Category: Lajme

Ernest Muçi zhvilloi një paraqitje spektakolare në duelin e mbrëmjes së sotme ndaj Samsunspor, që u mbyll me shifrat e bardha 0-0.

Talenti shqiptar, u hodh në fushë në minutën e 60, në vendin e Zhoao Marios, teksa 30 minuta plus shtesën i mjaftuan, për të spikatur, duke rezultuar lojtari me notën më të lartë te bardhezinjtë, sipas “SofaScore”

23-vjeçari krijoi 2 shanse të arta shënimi, ku për meritë të portierit kundërshtar nuk u finalizuan, si dhe regjistroi 5 pasime kyçe, 3 harkime të rrezikshme.

Shqiptari gaboi vetëm 1 pasim nga 19 në total, ndërkohë që u vlerësua me notën 8.2 nga “Sofa Score”./PANORAMASPORT.AL

Në podkastin flasim kryeministri rama kishte te ftuar dy emigrantë që janë rikthyer të investojnë në Shqipëri.

Ai tha se së shpejti qeveria do të shpallë një program të ri mbështetje financiare për aktivitetet që ata rihapin në Shqipëri. Rama tha se do përdoren grante dhe kredi të buta

“Kemi një program të ri që do e shpallim së shpejti. Do të japim mbështetje financiare, e kombinuar kredi e butë me grant” tha Rama gjatë podcastit të sotëm ku kishte ftuar Sofokli dhe Dhurata Daupaj nga Tragjasi i vjetër, Orikum, Vlorë pronarë të një agroturizmi.

“Gjermania është bërë e vështirë për gjermanët. Të vijë këtu e ka mësuar maragozllëkun. Është sakfrikicë të jetosh në Gjermani. Paketa e maleve është për ata që kthehen dhe ndërtojnë nëpër male. Ju jeni fiks fare. Kalon ligji, ju jeni në mbështetje”, tha Rama.

Problemi më i madh për ata që investojnë është sigurimi i fuqisë punëtore.

“Fati erdhi me ne. Në zonën ku jetojmë ulërihet për punëtorë”, tha Dhurata Daupaj.

“Më larg se dje në një takim me sipërmarrësit thonë nuk kemi problem sa i paguajmë kemi problem të gjejmë njerëzit të punonjës. Sanitarja në shtëpi merr 600 euro në shtëpi”, tha Rama.

Më herët Rama komunikoi direkt me emigrantët në rrjetet sociale për shqetësimet e tyre për mënyrën se si do votohet.

Agjencia e Mbikëqyrjes Policore (AMP) ka reaguar në lidhje me ngjarjen e ndodhur pak ditë më në Tiranë ku oficeri i Policisë Azbi Spahiu, në Komisariatin e Qarkullimit Rrugor, ra nga lartësia e një pallati dhe mbeti i plagosur.

Në reagimin zyrtar, AMP hedh poshtë pretendimet se polici e ka kryer aktin nga ndonjë formë presioni apo ushtrim ndikimi të paligjshëm.

AMP shkruan se punonjësi i Policisë ka dhënë një deklarim me shkrim dhe nuk ngre asnjë pretendim lidhur me ushtrimin e ndikimit të paligjshëm, apo çdo formë tjetër presioni, shantazhi gjatë ushtrimit të detyrës dhe për shkak të saj.

Njoftimi i AMP:

Nisur nga interesi i disa mediave, pranë Agjencisë së Mbikëqyrjes Policore, e duke marrë shkas nga lajmet e publikuara në media dhe rrjete sociale, lidhur me ngjarjen e oficerit të Policisë A.S., në Komisariatin e Qarkullimit Rrugor Tirane, strukturat e AMP-së Tiranë pavarësisht se nuk kanë administruar një ankesë apo pretendim zyrtar, kryen verifikimet e nevojshme për sqarimin e rrethanave të ngjarjes.

Kështu, në kuadër të veprimeve verifikuese, që nga momenti i marrjes dijeni, drejtuesit e AMP-së Tiranë janë paraqitur pranë Spitalit të Traumës, për t’u interesuar mbi shëndetin e punonjësit të Policisë, por dhe për të administruar çdo pretendim të mundshëm, për shkak të detyrës.

Nga deklarimi me shkrim i administruar nga Agjencia e Mbikëqyrjes Policore, punonjësi i Policisë A.S. nuk ngre asnjë pretendim lidhur me ushtrimin e ndikimit të paligjshëm, apo çdo formë tjetër presioni, shantazhi gjatë ushtrimit të detyrës dhe për shkak të saj.

Veprimet verifikuese vazhdojnë për sqarimin e plotë të ngjarjes.

Banorja e “Big Brother Vip Albania 4”, Egli Tako, ka risjellë dhe njëherë brenda shtëpisë më të famshme në Shqipëri, marrëdhënien e saj me aktorin e njohur Olsi Bylyku, si dhe ka ndarë arsyjet që i dhanë fund raportit disa vjeçar.

Teksa ndodhej në praninë e Gjestit, ky i fundit e pyeti se cili prej tyre ka qenë shkaku i ndarjes. Egli vijoi të tregojë se e gjitha lindi nga mungesa e theksuar e komunikimit në çift, një marrëdhënie që po shkonte drejt fundit pa kuptuar.

Gjithashtu, Egli ka rrëfyer se lidhja e saj me Olsin, u kthye ne toksike dhe se i kërkoi ish-partnerit të saj që diçka duhet të ndryshonte, por ka qenë përgjigja e tij që i ka dhënë fund njëherë e mirë lidhjes disa vjeçare.

Gjesti: Shkaku i ndarjes ke qenë ti, apo X personi?

Egli: Nuk mund të them unë apo ai, thjesht mua se kam qenë unë që jam larguar, nuk ka ndodhur një gjë konkrete, nuk është se ka ndodhur një tradhëti apo një… nuk ka qenë kjo.

Thjesht ishte mbushur me një mungesë të frikshme komunikimi, kohe me njëri-tjetrin, interes i të gjitha aspekteve ndaj njëri-tjetrit nëse e kupton se çfarë dua të them, një humbje totale e marrëdhënies dhe shumë gjëra të tjera që nuk dua t’i them këtu.

Dhe mua thjesht më ishte mbushur kjo gjëja, ndoshta dhe atij patjetër sepse marrëdhënia kur vjen toksike vjen e ndërsjelltë, dhe ishte thjesht një pikë e vogël ku unë thash “Ok nëse këto gjërat nuk ndryshojnë”, dmth ndodhi një debat i fundit dhe i thash “Do bësh diçka?

Tani për të ndryshuar këtë gjë dhe për të kthyer gjënë në normalitet për të ardhmen apo do vazhdosh po kështu njësoj”? Dhe përgjigjia ishte: Nëse s’të pëlqen mund të…

VIDEO

Të paktën 60 persona kanë humbur jetën nga një shpërthim i një cisternë në Nigeri.

Sipas Reuters, cisterna u përmbys duke shkaktuar derdhjen e benzinës dhe më pas mori flakë.

Autoritetet nigeriane thonë se shumica e viktimave ishin banorë vendas që nxituan për të mbledhur benzinën e derdhur nga rruga.

Nga pamjet e publikuara në internet shihen shtëllunga të mëdha tymi dhe flakë, teksa forcat zjarrfikëse përpiqen të shuajnë zjarrin e shkaktuar.

Maestro dhe tenori, Armaldo Kllogjeri, është shprehur se ka fituar gjyqin me Teatrin e Operës dhe Baletit, e cila sipas tij e kishte pushuar padrejtësisht nga puna pas 20 vitesh karrierë, vetëm një muaj përpara se të hynte në shtëpinë e “Big Brother VIP 2”.

Me anë të një videomesazhi, ish-banori është shprehur se e tashmë mezi po pret të rikthehet dhe njëherë në skenën e TOB, aty ku do të këndojë dhe performojë dhe njëherë për publikun.

“Ju e dini që prej disa muajsh, unë kam hedhur në gjyq Teatrin e Operës dhe Baletit dhe kam thënë që për bukën e fëmijëve të mi, do t’i shkojë deri në fund kësaj çështje. Doja t’iu falënderoja nga zemra për mbështetjen dhe suportin që më keni dhënë. Jeni shumë të mirë. Por gjithashtu dua të ndaj me ju një lajm të gëzueshëm, që kam fituar gjyqin me Teatrin e Operës dhe Baletit. Në fakt, me ish-drejtoreshën e Teatrit të Operës dhe Baletit, e cila e ka shkelur ligjin me të dyja këmbët. Tashmë lufta vazhdon për t’u rikthyer në Teatrin e Operës dhe Baletit, për të prekur skenën, për të kënduar dhe për të përformuar për ju, publik i dashur”, tha Kllogjeri në videomesazhin e tij.

Shënim: Disa imazhe gjenden nga interneti, që konsiderohen të jenë në domenin publik. Nëse dikush pretendon pronësinë, ne do të citojmë autorin, ose, sipas kërkesës, do të heqim menjëherë imazhin.

Një aksident ka ndodhur në Spanjë, ku një teleferik është rrëzuar në resortin e Astun dhe janë lënduar 30 persona. Nga këto pesona 17 prej tyre janë në gjendje të rëndë.

Kanali shtetëror televiziv TVE raportoi se rreth 80 njerëz mbeten të bllokuar në teleferik, ndërsa ende nuk dihet shkaku i ngjarjes.

Kryeministri spanjoll Pedro Sanchez tha se ishte “i tronditur nga lajmi i incidentit“.

Ndërkohë kryqi i kuq spanjoll i është bashkuar shërbimeve të urgjencës me një ambulancë të avancuar të mbështetjes për jetën dhe së bashku me 11 automjete të tjera të specializuara.

Gjatë bisedës pas mesnatës, Egli i është drejtuar Gjestit duke i shprehur se këngëtari në disa sekuenca i kujton dikë, por pa e përmendur emrin e personit. Më pas ajo i thotë se në një çift nuk mundet që të duan të dy të ecin përpara dhe të kenë pavarësinë e tyre.

“Në disa sekuenca më kujton shumë një njeri. Unë mendoj se në një çift…edhe ai mendon sigurt se e kemi shprehur këtë gjë, nuk mund të ketë dy njerëz që duan të dy të ecin para dhe të kenë pavarësinë e vet, të jenë të dy përdore të suksesshëm, unë kam qenë gjithmonë e hapur që i pari të ishte ai, pa asnjë lloj pishmani, por që të bëhesha ajo që ai kërkonte apo donte, ishalla e ka atë që ka tani e ka të tillë, o zot shyqyr që ka rrit të gjejë atë fiks”, tha Egli.

Moderatorja e dashur Kiara Tito sot mbush plot 29 vite, duke festuar këtë moment të veçantë në një etapë të re dhe emocionuese të jetës së saj. E njohur për ëmbëlsinë dhe elegancën e saj, Kiara është kthyer në një nga figurat më të dashura të showbizit shqiptar.

Këtë vit, ditëlindja e saj ka një domethënie të veçantë, pasi e gjeti Kiarën në rolin e mamasë, një përvojë që ajo dhe partneri i saj, këngëtari Luiz Ejlli, po e shijojnë maksimalisht. Vajza e tyre, Luna, ka qenë padyshim dhurata më e çmuar për moderatoren.

Megjithatë, këtë herë dhurata nga Luizi ka marrë vëmendjen e të gjithëve. Çifti prej tre ditësh po kalon disa momente relaksi në Maldive, një destinacion romantik që duket se është zgjedhur posaçërisht për të festuar ditëlindjen e Kiarës. Ende nuk dihet nëse Kiara dhe Luizi do të rikthehen sot në Shqipëri për të festuar bashkë me të voglën e tyre, apo nëse çifti do të vijojë të shijojë pushimet në parajsën tropikale.

Çfarëdo që të zgjedhin, fansat dhe ndjekësit e çiftit janë të sigurt se kjo ditëlindje do të jetë një nga më të paharrueshmet për Kiarën. Urime të shumta kanë vërshuar në rrjetet sociale, ku fansat e tyre u urojnë çdo të mirë për këtë vit të ri të jetës.

Koordinatorja e selisë blu për diasporën, Jozefina Topalli, është shprehur se është e vetëdijshme se detyra që ka për zgjedhjet e 11 majit është e vështirë në një kohë kaq të shkurtër, por shtoi se nuk i trembet sfidave.

Komentet Topalli i bëri në ‘Ditari i Fundjavës’ me gazetarin Erion Dushi në A2 CNN, ku tha se kur ka qenë në opozitën e parë të ish-kryeministrit Sali Berisha, ka provuar të kërcënohet me kallash në kokë për rreth 20 minuta dhe sërish nuk është tërhequr.

Ajo gjithashtu i bëri thirrje diasporës që të regjistrohen në votime, pasi sipas ish-kryeparlamentares, kjo është një mundësi që ata të jenë faktor i rëndësishëm vendimmarrës në politikën shqiptare

“Unë jam e vetëdijshme për sfidat. Unë kam provuar edhe sfida të tjera kur kam qenë në opozitën e parë. Kam provuar edhe kallashin mbi kokë për 20 minuta. Dhe kjo nuk më ka bërë që të kthehem në shtëpi dhe të them ‘jo, unë nuk duhet të vazhdoj më, sepse nuk duhet të lë fëmijët jetim’.

Por nga ana tjetër unë e di se gjysma e shqiptarëve janë brenda territorit shqiptar dhe gjysma tjetër në çdo cep të botës. E di që nuk është e thjeshtë për një kohë kaq të shkurtër, për t’i ndërgjegjësuar qytetarët se ata kanë të drejtën për të votuar.

Ata nuk janë ndalur gjatë këtyre viteve përmes remitancave, duke ndihmuar familjet e tyre me para. Ata përveç kontributit ekonomik, këtë herë duhet të bëhen pjesë edhe e aktivitetit politik. Ata mund të bëhen faktorë edhe për kthesa politike, edhe për rotacione për të ndryshuar në thelb situatën”, tha Topalli, shkruan A2 CNN. (A2 Televizion)