Author: admin

Aktori Mehdi Malkaj është shprehur se shqiptarët nuk dalin në protesta sepse kanë frikë nga ajo çfarë mund të ndodhi pas saj.

I ftuar sot në ‘Top Story’, ai është shprehur se edhe kur i ka ftuar njerëzit ti bashkohen në protesta, siç ishte ajo për teatrin, njerëzit kanë refuzuar duke u shprehur se ata nuk kanë punë ti bashkohen.

Malkaj: Këtu ka një fjali të vogël me emër mbiemër dhe ndonjë mbushje, po nuk u vra kjo nuk bëhet gjë. C’më duhet mua, unë i kam thënë në protestën e teatrit, po ik ore c’më duhet mua sipas frikës së tyre. Mos të gënjejmë, është frikë, këtu lozet për bukën e gojës, baballarët thonë obobo. Ishte Enver Hoxha që kishte nenin 55 që thoshte mua mos më shaj se të burgos dhe të vras, ky thotë fol sa të duash por të nesërmen e ke të gjithë fisin të pushuar nga puna.

Salaj: Nuk ka një përgjigje. Ka edhe mungesë të theksuar besimi. Unë kam dalë në shumë protesta. Kam qenë në protestën për djalin në Pogradec, për armët kimike, në protestë për teatrin, nuk kam pasur turp që të dalë në protestë. Nuk kam pasur frikë sepse unë mendojë se realisht çfarë do më bëjnë, nëse ma do shpirti e marrë parasysh, deri tani nuk më ka kërcënuar njeri pe dola, por kam sfiduar. Unë dalë në protestë kur jam i bindur që duhet të dalë, më protesta qytetare, me studentët por jo ato politike

Malkaj: Po për lirinë çfarë bëhet, pa liri a mund të ketë jetë. Unë eci gjithmonë në këmbë, tani vjen ai me biçikletë dhe thotë mos dil në protestë por unë nuk e njoh atë, del pa fytyrë./Top Channel

Një burrë që bleu një tank u habit kur zbuloi se kishte blerë më shumë sesa kishte pritur fillimisht. Në vitin 2017, entuziasti i tankeve Nick Mead bleu një tank rus T54/69 për 45,000 euro me qëllim që ta restauronte dhe ta shtonte në koleksionin e tij prej 150 automjetesh ushtarake.

Së bashku me mekanikun Todd Chamberlain, dyshja filmoi veten duke hapur një rezervuar nafte në rast se kishte municione që duheshin asgjësuar.

Në vend të kësaj, ajo që gjetën ishin shufra ari me peshë deri në 5 kg secila, me një llogaritje të shpejtë nga Todd që sugjeronte se sendet mund të vlenin rreth 2.5 milionë euro.

Sapo zbuluan se çfarë kishin gjetur, Todd i tha ‘The Sun’ se instinkti i tyre i parë ishte të telefononin policinë. Autoritetet më pas morën arin dhe u dhanë burrave një faturë.

“Nuk dinim çfarë të bënim. Nuk mund të çosh saktësisht pesë shufra ari në Cash Converters pa u bërë pyetje, kështu që thirrëm policinë”, tha ai.

Ndërkohë, Nick, i cili vazhdon të drejtojë Tanks-a-lot, një shërbim që u lejon njerëzve të ngasin automjete të blinduara, tha se tanku rus kishte qenë pjesë e një marrëveshjeje.

Kjo marrëveshje përfshinte stërvitjen e Nick në një kamion ushtarak dhe një top Abbot për tankun, pasi e pa atë në një reklamë në eBay.

Sa i përket mënyrës se si arriti ari atje, teoria e dyshes është se ai u plaçkit nga ushtarët irakianë në Kuvajt gjatë Luftës së Gjirit në vitet e 90-ta, përpara se tanku të kapej dhe të transferohej në Britani.

Lidhur me atë që kishin bërë të dyshuarit për grabitje, Nick sugjeroi se ata duhet të kenë hapur një vrimë në një rezervuar karburanti dhe të kenë futur plaçkën e tyre atje. “Edhe nëse nuk marr asnjë nga ari mbrapsht, do t’i kem ende tanket e mia të bukura”, shtoi Nick.

Kjo nuk do të ishte hera e fundit që Nick do të gjendej në lajme për shfrytëzimet e tij me automjete ushtarake.

Disa muaj pasi filloi lufta e Rusisë me Ukrainën, ai i dhuroi disa nga automjetet e tij Ukrainës, duke përfshirë një automjet me gjashtë rrota Pinzgauer Vector, 35 transportues të blinduar Spartan dhe 25 Land Rover të blinduar. Në vitin 2023, Metro raportoi se Nick pretendonte se kishte dërguar mbi 100 automjete në Ukrainë. Nick është një nga qindra individë që dhuruan ose dorëzuan automjete në vend vitet e fundit.
Burimi:The Sun

Një atentat me armë zjarri ka lënë të plagosur dy shqiptarë në orët e para të mëngjesit të sotëm (12 janar), në zonën e Agiou Dimitriou në Athinë.

Ngjarja ka ndodhur në orën 02.40 të mëngjesit të sotëm, kur një person ka hyrë brenda lokalit “O gyros tou asyrmatou” që ndodhet në rrugën “Politexniou 70”, në pronësi të shtetasit Negri Sinovarfaj, 39 vjeç (foto poshtë) dhe ka hapur zjarr ndaj tij dhe babait të tij 70-vjeçar.

Autori i ka qëlluar të dy personat në këmbë duke i lënë të plagosur me nga një plumb secilin. Pas kësaj ai është larguar me automjet nga vendi i ngjarjes.

Dy të plagosuri janë transportuar drejt spitalit në Paleo Faliro, ku ndodhen jashtë rrezikut për jetën.

Policia po heton për rrethanat e ngjarjes, pa përjashtuar pistën e rivalitetit mes tifozëve të ekipeve të futbollit, pasi Sinovarfaj është pjesë e grupimit të organizuar të tifozëve të ekipit “A.E.K”.

Një kthesë e papritur ka ndodhur pas Prime-t të fundit të “Big Brother VIP”, duke vënë në dyshim sinqeritetin e Stelinës.

Gjatë spektaklit, asaj iu dha mundësia të hapte “Kutinë e Pandorës”, e cila përmbante një të mirë dhe një të keqe.

E mira ishte shfaqja e videos komprometuese të Keijsit duke u puthur me Inën, një informacion që supozohej t’i jepte Stelinës qartësi për raportin e saj, ndërsa e keqja ishte përballja e drejtpërdrejtë në lojë me Inën.

Kur pa klipin në monitor, Stelina u shpreh para publikut se e priste një gjë të tillë, por theksoi se “nuk e kishte parë me sytë e saj” atë moment.

Megjithatë, opinionistja e “Fan Club”, Françeska Murati, ka vendosur të nxjerrë zbuluar lojën e banores. Përmes një postimi në Instastory, Françeska ka publikuar biseda private që datojnë para hyrjes së Stelinës në shtëpi.

Në mesazhet e shkëmbyera më 29 dhjetor, Françeska i ka dërguar pikërisht atë video Stelinës duke i shkruar: “Se di nëse e ke parë këtë video po doja të thoja që je super goc dhe meriton të gjesh më mirë”.

Përgjigja e Stelinës ka qenë e qartë dhe konfirmuese: “E kam parë. Faleminderit”.

Françeska e ka shoqëruar këtë “demaskim” me një shkrim thumbues, duke nënkuptuar se Stelina po aktron brenda shtëpisë: “Loja të bëjnë me njëri tjetrin, po jo me ne”.

Lokali “O gyros tou asyrmatou”, ku në orët e para të mëngjesit të sotëm u plagosën babë e bir shqiptarë, me mbiemër Sinovarfaj, rezulton pjesë e dosjes së së një operacioni ku në dhjetor 2024 u arrestuan 24 persona, mes të cilëve 14 shqiptarë, si pjesë e disa grupeve kriminale të përfshira në trafikun ndërkombëtar të drogës, por edhe në ngjarje të rënda kriminale.

Konkretisht, lokali “O Gyros tou Asirmatou”, ku u plagos 39-vjecari Negri Sinovarfaj dhe babai i tij 70-vjeçar, sipas dosjes së atëhershme, rezulton se pronar të “padukshëm” ka pasur 34-vjeçarin nga Vlora, Andon Salati. Zyrtarisht lokali i llojit “Steakhouse”, sipas dosjes, rezulton në pronësi të shoqërisë “K SALATI N SINOVARFAJ O. E”.

Andon Salati, 32 vjeç, lindur në Vlorë e banues në Nea Smyrni të Athinës, sipas dosjes së operacionit në dhjetor 2024, konsiderohet një nga krerët e një prej grupeve kriminal në bashkëpunim me Denis Grabockën. Salati, i cili njihet me pseudonimet “Sal”, “Salah” dhe “Toni”, rezulton përdorues i “Sky ECC” por edhe “Encrochat”.

Pjesë e grupit të Andon Salati ishte edhe Aleksandër Sadikaj nga Memaliaj, i ekzekutuar në Tiranë në vitin 2022 pas shpërthimit të eksplozivit në makinë.

Grupi i tyre rezulton i përfshirë në trafikun e marijuanës dhe kokainës nga Spanja dhe Shqipëria për në Greqi. Salati në shkurt 2016 rezulton të jetë ndaluar nga policia shqiptare në pikën kufitare të Kakavijës mes 148 mijë euro cash, të cilat po tentonte t’i fuste në Shqipëri, por për këtë është ndjekur në gjendje të lirë.

Nga viti 2018 deri në vitin 2020, ai ka qenë i burgosur në Koridhalo si kreu i një grupi kriminal që shiste lëndë narkotike në Athinë dhe në Mykonos. Pavarësisht kësaj, ai vazhdonte kontrollin e trafikut dhe shpërndarjes së drogës nga burgu, përmes platformave të kriptuara.

Në mesazhet e shkëmbyera nga Andon Salati, gjatë kohës që ishte i burgosur, me Fotio Mplantoumi-Sioho, i burgosur gjithashtu në burgjet franceze, ai përshkruan situatën brenda burgut dhe në veçanti për komoditetet që ka si celulari, televizori inteligjent, router për internet.

Ai i referohet marrëdhënieve të mira që ka me punonjësit e burgut, se me ndihmën e gardianëve vendos celularët në qendrën e paraburgimit, njeh një kryegardian dhe një gardian që kur punonin në Mykonos dhe se disa mbrëmje gjatë turnit të tij, gardiani përdor kokainë. Ai tregon se gjendja në burg ishte më e mirë para 2 vitesh, pasi atëherë të burgosurit pinin pije deri në orët e vona të natës dhe disa kishin edhe shoqërinë e femrave , të cilat i fuste një “kryegardian”.

Andon Salati dhe Denis Grabocka rezultojnë pronarë të fshehtë të një kompanie që jep makina me qera në Athinë, me pronarë të regjistruar familjarë të tyre. Konkretisht kompania “CARENT” ka në pronësi 50 automjete dhe 18 motorë, disa prej të cilave janë përdorur nga anëtarë të organizatës ose janë sekuestruar në ngjarje të ndryshme.

Kompania u jepte me qira automjete anëtarëve të organizatës, me qëllim që ata të lëviznin nën hijen e një mbulesë ligjore, duke shmangur identifikimin nga autoritetet e drejtuesve të vërtetë (madje ka pasur raportime për marrjen me qira të automjeteve nga kompania me dokument fals identifikimi, pa mundur të konstatohet nëse ka ndodhur një gjë e tillë) dhe për të shmangur konfiskimin e mundshëm të automjeteve private të transportuesve të drogës, pasi automjetet me qira të sekuestruara për transport droge i kalojnë kompanisë përkatëse.

Kompania “CARENT” ka lidhje me kompaninë “I GO RENTAL” e cila është krijuar në vitin 2017 në Mykonos, kur atëherë ishte aktiv Andon Salati, para arrestimit të tij në vitin 2018

Një konflikt familjar ka dalë në dritë mes këngëtares së njohur kosovare dhe kandidates fituese për deputete nga Lëvizja Vetëvendosje, Edona Llalloshi dhe ish-bashkëshortit të saj, Gazmond Haxhifejzullahut.

Ky i fundit ka bërë deklarata të forta duke ngritur akuza të rënda ndaj ish-partneres së tij, duke pretenduar se ajo po shkel vendimet e gjykatës dhe po përdor fëmijët si mjet presioni dhe hakmarrjeje pas kërkesës së tij për ndarjen e pasurisë së përbashkët.

Sipas tij, prej më shumë se tetë muajsh nuk ka pasur asnjë kontakt me fëmijët e tij, një situatë që e përshkruan si dramatike dhe jashtëzakonisht të dhimbshme.

“Jam i përjashtuar plotësisht nga jeta e fëmijëve të mi. Nuk më lejohet as t’i shoh, pavarësisht vendimeve të gjykatës”, është shprehur ai.

Haxhifejzullahu pretendon se gjithçka filloi të përkeqësohej në momentin kur Edona Llalloshi, sipas tij “e ndikuar nga motra, filloi t’i besonte këshillave të një fallxhoreje”. “Këtu nisi shkatërrimi i familjes. Vendimet nuk merren më në bazë të arsyes, por të parashikimeve”, ka deklaruar ai.

Paralelisht, ai thotë se kërkesa e tij për ndarjen e pasurisë së përbashkët ka qenë një tjetër shkak i rëndësishëm që ka thelluar konfliktin dhe ka sjellë, sipas tij, përjashtimin nga jeta e fëmijëve.

Këngëtari i njohur, Marsel Selita, po kalon një nga momentet më të vështira të jetës së tij. Ai ka humbur motrën në moshë të re, një lajm i trishtë që e ka ndarë me ndjekësit përmes një njoftimi në rrjetet sociale.

Me disa fjalë prekëse, Marseli ka shprehur dhimbjen për humbjen e parakohshme të motres, shkruan “Kosovarja”.

Marsel Selita është një nga emrat e njohur të muzikës live në Shqipëri, i vlerësuar për interpretimin skenë. Gjatë karrierës së tij, ai ka pasur bashkëpunime të suksesshme me artistë të njohur të muzikës shqiptare, mes tyre Aurela Gaçe dhe i ndjeri Dr. Flori, projekte që janë pritur shumë mirë nga publiku.

Në këto momente të vështira, bota e artit dhe publiku i gjerë i shprehin ngushëllimet më të sinqerta këngëtarit dhe familjes së tij, duke iu qëndruar pranë në dhimbjen për këtë humbje të madhe.

Blerina Basha, 33-vjeçarja e cila akuzohet nga ish-vjehrra e saj se ka braktisur tre fëmijët e saj e mitur, ka mohuar akuzat e ish-familjares.

Sa përket fotos në Dubai, e reja mohoi se është foto e vërtetë, teksa tha se është e gjeneruar nga aplikacione të ndryshme.

“Janë foto të montuara. Janë të bëra nga aplikacionet, mund të montohen”, deklaroi Basha.

Po ashtu, Blerina Basha tha se këto ka qenë në Itali, pasi është martuar me një person për t’i dhënë mbiemrin në këmbim të parave, pasi i duheshin për të kuruar djalin.

“Unë shkëputesha herë pas here dhe ikja nga Italia në Shqipëri, pasi kisha një çështje gjyqësore të hapur këtu. Kisha bërë një martesë për letra, që personi të merrte mbiemrin tim, në këmbim të lekëve, për të kuruar djalin, dhe për t’i bërë rezonancën.”, tha ajo.

Një numër klientësh të Bankës Kombëtare Tregtare janë përballur me një surprizë të pakëndshme, teksa kartat e tyre janë zbrazur në mënyrë të mistershme.

Kapitali identifikoi një sërë rastesh ku kartat rezultojnë të jenë përdorura në shtete të ndryshme.

Në një rast, karta e një qytetari rezultonte të ishte përdorur në Bullgari duke bërë blerje për një shumë të konsiderueshme me mijëra euro. Në një tjetër rast, paratë ishin marrë në Itali, e kështu me radhë. Pas këtyre informacioneve, Kapitali iu drejtua BKT-së zyrtarisht për të mësuar se çfarë ka ndodhur.

Banka pranoi se kartat janë klonuar nga një automat në Tiranë, ku autorët e vjedhjes kishin instaluar një kamera. BKT-së thotë se ky fenomen ka zgjatur vetëm një orë dhe pastaj thyerja e sigurisë është diktuar nga stafi i saj, ndaj sipas Bankës numri i kartave është që janë klonuar është i vogël. Ndërkohë BKT bën të ditur gjithashtu se qytetarët që kanë rënë pre e vjedhjes do të rimbursohen plotësisht.

Kapitali nuk arriti të provojë përmasat e fenomenin në mënyrë të pavarur. Por fakti që arriti të identifikojë disa raste brenda një kohë të shkurtër tregon se fenomeni mund të jetë më i madh nga sa pranon vetë banka.

Gjithsesi përtej përmasave, thyerja e sigurisë në bankën më të madhe të vendit përbën një shqetësim, i cili ngre edhe një herë nevojën për investime masive në sigurinë kibernetike nga sektori bankar, veçanërisht në epokën e dixhitalizimit.

Prime-n e së shtunës, Stine vendosi që të linte përfundimisht shtëpinë e “Big Brother VIP 5”. Që në nisje të spektaklit, këngëtari u shpreh se nuk ka më asnjë arsye që të qëndrojë në garë dhe se ka vendosur të largohet.

Ditën e sotme një tjetër banore u shpreh se mund të lërë garën përfundimisht nesër. Është fjala për Brikenën, e cila gjatë një bisede me Ilirin u përlot.

Kur Iliri i tha se nuk është në nominim, Brikena tha se mund të dalë vetë. Banori i bëri shumë komplimente asaj dhe i dha shumë arsye se pse nuk duhet të lërë shtëpinë më të famshme në Shqipëri.

Pjesë nga biseda:

Iliri: Nëse nuk do ishe e preferuar, nëse do ishe në nominim, po ty të do publiku

Brikena: Nuk e di

Iliri: Një paradë do ti, një të shkundësh këtu dhe aty, kaq, je Miss Kosova, kaq kanë për ëndërr. Rrinë e ndjekin është apo jo Briki. Ti i ke mendtë? Po për Zotin. E marr trurin e hedh jashtë, e kur ngrihesh ti që je në kanalin 1 dhe ikën, thonë ata o mos iku. Rrinë e shohin Big-un vetëm se je ti

Brikena: Jo, ça me më parë mua

Brikena: Jo

Iliri: Po më beso, je e preferuara e publikut.