Author: admin

DETAJE TRONDITËSE nga ngjarja në Athinë! BISEDA e Lulietës me të motrën para tràgjedisë

Detaje të reja janë zbardhur nga hetimet për vrasjen e 45-vjeçares shqiptare Lulieta Obzova në Nea Smyrni të Athinës, ndërsa ekzaminimet mjeko-ligjore dhe pamjet e kamerave të sigurisë po ndihmojnë autoritetet të rindërtojnë momentet e fundit të saj.

Sipas të dhënave të hetimit, 50-vjeçari Altin Allmuça dyshohet se kishte mbërritur më herët pranë pallatit ku banonte viktima dhe e kishte pritur atë. Kur 45-vjeçarja hapi derën e hyrjes, ai dyshohet se hyri pas saj në ndërtesë.

Ngjarja ka ndodhur brenda pak sekondash. Sipas gjetjeve paraprake, Allmuça dyshohet se e ka goditur viktimën me shqelma, duke e rrëzuar në tokë. Më pas i ka drejtuar armën.

45-vjeçarja dyshohet se ka ngritur duart në përpjekje për t’u mbrojtur, ndërsa plumbi i parë nuk e ka goditur. Më pas, autori dyshohet se e ka tërhequr zvarrë për rreth një metër dhe e ka qëlluar në kokë, duke i shkaktuar vdekjen.

Pas krimit, 50-vjeçari ka kthyer armën ndaj vetes dhe ka vrarë veten.

Në hetim janë edhe pamjet e kamerave të sigurisë, të cilat dyshohet se kanë regjistruar lëvizjet e Allmuçës përpara ngjarjes dhe mbërritjen e tij në zonën e Nea Smyrnit.

Viktima kishte rrëfyer frikën nga ish-partneri

Sipas dëshmive të familjarëve, 45-vjeçarja i kishte treguar motrës se kishte vendosur t’i jepte fund marrëdhënies për shkak të xhelozisë së partnerit.

Ajo dyshohet se kishte thënë se ai vazhdonte të këmbëngulte edhe pas ndarjes dhe se ndihej e frikësuar prej tij.

Në fokus të hetuesve janë tashmë edhe telefoni dhe pajisjet elektronike të 50-vjeçarit, me shpresën për të gjetur komunikime apo të dhëna që mund të ndihmojnë në zbardhjen e marrëdhënies mes tyre.

Ndërkohë, bashkëshortja e Allmuçës ka dëshmuar se gjatë 18 muajve të fundit kishte vënë re ndryshime në sjelljen e tij. Sipas saj, ai mungonte shpesh në shtëpi dhe në disa raste flinte jashtë, pa i treguar se ku ndodhej.

Para se të largohej nga banesa ditën e krimit, 50-vjeçari dyshohet se i la bashkëshortes 1 mijë euro dhe i kërkoi t’i mbante.

Hetuesit po verifikojnë tashmë të gjitha lëvizjet e tij dhe provat e mbledhura, për të rindërtuar me saktësi minutat para vrasjes dhe për të përcaktuar motivin e plotë të krimit.

“Mos i jep muhabet këtij lale, është hasmi i Gjergjit”/ V,rasja e policit Arben Bilali, zbardhet dëshmia e të penduarit që ‘fundos’ Cukalin

Pas vendimit të Gjykatës së Apelit, prokuroria pritet të rihapë hetimet për Gjergj Cukalin, i dyshuar për vrasjen e ish-policit Arben Bilali shtatë vite më parë në zonën e Selitës. Por, teksa prokuroria do të duhet të realizojë detyrat e caktuara në vendimin e gjykatës, Mediat kanë mësuar se lidhur me këtë ngjarje, gjatë një seance në Gjykatën e Posaçme është rrëfyer i penduari i drejtësisë Enver Jamaku.

Mbi bazën e dëshmisë së Jamakut, Gjergj Cukali është gjetur fajtor për atentatin e mbetur në tentativë ndaj Gjon Menës në Kamëz, si dhe janë dënuar edhe disa persona të tjerë për krime të rënda. Lidhur me vrasjen e ish-policit Bilali, i penduari i drejtësisë flet, ndër të tjera, për një bisedë të zhvilluar mes tij dhe një personi të identifikuar si Ad Bomi.

Ai shpjegon se shkoi tek Xubi i Yzberishtit, i referohet shtetasit Fatmir Avdillarit, për të marrë një makinë, pasi kishte rezultuar me problem shasie dhe ndërmjetës për shitjen ishte Ad Bomi. “Kur kam takuar Xubin e Yzberishtit, Adi më ka thënë: ‘Mos i jep muhabet këtij lale, se ky është hasmi i Gjergj Cukalit, pasi Gjergji i ka vrarë shokun e tij Arben Bilali dhe vëllain e tij’”, rrëfen Jamaku.

I penduari i drejtësisë pretendon se këtë bisedë e ka bërë edhe më vonë me Ad Bomin dhe i ka konfirmuar të njëjtën gjë. Lidhur me këtë ngjarje, i penduari i drejtësisë nuk jep detaje të mëtejshme në dëshminë e dhënë para Gjykatës së Posaçme, por me rihapjen e dosjes ndoshta hetuesit do ta pyesin të penduarin për të rrëfyer versionin e tij për këtë ngjarje dhe mënyrën se si i ka siguruar informacionet.

Disa kohë më parë, Gjykata e Apelit vendosi të prishë vendimin e shkallës së parë, që pati pushuar hetimet për Gjergj Cukalin dhe të urdhërojë prokurorinë ta hetojë të fortin e Myslim Shyrit për akuzat e vrasjes me paramendim dhe armëmbajtjes pa leje.

Në 2020, me kërkesë të prokurorisë, Gjykata e Tiranës pushoi çështjen ndaj Cukalit, për mungesë provash, pasi ADN-ja e gjetur në një shishe plastike që u zbulua në makinën e përdorur në vrasje u konsiderua provë e pavlefshme. Arben Bilali, ish-punonjës policie, u ekzekutua në zonën e Selitës në 2019, ndërsa më herët i ishin vrarë edhe dy vëllezërit, Bujar Bilali në vitin 1998, ndërsa Leonardi, ish-mundës i Dinamos, në gusht të vitit 2010.

V, rαυ nënën e tij dhe ρΙagosi babanë, del foto e Florion Dalladakut: U largua me një …

Dalin detaje të reja nga ngjarja e rëndë e regjistruar mbrëmjen e së hënës në fshatin Zhymë të Lushnjës, ku Florion Dalladaku, 45 vjeç, dyshohet se v rau nënën e tij dhe plagosi rëndë babanë.

Pas ngjarjes është publikuar edhe fotoja e 45-vjeçarit, i cili vijon të jetë në kërkim nga Policia.

Sipas të dhënave paraprake, Dalladaku është larguar nga banesa pas krimit me një automjet tip Ford, duke marrë drejtim të paditur.

Ngjarja ndodhi rreth orës 21:20, në banesën e familjes Dalladaku. 45-vjeçari dyshohet se ka sulmuar prindërit e tij me një send metalik prerës, sqepar.

Si pasojë e plagëve të marra, Fanije Dalladaku, 80 vjeçe, ka humbur jetën, ndërsa Hasan Dalladaku, 77 vjeç, është plagosur rëndë dhe ndodhet në spital nën kujdesin e mjekëve.

Policia në kërkim të 45-vjeçarit

Shërbimet e Policisë kanë intensifikuar kontrollet për lokalizimin dhe kapjen e Florion Dalladakut.

Sipas autoriteteve, 45-vjeçari dyshohet se ka probleme të shëndetit mendor, ndërsa motivet e sulmit mbeten ende të paqarta.

Grupi hetimor ndodhet në vendngjarje dhe, nën drejtimin e Prokurorisë, po vijon punën për zbardhjen e plotë të dinamikës së ngjarjes.

Policia po verifikon gjithashtu itinerarin e largimit të 45-vjeçarit dhe të dhënat që mund të ndihmojnë në lokalizimin e tij.

Lushnjë/Informacion paraprak

Rreth orës 21:20, në fshatin Zhymë, Lushnjë, shtetasi F. D., 45 vjeç, dyshohet se, në banesë, për motive ende të paqarta, ka goditur me një send metalik prerës (sqepar) nënën e tij, shtetasen F. D., 80 vjeçe, e cila, si pasojë e plagëve të marra, ka humbur jetën, si dhe ka plagosur rëndë babain e tij, shtetasin H. D., 77 vjeç, i cili ndodhet në spital, nën kujdesin e mjekëve.

Shtetasi F. D., i cili dyshohet se vuan nga probleme të shëndetit mendor, është larguar nga banesa pas ngjarjes. Shërbimet e Policisë po vijojnë kontrollet për lokalizimin dhe kapjen e tij.

Grupi hetimor ndodhet në vendngjarje dhe, nën drejtimin e Prokurorisë, po punon për dokumentimin e plotë të rrethanave të ngjarjes.

Aksident tragjik në Golem/ Motori përpΙaset me bordurën e rrugës, dy të νdekυr

Një aksident tragjik është regjistruar në Golem, ku dy persona kanë humbur jetën. Ngjarja ndodhi rreth orës 00:20, të datës 25.08.2026.

Mësohet se një motomjet me dy persona është përplasur me një bordurë dhe për pasojë ka humbur jetën drejtuesi, shtetasi me inicialet E. L., 44 vjeç, si dhe pasagjeri, ende i paidentifikuar.

Golem/Informacion paraprak

Rreth orës 00:20, të datës 25.08.2026, në Golem, një motomjet me dy persona është përplasur me një bordurë.

Si pasojë e aksidentit, kanë humbur jetën drejtuesi i motomjetit, shtetasi E. L., 44 vjeç, si dhe pasagjeri, ende i paidentifikuar.

Grupi hetimor ndodhet në vendngjarje dhe po punon për dokumentimin dhe sqarimin e plotë të rrethanave të aksidentit, si dhe për identifikimin e shtetasit tjetër.

Shqipëria merr medaljen e artë në Lojërat Mesdhetare “Taranto 2026”, Dudaev shpallet kampion

Shqipëria ka siguruar një medalje të artë në Lojërat Mesdhetare “Taranto 2026”, me mundësin Islam Dudaev që është shpallur kampion në kategorinë deri në 74 kilogramë, në stilin e lirë.

Dudaev arriti në finalen e madhe, ku u përball me Fati Vejselin, mundësin shqiptar që përfaqëson Maqedoninë e Veriut.

Përballja nuk shkoi deri në fund, pasi Vejseli pësoi një dëmtim dhe nuk mundi të vijonte garën.

Kështu, medalja e artë i shkoi Dudaevit, duke i dhënë Shqipërisë një sukses të rëndësishëm në këtë edicion të Lojërave Mesdhetare.

Por bilanci i mundësve kuqezi në “Taranto 2026” nuk u ndal te ari. Zelimkhan Abakarov siguroi medaljen e argjendtë në kategorinë deri në 65 kilogramë, në stilin e lirë.

Abakarov arriti deri në finalen e madhe, ku u përball me turkun Ahmet Duman. Sfida për medaljen e artë përfundoi 4–2 në favor të Dumanit, duke e lënë Abakarovin me medaljen e argjendtë.

Dy medaljet e fituara nga Dudaev dhe Abakarov e ngjitin Shqipërinë në podiumin e Lojërave Mesdhetare dhe i japin një tjetër rezultat të rëndësishëm sportit shqiptar në arenën ndërkombëtare.

Horoskopi për ditën e sotme, e martë 25 gusht 2026!

DASHI (21 mars – 19 prill)

Mirëqenia emocionale bëhet barometri juaj i vërtetë: nëse ndiheni pak të lodhur, kjo do të thotë që e keni shtyrë veten shumë fort javët e fundit. Profesionalisht, shenjat e para të përmirësimit më në fund po vijnë pas një periudhe riorganizimi kompleks, por duhet të shmangni sjelljen e furisë së projekteve të punës në shtëpi. Në dashuri, nevojitet dialog i sinqertë; sqarimi i një keqkuptimi të vogël me të dashurin tuaj do të rivendosë një qetësi të madhe mendore.

DEMI (20 prill – 20 maj)

Projektet e punës dhe kontratat që i keni pritur me padurim po fillojnë të marrin formë. Kjo klimë sigurie financiare po ndikon pozitivisht edhe në shëndetin tuaj, duke ju dhënë një trup më të tonifikuar dhe më pak të tensionuar. Në marrëdhëniet tuaja, më në fund do të jeni në gjendje të ndërtoni diçka të qëndrueshme: për çiftet e lidhura prej kohësh, kjo është koha ideale për të planifikuar një hap të madh ose për të ringjallur një lidhje që ishte duke u zbehur.

BINJAKËT (21 maj – 21 qershor)

Shëndeti juaj mendor dhe fizik kërkon një moment pushimi; nxitimi nga një angazhim në tjetrin pa pushim rrezikon të ngarkojë sistemin tuaj nervor. Nga ana tjetër, lidhja juaj romantike po kalon një fazë veçanërisht të shkëlqyer: fjalët rrjedhin lehtë dhe ata që kërkojnë një takim stimulues do të gjejnë një përgjigje të shkëlqyer. Në jetën tuaj profesionale, duhet të zvogëloni në mënyrë drastike angazhimet tuaja prioritare për të shmangur shpërdorimin e energjisë së çmuar në projekte të pafitueshme.

GAFORRJA (22 qershor – 22 korrik)

Në jetën tuaj emocionale, po shijoni një periudhë stabiliteti të thellë emocional. Ndjeni nevojën për të mbrojtur të dashurit tuaj dhe yjet ju shpërblejnë me një ndjenjë rigjeneruese harmonie. Mundësi konkrete hapen në punë, duke ju lejuar të hiqni dorë nga frikërat e vjetra për të ardhmen tuaj financiare. Shëndeti juaj përfiton nga kjo atmosferë e relaksuar, duke ju dhënë një vitalitet të ripërtërirë që ju inkurajon të kujdeseni për imazhin tuaj.

LUANI (23 korrik – 23 gusht)

Shtytja juaj profesionale është e madhe, duke ju lejuar të pohoni karizmën tuaj të pamohueshme në negociatat më komplekse. Megjithatë, ky pohim i fortë profesional kërkon menaxhim të kujdesshëm të energjisë suaj fizike: mos harroni t’i jepni trupit tuaj pushim të duhur në mënyrë që të mos ndiheni të lodhur në fund të ditës. Në dashuri, ekziston një dëshirë e fortë për pasion, por do t’ju duhet t’i tregoni partnerit tuaj se jeni aty me zemrën tuaj, jo vetëm me krenarinë tuaj.

VIRGJËRESHA (24 gusht – 22 shtator)

Kujdesi për shëndetin dhe formën tuaj fizike është parësor për mendimet tuaja, duke ju shtyrë të rizbuloni një stil jetese më të shëndetshëm dhe më të rregullt. Në biznes, saktësia juaj e zakonshme siguron rezultate të besueshme dhe të qëndrueshme, duke ju mbrojtur nga çdo pengesë financiare. Ndjenjat tuaja përfitojnë nga kjo paqe e brendshme: atmosfera në marrëdhënien tuaj është e relaksuar, e karakterizuar nga diskutime konstruktive dhe e hapur për ata që dëshirojnë të rikthehen në lojë.

PESHORJA (23 shtator – 22 tetor)

Kthimi juaj në punë ka një fillim premtues, veçanërisht për ata që kanë përjetuar vonesa burokratike ose kanë nevojë të rinegociojnë marrëveshjet e kaluara. Çështjet që lidhen me shëndetin nxjerrin në pah një rikuperim të dukshëm të tonit dhe vitalitetit, ideale për ata që kërkojnë të fillojnë një aktivitet të ri fizik. Megjithatë, në frontin romantik, nevojitet një diplomaci më e madhe: përpiquni të mos jeni shumë kërkues ndaj partnerit tuaj dhe dëgjoni nevojat e tij me empati.

AKREPI (23 tetor – 21 nëntor)

Shëndeti juaj kërkon një pushim të shkurtër rigjenerues për të çliruar tensionin mendor të akumuluar së fundmi. Për fat të mirë, marrëdhëniet tuaja shoqërore dhe jeta dashurore ju ofrojnë një strehë të sigurt: marrëdhënia juaj është intensive dhe takimet e fundit mund të transformohen në diçka vërtet të thellë. Në punë, situata mbetet e favorshme, megjithëse këshillohet të ruani një nivel të caktuar kujdesi kur menaxhoni shpenzimet dhe të prisni që pak kohë teknike të piqet.

SHIGJETARI (22 nëntor – 21 dhjetor)

Sektori emocional ju thërret drejt lehtësisë dhe zbulimit: ata që dëshirojnë emocione autentike do të gjejnë terren pjellor për t’u shprehur me liri të plotë. Shëndeti juaj përfiton jashtëzakonisht nga prirja juaj natyrore ndaj aktiviteteve në natyrë, gjë që ju ndihmon të hiqni qafe çdo gjurmë përtacie. Profesionalisht, mundësi stimuluese ju presin për të zgjeruar horizontet tuaja, por duhet të jeni gati ta shfrytëzoni momentin pa hezitim.

BRICJAPI (22 dhjetor – 19 janar)

Synimet kryesore në karrierë kërkojnë vizion afatgjatë dhe disiplinë të palëkundur, cilësi që nuk ju kanë munguar kurrë dhe të cilat do t’ju çojnë drejtpërdrejt drejt suksesit. Megjithatë, ky përqendrim intensiv në karrierën tuaj rrezikon të lërë mënjanë nevojat tuaja emocionale; në dashuri, do t’ju duhet të bëni përpjekje shtesë për t’i treguar dashuri partnerit tuaj. Mbani modele të rregullta gjumi për të mbrojtur rezervat tuaja të energjisë fizike.

UJORI (20 janar – 19 shkurt)

Marrëdhënia juaj po përjeton një periudhë rimëkëmbjeje paqësore, duke ndihmuar në sqarimin e dyshimeve ose keqkuptimeve të vjetra që lindën gjatë muajve të verës. Në një nivel shëndetësor, duhet të monitoroni lodhjen tuaj të akumuluar, duke shmangur sforcimin e tepërt gjatë orëve më të nxehta. Në punë, mund të ndjeni nevojën për të bërë ndryshime të konsiderueshme në rrugën tuaj të karrierës: shqyrtoni me kujdes çdo mundësi përpara se të ndërmerrni ndonjë hap vendimtar.

PESHQIT (20 shkurt – 20 mars)

Një valë e fuqishme frymëzimi ripërtërin ndjeshmërinë tuaj dhe stimulon kreativitetin e brendshëm, duke ndikuar pozitivisht në mirëqenien tuaj të përgjithshme fizike. Profesionalisht, mundësi vërtet premtuese presin ata që kërkojnë të nisin një projekt të ri ose të transformojnë karrierën e tyre. Dashuria ofron momente me intensitet të rrallë emocional, perfekte për të forcuar një marrëdhënie ose për t’i lejuar vetes të befasoheni nga një ndjenjë e re.

Ngjarja që tronditi Athịnën/ 50-vjeçari shqıptar ishte i martuar dhe baba i një fëmije, flet gruaja e Allmuçës

Policia po mbledh prova të reja për të zbardhur rrethanat e ngjarjes së rëndë në Athinë, ku 50-vjeçari Altin Allmuça vrau të dashurën 45-vjeçare dhe më pas kreu vetëvrasje.

Autoritetet po përpiqen të përcaktojnë marrëdhënien mes dy personave dhe motivin e krimit. Sipas informacioneve të publikuara nga mediat greke, Allmuça ishte i martuar dhe baba i një fëmije. Gruaja e tij mësohet t’u ketë thënë autoriteteve se nuk kishte dijeni për marrëdhënien e bashkëshortit me viktimën.

Policia po shqyrton provat që tregojnë se mes 50-vjeçarit dhe 45-vjeçares mund të ketë pasur një marrëdhënie personale, ndërsa natyra, kohëzgjatja dhe dinamika e saj nuk janë përcaktuar ende.

Në kuadër të hetimeve, policia ka kontrolluar banesën e Allmuçës në Tavros, në kërkim të provave që mund të ndihmojnë në zbardhjen e marrëdhënies mes tyre dhe përgatitjen e krimit.

Në fokus janë pajisjet elektronike, dokumentet dhe sende të tjera që mund të ndihmojnë në rindërtimin e lëvizjeve të tij para ngjarjes.

Gjithashtu, po analizohen telefonat celularë dhe aktiviteti online i dy personave, për të përcaktuar nëse ka pasur komunikime, takime apo konflikte para vrasjes.

Sipas hetimeve paraprake, 50-vjeçari shqiptar dyshohet se kishte ngritur një kurth për 45-vjeçaren dhe e priste jashtë banesës së vajzës së saj. Pasi e qëlloi për vdekje, ai përdori të njëjtën armë për t’i dhënë fund jetës.

“Po takoj dikë dhe kthehem menjëherë” 29-vjeçarja gjendet e d jegυr dhe ρa jetë në mes të vreshtave

Një ngjarje e trìshtë tronditi Francën, ku trupi i 29-vjeçares Sonia Bellina u gjet i djegur në një vresht në Saint Gilles. Testet e ADN-së kanë konfirmuar së fundmi se vajza e gjetur dy ditë më parë ishte pikërisht influencuesja 29-vjeçare, e cila ishte zhdukur që prej datë 10 gusht dhe familja e saj nuk … Continue reading ““Po takoj dikë dhe kthehem menjëherë” 29-vjeçarja gjendet e d jegυr dhe ρa jetë në mes të vreshtave”

Një ngjarje e trìshtë tronditi Francën, ku trupi i 29-vjeçares Sonia Bellina u gjet i djegur në një vresht në Saint Gilles.

Testet e ADN-së kanë konfirmùar së fundmi se vajza e gjetur dy ditë më parë ishte pikërisht influencuesja 29-vjeçare, e cila ishte zhdukur që prej datë 10 gusht dhe familja e saj nuk dinte asgjë për vendndodhjen e saj.

Prokuroria ka nisur një hetim për ngjarjen e rëndë ku dyshohet e reja është vrarë.

Policia ka arrestuar dy persona si të dyshuarit kryesorë për vrasjen e Sonias, ku provat e mbledhura nga hetuesit tregojnë se ata janë përfshirë drejtpërdrejtë në ngjarje. Njëri prej tyre është një emër i njohur për policinë pasi ka qenë edhe më herët i arrestuar për armëmbajtje pa leje dhe për dhunë.

Ky person sipas policisë, ka qenë i fundit me të cilin 29-vjeçarja ka pasur kontakt.

Natën që ndodhi ngjarja e rëndë, ajo kishte dalë nga banesa dhe i kishte thënë motrës së saj se do të kthehet shpejt, “Po takoj dikë dhe kthehem menjëherë,” ndërsa pak kohë më vonë telefoni i saj ishte i fikur.

Ende nuk janë të qarta rrethanat e ngjarjes dhe motivi pse u vra e reja, por sipas mediave krahas hetimit penal, familja e Sonia Bellinas ka denoncuar thashethemet që lidhen me jetën e viktimës në rrjete sociale.

Avokati i tyre ka njoftuar se do të ngrihen akuza dhe do të merrem veprime ligjore kundër personave përgjegjës që po dëmtojnë imazhin e saj.

Jam nga veriu me banim në Tiranë. Kërkoj një punë që të rris 2 f ëmijët e mi të υegjël

Jam nga veriu me banim në Tiranë. Kërkoj një punë te ndershme që të rris 2 fëmijët e mi të vegjël se burri nuk sjell asnjë lek në shtëpi.

Kjo eshte Ietra e nje nene te re qe tani qe po fillon shkolla ndjehet ne veshtirsi financiare 

pasi bashkshorti i saj eshte i papergjeshme ose i paafte per ti siguruar te ardhura te mjaftueshme per te permbushur kekresat qe ka nje familje per te jetuar ne normalitet.

Ajo thote qe nuk ka shkollim por mund te punoj si pjatalarese ose pastruese ose cfaredo

pune ne ndonje lokal por qe te jte mundesisht nese keni interes per mashum ju lutemi kontaktoni me redaksinë dhe merni numrin e viberit.

Vetëm 23 vjeç/ Ky djalosh është νr*sësi me pagesë më i rrezikshëm në Evropë

Një fytyrë djàloshare në një portret identifikues, ndërsa pas saj, sipas hetuesve, fshihet një nga vrasësit me pagesë më të rrezikshëm të Evropës

Malik A. nga Këlni i Gjermanisë dyshohet se brenda vetëm tre muajve ka marrë përsipër tre “punë” – me pistoletë dhe madje edhe me një raketë antitank!

Fytyra e tij në portretin bardhë e zi të identikitit duket djaloshare, pothuajse e padukshme – por pas saj, sipas hetuesve, fshihet një nga vrasësit me pagesë më të rrezikshëm të Evropës: Malik A. (23 vjeç) nga Këlni.

Hetuesit e akuzojnë shtetasin gjermano-turk se është përgjegjës për një vrasje dhe dy tentativa për vrasje – me pistoleta dhe madje edhe me një raketë antitank!

Para tre muajsh, në Wassenberg (Nordrhein-Westfalen), u qëllua për vdekje Ömer (†37), pjesëtar i Hells Angels. Ndërkohë, tre të dyshuar (23, 23 dhe 26 vjeç) ndodhen në paraburgim. Suksesi i hetimit erdhi rastësisht – dhe çoi përmes dy atentateve të mëparshme në Danimarkë dhe në Këln, drejtpërdrejt te Malik A.

Gjurmët te Malik A. nisën në Danimarkë

Atje, natën e 23 prillit, pranë Kopenhagës, u krye një atentat ndaj familjes së një pjesëtari danez të Hells Angels. Si një nga të dyshuarit për veprën, policia daneze identifikoi 23-vjeçarin nga Këlni.

Malik A. dyshohet se, në prani të gjashtë bashkëpunëtorëve, nga vetëm 15 metra largësi, qëlloi me një raketë antitank drejt shtëpisë së pjesëtarit të bandës.

Sipas medieve daneze, koka shpërthyese e raketës nuk shpërtheu gjatë përplasjes – dhe vetëm për këtë arsye një grua dhe tre fëmijë që ndodheshin në shtëpi mbetën të padëmtuar.

Më pas, hetuesit danezë u kërkuan kolegëve të tyre gjermanë ndihmë zyrtare në hetim. Më 10 qershor, rreth orës 6 të mëngjesit, një njësi speciale e policisë gjermane (SEK) bastisi banesën e Malik A. në Goslarer Weg në Këln.

Gjatë marrjes së gjurmëve të gishtërinjve erdhi surpriza: shenjat e gishtërinjve të tij përputheshin me gjurmët e gjetura në një atentat të mbetur në tentativë në Këln – dhe ai u arrestua!

Të shtëna ndaj një pallati në Këln

Gjatë kontrollit të makinës së tij, policia e Këlnit gjeti pak më vonë një pistoletë, një maskë për të fshehur fytyrën dhe disa targa automjetesh.

Ndaj Malik A. u kërkua urdhër-arresti për tentativë vrasjeje me pabesi. Ai dyshohet se natën e 8 qershorit, së bashku me një bashkëpunëtor, qëlloi edhe ndaj një pallati në Vogesenstraße, në lagjen Bilderstöckchen të Këlnit.

Edhe pse u gjetën plumba brenda banesës, dy banorët, 70 dhe 71 vjeç, mbetën të padëmtuar.

Sipas informacioneve të BILD, atentati me sa duket i drejtohej djalit të çiftit, i cili dyshohet se ishte i përfshirë në një mjedis kriminal.

Për hetuesit, Malik A. kështu u bë përfundimisht personi kryesor nën hetim – si i dyshuar në dy raste vrasjeje. Por kjo nuk ishte aspak e gjitha.

Gjurmë ADN-je çojnë te vrasja e një pjesëtari të Hells Angels

Një krahasim i ADN-së më në fund i çoi hetuesit te një vepër e tretë – një vepër në të cilën një burrë humbi jetën.

Në mbrëmjen e 11 majit, pjesëtari i Hells Angels, Ömer, u ekzekutua me disa të shtëna para shtëpisë së tij në Wassenberg.

Babai i një familje vdiq në vendngjarje.

Sipas informacioneve të BILD, hetuesit gjetën në vendngjarje gjurmë ADN-je të autorit të dyshuar të të shtënave mbi një gëzhojë.

Në mes të korrikut erdhi rezultati: Malik A.

Edhe kjo vrasje dyshohet se është kryer prej tij.

Meqë ai ndodhej tashmë në paraburgim, urdhër-arresti për vrasje iu komunikua në burg.

Bashkëpunëtori i tij i dyshuar në vrasje, Tom K. (23 vjeç), ndodhet gjithashtu në paraburgim – ai më parë kishte tentuar të grabiste një kioskë në Radevormwald (NRW).

Përveç tij, hetuesit arrestuan edhe një gjerman 26-vjeçar.

Sipas prokurorisë së Aachen-it, ai dyshohet se e kishte porositur Malik A. kundrejt pagesës për të vrarë pjesëtarin e Hells Angels, Ömer.

Kështu, kjo do të ishte “puna” e tretë e Malik A.-së brenda tre muajve.