Author: admin

Kreu i Partisë Demokratike, Sali Berisha, ka zhvilluar një takim me mbështetësit demokratë në Lezhë, ku përveç fjalës së tij, është përballur edhe me pyetje dhe kritika të sikletshme dhe të drejtpërdrejta nga pjesëmarrësit.

Një prej demokratëve ngriti shqetësimin për mungesën e kontaktit të drejtuesve të PD-së me bazën, duke theksuar se për rreth tetë muaj nuk ka pasur komunikim të mjaftueshëm, gjë që sipas tij dëmton jetën e brendshme të partisë.

Ai e cilësoi këtë situatë jo si faj personal të Berishës, por si pasojë e keqinformimit nga drejtuesit e lartë të partisë dhe drejtuesit e qarqeve, të cilët, sipas tij, janë të shkëputur nga demokratët.

Në përgjigje, Berisha pranoi kritikën dhe u shpreh se ajo do të merret parasysh. Ai garantoi se Partia Demokratike do të angazhohet për një dialog më intensiv me bazën, si përmes deputetëve ashtu edhe përmes drejtuesve të partisë. Berisha theksoi se shkëputja ka ardhur edhe si pasojë e një periudhe të ngarkuar përballjeje politike me qeverinë, ku fokusi kryesor ka qenë mbrojtja e votës.

Një tjetër pyetje e drejtpërdrejtë kishte të bënte me çështjen e lidershipit dhe dorëzimin e stafetës.

Demokrati shprehu dyshimin nëse Berisha heziton të largohet nga drejtimi i PD-së për shkak të frikës se partia mund të përfundojë sërish në “duar të gabuara”.

Berisha u përgjigj duke theksuar se nuk ka ndërmend të caktojë një pasardhës personal. Ai deklaroi se nuk synon të lërë trashëgim as familjarët e tij dhe se pasardhësi i tij do të jetë ai që zgjidhet dhe mbështetet nga vetë demokratët.

“Tani të them me sinqeritet, të vetmen gjë që nuk e bëj dot kurrë është pasardhësi. Nuk është reale, nuk kam ndërmend të lë pasardhës as vajzën, as djalin tim. Pasardhës do lë atë që zgjidhni ju dhe besoni më shumë”, u shpreh Berisha.

Detaje janë zbuluar nga arratisja e Altin Ndocit këtë të martë, nga spitali i Durrësit, ndërkohë që shoqërohej nga disa punonjës policie.

Një nga policët që e shoqëronte Ndocin nga paraburgimi i Durrësit për në spital, ka qenë Fatjon Baci. Ai është personi që shfaqet në pamjet që kanë qarkulluar nga momenti i arratisjes së Ndocit dhe shihet me armë në dorë.

Në momentin kur Ndoci arriti t’u largohej punonjësve të Policisë, Baci ka qëlluar në ajër me armën e shërbimit për ta trembur, por kjo nuk mjaftoi për ta ndaluar të arratisurin.

Targat e “Audi”-t të vjedhura para disa ditësh

Kamerat e sigurisë tregojnë se ai u arratis nëpërmjet një makinë “Audi A7“, me targë AA700RS, që e priste te parkingu i spitalit.

Targat e automjetit që u përdor për arratisjen e Ndocit nga Spitali i Durrësit rezultojnë të denoncuara të vjedhura pak ditë më parë.

Autorët që ndihmuan në arratisjen e Ndocit duket se e kishin planifikuar në detaje planin, në mënyrë që askush të mos dyshonte pasi modeli i makinës që u vodhën targat dhe makina që u përdor për arratisje është i njëjtë, “Audi A7”.

Arratisja spektakolare

Altin Ndoci, një personazh i njohur i botës së krimit, i akuzuar për një sërë veprash të rënda penale, u arratis nga paraburgimi këtë të martë. 39-vjeçari ishte dërguar në infektivin e spitalit pasi kishte shfaqur probleme shëndetësore.

“I paraburgosuri Altin Ndoci është larguar nga ambientet e Spitalit Rajonal të Durrësit, ku ishte shoqëruar për kryerjen e vizitave mjekësore. Të gjitha procedurat mjekësore janë zhvilluar në repartin e infektivit, i cili ka repartin e sigurisë për të dënuarit. Pavarësisht ndërhyrjes së menjëhershme nga forcat e Policisë së Burgjeve për ndalimin e tij, Altin Ndoci ka arritur të largohet nga spitali. Strukturat përkatëse janë vënë menjëherë në lëvizje dhe po punohet intensivisht për lokalizimin dhe kapjen e tij, si dhe për sqarimin e plotë të rrethanave të ngjarjes”, thuhet në një deklaratë paraprake të Drejtorisë së Burgjeve.

Ndoci dyshohet të jetë arratisur në momentin kur është lënë vetëm brenda një dhome në spital. Mbetet e paqartë si ka arritur të largohet, duke qenë se për ruajtjen e tij ishin caktuar të paktën pesë efektivë policie.

Forca të shumta policie janë vënë në lëvizje me qëllim kapjen e tij. Ndërkohë, arratisja e Ndocit ka sjellë pezullimin e gjithë zinxhirit komandues të burgut të Durrësit. Deri më tani raportohet për 10 zyrtarë të pezulluar.

Kush është Altin Ndoci

I arrestuar e akuzuar për disa vepra të rënda penale, më kryesorja ajo e vrasjes me pagesë, Altin Ndoci ndodhej në qelinë e burgut të Durrësit pas operacionit të Prokurorisë së Posaçme, “Plumbi i Artë”, një operacion i ndarë në dy faza. E para ishte në vitin 2022, ndërsa faza e dytë në vitin 2024. Në këtë rast u zbardhën pesë vrasje dhe u lëshuan mbi 30 urdhër-arreste.

Altin Ndoci akuzohet nga Prokuroria e Posaçme si pjesë e organizatës kriminale të drejtuar nga vëllezërit Franc e Hajdar Çopja. Hetimet për këtë organizatë u mbyllën dhe dosja u çua për gjykim në tetor të 2025-s.

Altin Ndoci është akuzuar për disa ngjarje të rënda kriminale, mes të cilave: Vrasjen e vëllezërve Haxhia (Durrës, 2020); Vrasjen e Dorjan Shkozës dhe Anxhelo Avdias (Durrës, 2020); Masakrën e Bradasheshit (Elbasan 2018; Ekzekutimi i Andi Zylyfit, plagosja e Ardit Uruçit). Ai po ashtu është akuzuar për armëmbajtje pa leje, trafik droge dhe grabitje.

Ky është momenti që Altin Ndoci mbërrin në oborrin e Spitalit të Durrësit, i shoqëruar me ambulancë.

Në videon Ndoci shfaqet duke dalë nga ambulanca i lirë dhe pa pranga, dhe më pas shoqërohet në drejtim të godinës së spitalit.

Shoqërimi i tij bëhet në kundërshti me rregulloren, pasi duhej të ishte i prangosur për shkak të rrezikshmërisë.

VIDEO

Ish deputeti i Partisë Demokratike, Ervin Salianji ka ngritur shqetësimin e çmimit të lartë të naftës në Shqipëri.

Me anë të një postimi në Facebook, ai krahason Shqipërinë me vendet e rajonit, ku dukshëm çmimi i naftës është më i lirë.

“Te nafta, akciza + taksa e qarkullimit + TVSH përbëjnë gati 60% të çmimit final. Në rajon qeveritë ulin taksat, tek ne qeveria vetëm rrit taksat se i duhen para për të ushqyer korrupsionin”, shkruan Salianj!

Nafta e shtrenjtë – thotë Salianji- rrit koston e jetesës, çmimet dhe varfërinë.

“Ky është një model grabitjeje, jo qeverisje”, mbyll postimin e tij duke bërë thirrje për protestë.

Postimi i Salianjit

Nafta në Shqipëri 78% më shtrenjtë se në Kosovë!

Qeveria e Shqipërisë po mbyt qytetarët me rritje taksash.

Te nafta, akciza + taksa e qarkullimit + TVSH përbëjnë gati 60% të çmimit final.

Në rajon qeveritë ulin taksat, tek ne qeveria vetëm rrit taksat se i duhen para për të ushqyer korrupsionin!

Nafta e shtrenjtë rrit koston e jetesës, çmimet dhe varfërinë.

Ky është një model grabitjeje, jo qeverisje!

Protesto!

Pesë persona janë arrestuar nën dyshim për vrasje në Stockton, Angli, pas gjetjes së trupit të një burri 49-vjeçar në një banesë në rrugën Egglescliffe Close në lagjen Hardwick të shtunën në mbrëmje.

Mes të arrestuarve janë një 19-vjeçar, dy 18-vjeçarë dhe dy djem 17-vjeçarë.

Sipas Teesside Evening News të cilës i referohet Top Channel, një nga të dyshuarit, Sajmir Dodoveci, 40 vjeç, i cili është lidhur me vrasjen e Hemawand Ali Hussain në Hartlepool në vitin 2019, u kap nga policia belge në një stacion treni në Bruksel më 23 dhjetor dhe u ekstradua në Mbretërinë e Bashkuar. Dodoveci tashmë është akuzuar për vrasje dhe do të paraqitet në Teesside Crown Court.

Kjo hetim ndërkombëtar u zhvillua nga Cleveland Police dhe National Crime Agency (NCA), në bashkëpunim me autoritetet europiane. Më parë, Eugert Merizaj u dënua me burgim të përjetshëm për të njëjtën vrasje, ndërsa tre të tjerë morën dënime deri në 26 vjet burg për vrasje të lehtë.

Një tjetër i dyshuar, 34-vjeçar, po përgatitet për ekstradim nga Belgjika, ndërsa Armando Marku, 26 vjeç, mbetet ende në arrati. Cleveland Police po punon ngushtë me agjenci ndërkombëtare për ta kapur atë dhe kërkon ndihmën e publikut për çdo informacion mbi vendndodhjen e tij.

Çdo informacion mund të raportohet tek Cleveland Police në numrin 101, duke cituar rastin SE19159141 (Operacioni Chard).

Gjatë një mbrëmjeje të veçantë, ndodhi një moment që do të mbetet në mendjen e të gjithëve: puthja e parë mes Dolces dhe Limit.

Kjo puthje, e cila shënoi një hap të rëndësishëm në marrëdhënien e tyre, ka tërhequr vëmendjen e mediave dhe fansave.

Pas këtij momenti, Dolce ka ndarë mendimet e saj me Londrimin, duke zbuluar ndjenjat e saj të thella për Limitin.

“Ky muhabet ka vite, por kurrë nuk jemi bërë”, tha ajo, duke sugjeruar se ndjenjat e tyre kanë qenë të pranishme për një kohë të gjatë, por kurrë nuk ishin shprehur plotësisht deri tani.

Banorja zbuloi se derisa Limi ishte brenda një formati tjetër, i kishte kërkuar shoqes së saj “ta gjente”.

“I thash: e dua atë”, zbuloi Dolce gjatë bisedës me Londrimin.

Dolce, e njohur për stilin e saj të veçantë dhe personalitetin e saj të fortë, ka ndarë gjithashtu se si kjo puthje ka ndryshuar perceptimin e saj për Limitin.

Ajo e përshkruan atë si një person të veçantë, që e ka mbështetur gjatë gjithë kohës.

Fansat e dy artistëve janë të emocionuar për këtë zhvillim dhe shumë prej tyre kanë filluar të spekulojnë mbi mundësinë e një lidhjeje më të thellë mes tyre.

Kjo situatë ka hapur një bisedë të re në rrjetet sociale, ku ndjekësit shprehin mendimet e tyre.

Një nga aspektet më interesante të kësaj situate është se si Dolce dhe Limit kanë ndarë skena të ndryshme së bashku, duke krijuar një histori të veçantë për fansat e tyre.

Puthja e fundit duket se është kulmi i një rrugëtimi të gjatë.

Me këtë zhvillim, të gjithë janë të etur të shohin se çfarë do të ndodhë më tej në këtë histori, e cila duket se është vetëm në fillim të saj.

A do të shohim një bashkëpunim të ri mes tyre? Koha do ta tregojë.

VIDEO

Një gjyqtare turke u qëllua dhe u plagos brenda një gjykate në Stamboll të hënën nga ish-bashkëshorti i saj, gjithashtu një oficer gjyqësor.

Personi i dyshuar për armë, një oficer gjyqësor në të njëjtën gjykatë, e qëlloi ish-bashkëshorten e tij përpara se të çarmatosej nga një i burgosur që po u shërbente çaj punonjësve të gjykatës.

I burgosuri punonte atje si pjesë e një uljeje të dënimit të tij.

Sipas raportimeve, gjyqtarja, e cila ishte në vendin e saj në kohën e sulmit, u dërgua në spital pasi mori ndihmën e parë brenda gjykatës, e cila ndodhet në anën aziatike të Stambollit.

“Gratë mund të bien viktima të sulmeve me armë edhe brenda gjykatave, i njëjti vend ku autorët e akteve të tilla duhet të ndëshkohen”, u ankua organizata për të drejtat e grave “We Will Stop Feminicides” në një postim në X. Sipas kësaj organizate, 294 gra u vranë nga burrat në Turqi në vitin 2025 dhe 297 të tjera vdiqën në rrethana të dyshimta.

Tuneli më i gjatë dhe më i thellë në botë nën det po ndërtohet në Norvegji, me qëllim të ulë kohën e udhëtimit midis qyteteve të mëdha dhe të bëhet pjesë e një autostrade pa tragete përgjatë bregdetit të saj perëndimor.

Mediat e huaja shkruajnë se ndërtimi filloi në janar 2018, por u ndërpre në fund të vitit 2019 për shkak të parashikimeve për tejkalime të kostove që çuan në shfuqizimin e kontratave ekzistuese dhe në ristrukturimin e projektit. Punimet rifilluan në fund të vitit 2021 dhe tuneli tani është planifikuar të përfundojë në vitin 2033, me një kosto prej afërsisht 25 miliardë krona norvegjeze (rreth 2.4 miliardë dollarë).

“Tuneli do të përmirësojë ndjeshëm lidhjen përgjatë bregut perëndimor të Norvegjisë, duke krijuar një lidhje më të shpejtë dhe më të besueshme midis rajoneve Stavanger dhe Haugesund,” tha Anne Brit Moen, një menaxhere projekti në Skanska, kompania ndërkombëtare ndërtuese që po ndërton pjesën veriore të tunelit, e cila është seksioni më i thellë dhe është 9 kilometra i gjatë.

Duke zëvendësuar lidhjet aktuale të trageteve, Rogfast do të reduktojë kohën e udhëtimit mes Bergenit dhe Stavangerit respektivisht qytetet e dytë dhe të katërt më të mëdha norvegjeze sipas popullsisë, për rreth 40 minuta dhe do ta bëjë udhëtimin e përditshëm shumë më të lehtë, shtoi Moen.

Tuneli do të përbëhet nga dy tubacione të veçanta, secili me dy korsia trafiku, të dizajnuara ekskluzivisht për trafik rrugor, dhe do të ketë një element dizajni mjaft të pazakontë rreth në mes: një rrugë rrethore e dyfishtë, 260 metra e thellë, që lidhet me një tunel lidhës që çon në ishullin Kvitsøy, bashkia më e vogël e Norvegjisë.

Matje me teknologji të lartë

Ndërtimi i një tuneli me këtë gjatësi nën det paraqet disa sfida teknologjike. Si shumica e tuneleve moderne, për të kursyer kohë, Rogfast po ndërtohet nga të dyja skajet njëkohësisht, me qëllimin që të dy ekipet e ndërtimit të takohen në mes brenda një marge gabimi prej vetëm 5 centimetra.

Arritja e këtij niveli të saktësisë kërkon matje të kujdesshme duke përdorur lazerë dhe pajisje të tjera të sofistikuara. Një skaner laserik i rrotullueshëm me pasqyrë mat një pjesë të tunelit të sapo-gërmuar, duke mbledhur 2 milion pikë të dhënash në sekondë për të krijuar një “binjak digjital” të tunelit. Kjo më pas mund të kontrollohet kundrejt planeve të dizajnit për çdo pasaktësi.

”Është pak larg pamjes romantike të inxhinierit që sheh përmes një lenteje,” tha Burkhard Boeckem, drejtor i teknologjisë në Hexagon, kompania që po siguron matjet për tunelin.

Margjina prej 5 centimetra është ndër më të rreptat në botë, por mund të kursejë kohë, para, mbetje dhe emetime duke shmangur gabimet:”Nëse devijoni nga kjo, krijoni shumë më shumë material që duhet të nxirret, dhe pastaj shumë më tepër që të mbushet përsëri, janë shumë kamionë të plotë. Pra, nuk është vetëm një faktor rreziku, por edhe një faktor shumë financiar.”

Kërkon aftësi teknike

Projekti Rogfast është pjesë e rinovimit të rrugës bregdetare E39, një rrugë 1,100 kilometra (684 milje) që shtrihet nga Trondheim në veri deri në Kristiansand në jug. Sot duhen 21 orë për të vozitur të gjithë gjatësi e rrugës, e cila përfshin shtatë tragete. Qëllimi është ta bëjmë pa tragete duke ndërtuar tunele dhe ura, duke shkurtuar kohën e udhëtimit gjysmë. Përfundimi nuk pritet para vitit 2050.

Rogfast është një nga komponentët më ambiciozë dhe teknikisht të kërkuar të asaj plani, dhe ndërtimi nuk ka qenë pa pengesa, sipas Moen. “Sfida kryesore deri tani ka qenë të gjejmë metoda të mjaftueshme për injektimin e llaçeve për të vulosur shkëmbin. Tani jemi 300 metra (984 këmbë) nën nivelin e detit, dhe tashmë kemi pasur rrjedhje të konsiderueshme të ujit të kripur në sistemin e tunelit. Duke qenë se do të shkojmë deri në 392 metra (1,286 këmbë) nën nivelin e detit, po përqendrohemi në gjetjen e metodave më të mira për të ruajtur kushtet e sigurta dhe efikase të punës për të gjithë.” shpjegoi ajo.

Tuneli kërkon gjithashtu masa për të mbrojtur drejtuesit e automjeteve nga ndotja e ajrit. Ai do të përdorë një sistem ventilimi longitudinal, i cili zakonisht përdor ventilatorë me rrymë për të krijuar qarkullim të ajrit i plotësuar nga ventilimi i kanalit që shtrihet deri në Kvitsøy.

“Kjo kombinim është dizajnuar për të siguruar qarkullim të efektshëm të ajrit dhe siguri gjatë gjithë gjatësi së konsiderueshme të tunelit,” tha Moen.

Do të implementohet gjithashtu një alarm në kohë reale për të identifikuar ngjarje të tilla si prishje ose bllokim, dhe kamerat dhe radari do të monitorojnë automjetet.

Megjithëse punësimet do të humbnin përfundimisht nga mbyllja e trageteve, Rogfast do të forcojë qasjen në punë të tjera, arsim dhe shërbime publike për komunitetet lokale, tha Moen, dhe do të ketë efekte pozitive në ekonominë lokale dhe industrinë e produkteve detare, pasi kostot e logjistikës do të ulen dhe kompanitë do të jenë në gjendje të operojnë në një zonë më të gjerë.

“Projektimi gjithashtu krijon punësim të konsiderueshëm gjatë ndërtimit dhe vendos bazën për zhvillim më të qëndrueshëm dhe të integruar rajonal përgjatë bregdetit të thyer perëndimor të Norvegjisë,” tha ajo.

Ish-deputeti Myslim Murrizi, gjatë një interviste televizive ka bërë një deklaratë të fortë, teksa tha se biznesmeni Ergys Agasi, i cili është shpallur në kërkim nga SPAK për aferën e AKSHI-t, nuk është arratisur.

Sipas Murrizit, Ergys Agasi ndodhet mes Tiranës dhe Durrësit dhe se nuk është arratisur, siç raportohet në media.

“Opozita duhet të kërkojë dorëheqjen e Gys Agasit, se Rama ka rënë. Gysi duhet ta quajmë Kryeministër së është këtu vërdallë, le çfarë thonë ata që ka ikur. Është brenda territorit, këtu afër. Ndodhet mes Tiranës dhe Durrësit, se tashmë Tirana dhe Durrësi një qytet janë”, tha ai.
Po ashtu, ai nuk ka lënë pa thumbuar as kryeministrin Edi Rama, teksa tha se është shërbëtor i biznesmenit Agasi.

“Pra duhet të kërkohet dorëheqja e Gysit, kryeministrit nën hijë. Rama është shërbëtor i tyre. E marrin në telefon, do bësh këtë dhe do bësh atë. Është zvogëluar si top futbolli. Ky pyësin më ata”, tha Murrizi në Report Tv.

Kujtojmë që biznesmeni Ergys Agasi është një personat e shpallur në kërkim për aferën e AKSHI-t, teksa akuzohet për prishje barazie në tendera, rrëmbim etj.

Aktualisht ai ndodhet në kërkim ndërkombëtar për këtë aferë.

Mister me fluturimin e “Aeroplanit të Apokalipsit” mbi Los Angeles në SHBA. Ky avion është një qendër komande e plotë e projektuar për të mbrojtur presidentin amerikan dhe Shtetet e Bashkuara nga një sulm katastrofik.

Skenarët dhe teoritë konspirative u nxitën nga shfaqja në qiellin e Los Anxhelosit e një Boeing-u të njohur si “Aeroplani i Apokalipsit”, i cili shërben si një qendër e plotë komande e projektuar për të mbrojtur presidentin amerikan dhe Shtetet e Bashkuara nga një sulm katastrofik.

Deri më tani nuk është dhënë asnjë shpjegim për shfaqjen e tij. Boeing u regjistrua duke u ulur në një aeroport civil në Los Angeles për herë të parë në historinë e përdorimit të tij operativ.

“Aeroplani i Apokalipsit”, siç njihet, u ndërtua në vitet 1970. Ai shërben si një qendër komande fluturimi për zyrtarët e lartë dhe presidentin e SHBA-së në kushte ekstreme krize.

Avioni është ndërtuar për t’i mbijetuar një sulmi bërthamor, ndërkohë që koordinon edhe veprimet ushtarake.

Informacione të pakonfirmuara sugjerojnë një ulje në një aeroport civil për qëllime mirëmbajtjeje.