Author: admin

Një baba nga Saranda akuzon djalin e tij 15 vjeçar se ushtron dhunë fizike ndaj tij dhe gjyshes 85 vjeçare.

Madje këtë të fundit edhe e ka ngacmuar seksualisht. Babai shprehet se dhuna e djalit karshi tyre ka qenë e vazhdueshme, por me kalimin e kohës ai ka shtuar dozat e agrisivitetit. Sipas babit djali që i vogël ka pasur probleme të shëndetit mendor, por në adoleshencë është bërë më agresiv. Kjo si rezultat edhe të konsumimit të lëndëve narkotive dhe alkoolit. Kushtet ekonomike që jeton kjo familje janë të këqija dhe jetojnë me qira, por tashmë babai e ka të vështirë ta mbajë nën kontroll pasi djali thyen çdo gjë në shtëpi. ” Unë jam me qira dhe ai nuk po thyen shtëpinë time, por shtëpinë e dikujt tjetër” shprehet ai për Fiksin.

Djalin ia ka dhënë përsipër një vendim gjykatë pasi është divorcuar. Ish bashkëshortja ka mbajtur vajzën. Djali sipas tij nuk shkon mirë as me të ëmën e cila është ankuar se i ka vjedhur lekë. Por situata agravohet pasi pjesë e dhunës është edhe gjyshja 85 vjeçare dhe ajo që i kalon dhe caqet e saj. ” Jetoj me frikë ai ka dashur të kryej marrëdhënie seksuale me mua dhe më është zhveshur para syve.” tregon ajo me lot në sy. Pa anashkaluar dhe grushtat e shumta që merr në kokë, kur situata del jashtë kontrollit.

Djali edhe pse vetëm 15 vjeç del natën nga shtëpi dhe kthehet orar pa orar ose largohet me ditë të tëra. Nga një vëzhgim që Fiksi bëri në dhomën e tij pohohet qartë ato çfarë thanë i ati dhe gjyshja. Dhoma është rrëmujë , dollapi i shkatërruar dhe muzika që dëgjon flet për gankstera dhe drogë.

Pyetjes së Fiksit se a janë ankuar diku në lidhje me probematikën e tyre me djalin, babai dhe gjyshja thanë se i janë drejtuar disa herë komisariatit të policisë. Hera e fundit ka qënë kur kanë bërë denoncim për dhunimin e 85 vjeçares. Cështja ka shkuar në gjykatë ku kjo e fundit ka marrë vendimin që më e arsyetueshme është largimi i gjyshes nga shtëpia dërgimin e saj në fshat dhe ndjekja e djalit me një psikologe.

85- vjaçarja e kundërshton këtë vendim pasi nuk ka ku të shkojëse në fshat është vetëm një kasolle e rrënuar. Pikërisht për këtë gjë ata iu drejtuan Fiks fare për të bërë një apel. Ata kërkojnë që djali të dërgohet në një qendër rehabilitimi ose në një shkollë riedukimi që të fillojë edhe mjekimin që e ka lënë. Sëbashku me gazetarët e Fiksit i drejtohen komisariatit Sarandë për të bërë edhe një herë denooncim ndaj dhunës së ushtruar nga 15 vjeçari. Kjo me idenë se shteti do të reagojë dhe ta stabilizojë 15 vjeçarin në një qendër të përshtatshme për të.

Top Channel

Nëse ekziston një përkufizim i hijeshisë që sfidon kohën, atëherë motrat Gixhari e mishërojnë më së miri këtë ide.

Olta dhe Gerta, dy emra të njohur për publikun shqiptar, kanë bërë sërish bujë në rrjetet sociale me paraqitjen e tyre të fundit  dhe interneti ka marrë “flakë”.     

Me një elegancë të natyrshme dhe vetëbesim të admirueshëm, të dyja motrat kanë treguar se mosha nuk është asgjë tjetër veçse një numër.

Veshjet e përzgjedhura me stil dhe linjat trupore të tonifikuara, kanë tërhequr qindra komente pozitive nga ndjekësit e tyre besnikë.

Rama braktis festën e PS, ‘hedh vallen’ me demokratët amerikanë…

Teksa socialistët sot do të duhej të festonin themelimin e partisë së tyre, ai që ata votuan masivisht më 11 maj i braktisi për një tjetër event, dasmën e Alex Sorosit.

Ashtu siç “Pamfleti” e lajmëroi i pari, Rama sot mori avionin për t’u nisur drejt SHBA, jo për vizitë zyrtare dhe takime me administratën e Trump, por për të qenë prezent në kurorëzimin mes Alex Soros dhe Huma Abedin të shtunën.

Ironia është se muajt e fundit, Rama tentoi ta fshehë marrëdhënien me “vëllanë” e tij nga Amerika. Pas fitores së Trump, Rama dhe Soros ‘fshehën’ takimin e tyre në shkurt, gjatë një Samiti në Gjermani.
Ndërkohë Soros u la jashtë samitit të BE në Tiranë më 16 maj, ndryshe nga sa ndodhi në samitin e shkuar. Po ashtu, Rama nuk ka në rrjetet sociale asnjë foto me djalin e George Soros. Pse? Sepse Soros është armiku klasik i Trump-it.

Por këtë qershor, ngjan sikur llogaritë janë rihapur. Rama është rikthyer te elita e demokratëve. Të ftuarit specialë në dasmë do të jenë Bill dhe Hillary Clinton dhe Rama do të jetë i rrethuar nga shumë demokratë të tjerë, ‘armiq’ të Trump.

Dhe kjo lëvizje vjen në një kohë kur ambasada e SHBA e ka siluruar disa herë Ramën. Nuk pati asnjë urim për fitoren në zgjedhje, teksa ka pasur mesazhe të koduara për ‘dehje’ nga pushteti. Vetë zyrtarë të DASH kanë thënë se nuk punojnë me autokratë që nuk mendojnë për popullin, por vetëm për pushtetin.

Të shfaqesh në një dasmë me Sorosët dhe Clintonët, në një moment kur republikanët janë në ofensivë dhe Trump po ‘sundon’ botën, është një sinjal i qartë se në cilën anë po qëndron Edi Rama. Dhe kjo mund të kushtojë.

Trump dhe republikanët e kanë sulmuar prej vitesh Sorosin si simbol të ndërhyrjes në politikat e vendeve të tjera, përfshirë Shqipërinë. Tani që kreu i qeverisë shqiptare vendos të pozojë në një dasmë mes emrave më të urryer nga republikanët, ai rrezikon të ftohë më tej raportin me administratën Trump 2.0.

Nga ana tjetër, ose Rama e ka kuptuar se republikanët i “kanë vënë vizën” dhe po mundohet të mbahet fort pas Sorosit, me shpresën se ai do ta ndihmojë sërish. Ose ka shpresë se do ta ndihmojë Jared Kushner, duke qenë se i ka falur Sazanin. Duhet të presim dhe të shohim, se bëjnë vaki si Rama ashtu dhe Soros mund të fshehin fotot e prezencës së kryeministrit në dasmë. /Pamfleti

Mira Murati, shqiptarja që punoi për komercializimin e inteligjencën artificiale “ChatGPT”, do të martohet në një ceremoni tërësisht private në Toskanën e bukur të Italisë.

Dasma është organizuar me protokoll të lartë sigurie, ku të gjithë të ftuarit kanë nënshkruar kontrata privatësie që ndalojnë publikimin e fotove apo videove në media dhe rrjete sociale.

Ceremonia do të pasqyrojë zakonet dhe ritet shqiptare, duke përfshirë këngë dhe valle tradicionale, si dhe veshjen e Mirës me kostumin tradicional të nuseve të Jugut, me jelekun karakteristik të zonës së Vlorës, si nderim për rrënjët kulturore të saj.

Mira Murati

Kreu i Partisë së Lirisë, Ilir Meta ka dhënë një intervistë të gjatë për “Ora News” ku ka pranuar se e kanë dënuar me 10 ditë në burg të mos marrë pjesë në aktivitete sportive. Shkak është bërë një intervistë e bërë me telefon jashtë orarit të përcaktuar.

“Po, ky vendim “historik” është i vërtetë dhe m’u komunikua sot nga Komisioni i Disiplinës në IEPV “Jordan Misja”, gjoja pse kisha kryer një bisedë telefonike në ora 20:20, kur telefonatat lejohen deri në ora 20:00.

Këtë orar strikt unë nuk e dija sepse sigurisht do ta respektoja. Në fakt ndalimi i aktivitetit tim sportiv (ping-pong) për 10 ditë ndodhi për shkak të intervistës që unë dhashë për kolegen tuaj Beti Njuma.

Unë kam telefonuar z. Tedi Blushi, me të cilin jam në kontakt të vazhdueshëm, i cili ishte duke zhvilluar live një intervistë me të dhe natyrisht që nuk mund t’i shmangesha pyetjeve të Znj.Njuma, në respekt jo vetëm të integritetit të lartë profesional që ka por edhe të pasionit të saj për ngjitjen në male.

Pavarësisht “dënimit historik” të jeni të bindur se intervistat e mia nuk do të ndalen, përkundrazi tani do të jenë edhe më të shpeshta” – tha Meta.

Ai ka folur edhe për vështirësitë e qëndrimit prej 8 muajsh në burg.

“Unë personalisht ndihem në top-formë si kurrë më parë. Ushtrohem disa herë në ditë dhe lexoj e shkruaj shumë, kam mësuar shumë gjëra të reja, pasi kurrë s’kam jetuar në konvikt. Kam takuar (edhe pse shumë pak), njerëz të mrekullueshëm dhe fisnikë që rrinë këtu vetëm për statistika të rrejshme” – tha Meta.

I pyetur se si ia bën me të nxehtin, Meta thotë se ujë vjen vetëm 1-2 orë në ditë.

“Kjo nuk është sfidë për mua pasi unë kam problem kondicionerin dhe jo të nxehtin. Vërtet tani nuk ka ujë, këtu në mes të Tiranës edhe 12 vjet pas premtimit të Kryerilindasit, por kur vjen 1 ose 2 orë, mbushim bidonat për t’u larë” – tha Meta.

Ish-ministri i Drejtësisë dhe një ndër zërat më të angazhuar publik pas largimit nga politika aktive, Ylli Manjani i bën thirrje Partisë Demokratike që të kërkojë ndalimin e procesit të rinumërimit të votave.

Një proces që në fakt ajo vetë e ka kërkuar për të denoncuar farsën zgjedhore.

Megjithatë, siç po rezulton nga procesi transparent që po zhvillohet në Komisionin e Ankimimeve dhe Sanksioneve, kandidatët demokratë i kanë vjedhur vota njëri-tjetrit.

Ylli Manjani e konsideron këtë proces një shpartallim total dhe thotë se ai nuk ndihmon aspak hapësirën politike e cila kërkon një mendim ndryshe nga ai i qeverisë. Sipas ish-ministrit, nuk ka më asnjë interes për atë që është “varrosur” në kutitë e votimit, për më tepër kur ajo dëmton vetë opozitën.

Shpresonin për më shumë vota, rinumërohen kutitë e Dibrës: Shifrat “groposin” kandidatët demokratë.

Reagimi i Ylli Manjanit:

Besoj është e qartë se nga i ashtuquajturi rinumërim vetëm sa çimentohet pushteti.

Opozita edhe atë pak kauzë që mund të kishte mbi procesin e parregullt zgjedhor, tashmë e humbet. Me keq akoma kur del se kandidatët e saj i kanë vjedhur votëza njëri-tjetrit.

Shpartallim total me thënë të drejtën, që nuk e ndihmon aspak hapësirën politike e cila kërkon një mendim ndryshe nga ai i qeverisë. Po të isha PD do ta ndaloja këtë proçes diskretitues gjer në dhimbje.

Tani që filloi plazhi as transparenca ska më kuptim. Asnjë interes nuk duket të ketë tashmë se ç’është “varrosur” në kutitë e votimit. Se në fakt kjo që po bën KAS si proçes zhvarrimi ngjan… Por i vdekuri nuk ngjallet më… Të paktën këtej nga trojet tona nuk është ngjallur asnjë i vdekur deri më sot…

Pas ndarjes që bëri bujë në media, duket se Shpat Kasapi dhe Selvija Jao po ndjekin rrugë të ndara, jo vetëm në jetën private, por edhe në vendimet personale që po marrin pas divorcit.

Në rrjetet sociale, Shpati ka zgjedhur të shpërndajë një mesazh, që është interpretuar nga ndjekësit si një reagim pas ndarjes.

“Krijo disiplinë. Ushqehu mirë. Ushtro. Dhe mos gabo me gruan… se s’të fal, të len”, shkroi ai.

Nga ana tjetër, Selvija Jao ka konfirmuar se është larguar përfundimisht nga Tirana, duke ndarë një postim emocional që reflekton një kapitull të mbyllur dhe një të ri që sapo ka nisur për të dhe djalin e saj.

“Në çdo cep të Tiranës kam lënë pjesë të shpirtit tim… një grua që luftoi, qeshi, u rrëzua dhe u ngrit për veten dhe për djalin e saj,” shkruan ajo, duke nënvizuar sfidat që ka kaluar dhe forcën e rigjetur.

Edhe pse rrugët e tyre janë ndarë, të dy duket se janë fokusuar në ndërtimin e një jete të re, secili në mënyrën e vet.

Një akt trimërie që ka prekur zemrat e të gjithë opinionit publik grek dhe shqiptar ka ardhur nga një emigrant shqiptar në Greqi. Levian Goga, 41-vjeçar nga Berati, shpëtoi dy fëmijë të mitur nga mbytja në lumin Arachthos, në zonën e Neokorit të Artës, duke rrezikuar jetën e tij.

“Nuk më intereson kush janë, çfarë race, çfarë feje. Unë jam i huaj, por jam qenie njerëzore,” tha ai për mediat greke, ndërsa qëndronte në radhën e urgjencës në spital, me këmbën e thyer nga përpjekja për të nxjerrë fëmijët nga uji i thellë dhe i turbullt.

Ngjarja ndodhi të mërkurën në mesditë. Sipas dëshmisë së Gogës, ai ndodhej në një kafene kur dëgjoi një fëmijë që bërtiste për ndihmë, duke treguar se dy të mitur po mbyteshin në lumë. Pa hezituar asnjë çast, ai u nis me makinë drejt vendit të ngjarjes dhe, pasi nuk pa asgjë nga bregu, u fut në një varkë me banorë të tjerë dhe u zhyt në ujë.

“U zhyta rreth tetë metra thellë. E pashë fëmijën në fund të lumit, i palëvizshëm, i nxirë. E kapa me forcë dhe e nxora. Pastaj më thanë se kishte edhe një tjetër. U zhyta sërish, disa herë, derisa e gjeta. Edhe ai kishte gjak në gojë dhe hundë. U frikësova,” tregoi ai me zë të dridhur.

Levian Goga jeton prej 24 vitesh në Greqi. Ai mbërriti në moshën 17-vjeçare, fillimisht në Athinë, ku punoi çdo punë që i dilte përpara, me përkushtim dhe pa u ankuar. Prej pesë vitesh jeton në Arta me bashkëshorten dhe dy fëmijët e tij të vegjël. Jeta e tij ka qenë modeste dhe larg vëmendjes publike – derisa guximi i tij e vendosi në qendër të saj.

“Njëri prej fëmijëve ishte në moshën e vajzës sime. Nuk mendoja për asgjë tjetër, vetëm për t’i shpëtuar. Bëra atë që do të bënte çdo prind,” tha ai, ndërsa kërkonte të kthehej në shtëpi për të qetësuar fëmijët e tij që, të shqetësuar, e prisnin me lot në sy.

Për komunitetin, Levian Goga është një hero i heshtur. Por për veten e tij, ai është vetëm një baba që rastësisht ndodhej aty dhe bëri atë që e ndjeu në shpirt.

“Shpresoj vetëm që ata të jetojnë. Të zgjohen. Të kenë jetën që u takon,” tha ai, pak para se të mbyllte telefonatën me gazetarin, ende duke pritur në urgjencë.

Ngjarja ndodhi në një nga zonat më të rrezikshme të lumit Arachthos, ku uji krijon vorbulla të thella dhe rryma të forta. Banorët e zonës kanë denoncuar më herët mungesën e masave mbrojtëse, barrierave apo tabelave paralajmëruese – një neglizhencë që, sipas tyre, mund të kishte sjellë një tragjedi të madhe.

Aktorja Arjola Demiri, e cila u bë një nga figurat më të dashura për publikun gjatë pjesëmarrjes së saj në Big Brother VIP Albania, ka folur së fundmi për shtëpinë që iu premtua si dhuratë gjatë spektaklit.

Pas shumë diskutimesh në rrjet për fatin e asaj shtëpie, Arjola ka sqaruar se prona është aty dhe gjithçka është në proces për ta bërë gati për banim.

“Me shtëpinë shumë mirë, aty është, vetëm me u fut brenda”, tha Arjola.

Ajo shtoi se publiku shqiptar është tashmë i njohur me këtë histori, e cila është bërë si një legjendë në vetvete: “Kur të futem, do e merrni vesh, sepse u bë legjendë kjo historia e shtëpisë”.

Aktorja konfirmoi se shtëpia ekziston fizikisht dhe është parë nga të gjithë: “E kam parë, e kanë parë të gjithë shqiptarët me video. Është vetëm me u fut brenda, ja ta mobilojmë, ta sistemojmë, se do punë”.

Sqaroi gjithashtu se kur iu dhurua, shtëpia ndodhej ende në fazën e themeleve, ndaj procesi ka kërkuar kohë: “Ka qenë në themele kur është dhuruar, kështu që është normale pritja”.

Arjola theksoi se ndonëse pritja ka qenë e gjatë, ajo është e vetëdijshme për procesin dhe po punon që së shpejti të vendoset në shtëpinë e saj të re.

Fansat dhe ndjekësit mbeten në pritje të momentit kur ajo do të shpërngulet dhe më në fund do të hyjë në shtëpinë që u bë simbol gjatë rrugëtimit të saj në Big Brother VIP.

Një ministër i qeverisë Rama është zyrtarisht nën hetim!

Deklarimi vjen zyrtarisht nga Prokuroria e Posaçme, në regjistrin e Transparencës, ku për muajin Prill, SPAK thotë se “një ministër është aktualisht nën hetim”.

Pyetja dërguar SPAK ishte sesa ministra të qeverisë janë aktualisht nën hetim.

Kjo është hera e parë që SPAK njofton më herët sesa faza e caktimit të masës së sigurimit se një ministër është nën hetim.