Author: admin

Konfiskim objekti, përjashtim nga lejet për 5 vite e deri gjobë 35 mijë lekë m² për ndërtimet pa leje, këto janë disa nga rregullat e reja, më të ashpra, që kanë hyrë në fuqi, për të gjithë ata që bëjnë ndërtime pa leje, ose shtesa pa leje nëpër ndërtesa, shkruan A2 CNN.

Në fletoren zyrtare është publikuar akti normativ “Për disa ndryshime dhe shtesa në ligjin nr. 107/2014, “Për planifikimin dhe zhvillimin e territorit”, që parashikon konfiskim të objekteve që anë tejkalim të lejes mbi masën 10% të sipërfaqes totale ndërtimore.

Disa nga rregullat e reja:

Gjobat

1. Kryerja e punimeve pa leje dënohet me gjobë të barabartë me vlerën e punimeve të kryera, por jo më pak se 35 000 lekë për metër katror.

2. Ndryshimi i destinacionit apo aktivitetit pa leje dënohet me 5 000 000 lekë.

3. Mosveprimi i autoriteteve për miratimin në heshtje të lejeve dënohet me 2 000 000 lekë.

4. Punime të padeklaruara dënohen me 50 000 – 150 000 lekë, si dhe me vendim prishjeje.

5. Për punime pa leje në brezin bregdetar gjoba është jo më pak se 35 000 lekë/m², plus 10% e vlerës së preventivit ose e shitjes.

Konfiskimi dhe prishja e ndërtimeve pa leje

1. Në rastet kur tejkalohet 2% e sipërfaqes totale ndërtimore, konfiskohet pjesa pa leje për interes publik apo strehim social.

2. Kur tejkalohet 10%, konfiskohet i gjithë objekti ose urdhërohet prishja.

3. Shpenzimet e prishjes dhe pastrimit të inerteve paguhen nga ndërtuesi dhe ekzekutohen me bllokim llogarish bankare.

4. Nëse objekti nuk përputhet me projektin arkitektonik, ndërtuesi detyrohet të korrigjojë brenda 90 ditëve, përndryshe objekti konfiskohet për interes publik.

Përjashtime dhe “Lista e zezë”

1. Krijohet një “listë e zezë kombëtare” me ndërtues, shoqëri apo individë që shkelin ligjin e ndërtimit.

2. Ata përjashtohen nga marrja e lejeve për 5 vjet.

Në listë përfshihen ata që kanë kryer shkelje të rënda teknike e ligjore; janë dënuar për vepra penale në ndërtim; kanë shitur të njëjtin apartament më shumë se një herë; kanë pasur ndërtime objekt konfiskimi ose prishjeje.

hkëlqim Kurtaj, nipi i Ragip Kurtaj, i cili mbeti i plagosur ditën e djeshme së bashku me djalin e tij, ka folur sot për Report TV, ndërsa fajtorin kryesor për ngjarjen bën ish-kryebashkiakun e Shkodrës, Lorenc Luka.

Shkëlqim Kurtaj tregon se xhaxhai i tij nuk ka pasur asnjëherë probleme me njeri, por se pala tjetër, Gjon Shkambi, ka bërë intriga si dhe ka falsifikuar dokumentet gjyqësore për një pronë që nuk i përket.

Ai tregon se Gjon Shkambi dhe nipi Elvis Shkambi, i cili është gjithashtu dhe autor i vrasjes së gjyqtarit Astrit Kalaja, është zhytur në borxhe për të paguar gjyqet lidhur me këtë pronë dhe se janë detyruar të vijnë deri në këtë pikë për shkak se shteti prej vitesh nuk i ka dhënë zgjidhje.

“Lorenc Luka, po e deklaron si e ka bërë komplet supën që është gatuar dhe iku dhe ai rahmetliu (gjyqtari). Këto nuk kanë bërë asnjë asgjë se xhaxhai im nuk ka marrë gjë me zor dhe as nuk ka pasur ndonjëherë probleme me njeri.

Ka qenë punonjës i Policisë së Shtetit. As paguar lek dhe as nuk ka korruptuar askënd në jetë. Këto kanë kërkuar të drejtën e vet, i lanë në dorë drejtësisë dhe çfarë u çuan dhe bërë këta djem dje.

Nuk i marr vesh se çfarë është bërë.. Kanë 30 vite dhe nuk e kanë ndarë shapin prej sheqerit. Tani janë çuar për ta ndarë me pushkë me pushkë të vazhdojnë. Vranë gjyqtarin në mes të sallës së gjyqit. Nuk e di se kush ka gisht në këtë punë. Mund të ketë dhe roja. Vetëm në filma i kemi parë këto skena. Ndoshta kanë paguar dhe rojën.

Kanë bërë të gjitha intrigat. Këta janë detyruar për të ardhur deri në këtë pikë. Ai që ka bërë vrasjen dje, janë të zhytur në lek me fajde duke paguar gjyqësorin. Janë detyruar se shteti nuk i ka dhënë shteti.

Të gjitha i kanë pasur false dokumentet. Pse i ka çuar drejtësia deri në këtë pikë? Prona do të jetë e xhaxhait dhe ngjarjen ta vazhdojë drejtësia. Është në dorë të shtetit”, tha Shkëlqim Kurtaj.

Publikohen pamjet nga atentati me armë zjarri që ndodhi sot para ndërtesës së Komunës së Kumanovës, ku u plagos funksionari i BDI-së dhe bartësi i listës së koalicionit AKI në Likovë, Zekirija Shaini.

Ngjarja ndodhi rreth orës 13:54, ndërsa Shaini mbeti i plagosur në këmbë dhe ndodhet jashtë rrezikut për jetë.

Policia po heton rastin dhe është në kërkim të autorëve, ndërsa pamjet janë postuar nga Tv21, në rrjetet sociale.

VIDEO

Dojna Mema ka zbuluar së fundmi se Kiara Tito e ka hequr nga lista e ndjekësve në Instagram.

Ajo është shprehur se nuk e kupton arsyen dhe se sipas saj, nuk ka pasur asnjë problem mes tyre.

“Kiara më ka hequr nga ‘followers’ dhe nuk e di se pse, kot”, ka thënë moderatorja në emsionin e Arbana Osmanit, “Mirmbrëma Yje”.

Ndonëse nuk e ka komentuar më gjatë, Dojna ka lënë të nënkuptohet që ka mbetur e zhgënjyer.

Ky veprim që moderatorja aludon të ketë bërë Kiara Tito, ka “ngjallur” reagime të shumta në rrjete sociale.

Fansat respektivë, kërkojnë të dijnë më shumë mbi këtë marrëdhënie të “krisur”.

Mediat britanike raportojnë se djali 19-vjeçar i presidentit amerikan Donald Trump, Barron Trump, ka arritur një pasuri prej 150 milionë dollarë, kryesisht falë suksesit në kriptovaluta.

Sipas “Daily Mail”, Barron është bërë një nga të rinjtë më me ndikim në tregun digjital të financave, pasi ka bashkëthemeluar kompaninë “World Liberty Financial” së bashku me babanë e tij dhe vëllezërit më të mëdhenj vitin e kaluar.

Thuhet se ai i ka mësuar vetë presidentit Trump konceptin e “wallet”-it digjital, ndërsa kompania e tyre njohu rritje të jashtëzakonshme pas rizgjedhjes së Donald Trump si president i SHBA-së.

Sipas burimeve, “World Liberty Financial” i ka shtuar mbi 1.5 miliardë dollarë pasurisë së familjes Trump, dhe nga kjo shumë, Barron ka përfituar 10%, që përllogaritet në rreth 150 milionë dollarë.

Ky sukses e vendos djalin më të vogël të presidentit amerikan në radhët e të rinjve më të pasur në Shtetet e Bashkuara, me një karrierë që sapo ka nisur në fushën e financave digjitale.

Për herë të parë, në garën për bashkinë e Vlorës, Partia Socialiste ia ka besuar një gruaje.

Në zgjedhjet e pjesshme të 9 nëntorit, Brunilda Mersini do të jetë kandidatja e PS në Vlorë, duke lënë kështu mandatin e deputetes që e fitoi në 11 Maj.

Mersinit i zgjati vetëm një muaj mandati i deputetes.

Në Kuvend, karrigen e saj e merr Briseida Cakerri.

Vendin e saj në Kuvend pritet ta marrë Briseida Cakerri, e cila renditej pas Mersinit në 11 maj.

Që nga 1912, në Vlorë ka pasur 24 kryetarë bashkie, të gjithë burra, e kjo është hera e parë që i besohet gara për drejtimin e këtij qyteti një zonje.

Brunilda Mersini ka qenë drejtuese e Spitalit Rajonal Vlorë dhe me profesion mjeke obstetër gjinekologe.

Ajo është edhe pedagoge në Universitetin “Zoja e Këshillit të Mirë”.

Interesante është se në CV e saj bie në sy se Mersini ka lindur në Sofie të Bullgarisë.

Një tërmet shumë i fortë me magnitudë 6.7 ballë të shkallës Rihter goditi rajonin e paqësorit veriperëndimor, duke shkaktuar panik dhe frikë për tsunami.

Rajonet dhe shtetet e goditura sot nga lëkundjet janë ato të kreolëve të Lae të Provincës Morobe, Papua Guinea e Re. Tërmeti pati një thellësi mesatare prej 107 km dhe u ndje gjerësisht në zonë.

Siç raportohet nga “Volcanodiscovery”, tërmeti cilësohet i shkallës së lartë dhe i rrezikshëm.

Madhësia, epiqendra dhe thellësia e saktë e tërmetit mund të rishikohen në orët ose minutat në vijim, së bashku edhe me dëmet apo viktimat e shkaktuara.

Shërbimi Gjeologjik i SHBA-së lëshoi ​​një raport të dytë pasi Agjencia e Meteorologjisë, Klimatologjisë dhe Gjeofizikës e Indonezisë e vlerësoi tërmetin në magnitudë 6.8.

Agjenci të tjera që raportuan të njëjtin tërmet përfshijnë Qendrën Gjermane për Gjeoshkencat (GFZ) me magnitudë 6.7 dhe rrjetin sizmograf qytetar RaspberryShake me magnitudë 6.7.

Për momentin nuk ka informacione për ndonjë tsunam të mundshëm apo viktima dhe të lënduar.

Rep-artisti, Kleviol Ahmeti i njohur me nofkën “Cllevio” është ndaluar në Emiratet e Bashkuara në Dubai rreth 3 muaj më parë.

Sipas burimeve të Express, Cllevio ka nënshkruar që të ekstradohet në Shqipëri dhe të përballet me akuzat të cilat pretendon se janë ngritur nga kundërshtarët e tij.

Ai pritet të ekstradohet  më datë 8 tetor në Tiranë nga Interpol, ku edhe do të zbulohet më shumë rreth situatës së tij. /Prive

Moderatorja e njohur Arbana Osmani ka ndarë së fundmi një postim në rrjetet sociale që ka tërhequr vëmendjen e ndjekësve të saj.

Ajo ka publikuar një moment nga emisioni “Portokalli”, ku shihet duke ndjekur miken e saj të ngushtë,

Xhemi Shehun teksa performon në skenën e “Top Channel”.

Ky veprim i Arbanës ka bërë që shumë ndjekës të mendojnë se, pavarësisht aludimeve të shumta, ajo nuk mban asnjë hatermbetje ndaj ish-televizionit ku punoi për vite me radhë.

Por a është kjo një shenjë e një rikthimi të mundshëm si moderatore në “Top Channel”? Kjo mbetet për t’u parë në vazhdim.

Pas 23 ditësh grevë urie, shqiptari Pano Ruçi vendosi të ndalë protestën e tij pasi të gjitha kërkesat e tij u morën parasysh. Ai kishte kërkuar zhvarrosjen e djalit të tij, Denis Ruci, i cili humbi jetën në tragjedinë hekurudhore të Tempes, si dhe kryerjen e ekzaminimeve të specializuara.

Në një deklaratë të dhënë gjatë ditës së sotme, Ruci theksoi rëndësinë e transparencës së plotë në procesin e ekzaminimeve toksikologjike dhe të tjera, për të cilat tashmë është dhënë drita jeshile për zhvillimin e tyre.

Ai rrëfeu se 23 ditët e grevës i ka përjetuar me shumë dhimbje dhe lodhje, por falë durimit dhe mbështetjes së njerëzve ka gjetur forcën për të qëndruar dhe shpresuar.

“Do të jem këtu derisa të marr përgjigje për të gjitha kërkesat e mia,” tha Ruci, duke shtuar se do të vazhdojë luftën derisa qeveria të konfirmojë pranimin e tyre.

Avokatja e Pano Ruçit, Zoi Konstantopulu, deklaroi mbrëmjen e së martës nga Sheshi Sintagma se:

“Sot drita mposhti errësirën. Me forcën e shpirtit të tij dhe të gjithë shoqërisë, Pano sfidon mekanizmat më të ashpër dhe të pamëshirshëm. Fshehja dhe skemat për të mbuluar të vërtetën nuk triumfuan. Rikthimi në qarkullim i dosjes me 3,000 faqe që dokumenton neglizhencat e institucioneve është dëshmi se lufta dhe këmbëngulja e tij nuk ishin të kota.”