Author: admin

Dashi

Asgjë e veçante për te dashuruarit gjate kësaj dite. Rutina do e pushtoje lidhjen e tyre dhe nuk pritet asgjë e jashtëzakonshme. Beqaret nga ana tjetër do bëjnë për vete shume persona. E ardhmja e tyre do jete shume me ndryshe se me pare. Sektori i te ardhurave do përballet me surpriza te këqija. Asgjë nuk do ece si ju e kishit mendua, prandaj duhen marre masa strikte.

Demi

Dite e këndshme edhe pse jo e mbushur me surpriza te njëpasnjëshme kjo e sotmja për te dashuruarit. Do jeni me realiste se kurrë me pare. Beqaret do bien ne dashuri me një person qe nuk ia vlen për asgjë. Me vone do i vuajnë pasojat. Financat fatmirësisht do jene gjithë kohës te ekuilibruara nuk do ketë probleme apo vështirësi te mëdha.

Binjaket

Asgjë katastrofike nuk do ndodhe sot ne jetën tuaj ne çift, megjithatë duhet thënë se debatet dhe mosmarrëveshjet do ekzistojnë. Te dy do jeni tolerante dhe do zgjidhni gjithçka me qetësi. Beqaret me mire t’ia lënë kohës gjithçka dhe te mos kërkojnë me ngulm te fillojnë një lidhje. Ne planin financiar do futeni ne një periudhe te privilegjuar dhe me fat.

Gaforrja

Te dashuruarit nuk duhet te nxitohen për asgjë, por duhet te bëjnë mire ti marrin gjerat sa me shtruar qe te mundin. Ne këtë mënyrë nuk do kenë as vështirësi. Beqaret do joshin persona te shumte gjate kësaj dite dhe njërin do arrijnë ta bëjnë për vete. Ai ne fakt do iu përshtatet si ne paraqitje ashtu edhe ne karakter. Financiarisht do keni fat dhe do ndiheni për mrekulli.

Luani

Do i jepni me shume rëndësi se kurrë sot jetës suaj ne çift dhe do mundoheni ta mbani atë gjate gjithë kohës te stabilizuar. Yjet do i keni ne anën tuaj. Beqaret do jene te arsyeshëm dhe nuk do pranojnë çdo lloj takimi. Ne këtë mënyrë ata do shmangin lëndimet. Ne planin financiar tregohuni te arsyeshëm me shpenzimet dhe me te organizuar me te ardhurat.

Virgjeresha

Tensioni ne çift do filloje te ulet gjate kësaj dite. Do jeni me realiste dhe do dini te kërkoni falje për gabimet qe keni bere. Beqaret nuk do e mbajnë mendjen tek krijimi i një lidhjeje, por një person shume interesant do i magjepse sapo t’ua hedhe sytë. Financat do vazhdojnë te jene delikate edhe pse ju do mundoheni te jeni disi me te organizuar.

Peshorja

Do jeni shume xheloze sot për partnerin tuaj gjate kësaj dite dhe nuk do e lini atë te marre fryme lirisht. Kujdes sepse kjo mund te jete mbytëse dhe mund ta beje qe te largohet prej jush. Beqaret do kenë një dite normale dhe pa asnjë te veçante. Merrini gjerat si t’u vijnë. Financat duhet t’i menaxhoni me shume kujdes nëse nuk doni te keni probleme.

Akrepi

Kjo dite do jete e vështirë për te dashuruarit. Nuk do merreni vesh aspak me personin qe keni ne krah dhe debatet do jene te forta. Beqaret do jene te pavendosur dhe nuk do përfitojnë aspak nga ftesat qe do iu bëhen. Për ta ka gjera te tjera me te rëndësishme. Me financat fatmirësisht nuk do keni probleme te mëdha. Vazhdoni te shpenzoni me mençuri.

Shigjetari

Jeni ne një lidhje? Sot nuk do e lini për asnjë çast vetëm partnerin tuaj dhe marrëdhënia ne çift do jete e mrekullueshme. te dy do jepni shume nga vetja qe atmosfera te mbetet e ngrohte. Beqaret do jene joshës, por mendjemadhësia do i beje te tjerët qe te stepen për t’i bere për vete. Ne planin financiar do iu duhet te merrni hua për t’ia dale mbanë.

Bricjapi

Jeta ne çift do influencohet pozitivisht nga yjet. Do e dashuroni ne mënyrë pasionante atë qe keni ne krah dhe mjedisi do behet me emocionues se kurrë. Beqaret vetëm sa do koleksionojnë flirte. Asgjë me shume sesa kaq nuk ka për te ndodhur. Yjet nuk do jene te favorshme për te ardhurat. Kujdes me çdo lloj hapi qe do hidhni.

Ujori

Do jeni shume te qete gjate kësaj dite dhe do e dashuroni partnerin sipas mënyrës suaj. Ai do ndihet mire dhe do ja kaloni për mrekulli. Beqaret do jene te favorizuar ne sektorin e dashurisë. Takimet qe do realizojnë do jene mbresëlënëse. Shpenzimet e konsiderueshme dhe te pamenduara mund t’ua vështirësojnë situatën financiare. Kujdes!

Peshqit

Dite mjaft premtuese dhe emocionuese kjo e sotmja për te dashuruarit. Do ndiheni mjaft mire pranë partnerit tuaj dhe çdo gjë do ece për mrekulli. Pritet edhe ndonjë darke romantike. Beqaret duhet te presin edhe pak kohe për dashurinë e madhe. Sot do ketë vetëm flirte. Financat do ekuilibrohen dalëngadalë, por duhet te tregoheni te kujdesshëm me shpenzimet.

Ka dalë në publik një audio e Decarlos Brown, të dyshuarit për vrasjen me thikë të 23-vjeçares ukrainase Iryna Zarutska në një tren në Charlotte. Audioja u regjistrua pak ditë pas arrestimit të tij dhe tregon Brown duke folur me motrën e tij, Tracey Brown.

Në bisedë, Brown pranon se i ka lënduar dorën gjatë sulmit dhe thotë se nuk e njihte Zarutskën. Ai shton se nuk kishte folur kurrë me të dhe pyet vetë: “Pse dikush do të therë dikë pa arsye?”

Brown pretendon gjithashtu se qeveria i kishte implantuar “materiale” në tru që po kontrollonin veprimet e tij, dhe insistoi se hetuesit duhet të shqyrtojnë këto “materiale” për të kuptuar pse ndodhi sulmi.

Motra e tij e pyeti pse e kishte sulmuar Zarutskën, duke e quajtur ngjarjen të pakuptimtë dhe të dhimbshme, veçanërisht për shkak të historisë së saj. Brown i tha se “materialet” ishin përgjegjëse për veprimet e tij dhe se hetimi duhet të zbulojë motivin.

Ndërkohë për ngjarjen ka reaguar edhe presidenti Donald Trump, i cili kërkon dënimin me vdekje për autorin e masakrës. Zarutska ishte refugjate nga Ukraina, e cila kishte ikur nga lufta në vitin 2022 për të gjetur siguri në Shtetet e Bashkuara. Ajo u sulmua në mënyrë të rastësishme ndërsa ishte ende e veshur me uniformën e picerisë ku punonte, dhe sulmi u kap nga kamerat e trenit.

Autoritetet federale kanë ngritur akuza ndaj Brown për një vepër që shkakton vdekje në një sistem transporti masiv, ndërsa gjykata e shtetit e akuzon për vrasje në shkallë të parë.

Familja e Zarutskës tha se ajo ishte një artiste e pasionuar, e diplomuar në art dhe restaurim në Kiev, dhe u kujtua për kreativitetin, dashurinë për kafshët dhe dëshirën për të mësuar.

Një ngjarje tronditëse ka ndodhur në Hollywood Hills, Los Angeles, ku policia ka gjetur një trup të copëtuar dhe të dekompozuar

në bagazhin e përparmë të një makine Tesla që i përket këngëtarit të njohur D4vd (David Anthony Burke), autor i hitit botëror “Romantic Homicide”.

Automjeti ishte i braktisur dhe u pikas nga fqinjët për shkak të një ere të rëndë dhe të padurueshme që vinte nga makina. Pas ndërhyrjes së LAPD, brenda u gjet trupi, i cili ishte i mbështjellë dhe i copëtuar në mënyrë makabre.

Policia ka konfirmuar se kjo është një çështje hetimore për vdekje të dyshimtë dhe nuk ka dhënë ende detaje për identitetin e viktimës.

Ndërkohë, D4vd përmes menaxhmentit të tij ka deklaruar se po bashkëpunon plotësisht me autoritetet, por do të vazhdojë edhe turneun botëror të planifikuar, gjë që ka ngritur shumë diskutime dhe kritika në rrjetet sociale.

Hetuesit po presin rezultatet e autopsisë dhe analizave toksikologjike për të përcaktuar shkakun e vdekjes dhe rrethanat e sakta. Media amerikane shkruan se rasti ka ngjallur panik, duke qenë se D4vd është vetëm 19 vjeç dhe një nga emrat më të rinj në rritje të skenës muzikore.

E ftuar në “Live From Tirana” në Top Albania Radio ka qenë gazetarja e njohur Anduena Llabani, e cila bëri bujë me deklaratën e saj ku tha se kishte konsumuar një drekë me peshk dhe verë në burg me një të dënuar.

Si qëndron e vërteta pas kësaj deklarate dhe kush ishte ky i burgosur?

Meqë jemi tek e vërteta, ka kolege të miat që shkojnë e bëjnë takime në burg, nuk po flas për çështje që kanë raporte me të burgosur, por raporte pune.

Shkojnë aty për të marrë informacione dhe për t’i thënë nëpër studio. Këtu po flasim për njerëz me banda, jo për njerëz të politikës.

I shohim këto njerëz pjesë të studiove televizive?

I shohim shumë shpesh. Madje kanë gjithë kohën televizive. Nuk i them emrat… Por ta them me përgjegjësi të plotë, pas 27 viteve karrierë, mbas shumë punësh të kaluara mbi shpatulla, pas shumë sakrificash, madje kam riskuar dhe jetën, por askush nuk flet për këtë.

Një ngjarje e rëndë është mësuar sot në Itali, ku u bë e ditur se është ndarë nga jeta një personazh shumë i njohur i televizionit dhe sportit, Pol Bakaljini, në moshën 41-vjeçare.

Dyshimet e para janë se Bakaljini i ka dhënë fund jetës në banesën e tij, ku e kishte gjetur partnerja. Megjithatë, vazhdojnë hetimet për të shmangur çdo dyshim rreth rrethanave për ndarjen nga jeta të personazhit i cili ka bërë emër në mënyra të ndryshme në Itali.

Ai kishte qenë basketbollist, para se të kthehej në një gazetar investigativ në emisionin “Le Iene”, ku kishte rënë në sy sidomos për intervistat direkte me politikanë në vend. Më pas, Bakaljni kishte kaluar në financë, duke hapur fonde investimi dhe në vitin 2017, kishte arritur një akord për të blerë klubin e Palermos.

Ai u shpall edhe president i klubit pas arritjes së marrëveshjes me Mauricio Zamparinin për shitjen. Por në fund asgjë nuk u bë realitet, pasi Zamparini bëri të ditur disa muaj më vonë se nuk kishte marrë garancitë e duhura financiare prej tij, me Bakaljinin i cili kishte dhënë “dorëheqjen” dhe kishte vazhduar të merrej me aktivitetet financiare të këtyre fondeve të investimit.

Presidenti amerikan, Donald Trump ka reaguar në lidhje me rrëzimin e dronëve rusë në Poloni.

“Çfarë po ndodh me Rusinë që shkel hapësirën ajrore të Polonisë me dronë? Ja ku jemi!”, shkroi ai në Truth Social.

Mesazhi i presidentit amerikan është i paqartë, megjithëse ai mund të zgjedhë të japë më shumë detaje në vijim, sipas Sky News.

Polonia tha se rrëzoi tre apo katër dronë rusë që shkelën hapësirën ajrore të saj.

Sipas Varshavës, 19 dronë të Rusisë hynë në hapësirën e saj ajrore më 10 shtator.

Pas fitores 1-0 me Letoninë, Kombëtarja shqiptare do të luajë ndeshjen e radhës në Beograd përballë Serbisë më 11 tetor në kuadër të kualifikueseve të Botërorit 2026.

Kur kanë mbetur edhe një muaj nga ndeshja ku do të vendoset fati i Shqipërisë për t’u kualifikuar në Botëror, deputeti i PS-së, Erion Braçe ka ngritur alarmin.

Duke u bazuar te tifozët që ishin të pranishëm në sfidën e mbrëmshme në Beograd, mes Serbisë dhe Anglisë, Braçe thekson se jeta e futbollistëve tanë mund të jetë në rrezik.

Ai i bën thirrje FIFA-s që të marrë masa për këtë situatë, për të mos u lejuar hyrjen në stadium eksponentëve të krimit apo personave që shfaqin rrezikshmëri.

Postimi i Erion Braçes:

Tre analistë të kontaktuar nga BBC-ja kanë identifikuar imazhe të një droni kryesisht të paprekur në një fushë afër fshatit lindor polak Czosnówka, si një Gerbera, një mjet ajror pa pilot (UAV) shumëfunksional dhe i përdorur gjerësisht nga Rusia, si karrem për të shpërqendruar sistemet e mbrojtjes ajrore gjatë sulmeve në shkallë të gjerë ndaj Ukrainës.

Zyrtarët polakë kanë thënë mëngjesin e së mërkurës se 19 dronë rusë kanë hyrë në hapësirën ajrore të vendit gjatë natës.

Justin Crump, shef ekzekutiv i kompanisë Sibylline, ka thënë se Gerbera është “një mënyrë e lirë për të rritur aftësinë e dronëve të tjerë”.

Ai ka thënë se Moska zakonisht e përdor atë në lidhje me dronët Shahed/Geran-2 kur nis sulme ndaj trupave dhe qyteteve ukrainase.

Ndërkohë, Justin Bronk – një analist i Institutit Mbretëror të Shërbimeve të Bashkuara (Rusi) i ka thënë BBC-së se dronët kanë mbetur kryesisht të paprekur pasi ka të ngjarë t’u mbarojë karbu

Të dy analistët thonë se shkalla e inkursionit lë të kuptohet se me siguri bëhet fjalë për një akt të qëllimshëm nga ana e Rusisë.

Pas djegies së selisë qeveritare dhe shtëpive të politikanëve, protestuesit në Nepal kanë kapur dhe dhunuar ministrat e qeverisë duke i detyruar të ecin në lumë të zhveshur lakuriq.

Në videon që është bërë virale në rrjetet sociale, shihet ministri i Financave që ecën në lumë dhe pas tij një protestues e qëllon me kamzhik dhe turma nga larg brohoret me gëzim për dhunën që ushtrohet ndaj tij.

Kryeqyteti i Nepalit u përfshi nga trazira të dhunshme, pasi protestuesit sfiduan shtetrrethimin dhe morën rrugët e qytetit.

Turmat dogjën Parlamentin, Gjykatën e Lartë dhe godina të tjera qeveritare, duke shënuar një nga ditët më të errëta të vendit në dekada.

Autoritetet konfirmojnë të paktën 22 viktima dhe qindra të plagosur, ndërsa policia përdori armë zjarri, ujë me presion dhe gaz lotsjellës për të shpërndarë protestuesit. Ushtria është dërguar në Kathmandu për të rikthyer rendin.

Revolta nisi pas bllokimit të rrjeteve sociale, por u shty nga zemërimi ndaj korrupsionit dhe mungesës së mundësive ekonomike. Protestat e udhëhequra nga brezi Gen Z konsiderohen si shpërthimi më i madh i dhunës politike në vend që nga shpallja e republikës në vitin 2008.

Ai shtoi se mesazhet e SHBA janë të qarta dhe kronologjike, duke adresuar drejtpërdrejt qeverinë shqiptare dhe lidhjet e saj korruptive me trafikun e drogës.

“Lidhjet korruptive për të favorizuar trafikun e drogës janë të lidhura direkt me pushtetin e sotëm dhe zyrtarët e lartë të qeverisë”, tha Saraçi, duke nënvizuar gjithashtu implikimin e shtetit në pastrimin e parave dhe favorizimin e grupeve kriminale.

Duke komentuar fjalën e të ngarkuares së SHBA me punë në Shqipëri, gazetari Romis Saraçi, thotë në një emision televiziv, se deklarata e saj përbën një mesazh të drejtpërdrejtë kundër kryeministrit Edi Rama. Saraçi tha se SHBA sot i ka shpallur luftë Ramës, jo vetëm kartelëve të drogës.

Lufta e Shteteve të Bashkuara të Amerikës kundër trafikut të drogës ka qenë permanente, por, siç theksoi Saraçi, “në nivelet aktuale, është një aksion kombëtar që godet qeverinë shqiptare dhe eksponentë të lartë të saj, të cilët deri tani janë amnistuar për përfshirjen e tyre në aktivitete kriminale”.

Mesazhi i SHBA, sipas tij, ishte i drejtpërdrejtë: “Kur flitet për grupet shqiptare kriminale, ky është një paralajmërim i qartë për Ramën dhe ekzekutivin e tij”.

Një nga pikat kyçe të shqetësimit të SHBA është SPAK. Saraçi theksoi se SHBA kërkojnë garanci totale për zgjedhjen e kreut të ri të SPAK dhe që procesi të mos ndikojë nga interesat e brendshme të qeverisë. Ai gjithashtu denoncoi rastin e Olsi Ramës si shembull flagrant të mungesës së hetimit të kryeministrit dhe njerëzve të afërt me të.

Saraçi paralajmëroi se në ditët në vazhdim pritet një valë zhvillimesh të rëndësishme në drejtësi, me goditje të forta ndaj organizatave kriminale që lidhen me pushtetin dhe personave të fuqishëm në qeveri.

Saraçi:

SHBA sot i ka shpallur luftë Edi Ramës, jo kartelëve të drogës.

Lufta e Shteteve të Bashkuara të Amerikës karshi kartelëve të drogës ka qene permanente, jo në këto nivele, se sot është një aksion kombëtar i tyre, por aktivitete të tilla për luftë kundra drogës ka pasur.
Ajo çka nuk është, është goditur ka qenë përfshirja e shtetit shqiptar, e qeverisë shqiptare, e eksponentëve të lartë në gofitje dhe gjithmonë janë amnistuar.

E them që i shpalli luftë Edi Ramës sepse edhe mesazhet, po ti lexosh, janë në mënyrë kronologjike, janë të renditura, që adresojnë drejtë për drejtë të qeveria shqiptare.

Për çfarë u fol, u fol për lidhjet korruptive, lidhjet korruptive për të favorizuar trafikun e drogës janë me pushtetin e sotëm, me zyrtarë të lartë, me qeveritarë.

Flitet dy, për pastrimin e parave, pastrimi i parave lidhet po prapë me favorët që u bën shteti shqiptar për të pastruar paratë.

Mesazhi ishte drejtëpërdrejtë, nëqoftëse e dërguara me punë e SHBA, flet për grupet shqiptare kriminale në fjalën e saj, se kur adresohet, kur flet që ne nuk bashkëpunojmë me qeveri, është e drejtëpërdrejtë, drejtuar qeverisë shqiptare, por duhet të kuptojmë edhe statusin e një diplomateje, se në momentin që do t’i shpallë luftë të drejtëpërdrejtë qeverisë shqiptare, atëherë ka marrë fund marrëdhënia dypalëshe.

Pika e radhës ishte fokusi i vendosur tek SPAK i cili është institucioni sot i drejtëpërdrejtë që ka kontaktet e drejtëpërdrejta me SHBA me DEA-n, për luftën kundër drogës.

Çfarë kërkuan? Kërkuan garanci totale në procesin e zgjedhjes së kreut të ri të SPAK. Nga njëra anë kemi Dumanin që kohët e fundit artikulon zgjatjen e afatit dhe sot kemi mesazhin e drejtëpërdrejtë të SHBA që Altin Dumanit i ka përfunduar afati dhe në zgjedhjen e kreut të ri të SPAK duhet të garantohet transparenca dhe të mos jetë i ndikueshëm nga jashtë.

Të gjitha mesazhet kanë qene të adresuara drejtëpërdrejtë për shtetin shqiptar, pra qeverinë shqiptare.
Që SPAK ka lidhur dhe është mbështetur gjatë gjithë kohës nga SHBA nuk ka pikë dyshimi sepse është investuar nga taksapaguesit amerikanë, por gjatë rrugës ka pasur devijacione, nuk është ndjekur linja fillestare e SHBA.

Ne kemi një rast flagrant nga ana e SPAK, kemi rastin e Olsi Ramës, çfarë bëri SPAK me hetimet për Olsi Ramën? Flasim për villain e kryeministrit, a u hetuan ndonjëherë këto deri në fund?

Plus si gazetar dua të them që në ditët në vazhdim ne kemi për të pasur zhvillime shumë të rëndësishme në drejtësi, dhe temat që po flasim.

Për goditjet e organizatave të forta kriminale të lidhura me pushtetin, edhe persona të pushtetshëm që janë në qeveri, ka për të pasur goditje të forta.