Author: admin

Ndërsa qytetarët llogarisin lekët për naftën që ka arritur 218 lekë/litrë dhe fermerët humbasin subvencionet falas, duket se kriza e karburanteve ka “zgjidhje magjike” për elitat: deputetët dhe ministrat vazhdojnë të mbushin rezervuarët me para publike, pa u prekur nga rritja e çmimeve.

Vetëm në 2025, Kuvendi ka harxhuar 45.5 milionë lekë për të kompensùar karburantin e 140 deputetëve pra rreth 325 mijë lekë për kokë në vit, ose mbi 1.3 milionë lekë në një mandat katërvjeçar.

Me këto shuma, një deputet mund të “udhëtojë” drejt Europës pa u ndalur, ndërsa fermeri shqiptar llogarit çdo litër për të mbjellë tokën, shkruan versus.

Në total, përfitimet për deputetët arrijnë 200 milionë lekë në vit (44% e shpenzimeve operative), duke përfshirë telefona, dieta dhe qira, plus 60 milionë për udhëtime jashtë dhe 14.5 milionë për makina të reja.

Ironia?

Bordi i Transparencës rrit çmimet për të gjithë të tjerët, por fondet publike sigurojnë “imunitet” të plotë për ata që vendosin.

Sulmuesi i Shqipërisë Ernest Muçi është larguar nga Kombëtarja, teksa grupi nën urdhërat e trajnerit Sylvinho, po kryen seancat përgatitore në Valencia të Spanjës. Arsyeja ka të bëjë me dëmtimin e 25-vjeçarit.

Njoftimi ka ardhur nga vetw FSHF-ja, përmes videos në platformën “YouTube”. Muçi nuk do të jetë në gjendje për ndeshjen kundër Ukrainës, e cila do të mbahet të martën.

Ende nuk ka një informacion të qartë se për çfarë dëmtimi bëhet fjaIë, ndërsa lojtari do të kthehet te ekipi i Trabzonspor. Në duelin karshi Polonisë në Varshavë, ish-sulmuesi i Tiranës ishte në fushë vetëm për 8 minuta, jo në gjendje të ndryshonte fatet e atij takimi

Kryetari i Partisë Demokratike, Sali Berisha komentoi edhe emërimin e Skëndër Hitës në krye të Policisë së Shtetit.

Berisha teksa e quajti atë problematik, deklaroi se shumë shpejt do të paraqesë prova që e implikojnë drejtorin e ri.

Kreu i PD e quajti Skënder Hitën si “Skënder Balluku”, duke thënë se ai është një emër i përzgjedhur nga Belinda Balluku.

Ndërsa për kryeminìstrin Rama, Berisha tha se është një skllav i vjedhjeve “Lubi Ballukut”.

Berisha: Emër problematik dhe shumë shpejt me të gjithë arkivën e qytetarit dixhital do të paraqitem para jush. Skëndër Balluku, u emërua Skënder Balluku. Ky është një pjon i Lubisë së Karakaçi e stërkarakaçi. Lubizimi nuk është asgjë tjetër veçse Lubizimi i organizatës kriminale. Është thënë një muaj para që Lubia ka përcaktuar drejtor policie, drejtorin e Fierit. Sidoqoftë, shumë shpejt do paraqesim të gjithë materialet për të. Që sot e tutje do ta quani drejtori Balluku. Në fakt Rama është një skallav i mirë i Lubisë dhe për këtë Lubia do hyjë në histori. Gratë ndonjëherë kanë bërë gjërat më të jashtëzakonshme. Koha provon, se Rama është një skllav i saj, në kuptimin e vjedhjeve. Ka 25 vjet bashkëveprim, bashkëpunim të ngushtë dhe ajo është shumë e kujdesshme për të regjistruar cdo gjë.

Radhë dhe pritje janë krijuar në dalje të doganës së Kapshticës, në momentin kur qytetarët duhet të kalojnë drejt palës greke.

Shkak për këtë situatë është bërë sistemi i ri i kontrollit në kufirin grek, i cili kërkon regjistrimin e shenjave të gishtave për çdo udhëtar.

Sipas të dhënave, pala greke punon me një sportel ndërsa sistemi i ri ka sjellë pritje nga 1 deri në 2 orë.

Pala shqiptare e pikës kùfitare të Kapshticës është pothuajse bosh dhe pa fluks, ndërsa në anën greke janë krijuar radhë mjetesh për shkak të procedurave më të zgjatura të kontrollit.

Edhe pse nuk ka një numër të lartë udhëtarësh, koha e përpunimit për çdo person është rritur ndjeshëm, duke sjellë vonesa dhe pakënaqësi tek qytetarët që presin të kalojnë kufirin.

Nata e dytë e spektaklit drejtpërdrejt të “Ferma VIP 3” është shoqëruar me dinamika të forta dhe tensione që në minutat e para, duke treguar se ky sezon pritet të jetë i mbushur me emocione dhe përplasje të forta mes konkurrentëve. Që në nisje të mbrëmjes, vëmendja e publikut u përqendrua te një debat i ashpër mes dy prej banorëve, Akilit dhe Blerinës, i cili u kthye shpejt në një nga momentet më të komentuara të spektakΙit.

Gjatë diskutimit, Blerina u shpreh kritike ndaj sjelljes së Akilit, duke theksuar se në një kohë kur pjesa tjetër e banorëve po përpiqen të sjellin energji pozitive në fermë—përmes aktiviteteve artistike, këngës apo bisedave të ndryshme—ai po reflekton vazhdimisht një qëndrim negativ. Sipas saj, kjo diferencë në qasje krijon një hendek të dukshëm mes tyre dhe ndikon në klimën e përgjithshme të bashkëjetesës.

Kjo deklaratë nuk u prit mirë nga Akili, i cili reagoi menjëherë me tone të ashpra. Momenti që tensionoi më shumë situatën ishte kur Blerina i tha se ata nuk ndodhen në të njëjtin nivel. Kjo frazë u bë pika kyçe e debatit, pasi Akili u fokusua pothuajse tërësisht te kjo deklaratë, duke lënë në plan të dytë çdo përpjekje për të sqaruar zanafillën e konfliktit.

Edhe pse moderatorja Arbana Osmani u përpoq disa herë të rikthente diskutimin në binarë dhe të kuptonte arsyet e përplasjes, Akili vijoi të përsëriste të njëjtën pyetje drejtuar Blerinës: “Çfarë niveli jam unë?”. Kjo përsëritje e vazhdueshme krijoi një situatë të tensionuar në studio, duke e bërë të vështirë menaxhimin e debatit.

Në këtë pikë, e dukshëm e irrituar nga mungesa e përgjigjeve konkrete dhe nga ndërprerjet e vazhdueshme, Arbana Osmani ndërhyri në mënyrë më të prerë. Ajo iu drejtua Akilit me një ton të vendosur, duke i kërkuar të ndalonte përsëritjen dhe të jepte një përgjigje të qartë, duke theksuar se formati i emisionit nuk synon të shndërrohet në një arenë debatesh të zhurmshme pa thelb.

Deklarata e saj, ku përmendi se “ky nuk është ai emision tjetër”, u interpretua menjëherë nga publiku si një mesazh i nënkuptuar ndaj Big Brother VIP Albania, një format që shpesh është karakterizuar nga debate të forta dhe situata të tensionuara mes banorëve. Ky moment u komentua gjerësisht në rrjetet sociale, ku shumë ndjekës e panë si një përpjekje të moderatores për të diferencuar qartë frymën e “Ferma VIP” nga spektakle të tjera të ngjashme.

Në tërësi, kjo natë e dytë tregoi se marrëdhëniet mes banorëve janë ende të brishta dhe lehtësisht të tensionueshme, ndërsa dinamika e grupit po fillon të marrë formë. Përplasja mes Akilit dhe Blerinës mund të jetë vetëm fillimi i një serie konfliktesh që pritet të zhvillohen në vazhdim, duke mbajtur publikun të angazhuar dhe kurioz për atë që do të ndodhë në episodet e ardhshme.

Programi shumë i ndjekur “Big Brother VIP” do të pësojë një ndryshim të përkohshëm në orarin e transmetimit këtë javë.

Spektakli nuk do të shfaqet në ditën e zakonshme, pasi i është lënë hapësirë një ngjarjeje të rëndësishme sportive që pritet të mbajë të gozhduar para ekranit tifozët shqiptarë.

Bëhet fjalë për ndeshjen mes Kosovës dhe Turqisë, e vlefshme për kualifikueset e Kampionatit Botëror, e cila do të luhet të mërkurën në orën 20:45. Ky takim do të transmetohet ekskluzivisht në Top Channel dhe në platformën DigitAlb, duke marrë vëmendjen kryesore të mbrëmjes.

Përfaqësuesja e Kosovës vjen në këtë përballje me moral të lartë, pas një fitoreje historike të arritur pak ditë më parë ndaj Sllovakisë, çka e ka rritur ndjeshëm entuziazmin dhe shpresat për një kualifikim të mundshëm.

Ndërkohë, brenda shtëpisë së “Big Brother VIP”, loja vazhdon me ritme të forta dhe tensione të shtuara.

Në nominim këtë javë janë Mal, Edisa dhe Shëndrit, ku ky i fundit përfundoi në televotim pasi hapi të ashtuquajturën “Kutinë e Pandorës”, një vendim që ndikoi drejtpërdrejt në rrjedhën e lojës.

Tashmë gjithçka mbetet në dorën e publikut, i cili do të vendosë se cili prej banorëve do të largohet nga gara. E mërkura do të jetë vendimtare për të zbuluar emrin e banorit më pak të votuar dhe për të parë se si do të ndryshojë dinamika në shtëpi pas eliminimit të radhës.

Dashi
Do të ndiheni të motivuar për të ecur përpara me vendosmëri në punë, por do të jetë shumë e rëndësishme të analizoni me kujdes çdo situatë përpara se të merrni vendime. Mund të lindin disa mundësi interesante, por është e nevojshme të mos veproni me nxitim dhe të vlerësoni mirë rreziqet. Në dashuri, përpiquni të tregoheni më të hapur dhe më të sinqertë me partnerin, në mënyrë që të shmangni keqkuptimet dhe debatet e panevojshme. Beqarët mund të kenë një takim interesant gjatë kësaj dite. Shëndeti është i mirë, por përpiquni të shmangni lodhjen e tepërt.

Demi
Yjet ju këshillojnë të mos shpërdoroni energjitë, sepse mund të ndiheni pak të lodhur, sidomos nga ana mendore. Në punë, bëni gjërat me qetësi dhe shmangni ngarkesën e tepërt, duke organizuar më mirë kohën tuaj. Financat kërkojnë kujdes dhe shmangie të shpenzimeve të panevojshme. Në dashuri, një mbrëmje e qetë me partnerin do të jetë ideale për të rikthyer harmoninë dhe për të forcuar lidhjen. Beqarët mund të preferojnë qetësinë dhe reflektimin. Shëndeti kërkon më shumë pushim dhe relaks.

Binjakët
Do të jetë një e martë stimuluese dhe dinamike, por kërkon organizim dhe planifikim të mirë në punë. Një e papritur mund të ngadalësojë disa plane, ndaj tregohuni fleksibël dhe të përqendruar. Financat janë të qëndrueshme, por shmangni vendimet e nxituara. Në dashuri, ekziston ende një çështje e pazgjidhur që kërkon dialog dhe kompromis. Kjo mund të jetë dita e duhur për të gjetur një zgjidhje dhe për të rikthyer qetësinë. Shëndeti është i mirë, por shmangni stresin.

Gaforrja
Stabiliteti që kërkoni ende nuk ka ardhur plotësisht dhe disa çështje në punë vazhdojnë të mbeten pezull. Mund të jetë momenti për të shtyrë përpara dhe për të kërkuar zgjidhje konkrete për problemet që janë zvarritur prej kohësh. Financat kërkojnë organizim dhe kujdes. Në dashuri, çiftet e reja mund të përjetojnë ulje-ngritje dhe do të jetë e rëndësishme të lini mënjanë krenarinë për të gjetur balancën. Beqarët duhet të tregohen më të duruar. Shëndeti kërkon më shumë qetësi.

Luani
Disa ide që keni në mendje nuk ju bindin plotësisht dhe kjo mund t’ju bëjë të pavendosur në punë. Mund të jetë e dobishme të kërkoni këshillën e një bashkëpunëtori ose një personi me përvojë për të marrë vendimin e duhur. Financat janë të qëndrueshme, por shmangni rreziqet. Në dashuri, pasioni duket se është zbehur pak kohët e fundit dhe do të jetë e rëndësishme të merrni iniciativë për të rikthyer emocionet. Shëndeti është i mirë, por shmangni stresin.

Virgjëresha
Kjo është një ditë ideale për të vendosur rregull në mendimet dhe angazhimet tuaja. Në punë, yjet ju ndihmojnë të shihni më qartë rrugën që duhet të ndiqni dhe të merrni vendime të rëndësishme. Financat janë në përmirësim, por kërkojnë ende kujdes. Në dashuri, sinqeriteti do të ndihmojë për të sqaruar disa keqkuptime dhe për të forcuar lidhjen. Beqarët mund të kenë një mundësi të mirë për të njohur një person interesant. Shëndeti është i mirë, por gjeni kohë për relaks.

Peshorja
Dita mund të mos zhvillohet ashtu siç e kishit planifikuar dhe një pengesë e papritur mund të ngadalësojë planet tuaja në punë. Do të jetë e rëndësishme të ruani qetësinë dhe të gjeni zgjidhje alternative. Financat kërkojnë kujdes dhe organizim. Në dashuri, një diskutim i papritur mund të ndryshojë planet për mbrëmjen, ndaj përpiquni të shmangni tensionet. Beqarët duhet të tregohen më të kujdesshëm në komunikim. Shëndeti kërkon më shumë pushim.

Akrepi
Dita do të jetë e ngarkuar me shumë angazhime dhe detyra për të përfunduar. Në punë, mund të përballeni me kolegë ose bashkëpunëtorë që nuk po japin maksimumin e tyre dhe kjo mund t’ju irritojë. Financat janë të qëndrueshme, por shmangni vendimet impulsive. Në dashuri, partneri mund të kërkojë më shumë vëmendje dhe përkushtim, ndaj përpiquni të riktheni harmoninë. Beqarët mund të kenë një takim interesant. Shëndeti kërkon pak më shumë pushim.

Shigjetari
Java ka nisur me disa vështirësi dhe kjo situatë mund të vazhdojë edhe gjatë kësaj dite. Në punë, disa pengesa do t’ju kërkojnë durim dhe përkushtim për t’u kapërcyer. Financat kërkojnë kujdes dhe shmangie të shpenzimeve të panevojshme. Në dashuri, stresi mund të ndikojë në marrëdhënien me partnerin, ndaj përpiquni të gjeni kohë për dialog dhe qetësi. Beqarët duhet të tregohen më të duruar. Shëndeti kërkon relaks dhe pushim.

Bricjapi
Një energji e fortë do t’ju ndihmojë të merreni me disa çështje të mbetura pezull. Në punë, do të gjeni zgjidhjen për një problem që ju ka shqetësuar prej kohësh. Financat janë në përmirësim gradual. Në dashuri, humori juaj pozitiv do të ndikojë edhe tek partneri dhe mund të kaloni një mbrëmje të veçantë së bashku. Beqarët mund të kenë një njohje interesante. Shëndeti është i mirë, por shmangni lodhjen e tepërt.

Ujori
Gjatë kësaj dite do të jetë e rëndësishme të ndiqni intuitën tuaj. Në punë, dikush mund të përpiqet t’ju vendosë pengesa, ndaj veproni me vendosmëri dhe besoni instinktit tuaj. Financat kërkojnë kujdes dhe planifikim. Në dashuri, ndiqni zemrën dhe mos analizoni shumë ndjenjat tuaja. Beqarët mund të vendosin të shprehin ndjenjat ndaj një personi të veçantë. Shëndeti është i mirë, por shmangni stresin.

Peshqit
Ndikimi i yjeve ju bën më të ndjeshëm dhe më të frymëzuar se zakonisht. Është një moment i mirë për të dëgjuar emocionet tuaja dhe për t’i kthyer ato në veprime konkrete. Në punë, gjërat do të ecin pa pengesa dhe do të ndiheni më të sigurt në veten tuaj. Financat janë të qëndrueshme, por kërkojnë kujdes. Në dashuri, romantizmi do të mbizotërojë dhe mund të kaloni momente të bukura me partnerin. Shëndeti është i mirë, por gjeni kohë për relaks.

Vitet që ka mbi supe janë thjesht një numër për Shahe Lekën. 91-vjeçarja nga fshati Spathar i Librazhdit qëndron aktive çdo ditë. Jeta nuk ka qenë e lehtë për të, pasi mbeti e ve 25 vjeç dhe rriti e vetme 4 fëmijët duke bërë punë të rënda. Pavarësisht kalvarit të vuajtjeve nuk u dorëzua kurrë.

“Jam martuar 13 vjeç, kam 2 djem dhe dy goca. Burri im ka qenë partizan në kohën e luftës dhe më ka vdek në moshën 25 vjeç. Nuk u martova më unë.Kam punuar 7 vjet në ndërtim. Bëja panele, qendrat e zjarrit që bëheshin asokohe. Deri në fund në kooperativë kam qenë vazhdimìsht, kam bërë çdo lloj pune.

Punoja me burrat më tepër, prisja dushk, nuk çaja kokën dhe nuk merresha me llafe. Shikoja ku ishte puna.

Shkoja mu në majë të malit, kishim bagëtitë e kooperativës atje dhe merrja 50 kg pleh në kurriz dhe e bija në fshat. Po të kisha pas këtë kohë, nuk do kisha vuajtur fare. Edhe tani po të kem fuqi, unë marr 20 kokë dhi.

Sot tokat i ke të gjitha, pula shto sa të duash, bagëti dhe derra. Jeton çke me të, mban dhe qeverinë, jo vetëm veten tënde. Nuk punojnë njerëzit sot.”, thotë e moshuara për emisionin “Një nga ne” duke shtuar se “Puna më ka mbajt që jam kaq e fortë.”Përveç punës që e mban energjike dhe në formë, ushqimi është faktor kyç në shëndetin e saj. Nuk pi ilaçe, as kur ka ftohje. I beson më shumë kurave natyrale dhe nuk vuan nga asnjë problem shëndetësor.

“Unë ha bulmet, qepë me djath dhe gjizë, hithra. Specat djegës nuk i ha, as domatet nuk i ha. Dola njëherë me ulçër në stomak. Doktori më tha të haja mjaltë dhe gjalpë pa kripë të përziera bashkë. Që pas kësaj kure nuk ndjeva gjë fare. Nuk janë ilaçet si më parë ndaj nuk merrem me ilaçe. Mos e ha atë që nuk ta pranon stomaku. Kur kishim ftohje merrje leshin e deles dhe e vije në trup. Djersa e deles të hyn në trup dhe të shëron nga ftohja”, tregon Shahe.

Jetëgjatësinë e ka në gen.

“Gjyshja ka jetuar deri në 120 vjeç. Është Zoti që e vendos, por them se do shkoj aq, po nuk i dihet.”, përfundon 91 vjeçarja rrëfimin e saj./Shqiptarja

Jared Kushner po del në qendër të një dosjeje të ndjeshme inteligjence në SHBA, ndërsa mbi investimin e shumëpërfolur në ishullin e Sazanit po shtohen pikëpyetjet politike, etike dhe financiare.

Mjaftoi një dosje e klasifikuar, e mbajtur për muaj të tërë larg qarkullimit të zakonshëm institucional, që emri i Jared Kushner të rikthehej në qendër të debatit politik në Shtetet e Bashkuara.

Këtë herë jo si dhëndri i Donald Trump, as si biznesmeni që kërkon të shtrijë investimet nga Gjiri Persik në Ballkan, por si figure e përfolur në një material të ndjeshëm inteligjence të lidhur me Iranin dhe me një ankesë whistleblower ndaj Drejtoreshës së InteIigjencës Kombëtare, Tulsi Gabbard.

Wall Street Journal raportoi në shkurt 2026 se ankesa mbështetej te një komunikim i përgjuar pranverën e vitit të kaluar mes dy shtetasve të huaj, ku diskutohej Kushner dhe Irani. Edhe The Guardian dhe Newsweek raportuan të njëjtin bosht të çështjes.

Kjo është pika ku historia bëhet serioze. Sepse nuk kemi të bëjmë më me thashetheme periferike të politikës amerikane, por me një dosje që prek trekëndëshin më të rrezikshëm të pushtetit modern: inteligjencën, politikën e jashtme dhe interesin privat.

Sipas raportimeve, debati brenda aparatit amerikan nuk ka qenë thjesht për përmbajtjen e materialit, por edhe për mënyrën si ai u mbajt i kufizuar dhe nuk u shpërnda gjerësisht në kohë, në strukturat përkatëse dhe në Kongres. Pikërisht ky element e ka kthyer çështjen në një problem institucional, jo vetëm mediatik.

Duhet thënë qartë: deri këtu, raportimet publike nuk provojnë automatikisht që Jared Kushner ka konsumuar një shkelje të provuar penale apo etike. Ato tregojnë diçka tjetër, po aq të rëndë politikisht: se emri i tij është shfaqur në një kontekst të ndjeshëm inteligjence, në një periudhë kur ai perceptohet si njeri me peshë të veçantë në orbitën e Trump dhe në dosjet e Lindjes së Mesme. Pra, problemi nuk është ende një fajësi e vulosur; problemi është se hija e konfliktit të interesit po afrohet mbi të me shpejtësi.

Për Shqipërinë, kjo histori nuk është aspak e largët. Jared Kushner është emri më i spikatur pas projektit luksoz në ishullin e Sazanit. Reuters raportoi në janar 2025 se qeveria shqiptare i dha statusin e investitorit strategjik një kompanie të lidhur me Kushner për një resort të planifikuar me vlerë 1.4 miliardë euro në Sazan, me pjesëmarrje të shtetit shqiptar përmes Albanian Investment Corporation.

Balkan Insight raportoi po ashtu se projekti u miratua si investim strategjik dhe u paraqit si një nga nismat më ambicioze turistike në vend.

Kjo do të thotë se çdo turbulencë serioze politike apo hetimore rreth Kushner në Uashington reflektohet drejtpërdrejt edhe mbi Sazanin. Jo domosdoshmërisht si bllokim i menjëhershëm juridik, por si rritje e pasigurisë mbi burimin, ritmin, klimën politike dhe besueshmërinë e investimit. Sa më shumë të thellohet debati në SHBA mbi rolin real të Kushner, aq më shumë zbehet narrativa e ndërtuar në Tiranë se projekti i Sazanit është thjesht një histori suksesi turistik. Në këtë pikë, nuk është më vetëm një çështje resorti; është çështje reputacioni politik dhe ekspozimi strategjik. Kjo lidhje është një interferencë politike e arsyeshme mbi faktet e raportuara.

Këtu nis edhe problemi i madh për Edi Ramën. Kryeministri shqiptar e ka shitur projektin e Sazanit si simbol të Shqipërisë që tërheq kapital elitar global. Por kur figura kyçe e këtij projekti hyn në një zonë të nxehtë të politikës amerikane, atëherë çdo premtim për investim “strategjik” fillon të tingëllojë më pak si zhvillim dhe më shumë si bast politik. Dhe bastet politike, sidomos kur varen nga njerëz që qarkullojnë mes diplomacisë informale dhe biznesit privat, kanë një zakon të keq: shemben shpejt sapo klima në Uashington ndryshon.

Pikërisht për këtë arsye, çështja Kushner nuk duhet parë në Tiranë si skandal i largët amerikan. Ajo prek drejtpërdrejt mënyrën si Shqipëria ka zgjedhur të lidhë interesin publik, territorin e vet më të ndjeshëm bregdetar dhe imazhin e saj ndërkombëtar me figura që lëvizin në një zonë gri mes pushtetit dhe biznesit. Sazani nuk është thjesht një ishull. Është testi i radhës nëse shteti shqiptar po negocion me investitorë, apo me hije të pushtetit amerikan.

Dhe këtu qëndron thelbi i gjithë kësaj historie: nëse në SHBA po ngrihen pikëpyetje mbi ndikimin, qasjen dhe interesat e Jared Kushner, atëherë në Shqipëri situate është serioze. Sepse atje bëhet debat për etikën e pushtetit; këtu mund të paguhet çmimi me territor, me transparencë dhe me një projekt që është shitur si krenari kombëtare, por që mund të rezultojë thjesht një iluzion i importuar nga korridoret e Uashingtonit./Pamfleti

Varri i perandorit të parë të Kinës, Qin Shi Huang, vazhdon të mbetet një nga misteret më të mëdha të historisë, pasi arkeologët nuk guxojnë ende ta hapin për shkak të rreziqeve që mund të fshihen brenda tij.

Sipas burimeve historike, brenda mauzoleumit mund të jenë vendosur kurthe të sofistikuara, përfshirë harkë automatike që qëllojnë ndaj çdo ndërhyrësi dhe lumenj merkuri që imitojnë rrjedhat e mëdha të Kinës.

Studime moderne kanë konfirmuar nivele shumë të larta merkuri në zonën përreth varrit, duke shtuar bindjen se këto përshkrime mund të jenë reale dhe jo thjesht mite të lashta.

Mauzoleumi, i ndërtuar mbi 2,200 vite më parë dhe i ruajtur nga ushtria e famshme e ushtarëve prej balte, konsiderohet një thesar i paçmuar historik. Megjithatë, rreziku për dëmtim dhe për jetën e studiuesve i ka bërë ekspertët të tregohen tepër të kujdesshëm.

Për momentin, teknologjia nuk garanton një eksplorim të sigurt pa rrezikuar strukturën apo përmbajtjen e tij, ndaj varri mbetet i mbyllur, duke ruajtur sekretet e tij të errëta.