Author: admin

I riu Kevin Norra, specialist në Ministrinë e Brendshme, po udhëtonte nga Saranda në drejtim të Gjirokastrës me një mjet tip Audi kur u përfshi në aksidentin e rëndë në aksin Delvinë-Sarandë, ku mbetën të vdekura dy motrat Elvisa dhe Rozina Dhimaku, 22 dhe 20 vjeçe si dhe u plagos rëndë shoqja e tyre.

23-vjeçari ka rezultuar i dehur në timon dhe për këtë arsye blutë e qytetit bregdetar tashmë e kanë vënë në pranga dhe akuzohet për “Shkelja e rregullave të qarkullimit rrugor” dhe “Drejtimi i automjeteve në mënyrë të parregullt”. Policia e Sarandës informoi se testi i parë i alkoolit rezultoi në masën 1.52 mg/l, ndërsa testi i dytë në masën 1.42 mg/l.

“Specialistët e Seksionit të Trafikut Urban dhe Interurban Sarandë arrestuan në flagrancë shtetasin K. N., 23 vjeç, banues në Fier, për veprat penale “Shkelja e rregullave të qarkullimit rrugor” dhe “Drejtimi i automjeteve në mënyrë të parregullt”.

Ky shtetas, më datë 24.08.2025, rreth orës 20:15, në aksin rrugor Delvinë-Sarandë, duke drejtuar automjetin tip “Audi”, në gjendje të dehur (nga verifikimet e kryera në vendngjarje ka rezultuar: testi i parë i alkoolit në masën 1.52 mg/l, ndërsa testi i dytë në masën 1.42 mg/l), është përplasur me automjetin tip “Lancia”, me drejtuese shtetasen E. Dh., 22 vjeçe.

Si pasojë e aksidentit, humbën jetën shtetaset E. Dh., 22 vjeçe dhe R. Dh., 20 vjeçe, ndërsa shtetasja A. Zh., 24 vjeçe, mbeti e dëmtuar rëndë dhe ndodhet nën kujdesin e mjekëve”, njoftoi Policia e Sarandës.

Sali Berisha ka deklaruar se Partia Demokratike nuk do të njohë kurrë zgjedhjet e 11 majit, duke i cilësuar ato si një “mega krim elektoral”.

Në një konferencë me gazetarët, Berisha u shpreh se po afron momenti kur PD do të marrë vendimet përkatëse mbi hapat e ardhshëm, por një gjë është e qartë, theksoi ai, “rezultati i zgjedhjeve nuk do të pranohet nga opozita”.

Pyetje: A do të shkojë PD në parlament

Sali Berisha: Po afrohet momenti kur PD do të marrë vendimet përkatëse, një gjë është e sigurt që PD këto zgjedhje nuk do ti njohë kurrë.

Unë deklaroj këtu se çdo shqiptar, çdo opozitar që mendon se mund të tolerohen këto zgjedhje, bëhet bashkë autor në këtë mega krim elektoral dhe shkelmon mbi idealet e lirisë. Kam përshtypjen se shqiptarët do ti përgjigjen në mënyrën më të fuqishme kësaj farse që zhvilloi Edi Rama më 11 maj

U përket shqiptarëve dhe opozitës të ngrihen me gjithë fuqinë e tyre, të gatshme për çdo betejë për rikthimin e votës së lirë të qytetarëve shqiptarë.

Pyetje: A do ta bëjë këtë betejë edhe në parlament?

Sali Berisha: PD do ta bëjë këtë betejë kudo. Është betejë për jetën ose vdekjen e votës së lirë.

vijon

Detaje të reja janë bërë publike në lidhje me aksidentin tragjik që i mori jetën dy motrave, Elvisa dhe Rozina Dhimaku 22 dhe 20 vjeç.

Mësohet se mbrëmjen e djeshme, ato kishin marrë lejë tek prindërit për të pirë një kafe në Sarandë, duke marrë me vete edhe shoqen e tyre, Antonela Zhupa, e cila mbeti e plagosur. Madje ato donin të merrnin edhe vëllain e tyre të vogël 10 vjeç, i cili është i sëmurë, por që babai i kishte thënë se “është i lodhur”.

Babai dhe mamaja e tyre i la vajzat të shkonin ndërsa gjyshja u tha që mos ikni se, “ kam parë një ëndërr të keqe”.

Autori i aksidentit, 23-vjeçari Kevi Norra, banor i Gjirokastrës, është arrestuar nga policia. Burime zyrtare bëjnë me dije se, pas testit të alkoolit, rezultoi se i riu ishte në gjendje të dehur.

Ndërsa java e kaluar nuk ishte aq e mbushur me ngjarje kozmike, kjo javë pritet të sjellë shumë zhvillime!

Dashi

Universi po punon për të sjellë më shumë kënaqësi dhe pasion në jetën tënde. Kjo është një periudhë për të ndjekur romancën, argëtimin dhe lidhjet intime. Pavarësisht statusit tënd, përfshihu emocionalisht dhe shijo çdo moment. Mund të shfaqet dikush që ia vlen. Nëse ke fëmijë ose dëshiron, kjo është një periudhë e mirë për t’u fokusuar te ta. Kreativiteti, sporti dhe hobet gjithashtu janë në qendër të vëmendjes këtë javë.

Demi

Kjo është një periudhë ideale për të qëndruar në shtëpi dhe për ta bërë atë më të ngrohtë, sipas shijeve tua. Mund të dekorosh, të ndryshosh arredimin apo të presësh mysafirë. Shijo qetësinë, familjen dhe ambientin tënd të shenjtë.

Binjakët

Energjia tani përqendrohet në komunikim, ide dhe frymëzim. Mund të nisesh në një projekt të ri që lidhet me rrjetet sociale. Leximi, podcastet apo mësimet në fusha të reja do të të tërheqin. Jeta sociale është gjithashtu e favorizuar, ndaj lidhu me miqtë e zemrës.

Gaforrja

Pas një periudhe plot vëmendje, tani është koha të fokusohemi te të ardhurat dhe vlerat personale. Dhurata, shpërblime apo para të papritura mund të vijnë drejt teje. Po ashtu, mund të jesh ti ai/ajo që dëshiron të japë më shumë dashuria/dhurata për të dashurit e zemrës. Mendo edhe për mënyra të reja për të fituar.

Luani

Po hyn në një fazë ku do të jesh në qendër të vëmendjes! Energjia jote është magnetike. Mund të ndryshosh pamjen, stilin ose të punosh me veten. Romanca, krijimtaria dhe kënaqësia janë në kulm, mos i anashkalo! Beqarët kanë mundësi të veçanta për të takuar dikë me rëndësi.

Virgjëresha

Edhe pse është sezoni yt, mund të ndihesh më introspektiv/e. Është koha për të reflektuar për dashurinë dhe marrëdhëniet në jetën tënde. Mund të mos jetë momenti më i mirë për lidhje të reja, por është ideal për të kuptuar çfarë kërkon vërtet nga dashuria.

Peshorja

Ti gjithmonë ke qenë social/e, por tani kjo del në pah akoma më shumë! Do të jesh i/e kërkuar në festa, takime dhe evente. Mund të njohësh dikë përmes rrjeteve sociale ose miqve të përbashkët. Është koha të krijosh kujtime të bukura dhe të shkëlqesh.

Akrepi

Të gjithë sytë janë te ti! Vëmendja profesionale rritet, kështu që përfito për të ndërtuar emrin tënd. Shpërblime, promovime apo lavdërime janë të mundshme. Po ashtu, është një kohë e mirë për të filluar një projekt të madh apo për të kërkuar një pozicion më të lartë.

Shigjetari

Një valë aventurash po të vjen përpara! Udhëtimet, sidomos në vende me bukuri të shumta natyrore, janë shumë të favorizuara. Beqarët mund të tërheqin njerëz nga kultura ose prejardhje të ndryshme, dil jashtë rutinës tënde dhe përqafo të renë!

Bricjapi

Intimiteti është fjala kyçe. Je më i/e hapur për lidhje të thella emocionale dhe fizike. Nëse je në një marrëdhënie, kjo mund të jetë një periudhë shumë sensuale dhe e ndjeshme. Për beqarët, është më shumë kohë reflektimi sesa fillimesh.

Ujori

Fokusi kalon tek partneritetet. Marrëdhëniet, si personale edhe profesionale, bëhen më harmonike. Është një periudhë ideale për të forcuar bashkëpunimet dhe për të ndrequr çdo mosmarrëveshje. Beqarët kanë më shumë gjasa të gjejnë dikë me potencial për lidhje të qëndrueshme.

Peshqit

Po hyn në një periudhë me më shumë intensitet në përditshmëri dhe punë. Mund të gjesh kënaqësi në lidhjet me kolegët apo klientët. Kjo është gjithashtu një kohë e mirë për të kërkuar projekte të reja apo një punë tjetër. Disa mund të ndiejnë një tërheqje të fshehtë në ambientin e punës.

Dashi

Nëse jeni ne një lidhje duhet te harroni gjithçka qe keni kaluar me pare dhe te shihni me pozitivizëm drejt se ardhmes. partneri do jene te humor dhe i gatshëm te beje sakrifica ne mënyrë qe ju te ndiheni mire. Beqaret mund te fillojnë një histori dashurie romaneske. Merkuri do influencoje financat dhe do iu beje ju me te kujdesshëm se kurrë.

Demi

Përfitoni sa me shume nga ambienti i ngrohte qe mbizotëron ne jetën tuaj ne çift dhe flisni me partnerin për çdo gjë qe ju ka shqetësuar apo edhe për dëshirat qe keni. Beqaret nuk do jene ende ne humorin e duhur për te filluar një histori dashurie. Financat nuk do jene ne gjendjen me te mire, prandaj shmangni transaksionet e tejskajshme.

Binjaket

Dite goxha e qëndrueshme dhe pozitive kjo e sotmja për ata qe janë ne një lidhje. Nuk priten aspak probleme me partnerin sepse do i dini mire çfarë do ai. Beqaret edhe pse do kenë plot mundësi për te filluar lidhje pasionante duhet te tregohen disi me te arsyeshëm. Sektori i financave do jete i paqëndrueshëm. Ekuilibri do kërcënohet seriozisht.

Gaforrja

Klima ne çift do ngrohet mjaft gjate kësaj dite. Venusi do e shtoje pasionin dhe do kaloni momente te mrekullueshme me atë qe keni ne krah. Vazhdoni t’i shprehni sa te mundni ndjenjat. Beqaret do jene gati te fillojnë një lidhje edhe pse personat nuk do iu përshtaten ne çdo pike. Ne planin financiar duhet bere një riorganizim i te ardhurave.

Luani

Venusi do jete aleati juaj me i forte ne planin financiar. Do ndiheni te lumtur pranë atij qe dashuroni dhe nuk do keni me çfarë te kërkoni tjetër. Beqaret duhet te përfitojnë nga mundësitë e mira qe do iu jepen për njohje. Gjithë jeta e tyre mund te ndryshoje përgjithmonë. Ne planin financiar nuk duhet hedhur asnjë hap i nxituar sepse do ketë shume probleme.

Virgjeresha

Jeta ne çift do jete goxha e paqëndrueshme sot. Asgjë nuk do shkoje si ju e kishit menduar dhe here pas here mund te keni edhe debate shume te forta. Beqaret do marrin ftesa, por nuk do jene ne humorin e duhur për te hedhur asnjë hap. Ne planin financiar me ne fund fati do jete ne anën tuaj. Jo vetëm qe do kryeni investimet e duhura, por do hiqni edhe disa para mënjanë.

Peshorja

Duke qene shume te zënë me pune dhe angazhime te tjera, pa dashje do e lini goxha pas dore jetën tuaj ne çift. Partneri mund te mërzitet dhe t’i hedhe sytë diku tjetër. Beqaret do jene sharmante dhe sensuale. Te gjithë do i kenë sytë nga ata dhe do mundohen t’i joshin pa fund. Financat nuk do jene ne gjendjen e duhur, por nuk është as koha për t’u përballur vete me to.

Akrepi

Marrëdhënia me partnerin do jete edhe me e ngrohte nga sa ju e prisnit. Do kuptoheni me te me se miri dhe nuk do keni asnjë debat. Beqaret do e lënë veten te lire dhe gjithçka do iu ndodhe si me magji. Shume gjera do ndryshojnë për ta. Ne planin financiar nuk duhet te kërkoni ndihme nga personat qe nuk mund t’iu ndihmojnë dot, por vetëm nga specialistet.

Shigjetari

Mos i qëndroni indiferente dhe mos e kritikoni ashpër partnerin tuaj sot sepse durimi i tij e ka një kufi dhe gjerat mund te marrin tatëpjetën. Gjithçka qe keni dertuar mund te shkatërrohen ne pak kohe. Beqaret do e kërkojnë ne çdo cep dashurinë, mirëpo nuk do jene aspak me fat. Ne planin financiar nuk duhen ndërmarrë rreziqe edhe sikur situata te jete e qëndrueshme.

Bricjapi

Zemra juaj do rrahe edhe me fort gjate kësaj dite. Partneri do iu surprizoje duke iu rikthyer edhe njëherë kohen e dikurshme se bashku me emocionet qe keni kaluar. Beqaret nuk rekomandohet te kryejnë ndonjë çmenduri dhe as te fillojnë aventura kalimtare. Financat duhen menaxhuar me sa me shume kujdes dhe maturi qe te mundeni.

Ujori

Dite e ndare ne dy pjese kjo e sotmja. Mëngjesi do filloje plot debate dhe zënka me partnerin, ndërsa duke filluar qe ne orët e pasdites situata do filloje dalëngadalë te përmirësohet. Mbrëmja do jete krejtësisht e ndryshme. Beqaret do kenë takime, por edhe dilema te mëdha. Financat nuk do jene te mira nëse kryeni shpenzime marramendëse.

Peshqit

Do tregoheni shume te dashur dhe lozonjare sot me atë qe keni ne krah dhe marrëdhënia mes jush do behet edhe me e zjarrte se me pare. Edhe beqaret do kenë fat ne dashuri dhe mund te hedhin hapat e para drejt krijimit te një lidhjeje serioze. Me financat mundohuni te tregoheni diplomate ne mënyrë qe te mos keni probleme dhe vështirësi me vone.

Katerina Nakoleci, vajza e madhe e çiftit Pandeli dhe Mariola Nakoleci, ka bërë një postim prekës për ndarjen tragjike nga jeta të nënës së saj.

36-vjeçarja u vra nga bashkëshorti, mëngjesin e djeshëm në Volos, duke tronditur familjarët dhe gjithë komunitetin aty.

“Ike, mami im, do të më mungosh shumë. E di që do të na shohësh atje lart, por Dinos, unë dhe Asimina të duam shumë. Je përgjithmonë në jetën tonë”, shkruan Katerina, duke mos arritur të besojë dot se nuk do ta shohë më nënën.

Ndërkohë, Pandeli Nakoleci vijon të jetë në arrati.

40-vjeçari shqiptar që vrau dje bashkëshorten, Mariola Nakoleci, në sy të katër fëmijëve, po kërkohet intensivisht nga policia greke, por deri tani nuk është mundur të lokalizohet.

“Autoritetet tani e konsiderojnë të mundshme që autori 40-vjeçar i vrasjes brutale në Volos mund të jetë vetëvrarë, pas vrasjes së tmerrshme të gruas së tij dhe nënës së katër fëmijëve”, raportojnë mediat greke, duke marrë parasysh dhe të shkuarën e Pandeliut.

Policia greke thotë se autori i krimit kishte një histori të rëndë psikiatrike. Në qershor 2025, ai u përpoq të bënte vetëvrasje, gjë që çoi në shtrimin e tij në një klinikë psikiatrike.

Autori i krimit brenda faniljes që ndodhi në Volos u kap sot nga autoritetet. Të premten paradite, rreth orës 11, një grua shqiptare 36-vjeçare humbi jetën brenda shtëpisë së saj nga dora e bashkëshortit 40-vjeçar, gjithashtu shqiptar. Sipas dëshmive, çifti po zihej për një kohë të gjatë para syve të katër fëmijëve të tyre, të moshës 5 deri 18 vjeç.

Pse e vrau?

Sipas informacioneve nga gazetari i kronikës së zezë të gazetave Ta Nea dhe To Vima, Vasilis Lambropoulos, fëmijët treguan në polici se familja kishte probleme të mëdha, kryesisht ekonomike, pasi vetëm dy fëmijët më të mëdhenj punonin. Për këtë arsye kishin vetëm një celular në shtëpi.

Babai, Pandeli Nakoleci, sipas fëmijëve, kishte probleme me drogën dhe kohët e fundit ishte i fiksuar me idenë se gruaja e tij Marjola Nakoleci, kishte një lidhje jashtëmartesore. Kjo ishte arsyeja e disa grindjeve të shpeshta.

“Sot, duket se e pa gruan e tij të shkruante diçka në celular, mendoi se ishte mesazh. Kjo çoi në një zënkë të madhe dhe ai mori mjetin e mprehtë me të cilin e goditi. Fëmijët dëshmuan se babai i tyre kishte probleme serioze me narkotikët”, shpjegon gazetari.

Profili i autorit të dyshuar

40-vjeçari ka qenë i akuzuar më parë për pjesëmarrje në organizatë kriminale, shkelje të ligjit për narkotikët, ndërsa në fund të qershorit 2025 ishte dërguar me urdhër prokurorie në një klinikë për ekzaminim psikiatrik, ku qëndroi për trajtim.

“Është tregues fakti se më 28 qershor 2025 u dërgua në klinikën psikiatrike. Një ditë më parë kishte bërë një tentativë vetëvrasjeje në ballkonin e shtëpisë, përsëri para fëmijëve të tij”, shton Lambropoulos.

“Ky njeri është arrestuar 3–4 herë gjatë vitit 2019, shumicën e herëve për trafik droge. Në shtator dhe tetor 2019 u kap për posedim droge dhe në dhjetor të po atij viti u zbulua në Pella për pjesëmarrje në organizatë kriminale që shpërndante kokainë. U burgos për dy muaj”, përfundon gazetari.

Kronologjia e ngjarjes

Gjatë konfliktit, 40-vjeçari, sipas burimeve, e goditi gruan me thikë. Ajo u përpoq të ikte drejt hyrjes së pallatit, por aty mori edhe një goditje tjetër dhe ra mbi xhamin e hyrjes në rrugën Konstanta 17, i cili u thye dhe e plagosi rëndë.

36-vjeçarja e pafat u transportua me autoambulancë drejt spitalit, duke pasur ende ndjenja, por ndërroi jetë gjatë rrugës.

Shenjat tregojnë për sulm me mjet të mprehtë që i shkaktoi plagë fatale. Menjëherë pas krimit, burri braktisi banesën dhe u largua me vrap drejt rrugës Gladstonos dhe sot u kap nga policia.

Sipas raportimeve, nuk ishte hera e parë që ndodhte dhunë në familje. Viktima 36-vjeçare e kishte dëbuar më parë burrin nga shtëpia, por më pas e kishte pranuar sërish.

Policia ka nisur një operacion në shkallë të gjerë për ta lokalizuar dhe arrestuar, ndërsa në vendngjarje ndodhen mjeko-ligjori dhe ambulanca. Zona mbetet e rrethuar nga forca të shumta policore.

Tre nga fëmijët (5, 7 dhe 16 vjeç) do të dërgohen fillimisht në Spitalin e Volosit dhe më pas do të kërkohet strehim në një qendër sociale.

Ky krim i ri ka shkaktuar tronditje dhe indinjatë në komunitetin lokal, duke u shtuar listës makabre të gjenocideve ndaj grave që kanë tronditur Greqinë vitet e fundit. /noa.al

Një tjetër aksident është shënuar në Fier në kryqëzimin pranë shkollës së muzikës. Një automjet tip “Land Rover”, i drejtuar nga një 17-vjeçar, ka përplasur një 35-vjeçar që po kalonte rrugën.

I plagosuri është dërguar me urgjencë në Spitalin Rajonal Fier në gjendje të rëndë dhe në rrezik për jetën. Policia ka shoqëruar drejtuesin e mjetit dhe po punon për të zbardhur shkaqet e aksidentit.

“Rreth orës 11:00, në lagjen “Liri Gero” automjeti me drejtues një shtetas 17 vjeç, banues në Fier, ka përplasur një këmbësor, rreth 35 vjeç, i cili ndodhet në spital, në kujdesin e mjekëve.

Eshtë shoqëruar në Komisariat drejtuesi i automjetit me të cilin po kryhen veprimet procedurale. Grupi hetimor po punon për identifikimin e shtetasit të dëmtuar dhe për sqarimin e plotë të rrethanave dhe shkakut të aksidentit.”, njofton policia.

Një stuhi e fortë goditi gjatë natës rajonin e Romagna në Itali, duke shkaktuar dëme të mëdha në zonat bregdetare Ravenna, Forlì-Cesena dhe Rimini. Pavarësisht paralajmërimit të nivelit të verdhë, intensiteti i fenomenit meteorologjik ishte i papritur, duke ngjallur frikë dhe panik në shumë zona. “Duket si një uragan”, thanë autoritetet, raporton La Repubblica.

Shiu i rrëmbyeshëm, breshëri dhe erërat e fuqishme shkaktuan përmbytje në rrugë, bodrume dhe garazhe, ndërsa shumë pemë u rrëzuan mbi makina dhe rrugë, duke bllokuar qarkullimin. Plazhet u boshatisën.

“Një stuhi filloi rreth orës 1:20 të mëngjesit në lindje të Ferrarës dhe u intensifikua përgjatë bregdetit të Ferrarës. Pasi goditi shpejt qytetin e Ravenës, ajo vazhdoi në jug, duke prekur të gjithë Rivierën e Romagnës. Nga Cesenatico, por veçanërisht nga Gatteo dhe Bellaria Igea Marina në Rimini dhe më pas në Riccione dhe Cattolica, ishte shumë e dhunshme me erëra shumë të forta. Të dhënat: erëra me shpejtësi 123 km/orë në Bellaria, 121 në Rimini, 106 në Gatteo Mare.”, tha Shërbimi Meteorologjik i rajonit.

Më i goditur ishte Milano Marittima në Ravenna, ku ndodhi një ‘shpërthim’ i fuqishëm ere që çoi në rrëzimin e pishave dhe paralizoi përkohësisht vendin. Në Rimini, ra 75 mm shi në pak minuta, duke përmbytur nënkalime dhe zona të tëra urbane.

Në linjën hekurudhore mes Riminit dhe Cesenaticos, qarkullimi u pezullua për gjashtë orë për shkak të një peme të rënë mbi binarë. Një tren me 23 pasagjerë, i bllokuar nga një pemë e rrëzuar në linjën Bellaria-Igea Marina, u evakuua në orët e para të mëngjesit.

Fatmirësisht, nuk ka të lënduar të raportuar dhe moti është përmirësuar.

Sulme ajrore izraelite kanë goditur kryeqytetin jemenas, Sana të dielën, më 24 gusht, raportuan mediat lokale.

Këto sulme vijnë vetëm disa ditë pasi rebelët jemenas, të mbështetur nga Irani, gjuajtën municione thërrmuese drejt Izraelit.

Televizioni Al-Masirah, që udhëhiqet nga rebelët Huthi, raportoi për sulmet. Këto janë sulmet e para në Sana, që kontrollohet nga rebelët, që nga 17 gushti, kur Izraeli shënjestroi infrastrukturën energjetike që besohej se përdorej nga rebelët.

Izraeli ende nuk ka konfirmuar sulmet e së dielës.

Rebelët Huthi kanë lëshuar raketa e dronë drejt Izraelit dhe kanë shënjestruar anije në Detin e Kuq për më shumë se 22 muaj. Ata thonë se sulmet kryhen në shenjë solidariteti me palestinezët, që po përballen me luftë në Rripin e Gazës që nga tetori i vitit 2023.

Këto raketa dhe dronë të lëshuar nga rebelët zakonisht rrëzohen para se të arrijnë në Izrael.

Një zyrtar i Forcave Ajrore të Izraelit, duke folur në kushte anonimiteti, tha se predha e lëshuar nga Jemeni drejt Izraelit të premten mbrëma paraqiti një kërcënim të ri. Raketa ishte e mbushur me municion thërrmues.

Kjo ishte hera e parë që rebelët Huthi, lëshuan predha të tilla drejt Izraelit, që kur grupi militant filloi të gjuante raketa drejt Izraelit në vitin 2023, tha zyrtari. Përdorimi i municioneve thërrmuese e bën të vështirë që Izraeli t’i rrëzojë ato dhe po ashtu është tregues, sipas zyrtarit, se rebelët Huthi kanë siguruar teknologji shtesë nga Irani. /rel/ Top Channel