Category: Lajme

Avokati i njohur, Spartak Ngjela, ka bërë një paralajmërim të fortë për të ardhmen politike dhe drejtësinë në vendin tonë. Përmes një reagimi në rrjetet sociale, avokat Ngjela ka theksuar se Shqipëria sot ndodhet nën kthetrat e një korrupsioni masiv, i cili ka përfshirë si pushtetin qendror, ashtu edhe atë vendor. Sipas Ngjelës, ky nivel i lartë i korrupsionit dhe degradimi i sistemit arsimor po bëhen pengesë serioze për investimet e mëdha nga Shtetet e Bashkuara të Amerikës dhe Bashkimi Evropian.

Në këtë situatë kritike, avokati ngre gishtin e akuzës edhe ndaj kryeministrit Edi Rama, duke u shprehur se heshtja dhe mosveprimi i tij tregojnë një dëshirë të fshehtë për lejimin e këtyre fenomeneve negative. Megjithatë, ai nënvizon se e vetmja shpresë për shpëtimin e vendit nga kjo klasë politike antishqiptare mbetet Prokuroria e Posaçme Antikorrupsion (SPAK).

Në mbyllje të analizës së tij, Ngjela paralajmëron një “cunam” të vërtetë ligjor, duke pohuar se SPAK po vepron dhe pritet të godasë pa asnjë mëshirë të gjithë zyrtarët e korruptuar në Shqipëri. “Mos u merrni shumë me krahasimin midis Shqipërisë të drejtuar nga Partia e Punës, me Shqipërinë e drejtuar nga Saliu, Rama dhe dy partitë e mëdha në Shqipëri. Sigurisht, dihet se Shqipëria e Partisë së Punës ishte diktaturë personale e një njeriu: Enver Hoxhës. Sigurisht gjithashtu që komunizmi ishte një doktrinë botërore, dhe si e tillë nuk kishte dalë në Shqipëri, por në Evropë.

Ne thelb ajo ishte një utopi që nuk mund të krijonte zhvillim normal të shoqërisë. Por në Shqipëri duhet pranuar që Partia e Punës krijoi një arsim të përgjithshëm në vlere të veçantë, i cili sot është kthyer nga shkollat e sotmi në një arsim ku shitet nota, sikur dija të jetë malli që e shesin mësuesit, pedagogët e universitetit dhe drejtorët e shkollave e dekanët e universiteteve,një fenomen ky i cili ka pjellë dhe po pjell në Shqipëri një injorancë shoqërore.

Po kryeministri i Shqipërisë, e di këtë fenomen që po vijon në Shqipëri? Sigurisht që kryeministri i Shqipërisë e di. Por. derisa nuk vepron, ai e dëshiron. Atëherë? Asgjë, por e vetmja shprese për shpëtimin nga këto lloj kthetrash antishqiptare është SPAK. Dhe SPAK po vepron, dhe pritet që të veprojë më me forcë.

Po cila është sot skema ndërkombëtare për zhvillimin demokratik të Shqipërisë? Ende nuk ka një të tillë, sepse politikanët e Bashkimit Evropian dhe Shteteve të Bashkuara të Amerikës nuk mund ta pranojnë afrimin për investim të thellë në Shqipëri, sepse sot Shqipëria është një shtet i korruptuar masivisht në të dy pushtetet: edhe në pushtetin qendror, edhe në pushtetin vendor. Atëherë? Duhet të presim dhe të inkurajojmë SPAK –un”, shkruan avokat Ngjela.

Një alarm i ri vjen nga sinoptikanët dhe qendrat më të mëdha meteorologjike në botë. Modeli i fundit i parashikìmit nga Qendra Europiane për Parashikimet e Motit me Rreze të Mesme (ECMËF) tregon se jemi në prag të një fenomeni shkatërrues: një “Super El Nino” i cili pritet të sjellë temperatura ekstreme dhe përmbytje të mëdha që do të zgjasin deri në vitin 2027. Çfarë rrezikon rajoni ynë?

Sipas të dhënave të fundit shkencore, ky mund të jetë eventi më i fuqishëm i El Nino-s i regjistruar në 140 vitet e fundit. Ndërsa bota përgatitet për valë të pashoqe të nxehtit, Europa dhe veçanërisht rajoni i Ballkanit ndodhen direkt në “shënjestrën” e këtij deregulimi klimatik.

Çfarë është “Super El Nino” dhe pse po tmerron shkencëtarët?

Fenomeni El Nino lidhet me ngrohjen e pazakontë të ujërave të Oqeanit Paqësor, gjë që ndryshon rrënjësisht qarkullimin e masave ajrore në mbarë globin. Megjithatë, për shkak të rritjes së vazhdueshme të gazrave serrë, ky El Nino i ri po quhet “Super El Nino”.

“Sistemi klimatik nuk po arrin dot ta shkarkojë nxehtësinë e grumbulluar përpara se të vijë vala tjetër,”- shpjegojnë ekspertët meteorologjikë.

Kjo do të thotë se ky fenomen do të shpërndajë shumë më tepër nxehtësi dhe lagështi se ngajarjet historike të viteve 1982, 1997 apo 2015. Shkencëtarët parashikojnë se si pasojë e këtij super-fenomeni, viti 2027 do të thyejë të gjitha rekordet historike të temperaturave globale, duke kaluar edhe vitin ekstrem 2024.

Alarm për Ballkanin: Cilat shtete do të goditen më së shumti?

Parashikimi i ECMWF specifikon se Europa, dhe veçanërisht pjesa jugore dhe ajo e Ballkanit, do të përballen me një verë dhe vjeshtë jashtëzakonisht më të nxehtë se mesatarja normale. Megjithatë, ndikimi nuk do të jetë i njëjtë në të gjitha shtetet e gadishullit.

Shqipëria ndër zonat më të rrezikuara të Ballkanit

Sipas konfigurimit gjeografik dhe ndikimit nga rrymat ajrore, shtetet që pritet të mbajnë peshën më të rëndë të këtij fenomeni janë: Greqia dhe Shqipëria: Për shkak të vijës së gjatë bregdetare dhe ndikimit direkt nga Mesdheu i mbinxehur, këto dy shtete pritet të përballen me valët më të egra të të nxehtit (mbi 40-45°C) dhe një rrezik jashtëzakonisht të lartë për zjarre shkatërruese në pyje. Mali i Zi dhe Maqedonia e Veriut: Do të pësojnë periudha të gjata të thatësirës ekstreme, që do të godasë rëndë bujqësinë dhe rezervat ujore. Bosnja dhe Hercegovina dhe Kroacia: Për shkak të përplasjes së masave të nxehta me ato të lagështa, këto zona mbeten më të rrezikuara nga stuhitë e dhunshme dhe përmbytjet e shpejta.

Çfarë do të ndodhë me Kosovën?

Për sa i përket Kosovës, pozita e saj gjeografike në qendër të Ballkanit, e rrethuar nga male dhe pa dalje në det, i jep asaj një lloj “mburoje” relative krahasuar me vendet bregdetare, por ajo nuk do të kursehet. Kosova nuk pritet ta kalojë lehtë, por ndikimi do të jetë i një natyre tjetër. Në Kosovë, efekti i “Super El Nino”-s do të ndihet kryesisht përmes “efektit furrë”. Masat e nxehta ajrore që vijnë nga Afrika dhe Mesdheu do të bllokohen mbi rrafshin e Kosovës dhe të Dukagjinit, duke krijuar ditë të mbytura me vapë mbytëse dhe netë tropikale ku temperaturat nuk do të bien mjaftueshëm për të freskuar vendin.

Ndikimi Global: Nga secili cep i botës

Ndërsa Europa dhe Ballkani do të përvëlohen nga vapa dhe përballen me stuhi, pjesa tjetër e botës do të përjetojë skenarë po aq apokaliptikë: SHBA-ja Perëndimore dhe India do të përballen me një verë përvëluese. Karaibet dhe Indonezia do të goditen nga nxehtësia ekstreme dhe ngrirja e burimeve të ujit, ndërsa oqeani Paqësor do të shohë një rritje masive të numrit të cikloneve tropikale.

Kur pritet të godasë kulmi i këtij fenomeni?

Sipas profesorit të shkencave atmosferike, Paul Roundy, efektet e këtij “Super El Nino” do të nisin të ndihen fuqishëm gjatë kësaj vere dhe vjeshte, por kulmi destruktiv dhe rekordet më të mëdha të temperaturave pritet të arrihen përgjatë vitit 2027. Ky cikël i ri i motit ekstrem po tregon se ndryshimet klimatike nuk janë më një kërcënim i largët, por një realitet që po ndryshon përditshmërinë tonë. Institucionet në Kosovë dhe rajon duhet të përgatisin strategji emergjente që tani për të menaxhuar krizën e ujit, zjarret dhe mbrojtjen e shëndetit të qytetarëve.

Kryeministri Edi Rama ka garantuar se të gjithë qytetarët që kanë pësuar dëme nga zjarret e fundit do të dëmshpërblehen pIotësisht. Në një prononcim të fundit, ai u shpreh se qeveria do të kompensojë “qindarkë për qindarkë” të gjithë ata që kanë humbur banesat apo krerët e bagëtive si pasojë e flakëve.

Sigurimi i pronave, detyrim ligjor
Për të adresuar sfidat e fatkeqësive natyrore si zjarret dhe përmbytjet, kryeministri njoftoi se qeveria po përgatit një kuadër të ri ligjor. Sipas tij, sigurimi i banesave dhe bizneseve kundër fatkeqësive natyrore do të sanksionohet me ligj, duke e kthyer atë në një detyrim për qytetarët.

“Të gjithë duhet të mendojnë dhe të marrin masa për përfshirje në skemën e sigurimit të shtëpive për fatkeqësitë natyrore,” tha Rama. Ai shtoi se po ashtu do të ketë një shtrëngim të ri ligjor për zjarrvënësit, për të penalizuar sa më rëndë rastet e zjarrvënies së qëllimshme.

Rritje page për zjarrfikësit
Në fjalën e tij, kreu i qeverisë falënderoi zjarrfikësit për punën e tyre të palodhur dhe premtoi se do të ketë një rritje page për ta. “Jemi në borxh me ta për punën që kanë bërë,” theksoi ai. Kjo masë synon të njohë sakrificën e tyre dhe të forcojë kapacitetet e shërbimit zjarrfikës.

Kryeministri Edi Rama ka reaguar për operacionin e prishjeve që ka rinisur sërish në fshatin turistik të Thethit. Rruspat e IKMT-së, të mbështetura nga Policia e Shkodrës, mbërritën në zonën e veriut në orët e vona të mbrëmjes dhe sot në mëngjes rinisën prishjet.

“Kush ndërton më pa leje, investon vetëm për belanë e vet. Theth përsëri dhe kudo përsëri e përsëri, deri në fund, për Shqipërinë 2030 në Bashkimin Europian”, shkruan kryeministri Edi Rama, teksa ndan pamjet e mëposhtme.

VIDEO

Inspektorati Kombëtar i Mbrojtjes së Territorit – IKMT ka njoftuar dhe vet mëngjesin e kësaj të shtune, datë 4 Tetor, se ka rinisur prishjen e ndërtimeve pa leje në Parkun Kombëtar të Thethit.

“Janë evidentuar 13 objekte me konstruksione betonarme dhe dru. Pavarësisht aksionit të fundit në këtë zonë pak muaj më parë, konstatojmë se ka akoma individë që refuzojnë të pranojnë se lufta ndaj ndërtimeve të paligjshme është pa kthim”, thotë njoftimi.

VIDEO

Inspektorati Kombëtar i Mbrojtjes së Territorit u bën thirrje subjekteve dhe qytetarëve, se zbatimi i ligjshmërisë, mbrojtja e natyrës dhe e mjedisit duhet të jetë detyrim për të gjithë.

DASHI

Mund të ndjeni nevojën për të ndryshuar diçka në rutinën tuaj. Këto nuk janë domosdoshmërisht revolucione të mëdha, por rregullime të vogla që ju lejojnë të jetoni ditët tuaja më mirë. Në punë, keni një aftësi të mirë për të reaguar ndaj ngjarjeve të papritura dhe për të gjetur zgjidhje të shpejta. Megjithatë, në dashuri do të ishte e dobishme të ngadalësoni pak dhe të dëgjoni më me vëmendje nevojat e atyre që ju rrethojnë. Ndonjëherë një fjalë e thënë me qetësi vlen më shumë se një mijë veprime impulsive.

DEMI

Sipas horoskopit të Paolo Fox (e mërkurë, 3 qershor 2026), qielli ju ftojnë të dilni nga zona juaj e rehatisë. Kohët e fundit, keni kërkuar siguri, por sot mendoni se ka ardhur koha të kënaqeni me disa gjëra të reja. Në punë mund të shfaqen ide interesante që do të dëshironi t’i zhvilloni në të ardhmen e afërt. Në dashuri, duhet të ndiheni të vlerësuar dhe të kuptuar, por edhe ju duhet të bëni një përpjekje për të shprehur ndjenjat tuaja pa pritur që të tjerët ta hamendësojnë.

BINJAKËT

Është një ditë e gjallë dhe stimuluese. Kurioziteti juaj është veçanërisht aktiv, duke ju shtyrë të vëzhgoni njerëzit dhe situatat me sy të freskët. Në punë, mund të keni një pasqyrë shumë të dobishme ose të merrni informacione që do t’ju ndihmojnë të merrni një vendim të rëndësishëm. Në dashuri, jeni duke kërkuar për qetësi, por qielli sugjeron që të mos i shmangeni bisedave serioze kur është e nevojshme.

GAFORRJA

Më i fortë nga sa mendon. Disa shqetësime që të kanë munduar ditët e fundit po fillojnë të zbehen ngadalë. Në punë, je në gjendje të ruash qetësinë dhe diplomacinë edhe kur ka trazira përreth teje. Në dashuri, është një ditë e favorshme për të rifituar mirëkuptimin dhe afërsinë emocionale. Ata që janë beqarë mund të ndiejnë dëshirën për t’u hapur më shumë ndaj të tjerëve.

LUANI

Sipas horoskopit të Paolo Fox (e mërkurë, 3 qershor 2026), qielli i sotëm ju ndihmon të përcaktoni përparësitë. Shpesh jeni mësuar të xhongloni me shumë gjëra në të njëjtën kohë, por tani e kuptoni se disa meritojnë më shumë vëmendje sesa të tjerat. Në punë, do të keni një mundësi të mirë për të demonstruar kompetencën dhe besueshmërinë tuaj. Në dashuri, keni nevojë për spontanitet dhe ngrohtësi: lini mënjanë krenarinë tuaj dhe shprehni qartë ndjenjat tuaja.

VIRGJËRESHA

Dita favorizon organizimin dhe konkretësinë. Keni mundësinë të zgjidhni një çështje praktike që ju ka zvarritur për ca kohë. Në punë, jeni veçanërisht efikas dhe në gjendje të shihni detaje që të tjerët i anashkalojnë. Në dashuri, qielli ju ftojnë të jeni më pak të ashpër me veten dhe ata përreth jush. Jo çdo gjë duhet të jetë perfekte që të funksionojë mirë.

PESHORJA

Ndjeni nevojën për të pajtuar dëshirat tuaja me realitetin tuaj. Disa situata kërkojnë një qëndrim më të qartë. Në punë, mund të thirreni për të ndërmjetësuar midis njerëzve me mendime të ndryshme. Në dashuri, është një ditë e dobishme për të sqaruar keqkuptimet dhe për të forcuar besimin e ndërsjellë.

AKREPI

Sipas horoskopit të Paolo Fox (e mërkurë, 3 qershor 2026), intuita juaj është veçanërisht e mprehtë sot. Jeni në gjendje të dalloni nuancat që të tjerët nuk i vënë re, duke ju lejuar të ecni përpara me shumë besim. Në punë, mund të jeni në gjendje të parashikoni se si do të evoluojë një situatë. Në dashuri, jeni intensivë dhe të thellë, por duhet të shmangni përqendrimin shumë te vetja: ndarja e ndjenjave tuaja do t’ju bëjë mirë.

SHIGJETARI

Dëshira për të parë përtej kufijve tuaj të zakonshëm është shumë e fortë. Sot mund të ndiheni të tërhequr nga ide të reja, projekte të reja ose thjesht perspektiva të ndryshme. Në punë, ekziston një dëshirë për rritje dhe liri më të madhe. Në dashuri, qielli favorizon sinqeritetin dhe marrëdhëniet e bazuara në besim të ndërsjellë. Megjithatë, shmangni premtimet për më shumë sesa mund të përmbushni.

BRICJAPI

Është një ditë pozitive për ata që duan të konsolidojnë diçka të rëndësishme. Në punë, jeni të vendosur dhe të aftë të përballoni edhe detyra komplekse pa humbur fokusin. Mund të merrni një konfirmim të shumëpritur. Në dashuri, qielli ju ftojnë të jeni më pak të rezervuar: ata që ju duan duhet të perceptojnë edhe anën tuaj më të dashur.

UJORI

Sipas horoskopit të Paolo Fox (e mërkurë, 3 qershor 2026), kreativiteti është aleati juaj më i mirë. Idetë dhe njohuritë vijnë në kohët më të papritura dhe mund të jenë shumë të dobishme. Në punë, përpiquni të mos nënvlerësoni një propozim të pazakontë. Në dashuri, ndjeni nevojën për marrëdhënie autentike dhe jokonvencionale, por gjithashtu duhet të angazhoheni për të qenë më të pranishëm emocionalisht.

PESHQIT

Ju ofrohet mundësia për t’i dëgjuar më mirë instinktet tuaja. Emocionet janë intensive, por jo kaotike; përkundrazi, ato ju ndihmojnë të kuptoni më mirë atë që dëshironi. Në punën tuaj, mund të gjeni një zgjidhje elegante për një problem në dukje të ndërlikuar. Në dashuri, ka vend për butësi, mirëkuptim dhe momente të vogla që lënë një përshtypje të qëndrueshme.

Eksperti i kriminaIistikës Ervin Karamuço i ftuar këtë të hënë në emisionin “Now” me Erla Mëhillin në Euronews Albania ka folur lidhur me protestat dhe dhunën e regjistruar nga policët privatë në Zvërnec. Ai theksoi se lidhur me këtë çështje duhet të bëhet transparencë për pronësinë, për letrat dhe procedurat.

Ndër të tjera ai shtoi se ka vende që nuk duan që investimi 4 miliardë dollarësh të vijë në Shqipëri. Sipas tij vendeve të tjera të rajonit, nuk u pëlqyen raportimet se familja e presidentit amerikan Donald Trump do të bëjë një investim të madh në Vlorë.

“Kishte shumë kohë që nuk po përtypej dot historia e familjes së presidentit Trump, e cila ishte e fokusuar në interesin e një investimi të madh në zonën e Vlorës nga ana e shteteve të tjera fqinje të rajonit. Ishte halë në sy dhe u gjet ky moment.

U shfrytëzua kjo ngjarje që të krijojë menjëherë në sintoni të plotë me rrjete sociale, me grupe interesi dhe me gjithçka. E kemi parë menjëherë mbi të gjitha shoqatat, të gjitha OJF-të, të gjitha grupet që ishin në qetësi.

Nuk pashë njeri të çohej të shkonte të protestonte në Lezhë a të protestonte në Tiranë. Sapo ndodhi kjo e Vlorës, më ka bërë përshtypje, ka shpërthyer rrjetet sociale, organizimi i menjëhershëm që filloi nga vendet fqinje. Dhe kam dyshime, jo se i organizojnë ata, të lutem duhet ta qartësojmë, po ka një ngjitje të faktorëve të jashtëm për ta sabotuar këtë investim kaq të madh në jug të vendit.

Unë jam për transparencë, unë jam që ai investim duhet të qartësohet dhe interesat kombëtare se ku janë. Por nga ana tjetër, unë nuk jam t’i kthehet kurrizi investimeve të huaja sepse nuk do bëhemi më seriozë kurrë me shtete të tjera dhe me grupe interesi shumë të rëndësishme globale. Dhe do të thonë Shqipëria është një kosh plehrash që duhen çuar vetëm plehra. Jo para! Paratë i çojnë në Mal të Zi dhe në Greqi dhe jo më në Shqipëri”, tha ai.

“Nuk kam asgjë kundër atyre që reagojnë për Zvërnecin. Madje shumë mirë bëjnë. Kam diçka kundër atyre që reagojnë vetëm për Zvërnecin.”

Me këto fjaIë, Luiz Ejlli ka reaguar për situatën në Zvërnec, duke ngritur një pyetje që prej kohësh mbetet pa përgjigje: pse disa kauza marrin vëmendje kombëtare, ndërsa të tjera lihen në harresë?

Ai kujton se banorët e Rrjollit po përballen prej javësh me tensione dhe përplasje të forta, pa marrë të njëjtin reagim publik që po merr sot Zvërneci.

“Ku është ndryshimi mes Rrjollit dhe Zvërnecit? Ose reagojmë për të gjithë, ose po përdorim standarde të dyfishta”, shkruan ai.

Dhe pikërisht këtu qëndron problemi më i madh.

Ne si media kemi bërë vazhdimisht të njëjtën thirrje: protestat në Shqipëri humbasin sepse mbeten vetëm. Nuk bashkohen. Nuk mbështeten nga komunitete të tjera. Nuk kthehen kurrë në një reagim qytetar kombëtar.

Çdo protestë e izoluar është më e lehtë për t’u shtypur. Çdo komunitet i lënë vetëm është më i dobët. Kur zërat bashkohen, mesazhi bëhet më i fortë.

Kujtoni protestat e Fushë Krujës. Banorë që dolën masivisht, familje të tëra, me prova në dorë dhe me zemërim legjitim. Ajo mund të ishte kthyer në një pikë kthese nëse do të kishte pasur mbështetje më të gjerë qytetare dhe politike. Por nuk ndodhi.

Protesta u përball me forca policie, tensione, përplasje dhe shoqërime. U shua. Ashtu edhe Baks-Rrjolli. Siç janë shuar shumë të tjera para saj.

E njëjta gjë po ndodh sot në Zvërnec. Në vend që qytetarët ta shohin si një çështje që i përket të gjithëve, rrezikon të trajtohet si hall i banorëve të zonës. Dhe pikërisht kështu humbasin betejat.

Ne të tjerët vazhdojmë të shohim nga larg. “Nuk është problemi ynë”, themi. “Nuk na prek ne”, mendojmë. Sot është toka e dikujt tjetër. Nesër do të jetë e jona.

Kemi parë çfarë po ndodh me Portin e Durrësit. Kemi parë çfarë po ndodh në Vlorë. Kemi parë Fushë Krujën, Rrjollin dhe Zvërnecin. Në disa raste protestat lokalizohen. Në raste të tjera nuk organizohen fare. Dhe sistemi vazhdon të fitojë pikërisht sepse qytetarët nuk bashkohen.

Çdo protestë e shtypur është humbje për të gjithë. Çdo tokë e humbur sot është precedent për nesër. Çdo herë që heshtim kur të tjerët shtypen, po forcojmë sistemin që nesër do të vijë edhe për ne.

Prandaj e përsërisim thirrjen tonë:

Shqipëria është e të gjithëve. Jo vetëm e banorëve të një zone.

Duhet të dalim edhe kur halli nuk është te dera jonë. Duhet të ngrihemi edhe kur toka që rrezikon të merret nuk është e jona. Duhet të reagojmë edhe kur protesta zhvillohet qindra kilometra larg nesh.

Sepse nëse nuk ngrihemi për njëri tjetrin, nuk do të ketë më nevojë që askush të na ndajë apo të na mposhtë.

Ne do ta kemi bërë vetë.

Ngjarja e fundit në Zvërnec duket se ka shkaktuar reagime të forta në Greqi, ku një pjesë e madhe e mediave greke i kanë kushtuar hapësirë zhvillimeve, duke ngritur pretendime dhe shqetësime për atë që e cilësojnë si cenim të pronave dhe të drejtave të minoritetit grek në zonë.

Në artikujt dhe komentet e publikuara në mediat greke, nuk kanë munguar tone alarmiste, ndërsa disa prej tyre shkojnë deri aty sa të pretendojnë se “po na marrin tokën tonë”, duke e trajtuar çështjen si një problem me ndikim kombëtar.

Reagimet vijnë pas debatit të krijuar për situatën në Zvërnec, ndërsa më herët pati edhe një reagim nga Ministria e Punëve të Jashtme e Greqisë, e cila foli për mbrojtjen e të drejtave dhe pronave të anëtarëve të minoritetit grek në zonë.

Sot edhe kryeministri Edi Rama ka reaguar ndaj qëndrimit të qeverisë greke.

Ai shtoi se ngritja e çështjes mbi baza etnike nuk i shërben marrëdhënieve mes dy vendeve, të cilat sipas tij janë në një nivel të mirë, dhe theksoi se pretendimet mbi pronësinë janë çështje që duhet trajtuar në rrugë ligjore.

Një ngjarje e rëndë ka ndodhur në orët e para të mëngjesit të sotëm në KaIamata të Greqisë, ku një 41-vjeçar ka vrarë partneren njëherazi mamanë e fëmijëve të tij në sy të këtyre të fundit.

Ngjarja e rëndë është mësuar nga raportimet e mediave greke të cilat shkruajnë se rreth orës 2 të mëngjesit policia mori një denoncim nga qytetarët të cilët bënë me dije se zëra femrash po dëgjoheshin në pallat teksa kërkonin ndihmë.

Për rrjedhojë, efektivët kanë mbërritur menjëherë në vendngjarje ku në prag të derës së shtëpisë, nga ku dëgjoheshin zhurma, gjetën fqinjët që përpiqeshin të dëgjonin me kujdes për të kuptuar situatën, raporton Protothema.gr

Me të mbërritur Policia në vendngjarje, nga banesa që prej orësh buçiste nga zëra femrash, në atë moment nuk dëgjohej asgjë, çka nxiti më tej dyshimet se diçka nuk po shkonte mirë. Fillimisht, trokitjeve në derë nuk po u përgjigjej askush.

Pak minuta më vonë, i zoti i shtëpisë, një 41-vjeçar zgjodhi t’u hapte derën oficerëve të cilët bastisën menjëherë në banesën e familjes, ku u përballën me një skenë të tmerrshme. Dysheme dhe rroba të zhytura në gjak gjendeshin ngado nëpër shtëpi. Ndërsa në hyrje të dhomës së gjumit dergjej në tokë trupi i viktimës 39-vjeçare e cila kishte marrë plagë të shumta në trup, dyshohet nga goditjet me thikë që e reja mori nga partneri i saj.

Për rrjedhojë të ngjarjes së rëndë, që thuhet se ka ndodhur në prani të fëmijëve të çiftit, të cilët në momentin e ngjarjes kanë qenë në dhomën ngjitur me atë ku ndodhi krimi makabër, blutë vunë në pranga autorin e dyshuar 41-vjeçar. Burri mësohet të ketë rrëfyer versionin e tij në lidhje me ngjarjen e rëndë.

“U grindëm, unë kapa thikën dhe e vrava”, raportohet të ketë thënë 41-vjeçari që e goditi për vdekje gruan e tij në Kalamata.

Fëmijët e çiftit të cilët thuhet se janë të moshës 10 dhe 6 vjeç, janë transferuar për në Klinikën Pediatrike të Spitalit të Përgjithshëm të Kalamatës, ku do t’u ofrohet kujdesi dhe mbështetja e nevojshme psikologjike.

Lexo gjithashtu: Rama ka marre nje vendim te fundit qe prek te gjithe shqiptaret
Në lidhje me ngjarjen e rëndë ka dëshmuar dhe një banore e zonës e cila shprehet se e njihte familjen pasi motra e saj shoqërohej shpesh me viktimën.

“Ajo ka shumë vite që shoqërohet me motrën time. E njohim prej shumë vitesh. Nuk e di nëse kanë pasur ndonjë problem. I kam parë bashkë. Fëmijët janë në spital, motra ime më kërkoi t’u çoja rroba” thotë banorja.

Autoritetet vendase po vijojnë punën e tyre me zbardhjen e plotë të rastit. Ndërsa pritet të dalin detaje të reja në vijm.

Gazetarja Klodiana Lala ka zbuluar detaje të reja nga hetimet që Prokuroria e Posaçme (SPAK) po zhvillon ndaj ish-zv/kryeministres Belinda Balluku. Sipas saj, hetimet janë në zhvillim dhe përfshijnë verifikime të shumta mbi pasurinë, transaksionet financiare dhe personat që dyshohet se lidhen me këtë dosje. Lala tha se prokurorët kanë marrë në pyetje shumë persona, mes tyre edhe përfaqësues të biznesit. Ndërkohë janë kryer kontrolle dhe po shqyrtohen të gjitha pajisjet e sekuestruara, përfshirë kompjuterë, laptopë dhe celularë. Ajo u shpreh në një intervistë në NTV se fokusi kryesor i SPAK aktualisht është pasuria e Ballukut dhe e personave të lidhur me të. Po verifikohet nëse ka pasuri të padeklaruara, ndërsa po hetohen edhe transaksione jashtë Shqipërisë, veçanërisht shpenzime që lidhen me shkollimin e fëmijëve. Këto verifikime janë shtrirë edhe në vende të Bashkimit Europian përmes letërporosive. Një nga pikat që po tërheq më shumë vëmendje në hetim lidhet me dyshimet për një vilë në bregdetin e jugut, për të cilën flitet se është në emër të ish-futbollistit të kombëtares, Igli Tare. Sipas Lalës, prokurorët po verifikojnë marrëdhëniet financiare që mund të ekzistojnë mes palëve. Sipas gazetares, rezultatet më të plota të këtij hetimi pritet të dalin në muajin korrik, kur mbyllet afati i shtyrjes së hetimeve. Deri tani janë sekuestruar mijëra faqe dokumente, kontrata dhe pajisje elektronike, ndërsa dosja vijon të ndiqet me interes të lartë edhe nga partnerët ndërkombëtarë.

Klodiana Lala zbulon detajet nga hetimet e SPAK:

“Çështjet janë dinamike. Janë pyetur shumë personazhe, përfshirë njerëz të biznesit. Janë bërë kontrolle dhe po kqyren të gjitha pajisjet e sekuestruara: kompjuterë, laptopë dhe celularë. Prokurorët aktualisht janë ndalur kryesisht te pasuria e zonjës Balluku dhe personave të bashkëlidhur. Po hetohet nëse ka pasuri të fshehura dhe po verifikohen transaksionet jashtë vendit përmes letërporosive, veçanërisht shpenzimet për shkollimin e fëmijëve. Hetimi është shtrirë në vende të Bashkimit Europian. Një provë kryesore për prokurorët pritet të jetë dëshmia e një ish-futbollisti të kombëtares, në emrin e të cilit flitet për një vilë në bregdetin e jugut; po shihen marrëdhëniet financiare mes tyre. Janë hapur edhe tendera të tjerë dhe po hetohen disa kompani kryesore.

Ndaj zonjës Balluku mbeten në fuqi dy masa: ndalim i daljes jashtë shtetit dhe pezullim nga ushtrimi i funksioneve. Për ndalimin e daljes jashtë, ajo do t’i drejtohet Kushtetueses pasi Gjykata e Lartë nuk ia pranoi rekursin. Mendimi im është se zonja Balluku duhet të kishte dhënë dorëheqjen që kur u ngritën akuzat për Tunelin e Llogarasë, për t’u përballur me drejtësinë pa “mburojën” e Partisë Socialiste. Prokuroria kërkoi leje për arrestim, por mazhoranca e rrëzoi, duke dëmtuar alibinë e zotit Rama për mbështetjen e drejtësisë së re. Ka pasur diskutime nëse SPAK gaboi me strategjinë e pezullimit në vend të një akuze më të rëndë që në fillim.

Balluku ishte gruaja më e pushtetshme në PS, me portofolin më të madh të parave publike, ndaj goditja e saj ishte shumë e ndjeshme. Rezultatet e hetimit pritet t’i kemi më të plota në muajin korrik, kur përfundon afati i shtyrjes. Janë sekuestruar mijëra faqe dokumente, kontrata dhe celularë. Ne nuk dimë ende nëse ka një bashkëpunëtor të drejtësisë edhe në këtë dosje, por flitet për një ish-bashkëpunëtor që ka pranuar të rrëfehet për kërcënime të mundshme. Kjo dosje po ndiqet me interes edhe nga partnerët ndërkombëtarë dhe mazhoranca ka marrë kritika të forta në rrugën drejt BE-së.”.

Media amerikane “Politico” u ka kushtuar vëmendje zhvillimeve rreth projektit për Zvërnecin. “Politico” raporton se SPAK ka nisur hetime për ndryshimet në statusin e zonave të mbrojtura dhe pronësinë e tokës në Sazan dhe Vjosë-Nartë. Artikulli thekson gjithashtu protestat në rritje të qytetarëve dhe organizatave mjedisore kundër projektit, ndërsa vëren se Jared Kushner dhe kompania e tij nuk kanë komentuar mbi hetimin…

Prokuroria e Posaçme Kundër Korrupsionit dhe Krimit të Organizuar (SPAK) po heton një projekt turistik luksoz të lidhur me Jared Kushner, dhëndrin e presidentit amerikan Donald Trump, ndërsa protestat e qytetarëve dhe organizatave mjedisore kundër zhvillimit të tij vazhdojnë.

Projekti përfshin ishullin e pabanuar të Sazanit në Adriatik dhe disa qindra hektarë të peizazhit të mbrojtur Vjosë-Nartë, një zonë e ndjeshme ligatinore bregdetare ku jetojnë flamingo, foka dhe breshka detare që përdorin zonën për folezim.

SPAK konfirmoi të hënën se ka hapur një hetim lidhur me ndryshimet e kryera gjatë vitit 2024 në statusin e mbrojtjes së zonës dhe në pronësinë e tokës, vendime që krijuan mundësinë për zhvillimin e investimeve turistike. Prokuroria nuk dha komente të mëtejshme deri në publikimin e lajmit.

Kushner drejton kompaninë e investimeve private Affinity Partners, e cila zotëron një portofol pasurish të paluajtshme me vlerë miliarda dollarë. Ai shërben gjithashtu si i dërguar special i Trumpit për paqen dhe është i përfshirë në negociata diplomatike që lidhen me Gazën, Iranin dhe luftën në Ukrainë. Kritikët kanë ngritur vazhdimisht shqetësime për ndërthurjen e interesave të tij biznesore me rolet politike.

Në gusht 2024, Kushner prezantoi planet e Affinity Partners për ta shndërruar zonën në një resort luksoz, ndërsa në fillim të vitit 2026 ai vizitoi vendndodhjen së bashku me bashkëshorten e tij, Ivanka Trump.

Në një intervistë të fundit për POLITICO, kryeministri Edi Rama konfirmoi se bisedimet mes qeverisë shqiptare dhe Kushnerit vazhdojnë. Projekti parashikon ndërtimin e rreth 10 mijë dhomave hoteliere.

Kushner dhe Affinity Partners nuk iu përgjigjën menjëherë kërkesave për koment lidhur me hetimin.

Duke folur para deputetëve të Kuvendit të Shqipërisë të hënën, Rama mohoi se projekti prek një rezervat të mbrojtur natyror dhe deklaroi se propozimi përfundimtar ende nuk është dorëzuar, ndërsa studimi i ndikimit në mjedis nuk ka përfunduar.

SPAK u krijua në vitin 2019 me mbështetjen e Bashkimit Evropian dhe Shteteve të Bashkuara si pjesë e reformës në drejtësi. Institucioni vepron në mënyrë të pavarur nga sistemi gjyqësor dhe ka hetuar, ndjekur penalisht dhe dënuar një numër zyrtarësh të lartë nga të gjitha krahët politikë. Sipas disa sondazheve të pavarura, ai konsiderohet institucioni më i besuar në vend.

Protestat e organizuara nga qytetarët dhe organizatat mjedisore nisën në fund të muajit maj, pasi zhvilluesit e projektit vendosën gardhe të larta me tela me gjemba në zonën e Zvernecit, në jug të Shqipërisë, duke penguar hyrjen e banorëve dhe turistëve në plazh.

Të dielën në mbrëmje, protestues, qytetarë dhe përfaqësues të organizatave mjedisore u mblodhën para institucioneve qeveritare dhe kërkuan ndalimin e projektit, mbrojtjen e zonës nga ndërtimet dhe madje dorëheqjen e kryeministrit.

Një protestë tjetër është paralajmëruar në Tiranë, ndërsa më 6 qershor pritet të mbahet një tubim edhe pranë zonës së projektit afër Vlorës, teksa shtohen thirrjet për reagim nga shoqëria civile.

Pas protestave të së shtunës u publikuan pamje ku roje të sigurisë private shfaqeshin duke ushtruar dhunë ndaj një protestuesi dhe duke e tërhequr atë pranë një shkëmbi, ndërsa kërcënonin persona të tjerë që përpiqeshin të hiqnin gardhet dhe të ndalonin punimet.

Pas incidentit, autoritetet shqiptare revokuan licencat e dy kompanive private të sigurisë. Një roje u arrestua dhe u la në paraburgim. Ndërkohë, rreth 15 protestues janë proceduar penalisht, ndërsa drejtuesi i policisë lokale është shkarkuar nga detyra.

“Dua ta bëj Shqipërinë një vend që të jetë një destinacion i admiruar në rajon dhe ky projekt është pjesë e kësaj përpjekjeje”, deklaroi Rama të hënën.

Shqipëria synon të anëtarësohet në Bashkimin Evropian deri në vitin 2030 dhe tashmë ka hapur të gjithë kapitujt e negociatave. Të premten, liderët e 27 vendeve anëtare të BE-së do të takohen në Mal të Zi me udhëheqësit e Ballkanit Perëndimor, përfshirë edhe Ramën, për të diskutuar zgjerimin e bllokut.

Affinity Partners hoqi dorë në vitin 2025 nga një projekt i madh zhvillimi në Serbi, pas polemikave dhe hetimeve të nisura nga autoritetet vendase kundër korrupsionit. /Përshtatur nga “Politico”