të rënda kriminale në Shqipëri.

“Pyetja është kush i pajisi këta me pasaporta? Është e njëjta linjë që më ofruan edhe mua,” theksoi Hoxha.

Kryedemokrati Sali Berisha në një intervistë për emisionin “Opinion” ka folur për karrierën e tij në politikë, themelimin e Partisë Demokratike ndërsa nuk i kurseu tregimet për zhvillimet në vitet 90 dhe pas saj. Një rrëfim mjaft interesant dhe i padëgjuar më parë ishte kur Sali Berisha foli për Ramiz Alinë, të cilin vendosi ta quajë shkurt, diktator.

Kreu i PD tregoi një moment, kur Ramiz Alia kishte qëllim rikthimin e tij në politikë dhe i dërgonte njerëz Berishës në Presidencë që të merrte drejtimin e PS duke hequr Fatos Nanon. Moment ky, sipas Berishës, kur Fatos Nano ishte sëmurë.

Kryedemokrati Sali Berisha tha se nuk i interesonte aspak kjo pjesë ndërsa shtoi më tej se Ramiz Alia ishte sekretari ideologjik i nismave më staliniste të një vendi por në paraqitje ishte si liberal.

Pjesë nga intervista

Blendi Fevziu: Ju patët takime të shpjeta me Ramiz Alinë në Dhjetor të vitit 1990. Më pas e keni takuar si Kryetar i Partisë Demokratike dhe ai si President i Shqipërisë. Debati juaj në 20 Shkurt në Këshillin e Sigurisë Kombëtare kur u përplasët është i njohur. Në Prill ju hytë në zyrën që la Ramiz Alia. Dua tani pas 35 vitesh, kur ai nuk jeton më. Cili do ishte përkufizimi juaj për Ramiz Alinë?

Sali Berisha: Ai nuk ishte për skenarin rumun. Kishte frikë dhe ai i qëndroi asaj. Nëse të kujtohet, ai më 11 Dhjetor 1990 në mbledhjen e Byrosë Politike, tha që ata kërkojnë kokën time. E thotë, kërkojnë kokën time ata. Në këtë kontekst, unë vlerësoj dy gjëra. Vlerësoj faktin që ftoi intelektualët në përballje, që nuk kishte ndodhur kurrë më parë. Nuk kishte ndonjë detyrim. Nuk ftoi vetëm njerëzit e vet. Ftoi ata që ishin shprehur në të gjitha shkrimet kundër. Ishin Gramoz Pashko, Fatos Nano. Ai këtë e bëri, nuk e mohoj. Kundrejt kërkesave për të futur tanket e spirokolekës, dajës së Edi Ramës, kundër thirrjeve që i bënte në plenium, kundër Mehmet Elezit. Ai orientoi që të pranojmë pluralizmin.

Blendi Fevziu: Ama njeriu, vendimin më të rëndësishëm të jetës së tij që ishte pluralizmi, sot nuk e dimë e ka ngritur apo nuk e ka ngritur dorën. Ai nuk ka mbajtur qëndrim!

Sali Berisha: Ai absolutisht ishte për pluralizëm burokratik. Ai filloi shndërrimin e levave të partisë në subjekte elektorale. Në takim i them, fillimisht pluralizëm mendimi, po politik, never say never. Ishte i gatshëm t’i quante Partia e Shkrimtarëve, Rinisë, Gruas, dhe e mbyllte pluralizmin këtu. Model i Jugosllavisë dhe në Kinë.

Blendi Fevziu: Në historinë e Shqipërisë, si do të jetë përkufizimi i tij z. Berisha?

Sali Berisha: Diktator. Diktatori u përmbys nga lëvizja popullore. Ai është diktator.

Blendi Fevziu: A i premtuat ju atij që nuk do ta dënonit dhe më pas e çuat në burg?

Sali Berisha: Jo. Nuk kërkoi kurrë, absolutisht. Nuk kërkoi asgjë nga unë.

Blendi Fevziu: Nuk të ka kërkuar asgjë privatisht?

Sali Berisha: Absolutisht asgjë. Të vetmen përpjekje që ka bërë, kur i ndjeri Fatos u sëmur, edhe atij iu rikthye mendja të rikthehej sërish në parti. Nuk është se nuk kishte mbështetës. Tipari i tij i çuditshëm. Ai ishte sekretari ideologjik i nismave më stalinsite të një vendi dhe megjithatë ai në paraqitje ishte si liberal. Habia më e madhe e tij kjo ka qenë. Filloi të manipulojë, të më dërgojë njerëz në Presidencë, mbështetës të tij, që ne nuk mund t’ia lëmë partinë Fatosit se Ramizi e bën. Çpunë kam me partinë tuaj u thoja. Kaq e gjithë puna.

Dy shtetas nga Kosova janë lënduar pasi një avion i vogël sportiv u rrëzua në Liqenin e Mavrovës, në Maqedoninë e Veriut, pasditen e 12 dhjetorit. Autoritetet vendase konfirmuan se incidenti ndodhi rreth orës 12:35, pranë digës “Kanali i Beliçit”, një zonë e frekuentuar shpesh nga pilotë amatorë dhe mjete ajrore sportive.

Sipas Sektorit për Punë të Brendshme në Tetovë, në bord ndodheshin dy shtetas të Kosovës — Xh.P., 41 vjeç, dhe D.M., 64 vjeç, i cili ishte edhe piloti i avionit. Të dy arritën të dalin nga avioni pas rrëzimit dhe u transportuan menjëherë në Spitalin e Gostivarit për trajtim mjekësor. Gjendja e tyre mësohet se është stabile dhe jashtë rrezikut për jetën.

Piloti D.M. ka deklaruar para policisë se gjatë fluturimit avioni ka pësuar një defekt në motor, çka e detyroi të kryente një ulje emergjente mbi sipërfaqen e liqenit. Manovra e tij e shpejtë dhe e kontrolluar besohet se shmangu pasojat më të rënda.

Qendra për Menaxhimin e Krizave bëri të ditur se menjëherë pas marrjes së njoftimit u aktivizuan njësitë e reagimit të shpejtë, përfshirë ekipet e ndihmës së shpejtë, policinë dhe ekipet rajonale të menaxhimit të krizave, të cilat u dërguan në vendngjarje për të asistuar në operacionin e shpëtimit.

Sipas mediave në Maqedoninë e Veriut, avioni i rrëzuar është i markës Piper, një model i njohur për fluturime sportive dhe rekreative, me kapacitet deri në katër persona. Avioni kishte kryer më herët fluturime në hapësirën ajrore të vendit dhe madje kishte marrë pjesë në evente aviacioni, përfshirë një shfaqje ajrore në Shkup në vitin 2023.

Autoritetet po vazhdojnë hetimet për të përcaktuar arsyet e sakta të defektit teknik dhe rrethanat e plota të aksidentit.

Shumica e njerëzve nënqeshin përballë magjisë. Dikush e konsideron çmenduri, dikush tjetër bën shaka me rrëfenja të tilla, por ka edhe nga ata që e marrin tepër seriozisht, madje aq sa frikësohen. Dhe sa herë që gjërat nuk i ecin siç duhet, dyshimi i parë është se dikush “u ka bërë keq”.

Dhe siç të gjithë e dimë, thuajse gjithmonë ato që bëjnë keq me magjitë e tyre janë femrat…

Për këtë arsye jemi sonte në Zvirinë të Korçës. Kemi bërë 145 kilometra për të zgjidhur një konflikt që po degradon çdo ditë e më shumë mes kushërinjve, një konflikt që, në mënyrën më absurde, ka nisur nga… magjia. Një magji aq e fuqishme, sa të bën të përplasesh me makinë dhe, mbi të gjitha, të mbetesh beqar.

Personazhi kryesor i kësaj historie me magji dhe demonë është Ana. Mos e shikoni kështu të qetë dhe gazmore, sepse Ana është “magjistarja” më e famshme e zonës, e cila jo vetëm paska lënë një 27-vjeçar pa martuar, por për më tepër, sipas akuzave, me forcën e saj djallëzore paska shkaktuar edhe një aksident — edhe pse fizikisht ishte shumë larg vendngjarjes.

Si ndodh shpesh, familja që mendon se i kanë bërë magji shkon tek fallxhorja, dhe filxhani ka nxjerrë një “A”. Kushërinjtë kanë drejtuar menjëherë gishtin tek A-ja më potenciale e zonës. Por akuzat se “po lë djemtë pa martuar” nuk mbarojnë këtu, pasi Ana po përballet edhe me presione e kërcënime nga kushërinjtë, përfshirë edhe burrat — duke krijuar probleme serioze për fëmijët e vegjël të saj.

Ndaj le t’i përvishemi punës për të hequr magjinë e zezë që, sipas familjes, e ka lidhur Kostën. Por më parë duhet të kuptojmë llojin e magjisë. Çdo përpjekje e jona rezultoi e kotë, pasi nëna e 27-vjeçarit, zonja Lumturie, ishte e bindur se Ana i ka bërë magji, e para, për ta bërë të aksidentohej; e dyta, për ta lënë pa martuar. Dhe e gjitha kjo histori e çuditshme ka nisur… nga tre kokrra vezë të gjetura në arën e familjes së kushëririt./PIRANJAT

Dashi

Asnjë planet nuk do ndikoje drejtpërdrejt ne jetën tuaj sentimentale sot dhe e ardhmja do varet vetëm nga sjellja juaj. Mundohuni te mos kritikoni gjithë kohës dhe te falni me tepër. Beqaret do kenë njohje te reja, por nuk duhet te bëjnë plane shpejt e shpjet. Nëse doni qe financat mos jene problematike, nuk duhet te kryeni shpenzime te paarsyeshme.

Demi

Konfigurimi i yjeve do jete mjaft pozitiv për ata qe janë ne një lidhje. Komunikimi nuk d shuhet për asnjë moment dhe çdo gjë do shkoje me se miri. Nëse ende jeni beqare, lërjani çdo gjë kohës dhe mos bëni sakrifica jashtë te zakonshmes sepse nuk ia vlen. Ne planin financiar mos kërkoni te pasuroheni menjëherë sepse nuk do ia dilni. Ruani vetëm qëndrueshmërinë.

Binjaket

Jeta juaj sentimentale nuk do jete shume e qete gjate kësaj dite. Do kërkoni shume me shume nga sa iu jep partneri dhe kjo mund te nxite debate te forta me njeri-tjetrin. Kujdes! Beqaret me shume gjase do e gjejnë atë qe kane ëndërruar prej kohesh dhe do ndihen te plotësuar. Ne planin financiar duhet te tregoheni me te organizuar dhe te reflektoni për te ardhmen.

Gaforrja

Do ndiheni me te lumtur se kurrë gjate kësaj dite ne krahët e partnerit tuaj te dashur. Venusi do krijoje çdo mundësi qe ju te kaloni me tepër kohe me te dhe t’i shprehni pa pushim ndjenjat. Beqaret nuk do e kenë mendjen tek dashuria, por një takim mbresëlënës do i nxite te mendojnë me shume për këtë sektor. Për financat mos u shqetësoni sepse ato do jene te qëndrueshme.

Luani

Kujdes me agresivitetin e tepruar gjate kësaj dite sepse mund ta acaroni partnerin e te keni debate te forta me te. maturia duhet te mbizotërojë gjate gjithë kohës. Beqaret nuk duhet t’i besojnë shume instinktit te pare sepse do zhgënjehen shume shpejt. Ne planin financiar mos kërkoni te pasuroheni shpejt sepse duke nxituat mund te bëni gabime te pafalshme.

Virgjeresha

Do i bëni me shume komplimente personit qe keni ne krah sot dhe çdo gjë do shkoje me se miri ndërmjet jush. Edhe ata qe kane kaluar dite te vështira do e përmirësojnë situatën. Beqaret do jene me te çliruar nga emocionet dhe do ia shprehin pëlqimin një personi qe pëlqejnë. Financat nuk do jene te këqija, megjithatë duhen shmangur shpenzimet e tejskajshme.

Peshorja

Do tregoheni shume te kuptueshëm me partnerin tuaj sot dhe do e lini atë te shprehet me lirisht se me pare. Disa do mendojnë edhe për një angazhim me serioz. Beqaret duhet t’ia lënë gjithçka kohës dhe te mos kërkojnë te bëjnë asgjë me zor. Ne planin financiar do keni me shume fat se kurrë dhe do arrini te hiqni disa para mënjanë. Shume shpejt do keni përmirësime te ndjeshme.

Akrepi

Pas një periudhe jo shume te mire për jetën ne çift, sot gjerat do fillojnë te rregullohen. Do jeni me optimiste për te ardhmen dhe do toleroni me shume. Beqaret do jene me humor te more dhe do bëjnë për vete shume persona. Do e keni ju te drejtën e zgjedhjes me pas. Ne planin financiar do i arrini objektivat qe i kishit vene vetes. Situata nuk do jete problematike.

Shigjetari

Edhe pse keni një lidhje prej shume kohesh do ndiheni te vetmuar gjate kësaj dite. Flisni me partnerin për këtë dhe shpjegojini gjithçka qe ndjeni. Beqaret nuk duhet te dëshpërohen edhe nëse nuk e gjejnë personin e ëndrrave sepse brenda pak ditëve gjithçka do ndryshoje. Ne planin financiar do bëni çmos për ta përmirësuar situatën dhe do jeni me te qete.

Bricjapi

Joshje, pasion dhe emocione pa fund gjate kësaj dite. Do kaloni momente te paharrueshme me atë qe keni ne krah dhe do kërkoni qe dita te mos mbaroje. Beqaret do jene te turpshëm dhe nuk do përfitojnë nga ftesat apo propozimet qe do iu bëjnë. Ne pune duhet te shmangni shpenzimet e mëdha, por gjithashtu edhe lojërat e fatit. Do humbni me shume sesa mendonit se do fitonit.

Ujori

Do jeni te vendosur te merrni ne dore fatin e jetës suaj sentimentale sot dhe do arrini te vini nen kontroll gjithçka. Do e afroni me tepër pas vetes partnerin dhe gjerat do shkojnë me mire se kohet e fundit. Beqaret do kenë mundësi te njihen me persona serioze, te dashur dhe me para. Nëse nuk tregoheni te arsyeshëm me shpenzimet do keni probleme te mëdha financiare.

Peshqit

Si ju ashtu edhe partneri juaj do keni te njëjtat synime për te ardhmen dhe do ecni ne te njëjtin drejtim. Marrëdhënia mes jush do jete me e qëndrueshme se me pare. Beqaret do kenë takime impresionuese te cilat do i lënë me goje hapur. Shfrytëzojini! Ne planin financiar duhet te bëni kujdes me shpenzimet apo dhëniet e huave. Tregohuni me largpamës.

Hetimet për vrasjen e dyfishtë në Finikounda vazhdojnë me ritëm të intensifikuar, ndërsa zbulohen elementë të rinj rreth motivit, roleve të të dyshuarve dhe çështjes së trashëgimisë. Pas arrestimit të nipit të viktimës 68-vjeçare dhe mikut të tij biznesmen nga Athina, autoritetet presin edhe ndalimin e një personi të tretë që ndodhet në Gjermani, i cili dyshohet se ka transportuar 22-vjeçarin që tani konsiderohet autori i vërtetë i vrasjes. Ky person është identifikuar nga policia dhe pritet të arrestohet sapo të ekzekutohet urdhër-arresti ndërkombëtar.

Ndërkohë, çështja e trashëgimisë së viktimës po hap një kapitull të ri në hetim. Sipas ligjit, pasuria e tij e madhe, e vlerësuar në disa miliona euro dhe që përfshin prona të paluajtshme dhe toka të shumta, do t’i kalojë motrës së 68-vjeçarit, pavarësisht se nipi pretendon se ishte pranë xhaxhait deri në fund. Edhe nëse ai shpallet fajtor për nxitjen e krimit, kjo nuk ndikon në linjën ligjore të trashëgimisë.

Nipi 33-vjeçar, i cili fillimisht u vetëprezantua si dëshmitar okular, u arrestua pasi provat e mbledhura nga telefonat celularë, kompjuterët dhe komunikimet e tij rezultuan të kundërta me deklarimet e tij të para. Hetuesja, përkundër kundërshtimeve të autorëve të dyshuar që akuzonin njëri-tjetrin, grumbulloi prova që e vendosin nipin në rolin e nxitësit të sulmit, ndërsa ai dyshohet edhe për përfshirje në një atentat të mëparshëm ndaj të njëjtit xhaxha në shtator.

Sipas policisë, telefonata e parë që ai bëri menjëherë pas vrasjes – jo tek autoritetet, por tek biznesmeni që sot është bashkë i arrestuar – u konsiderua një element kyç që ngriti dyshimet ndaj tij. Në deklarata të mëvonshme, 33-vjeçari ka përmendur presionet mediatike, thashethemet për “30 milionë eurot”, grabitjen e dyfishtë të shtëpisë së tij dhe marrëdhënien e ndërlikuar me xhaxhain, të cilin ai e përshkruan si një figurë që e kishte zëvendësuar babanë e tij.

Ndërsa dy të rinjtë e dyshuar si autorë natyrorë të vrasjes qëndrojnë në paraburgim dhe bashkëpunëtori i tretë pritet të arrestohet nga autoritetet gjermane, hetimet për këtë krim që ka tronditur opinionin publik janë ende larg përfundimit. Organet hetimore theksojnë se priten zhvillime të tjera, ndërsa rasti i Finikoundës mbetet plot enigma dhe kontradikta që kërkojnë zbardhje të plotë.

Një histori e pazakontë nga Tennessee është bërë virale në rrjetet sociale, pasi një çift i bardhë u bë prindër të një djali me ngjyrë, duke hapur menjëherë debate, dyshime dhe reagime të shumta online.

Rachel, një nënë e re, solli në jetë djalin e saj, Cash Jamaal Buckman, më 17 shkurt. Por ajo që tërhoqi vëmendjen e publikut ishte ngjyra e errët e lëkurës së foshnjës, në kontrast të dukshëm me pamjen e prindërve të tij, Rachel dhe i fejuari i saj, Paul Buckman.

Lindja e Cash u kthye shpejt në temë diskutimi, pasi imazhet e fëmijës u përhapën me shpejtësi në rrjet. Shumë përdorues nisën të spekulojnë mbi atësinë, duke ngritur dyshime nëse Paul ishte me të vërtetë babai biologjik.

Përballë komenteve dhe aludimeve, Rachel reagoi publikisht. Ajo sqaroi se mban në gjenetikën e saj ADN të afrikano-amerikanëve, e cila, sipas saj, mund të ketë ndikuar në pamjen e foshnjës. Ajo shtoi gjithashtu se disa foshnja mund të duken më të errëta në ditët e para të lindjes për shkak të ndryshimeve natyrale të pigmentit ose edhe mundësisë së verdhëzës, duke u bërë thirrje komentuesve të tregojnë më shumë mirësi.

Megjithatë, historia vijoi të ngjallë kureshtje dhe humor në internet, duke shkaktuar një valë memes-ash, batutash dhe diskutimesh rreth genetikës, trashëgimisë dhe pamjes së foshnjave të porsalindura.

Pavarësisht zhurmës mediatike, çifti ka zgjedhur të mbajë jetën private të familjes larg spekulimeve, duke mos ofruar detaje të tjera përtej sqarimit të tyre fillestar. Ndërkohë, rasti ka hapur një diskutim më të gjerë mbi mënyrën se si interneti reagon ndaj historive të jashtëzakonshme, shpesh duke kaluar kufijtë e privatësisë familjare.

Cash, që vetëm pak ditëshh, është bërë pa dëshirë një fenomen viral, ndërsa prindërit e tij përpiqen të ruajnë normalitetin dhe gëzimin e ardhjes së tij në jetë, pavarësisht vëmendjes së papritur nga publiku.

Në një botë ku çdo histori merr jetë online brenda pak minutash, kjo ngjarje shërben si kujtesë se prindërimi dhe gjenetika shpesh janë shumë më komplekse sesa duket në një foto.

Hetimet në Greqi kanë zbuluar një skenar kriminal të nivelit të lartë, ku një grup shqiptaro-grek po përgatitej të ekzekutonte një nga figurat më të fuqishme të botës së natës në Pire, të njohur nga mediat si “kumbari i madh”.

Sipas burimeve greke, grupi ishte vetëm disa ditë larg finalizimit të atentatit ndaj këtij emri të rëndësishëm të krimit, i cili kontrollonte territor, sigurinë e klubeve të natës dhe rrjetet e karburanteve. Objektivi ishte një ish-bashkëpunëtor i ngushtë i mafiozit Mihalis Zambounis, i vrarë në fillim të vitit 2024. Pas shpërbërjes së rrjetit, ai u kthye në një lojtar të pavarur, gjë që solli konflikt të hapur me grupin e drejtuar nga Dhimitër Meci (“Dimos”), 45 vjeç, shqiptar me histori të gjatë kriminale.

Hetuesit thonë se marrëdhënia mes tyre ka qenë dikur e afërt. Por me rritjen e ndikimit të “kumbarit të madh”, “Dimos” dhe grupi i tij vendosën që ta eliminonin.

Policia ka zbuluar se banda kishte mbaruar fazën e survejimit, duke përdorur kamera të fshehta, vëzhgim 24-orësh dhe mjete të specializuara. Atentati pritej të kryhej gjatë festave të Krishtlindjeve me armë automatike. Një Kallashnikov i gatshëm për përdorim u gjet në një bazë të tyre në Marina Zeas.

Arrestimet dhe të dyshuarit

Deri tani janë arrestuar tre shqiptarë dhe tre grekë, përfshirë një femër, ndërsa një shqiptar i katërt është ende në kërkim.

Në pranga kanë rënë: – Dhimitër Meci alias Dimitrios Metsis, 45 vjeç, nga Labova e Poshtme, Gjirokastër – Andrea Brokeri, 32 vjeç, nga Himara – Fatjon Prendi, 39 vjeç, nga Lezha Në kërkim: – Vasil Theohari, 31 vjeç, nga Krongji i Finiqit

Ata akuzohen për atentatin e 16 majit 2025 kundër automjetit të blinduar të grekut Jani Lala, ku u qëllua rreth 50 herë, por pa e prekur objektivin. Grupi kishte instaluar një kamerë të fshehtë në panelin e një furgoni të parkuar përballë karburantit të Lalës, duke monitoruar lëvizjet e tij në kohë reale.

Dy javë më vonë, ata tentuan sërish të përgjonin Lalën në një tjetër pikë karburanti, por furgoni u identifikua nga një punonjës, duke çuar në zbulimin e pajisjeve të fshehta. Sipas policisë, të njëjtët persona dyshohen edhe për zjarrvënien në një karburant në Argyroupoli, më 23 shkurt.

Hetimet vijojnë, ndërsa autoritetet greke thonë se kanë parandaluar një prej atentateve më të bujshme të krimit të organizuar në vitet e fundit.