Author: admin

Kuvendi i Shqipërisë ka miratuar me 84 vota ndryshime të rëndësishme në Kodin Rrugor, të propozuara nga deputetët Ulsi Manja dhe Erion Braçe, me synim forcimin e sigurisë në rrugë dhe reduktimin e aksidenteve.

Një nga risitë kryesore është vendosja e tolerancës zero për alkoolin tek drejtuesit e rinj, të cilët për dy vite pas marrjes së patentës nuk do të lejohen të konsumojnë alkool gjatë drejtimit të mjetit.

Po ashtu, për këtë kategori parashikohen kufizime shpejtësie: deri në 90 km/h në autostradë dhe 80 km/h në rrugët jashtë qendrave të banuara. Në rast respektimi të rregullave për dy vite pa shkelje, kufizimet hiqen automatikisht. Ndërkohë, dy shkelje brenda një viti sjellin zgjatje të periudhës së provës edhe për një vit tjetër.

Një tjetër rregull i ri ndalon drejtimin e mjetit gjatë orëve 24:00–06:00 për shoferët e rinj, nëse nuk shoqërohen nga një drejtues me të paktën 3 vite eksperiencë. Mosrespektimi i këtyre kufizimeve ndëshkohet me gjobë nga 5 mijë deri në 15 mijë lekë, pezullim të patentës për një muaj dhe heqje pikësh.

Ndryshimet parashikojnë gjithashtu masa të rënda për shkelësit e përsëritur, duke përfshirë edhe heqjen përfundimtare të lejes së drejtimit në rastet e drejtimit të mjetit nën efektin e alkoolit mbi 0.5 g/l në mënyrë të përsëritur.

Një tjetër risi është ndalimi i përdorimit të telefonit në dorë jo vetëm për automjetet, por edhe për biçikletat, motorët elektrikë dhe monopatinat.

Gjoba më të larta parashikohen për garat e shpejtësisë dhe sjelljet agresive në rrugë, ndërsa ashpërsohen edhe masat për drejtimin pa leje dhe për të miturit.

Paketa e re ligjore synon përafrimin me standardet e Bashkimit Europian dhe rritjen e sigurisë rrugore, duke vendosur rregulla më të forta për shkeljet me rrezik të lartë për jetën e qytetarëve.

Safet dhe Behar Bajri kanë depozituar një kallëzim në Prokurori ndaj deputetes së Partisë Socialiste, Marjana Koçeku, pas deklaratave të saj publike se ishte kërcënuar me jetë së bashku me familjen nga anëtarë të familjes Bajri.

Në dokumentin e bërë publik, Bajrat i cilësojnë akuzat si të pavërteta dhe pa asnjë bazë provash, duke theksuar se pretendimet e ngritura ndaj tyre nuk mbështeten në fakte konkrete.

Ata argumentojnë se disa prej familjarëve të përmendur nga deputetja ndodhen aktualisht në burg dhe, sipas tyre, nuk kanë pasur mundësi të kryejnë veprimet për të cilat akuzohen.

Gjithashtu, në kallëzim pretendohet se Koçeku nuk ka paraqitur prova pranë organeve ligjzbatuese për të mbështetur deklaratat e saj. Për këtë arsye, Safet dhe Behar Bajri kërkojnë që Prokuroria të verifikojë rastin dhe të nisë procedurat përkatëse ligjore.

“I kërkoj Prokurorisë:

Të regjistrojë këtë kallëzim dhe të fillojë procedimin penal;

Të hetojë vërtetësinë e deklaratave dhe përgjegjësinë penale të deputetes Marjana Koçeku si dhe arsyet se përse ajo e ka bërë një deklaratë të tillë dhe cilët persona e kanë shtyrë;

Të sigurojë dhe ruajë menjëherë postimin origjinal në rrjete sociale dhe të dhënat e tij teknike, përpara fshirjes;

Të administrojë provat e sipërpërmendura dhe të më njoftojë për veprimet e kryera, sipas të drejtave të kallëzuesit”,- thuhet ndër të tjera në kallëzim.

Kujtojmë se vetëm pak ditë pasi u largua nga grupi parlamentar i Partisë Socialiste dhe u vetëshpall deputete e pavarur, Marjana Koçeku zbuloi se është kërcënuar me jetën e familjarëve të saj.

Lajmin e bën me dije vetë ligjvënësja, e cila përmes një reagimi në rrjetet sociale i kundërpërgjigjet këtyre kërcënimeve, që sipas saj, vijnë nga “Bajrat e Shkodrës”.

Në një postim në Facebook, Koçeku bëri të ditur se grupi Bajri në Shkodër ka kërcënuar familjen e saj pasi ajo doli kundër Edi Ramës dhe Partisë Socialiste.

“Nëse familjes teme i preket kjoftë edhe nji qime floku, unë s’kam me lanë pa ju shkatërrue, sa ta kem jetën”- theksoi Koçeku.

Ashtu siç kishte paralajmëruar pak ditë më parë bashkëshortja e këngëtarit të ndjerë Shpat Kasapi, Selvija, një tjetër projekt i artistit ka parë dritën e publikimit.

Bëhet fjalë për këngën “Nana”, e cila është publikuar zyrtarisht në YouTube dhe vjen si pjesë e angazhimit të familjes për të sjellë tek publiku krijimet që Shpati nuk arriti t’i publikonte gjatë jetës së tij.

Lajmin e kishte bërë të ditur vetë Selvija, e cila premtoi se do të vazhdojë të ndajë me fansat projektet muzikore që artisti kishte lënë të papërfunduara, duke mbajtur gjallë kujtimin dhe trashëgiminë e tij artistike.

Kënga është pritur me emocione të shumta nga admiruesit e Shpat Kasapit, të cilët kanë pasur mundësinë të dëgjojnë edhe një herë zërin e artistit të dashur.

Ajo që ka tërhequr më shumë vëmendje është videoklipi i realizuar për projektin. Përmes përdorimit të Inteligjencës Artificiale, janë krijuar skena simbolike ku Shpati shfaqet me krahë engjëlli pranë nënës së tij, duke i dhënë klipit një dimension të veçantë vizual.

“Nana” konsiderohet vetëm fillimi i publikimit të materialeve të tjera të lëna nga këngëtari, ndërsa familja e tij ka bërë të ditur se projekte të tjera pritet të publikohen edhe në vijim.

Një 27-vjeçar shqiptar ndodhet në gjendje kritike në spitalin Son Espases në Palma të Spanjës, pas një aksidenti të rëndë të ndodhur më 15 qershor në ishullin e Mallorcës.

Ngjarja ka ndodhur në zonën e njohur turistike Caló des Moro, në komunën Santanyí, ku i riu ka rënë nga një lartësi rreth 5 deri në 7 metra, në një terren shkëmbor. Si pasojë e rënies, ai ka pësuar dëmtime të rënda në shtyllën kurrizore dhe u transportua me helikopter emergjence drejt spitalit.

Sipas familjarëve, 27-vjeçari ndodhet në repartin e terapisë intensive dhe po i nënshtrohet trajtimeve mbështetëse për jetën. Mjekët kanë filluar uljen graduale të ilaçeve për të parë nëse ai mund të zgjohet dhe të reagojë. Deri tani janë vërejtur disa shenja të lehta reagimi, përfshirë hapjen e syve.

Gjendja e tij mbetet ende kritike por nëse i riu arrin të zgjohet dhe të marrë vetë frymë, mund të vendoset një pajisje ndihmëse për frymëmarrjen, me shpresën që në të ardhmen të rifitojë disa funksione bazë si të folurit dhe ushqyerjen.

Familjarët kanë hapur edhe një GoFundMe për këdo që ka mundësi dhe dëshirë të kontribuojë në shérimin e shpejtë të Ardit, shqiptarit të aksidentuar.

Pikat e kalimit kufitar në Shqipëri do të funksionojnë me një sistem të ri sinjalistike dhe orientimi për udhëtarët. Këshilli i Ministrave ka miratuar një vendim të ri që përcakton standardet e tabelave dhe simboleve që do të përdoren në të gjitha pikat kufitare të vendit, në zbatim të kuadrit të ri ligjor për kontrollin e kufirit shtetëror.

Qëllimi i këtij ndryshimi është krijimi i një sistemi të unifikuar informacioni, i cili synon të lehtësojë lëvizjen e qytetarëve dhe të rrisë qartësinë e procedurave për hyrjen dhe daljen nga territori shqiptar. Tabelat orientuese do të jenë në gjuhën shqipe dhe anglisht, duke i bërë më të aksesueshme edhe për udhëtarët e huaj.

Sipas vendimit, zonat ku kryhen kontrollet kufitare do të identifikohen me sinjalistikë të posaçme në aeroporte, porte dhe në akset rrugore që të çojnë drejt pikave kufitare tokësore. Gjithashtu, çdo pikë kalimi do të pajiset me tabela standarde identifikuese, ndërsa aty ku funksionimi kryhet me orar të kufizuar do të afishohen edhe oraret zyrtare të shërbimit.

Risi sjell edhe organizimi i korsive të kalimit. Autoritetet parashikojnë ndarje të dedikuara për kategori të ndryshme udhëtarësh, në varësi të statusit të tyre dhe procedurave të kontrollit që duhet të ndjekin. Në këtë mënyrë, synohet menaxhim më efikas i fluksit, veçanërisht gjatë periudhave me ngarkesë të lartë lëvizjeje.

Në portet detare dhe aeroportet ndërkombëtare do të identifikohen qartë edhe zonat e tranzitit, ndërsa hyrja dhe dalja nga territori i Republikës së Shqipërisë do të shënohet përmes tabelave standarde të unifikuara.

Vendimi parashikon gjithashtu mundësinë e krijimit të korsive të veçanta për automjete të ndryshme, përfshirë autovetura, autobusë dhe mjete të transportit të mallrave, në përputhje me nevojat operacionale të çdo pike kufitare.

Me hyrjen në fuqi të këtij akti, shfuqizohet vendimi i mëparshëm i vitit 2016, duke hapur rrugën për një model të ri administrimi të sinjalistikës kufitare. Për zbatimin e standardeve të reja do të angazhohen operatorët e aeroporteve, autoritetet portuale, Autoriteti Rrugor Shqiptar dhe institucionet përgjegjëse shtetërore.

Autoritetet vlerësojnë se ndryshimet do të kontribuojnë në rritjen e sigurisë, përmirësimin e orientimit të udhëtarëve dhe harmonizimin e praktikave shqiptare me standardet bashkëkohore të menaxhimit kufitar./scan.al

Intervista e kryeministrit Edi Rama me gazetaren dhe moderatoren Sidorela Gjoni, pak ditë më parë, është bërë shkak që kjo e fundit të përplasej sot në emision me analistin dhe shkrimtarin Albatros Rexhaj, i cili ishte kundër mënyrës sesi intervista është trajtuar.

Biseda është tensionuar aq sa Rexhaj i ka thënë në transmetim të drejtpërdrejt moderatores se ai nuk mund të lejonte që të bullizohej prej saj, njëlloj siç ndodhi me kryeministrin, por më mirë largohej.

Menjëherë, moderatorja i tha se ai mund të ikte nga studio.

Albatros Rexhaj: “Ti Sidorela në atë intervistë e bullizove fund e krye kryeministrin. Ti pate momentin tënd aty dhe e shfrytëzove. E bullizove me deklarata, me fjalë dhe ai të qëndroi ty aty.”

Sidorela Gjoni: “A mund të më thuash cila ishte fjala më e rëndë në atë intervistë?”

Albatros Rexhaj: “Do bëjmë emision të veçantë për të zbuluar cila ishte fjalia më e rëndë. Ai ndenji urtë, ti e bullizove. Po tani hall të flasësh e hall mos flasësh…”

Sidorela Gjoni: “Bullizmi nuk ka kuptimin e fjalës që thua ti. Unë nuk e kam komentuar dhe nuk kam thënë asgjë për atë intervistë.”

Albatros Rexhaj: “Prit tani të të them një fjalë tjetër.”

Sidorela Gjoni: “Jo nuk do flasësh sepse do të të drejtoj unë pyetje njëherë.”

Albatros Rexhaj: “Do flas sepse ndryshe nuk vi më këtu.”

Sidorela Gjoni: “Po ti mund të largohesh që tani. Albatros mund të largohesh që tani.”

Albatros Rexhaj: “Do iki por do them një fjalë…”

Sidorela Gjoni: “Mund të largohesh që tani.”

Albatros Rexhaj: “Po patjetër që tani. Mirupafshim bullizuese. (Çohet nga studio dhe pengohet )

Sidorela Gjoni: Avash se mos rrëzohesh…

Albatros Rexhaj: Keni mjaftueshëm njerëz që e shajnë Ramën, Mua nuk më bëni dot. Problemin e kemi me njerëzit që mendojnë ndryshe. Mbushni studion me njerëz që vetëm e shajnë Ramën.”

Sidorela Gjoni: “Albatros, unë e mbush studion me njerëz të ndryshëm që mendojnë ndryshe. Dhe faleminderit për shfaqjen fantastike televizive që më dhurove.”

“iPhone 11” që fundosi Belinda Ballukun, zbardhen të tjera detaje nga dosja e SPAK, ja si telefoni i sekretares zbuloi vilën luksoze në Dhërmi dhe prapaskenat e errëta të tenderëve të “Albcontrol”
Një e-mail i gjetur në telefonin e Viola Haxhiademit, zyrtares së lartë të Ministrisë së Infrastrukturës dhe Energjisë, është kthyer në një nga provat kryesore të SPAK për të ngritur dyshime se ish-zëvendëskryeministrja Belinda Balluku ka përfituar një vilë në kompleksin luksoz “White Rocks” në Dhërmi, si rezultat i një skeme korrupsioni dhe favorizimi tenderash. Gjithçka nis nga ekspertimi i një telefoni “Iphone 11 Pro”, i sekuestruar nga BKH ndaj Viola Haxhiademit. Sipas aktit të ekspertimit nr.203, datë 8 tetor 2024, në telefon janë zbuluar komunikime elektronike që datojnë që prej vitit 2018, raporton gazetari Elton Qyno.

Një prej tyre është një e-mail i datës 13 shkurt 2018, ora 20:27, i dërguar nga adresa elektronike e Viola Haxhiademit drejt motrës së saj, Dorela Haxhiademi. Në këtë komunikim, Viola i dërgon fotografi dhe planin e një vile që, sipas SPAK, i referohet Belinda Ballukut. “…zemër, po të dërgoj fotot e Belës, që të kuptosh në ç’fazë është shtëpia. Të kam dërguar dhe planin e projektit, për të parë për cilën bëhet fjalë. Bela, ka F-5 ndërsa ne kemi F-6. Po të shikosh në foton që kam bërë më afër me vilat ka vizatuar dhe ku do behet pishina. Më pëlqen shumë. Рuuuuссссс”.

Dyshimet

Nga verifikimet e kryera, SPAK ka konfirmuar se adresa elektronike nga e cila është dërguar mesazhi i përket Viola Haxhiademit dhe se komunikimi lidhet me dy vila në kompleksin “White Rocks” në Drimadhë të Dhërmiut, të ndërtuar nga kompania “Eurocol”. Njëra prej vilave, F-6, rezulton të jetë porositur nga Eleni Haxhiademi, nëna e Viola dhe Dorela Haxhiademit. Ndërsa vila tjetër, për të cilën në e-mail përdoret emri “Bela”, sipas SPAK dyshohet se i referohet Belinda Ballukut. Pikërisht këtu nis edhe dyshimi kryesor i Prokurorisë së Posaçme. Sipas dosjes hetimore, përfitimi i një vile në kompleksin “White Rocks” dyshohet se lidhet me një procedurë favorizuese të dy tenderave të zhvilluar në vitin 2018 nga shoqëria shtetërore “Albcontrol”, e drejtuar në atë kohë nga Belinda Balluku. Objekti i procedurës ka qenë “Rikonstruksioni i godinës teknologjike të Albcontrol për përmirësimin e kushteve”. SPAK pretendon se procesi ka qenë i paracaktuar dhe këtë e mbështet edhe në komunikime të përgjuara mes biznesmenëve Fejzi Kodra dhe Pandeli Carapuli.

Në 5 nëntor 2014, Fejzi Kodra i shkruan Pandeli Carapulit: “…Atelier 4, dërgoi preventivin e thotë që jemi në pritje të konfirmimit tuaj para se ta dërgojë tek AlbControl…”. Një ditë më vonë, Carapuli i dërgon Kodrës adresën elektronike: Berberi.evis@gmail.com Ndërsa Fejzi Kodra i përgjigjet: “Ia dërgova”. Më tej, në 11 nëntor 2014, Fejzi Kodra i shkruan Carapulit: “…për dijeni, akoma s’ka dalë gjë tek web i APP…”. Vetëm pak minuta më pas, Pandeli Carapuli i përgjigjet: “…shiko u shpall ky i fundit. I madh…”. Ndërsa Fejzi Kodra i kthen: “Mban datën e djeshme shpallur: Rikonstruksion i godinës teknologjike të AlbControll”. Dhe Carapuli i përgjigjet: “…Ok të fillojmë përgatitjet”. Për SPAK, këto komunikime tregojnë se kompania fituese kishte dijeni paraprake për procedurën e prokurimit.

Detajet nga dosja

Në dosje thuhet se Belinda Balluku, në cilësinë e Drejtoreshës së Përgjithshme të “Albcontrol”, së bashku me anëtarë të njësisë së prokurimit dhe kryetarin e komisionit të vlerësimit të ofertave, Evis Berberi, “kanë paracaktuar dhe krijuar avantazhe dhe privilegje për shoqërinë fituese “Eurocol”, duke siguruar në mënyrë të tërthortë vlerën e përfitimit të parregullt të dhënë nga administratori i shoqërisë “Eurocol”, Pandeli Carapuli, që konsiston në pasurinë, Vila F6, me vendndodhje Kompleksi “White Rocks”, Dhërmi”. Sipas SPAK, fakti që vila F-6 është në posedim të Belinda Ballukut provohet nga një sërë rrethanash dhe provash të mbledhura deri në këtë fazë të hetimit. Megjithatë, dokumentet tregojnë edhe një tjetër element interesant. E njëjta vilë F-6 rezulton të jetë porositur edhe nga Igli Tare me kontratë të datës 5 dhjetor 2018, me vlerë 145 mijë euro.

Nga kjo shumë janë paguar vetëm 70 mijë euro nga Agron Tare, ndërsa pjesa tjetër prej 75 mijë eurosh nuk është likuiduar. Për këtë arsye, sipas SPAK, prona vijon të jetë ende e regjistruar në emër të kompanisë “Eurocol” të biznesmenit Pandeli Carapuli. Gjatë dëshmisë së tij në Prokurorinë e Posaçme, Carapuli ka deklaruar se kontratën e ka lidhur me Igli Taren për shkak të miqësisë së hershme mes tyre, ndërsa ka shtuar se më pas nuk është interesuar se kujt ia ka kaluar vilën ish-futbollisti.

Gjatë protestës së zhvilluar këtë mbrëmje, organizatorët dhe pjesëmarrësit kanë bërë publike pesë kërkesat kryesore që, sipas tyre, duhet të plotësohen nga institucionet shtetërore.

Në krye të listës së kërkesave është dorëheqja e kryeministrit Edi Rama. Protestuesit kanë kërkuar largimin e kreut të qeverisë, duke e konsideruar atë si hapin e parë për zgjidhjen e problematikave që kanë ngritur gjatë tubimit.

Një tjetër kërkesë e bërë publike është krijimi i një qeverie teknike, e cila sipas tyre do të garantonte administrimin e vendit dhe përgatitjen e proceseve të ardhshme në mënyrë të paanshme.

Protestuesit kanë kërkuar gjithashtu shfuqizimin e Ligjit për Zonat e Mbrojtura, duke argumentuar se ndryshimet e miratuara kanë krijuar shqetësime për mbrojtjen e mjedisit dhe të pasurive natyrore.

Po ashtu, në listën e kërkesave përfshihet edhe shfuqizimi i Ligjit për Investimet Strategjike, për të cilin protestuesit pretendojnë se ka favorizuar projekte dhe zhvillime të kundërshtuara nga komunitetet lokale dhe grupet mjedisore.

Kërkesa e pestë lidhet me anulimin e plotë të projektit të njohur si “Paketa e Maleve”, një nismë që ka shkaktuar debat publik dhe kundërshtime nga organizata të ndryshme të shoqërisë civile.

Organizatorët deklaruan se këto pesë pika përbëjnë bazën e qëndrimit të tyre dhe u bënë thirrje qytetarëve të vazhdojnë mobilizimin në mbështetje të këtyre kërkesave.

Ndërkohë, protesta vijon, ndërsa mbetet për t’u parë nëse Rama do ta japë dorëheqjen brenda 24 orëve të ardhshme.

5 kërkesat e protestës

Dorëheqja e kryeministrit Edi Rama.

Krijimi i një Qeverie Teknike.

Shfuqizimi i Ligjit për Zonat e Mbrojtura.

Shfuqizimi i Ligjit për Investimet Strategjike.

Anulimi i plotë i projektit të njohur si “Paketa e Maleve”.

Pas postimitë të fundit të Donald Trump në rrejtin social “TruthSocial”, është bërë një reagim nga kryeministrja italiane, Giorgia Meloni, e cila i ka konsideruar sulmet e presidentit amerikan si të pakuptimta.

Ajo ka argumentuar se popullariteti i saj nuk varet nga marrëdhënia me Trump, por nga aftësia e saj për të mbrojtur interesin kombëtar të Italisë.

“Kjo është gjithashtu ajo që bëra lidhur me bazat ushtarake amerikane në Itali. Përdorimi i tyre rregullohet nga marrëveshje që ne i kemi respektuar gjithmonë, dhe që nuk mund të shkelen për sa kohë që unë jam Kryeministre” shkruan ndër të tjera Meloni.

Reagimi i plotë:

President Trump,

këto sulme të vazhdueshme dhe të paprovokuara janë të pakuptimta. Sa i përket popullaritetit tim, të qenit mikja juaj sigurisht që nuk ka ndihmuar, dhe as nuk varet nga marrëdhënia ime me ju. Popullariteti im varet nga aftësia ime për të mbrojtur interesin kombëtar të Italisë, dhe kjo është pikërisht ajo që kam bërë gjithmonë.

Kjo është gjithashtu ajo që bëra lidhur me bazat ushtarake amerikane në Itali. Përdorimi i tyre rregullohet nga marrëveshje që ne i kemi respektuar gjithmonë, dhe që nuk mund të shkelen për sa kohë që unë jam Kryeministre.

Italia mbetet një komb sovran.

Sidoqoftë, popullariteti im nuk është çështje që ju takon juve. Unë sugjeroj që të fokusoheni te juaji

Ndërsa krahë ajo ka shkruar: “Përgjigjja ime ndaj postimit të fundit nga Donald Trump që më takon mua. Por nuk do t’i kthehem më kësaj teme, sepse besoj ende në unitetin e Perëndimit dhe nuk mendoj se kjo është një shfaqje në lartësinë e detyrës sonë.”

Bleva një lodër s.e.ksi pa i treguar gjë të dashurit tim. Më vjen keq, unë e dua atë, por ai e ka mjaft të vogël…

Kjo lodër është e gjatë mjaftueshëm sa të arrijë të gjitha pikat e duhura që ai nuk mund t’i arrijë dhe të më ofrojë kënaqësi.Ju ftojm te sht ypni vid eon me po sht

Më pëlqen shumë dhe mund të arrijë org.azmën duke e përdorur atë përsëri dhe përsëri.

Jam duke e përdorur për rreth dy muaj, por po me ngrin gj.aku tani se mos i dashuri im e vë re se unë nuk jam më “e ngushtë”

sa kam qenë dhe mund të mendojë se mos jam duke e tra.dhëtuar.

A po gaboj që dua të kënaqem prapa shpinës së tij? Unë jam 28 vjeç dhe ai është 30 vjeç. Përgjigja e DEIDRE:

Është t.urp të lësh ma.shtrimin të udhëheqë jetën tuaj s.e.ksuale, veçanërisht nëse kjo është një marrëdhënie e mirë në mënyra të tjera dhe mund të zgjasë.

Va.gina është shumë elastike kështu që dyshoj se i dashuri juaj do të vërejë një ndryshim, por s.e.ksi i mirë nuk duhet të varet nga madhësia e p.e.nisit të tij.