Author: admin

Kamarieri i dhunuar nga ish-shefi i Qarkullimit Rrugor të Vlorës, Ardian Isufi, në ambientet e një hoteli në zonën e Skelës ka dhënë dëshminë e tij pë mediat.

I riu, sapo kishte mbushur 18 vjeç, tregoi se konflikti nisi për një shishe uji, ndërsa ai thjesht po kryente detyrën.

“Erdhën dy zotërinj u ulën në tavolinë, porosinë e mori dikush tjetër dhe thjeshtë më thanë çfarë duhet të çoja, porosia ishte një shishe ujë e madhe një e vogël dhe një makiato.

Më tha hiqe ujin dhe i thash ok, vetëm mos sha e ofendo, sepse edhe ai tjetri pa dashje e ka bërë. Vijnë të dy burrat nga 40 vjeç e sipër më ndoqën deri në banak. I thash të lutem mos kap me dorë. Ishte edhe menaxheri.

Më goditi një herë me shpullë dhe dy herë me grushte.

Për një bidon ujë godet tjetri, në fytyrë dhe qafë. Më hodhi edhe syzet mirë që nuk mi theu. Sapo i kam mbushur 18-vjeç, tha ai.

Shënim: Disa imazhe gjenden nga interneti, që konsiderohen të jenë në domenin publik. Nëse dikush pretendon pronësinë, ne do të citojmë autorin, ose, sipas kërkesës, do të heqim menjëherë imazhin.

Lezhë, 27 Korrik 2025 – Një ngjarje e rëndë është zbuluar dhe dokumentuar nga Policia e Lezhës, ku një 55-vjeçar është arrestuar për ngacmim seksual ndaj vajzës së tij të mitur. Ngjarja ka ndodhur në lagjen “Gurra” të qytetit të Lezhës dhe është trajtuar me përparësi maksimale nga strukturat hetimore.

Specialistët e Seksionit për Hetimin e Krimeve në Komisariatin e Policisë Lezhë arrestuan në flagrancë shtetasin B. B., 55 vjeç, pas dyshimeve të forta se ka ushtruar ngacmim seksual në banesë ndaj vajzës së tij 14-vjeçare. Sipas burimeve të hetimit, dyshohet se ngacmimi ka ndodhur në mënyrë të përsëritur dhe se vajza ka rrëfyer përjetimet e saj pas ndërhyrjes së institucioneve mbrojtëse dhe psikologut të specializuar.

Policia ka ndërhyrë menjëherë pas marrjes së kallëzimit dhe ka shoqëruar të dyshuarin në ambientet e komisariatit. Vajza është vendosur nën kujdesin e strukturave të mbrojtjes së fëmijëve dhe është duke marrë trajtim të specializuar psiko-social, me mbështetjen e Qendrës për Mbrojtjen e të Miturve.

Veprimet e para hetimore, të kryera në bashkëpunim me Prokurorinë pranë Gjykatës së Shkallës së Parë të Juridiksionit të Përgjithshëm Lezhë, përfshijnë marrjen e deklarimeve, ekzaminimet mjeko-ligjore dhe hetimin e ambienteve të banesës për prova të mundshme.

Ndaj shtetasit B. B. rëndon akuza për veprën penale “Ngacmim seksual ndaj të miturës”, e parashikuar nga neni 108/b i Kodit Penal, dhe Prokuroria ka nisur ndjekjen penale me kërkesën për masë sigurie “arrest me burg”.

Shënim: Disa imazhe gjenden nga interneti, që konsiderohen të jenë në domenin publik. Nëse dikush pretendon pronësinë, ne do të citojmë autorin, ose, sipas kërkesës, do të heqim menjëherë imazhin.

Kamarieri që mori porosinë e nënkomisarit Ardian Isufi dhe personit tjetër Leart Bimo ka rrëfyer detaje nga ngjarja e rëndë e ndodhur një ditë më parë në Vlorë.

Ai u shpreh se nuk e kishte ngatërruar porosinë, siç ata pretendonin.

Nënkomisari u pezullua nga detyra pas ngjarjes së paprecedentë të ndodhur në Vlorë.

Kamarieri tjetër: Arsyeja pse ndodhi ky konflikt ishte sepse unë shkova të merrja porosinë edhe më thanë do më sjellësh një ujë të vogël, një ujë të madh edhe një kafe. Ngaqë kishim shumë ngarkesë nga restoranti erdhi djali tjetër, edhe i tha ky nuk të thash për ujin e vogël, por vetëm për ujin e madh, nuk kam faj unë që është ai rrotë k***, edhe më shau mua pastaj. Djali i tha ta heq unë ujin e vogël, s’është nevoja të na ofendosh, ata shkuan e qëlluan me shpulla, donin të më qëllonin edhe mua./ Top channel

Një tjetër humbje jete në Sarandë që dyshohet se vjen për shkake natyrale.

Mosha e re e të ndjerit ka vënë në pikëpyetje specialistët e hetimeve, pasi 20 vjeçari nuk ka shenja dhune.

Specialistët për Hetimin e Krimeve në Komisariatin e Policisë Sarandë referuan materiale për vlerësim, pasi më datë 26.07.2025, në lagjen nr. 1, Sarandë, në banesën ku qëndronte gjatë pushimeve, është gjetur pa shenja jete nga familjarët, shtetasi O. J., 20 vjeç, banues në Maqedoni.

Nga këqyrja paraprake nuk janë konstatuar shenja dhune, dyshohet se 20 vjeçari ka ndërruar jetë për shkaqe natyrale.

Sot, më 24 korrik 2025, dollari amerikan blihet me 82.5 lekë dhe shitet me 83.7 lekë.

Euro blihet me 97 lekë dhe shitet 97.8 lekë.

Franga zvicerane këmbehet në blerje me 103.7 lekë, ndërsa në shitje me 104.8 lekë.

Paundi britanik blihet me 111.5 lekë dhe shitet me 112.9 lekë.

Dollari kanadez sot në blerje këmbehet me 60.6 lekë, ndërsa në shitje me 62 lekë.

Meteorologia e A2 CNN, Tanja Porja, ka paralajmëruar se ditët e premte dhe e shtunë do të shënojnë temperatura të larta, që mund të arrijnë deri në 43-44 gradë Celsius, duke qenë kështu ditët më të nxehta të verës 2025.

Sipas saj, edhe dita e enjte dhe dita e premte në Shqipëri do të regjistrojnë temperatura të larta, ndërsa vendet fqinje, si qendra e Italisë dhe zonat jugore, do të përjetojnë temperatura edhe më të larta.

Megjithatë, ndryshimi i madh i motit pritet të nisë që nga dita e diel, kur termometri do të zbresë me rreth 5 gradë Celsius. Në veri dhe në zonat malore do të ketë rrebeshe afatshkurtra shiu, ndërsa të hënën temperaturat do të ulen edhe më tej, por nuk priten më reshje shiu, shkruan A2 CNN.

Ky ndryshim i papritur i motit vjen si një kthesë e fortë pas ditëve të nxehta dhe paralajmëron për një fundjavë me kontraste të forta klimatike, nga vapë e madhe në mot më të freskët dhe me reshje. (A2 Televizion)

Një avion rus me 49 persona në bord është rrëzuar pa asnjë të mbijetuar.

Avioni, i cili kishte 43 pasagjerë, përfshirë pesë fëmijë, dhe gjashtë anëtarë të ekuipazhit në bord, po fluturonte nga qyteti Blagoveshchensk në kufirin ruso-kinez drejt qytetit Tynda, tha guvernatori rajonal Vasily Orlov.

Agjencia e lajmeve TASS njoftoi se nuk pati të mbijetuar, duke shtuar një gabim gjatë uljes si arsye për rrëzimin në pjesën lindore të rajonit Amur.

Sekuestrohen pasuri të dyshuara të përfituara nga veprimtaritë kriminale.

Seksioni për Hetimin e Krimeve Ekonomike e Financiare në Drejtorinë Vendore të Policisë Durrës bëri ekzekutimin e vendimit penal të Gjykatës së Posaçme të Shkallës së Parë për Korrupsionin dhe Krimin e Organizuar, Tiranë, lënë në fuqi nga Gjykata e Apelit, për konfiskimin e pasurisë në përdorim të shtetasit L. K..

Këtij shtetasi iu sekuestruan 1050 m2 truall, si dhe një objekt njëkatësh me oborr dhe pishinë. Pasuria iu dorëzua Agjencisë për Administrimin e Pasurive të Sekuestruara dhe të Konfiskuara, në prezencë të familjarëve të shtetasit L. K..

Nga hetimet e deritanishme rezulton se shtetasi L. K. i ka përfituar këto pasuri nga veprimtaria kriminale e 2 djemve të tij, të cilat janë të dyshuar për veprat penale “Falsifikimi i letërnjoftimeve, i pasaportave ose i vizave” dhe “Falsifikimi i vulave, i stampave ose i formularëve”.

2 vëllezërit janë hetuar në kuadër të një procedimi penal të vitit 2017, të dyshuar për kryerjen e veprave penale “Vrasja”, në rrethana të cilësuara, kryer në bashkëpunim, dhe “Mbajtja pa leje dhe prodhimi i armëve, armëve shpërthyese dhe i municionit”.

Drejtoria Vendore e Policisë Fier/Si rezultat i hetimeve të shpejta dhe profesionale, zbardhet dinamika dhe autorësia e një krimi në familje.

Vrau babanë e saj, nëpërmjet strangulimit (mbytje me tel), dhe e kallëzoi në polici, rreth mesnatës, si ngjarje aksidentale, arrestohet 26-vjeçarja.

Shoqërohet nëna e saj, pasi dyshohet se ka bashkëpunuar për pastrimin e trupit të 56-vjeçarit të vrarë, me qëllim inskenimin e ngjarjes si aksidentale.

Si rezultat i hetimeve profesionale dhe të shpejta, të kryera nga specialistët e Seksionit për Hetimin e Krimeve të Rënda të Drejtorisë Vendore të Policisë Fier, në bashkëpunim me Prokurorinë e Fierit, pas kallëzimit të shtetases E. R., 26 vjeçe, rreth orës 23:00 të datës 23.07.2025, se babai i saj, shtetasi A. R., 56 vjeç, kishte humbur jetën aksidentalisht, në banesën e tyre, në fshatin Frashër, u finalizua operacioni “Inskenimi”.

Shërbimet e Policisë, gjatë deponimit të 26-vjeçares dhe gjatë veprimeve të para hetimore, kanë krijuar dyshim se humbja e jetës së 56-vjeçarit nuk ishte aksidentale dhe për këtë arsye kanë vijuar hetimet e thelluara.

Gjatë këtyre veprimeve të kryera në koordinim me Prokurorinë e Fierit, ka rezultuar se shtetasja E. R. ka vrarë babanë e saj, shtetasin A. R., për motive të dobëta, me mjet strangulues (mbytur me tel).

Më pas, 26-vjeçarja, dyshohet se në bashkëpunim me nënën e saj, njëkohësisht bashkëshorte e shtetasit A. R., shtetasen V. R., 53 vjeçe, kanë tentuar të pengojnë zbulimin e së vërtetës, duke pastruar trupin e 56-vjeçarit. Pas këtyre veprimeve, shtetasja E. R. ka njoftuar Policinë.

53-vjeçarja është aktualisht e shoqëruar në ambientet e Drejtorisë Vendore të Policisë Fier, ku po kryhen veprime të thelluara hetimore për të përcatuar shkallën e përgjegjësisë së saj në lidhje me këtë rast. Në përfundim të veprimeve hetimore do të ketë njoftim shtesë për përgjegjësinë penale të kësaj shtetaseje.

Gjithashtu, vijojnë hetimet, në drejtimin e Prokurorisë, me qëllim dokumentimin me prova ligjore të të gjitha rrethanave të këtij rasti.

Materialet procedurale iu referuan Prokurorisë së Fierit, për veprime të mëtejshme.

Një burrë 35-vjeçar vdiq në orët e para të pasdites, ndërsa ishte në makinën e tij me vajzën e tij trevjeçare, duke pritur gruan e tij, e cila po largohej nga puna në një hotel vendas.

Tragjedia ndodhi në Otranto në një ditë përvëluese: automjeti ishte parkuar në një zonë me diell dhe, sipas rindërtimeve, nxehtësia ekstreme mund të ketë shkaktuar një atak në zemër. Kur gruaja mbërriti, e gjeti burrin e saj pa ndjenja.

Përpjekjet për ta ringjallur atë nga 118 ndihmës të emergjencës ishin të pasuksesshme. Viktima ishte me origjinë nga Sierra Leone.

Karabinierët gjithashtu iu përgjigjën vendit të ngjarjes. Ky rast e çon numrin e vdekjeve të lidhura me nxehtësinë në Salento në gjashtë në vetëm dy ditë

Vdekja e burrit 35-vjeçar nga Sierra Leone është pjesë e një situate gjithnjë e më shqetësuese. Vetëm në 48 orët e fundit, pesë persona të tjerë kanë humbur jetën në Salento, me shumë mundësi për shkak të temperaturave ekstreme.

Të martën, dy turistë vdiqën ndërsa ishin në plazh: një burrë 81-vjeçar në Torre Inserraglio dhe një burrë 69-vjeçar në Torre dell’Orso, të dy duke vuajtur nga sëmundje të papritura. Të hënën, u raportuan tre vdekje: një burrë 79-vjeçar në Torre Lapillo, një burrë 66-vjeçar në Savelletri dhe një grua 19-vjeçare në Torre San Giovanni. Autoritetet po hetojnë nëse vdekjet lidhen drejtpërdrejt me nxehtësinë e madhe.