Author: admin

Dy persona mbetën të plagosur pasdite ne sotme në fshatin Grudë të Shkdorës, pasi ishin shënjastra e një atentati.

Gjergji Ndërshtiqa, student i Akademisë së Sigurisë, dhe kunati i tij, Gjin Lika, u qëlluan me armë nga dy persona, që ndodheshin brenda një makine.

Pas ngjarjes, autorët janë larguar, teksa policia ka arritur të gjejë mjeti ne djegur. Nga ana tjetër, i plagosuri Gjergj Ndërshtiqa është vëllai i drejtorit të Drejtorit të Drejtorisë së Transportit Rrugor.

Në drejtim të Shkodrës është nisur edhe Drejtori i Përgjithshëm i Policisë së Shtetit Muhamet Rrumbullaku dhe Drejtori i Krimeve të Renda. Raportohet se më herët u nisën Forcat Kombëtare të Sigurisë dhe Forcat Speciale RENEA.

Ata janë nisur drejt Spitalit të Shkodrës dhe ndodhen jashtë rrezikut për jetën. Forca të shumta policie janë nisur më drejtim të vendit të ngjarjes.

Një ngjajre tragjike ka ndodhur në Illinois në SHBA, në Rushville në perëndim të Springfield, ku tre fëmijë dhe dy të rritur kanë humbur jetën, pas përplasjes së një autobusi shkolle me një kamion në Illinois.

Sipas Associated Press, nga përplasja kanë marrë flakë të dyja automjetet.

Përplasja ndodhi pak para mesditës në Rushville, një komunitet me rreth 3000 banorë rreth 96.56 kilometra në perëndim të Springfield.

Në autobusin e shkollës ndodheshin katër persona, tre fëmijë dhe shoferi.

Për shkak të përplasjes, humbi jetën edhe shoferi i kamionit.

Ende nuk dihet shkaku i aksidentit tragjik.

Bashkëshortja e Aleks Nikës, Rajmonda Nika një prej viktimave të “21 Janarit” ka folur për mediat, pasi Prokuroria e Posaçme vendosi të hetojë këtë ngjarje, gjë që ishte kërkuar me ngulm nga familjarët e viktimave.

Ajo u shpreh se e drejta gjithmonë fiton dhe se e prisnin këtë vendim, duke shtuar se ajo ka kallëzuar gjithë zinxhirin komandues të asaj kohë, duke nisur nga Sali Berisha.

“E prisnim, sepse e drejta gjithmonë fiton. Shpresoj që të vazhdojë dhe të trajtohet ashtu sic e meriton.

Kam kallëzuar gjithë zinxhirin, që nis nga Berisha e deri tek më i vogli,” tha ajo.

Sara Gjordeni është kthyer në personazhin më të komentuar, edhe pse aventura e saj në ”Big Brother Albania Vip 3” përfundoi pak ditë më parë.

Gjithçka nisi me daljen e Bardhit, përshkak se nëna e tij ishte shtruar në spital, dhe këtu lindën shumë drama dhe polemika mes Sarës dhe menaxherit të të dashurit të saj, Jetmirit.

Teksa rrjeti zien ende, Sara ka shkuar në Kumanovë dhe në instastory ka hedhur këtë foto krah Bardhit, ku shkruan ”Ju duam”. Çifti vijon që të jetë bashkë, duke hedhur poshtë çdo lloj aludimi.

Më vonë Sara postoi edhe një foto me nënën e Bardhit ku shihet që i ka kapur dorën, ku tregon edhe njëherë që aludimet me tyre janë shuar.

GREQI – Një 20 vjecar shqiptar ka humbur jetën në orët e para të mëngjesit të sotëm në Menidi të Greqisë.

Aksidenti ka ndodhur kur fuoristrada e këngëtarit Janis Ksanthopoulos, 24 vjeç, ka devijuar majtas rrugës dhe është përplasur ‘kokë më kokë’ me një automjet tjetër në rrugën “Dekelias” në Menidi.

Pas përplasjes, mjeti i dytë në të cilin ndodheshin dy 20-vjeçarë është përplasur me një shtyllë të energjisë elektrike, ku ka mbetur i vdekur njëri prej tyre, pikërisht Antonio Daja nga Hajmeli i Vaut të Dejës.

Nga përplasja e mjeteve kanë mbetur të plagosur lehtë dy drejtuesit e mjeteve, të cilët janë arrestuar nga policia.

(BalkanWeb)

Prokuroria e Durrësit vijon të hetojë rrethanat e vrasjes së kryefamiljarit, Pëllumb Meta. Për këtë janë arrestuar tre fëmijët e tij, të cilët dyshohet se krimin kanë kryer në bashkëpunim me njëri-tjetrin.

Së fundi, hetimet kanë zbuluar se në pistoletën që është përdorur për të vrarë Pëllumb Metën janë gjetur gjurmët e gishtërinjve të djalit të vogël, Amarildo Meta.

Fatjon Softa, eksperti i kriminalistikës i ftuar në një studio televizive, beson se autori i vrasjes së Pëllumb Metës është jashtë familjes, por gjithsesi kjo pistë mbetet për t’u zbuluar nga hetimet.

“Nuk është se ndryshon gjë, veç faktit që kjo armë është më gjurmët e tre personave. Dyshimet janë të vajza dhe djali i madh dhe për këtë gjë kanë bërë disa eksperimente, për mënyrë se si vajza përdor armën dhe kanë vajtur në konkluzion se vajza di të mbush dhe të përdorë armën. Unë kështu e analizoj mundësinë që të kemi një vrasës, i cili vjen nga jashtë familjes”, tha ai.

Komuniteti i Inteligjencës Amerikane sot ka publikuar raportin vjetor të vlerësimit të kërcënimeve për vitin 2024. Në këtë raport është i përfshirë edhe rajoni i Ballkanit Perëndimor, rajon për të cilin parashikohet rritje e rrezikut për dhunë të lokalizuar ndër-etnike. Ata theksuan disa raste që do të kenë potencial për ndikim më të madh në sigurinë globale dhe potencialin për veprim nga Shtetet e Bashkuara, aleatët dhe partnerët e saj.

Raporti tregon se liderët nacionalistë ka të ngjarë që të përkeqësojnë situatën dhe të rrisin tensionet për ta përdorur situatën në avantazh të tyre politik. Gjithashtu thuhet se aktorët e jashtëm do të përforcojnë dhe shfrytëzojnë dallimet etnike për të rritur apo mbrojtur ndikimin e tyre rajonal ose edhe për të penguar integrimin e rajonit të Ballkanit Perëndimor në BE dhe institucionet euro-atlantike.

Raporti kujton përleshjet midis nacionalistëve serbë dhe autoriteteve të Kosovës që çuan në vdekje të një efekti policie, dhe plagosjen e disa të tjerëve, duke përfshirë ata të paqeruajtësve të NATO-s, në vitin 2023.

Më tej në raport thuhet se udhëheqësi serb i Bosnjës Milorad Dodik po ndërmerr hapa provokues për të neutralizuar mbikëqyrjen ndërkombëtare në Bosnje dhe Hercegovinë dhe për të siguruar shkëputjen de facto të Republikës Srpska.

“Veprimet e tij mund të inkurajojnë udhëheqësit e popullsisë boshnjake të forcojnë kapacitetin e tyre për të mbrojtur interesat e tyre dhe ndoshta të çojnë në konflikte të dhunshme që mund të kërcënojnë ruajtjen e paqes”, thuhet në raport.

Duke komentuar raportin, Jasmin Mujanoviç, politolog që jeton dhe punon në Los Angeles, thekson se vlerësime të tilla janë “për fat të keq të sakta”.

“Komuniteti amerikan i inteligjencës beson se Dodik mund të inicojë shkëputjen në BiH në vitin 2024 dhe se nëse aktorët politikë boshnjakë reagojnë për ta ndaluar atë, EUFOR BiH nuk do të jetë në gjendje të parandalojë përshkallëzimin e spirales së dhunës. Po ashtu, ka një rrezik të shtuar për konflikte të reja mes Serbisë dhe Kosovës”, ka komentuar Mujanoviç në rrjetin X.

Banorët e Stambollit po jetojnë së fundmi me frikën se mund të bjerë një tërmet i madh, pasi sizmologë të shquar po japin alarmin dhe madje flasin për lëkundje që mund të shkojnë deri në 8 Rihter.

Por sa të gatshëm janë Stambolli dhe Turqia për një dukuri të tillë makthi? Ekspertët e cituar nga mediat turke thonë se qarkullimi në qytet do të jetë shumë i vështirë për 3 deri në 7 ditë pas një tërmeti të madh.

Theksohet se të paktën dy nga katër autostradat kryesore që përbëjnë rrugën bregdetare, autostrada D-100, autostrada TEM dhe autostrada e Marmarasë së Veriut duhet të qëndrojnë të hapura në drejtimin lindje-perëndim.

Profesor Dr. Halit Ozen, anëtar i Departamentit të Inxhinierisë së Ndërtimit të Universitetit Teknik YTU, bëri një vlerësim mbi masat që duhen marrë në sektorin e transportit dhe çfarë duhet bërë në rast të një tërmeti në Stamboll.

Ozen shpjegoi se në rast tërmeti, transferimet do të bëhen vetëm për arsye sigurie, për qëllime ndihme emergjente – shpëtimi që vijnë nga evakuimi dhe, në fazën e fundit, për ofrimin e shërbimeve të infrastrukturës, për lokalizimin dhe riparimin e dëmeve, dhe theksoi se këto lëvizje duhet të menaxhohen siç duhet dhe të merren masa për të reduktuar efektet e tërmetit.

Përdorimi i transportit publik është zgjidhja për të shmangur bllokimin e trafikut

Ozen tha gjithashtu se njerëzit që i shërbejnë publikut në udhëtimet e tyre duhet të trajnohen se si të veprojnë gjatë një tërmeti.

“Duke qenë se ligjet e fatkeqësive do të zbatohen në zonën e tërmetit që nga momenti i ndodhjes së kësaj dukurie, fillimisht njerëzit duhet të informohen për ligjet për fatkeqësitë. Transporti publik duhet të përdoret për udhëtime personale në mënyrë që të mos bllokohen rrugët. Në këtë kuadër, të gjithë drejtuesit e mjeteve në shërbim të publikut, si shoferët e taksive, shoferët e transportit publik, ata që përdorin sistemin hekurudhor dhe ata që punojnë në shërbimet e infrastrukturës, duhet të trajnohen se si të veprojnë gjatë një tërmeti”.

Ozen vuri në dukje se pas tërmetit do të ketë një situatë trafiku komplekse dhe të vështirë për t’u parashikuar për 3 deri në 7 ditë dhe tha:

“Menaxhimi i trafikut duhet të projektohet në mënyrë që të ketë akses kërkim-shpëtimi. Në këtë kuadër, është shumë e rëndësishme të kryhen aktivitete për mbajtjen e hapur të këtyre rrugëve nga pika e parë e daljes së autoambulancave drejt zonës së fatkeqësisë, nga zona e fatkeqësisë në spital dhe po ashtu edhe për mjetet e zjarrfikësve.

Rruga bregdetare nuk mund të përdoret nëse ndodh një cunami

“Në rast tërmeti, të paktën dy nga 4 korridoret në Stamboll në drejtimin lindje-perëndim, të përbërë nga rruga bregdetare, autostrada D-100, autostrada TEM dhe autostradën veriore Marmara, duhet të qëndrojnë të hapura”.

Duke vënë në dukje se autoritetet po punojnë për masat për të mbajtur të hapura korridoret, Ozen vuri në dukje se rruga më e rëndësishme për t’u marrë parasysh është rruga bregdetare, “sepse është shumë afër detit. Për shkak të rrezikut të shfaqjes së efektit të cunamit, është e rëndësishme që planet e tyre të bëhen duke marrë parasysh që ato mund të mos jenë të përdorshme”.

Ozen vuri në dukje se në rast tërmeti shërbimi nga mjetet detare si dhe ato të sistemit hekurudhor mund të mos jetë i mundur dhe tha: “Nuk do të mund të përdorim detin për të paktën dy ose tre ditë. Duke ditur që nuk do të përdorim detin në këtë proces, duhet të organizohemi në përputhje me mjetet që kemi”.

Ish-futbollist Jaylen Johnson, ka qëlluar aksidentalisht për vdekje nënën e tij gjatë fundjavës, duke menduar se ajo ishte një e huaj që tentonte të hynte fshehurazi në shtëpinë e tyre në Misuri.

“Ai nuk ka pushuar së qari”, tha William Goldstein, avokati i 25-vjeçarit, në St. Louis Post-Dispatch gjatë fundjavës.

Jaylen Johnson, mendoi se nëna e tij ishte një e huaj kur ajo u përpoq të hynte në derën e pasme të shtëpisë së tyre Olivette, që ndodhet në periferi të St. shtëpinë për mbrojtje pasi ai u grabit me armë, tha avokati i tij.

Policia e Olivette tha se nëna e Jaylen, 56-vjeçarja Monica McNichols-Johnson, vdiq në shtëpi, pavarësisht përpjekjeve për shpëtimin e jetës të bëra nga e dashura e Johnson.

Djali thirri menjëherë 911 pas të shtënave dhe ka qenë i shqetësuar që atëherë, tha avokati i tij.

Prokurorët e akuzuan Johnson, për vrasje nga pakujdesia dhe veprime kriminale të armatosura.

Lirimi i tij me kusht u caktua në 100,000 dollarë.

Johnson më parë ka luajtur futboll në kolegj, është i punësuar dhe nuk ka histori kriminale, sipas avokatit dhe zyrtarëve të tij.

Gazetarja Anila Hoxha, teksa ishte e ftuar në emisionin “Breaking”, ka dhënë detaje në lidhje me ekzekutimin e Pëllumb Metës, në Shën Vlash të Durrësit, disa javë më parë.

“Prokuroria bazuar në një seri të dhënash hetimore të këqyrjes së vendngjarjes ka akuzën e vrasjes vetëm për dy prej fëmijëve, Hygertën dhe Hysenin, janë nën arrest me burg për akuzën e vrasjes për shkak të marrëdhënieve familjare, fëmija i tretë akuzohet për veprën e fshehjes së kufomës, pasi ka konstatuar krimin ka marrë rol bashkëpunues për të fshehur trupin e babait, nëna ka kryer veprime që pengojnë zbulimin e së vërtetës, kjo është akuza që dyshohet të jetë kryer nga kryefamiljarja. Nuk ka prova shkencërisht se cili nga fëmijët ka qëlluar. Ju kujtoj historinë e Nazime Vishës, e cila shkoi tek shtëpia e gjyshes pas një historie me një burrë të martuar, u identifikua si vrasëse e Fiqiriut, grupi i hetimit urdhëroi kryerjen e një eksperimenti hetimor, iu nënshtrua dhe rezultoi se ajo ishte një qitëse e mirë, u befasuan se kishte aftësi të mira, u bindën se kishte qëlluar mbi të ndjerin”, tha Hoxha.

“Të tre fëmijët u përshkruan si të pa penduar dhe si të ftohtë, nuk ka një rezultat të firmosur nga psikologët për gjendjen e tyre, do duhet të firmoset nga psikologët që po i mbajnë në observim. Hygerta po mbahet në burgun e grave. Nuk ka një rezultat definitiv për gjendjen psikologjike. Në banesë është dërguar vetëm Hygerta. Nëse ka shkuar mamaja të takojë Hygertën dhe djemtë, sa kohë nuk ka një urdhër nga prokurori janë përgjigje shumë domethënëse, sa kohë nuk ka një autor me prova shkencore, grupi hetimor do të vijë me metodat, apo lënien padashje vetëm të tyre në zonat që merren në pyetje”.

A u rrezikohet jeta?

“Jo, është një jo absolute, ata nuk janë të kërcënuar brenda burgut, pavarësisht tronditjes së opinionit, ata nuk janë takuar me persona të jashtëm për shkak të zhvillimit të hetimit, ka një lloj rutine ndaj tyre”, tha Hoxha.