Author: admin

Qindra qytetarë janë mbledhur sot në Sheshin “Skënderbej” në Tiranë, për të marrë pjesë në protestën në mbështetje të ish-krerëve të UÇK-së që ndodhen në paraburgim në Hagë.

Protestues nga të gjitha trevat shqiptare kanë mbërritur në Tiranë për të marrë pjesë në protestë me moton “Liria ka emër”, organizuar nga Organizata e Veteranëve të UÇK-së. Pjesëmarrësit kanë nisur të grumbullohen përreth bustit të heroit kombëtar Gjergj Kastriot Skënderbeu, të cilin e kanë nderuar me përulësi.

“UÇK-ja jemi ne, kush është trim, e kush është djalë, zot atdheut ka me i dalë”, kanë brohoritur pjesëmarrësit dhe veteranët e UÇK-së.

Sot, Rey Manaj tundi rrjetën në ndeshjen e luajtur përballë Al Dhafra, të vlefshme për javën e 6 të kampionatit.

Në fundin e pjesës së parë, ai mori një pasim në të majtën e zonës dhe me një gjuajtje të fortë po me të majtën mposhti portierin kundërshtar duke çuar shifrat në 2-0 për Sharjah.

GOLI I MANAJT – VIDEO

Ky ishte goli i dytë në kampionat për Manajn, i cili u transferua në kampionatin e Emirateve të Bashkuara Arabe vetëm gjatë merkatos së verës.

A e keni ndjerë ndonjëherë atë ndjesinë e mallkuar kur telefoni juaj fillon të bëjë punën e vet? Bateria zhduket menjëherë, aplikacionet hapen dhe mbyllen vetë dhe shfaqen dritare pop-up nga hiçi. Mirë se vini në botën e hakerave! Po, telefoni juaj mund të jetë hakuar dhe nëse nuk jeni të kujdesshëm, jeta juaj (dhe llogaria juaj) mund të marrin flakë.

Si ta dallosh nëse dikush po shfleton mesazhet e tua, pra që jeni hakuar?

Mendojeni telefonin tuaj si një shtëpi: nëse dikush hyn pa leje, ai lë gjurmë. Shenjat që tregojnë se telefoni juaj është hakuar përfshijnë si më poshtë:
Bateri që bie në kohë rekord, sikur telefoni celular të jetë duke vrapuar një maratonë gjithë ditën;
Një rritje e papritur e të dhënave ose ngarkesa të çmendura, sikur telefoni juaj celular të ketë vendosur t’i dërgojë një mesazh çdo personi në Tokë;
Aplikacione të panjohura që shfaqen si kërpudha pas shiut;
Ndryshime të papritura në cilësimet që lidhen me mikrofonin dhe kamerën, shfaqja e padëshiruar e autentifikimit me dy faktorë;
Papritmas nuk keni më qasje në Apple ID-në tuaj, Google ose rrjetet sociale.
Për një diagnozë të sigurt, instaloni antivirus si Bitdefender, Norton ose Kaspersky, skanoni, fshini ato të dyshimta dhe kontrolloni përsëri.

Nëse konfirmoni një sulm kibernetik, veproni shpejt: njoftoni bankat, ndryshoni të gjitha fjalëkalimet, fshini aplikacionet e dyshimta, ose kryeni një rivendosje në cilësimet e fabrikës nëse është e nevojshme. Dhe sigurisht, informoni miqtë dhe kontaktet që të injorojnë mesazhet e çuditshme nga telefoni juaj.

Për të mos u bërë viktimë përsëri, sigurohuni që të përditësoni softuerin dhe antivirusin tuaj, shmangni Wi-Fi-të publike dhe stacionet publike të karikimit, preferoni App Store dhe Google Play, dhe merrni në konsideratë VPN-në, enkriptimin dhe bllokimin e kartës SIM.

Telefoni juaj mund t’ju tradhtojë, por nëse i dini shenjat, mund ta rivendosni në “modalitetin e sigurt” dhe të ktheheni në atë që bënit më parë pa u shqetësuar se disa djem me bluza me kapuç të zeza në një bodrum gjysmë të errët, do t’ju hedhin një vështrim të fshehtë pajisjes suaj.

Pasditen e 17 tetorit  u mbajt protesta në sheshin “Skënderbej” në mbështetje të ish-krerëve të UÇK-së, një qytetar nga Kosova nuk është ndjerë mirë duke bërë të mundur njoftimin e autoambulancës në vendngjarje.

Mësohet se qytetari në fjalë është identifikuar si Isuf Morina, ish-profesor i gjuhës shqipe nga Malisheva dhe ish-komandant i UÇK-së. Demushi thekson se ai ka kërkuar ndihmën urgjente në momentin që nuk është ndjerë mirë.

Uniformat blu kanë njoftuar urgjencën e cila që ka mbërritur në sheshin “Skënderbej”, nga ku u mbajt tubimi. Mësohet se Isuf Morina tashmë po merr mjekimin e nevojshëm. Një familjar i ish-komandantit të UÇK-së, shprehet se kjo ka ndodhur thjeshtë për shkak të lodhjes.

“Është lodhur, nuk ka ngrënë ushqim por është mirë. Jemi nisur që në mëngjes. Ambulanca erdhi menjëherë”-, tha ai.

Ndërkaq, mësohet se tubimi ishte i qetë dhe nga policia nuk është raportuar për incidente që prej nisjes së protestës në kryeqytet.

Partia Demokratike urdhëroi të gjithë anëtarët e saj që të mos merrnin pjesë sot në protestën e organizuar nga veteranët e UÇK-së.

Megjithatë, duket se një prej tyre nuk i është bindur këtij urdhri, duke zbritur në shesh.

Bujar Leskaj ishte pjesë e protestës dhe u shpreh se ishte ne tubim me Ramiz Lladrovcin, vëllain e dëshmorit.

Sa i përket thyerjes së urdhrit, Leskaj nuk u përmbajt por tha: “E kush po e rruan për urdhrin politik”.

VIDEO

Fredi Beleri, personazhi kontrovers nga Progonati i Shqipërisë duket se nuk po gjen qetësi as në Parlamentin Europian, ku kryemininistri grek Qirjako Miçotaqis e dërgoi në shenjë hakmarrjeje ndaj përplasjeve që pati me politikën në Shqipëri.

Beleri, i dënuar tre herë nga gjykatat në Greqi dhe Shqipëri, për vepra penale të rënda, dhe i akuzuar për terrorizëm, ka zbuluar “tradhtarin” në Parlamentin Europian, por këtë herë ai është…grek!

Përplasja ka nisur pasi Beleri ka kërkuar që një grup eurodeputetësh të vizitojnë “fshatrat e pakicës kombëtare greke” në Shqipëri si dhe Famagustën në Qipro, për të parë, sipas tij shkeljet e rënda që po i bëhen minoriteteve në këto zona.

Por nisma e tij është mospërfillur dhe ka dështuar keq duke mos marrë mbështetje. Madje nuk ka marrë as votën e eurodeputetit grek Kyriakos Velopoulos, eurodeputeti i Demokracisë së Re dhe PPE-së.

Kjo ka bërë që Beleri të shpërthejë publikisht në një sulm të ashpër ndaj tij, duke e quajtur atë si oportunist që kërkon të fitojë pikë politike, ndërsa thotë se është vetë Beleri ai që lufton dhe përfaqëson popullin grek në Europë.

“Për kaq shumë ditë kam zgjedhur të mos i përgjigjem Z. Velopoulos dhe baltës së tij, nga respekti për viktimat e aksidentit të Tempit dhe familjet e tyre. Megjithatë, çdo gjë ka kufijtë e vet”, i thotë Beleri deputetit grek.

“…kishim paraqitur propozime kohë më parë që komiteti të vizitonte fshatrat e pakicës kombëtare greke dhe në Famagustë, me qëllim që të konstatonte shkeljet e të drejtave të pronës dhe të njeriut të grekëve të Shqipërisë, si dhe pasojat brutale të pushtimit dhe pushtimit të paligjshëm turk në vazhdim. Këto propozime, për fat të keq, nuk u mbështetën në praktikë nga grupi politik ECR i Z. Velopoulos”, shpjegon Beleri.

“Vetëm nga kjo është e qartë se kush bëri konsultime prapa skenave dhe aleanca të dyshimta me të Majtën, në mënyrë që të vinte si një propozim jashtë rendit të ditës për gjysmën e dytë të vitit 2026 për qëllime thjesht të vogla politike.

Ky është Kyriakos Velopoulos. Një tjetër oportunist, i cili nuk ngurron të diskreditojë vendin tonë jashtë vendit, duke pritur përfitime politike”, deklaron më tej Beleri.

Hetimet për vrasjen e dyfishtë të 5 tetorit në Finikounda të Greqisë, ku u vranë pronari i kampingut dhe punëtori i tij shqiptar, janë intensive dhe nga ora në orë zbulojnë detaje tronditëse për oficrët dhe prokurorët.

Dëshmia e mbesës së 68-vjeçarit që u vra së bashku me kujdestarin e tij shqiptar në kampingun në Finikoundë është surprizuese. Gruaja i përshkroi policisë karrierën e suksesshme profesionale të xhaxhait të saj dhe përshkroi karakterin e tij, duke thënë se disa vite më parë ky i fundit e kishte akuzuar nipin e tij për vjedhje. Më vonë, sigurisht, siç shtoi ajo, marrëdhëniet e tyre u normalizuan.

“Unë jam mbesa e viktimës. Më konkretisht, jam vajza e motrës së tij dhe erdha këtu sot për t’ju treguar atë që di për xhaxhain tim dhe jetën e tij, sepse dua që njerëzit që bënë këtë dëm të kapen sa më shpejt të jetë e mundur. Që kur linda, i kalova të gjitha verat e mia në Finikoundë, me xhaxhain tim. Në moshën 18 vjeçe u largova nga këtu dhe shkova në Athinë për të punuar në një bankë. Krijova familje dhe çdo verë vazhdova të vizitoja Finikoundën për pushime dhe të qëndroja në shtëpinë e xhaxhait tim Kostas”, tha gruaja në dëshminë e saj, sipas informacioneve nga “Protothema.

Më pas ajo i përshkroi policisë se si kishte diskutuar me xhaxhanë e saj për rinovimin e një shtëpie, ndërsa e përshkruante atë si “absolut” dhe “autoritar”, i cili “nuk ia linte asnjë mizë shpatën” dhe “mbante arkën dhe ishte përgjegjës”:

“(…) Gjatë tre viteve të fundit kam ardhur dhe kam qëndruar në shtëpinë stërgjyshore të nënës sime, e cila është gjithashtu shtëpia stërgjyshore e xhaxhait tim Kostas dhe kam zhvendosur gjithashtu disa nga gjërat e mia nga Athina në këtë shtëpi. (…) Vitin e fundit kam ardhur shumë më shpesh, kështu që mund ta kuptoni se jam këtu pothuajse përgjithmonë. Në një moment, diskutova me xhaxhain tim, me të cilin kisha marrëdhënie të shkëlqyera, ai më donte si vajzën e tij dhe unë si babain im, dëshirën time për të rinovuar shtëpinë të cilën T. D., nipi i xhaxhait tim, ma kishte dhënë me një marrëveshje paraprake me nxitjen e tij. Çfarëdo që thoshte xhaxhai im, bëhej. Ai ishte absolut dhe autoritar dhe nuk ia linte asnjë mizë shpatën. Ai mbante arkën dhe ishte përgjegjës. Kështu që kur i tregova për rinovimin që doja të bëja, korrikun e kaluar, ai më tha “Po më çmend , më lër rehat” dhe unë iu përgjigja se nëse ai do të vazhdonte me këtë sjellje, do të merrja gjërat e mia dhe do të largohesha. I thashë gjithashtu ta nxirrte djalin tim nga kampingu, ku çdo verë punonte për xhaxhain tim Kostas dhe i jepte disa para. Sapo ia thashë këtë, ai ma mbylli telefonin. Ishte e vetmja herë që u grindëm vërtet”.

“Pronë me vlerë afërsisht 30 milionë euro”

Pastaj, duke iu referuar xhaxhait të saj, ajo përshkroi, duke rrwfyer detaje me rwndwsi qw ngrenw dyshime pwr njw pistw tw re, deri te pohimi i saj se xhaxhai kishte pasuri qw vlente 30 mln euro.

“Xhaxhai im filloi pa para dhe sot ka një pasuri me vlerë rreth 30 milionë euro. (…) Ai ishte shumë i çuditshëm dhe meqenëse gjithmonë donte të bënte gjënë e tij, ata që vareshin prej tij duhej t’i bënin të gjitha nderet, sepse nëse nuk e bënin, ai mund t’i linte pa ushqim. (…) I vetmi person që mund të qëndronte pranë xhaxhait tim ishte miku dhe ndihmësi i tij B., (shqiptari), i cili gjithashtu humbi jetën. Ai kishte një dobësi të tmerrshme për të. Ai vdiste për të dhe jetonte për të, e vishte me rroba të shtrenjta, i blinte një Mercedes dhe nga sa më kishte thënë xhaxhai im, përqindja më e madhe e testamentit të tij do t’i shkonte B. B. nuk kishte një marrëdhënie të mirë me T. D., nipin e xhaxhait tim, pa e ditur arsyen, dhe kur e pyeta xhaxhain tim nëse ishte për trashëgiminë, ai më thoshte jo. B. kishte një dobësi të çmendur për xhaxhain tim, dhe kështu kishte edhe xhaxhai im për B.”, rrwfeu ajo.

Lidhur me marrëdhënien e xhaxhait të saj me nipin e tij, i cili ishte i pranishëm në krim, ajo tha:

“Lidhur me marrëdhënien e xhaxhait tim me nipin e T.D.-së, për të cilin po më pyetni, kohët e fundit ka qenë shumë mirë. Megjithatë, rreth katër vjet më parë, ndodhi një vjedhje prej rreth 20,000 eurosh në shtëpinë që ai më kishte dhënë për pushimet e verës në vitin 2017, për një muaj e gjysmë, për të qëndruar, dhe ndërsa unë isha larg për 10 ditë në Athinë, ndodhi kjo vjedhje. Xhaxhai im në atë kohë e akuzonte vazhdimisht T.D.-në se kishte të bënte me këtë vjedhje dhe madje më kishte thënë se do të shkruante letra në të cilat do të shkruante se, nëse i ndodhte diçka, do ta mbante përgjegjës nipin. Ai kishte shumë frikë nga T.D., sepse nëse i ndodhte diçka, T.D. do të merrte pjesën më të madhe të pronës. Megjithatë, pavarësisht të gjithave këtyre, në dy ose tre vitet e fundit të dy ishin afruar përsëri”, tregoi ajo.

Pasi refuzoi të merrte pjesë Berisha dhe PD në protestën e sotme në sheshin “Skënderbej”, ku kishte dhjetra mijëra vetë si dhe reagimeve nga Kosova ndaj PD së Berishës, selia blu ka shpërndarë një deklaratë.

Por kjo vjen nga reagimet negative në Kosovë e kudo se pse PD nuk mori pjesë.

Partia Demokratike përsëri deklaron se:

1.Lufta çlirimtare e UÇK-së në Kosovë është faqja më e ndritur e luftërave të shqiptarëve për liri dhe dinjitet kombëtar që nga luftërat e Skënderbeut.

2.Pa sakrificën, gjakun, trimërinë dhe heroizmin e luftëtarëve të lirisë të UÇK-së, Kosova nuk do të ishte kurrë një vend i lirë dhe i pavarur.

3.Lufta e UÇK-së për çlirimin e Kosovës është lufta e fundit çlirimtare në Europë që i dha fund pushtimit të gjatë serb të Kosovës, dhe Ushtria Çlirimtare e Kosovës ishte aleate besnike e Aleancës së Atlantikut të Veriut në territorin e Kosovës gjatë fushatës së bombardimeve ajrore kundër regjimit të Millosheviçit nga Aleanca, në pranverën e vitit 1999.

Partia Demokratike e Shqipërisë është forca politike që mbështet zbatimin e ligjit kombëtar dhe ndërkombëtar. Kjo parti ka mbështetur krijimin e Gjykatës Speciale të Kosovës me seli në Hagë dhe ka ndjekur e ndjek me vëmendjen më të madhe punimet e kësaj gjykate në procesin gjyqësor kundër ish-udhëheqësve politikë të UÇK-së dhe të Republikës së Kosovës: Hashim Thaçi, Jakup Krasniqi, Fatmir Limaj, Rexhep Selimi, etj.

Partia Demokratike konstaton se në këtë proces të zgjatur, disa herë para publikut nuk është paraqitur asnjë fakt apo provë për asnjërën prej akuzave të paraqitura ndaj tyre. E kundërta, janë rrëzuar akuzat monstruoze si ajo e “shkuljes së organeve” dhe tregtimit të tyre nga luftëtarët e UÇK-së në zona të ndryshme të Shqipërisë.

Nuk është publikuar asnjë fakt apo provë që të provojë urdhra direkt të ish-udhëheqësve të UÇK-së për krime konkrete. Ky proces dëshmoi përfundimisht se ai është i bazuar në dosje të fabrikuara nga Beogradi dhe armiq të tjerë të kombit shqiptar që kërkojnë të barazojnë agresorin, pushtuesin me çlirimtarin.

Për të gjitha këto, Partia Demokratike i bën thirrje trupit gjykues të Gjykatës Speciale të Kosovës në Hagë të shpallë sa më parë pafajësinë e ish-udhëheqësve politikë të UÇK-së dhe të Kosovës, në respekt të plotë të parimeve ndërkombëtare të drejtësisë.

Së fundmi, Partia Demokratike përshëndet protestën paqësore të bashkëluftëtarëve të ish-udhëheqësve të UÇK-së dhe të Kosovës, sikundër dënon çdo përpjekje për manipulim të saj nga albanofobë shqipfolës, armiq të damkosur të Kosovës.

Një ngjarje e rëndë ka ndodhur këtë mëngjes në Limassol, ku biznesmenit qipriot, njëkohësisht president i ekipit të futbollit FC Karmiotissa, Stavros Demosthenous (49 vjeç), është qëlluar me armë zjarri pranë banesës dhe ka ndërruar jetë.

Atentatorët duket se ishin në dijeni të lëvizjeve të biznesmenit, pasi kishin bërë pritë jashtë shtëpisë së tij.

Sipas policisë qipriote, autorët e krimit ishin dy persona dhe po udhëtonin me një furgon të vjedhur. Sapo Stavros Demosthenous doli nga dera e banesës, ata e qëlluan.

Ndërkohë djali i biznesmenit e futi në makinë të atin dhe u përpoq ta dërgonte në spital. Megjithatë, gjatë rrugës Stavros Demosthenous vdiq dhe makina ku udhëtonte u përplas me automjete të tjera në autostradë.

Autorët e vrasjes u larguan nga vendi i ngjarjes dhe disa kilometra më larg dogjën furgonin me të cilin udhëtonin. Policia ka nisur kërkimet për të identifikuar autorët, ndërsa dyshohet të kenë qenë vrasës profesionistë me pagesë.

Po shqyrtohet mundësia që vrasja të ketë lidhje me aktivitetin e basteve në ndeshjet e futbollit, pasi FC Karmiotissa ka qenë nën hetim disa herë për trukim ndeshjesh me transmetimin e dosjeve të kuqe nga UEFA.

Sot në Tiranë u zhvillua një protestë madhështore për lirimin e ish-krerëve të UÇK-së.

Me mijëra shqiptarë nga të gjitha trevat shqip-folëse u mblodhën në kryeqytetin shqiptar, në mbështetje të çlirimtarëve të Kosovës.

Për këtë protestë ka reaguar edhe Richard Grenell, i dërguari i posaçëm i presidentit amerikan Donald Trump për kriza globale.

Duke shpërndarë pamjet e protestës në Tiranë, Grenell shkruan se Gjykata e Speciale e Hagës është jashtë kontrollit.

“Kjo është ajo që Jack Smith bëri”, shkruan Grenell duke iu referuar prokurorit që urdhëroi arrestimin e Hashim Thaçit.

Gjatë protestës në Tiranë u theksua fakti se akuzat ndaj ish-krerëve të UÇK-së janë të fabrikuara nga qarqe ruse dhe serbe.