Author: admin

Ish-presidenti gjatë protestës së përgjakshme të 21 Janarit, Bamir Topi, thotë se nuk e ka marrë ende një ftesë nga SPAK për të dëshmuar lidhur me ngjarjen.

Duke folur në një emision televiziv, Topi nuk e komentoi mospërgjigjen e Sali Berishës ndaj ftesës së SPAK, por tha se nëse ky institucion të thërret për të dëshmuar, nuk është “çështje vullneti”, por është detyrim që të paraqitesh.

“Gjithçka që unë kam pasur për të dhënë mesazhe për 21 Janarin i kam dhënë pafundësisht. Mes institucionit dhe individit, unë kam pasur gjithmonë besueshmërinë te institucionet. Nuk kam fletëthirrje nga SPAK, por nëse do të më thërrasin, është detyrim.

Lexo gjithashtu:Dy ish-banorë të BBVIP nuk reagojnë pas tragjedisë së Gjestit

Çdo njeri që thirret duhet të shkojë, është detyrim, nuk është çështje vullneti nëse dëshiron apo jo. Cilido që të jesh, kudo të jesh, nëse ata të kërkojnë, patjetër. Është detyrim”, deklaroi Topi.

TIRANË- Gjykata e Lartë ka rrëzuar kërkesën për ulje dënimi të Aldo Bare, i dënuari përjetë si drejtues i “bandës së Lushnjës”. Bare i është drejtuar gjykatave për ulje të dënimit me 45 ditë mbasi ishte sjellë mirë në qeli, megjithëse është është i dënuar me burg të përjetshëm. Aktualisht, ai është i dënuar me burg përjetëe dhe po vuan dënimin në burgun e sigurisë së lartë në Peqin.

Ai i ishte drejtuar më herët gjykatëve të tjera, të cilat nuk e kanë pranuar kërkesën e tij. Më pas, Bare iu drejtua Gjykatës së Lartë me një padi të dytë, në të cilën sërish kërkon ulje dënimi disa ditore dhe si baze ligjore referon ligjin për të drejtat e të dënuarve.

Kush është Aldo Bare?

Alfred Shkurti, i njohur ndryshme me emrin Aldo Bare, është dënuar për krime të rënda të kryera në kuadër të bandës që krijoi dhe drejtoi për vite me radhë duke terrorizuar Lushnjen. Bare hyri në botën e krimit në vitin 1997, pasi atij i vrau vëllanë banda e Artur Dajës, gjatë një përleshje me armë zjarri. Ish-oficeri i forcave speciale (RENEA), krijoi bandën kriminale për të ekzekutuar personat që i vranë të vëllanë, Ramadan Shkurti. Për këtë krim, Aldo Bare vrau dhe më pas masakroi duke i prerë kokën, rivalin e tij në Lushnje, Artur Daja. Aldo Bare u arrestua në Turqi në vitin 2006. Në vitin 2009, ai u ekstradua në Tiranë ku dhe u dënua.

Akuzat për Aldo Baren

Ai akuzohet për krijim të organizatës kriminale, 15 vrasje, për rrëmbim personi, shkatërrim prone, dhunim varresh, kryerje veprash penale në bashkëpunim nga organizata kriminale, vendosjes së eksplozivit në stadiumin e Lushnjës, për vendosjen në 2001 të eksplozivit në banesën e inspektorit të policisë, Idriz Shuli, për vrasjen në janar të vitit 2005 të Klodian Haxhiut, vendosje e eksplozivëve në mars të 2005 në një apartament në rrugën “Don Bosko” në Tiranë, për vrasjen në korrik 2005 të Baki Taullahut dhe për një numër vrasjesh të tjera.

“Masakra e Lushnjës”

Në ngjarjen e njohur si “Masakra e Lushnjës”, në 11 tetor 2017 pranë komisariatit të policisë së Lushnjes u vranë Zamir Latifi e Jurgen Hoxha dhe u plagosën Marjus Xhepexhiu e Bujar Turku. Grupi kriminal i krijuar nga Laert Haxhiu me qëllim ekzekutimin e Xhulio Shkurtit, nipit të Aldo Bares, ish-drejtues i “bandës së Lushnjës”. Personi në fjalë shpëtoi pa u lënduar në atentat pasi pak çaste para se grupi i miqve të tij të qëllohej me breshëri, ishte futur në një dyqan pranë vendit të ngjarjes. Kjo bandë ka pasur 15 anëtarë. Ndërkohë që tre nga të dyshuarit si anëtarë të së ashtuquajturës “banda e Lushnjës” janë vrarë, përkatësisht Gentian Kulla, Edison Xhafaj, Leonard Prifti./ZËRI

Marlon Zela, vogëlushi me kaçurrela të dendur dhe sy plot shkëlqim, u bë menjëherë një nga momentet më të komentuara të episodit të fundit të “X Factor Kids” në Tv Klan. Që në hapat e parë në skenë, prezenca e tij plot energji dhe buzëqeshja e sinqertë tërhoqën vëmendjen e jurisë, por ishte një detaj i vetëm ai që ngriti kureshtjen e publikut: prej kujt e ka trashëguar talentin?

Pyetjes së Eneda Tarifës, Marlon iu përgjigj me një sinqeritet sharmant dhe një natyrshmëri që vetëm fëmijët mund ta shprehin:

“I kam ngjarë hallës së babit.”

E habitur, Eneda e pyeti sërish për t’u siguruar, por vogëlushi e bëri akoma më të qartë:

“Halla e babit tim është Vaçe Zela.”

Në atë moment, salla shpërtheu në duartrokitje dhe juria mbeti e emocionuar. E madhja Vaçe Zela, një nga ikonat më të rëndësishme të muzikës shqiptare, dukej se kishte lënë gjurmë të fuqishme në brezin e ardhshëm të familjes. Eneda Tarifa nuk e fshehu respektin:

“Shumë, shumë respekte për hallën tuaj, na ka dhënë shumë. Tani të shohim nëse e ke edhe ti atë talentin e saj.”

Me besim të plotë në vetvete, Marlon u përgjigj pa hezitim:

“Po, e kam!”

E menjëherë më pas nisi të këndonte. Zëri i tij i pastër, tingulli i ëmbël dhe interpretimi i sinqertë i lanë të gjithë të mahnitur. Juria u pa duke buzëqeshur, ndërsa publiku ndoqi me admirim paraqitjen e tij, që për moshën e vogël ishte më shumë se premtuese.

Në prapaskenë ndodhej Hysni Zela, babai i Marlonit, i cili nuk i fshehu emocionet. I prekur, ai u shpreh:

“Unë akoma kam emocion… këndoi shumë bukur, por kur të vijë mosha 17-18 vjeç atëherë do të shihet.”

Deklarata e tij la të kuptohej se familja e ruan me maturi pritshmërinë, pavarësisht talentit të dukshëm të djalit.

Performanca e Marlon Zelës jo vetëm që ndezi emocionet në sallë, por riktheu në skenë një pjesë të shpirtit të Vaçe Zelës – një trashëgimi artistike që duket se vazhdon të jetojë përmes brezave. Një moment i bukur, i pastër dhe i paharrueshëm për ndjekësit e “X Factor Kids”.

Dashi

Dite shume delikate dhe e mërzitshme kjo e sotmja për ata qe janë ne një lidhje. Asgjë nuk do shkoje si e kishit programuar, bëni kujdes. Edhe beqaret do mundohen me çdo mënyrë te bëjnë për vete dike, por nuk do ia arrijnë dot. Financat do ju marrin shume kohe dhe mund, por me pak durim mund t’ia dilni ta stabilizoni situatën. Asgjë nuk është e pamundur.

Demi

Kontrollojeni veten gjate kësaj dite juve qe jeni ne një lidhje dhe mos thoni gjera për te cilat te pendoheni shpejt. Partneri mund te mërzitet aq shume saqë mund te kërkoje te qëndrojë vetëm për disa kohe. Beqaret nuk do jene ne humorin duhur për te kërkuar dashurinë. Financave do ju kushtoni kohen dhe vëmendjen e duhur. Nuk priten vështirësi.

Binjaket

Mos bëni gabim te luani me ndjenjat e partnerit tuaj sot sepse mund te vuani edhe me shume vete. Çdo gjë ne këtë bote kthehet mbrapsht. Beqaret do jene me më shume fat se kurrë dhe do e gjejnë me shpejt nga sa mendonin princin e tyre te kaltër. Ne planin financiar do gjendeni ne një situata te vështirë dhe me zor do ja dilni te ruani qëndrueshmërinë.

Gaforrja

Venusi do krijoje një klime te nxehte dhe plot ngjyra ne jetën tuaj ne çift. Shfrytëzojeni çdo sekonde kur te jeni pranë atij qe dashuroni sepse jo gjithmonë jepen mundësi te tilla. Beqaret do kenë shume njohje te reja, por nuk do arrijnë dot te hedhin hapa me tej. Nuk do e lënë veten te çliruar. Me paratë do keni shume fat. Gjendja do filloje te përmirësohet ne mënyrë te ndjeshme.

Luani

Dite rutine dhe pa as me te voglin emocion kjo e sotmja për te dashuruarit. Ndryshoni sa me shpejt nëse nuk doni qe marrëdhënies qe keni dertuar prej kohesh t’i vije fundi. Beqaret nuk do ndihen ende gati te fillojnë një lidhje edhe pse mundësitë qe do iu jepen do jene te shkëlqyera. Ne planin financiar do mundoheni dhe do vuani shume qe te rivendosni ekuilibrin.

Virgjeresha

Do i përkushtoheni tej mase sot atij qe keni ne krah dhe marrëdhënia ne çift do jete fantastike. Kënaqësi dhe emocione pa fund do përjetoni. Beqaret do ndiheni si te bllokuar dhe nuk do mund te hedhin dot asnjë hap edhe pse do kenë mundësi pa fund për njohje te reja. Financat do jene te favorizuara nga yjet. Do e keni te lehte te kryeni edhe shpenzimet e nevojshme.

Peshorja

Dite shume e qete dhe e këndshme kjo e sotmja për te dashuruarit. Do shkëmbeni çdo ide apo mendim me partnerin dhe marrëdhënia sa do vije e do përmirësohet. Beqaret do e kërkojnë dashurinë ne vendet e gabuara kështu qe nuk do arrijnë te gjejnë as sot. Ne planin financiar duhet te vazhdoni te tregoheni te arsyeshëm nëse nuk doni te keni probleme.

Akrepi

Do ju mungoje tërësisht sensi i humorit gjate kësaj dite dhe here pas here mund te konfliktoheni ashpër me atë qe keni ne krah. Kujdes! Beqaret duhet t’i shprehin me zë te larte pëlqimet ne mënyrë qe personat ne fjale t’i dëgjojnë. Po humbet kohe duke u stepur do ua rrëmbejnë nga duart. Gjendja financiare do vazhdoje te mbetet e mire.

Shigjetari

Do keni dëshira te çmendura gjate kësaj dite ne jetën tuaj ne çift dhe pritet te vijnë çaste fantastike. Shfrytëzojeni çdo moment sikur te ishte fundit. Beqaret do jene te parrezistueshem dhe do e gjejnë princin e tyre te kaltër. Ne planin financiar duhet t’i bëni mire llogarite para se te filloni te kryeni shpenzime pa fund.

Bricjapi

Te dashuruarit do kenë një dite shume normale dhe pa asgjë te jashtëzakonshme. Për ta e rëndësishme është te mos ketë zënka dhe debate. Beqaret duhet te kenë me shume besim tek vetja gjate kësaj dite sepse vetëm ne këtë mënyrë do arrijnë ta bëjnë për vete personin qe pëlqejnë. Financat do mbrohen gjithë kohës nga yjet. Nuk priten vështirësi.

Ujori

Gjithçka do ndodhe si me magji gjate kësaj dite ne jetën tuaj sentimentale. Do merrni propozime surprize te cilat mund t’ua ndryshojnë përgjithmonë te ardhmen. Beqaret do pëlqejnë dy persona njëkohësisht dhe do e kenë te vështirë te bëjnë një zgjedhje, Merrni kohen e duhur për t’u menduar. Financat do përmirësohen fale një promocioni qe do merrni ne pune.

Peshqit

Dite shume e qete dhe pa ndonjë surprize te madhe kjo e sotmja për te dashuruarit. Merrini gjerat si t’iu vijnë për momentin. Beqaret do bëjnë çdo lloj sakrifice për te gjetur dashurinë e madhe. Gjithçka ka për te ndryshuar ne jetën e tyre. Financat do jene te favorizuara gjithë kohës nga yjet. Do arrini jo vetëm te shlyeni borxhet, por edhe te hiqni disa para mënjanë.

Shqipëria do të përballet me Anglinë të dielën e 16 nëntorit në kuadër të kualifikueseve të Botërorit 2026.

Sfida që do të zhvillohet në stadiumin “Air Albania”, do të nisë në orën 18:00.

Pas sigurimit të fazës “play-off” të Botërorit, kuqezinjtë janë të motivuar në maksimum, për të dhuruar spektakël edhe në Tiranë.

Ndërkohë që edhe UEFA u ka dhënë një “dorë” djemve shqiptarë.

Në një sondazh të hapur së fundmi, UEFA pyet ndjekësit se cili prej ekipeve do të fitojë të dielën, Shqipëria apo Anglia?

Kuqezinjtë udhëheqin me 51% të votave, ndërkohë që për anglezët kanë votuar 38%. Ndërsa, 11% e votuesve mendojnë se sfida do të mbyllet në baraspeshë.

Gazetari dhe moderatori i njohur, Sokol Balla, i cili katër vite më parë njoftoi se ishte bërë baba për herë të tretë, ka preferuar gjatë gjithë kësaj kohe të mbajë të fshehtë jetën e tij private, përfshirë edhe identitetin e partneres së vajzës së tij më të vogël. Por së fundmi, është zbuluar se nëna e vajzës është Sidrita Sadikaj, ish-banore e reality show-t të famshëm “Big Brother 9”.

Sidrita, 30 vjeçe dhe me origjinë nga Suhareka (Kosovë), u bë e njohur për publikun shqiptar në vitin 2017 përmes pjesëmarrjes në edicionin e nëntë të “Big Brother Albania”. Gjatë qëndrimit të saj në shtëpinë më të famshme të ekranit, ajo pati një lidhje të shkurtër me një model shqiptar, por marrëdhënia përfundoi pak pas përfundimit të formatit.

Pas daljes nga programi, ajo zgjodhi të vendosej në Tiranë, ku duket se ka ndërtuar jetën e saj të re — tashmë familjare — me gazetarin Sokol Balla. Çifti ka preferuar të qëndrojë larg vëmendjes mediatike, duke mos ndarë publikisht foto të përbashkëta apo detaje nga jeta e tyre. Edhe ardhja në jetë e vajzës së tyre nuk u bë lajm zyrtar, por u konfirmua vetëm përmes një postimi të shkurtër të Ballës rreth katër vite më parë.

Megjithatë, ndjekësit e Sidritës në rrjetet sociale kanë vënë re se fotot dhe vendpushimet që ajo poston përkojnë shpesh me ato të gazetarit të njohur, duke i çuar fansat në dyshime të vazhdueshme për një lidhje mes tyre. Së fundmi, një foto familjare e Ballës, Sidritës dhe vajzës së tyre të vogël ka qarkulluar në rrjet, duke konfirmuar për herë të parë publikisht lidhjen e tyre.

Në një epokë ku figurat publike ndajnë çdo detaj të jetës së tyre personale në rrjetet sociale, çifti Balla–Sadikaj ka zgjedhur një tjetër rrugë: atë të qetësisë, diskrecionit dhe mbrojtjes së privatësisë familjare, duke e forcuar më tej lidhjen e tyre përtej vëmendjes së syve publikë.

Kujtojmë se para lidhjes me Sidrita Sadikajn, Sokol Balla ka qenë për një kohë të gjatë në një marrëdhënie me ministren e Infrastrukturës dhe Energjisë, Belinda Balluku, një tjetër figurë e rëndësishme e jetës publike në vend.

Ndërkohë, as Balla dhe as Sadikaj nuk kanë bërë ende një reagim publik apo konfirmim zyrtar mbi marrëdhënien e tyre, duke ruajtur me kujdes kufirin midis karrierës mediatike dhe jetës personale. Por faktet dhe imazhet flasin vetë.

Një vendim gjykate ka hapur rrugë për SPA K dhe BKH që të kryejnë kontrolle të thelluara në pronat dhe aktivitetet biznesore të Artan Dulakut, i njohur si “bos” në fushën e ndërtimit dhe medias. Burime të WebLajm konfirmojnë se hetimi ka të bëjë kryesisht me pronat që dikur ishin të përdorura nga Ushtria, dhe konkretisht me portin e Limionit në Sarandë.

Operacioni policor dhe kontrolli gjyqësor vijon, ndërsa SPAK ka arsyetuar para gjykatës se kontrolli është i domosdoshëm për të siguruar prova që lidhen me manipulimin e kontratës për përdorimin e portit ushtarak. Sipas burimeve, kontrolli nuk përqendrohet vetëm te Dulaku, por përfshin edhe disa zyrtarë dhe ish-zyrtarë që dyshohet të jenë përfshirë në procedurat që mund të kenë shkelur ligjin.

ℹ️ Pasqyra historike dhe ecuria e çështjes

📜 Dhënia e Qirasë / Koncesionit të Portit dhe Baza e Limionit

• Porti i Limionit dhe baza ushtarake pranë tij kanë qenë në qendër të dyshimeve prej kohësh. Deri në vitin 2020, territori dhe objekti ishin pronë e Ushtrisë. Gjatë asaj periudhe, qeveria miratoi një vendim (VKM) që mundësoi dhënien me qira të portit dhe bazës “Marina Bay” për zhvillim rezidencial dhe turistik.
• Kompania “Marina Bay Saranda”, në bashkëpunim me “Concord Investment” dhe “Kastrati Group”, morën të drejtën e përdorimit të portit dhe bazës për një periudhë të gjatë, duke planifikuar investime në vilat, hotelin dhe infrastrukturën e jahtëve.
• Ky veprim ngjalli reagime dhe ankesa në treg, pasi disa aktorë publik dhe ish-oficerë të ushtrisë argumentuan se territori i portit dhe baza kishin karakter strategjik ushtarak, dhe veprime të tilla nuk mund të kryheshin pa miratim të organeve kompetente të ushtrisë dhe strukturave të larta shtetërore.

⚖️ Sekuestrimet dhe sfidat juridike

• Në mars 2023, GJKKO (Gjykata e Posaçme Kundër Korrupsionit dhe Krimit të Organizuar), me propozimin e SPAK-ut, vendosi të sekuestronin “Bazën Ndihmëse të Limionit, Sarandë”, duke argumentuar se ndërhyrjet ligjore dhe kontratat e lidhura janë bërë në shkelje të ligjit dhe pa konsultim me strukturat ushtarake.
• Kompania Marina Bay Saranda e apeloi vendimin e sekuestrimit në Gjykatën e Apelit dhe më pas në Gjykatën e Lartë, por nisi humbje juridike. Pas rrëzimit të rekursit, vendimet e gjykatave të shkallës së parë dhe Apelit u mbajtën në fuqi.
• Sipas burimeve nga Zoom.al, kompanitë që përfaqësojnë Kastratin dhe Dulakun kanë ngritur ankesa në Gjykatën Kushtetuese, duke pretenduar që vendimet e tre shkallëve janë të papajtueshme me dispozitat kushtetuese.
• Artikulli “Tri shkallët e gjyqësorit sekuestruan ‘Bazën e Limionit’” raporton se vendimi për sekuestrimin është një nga pikat kryesore që po argumentohet në Kushtetuese. Sipas një tjetër burimi, “Kastrati humb gjyqin në Gjykatën e Lartë, Porti i Limionit mbetet nën sekuestro”, kompania humbi sfidën juridike në Gjykatën e Lartë dhe nuk arriti të rrëzojë masën e sekuestrimit.  Për më tepër, lajmet e vjetra raportojnë se porti i Limionit gjatë vitit 2019 ishte dhënë me koncesion si pjesë e paketës së porteve ku “Limion” dhe “Marina Rodon” ishin shpallur për përdorim 35-vjeçar nga shoqëritë Kastrati dhe Edil Al.

SPAK dhe shërbimet partnere të BE-së dhe SHBA-së kanë goditur bazat e sistemit të ndërtuar nga Edi Rama për të mbajtur pushtetin, përmes tenderëve, PPP-ve dhe strukturave të lidhura me bandat. Hetimet nuk ndëshkojnë individë, por mënyrën se si funksionon qeverisja…

Në trembëdhjetë vitet e qeverisjes së Edi Ramës, drejtësia ka rrëzuar një nga një shtyllat mbi të cilat ai ka ngritur pushtetin e vet. Hetimet ndaj ministrave, kryebashkiakëve dhe zyrtarëve të lartë nuk janë raste të zakonshme korrupsioni. Ato kanë zbuluar se problemi nuk është tek individët, por tek mënyra se si funksionon vetë sistemi.

Në çdo dosje të madhe, drejtësia ka goditur skemat dhe mekanizmat e abuzimit që Rama ka ndërtuar si pjesë e një modeli qeverisës të qëllimshëm. Ai përpiqet të paraqesë çdo hetim si devijim personal të një zyrtari, me justifikimin se “kanë ngrënë mollë pas shpinës së tij”. Por drejtësia ka nisur të ndëshkojë prodhimin e “mollëve”, jo konsumatorët e tyre.

Rasti Tahiri e tregoi qartë këtë prirje. Ish-ministri nuk u dënua për trafik narkotikësh apo përfitime direkte, por për kanabizimin e vendit në vitin 2016, një proces që u mbështet politikisht nga vetë Rama. Në atë kohë, përkrah tij ishte Koço Kokëdhima, deputeti më me ndikim në jug dhe person i afërt me strukturën qendrore të PS-së.

Hetimi për tenderët në shëndetësi e çmontoi sistemin e PPP-ve, modelin e promovuar nga Rama si shpëtim ekonomik. Ato rezultuan kanale transferimi parash nga buxheti drejt rrjeteve private, me kompani fantazmë dhe administratorë të rremë. E njëjta logjikë është gjetur në aferat e inceneratorëve, energjisë dhe koncesioneve natyrore.

Drejtësia po heton gjithashtu lidhjet midis politikës dhe grupeve kriminale, që kanë shërbyer si bazë elektorale dhe financiare për pushtetin. Shërbimet partnere të SHBA-së dhe BE-së i kanë dokumentuar me hollësi këto lidhje dhe kanë burime të afërta edhe brenda rrethit të Ramës. Të dhënat e tyre tregojnë se rrethimi ndërkombëtar ndaj tij ka nisur, me qëllim të qartë: të mos i lejohet ta mbyllë mandatin.

SPAK nuk po vepron si trupë prokurorësh të izoluar, por si pjesë e një strategjie më të gjerë që synon çmontimin e sistemit Rama. Faza e parë është shembja e trashëgimisë së tij politike, përmes ekspozimit të çdo strukture të ndërtuar mbi korrupsionin. Pasi të jetë rrëzuar themeli i pushtetit, do të vijë koha e përballjes personale./Pamfleti

Gazetarja Anduena Llabani deklaroi në Oponencë se përveç zv/kryeministres Balluku, në hetim nga SPAK janë dhe 2 ministra të rëndësishëm, bashkëpunëtorë të saj.

Sipas Llabanit, njëri ministër është për alokimin e 150 milionë dollarëve qoka që e mbajnë në pushtet, dhe tjetri, një ministre për sigurinë kombëtare.

Ajo u ndal dhe tek një tjetër skandal që po heton NATO dhe që lidhet me shoqërinë KAYO  në varësi të ministrisë së Infrastrukturës.

Oponencë, tha Llabani, do të vijojë me publikimin e provave e fakteve që faktojnë megaskandalin e blerjes së armatimeve nga KAYO, e cila drejtohet nga njerëz që nuk janë kompetentë.

“Është një shoqëri sensitive që do të përfundojë si MEKO që vrau njerëz. Ju jap garanci që këtu në studio  këtu do të sjellim prova e fakte që do të vërtetoj një nga megaskandalet në lidhje me këtë gjë”, u shpreh moderatorja e Oponencë, Anduena Llabani.

Anduena Llabani: Unë vërtet kam folur që Balluku nuk e feston Shën Valentinin, por nuk jap garanci se cfarë do të ndodhë për Krishtlindje. Di që dhe 2 ministra shumë të rëndësishëm, të emëruar nga Balluku, të njohur dhe si bashkëpunëtorë të saj janë nën hetim, njëri për alokimin e 150 milionë dollarëve qoka që e mbajnë në pushtet por flas dhe për ministre që sigurinë kombëtare e kanë shitur tek persona që shesin shtëpi në Amerikë. Dmth unë kam një pyetje, me kaq shumë gjëra sa ka zonja Balluku, një njeri që ka 70% të buxhetit shqiptar.

Një nga skandalet që po hetohet sot dhe nga strukturat e brendshme të NATO-s, është çështja e sigurisë për blerjen e armatimeve nga ministria, e ashtuquajtura KAYO, një firmë që firmos miliona para nga shteti për blerje armatimesh dhe rezulton se kjo shoqëri drejtohet nga persona që nuk janë fare kompetentë. Është një shoqëri sensitive që do të përfundojë si MEKO që vrau njerëz. Ju jap garanci që këtu në studio  këtu do të sjellim prova e fakte që do të vërtetoj një nga megaskandalet në lidhje me këtë gjë.

Anduena Llabani: Unë vërtet kam folur që Balluku nuk e feston Shën Valentinin, por nuk jap garanci se cfarë do të ndodhë për Krishtlindje. Di që dhe 2 ministra shumë të rëndësishëm, të emëruar nga Balluku, të njohur dhe si bashkëpunëtorë të saj janë nën hetim, njëri për alokimin e 150 milionë dollarëve qoka që e mbajnë në pushtet por flas dhe për ministre që sigurinë kombëtare e kanë shitur tek persona që shesin shtëpi në Amerikë. Dmth unë kam një pyetje, me kaq shumë gjëra sa ka zonja Balluku, një njeri që ka 70% të buxhetit shqiptar.

Një nga skandalet që po hetohet sot dhe nga strukturat e brendshme të NATO-s, është çështja e sigurisë për blerjen e armatimeve nga ministria, e ashtuquajtura KAYO, një firmë që firmos miliona para nga shteti për blerje armatimesh dhe rezulton se kjo shoqëri drejtohet nga persona që nuk janë fare kompetentë. Është një shoqëri sensitive që do të përfundojë si MEKO që vrau njerëz. Ju jap garanci që këtu në studio  këtu do të sjellim prova e fakte që do të vërtetoj një nga megaskandalet në lidhje me këtë gjë.

Një ndër operacionet më spektakolare të kryera nga Policia e Durrës dhe ajo e Tiranës, çoi në arrestimin e një prej emrave të njohur të botës së krimit në Shqipëri, siç është Aldo Avdyli nga Shijaku.

Para se Avdyli të kapej gafil, në zonën e liqenit të Thatë, në një pallat shumë pranë “Queen Casino”, efektivët e RENEA-s dhe agjentët e policisë kriminale të përballeshin me një personazh të pazakontë që nuk e kishin parashikuar në këtë operacion.

Gazetari Elton Qyno, ka mësuar nga burime pranë repartit RENEA se një ministër i Edi Ramës, është përballur me efektivët e policisë, para se ata të lokalizonin apartamentin dhe më pas të arrestonin të shumëkërkuarin Aldo Avdyli.

Bëhet fjalë për ministrin aktual të Mjedisit, i cili në orët e para të mëngjesit është çuar i traumatizuar nga krevati dhe është përballur me RENEA-n tek dera e apartamentit.

Policia kriminale kishte lokalizuar saktësisht Aldo Avdylin, duke e gjurmuar atë me pajisjen inteligjente “IMSI CATCHER”, por saktësisht nuk dihet se në çfarë apartamenti ndodhej Aldo Avdyli.

Në orët e para të mëngjesit, RENEA dhe policia kriminale hynë në pallatin ku kishte lokalizuar Aldo Avdylin, duke kontrolluar fillimisht disa apartamente.

Në njërin apartament, burimet policore tregojnë se kanë trokituar dhe kanë bërë thirrje se ishin policia, ndaj personat brenda duhet ta hapnin derën vullnetarisht.

Por siç mësohet nga policia, nga brenda shtëpisë është dëgjuar një zhurmë dhe nga ana tjetër policët që ndodheshin në korridor janë bërë gati për të reaguar qoftë dhe me armë.

Personi që lëvizi në brendësi të apartamentit dhe më pas hapi derën, ishte ministri i sapo emëruar i Mjedisit në qeverinë “Rama 4”.

I tronditur nga ajo që pa, ai iu drejtua punonjësve të policisë se nuk kishte bërë asgjë, pasi pikërisht atë ditë kur policia kishte bërë aksionin, ministri kishte marrë zyrtarisht detyrën e ministrit.

Njësia e policisë e bindur që kishin trokitur në derën e gabuar ka vijuar më pas më kontrollin e disa apartamenteve të tjerë, derisa hynë pikërisht në apartamentin ku qëndronte i shumëkërkuari Aldo Avdyli.

Kapja e tij ishte një sukses spektakolar i policisë së Tiranës dhe asaj të Durrësit, pasi për vite me rradhë Aldo Avdyli, nuk kishte asnjë imazh në policinë kriminale, asnjë gjurmë ADN-je dhe asnjë shoqërim në ambientet e policisë.

Aktualisht Aldo Avdyli, është i arrestuar për llogari të prokurorisë së posaçme SPAK, e cila ka vendosur dy masa sigurimi ndaj tij.

Masa e parë “Arrest me burg” ndaj Avdylit është vendosur në muajin maj 2024, duke e shpallur në kërkim nga Prokuroria e Posaçme SPAK.

Kjo pasi gjatë një hetimi të dosjes Nr. 59, gjykata kishte caktuar ndaj tij masën e sigurisë “arrest me burg” për akuzën e “sigurimit të kushteve për të kryer vrasjen” ndaj një emri të njohur të botës së krimit, Durim Bamit.

Sipas hetimit, Avdyli del se përfshihet në një skuadër prej më shumë se 16 personash, të cilët sigurojnë mjetet dhe planifikojnë eliminimin fizik të Durim Bamit, por realisht nuk ia dalin dot.

Ndërsa masa e dytë e sigurisë “Arrest në burg” ndaj 37-vjeçarit nga Shijaku, i cili tashmë akuzohet për organizimin dhe financimin e vrasjes së Edmir Koçit alias Malokut në vitin 2021 në Durrës.

I vënë në presion nga masa e dytë e sigurisë, Avdyli mësohet të jetë vendosur në Tiranë./Syri.net