Category: Lajme

Një influencuese e re meksikane e mediave sociale, u qëllua për vdekje me armë zjarri gjatë një transmetimi të drejtpërdrejtë të TikTok, në një incident që tronditi vendin. “Vdekja e Valeria Márquez, 23 vjeçe, po hetohet si një femicid, vrasja e një gruaje apo vajze për arsye gjinore”-deklaroi prokurori i rajonit të Jaliscos.

Sipas autoriteteve meksikane, femicidi mund të përfshijë dhunë degraduese, abuzim seksual, një marrëdhënie me vrasësin ose ekspozimin e trupit të viktimës në një hapësirë ​​publike. Márquez u vra në sallonin e bukurisë ku ajo punonte në qytetin e Zapopan nga një burrë që hyri brenda dhe e qëlloi. Zyra e prokurorit nuk përmendi një të dyshuar.

Pak sekonda para incidentit, Márquez u pa në transmetimin e saj të drejtpërdrejtë në TikTok e ulur në një tavolinë duke shtrënguar në krahë një lodër pellushi. Vajza dëgjohet duke thënë: “Ata po vijnë”, përpara se një zë në sfond e pyet: “Hej, Vale?”. “Po” i përgjigjet ajo dhe në atë moment, qëllohet në gjoks e në kokë.

Márquez, e cila kishte afro 200,000 ndjekës në Instagram dhe TikTok, kishte thënë më herët në transmetimin e drejtpërdrejtë se dikush kishte shkuar në sallon kur ajo nuk ishte atje me një “dhuratë të shtrenjtë” për t’i ofruar. 23 vjecarja, e cila dukej e shqetësuar, tha se nuk po planifikonte të priste që personi të kthehej.

Një incident i rëndë ka ndodhur në një fluturim të Lufthansës në shkurt kur bashkëpiloti i aeroplanit humbi ndjenjat ndërsa ishte vetëm në kabinën e pilotit, duke bërë që fluturimi të mbetej pa një pilot aktiv për rreth 10 minuta, kjo situatë është publikuar nga autoritetet spanjolle përmes një raporti përfundimtar të publikuar të enjten.

Siç raporton Business Insider , Airbus A321 po operonte në linjën Frankfurt-Sevjellë me mbi 200 pasagjerë në bord. Incidenti ndodhi kur avioni kishte hyrë në hapësirën ajrore spanjolle dhe ishte afërsisht 30 minuta larg destinacionit të tij. Kapiteni u hoq përkohësisht nga kabina e pilotit për arsye personale, pasi kishte parë se bashkëpiloti i tij ishte në gjendje të mirë.

Kur u kthye tetë minuta më vonë, e gjeti derën e kabinës të mbyllur dhe bashkëpilotin pa ndjenja. Ai u përpoq të fuste fjalëkalimin pesë herë, ndërsa një asistente fluturimi u përpoq të komunikonte nëpërmjet interfonit, por pa sukses. Më në fund, mekanizmi i aksesit emergjent u aktivizua dhe, pak para se të skadonte kohëmatësi përkatës, bashkëpiloti rifitoi pjesërisht vetëdijen dhe hapi derën.

Sipas raportit, bashkëpiloti 38-vjeçar ishte “i zbehtë, i djersitur dhe kishte lëvizje të pazakonta”. Guvernatori menjëherë kërkoi ndihmë. Ekuipazhi i kabinës dhe një mjek në bord të aeroplanit ofruan ndihmën e parë dhe kapiteni vendosi ta devijonte fluturimin për në Madrid.

Pas uljes, bashkëpiloti u dërgua në spital. Shkaku i “paaftësisë së papritur dhe të rëndë” të pilotit ishte një krizë epileptike, për shkak të një çrregullimi neurologjik, siç raportohet nga ekspertët.

Autoriteti spanjoll i aviacionit civil thekson në raportin e tij se gjendja në fjalë është jashtëzakonisht e vështirë për t’u diagnostikuar, përveç nëse piloti kishte shfaqur simptoma në një kontroll të mëparshëm mjekësor.

Si një masë kryesore parandaluese, studiuesit sugjerojnë që Agjencia Evropiane e Sigurisë së Aviacionit (EASA) të informojë linjat ajrore që të shqyrtojnë rreziqet që lindin kur vetëm një pilot mbetet në kabinën e pilotit. Lufthansa ende nuk ka komentuar zyrtarisht për incidentin.

E njohur si një nga tiktokeret më të ndjekura dhe më të komentuara në Shqipëri, Hatixhe Brika, e njohur ndryshe si “Hati”, ka qenë së fundmi e ftuar në podcastin “The Dalina Show”, ku për herë të parë foli hapur për jetën personale dhe përballjen me kritikat.

Në një bisedë të sinqertë me Dalina Buzin, Hati konfirmoi ndarjen nga partneri i saj, Jashari, një lajm që kishte qarkulluar prej kohësh në rrjetet sociale. Por më shumë se kaq, ajo vendosi të flasë për presionin publik dhe paragjykimet që ka përjetuar si vajzë me shami në një profil të lartë publik.

“Ka pasur emisione dhe njerëz pafund që më kanë kritikuar, që duan të më sulmojnë dhe të më bëjnë të ndihem keq. Por unë jam një tip që nuk e çaj kokën. Kur jam në rregull me veten time, nuk më shqetëson askush,” tha ajo.

Gjatë podcastit, u diskutua edhe deklarata e Fatma Naçit, e cila kohë më parë u ftua në një emision në Top Channel ku, sipas shumë vëzhguesve, iu bë presion për të sulmuar jetën luksoze të Hatixhes dhe praninë e saj aktive në rrjetet sociale, nën argumentin se feja islame nuk e lejon këtë. Por Fatma zgjodhi të mos bjerë në kurthin e provokimeve, duke mbrojtur qëndrimin se ajo që bën Hati nuk është në kundërshtim me fenë.

Këto përplasje mediatike nuk e kanë lëkundur aspak influenceren, e cila theksoi se qëndrimi i saj ndaj jetës, fesë dhe vetvetes është i qartë dhe i pandryshueshëm.

“Të tjerët le të thonë çfarë të duan, mua nuk ma prishin dot zemrën,” u shpreh ajo.

I ftuar në emisionin “Pardon My French”, reperi Arkimed Lushaj, i njohur si Stresi, ka folur rreth mbështetjes për Partinë Demokratike dhe zgjedhjeve të 11 Majit.

Stresi tha se kishte vënë bast me 100 euro me Noizyn për fitoren e PD-së, një bast i humbur, ku tha se i kishte dhënë 100 euro. Po ashtu, ai ka patur një mesazh edhe për artistët që ndryshojnë bindjet politike sipas interesit.

U mërzit Stresi për humbjen e Partisë Demokratike në zgjedhjet parlamentare të këtij viti?

Stresi i mërzitur nga humbja e PD: Kisha vënë bast me Noizyn

“Unë kam një monedhë e cila nuk zhvlersohet kurrë, është besnikëria. Të jesh besnik është e vështirë por edhe e rrallë. Unë kështu jam e nis me dikë e çoj me dikë, as nuk shitem dhe as nuk blihem. Për 1 mijë vjet nuk i shes idealet dhe parimet e mia nuk ka shanse familjarisht. Unë nuk vuaj për pushtet ekonomik, unë kam lindur në internim dhe mamaja ime ka vuajtur shumë e re nga regjimi.

Normalisht që jemi kundër një sistemi siç mendojmë ne dhe kemi bindjet tona dhe unë nuk gjykoj sot askënd për bindjet e tij personale që ta kemi të qartë”, tha Stresi.

Kur u pyet se çfarë mendon për ata këngëtarë që ndryshojnë krah politik, ai u shpreh duke thënë se:

“Secili ka zgjedhjen e vet, unë kam zgjedhjen time, por unë e kam pak më ndryshe nga të gjithë sepse unë nuk e kam për përfitim e kam për gjë tjetër pse jam suportues i partisë sime. Kaq, kam muzikën primare, politikë e kam hobi”, tha ai.

A është penalizuar ndonjëherë Stresi për këtë?

“Nuk më ‘plas’ fare, për sa kohë ka edhe artistë të tjerë që janë në anën e kundërt ne bëjmë muzikë dhe ne tërheqim të rinjtë në fushatën tonë. Unë i tërheq me shpirt dhe kaq. Kemi të drejtën tonë të suportojmë dikë.”

Pas fitore së Partisë Socialiste, po Noizy çfarë i tha?

“Kishim vënë një bast, u takuam dhe ia dhashë 100 euro. Aq e lamë, por ishalla ma kthen prapë sepse si dihet. “

Një nga faqet më të ndjekura italiane, “Piccole Storie”, i ka dedikuar një shkrim “Shkodrës Elektronike” për performancën spektakolare që dy artistët i dhuruan skenës së magjishme të “Eurovision 2025” në Bazel të Zvicrës.

“Përse kënga e Shqipërisë është një kryevepër e vërtetë dhe e paparë më parë?!”, pyet “Piccole Storie” në hyrje të artikullit ndërsa thekson se kënga ‘Zjerm’ është një dhuratë që Shqipëria i ka bërë Eurovision-it.

Ka këngë që i dëgjon. Dhe pastaj ka këngë që jetojnë. Që hyjnë brenda teje si një pëshpëritje e lashtë dhe rizgjojnë diçka që e kishe harruar. “Zjerm” – Zjarri – është një prej tyre. Është dhurata që Shqipëria i ka sjellë Eurovision 2025 këtë vit, por do të ishte pak t’a quanim thjesht “një këngë”.

Është një lutje elektronike, një valle e shenjtë, një dialog midis shpresës dhe realitetit, e vënë në skenë nga dyshja italo-shqiptare ‘Shkodra Elektronike’: Beatriçe Gjergji dhe Kolë Laca. Të lindur në Shkodër, në veri të Shqipërisë – një qytet ku gjuhët, fetë, ritualet dhe heshtjet kanë bashkëjetuar për shekuj me radhë – sot ata jetojnë në Itali, por mbajnë brenda tyre zërin e maleve, lumenjve, kujtesës. Dhe ai zë, në këngën “Zjerm”, shndërrohet në një britmë që nuk bën zhurmë, por ia ndez zemrës flakën.

Kënga hapet me vizion. Një vizion që vjen nga Beatriçe, i ndritshëm, i pastër, pothuajse fëmijë në kokëfortësinë e saj. Ajo kërkon vetëm një minutë. Vetëm një.

Një fragment kohe kur bota më në fund mund të marrë frymë.

“Imagjinoni për një minutë…

Pa ushtarë

Pa jetima

Nga shishet në oqean

Vajit i vjen era zambak

Dhe fjala është e lirë

Mirësia nuk ka emër

Liria mësohet në shkolla.

Ajo minutë e imagjinuar nga Beatriçe është gjithçka që i mungon botës: është ëndrra e atyre që e dinë se nuk jetojnë në një vend të duhur, por prapë zgjedhin të kërcejnë, të këndojnë, të besojnë.

Këtu këndon ajo:

“Krijo tek unë një zemër të pastër”

“Në natën time, unë ju dërgoj dritë”

“Ju lutem kini mëshirë”

Dhe këtu vjen një frazë e fuqishme, e ngarkuar me simbole:

“Aman, mizere”

Një varg që bashkon dy besime, dy botë, dy dhimbje.

“Aman”, një fjalë arabe, e përdorur në këngët sufi e në vajtime

“Miserere”, latinishtja e shenjtë, lutjee shenjtë, falje.

Dy fe takohen në një thirrje universale, e cila tejkalon kufijtë dhe bëhet njerëzim.

Nuk është kërkesë për keqardhje për veten. Është një lutje për të gjithë botën.

Por menjëherë më pas, Kolë do të fliste.

Dhe e bën me zërin e plagosur të atyre që kanë pushuar së ëndërruari.

“Zjarr bie mbi vallet tona fisnore”

“Shtatë thika shpojnë shpirtin”

“Njerëzit bien si ortek”

“Nuk i shohim më yjet… i kemi shkelur”

Kolë është ana tjetër e shpresës. Është dëshpërimi.

Ai flet për një botë që nuk i ka mbetur poezi, që ka harruar hënën, që është i etur për pushtet dhe i verbër ndaj bukurisë.

Kënga e saj nuk është zemërim: është pikëllim i pastër. Është kujtesa për të mos harruar realitetin.

Dhe pikërisht kur gjithçka duket e shuar…

Beatrice po këndon përsëri.

“Në zemrën time, njerëzit e mirë

Njerëz pa emër

Luginat vallëzojnë në shpirt”

“Ti vlen, toka ime…

Vazhdoni të shkëlqeni

Shkëlqeni, shkëlqeni, shkëlqeni ”

Zjarri i Zjermit nuk është ai që shkatërron.

Është zjarri që pastron, që ndriçon, që shpëton.

Është flaka që qëndron gjallë kur gjithçka rreth teje shuhet.

Është forca e brishtë e atyre që vazhdojnë të kërcejnë, edhe mbi rrënoja.

“Zjerm” është minuta e Beatrices.

Minuta që të gjithë, thellë thellë, duam.

Momentin kur bota ndalet…

… dhe për një moment, vërtet merr frymë.

Me një bashkim të paparë të elektronikës dhe traditës, poezisë dhe shpirtërores, kënga nga Shqipëria nuk është vetëm më e fuqishmja e këtij Eurovizioni: është një përvojë.

Një meditim në muzikë.

Një akt dashurie ndaj asaj që njerëzimi ka humbur.

Një ftesë e heshtur por e pandalshme:

Ëndërro më shumë.

Digjuni me bukurinë brenda.

Dhe edhe kur të thonë se është e kotë… kërce vetë.

Kreu i qeverisë, Edi Rama ka shkrirë së qeshuri të gjithë liderët e Samitit të Komitetit Politik Europian me urimin e veçantë.

Në ceremoninë mikpritëse të organizuar në Teatrin e Operas dhe Baletit u shfaq një video e krijuar me anë të inteligjencës artificiale.

SHIKO VIDEON KËTU

Në pamjet e AI të gjithë liderët europianë shfaqeshin në versionin e tyre fëmijë teksa uronin në gjuhën e tyre: “Mirë se erdhët në Shqipëri”.

SHIKO VIDEON KËTU

Liderët e Bashkimit Evropian u takuan sot në Tiranë në kuadër të samitit të Komunitetit Politik Evropian, ku ndër të pranishmit ishin dhe Presidenti i Francës, Emmanuel Macron, Kancelari i Gjermanisë, Friedrich Merz, Kryeministri i Britanisë Keir Starmer, ai i Polonisë, Donald Tusk dhe Presidentit ukrainas, Volodymyr Zelensky.

Sipas një postimi të Zelenskyt në “X”, gjatë këtij takimi udhëheqësit folën në telefon me Presidentin e SHBA-së Donald Trump.

Siç shkruan ai, në këtë telefonatë u diskutua raundi i parë të bisedimeve ruso-ukrainase në Turqi, për të cilat ai thotë se Ukraina është gati të ndërmarrë hapat më të shpejtë të mundshëm për të sjellë paqe të vërtetë.

“Folëm me Donald Trump së bashku me Presidentin Macron, Kancelarin Federal Merz, Kryeministrat Starmer dhe Tusk. Diskutuam takimin në Stamboll. Ukraina është gati të ndërmarrë hapat më të shpejtë të mundshëm për të sjellë paqe të vërtetë dhe është e rëndësishme që bota të mbajë një qëndrim të fortë.

Qëndrimi ynë – nëse rusët refuzojnë një armëpushim të plotë dhe pa kushte dhe një fund të vrasjeve, duhet të pasojnë sanksione të ashpra. Presioni mbi Rusinë duhet të mbahet derisa Rusia të jetë gati t’i japë fund luftës. Faleminderit të gjithëve në botë që po ndihmojnë”, shkruan Zelensky.

https://x.com/ZelenskyyUa/status/1923374538726752690/photo/1

Atletet e bardha me yll të kryeministrit Edi Rama morën sot vëmendjen e presidentit turk, Rexhep Tajip Erdogan, i cili mori pjesë në Samitin e Komunitetit Politik Evropian që u mbajt këtë të premte në kryeqytet.

Me të mbërritur në sheshin Skëndërbej, atje ku u mbajt Samiti, presidentit turk i ranë në sy atletet e kryeministrit, i cili po e priste me çadër.

Siç duket edhe në video presidenti turk iu afrua Ramës, duke qeshur i tha: “Paske veshur atlete”.

Më pas, në deklaratat për gazetarët, Erdogan tha: “Do të flasim për paqen nga Shqipëria për të gjithë botën”, duke nënvizuar nevojën për stabilitet dhe bashkëpunim në një epokë sfidash gjeopolitike.

Kryetari i Partisë Demokratike, Sali Berisha, mori pjesë sot në Samitin e IDU në Bruksel.

Pas përfundimit të samitit, Berisha tha se zgjedhjet në Shqipëri kishin rezonimin më të keq tek anëtarët e IDU, si zgjedhjet më të dhunuara, si një farsë elektorale e plotë.

“Edi Ramën e garantoj se, këtë mandat nuk do e gëzojë”, tha kreu i PD.

Berisha: Qendrimi në byronë ekzekutive, domethënë në forumin në të cilin ishin të pranishëm drejtuesit e të gjitha aprtive anëtare të IDU-së, u prit me duartrokitje dhe me shumë përzemërsi reagimet ndaj fjalës që mbajta unë dhe që mbajti Fatmir Mediu.
Realiteti shqiptar është i pakrahasueshëm. Është një nga realitet më të trishta, jo vetëm në Europë, por në Afrikë dhe në vende tjera, sepse ky është një forum ndërkombëtar.

Natyrisht, nuk ishim të vetmit ne që referonim të burgosurit politikë, proceset politike, grabitjen masive. Por, raste si Shqipëria nuk u paraqit ndonjë, kur ndodh një blerje e hapur masive e votës, ku ndodhi përdorim masiv i bandave, ku ndodhi shdnërrimi i të gjithë shtetit në një monstër elektorale dhe u bë gjithçka për të dhunuar vullnetin e lirë të shqiptarëve.

Pati mirëkuptim të plotë për fjalën tonë, bëmë dhe takime të veçanta me personalitete të shquara të kësaj organizate për veprime dhe mbështetje konkrete.

Mendoj se, këto hapa janë jashtëzakonisht pozitive dhe të dobishme, por janë vetëm hapat e parë të një beteje të cilën, Opozita shqiptare do ta fitojë, sepse nuk mundet kurrë që: dhuna, terrori, krimi, droga të mbizotërojnë, pavarësisht çfarëdo që duket sot Edi Rama, e garantoj që këtë mandat nuk do ta gëzojë.

Së pari, një paraqitje e situatës në të cilën, ne aleatin më kryesor kishim rezolutat e miratuara, 4 rezoluta, si për asnjë rast tjetër dhe në tërësi të kushtuara problemeve zgjedhore. Natyrisht, e vërteta është që në mbështetje të këtyre rezolutave dhe të qendrimeve tona ishte padiskutim edhe raporti i vëzhguesve ndërkombëtarë, i ODIHR-it, PE-së, KE-së.

Pra, në këtë rast, mendoj se, u dëgjua me shumë interes, por njohuritë nuk mungonin. Nga sa kuptova unë, zgjedhjet në Shqipëri kishin rezonimin më të keq dhe si zgjedhjet më të dhunuara, si një farsë elektorale e plotë.

Në fund të sesionit të parë të Komunitetit Politik Evropian, kryeministri Edi Rama duke bërë batuta me liderët evropianë, pjesëmarrës në tryezë, përmendi Kanunin dhe mikpritjen. Rama tha se zakonisht dreka nuk është falas, por në Shqipëri është e kundërta, pasi në çfarëdo cilësie, do të jenë të mikpritur.

“Në Kanunin tonë të shkruar kohë më parë, ka një kapitull për mikpritjen.

Fillon me një citim që thotë se shtëpia e shqiptarit i përket Zotit dhe mikut. Dhe kjo fjali është vërtetë e thellë. Është origjinë e faktit që ne mbaruam, arritëm në fund të Luftës së Dytë Botërore si vendi që në atë moment kishte më shumë hebrenj se në fillim. Erdhën si miq që u mbrojtën, që shqiptarët i mbrojtën me jetën e tyre.