Category: Lajme

Situata në Zvërnec të Vlorës, aty ku po ndërtohet një resort gjìgand turistik për dhëndrin e Donald Trump, ka kaluar ‘pa u vënë re’ nga Partia Demokratike, forca më e madhe opozitare në vend.

Edhe pse pamjet e dhunës, bënë xhiron e rrjetit një ditë më parë, ku persona të maskuar rrahën dhe tërhoqën zvarrë protestuesit, asnjë nga përfaqësuesit e PD-së nuk reagoi.

Kreu i kësaj force politike, Sali Berisha, i cili nuk nguron ‘të ndëshkojë’ publikisht veprimet e dhunshme të regjistruara shpesh në protestat e qytetarëve, këtë herë çuditërisht ka zgjedhur të heshtë.

I vetmi që ka reaguar nga radhët e PD-së, është deputeti Belind Këlliçi, i cili për të justifikuar disi heshtjen e opozitës ka shkruar disa radhë, duke fajësuar Policinë e Shtetit dhe Edi Ramën.

“Dhuna nga civilë të maskuar ndaj një protestuesi në Zvërnec, në prani të Policisë së Shtetit, është panorama reale e vendit tonë. Të fortët e lidhur me Edi Ramën kanë marrë pronën, nuk bëjnë transparencë dhe dhunojnë qytetarët që ngrenë zërin. Aty është policia e shtetit që nuk mbron qytetarët por ndihmon klientin e qeverisë. Kthehet në gardë pretoriane për oligarkët dhe kjo nuk është hera e parë që ndodh. Dhe për ta bërë edhe më të plotë pamjen e demokracisë që kemi sot, ky skandal i rëndë nuk u pasqyrua dje në asnjë prej mediave kryesore të vendit. Një censurë e turpshme”,- shkruan Këlliçi mes të tjerash në fb.

Pra kjo forcë politike, që pretendon se denoncon çdo aferë të qeverisë, për çështje të pronës private, investimeve strategjike dhe përdorimit të forcës ndaj qytetarëve, në rastin e Zvërnecit, kyçi gojën.

Dhe kjo heshtje e opozitës, nuk ka kaluar pa u vënë re. Gazetari Armir Shkurti, ka ironizuar mes rreshtash, Sali Berishën.

“Doktor Berisha! Sa i bukur perëndimi i diellit në Zvërnec”,– shkruan Shkurti, krahas një fotoje nga perëndimi në zonën e Zvërnecit.

Pra në një kohë kur qytetarët e zonës së Zvërnecit akuzojnë se planet klienteliste të qeverisë po u rrëmbejnë tokat, madje duke i rrahur, rrëmbyer e tërhequr zvarrë, mungesa e reagimit nga opozita ushqen dyshime se heshtja nuk është rastësore.

Në një çështje ku zakonisht PD duhet të ishte në vijën e parë të akuzave ndaj qeverisë, qëndrimi pasiv ngre pyetjen nëse edhe vetë opozita ka arsye politike, marrëveshje apo interesa që e bëjnë të shmangë përplasjen me projektin e Zvërnecit, përndryshe nuk dihet se kush ja mbylli gojën forcës më të madhe opozitare në vend

Se.ksi është një prej kënaqësive më të mëdha të jetës, ku piku i kënaqësisë ndodh me arritjen e org.azmës.

Kemi menduar gjithmonë se femrat ulërasin instinktivisht gjatë raportit s.eksual, me arritjen e kulmit të kënaqësisë.

Në të vërtetë një studim i publikuar në revistën shkencore “Archives of Se.xual Behavior” ka zbuluar se nuk ekziston asnjë lidhje mes orga.zmës së femrës dhe shprehisë me zë.

Kjo pasi u zhvillua një sondazh bazuar në 71 femra me moshë nga 18 deri në 48 vjeçe, dhe në pjesën më të madhe të rasteve, u zbulua e vërteta.

Femrat që ulërasin me forcë gjatë raportit se.ksual, e bëjnë vetëm për të kënaqur dhe stimuluar partnerin.

Klithmat kësisoj përdoren si instrument manipulimi, në mënyrë që mashkulli të arrijë i pari org.azmën.

Në pjesën më të madhe të rasteve, kjo gjë përdoren nga femrat kur mërziten gjatë aktit, lodhen ose nuk ndihen mirë.

Nga ana tjetër meshkujt, binden se ato klithma janë prej kënaqësisë për shkak të performancës së tyre në shtrat.

Dashi

Java nis me shumë entuzìazëm falë ndikimit të Hënës së Plotë në Shigjetar, e cila ju jep energji, optimizëm dhe dëshirë për të ecur përpara në karrierë. Do të ndiheni të motivuar për të realizuar projekte dhe për të ndjekur objektiva ambicioze.

Megjithatë, pjesa tjetër e javës mund të jetë më e ndërlikuar në komunikim. Merkuri, duke hyrë në Gaforre, ju detyron të tregoheni më të kujdesshëm me fjalët. Në punë do të jetë e rëndësishme të përshtateni me njerëz të ndryshëm dhe të shmangni reagimet impulsive. Në dashuri, partneri ka nevojë për më shumë ndjeshmëri dhe butësi nga ana juaj.

Demi

Për Demët kjo është një javë shumë pozitive. Merkuri bëhet aleati juaj dhe ju ndihmon të shprehni mendimet dhe ndjenjat në mënyrë më të qartë. Ndiheni më të sigurt në komunikim dhe më të aftë për të bindur të tjerët.

Marsi në shenjën tuaj rrit energjinë, vendosmërinë dhe pasionin. Ambiciet tuaja fillojnë të marrin drejtimin e duhur dhe një dëshirë e rëndësishme mund të fillojë të bëhet realitet. Venusi favorizon dashurinë dhe ju ndihmon të krijoni një ekuilibër të bukur mes ndjenjave dhe pasionit. Kjo javë është ideale për të hedhur themelet e projekteve që do të japin rezultate në javët në vijim.

Binjakët

Java sjell ndryshime të rëndësishme sepse Merkuri largohet nga shenja juaj dhe hyn në Gaforre. Kjo e bën komunikimin më emocional dhe më pak racional se zakonisht.

Ekziston rreziku i keqkuptimeve ose interpretimeve të gabuara, sidomos sepse Merkuri përplaset menjëherë me Neptunin. Duhet të dëgjoni me kujdes dhe të mos nxitoni në përfundime. Megjithatë, Dielli dhe Urani vazhdojnë t’ju mbajnë në qendër të vëmendjes dhe ju japin shumë mundësi sociale. Në dashuri, një histori mund të fillojë të marrë një drejtim më serioz dhe më të qëndrueshëm.

Gaforrja

Kjo është një nga javët më të rëndësishme të periudhës për ju. Venusi dhe Jupiteri vazhdojnë të favorizojnë jetën sentimentale, financiare dhe profesionale, duke sjellë mundësi konkrete për rritje.

Ngjarja më e rëndësishme është hyrja e Merkurit në shenjën tuaj më 2 qershor. Kjo ju bën më komunikues, më të hapur dhe më të gatshëm për të krijuar lidhje të reja. Megjithatë, ndikimi i Neptunit mund t’ju bëjë të idealizoni situata ose njerëz. Kujdes të mos ndërtoni pritshmëri të tepruara. Intuita juaj është e fortë, por duhet të qëndroni me këmbë në tokë.

Luani

Për Luanët kjo javë sjell qartësi në marrëdhënie dhe në jetën emocionale. Hëna në Ujor ju shtyn të tregoni më shumë vëmendje ndaj partnerit dhe ndaj detajeve të vogla që shpesh i lini pas dore.

Në punë mund të përjetoni zhvillime interesante që ju vendosin në qendër të vëmendjes. Përveç suksesit profesional, do të zbuloni edhe një anë më njerëzore dhe më të ndjeshme të vetes. Në dashuri koha mbetet e kufizuar për shkak të angazhimeve, por situata po përmirësohet dhe javët e ardhshme premtojnë më shumë harmoni.

Virgjëresha

Kjo javë sjell një ndryshim shumë pozitiv. Merkuri, planeti juaj udhëheqës, hyn në Gaforre dhe ju ndihmon të jetoni emocionet në mënyrë më të natyrshme.

Mendimet bëhen më romantike dhe dashuria rikthehet në qendër të vëmendjes. Çiftet mund të përmirësojnë marrëdhënien dhe të gjejnë më shumë mirëkuptim. Në të njëjtën kohë, qielli favorizon financat, projektet e reja dhe investimet. Jupiteri sjell fat dhe mundësi konkrete për të nisur diçka të rëndësishme. Kjo është një javë ideale për të dalë nga rutina dhe për të ndjekur dëshirat tuaja.

Peshorja

Për ju, hyrja e Merkurit në Gaforre mund të sjellë pak konfuzion mendor. Mendimet grumbullohen dhe mund të ndiheni më emocionalë se zakonisht.

Megjithatë, Jupiteri vazhdon t’ju shtyjë drejt objektivave ambicioze. Për t’i arritur ato do të keni nevojë për bashkëpunëtorë të besueshëm dhe nuk duhet të përpiqeni të bëni gjithçka vetë. Dielli dhe Urani ju japin mundësi të reja, veçanërisht në fushën profesionale. Në dashuri, mos e lini partnerin në plan të dytë për shkak të angazhimeve të shumta.

Akrepi

Merkuri në Gaforre formon një aspekt shumë të favorshëm me shenjën tuaj dhe ju jep një avantazh të madh. Do të arrini të kuptoni më qartë situata që deri tani ju dukeshin të paqarta.

Në dashuri komunikimi bëhet më i sinqertë dhe më i drejtpërdrejtë. Ka më pak vend për lojëra dhe më shumë për autenticitet. Në punë kërkesat ndaj jush mbeten të larta, por jeni në një periudhë ku mund të ndërtoni baza të forta për suksesin e ardhshëm. Kjo është një javë e rëndësishme për vendime afatgjata.

Shigjetari

Java nis në mënyrë shumë pozitive falë ndikimit të Hënës së Plotë në shenjën tuaj. Do të ndiheni energjikë, optimistë dhe më të hapur ndaj emocioneve.

Lajmi më i mirë është se Merkuri largohet nga përballja me shenjën tuaj dhe hyn në Gaforre. Kjo largon konfuzionin e javëve të fundit dhe ju ndihmon të riktheni dialogun, qetësinë dhe dëshirën për të komunikuar. Në dashuri bëheni më të butë dhe më të gatshëm për të dëgjuar partnerin. Megjithatë, Dielli dhe Urani në përballje vazhdojnë t’ju bëjnë të shpërqendruar dhe të tërhequr nga shumë drejtime njëkohësisht.

Bricjapi

Kjo javë sjell një transformim të brendshëm shumë të rëndësishëm. Hëna kalon në shenjën tuaj gjatë ditëve të para dhe ju ndihmon të kuptoni më mirë emocionet tuaja.

Më e rëndësishmja është përballja e Merkurit nga Gaforrja, e cila ju shtyn të analizoni ndjenjat dhe marrëdhëniet me më shumë sinqeritet. Shumë prej jush do të zhvillojnë biseda të rëndësishme me partnerin, të cilat do të sjellin qartësi dhe siguri për të ardhmen. Në punë, aspektet pozitive mes Saturnit dhe Diellit favorizojnë karrierën dhe avancimin profesional.

Ujori

Për Ujorët kjo është një javë shumë frymëzuese. Ndiheni më të qetë emocionalisht dhe më të lidhur me intuitën tuaj.

Kulmi i energjisë vjen në fundjavë, kur Hëna ju ndihmon të kombinoni kreativitetin me emocionin. Mund të lindin ide revolucionare, projekte të reja ose plane që kanë potencial afatgjatë. Edhe dashuria merr një rol më të rëndësishëm në jetën tuaj. Mund të kuptoni se ndjenjat janë po aq të rëndësishme sa ëndrrat dhe projektet personale.

Peshqit

Për ju, Merkuri në Gaforre është përgjithësisht pozitiv, por përplasja e tij me Neptunin krijon një farë konfuzioni. Mund të keni vështirësi në dallimin mes asaj që dëshironi dhe asaj që është realisht e mundur.

Në dashuri vazhdon një periudhë shumë e bukur dhe emocionuese. Zemra juaj ndihet e ngrohtë dhe e mbështetur. Në punë, megjithatë, duhet të jeni më realistë. Është momenti të kuptoni se disa persona nuk po kontribuojnë sa duhet dhe po ju zhgënjejnë. Vendimet që do të merrni tani mund të përmirësojnë ndjeshëm situatën tuaj profesionale në të ardhmen.

Rregullat janë njësoj për të gjithë, edhe ato të qarkullimit rrugor dhe nga kjo nuk përjashtohen futbollistët e kombëtares shqiptare.

Ai që e provoi në lëkurën e tij këte ishte mbrojtësi i Kombëtares shqiptare, Elseid Hysaj i cili u gjobit nga policia për shkelje të qarkullimit rrugor me futbollistin që rezultoi se po ecte me shpejtësi të lartë në qendër banimi.

Mbrojtësi shkodran ishte në shoqërinë e sulmuesit Taulant Seferi kur u ndal nga policia që mori më pas edhe masën për të

Elseid Hysaj dhe Taulant Seferi kanë ardhur në Shqipëri pasi ditën e hënë kombëtarja shqiptare do të nisë grumbullimin nën drejtimin e trajnerit të ri, Rolando Maran për dy ndeshjet miqësore me Izraelin dhe Luksemburgun që do të luhen respektivisht në 3 dhe 6 qershor.

Deputetët e PS-së, Erion Braçe dhe Ardit reaguan pas incidenteve në protestën e Zvërnecit kundër ndërtimit të një resorti turistik, ku protestues u dhunuan nga roje private.

Bido përshëndeti arrestimin e një roje private dhe kërkoi hetim të plotë të ngjarjes, si dhe masa të rënda ndaj kompanisë së sigurisë nëse provohen shkelje ligjore.

“Koha t’u hiqet licensa banditëve që mendojnë se janë mbi ligjin! Arrestimi i personit që ushtroi dhune ndaj protestuesve në Zvërnec është për t’u përshëndetur. Po aq për t’u përshëndetur është edhe vendimi për të hetuar të gjithë zinxhirin komandues të Policisë Vlorë. Shteti serioz nuk mbulon askënd, as privatin, as veten.

Tani hetimi duhet të shkojë deri në fund. Dhe kur të konfirmohet ajo që pamjet tregojnë qartë, pra se kompania e sigurisë ka tejkaluar kompetencat dhe ka ushtruar forcë në kundërshtim me ligjin, duhet të merren masat më të forta që parashikon ligji, deri në heqjen e licencës. Në Shqipëri nuk mund të privatizohet forca. Shteti ka vetëm një autoritet”, shprehet Bido.

Braçe e cilësoi dhunën të papranueshme dhe kërkoi përgjegjësi për autorët, duke akuzuar Policinë e Vlorës për mosgarantim të protestës dhe lejim të personave të paidentifikuar në terren.

Reagimi i plotë i Erion Braçes:

Për ngjarjen në Vlorë

Edhe dhunë, e egër madje; e papranueshme, e patolerueshme! Si e tillë, është krim!

E vlerësoj vendimin e Drejtorit të Përgjithshëm të Policisë për të pezulluar drejtorin e Policisë në Vlorë.

Por nuk mjafton!

Aty është rrëmbyer një protestues paqësor, i cili thjesht po fliste, në sy të Policisë, në krah të policëve. Ai është goditur, është tërhequr zvarrë nga persona të paautorizuar dhe të panjohur nga ligji.

Drejtori i Policisë nuk ka gabuar në informacion, por ka tentuar të fshehë një fakt penal, madje të rëndë.

Për këtë duhet të mbajë përgjegjësi!

Në Plazhin e Dajlanit ishte lajmëruar në Polici se do të zhvillohej një tubim, protestë etj. Kur merr një njoftim të tillë, Policia e Shtetit ka detyrimin të marrë masa për të garantuar tubimin, protestën etj.

Drejtori i Policisë dhe trupat në territor nuk kanë garantuar asgjë!

Madje kanë bërë edhe më keq: kanë lejuar që në vendin e protestës të ketë njerëz me maska, pa asnjë shenjë identifikuese, si element kyç për t’i mbajtur përgjegjës në rast të shkeljes së ligjit.

Për më tepër, këta njerëz janë shfaqur agresivë, fyes e kërcënues, të dhunshëm deri në acarimin e situatës. Shihini pamjet: nuk është vetëm një, por disa të tillë.

Prania e tyre dhe aktet e tyre ndaj protestuesve, si edhe mosveprimi i Policisë ndaj tyre, e çuan konfliktin në konfrontim.

Pra, drejtori i Policisë në Vlorë dhe trupat në vendngjarje jo vetëm që nuk garantuan tubimin, por lejuan edhe përshkallëzimin e protestës për shkak të dhunës së personave me maska.

E drejta e protestës paqësore është një e drejtë e fituar që në vitin 1990 në këtë vend dhe Policia është një prej garantëve të saj.

Ndërkohë që po shkruaj, mësoj se personi që goditi protestuesin është arrestuar. Në fakt, në aktin e rrëmbimit të tij ishin tre persona; u bënë katër me këtë që goditi. Mbeten edhe dy që e tërhoqën zvarrë. Po këta ku janë?

Ndërkohë, zinxhiri komandues i Policisë në Vlorë është vënë nën hetim disiplinor; akt i duhur edhe ky.

Por nëse me Policinë po ndodh kjo, po ky grup njerëzish të veshur me të zeza a po hetohet? Nëse janë roje sigurie të një kompanie të licencuar nga shteti, a mund ta gëzojnë më këtë privilegj?

Dje i panë të gjithë se nuk sollën siguri, por dhunë!

Boksieri shqiptar Leonid Berisha ka shënuar një fitore të madhe në eventin profesional të boksit “Les Valeurs du Ring”, i cili është mbajtur më 30 maj në Payerne të Zvicrës.

Berisha është përballur me boksierin serb Filip Dostaniq, ku ka arritur ta mbyllë meçin që në raundin e parë me nokaut teknik.

Ndeshja ka zgjatur vetëm pak minuta, me Berishën që ka dominuar që nga fillimi dhe nuk i ka lënë hapësirë kundërshtarit, duke e finalizuar përballjen në mënyrë bindëse./Klankosova.tv

VIDEO

Një situatë e tensionuar dhe me jehonë të gjerë publike ka shoqëruar protestën e pretenduesve të pronës në zonën e Zvërnecit, aty ku është planifikuar ndërtimi i një resorti turistik nga kompania “Zvërnec South Adriatic Development”. Protesta, e organizuar nga banorë dhe persona që pretendojnë të drejta pronësie mbi tokën në fjalë, është shoqëruar me incidente që kanë ngritur shqetësime të shumta mbi mënyrën e menaxhimit të situatës dhe respektimin e të drejtave të qytetarëve.

Përmes videove të publikuara në rrjetet sociale, u raportuan përplasje fizike mes protestuesve dhe disa personave civilë, të cilët nuk mbanin uniforma zyrtare. Pamjet treguan momente tensioni, ku një protestues që kishte humbur ndjenjat u tërhoq zvarrë gjatë konfliktit. Sipas informacioneve të raportuara nga burime të ndryshme mediatike, personi i identifikuar si autor i këtij veprimi është Geraldo Bina. Këto pamje shkaktuan reagime të shumta në opinionin publik dhe nxitën debat mbi përdorimin e forcës ndaj protestuesve.

Ngjarja tërhoqi vëmendjen edhe të figurave publike. Mateo Borri reagoi në rrjetet sociale duke publikuar pamjet e incidentit dhe duke shprehur indinjatën e tij me fjalët: “Turp! Turp! Turp!”. Reagimi i tij u shpërnda gjerësisht dhe u komentua nga shumë ndjekës, duke e bërë çështjen edhe më të diskutuar.

Pas incidentit, Policia e Vlorës publikoi një njoftim zyrtar ku deklaronte se një protestues me inicialet E.S. ishte futur me forcë në territorin e kantierit dhe ishte shoqëruar nga punonjësit e sigurisë private, gjatë së cilës kishte pësuar dëmtime fizike. Megjithatë, ky version i ngjarjes u korrigjua më vonë nga Drejtoria e Përgjithshme e Policisë së Shtetit, e cila sqaroi se qytetari nuk kishte hyrë me forcë në kantier dhe kërkoi falje publike për informacionin e pasaktë të shpërndarë.

Në deklaratën e saj, Policia e Shtetit theksoi se besimi i publikut është një nga vlerat më të rëndësishme të institucionit dhe se çdo informacion i pasaktë që cenon këtë besim është i papranueshëm. Si pasojë e kësaj situate dhe publikimit të të dhënave të pasakta, drejtori i Policisë së Vlorës, Elidon Çela, u pezullua menjëherë nga detyra.

Ndërkohë, lidhur me konfliktin e pronësisë, Policia e Shtetit ka bërë të ditur se zona e rrethuar rezulton të jetë pronë private me dokumentacion të rregullt ligjor. Autoritetet kanë theksuar se çdo mosmarrëveshje mbi pronësinë duhet të zgjidhet përmes procedurave ligjore dhe institucioneve gjyqësore kompetente. Megjithatë, protesta dhe incidentet e ndodhura tregojnë se çështja vazhdon të mbetet e ndjeshme dhe me interes të lartë për komunitetin lokal dhe opinionin publik.

Pas protestave të dhùnshme në Zvërnec, Ministria e Jashtme e Greqisë ka nxituar të përfshihet në debatin publik duke shfrytëzuar këtë rast për të ngritur pretendime mbi shtrirjen e minoritetit grek në Shqipëri.

Athina zyrtare deklaron se është e shqetësuar për këtë episod, ku gjatë përplasjes mbeti i plagosur një shtetas grek.

Sipas autoriteteve greke, Ambasada e Greqisë në Tiranë ndërhyri menjëherë për t’i ofruar atij ndihmën e nevojshme konsullore dhe mjekësore.

Greqia shfrytëzoi protestën e dhunshme të së shtunës, duke pretenduar për herë të parë edhe ekzistencën e minoritetit grek në Zvërnec.

Pala greke i ka kërkuar autoriteteve shqiptare zbardhjen e plotë të ngjarjes dhe identifikimin e përgjegjësve për incidentet.

Ministria e Jashtme greke thekson rëndësinë e respektimit të shtetit të së drejtës, mbrojtjes së të drejtave pronësore dhe të drejtave të pjesëtarëve të Minoritetit Kombëtar Grek në Shqipëri.

Në deklaratë vihet gjithashtu theksi te nevoja për mbrojtjen efektive të zonave të mbrojtura mjedisore, në përputhje me standardet dhe legjislacionin evropian, si pjesë e procesit të integrimit të Shqipërisë në Bashkimin Evropian.

Në debatin publik është përfshirë edhe eurodeputeti i partisë në pushtet në Greqi, Fredi Beleri. Ai i ka dorëzuar një pyetje zyrtare në Komisionin Evropian.

Beleri shprehet se në fshatin Zvërnec të qarkut të Vlorës, ku jetojnë kryesisht anëtarë të Minoritetit Kombëtar Grek, një kompani private dyshohet se po ndërhyn dhe po zë toka e prona që ishin konfiskuar nga regjimi komunist në vitet 1960 dhe ende nuk u janë kthyer pronarëve të ligjshëm.

Në pyetjen drejtuar Komisionit Evropian, Beleri kërkon të dijë nëse Brukseli është në dijeni të këtyre denoncimeve, çfarë masash po merr për mbrojtjen e të drejtave themelore dhe pronësore të pakicave kombëtare në vendet kandidate, si dhe nëse përparimi i Shqipërisë në procesin e integrimit duhet të lidhet me rezultate konkrete në mbrojtjen e pakicave dhe respektimin e shtetit të së drejtës.

Detaje të reja janë zbardhur lidhur me ngjarjen e regjistruar në zonën e Ali Demit në Tiranë, ku një person qëlloi me armë zjarri në ajër.

Autori i dyshuar është identifikuar si Amarild Xhamaqi, 32 vjeç, një emër i njohur për Policinë, i skeduar më herët për konflikte të ndryshme.

Ngjarja ka ndodhur pasi 32-vjeçari ishte irrituar për shkak të humbjes së disa skedinave sportive. Teksa lëvizte me automjetin e tij në zonën e Ali Demit, ai dyshohet se ka hapur xhamin e mjetit dhe ka qëlluar disa herë në ajër me armë zjarri.

Sot Dita Ndërkombëtare e Fëmijëve, si lindi 1 Qershori

Pas marrjes së njoftimit dhe kryerjes së veprimeve operative, Policia ka bërë të mundur lokalizimin e të riut dhe arrestimin e tij në flagrancë, ndërsa ai po qarkullonte me automjet në të njëjtën zonë.

Ai nuk ka pranuar të japë shumë shpjegime përpara hetuesve të policisë

Gjatë ndërhyrjes është sekuestruar edhe arma e zjarrit që dyshohet se është përdorur në ngjarje.

Fatmirësisht, nga të shtënat nuk raportohet për persona të lënduar. Ndërkohë, hetimet vijojnë për dokumentimin e plotë të rrethanave të ngjarjes dhe verifikimin e të gjitha veprimeve të kryera nga i arrestuari.

Vijojnë intensivisht hetimet administrative nga Drejtoria e Standardeve Profesionale dhe Departamenti për Sigurinë Publike, në Drejtorinë e Përgjithshme të Policisë së Shtetit, për hetimin e plotë me qëllim nxjerrjen e përgjegjësive në lidhje me veprimet dhe mosveprimet përgjatë tubimit të zhvilluar më datë 30.05.2026, në Portonovë, Zvërnec, si dhe për ligjshmërinë e subjekteve private për sigurinë fizike që janë kontraktuar nga pronari, për ruajtjen dhe sigurinë fizike të pronës në Portonovë, Zvërnec.

Në vijim të veprimeve administrative të kryera nga Departamenti për Sigurinë Publike, për vlerësimin e zbatimit të përgjegjësive ligjore nga subjektet ShPSF “Myrto Security 1.3A” dhe ShPSF “Major Security”, rezultoi se të dyja subjektet janë konstatuar në shkelje, konkretisht:

Subjekti ShPSF “Myrto Security 1.3A” nuk kishte marrë masat për sigurinë e objektit dhe nuk kishte zbatuar rregullat për regjimin e hyrjes dhe daljes së personave dhe mjeteve në objekt. Nga ana e këtij subjekti nuk administrohej lista e personave dhe mjeteve që lejoheshin të hynin në objekt. Për shkak të mospërmbushjes së këtyre kritereve, më datë 30.05.2026, janë lejuar të hyjnë në brendësi të rrethimit, persona të paidentifikuar dhe të panjohur nga personeli i shërbimit.

Këta persona, gjatë tubimit, kanë ndërhyrë pa patur asnjë atribut ligjor dhe kanë goditur e tërhequr me forcë një shtetas pjesëmarrës në protestë, duke i shkaktuar lëndime trupore. Gjithashtu, kanë reaguar kundër protestuesve me gurë dhe sende të tjera nga rrethimi i pronës. Ndaj këtyre shtetasve që kryen veprimet e dhunshme, punonjësit e ShPSF “Myrto Security 1.3A” nuk kanë kryer asnjë veprim parandalues apo për largimin e tyre.

Ndërsa punonjësi i licencuar i subjektit ShPSF “Major Security”, së bashku me dy persona të tjerë, të cilët u proceduan penalisht, dhe nga verifikimet rezultoi se dy të proceduarit nuk figuronin të regjistruar apo të licencuar nga subjekti SHPSF “Major Security”, kryen veprime arbitrare duke shpërdoruar detyrën dhe në tejkalim të kompetencave, pasi goditi me grusht një prej protestuesve, e morën me forcë dhe e çuan në brendësi të rrethimit duke i shkaktuar dëmtime trupore.

Në përfundim të hetimeve administrative, për shkeljet e konstatuara në të dy subjektet, ShPSF “Myrto Security 1.3A” dhe ShPSF “Major Security”, referuar ligjit “Për shërbimin privat të sigurisë fizike”, me vendim të Drejtorit të Përgjithshëm të Policisë së Shtetit, të dy subjekteve iu hoq licenca për ushtrimin e këtij aktiviteti.

Hetimet penale dhe administrative vijojnë.