Author: admin

Në një klimë të tensionuar politike, ku opozita ka lajmëruar protestën e radhës më 22 dhjetor, debati publik fokusohet te strategjitë politike dhe lëvizjet e ardhshme.

Ndërkohë që qeveria përballet me kritika për paketën e re fiskale, e konsideruar si një mjet për pastrimin e parave të drogës, vendimi i Gjykatës Kushtetuese për rikthimin në detyrë të ministres Belinda Balluku ka shtuar më tej polemikat.

 Në analizën e tij politike në SYRI TV me Arnold Karriqin, gazetari Çim Peka theksoi se opozita ndodhet vazhdimisht nën presionin e kritikave për numrin e pjesëmarrësve në protesta, një narrativë që i atribuohet kontrollit të medias nga ana e qeverisë.

Strategjia e sugjeruar për forcat opozitare është e qartë: të shmangin çdo lloj pazari politik dhe t’i përcjellin një mesazh të prerë publikut se qëllimi i tyre final është largimi i qeverisë aktuale nga zyra.

‘Argumentohet se ajo që nisi në gusht me çështjen “Balluku”, do të përfundojë në dhjetor ose janar me “Linda Ramën”. Zgjedhja e Ramës për të mbajtur në qeveri ministren Balluku përshkruhet si një lëvizje që do ta detyrojë atë “të lëshojë Lindën”, një simbolikë për dobësimin e pushtetit të tij. “Ky njeri e ka lakun në fyt,” thekson Peka në analizë, duke shtuar se manovrat e vogla politike vetëm sa mund ta vonojnë për pak kohë shtrëngimin e këtij laku, i cili tashmë është i pashmangshëm.

Vëmendja tani është përqendruar te zhvillimet e ardhshme, përfshirë protestën kombëtare dhe veçanërisht një intervistë që pritet nga ish-zëvendëskryeministri Arben Ahmetaj në janar, e cila konsiderohet si e një rëndësie të veçantë.

Pavarësisht sulmeve nga të gjitha anët – nga pushteti, paratë, krimi dhe mediat – për opozitën duket se ekziston një lajm pozitiv, një shenjë se dinamikat politike po lëvizin në disfavor të kryeministrit.

Diskutimi në studio:

Karriqi: Kaloi paketën fiskale për të pastruar paratë e drogës. Dhe nga ana tjetër Gjykata Kushtetuese ridërgoi Belinda Ballukun në zyrë. Cila do të jetë strategjia? Shto dhe protestën në 22 dhjetor. Opozita po vihet në qendër të vëmendjes së kritikave për numrat.

Peka: Po opozita do vihet në qendër të vëmendjes për numrat, për aq kohë sa i ka të gjitha mediat nën kontroll. Dhe do merren me numrat. Nuk do merren me atë çfarë bën Rama, çfarë bën Belinda, çfarë bën në Gjykatën Kushtetuese. Sigurisht që opozita, mediat me numrat do merren. Opozita duhet të mos hyjë në asnjë lloj pazari. Dhe t’u bëhet e qartë shqiptarëve që ne plan kemi që këtë njeri të mos e lëmë të shkojë në zyrë. Deri kur të bëhen, deri kur t’ia dalim. Por që t’ia dalin sa më shpejt duhet të bëhen të besueshëm dhe që të bëhen të besueshëm me këtë banak nuk bëhet.

E rëndësishme është se çfarë do thotë Ahmetaj në janar. Kjo është për Ramën. E rëndësishme është edhe që sado që opozita duket e sulmuar nga të gjitha anët, nga Rama, nga paratë, nga krimi, nga mediat, për fat të mirë duket se ka një lajm, duket se ka një lajm pozitiv. Ajo çfarë nisi në gusht me Edi Ramën, që Belinda Balluku nuk duhej të jetë, duhej të ishte në zyrë, duket se do përfundojë në dhjetor si janar me, me Linda Ramën. Meqë do të mbajë, do të mbajë Belindën, do ishte i detyruar të lëshojë Lindën. Ky njeri e ka lakun në fyt. Të gjitha këto pislëqet e vogla që nxjerr anash mund t’i vonojnë pak kohën për t’ia shtrënguar lakun. Po ky lak këtij, laku nga fyti nuk i ikën më.

Në Spitalin Onkologjik të Tiranës, aty ku çdo ditë pacientë nga e gjithë Shqipëria përballen me trajtime të gjata, të lodhshme dhe emocionalisht sfiduese, Fondacioni Mane ka realizuar një ndërhyrje të rëndësishme që prek drejtpërdrejt cilësinë e kujdesit dhe mënyrën se si pacientët e përjetojnë procesin e trajtimit.

Falë dhurimit të 30 poltronëve të rinj, të parametrave modernë,si dhe përmirësimit dhe zgjerimit të hapësirës së trajtimit, tashmë janë rritur ndjeshëm kapacitetet e ofrimit të terapisëditore. Përmes kësaj ndërhyrjeje u krijua gjithashtu edhe një hapësirë e re për marrjen e kemioterapisë dhe salla e pajisur me poltronët e posaçëm është plotësisht në dispozicion të pacientëve.

Me sallat tashmë në gjendje dinjitoze, SpitaliOnkologjik ka kapacitetet për të trajtuar të gjithë pacientët ditorë.

Themeluesi i Fondacionit Mane, Samir Mane vizitoi personalisht hapësirën e rehabilituar, duke parë nga afër ndërhyrjen.

Hidrauliku ra nga lartësia teksa punonte, arrestohet administratori i firmës
Pasi u informua mbi nevojën, Fondacioni Mane iu përgjigj menjëherë situatës, duke marrë masa të menjëhershme që poltronët të vijnë në kohë rekord, gjithashtu edhe të ndihmojë për rinovimin e ambienteve.” u shpreh ai.

Samir Mane premtoi se “Këto kushte dinjitoze jemi të gatshëm t’i krijojmë edhe nëspitalet e qyteteve të tjera, në mënyrë që pacientët ta marrin trajtimin e kemioterapisë sa më afër shtëpisë!”

Prof.Dr. Helidon Nina, Drejtor Mjekësor i Spitalit Onkologjik, falenderoi Fondacionin Mane për mbështetjen. Sipas tij, “ndryshimi është mbi të gjitha funksional dhe tani kushtet janëoptimale për të trajtuar afërsisht 100 pacientë në ditë, sipas njëplanifikimi që i ndihmon vetë pacientët në radhë të parë”.

Ky angazhim është pjesë e misionit të Fondacionit Mane për të mbështetur shëndetin dhe mirëqenien në komunitet, duke investuar aty ku ndikimi është i menjëhershëm dhe ku ndryshimi prek drejtpërdrejt jetën e njerëzve.

Një aksident i rëndë ka tronditur Kolumbinë, pasi një autobus që transportonte nxënës të një shkolle të mesme ka rënë në një humnerë në një zonë rurale në veri të vendit, duke shkaktuar të paktën 10 viktima dhe mbi 20 të plagosur, sipas njoftimeve më të fundit. Ngjarja ndodhi gjatë ditës së dielë, ndërsa autobusi po udhëtonte nga qyteti Tolú drejt Medellín-it, pas një ekskursioni shkollor për nxënësit e Liceut Antioqueño.

Guvernatori i rajonit Antioquia, Andrés Julián Rendón, përmes një postimi në rrjetin social X bëri me dije se shifrat e viktimave janë ende të përditësueshme, ndërsa autoritetet dhe ekipet e shpëtimit janë vënë në veprim për të ndihmuar të plagosurit dhe për të menaxhuar situatën emergjente. Ai tha se i gjithë rrjeti spitalor i zonës është vënë në gatishmëri për të trajtuar viktimat dhe të plagosurit.

Ngjarja ka shkaktuar tronditje të thellë në komunitetin lokal dhe kombëtar, duke nxitur reagime ngushëllimi nga autoritetet dhe familjarët e prekur. Autoritetet policore dhe ekipet e emergjencës po punojnë për të nxjerrë informacion më të detajuar mbi shkaqet e aksidentit, si dhe për të ndihmuar në operacionet e shpëtimit dhe trajtimin e të plagosurve. Hetimet paraprake tregojnë se autobusi ka humbur kontrollin dhe është rrëzuar në një humnerë në zonë malore, por arsyet e sakta të aksidentit ende po verifikohen nga autoritetet kompetente.

Deri më tani nuk ka informacione të plota për identitetet e viktimave apo gjendjen e tyre përtej numrave paraprakë, por raportimet e para flasin për një numër të konsiderueshëm nxënësish mes të plagosurve. Autoritetet kanë bërë thirrje për kujdes dhe bashkëpunim nga komuniteti, teksa vijon puna e forcave të shpëtimit.

Ngjarja vjen në një kohë kur rrugët malore të Kolumbisë shpesh shihen si zona me rrezik të lartë për aksidente rrugore, për shkak të terrenit të vështirë dhe kushtet meteorologjike të paparashikueshme në disa pjesë të vendit.

Durim Bami, një nga emrat më të njohur të botës së krimit në Shqipëri që vepron kryesisht në Fushë-Krujë dhe Tiranë, do ekstradohet nga Dubai në Tiranë.

Njeriu që konsiderohet nga policia si “i forti” i Niklës, rezulton të këtë humbur gjyqin për qëndrimin e tij si resident në Dubai, ndaj që shumë shpejt Bami, do ketë të njëjtin fat si disa nga personat shqiptarë që fshiheshin në Dubai.

Lajmi për ekstradimin e Bamit në Shqipëri, konfirmohet nga burime të sigurta, të cilat thanë për gazetarin Elton Qyno, se i dyshuari për disa ngjarje të rënda kriminale në Shqipëri, ka humbur gjyqin final në gjykatën e Dubait dhe shumë shpejt, autoritetin do nisin praktikën për ekstradimin e tij në Shqipëri.

Mbëritja e Durim Bamit në Tiranë, shihet si fitore në korridoret e SPAK, ku prokurorët e posaçëm kanë shpresa se 46-vjeçari mund të bashkëpunojë me autoritetet e hetimit.

Aktualisht çështja penale ndaj Durim Bamit është përfunduar dhe dërguar në gjyq nga SPAK.

Ndërsa akuzat zyrtare kundër tij janë të rënda si ajo e “Sigurimit të kushteve për të kryer vrasjen” e ish-deputetit të PS, Arben Ndoka, “Sigurimit të kushteve për të kryer vrasjen”  të, Hektor alias Tori Xheçuka dhe Erigers Mihasit kryer kjo në formën e “Grupit të strukturuar kriminal”.

Njëherësh, Durim Bami, akuzohet nga SPAK dhe për “Kultivim të lëndëve narkotike” kryer në bashkëpunim në formën e “Grupit të strukturuar kriminal”.

Ndalimi i Durim Bamit në Dubai është kryer në datën 21 Tetor 2024. Kjo ishte hera e dytë që Durim Bami, u arrestua nga policia e Dubait, pasi ai kishte shkelur rregullat e paraqitjes në një nga rajonet e policisë së Dubait.

Për herë të parë ai u ndalua në muajin qershor 2024, pas një urdhër-arresti të lëshuar nga SPAK në muajin Maj 2024.

Shumë shpejt ai u lirua nga gjykata duke përfituar një leje qëndrimi dhe garancie për tu paraqitur në komisariat sa herë ishte e nevojshme për tu verifikuar.

Por tre thirjeve në E-Mail të policisë së Dubait për ta verifikuar, Durim Bami, nuk i është përgjigjur çka solli arrestimin e tij për herë të dytë.

Bami ka pretenduar se nuk kishte parë E-mailet ndaj nuk ishte paraqitur fizikisht në polici, ditën dhe orën e planifikuar.

Por këto pretendime nuk e ndihmuan për tu liruar nga burgu. Tashmë Durim Bami, ka humbur dhe procesin gjyqësor, duke i hapur rrugën ekstradimit të tij në Shqipëri.

Pikërisht në këtë vend ai do përballet me disa akuza që çojnë në rrezikun e tij për tu deklaruar fajtor dhe mund të dënohet deri në 20 vite burgim.

Një qytetar që u kthye në hero gjatë sulmit me armë zjarri në Bondi Beach në Sydney, u qëllua dhe ndodhet në spital në pritje të ndërhyrjes kirurgjikale, kanë bërë të ditur familjarët e tij.

Pamje tronditëse të publikuara në rrjetet sociale tregojnë momentin kur burri i afrohet nga pas njërit prej autorëve të armatosur, i cili po qëllonte në drejtim të qytetarëve që po largoheshin me panik. Ai e rrëzon përtokë autorin dhe i rrëmben armën nga duart, duke ndalur përkohësisht sulmin.

Pasi e çarmatos, burri drejton armën nga sulmuesi, i cili zvarritet dhe largohet drejt një sulmuesi të dytë që vijonte të qëllonte mbi turmën.

Menjëherë pas kësaj, qytetari ngre duart lart për t’u identifikuar si i padëmshëm për forcat e policisë, vendos armën në tokë dhe largohet nga vendngjarja.

Kanalet televizive australiane po fillojnë të japin disa detaje rreth burrit që çarmatosi atentatorin në Bondi Beach.

Emri i tij është Ahmed al-Ahmed, është 43 vjeç, baba i dy fëmijëve, me origjinë nga Sydney, mysliman dhe pronar i një dyqani frutash në periferi të Sutherland.

Ahmed nuk kishte asnjë përvojë me armët e zjarrit dhe ndodhej rastësisht pranë vendit të ngjarjes kur vendosi të ndërhynte për të shpëtuar të tjerët.

Në kaosin e krijuar, ai u qëllua dy herë dhe aktualisht ndodhet i shtruar në spital.

“Ai është në spital dhe ende nuk e dimë saktësisht gjendjen e tij. Shpresojmë që të jetë mirë. Ai është një hero, 100 për qind”, u shpreh kushëriri i tij, Mustafa.

Sulmi në Bondi Beach ka shkaktuar 12 viktima dhe ka tronditur opinionin publik në Australi, ndërsa autoritetet vijojnë hetimet për rrethanat dhe motivet e ngjarjes.

Kryeministri izraelit Benjamin Netanyahu po ndërmerr përpjekje diskrete për të bllokuar shitjen e avionëve luftarakë F-35 nga Shtetet e Bashkuara drejt Turqisë dhe Arabia Saudite, duke shmangur çdo përplasje publike me Presidentin amerikan Donald Trump. Lajmi raportohet nga Al-Monitor.

Sipas burimeve Al-Monitor, shqetësimi më urgjent i Izraelit lidhet me Turqinë, në një kohë kur Trump ka shfaqur hapje ndaj Ankarasë dhe forcimit të lidhjeve ushtarake.

Netanyahu duket më i kujdesshëm për të mos provokuar Trump sesa për të sfiduar hapur planet amerikane, duke zgjedhur një strategji lobimi të heshtur brenda rrethit të ngushtë të presidentit.

Në një takim më 1 dhjetor me drejtues të kompanisë Lockheed Martin, Netanyahu ka diskutuar mënyra për të ruajtur avantazhin cilësor ushtarak të Izraelit nëse vendet rivale në rajon pajisen me avionët e avancuar F-35.

Zyrtarët izraelitë janë veçanërisht të alarmuar nga Turqia, duke përmendur deklaratat e mëparshme kërcënuese të Presidentit Recep Tayyip Erdogan dhe frikën se teknologjia “stealth” e F-35 mund të dobësojë sistemet izraelite të paralajmërimit të hershëm.

Ndryshe nga përballjet e hapura me administrata të mëparshme amerikane, Netanyahu po shmang publikisht kundërshtimin, duke pranuar se një qasje e tillë mund të dëmtojë pozicionin e Izraelit.

Ai ka kërkuar mbështetje nga zyrtarë amerikanë skeptikë ndaj Ankarasë, përfshirë Sekretarin e Shtetit Marco Rubio.

Pas njoftimit të Trump për shitjen e F-35 Arabisë Saudite, Netanyahu deklaroi se Rubio kishte riafirmuar angazhimin e SHBA-ve për të ruajtur avantazhin ushtarak cilësor të Izraelit. Aktualisht, Izraeli mbetet i vetmi vend në Lindjen e Mesme që operon F-35, me 45 avionë në shërbim dhe 30 të tjerë të porositur.

Kancelari gjerman Friedrich Merz, në një fjalim të mbajtur në Kongresin e Unionit Kristano-Social (CSU), paralajmëroi fundin e “Pax Americana”, asaj që cilësohet si mbrojtja e SHBA-ve ndaj Europës, duke i kërkuar kombeve europiane të përgatiten për ndryshimin e lidhjeve transatlantike dhe të forcojnë mbrojtjen në mënyrë të pavarur.

“Dekadat e Pax Americana për Europën dhe Gjermaninë në masë të madhe kanë mbaruar për ne. Ajo nuk ekziston më ashtu siç e kemi njohur. Nostalgjia nuk do të na ndihmojë, dhe pse do të isha i fundit që do t’i dorëzohesha kësaj nostalgjie. Ky është një realitet! Amerikanët tani po mbrojnë në mënyrë shumë të ashpër interesat e tyre. Dhe kjo është arsyeja pse tani duhet të mbrojmë interesat tona”, tha Merz.

Ai paralajmëroi evropianët se prioritetet strategjike të Washingtonit kanë ndryshuar prej vitesh.

“Trump nuk u shfaq brenda natës dhe as politika amerikane nuk do të ndryshojë brenda natës. ‘Pax Americana’, që nënkupton paqen afatgjatë, është rendi i vendosur pas Luftës së Dytë Botërore, sipas të cilit Shtetet e Bashkuara garantonin sigurinë europiane.”

Merz u shpreh gjithashtu kundër lëshimeve të tepërta ndaj Moskës në përpjekjet për t’i dhënë fund luftës së Rusisë në Ukrainë, duke argumentuar se kjo vetëm do të forconte ambiciet e Kremlinit.

https://www.facebook.com/watch/?ref=embed_video&v=2037760116988804

Ai tha se presidenti rus Vladimir Putin nuk do të ndalet në Ukrainë, duke paralajmëruar për përpjekjet për të rivizatuar kufijtë e Evropës dhe për të rivendosur kontrollin mbi ish-territoret sovjetike, duke paraqitur kërcënime afatgjata për sigurinë evropiane.

Rasti i Ermes Hoxhallit ka tronditur opinionin publik jo vetëm për shkallën e manipulimit, duke përfshirë emrin e Ambasadës Amerikane për të fituar besueshmëri me projektin e bursave në shkollat shqiptare, por edhe për mënyrën se si institucionet shtetërore u mashtruan përmes një identiteti të rremë, vetëm se menduan se po punonin me mbesën e kryeministrit.

Në këtë rrëfim ekskluziv për herë të parë në Top Channel me gazetaren Kristi Gongo, pasi ka shlyer dënimin me burg, kemi të riun që ka kaluar përmes një procesi të rrallë psikologjik dhe social: krijimin e një bote paralele.

Qëllimi i kësaj bisede në pjesën e parë është të të kuptojmë kush je, Ermes. E nisim me ty të vogël. Si e mban mend veten fëmijë?

Ermes Hoxhalli: Kam qenë një fëmijë ekstrovert, tundohesha për të bërë gjëra që nuk i përkisnin deri diku moshës time. Gjithmonë kam kërkuar të jem i madh, sepse ashtu mund të bësh gjëra që nuk të lejohen kur je fëmijë, pasi s’të vendosin në pozicione të duhura apo me përgjegjësi. Thjesht thoshin: je fëmijë, e prit sa të rritesh.

Të irritonte kjo gjë?

Ermes Hoxhalli: Po më irritonte, sepse nuk është mosha ajo që përcakton nivelin e dijes apo paditurisë.

Ke pasur shoqëri?

Ermes Hoxhalli: Kam pasur jashtëzakonisht shumë. Kam qenë deri diku trazovaç. Ikja nga shtëpia, ikja edhe nga fshati me shokët. Dhe sot i kujtoj me shumë nostalgji e i them vetes: Sa mirë ishte kur ishe i vogël.

Po të ka pëlqyer të kryesoje grupin, të ishe lider në klasë?

Ermes Hoxhalli: Gjithmonë më ka pëlqyer ideja e drejtimit. Kam qenë i pari për çdo gjë.

Edhe për probleme?

Ermes Hoxhalli: Tani, kur disa gjëra sjellin probleme, mbase.

Si ishte jeta në fshat? Doje të largoheshe nga fshati?

Ermes Hoxhalli: Jo asnjëherë. Fshati është një formë edukuese për fëmijën.

Më miqësor se qyteti?

Ermes Hoxhalli: Patjetër, nëse do e krahasoja do thoja fshati është një familje, ndërsa qyteti është një fis.

Sa i lidhur ishe me prindërit e tu?

Ermes Hoxhalli: Kam qenë shumë. Mami im është rrobaqepëse, ndërsa babi merret me bujqësi kryesisht, edhe në emigrim bashkë me mamin. Duke qenë se nuk ka të ardhura të mjaftueshme, detyrohen të largohen.

Sa kohë qëndronin larg teje?

Ermes Hoxhalli: Rreth tre muaj.

Me kë qëndronit ju?

Ermes Hoxhalli: Me gjyshen, vëllain dhe njërin prej prindërve, se nuk largoheshin të dy në të njëjtën kohë. Me vëllain kemi pasur marrëdhënie shumë të ngushtë, fëmijë kemi qenë më të çlirët me njëri-tjetrin.

Çfarë ndryshon kur rritesh?

Ermes Hoxhalli: Së pari ndryshon jeta. Kur je i vogël nuk mendon, thjesht jeton momentin. Ndërsa kur rritesh fillon interesi.

Kur ishe i vogël si e imagjinoje veten të rritur?

Ermes Hoxhalli: Dëshira ime e parë ka qenë të jem pjesë e botës së spektaklit. Por pastaj kam kuptuar në gjimnaz talentin tim të fshehur që ka qenë teatri. Teatri është për mua një botë e magjishme. Është një pasqyrim i realitetit.

…Dhe madje thua që teatri jam vetë unë!

Ermes Hoxhalli: Po, kur jam në teatër sikur jam bërë për të jetuar aty. Sikur jam bërë për të veshur personazhe dhe për t’i folur publikut, realitetit e për t’i dhënë shuplaka të fenomeneve shoqërore. Vetë jeta është një teatër.

Dashi

Dite e zakonshme kjo e sotmja për te dashuruarit. Merrini gjerat si t’iu vijnë pa u sforcuar me shume sesa duhet. Beqaret do vazhdojnë ende te ëndërrojnë për dashurinë e madhe sepse as sot nuk kane për ta gjetur atë. Financat do jene goxha delikate tregohuni shume te kujdesshëm me çdo lloj shpenzimi. Nëse keni vështirësi te mëdha kërkoni ndihme.

Demi

Çiftet do i pushtoje një re e madhe melankolizmi dhe trishtimi sot. Askush dhe asgjë nuk mund t’iu beje te ndryshoni atmosfere madje as ai qe keni ne krah. Beqaret do kenë takime, por me personat qe do njihen mund te fillojnë veçse aventura kalimtare asgjë me tepër se aq. Ne planin financiar mos u mërzitni nëse nuk keni përmirësime te ndjeshme, kënaquni edhe me pak.

Binjaket

Ka shume gjasa qe kjo dite te jete e vështirë për ata qe janë ne një lidhje. Do debatoni me shume për shkak te mungesës se komplimenteve ndaj njeri-tjetrit dhe kritikave te herëpashershme. Beqaret nuk do jene me fat dhe do mbeten serish vetëm. Financat nuk do jene aq te mbrojtura sa ju mendonit kështu qe kujdes me çdo lloj shpenzimi qe do kryeni.

Gaforrja

Duhet te bëni edhe pak me shume durim sot qe atmosfera ne çift te jete me e ngrohte. Partneri do tregohet me tolerant dhe me i kuptueshëm se me pare. Beqaret do jene me shume fat dhe do fillojnë një histori dashurie mjaft emocionuese. Kombinimi i yjeve do jete mjaft i favorshëm edhe për financat. Mundohuni vetëm te mos jepni para hua edhe sikur te behet fjale për miqtë e ngushte.

Luani

Nuk do ketë pasion te zjarrte sot ne jetën tuaj ne çift megjithatë as probleme serioze nuk priten. Mundohuni ta merrni çdo gjë me qetësi dhe te mos alarmoheni. Beqaret do kenë njohje te reja, por nuk do jene shume te sigurte nëse ata janë aq te përshtatshëm sa për te krijuar një lidhje. Ne planin financiar tregohuni me te moderuar qe te mos keni vështirësi.

Virgjeresha

Dite shume e qëndrueshme dhe e bukur kjo e sotmja për te dashuruarit. Do ia shprehni me shume ndjenjat njeri-tjetrin dhe do kaloni momente te paharrueshme. Beqaret do takojnë një peron me te vërtetë interesant dhe me shume humor. Ne planin financiar do keni probleme te mëdha po nuk u treguar te matur. Një gabim i vogël mund t’iu kushtoje shtrenjtë.

Peshorja

Ka rrezik qe dita e sotme te jete mbushur me tension dhe mosmarrëveshje te shumta për çiftet. Mundohuni te tregoheni paska me te arsyeshëm dhe te mateni mire me fjalët. Beqaret nuk do kenë fat as sot kështu qe do bëjnë mire te mos bëjnë sakrifica te kota. Financat do jete te stabilizuara fale ndihmës qe do iu jap enje mik shume i ngushte.

Akrepi

Do jeni gjithë kohës ne dispozicion te partnerit sot dhe marrëdhënia ne çift do jete me e ngrohte sesa mendohej. I njihni mire pikat e tij te dobëta dhe do ia bëni qejfin. Për beqaret do jete dite pozitive. shfrytëzojeni çdo mundësi qe do iu jepet për takim. Financat do jene te mira ne përgjithësi, por nuk duhet te shpenzoni absolutisht aq sa keni fituar.

Shigjetari

Ne jetën sentimentale te çifteve do mbizotërojë qetësia gjate gjithë ditës. Ne këtë mënyrë do e keni me te lehte te komunikoni me te. Beqaret nuk duhet ta harxhojnë energjinë e tyre duke kërkuar me kot personin e ëndrrave, por duhet t’iu kushtojnë me shume kohe miqve. Financat do i menaxhoni me shume kujdes e maturi. Nuk pritet as problemi me i vogël ne këtë plan.

Bricjapi

Ata qe janë ne një lidhje do marrin disa vendime shume te rëndësishme te cilat mund t’ua ndryshojnë njëherë e përgjithmonë te ardhmen. Veproni me maturi. Beqaret nuk do mendojnë gjithë kohës për dashurinë, por gjithçka do ndodhe si me magji ne jetën e tyre. Ne planin financiar duhen shmangur shpenzimet stratosferike sepse do arrini fundin e humnerës.

Ujori

Klima për jetën tuaj ne çift do jete mjafte kontrastuar sot. Beni shume kujdes me çdo gjë qe do thoni nëse nuk doni te keni probleme te mëdha me partnerin. Beqaret do kenë takime pa fund, por do jene shume dyshues me te gjithë personat. Ne planin financiar mos prisni ndihme nga askush, por merrni sa me shpejt masa qe ta stabilizoni situatën.

Peshqit

Do afroheni me shume me partnerin tuaj gjate kësaj jave dhe do sqaroni çmos keqkuptim qe keni pasur para disa kohesh. Do qetësoheni mjaft për këtë fakt. Beqaret duhet t’i marrin me seriozisht propozimet qe do iu bëhen sepse koha ikën shpejt. Financat do jene shume te mira. Përfitoni nga kjo për te kryer investime te rëndësishme apo për te hequr disa para mënjanë

Një aksident automobilistik është regjistruar dje në kryqëzimin e Shënkollit, ku dy automjete u përplasën me njëra-tjetrën. E përfshirë në aksident ka qenë edhe Denisa Bajrami, e njohur në rrjetet sociale si bashkëshortja e influencerit Kozak Braçi.

Në disa video të postuara në llogarinë e tij në instagram, Kozak Braçi ka shprehur pakënaqësitë ndaj shërbimit që bashkëshortja e tij mori në spitalin e Lezhës. Sipas Braçit një doktor kundrejt pagesës ka manipuluar letrat duke e bërë të duket sikur Denisa Bajrami nuk ka asgjë dhe se nuk ka dëmtime serioze nga aksidenti. Sakaq ai pretendon se guraja e tij e cila është në muajin e 8 të shtatzënisë është në gjendje të rëndë dhe se doktori në fjalë nuk ka pranuar t’i bëjë skaner dhe ka bërë atë që ai e quan ‘skaner me sy’.

Braçi përsërit disa herë në videot e postuara se ai do ta ndjekë penalisht rastin dhe se doktori në fjalë “nuk do t’i hajë paratë që ka marrë në djersën e tij”.

“Megalluksa më ka ra një hall sot që mos i raftë as hasmit, më kanë përplasur gruan bashkë me fëmijën që lind për një muaj. Janë në spitalin e Lezhës. Normal shkova atje u zura se depresion e stres i paparë. Tani aksident mund t’i ndodhë çdo kujt se nuk ka njeri që do të bëjë aksident, dhe unë mund të bëj aksident nesër sepse është gjë që ndodh pa dashje. Po e kam me këta doktorët e spitalit të Lezhës që kanë marrë lekët për të manipuluar letrat për të bërë sikur nuk ka gjë. Gruaja ime ka shkuar me barrelë, është në spital në gjendje të rëndë bashkë më fëmijën. Dhe kanë shkuar atje kanë thënë s’ka gjë, ja duke i bërë letrat kështu që, ku di gjë unë çfarë kanë paguar a në lidhje më siguracionet e me këto. Degjo këtu more doktor, ti që e ke parë, deri në fund do ta ndjek këtë dhe ato lekë që ke marrë nuk i ha t’i në djersën time. Do ta marr Denisën dhe do t’ia bëj letrat këtu në Tiranë tani, por kurrë nuk ke për t’i shpëtuar kësaj”, shprehet Kozak Braçi në videon e parë të postuar.

“O Megalluksa a keni dëgjuar ndonjëherë skaner me sy te spitali i Lezhës. O ti, penalisht do ndiqesh, janë me avokat me gjëra s’do rri të merrem unë me doktorë se të denonconi ju. Por ty, meqë bëke skaner me sy do të bëj unë skaner me b****”, tha influenceri në videon e dytë.

“A dëgjoni o megalluksa ma gjeni pak emrin e këtij doktorit që bëka skaner me sy te spitali i Lëzhës. Ka shkuar atje ‘Ore s’ngre dot dorën s’lëviz dot’ i ka thënë, ‘S’ke gjë, je në rregull’ i ka thënë. Si bëke ti skaner me sy, ‘Nuk të fus dot në skaner se je shtatzënë’. Të rregulloj unë ty, që ke marrë lekët. Po nuk i ha dot lekët me mu, ça i do lekët ti, me mu e gjete me hëngër lek ti? Do të ngecin këtu lekët, këtu do të ngecin”, u shpreh Braçi.