Category: Lajme

Mund të duket e habitshme por linja ajrore e njohur EgyptAir së fundmi nëpërmjet një njoftimi ka bërë të ditur se i ka dhuruar një biletë udhëtimi falas për gjatë gjithë jetës një foshnjeje të porsalindur që erdhi në jetë në bordin e një prej avionëve të saj gjatë një fluturimi.

Ngjarja e jashtëzakonshme ndodhi gjatë fluturimit MS887, i drejtuar nga një Boeing 737-800, i cili ishte në rrugë nga Aeroporti Ndërkombëtar i Kajros në Aeroportin Ndërkombëtar Douala në Kamerun.

Një pasagjere nga Kameruni filloi lindjen në mes të fluturimit dhe me ndihmën e ekuipazhit të kabinës së EgyptAir, solli në jetë me sukses fëmijën e saj në një lartësi prej 10 km.

Pas lindjes së suksesshme, ekuipazhi i kabinës dha ndihmën e parë të shpejtë si për nënën ashtu edhe për të porsalindurin e saj. Duke marrë parasysh nevojën për kujdes të mëtejshëm mjekësor, fluturimi bëri një ulje urgjente në Aeroportin Ndërkombëtar Kufra në Libinë jugore. EgyptAir u koordinua me autoritetet libiane për të siguruar transferimin e sigurt të nënës dhe fëmijës në Spitalin Kufra për kujdes të vazhdueshëm.

Pas konfirmimit se shëndeti i nënës dhe fëmijës së saj ishte mirë, fluturimi i EgyptAir rifilloi udhëtimin e tij drejt Aeroportit Ndërkombëtar të Douala, duke përfunduar misionin e tij me të gjithë pasagjerët në bord.

Gjesti i EgyptAir për të ofruar një biletë udhëtimi të përjetshëm për të porsalindurin është vlerësuar gjerësisht si një gjest bujar dhe simbolik, duke festuar një jetë që filloi në qiell.

Pas fitores ndaj Çekisë, Gjeorgjia do tentojë të përsërisë veten edhe ndaj Shqipërisë, në ndeshjen e Nations League që luhet pas disa ditësh. Para takimit, dha mendimin e tij trajneri francez i gjeorgjianëve, Sagnol.

“Kemi bërë një rrugë të gjatë deri këtu. Gjithçka nuk është e dukshme nga jashtë, unë kam besuar gjithmonë te kjo skuadër. Lojtarët luajtën në Europian dhe e kuptuan rëndësinë e punës së ekipit, ishte e rëndësishme mënyra se si ktheheshim pas Europianit dhe ajo që pashë më kënaqi.

Ne nuk luajtëm lojë ofensive në minutat e parë, por pastaj u kërkova lojtarëve të sulmit që të qëndronin më përpara dhe të krijonin hapësira. Kiteishvili është një nga lojtarët më të nënvlerësuar në futbollin europian, ai mund të luajë në klubet më të mëdha. Ai e luan rolin e tij në mënyrë perfekte dhe jam i lumtur që e kam në skuadër.

Sigurisht, pritshmëria dhe ambiciet tona janë rritur. Sot ia dolëm shumë mirë, por do të ketë edhe dështime. Gjëja kryesore është se si do të luajmë. Nga dita e nesërme do të punojmë për një objektiv të ri, duhet të luajmë ndaj Shqipërisë”, – tha ai.

Një video është publikuar nga mediat italiane nga sulmi që ndodhi dje ndaj stafit mjekësor në spitalin e Policlinico Riuniti në Foggia nga të afërmit e një vajze 23-vjeçare që ndërroi jetë gjatë operacionit.

Në pamje shihen disa mjekë që janë mbyllur në një dhomë dhe po përpiqen të bllokojnë derën, në mënyrë që të afërmit të mos e hapin atë.

organizatat në Itali bënë thirrje për grevë në shenjë solidariteti me punonjësit e shëndetësisë, të cilët dhunohen për shkak të detyrës që ata ushtrojnë. Ndërkohë, Prokuroria e Foggias ka nisur dy hetime për sulmin ndaj mjekëve për vdekjen e vajzës.Familjarët akuzojnë personelin mjekësor për vdekjen e saj.

Motra e të ndjerës nëpërmjet një postimi në Facebook e justifikoi sulmin duke thënë se familja e saj do të vuaj përjetë për shkak të mjekëve që nuk mundën ta shpëtonin atë.Sulmi ndodhi në repartin e kirurgjisë, ku kirurgët, anestezistët dhe personeli tjetër u dhunuan pasi familja mori lajmin për vdekjen e saj raportojnë mediat vendase.

Rreth pesëdhjetë persona hynë në repart, dhe afërsisht njëzet prej tyre u përplasën me personelin mjekësor. Një kirurg u godit në fytyrë, duke pësuar plagë të rënda, ndërsa një mjek tjetër pësoi thyerje të dorës.

Stafi arriti të futej në një dhomë dhe lajmëroi policinë, e cila me vështirësi arriti të rikthente qetësinë në spital. Policia nisi hetimet për të identifikuar autorët e sulmit.

Drejtoria e poliklinikës ka nisur një hetim të brendshëm për të analizuar ngjarjen. Vajza ishte përfshirë në një aksident automobilistik dhe duhej të operohej por fatkeqisht nuk mundi t’i mbijetojë plagëve të marra.

Pas një vere “përvëluese” me temperatura të larta (madje më të larta se mesataret mujore klimatike) tashmë duket se tabloja meteorologjike ndryshon plotësisht.

Kjo për shkak se tashmë mbi vendin tonë (dhe jo vetëm dhe në një pjesë të europës) pritet depërtimi i njëpasnjëshëm i disa qendrave të thella të presionit të ulët shoqëruar me masa ajrore të lagështa dhe të ftohta.

Depërtimi i këtyre qëndrave ciklonare mund të jetë problematike sepse do të sjellin paqëndrueshmëri të menjëhershme (zhvendosja e shpejtë e ajrit të ngrohtë me ajër më të ftohtë) dhe energji potenciale të çliruar në mënyrë të vrrullshme.

Kjo përkthehet në radhë të parë në mot kryesisht të vranët por më e rëndësishmja reshje shiu të cilat do të jenë me intensitet deri të lartë në formën e rrebesheve dhe stuhive shoqëruar me shkarkesa të forta elektrike dhe breshër (pa harruar elementin e erës së fortë).

Por le ti marrim ditët me rradhë.

Për ditën e Hënë moti parashikohet fillimisht me kthjellime e vranësira në shtim deri të dendura.

Deri në orët e mesditës reshje shiu me intensitet të ulët ndërsa përgjatë ultësirës perëndimore deri mesatar në formën e shtrëngatave.

Në orët e vona të mbrëmjes reshje shiu me intensitet mesatar në të gjithë territorin ndërsa përgjatë ultësirës perëndimore reshjet me intensitet deri të lartë në formën e rrebesheve shoqëruar me shkarkesa elektrike dhe breshër.

Edhe për ditën e Martë moti parashikohet i vranët dhe reshje shiu të cilat në orët e para të 24-orëshit deri në orët e mesditës do të jenë me intensitet mesatar e përgjatë ultësirës perëndimore lokalisht deri të lartë.

Më pas reshjet me intensitet të ulët dhe mesatar.

Për ditën e Mërkurë dhe ditën e Enjte rikthehen kthjellimet por edhe alternimet e vranësirave deri të dendura të cilat do të shoqërohen me reshje shiu me intensitet të ulët dhe lokalisht mesatar në formë shtrëngatash.

Për ditën e Premte përsëri mot i vranët dhe reshje shiu me intensitet mesatar dhe përgjatë ultësirës perëndimore deri të lartë në formë rrebeshesh dhe stuhi.

Duhet theksuar gjithashtu se ditën e Hënë dhe atë të Premte parashikohet erë intensive nga kuadrati i jugut me shpejtësi deri në 20-22 m/s erë problematike përgjatë vijës bregdetare dhe zonat luginore.

Gjithashtu pritet një rënie graduale e temperaturave por në ditë të caktuara rikthehen në vlerat mbi 30 grad kjo për shkak të erës së fortë jugore.

Shqipëria do të luajë ndeshjen e parë për këtë vit në stadiumin Air Albania të martën ndaj Gjeorgjisë, në orën 20:45.

Pas triumfit spektakolar ndaj Ukrainës, Kombëtarja ka në program një tjetër ndeshje në shtator, këtë herë në shtëpinë e të gjithë shqiptarëve Air Albania, që do të jetë i mbushur plot në mbështetje të Shqipërisë.

Të gjitha biletat për ndeshjen Shqipëri – Gjeorgji, e vlefshme për UEFA Nations League janë shitur.

“Big Brother VIP Kosova” po përgatitet të rikthehet për sezonin e ri, dhe si duket ky edicion do të sjellë disa ndryshime të mëdha.

Zyrtarizimi i parë i rëndësishëm ishte emërimi i Olsa Muhametit si producente e re e programit, një lëvizje që ka zgjuar shumë interes dhe pritshmëri tek ndjekësit e reality-show-t.

Një nga temat më të diskutuara prej muajsh ka qenë edhe roli i moderatorëve për këtë sezon të tretë.

Në dy sezonet e para, programi u prezantua nga Alaudin Hamiti dhe Jonida Vokshi, të cilët u bënë fytyrat e njohura të shfaqjes. Megjithatë, së fundmi po qarkullojnë zëra që Arbana Osmani mund të jetë një nga moderatoret e këtij edicioni, duke u bashkuar me Alaudin Hamitin.

Këto spekulime janë nxitur nga disa postime në rrjetet sociale të Arbana Osmanit dhe Alaudin Hamitit, të cilat duket se përforcojnë këtë mundësi.
Arbana Osmani, e njohur për moderimin e “Big Brother VIP Albania”, ka postuar në Instagram disa imazhe ku shfaqet me një unazë të re në dorë.

Unaza ka një formë të ngjashme me syrin, simbol që përkon shumë me logon ikonike të “Big Brother”. Ky detaj i vogël ka nxitur spekulime se Arbana mund të jetë duke u përgatitur për të marrë rolin e moderatores në “Big Brother VIP Kosova”.

Nga ana tjetër, edhe Alaudin Hamiti, i cili ka qenë pjesë e formatit për dy sezonet e para, ka postuar disa fotografi në rrjetet sociale që shtojnë dyshimet. Një prej postimeve përfshinte një imazh me një sy të ngjashëm me logon e “Big Brother” dhe mbishkrimin “Kush po na vëzhgon?”.

Për më tepër, ai publikoi një foto ku në cover-in e telefonit të tij ishte i vizatuar një sy, duke rritur edhe më shumë spekulimet për një angazhim të mundshëm në sezonin e ri.

Edhe pse deri tani nuk ka asgjë zyrtare sa i përket moderatorëve të këtij edicioni, këto indikacione kanë bërë që fansat të spekulojnë se këtë vit mund të shohim një bashkë-prezantim mes Arbana Osmanit dhe Alaudin Hamitit.

Ish-reperi i njohur, Fero, ka befasuar fansat e tij me një njoftim që ka bërë së fundmi në adresën e tij në rrjetin social Instagram.

Ai ka deklaruar se do të marrë një pushim të gjatë nga aktivitetet në rrjetet sociale për një periudhë prej gjashtë muajsh. Sipas tij, ky vendim vjen në kuadër të nevojës për një ndryshim të madh në jetën e tij dhe për të risjellë projektet e tij të ardhshme.

Fero ka theksuar se rikthimi i tij pas kësaj periudhe do të jetë i paparashikueshëm dhe i papritur.

“Ka ardhur koha për një ndryshim edhe më të madh. Gjashtë muaj nuk do të jem aktiv në rrjetet sociale, deri në fillim të marsit dhe rikthimi pas 6 muajsh do të jetë i paparashikueshëm dhe i paparamendueshëm,” ka shkruar Fero në InstaStory.

Fero pas daljes nga burgu, ku u arrestua për dhunën e ushtruar ndaj ish-bashkëshortes, modeles Arbenita Ismajli dhe kërcënimin e saj me jetë, deklaroi se kishte hequr dorë përfundimisht nga muzika.

Ai u shpreh se tani po i përkushtohet fesë islame dhe se asnjë nuk duhet t’i dëgjojë këngët e tij.

“Përshëndetje miq , deshta t’ju njoftoj se kohëve të fundit kam pasur disa sfida në jetën time , të cilat me ndihmën e Allahut i kam kalu.

Unë kam vendosur që përfundimisht të largohem prej muzikës, arsyeja kryesore është se kohëve të fundit kam studiuar rreth Fejës Islame dhe më është bërë e qartë se muzika është e ndaluar në islam. Për këtë arsye kam vendosur që ta lë muzikën dhe t’i përkushtona fejës islame dhe familjes time.

Unë dua t’ju njoftoj se falem 5 herë në ditë, dhe pendohem te Allahu Krijuesi i gjithësisë për çdo këngë që e kam kënduar.”– ka dhënë Fero asokohe.

Edwina Bartholomew, ka shkaktuar tronditje globale me deklaratën e saj, ku ka treguar për audiencën televizive betejën që i duhet të bëjë me leu**eminë.

Gjatë transmetimit të drejtpërdrejtë në Channel 7 të Australisë, ajo u është drejtuar shikuesve në një gjendje të rënduar emocionale, edhe pse u përpoq shumë ta fshihte.

Në veçanti, në fragmentin që po bën xhiron e internetit përmes rrjeteve sociale, Edwina Bartholomew theksoi:

“Jam diagnostikuar me kan**er, gjë që është tronditëse dhe e vështirë për t’u thënë. Është një lloj i quajtur leu**emia mieloide kronike që mund të trajtohet me një pilulë çdo ditë”. “Nëse kujdesem për veten, do të jem mirë kështu që ndihem shumë, shumë me fat. Shumë prej jush kanë qenë në situata të ngjashme, ose shumë më keq dhe kanë dalë më të fortë. Pikërisht këtë kam ndërmend të bëj”.

Edwina Bartholomew, e përfundoi fjalën e saj duke iu kërkuar të gjithëve të kujdesen për veten.

Një ngjarje e rëndë u bë publike pak ditë më parë nga modelja, Klea Prenga, e cila denoncoi dhunën barbare që motrat Antonela dhe Mariela Berisha ushtruan ndaj saj.

Klea Prenga edhe një herë ka sqaruar se nuk janë të vërteta lajmet që qarkullojnë se motrat Berisha e kanë sulmuar se ajo ishte e lidhur me partnerin e Marielës.

Modelja me anë të një postimi sqaron se ajo nuk ka ndikuar në marrëdhënien e Marielës me partnerin, me të cilin ka dhe një fëmijë. Por që lidhja e tyre kishte nisur pasi çifti ishte ndarë dhe nuk i lidhte më asgjë, veç fëmijës që kishin bashkë.

Prenga i ka bërë thirrje autoriteteve që personat që e dhunuan të ndëshkohen, teksa ka kërkuar edhe mbrojtje nga shteti.

Reagimi i plotë:

Sqarim: Dua të bëj të qartë se nuk kam ndërhyrë në asnjë marrëdhënie ekzistuese apo të mëparshme.

Personi me të cilin kam qenë në një lidhje prej më shumë se disa muajsh, nuk ka qenë i martuar. Ai ka një fëmijë nga një marrëdhënie e mëparshme, e cila kishte përfunduar plotësisht përpara se unë të njihesha me të.

Marrëdhënia që ai kishte me ish-partneren e tij ishte e mbyllur shumë kohë më parë, dhe asnjë moment nga lidhja jonë nuk ka ndikuar në atë marrëdhënie. Unë nuk kam qenë asnjëherë pjesë apo shkak i ndonjë konflikti apo mosmarrëveshjeje mes tij dhe ish-partneres së tij.

Pas sulmit brutal që më është kryer, i cili më ka shkaktuar lëndime serioze fizike dhe emocionale, dua t’i drejtohem shtetit shqiptar për të reaguar me vendosmëri dhe urgjencë. Unë bëj thirrje që autoritetet shqiptare të angazhohen maksimalisht për të sjellë autorët e këtij akti të tmerrshëm para drejtësisë. Ky sulm nuk duhet të kalojë pa ndëshkim, dhe është e domosdoshme që shteti të sigurojë mbrojtjen time.

Po shpresoj dhe kërkoj që shteti shqiptar të zgjidhë këtë çështje me prioritet, duke kapur dhe ndëshkuar autorët e këtij akti dhune.

Gjithashtu çështja do ndiqet edhe përmes autoriteteve në shtetet ku unë jam rezidente, për të siguruar që drejtësia të vihet në vend. Kjo situatë nuk mund dhe nuk do të mbyllet pa marrë masat e nevojshme ndaj atyre që janë përgjegjës për këtë akt të tmerrshëm. Faleminderit nga zemra për mbështetjen tuaj dhe mesazhet e shumta!

Përfundimi i ndeshjeve të para të Ligës së Kombeve ka dhënë një tablo të skuadrave pjesëmarrëse dhe pretendimeve që kanë të gjitha ato në këtë turne që ka marrë një rëndësi të veçantë edhe për faktin se mund të jetë një rrugë kualifikimi për në turnetë madhorë.

Dhe përveç ekipeve, bien në sy edhe lojtarë të ndryshëm të cilët spikatin me formën e tyre.

Ekspertët e statistikave të “SOFASCORE” kanë përpiluar formacionin ideal të raundit të parë të ndeshjeve, duke përzgjedhur lojtarët që kanë marrë vlerësimet më të larta për paraqitjet që kanë dhuruar në duelet përkatëse.

Mes tyre, është edhe mbrojtësi i Kombëtares shqiptare, Ardian Ismajli. Futbollisti ishte protagonist me golin e tij në fitoren 2-1 ndaj Ukrainës, por edhe me shumë ndërhyrje të sakta ndaj sulmuesve kundërshtarë, duke ndihmuar Shqipërinë që të merrte 3 pikë të arta.

Nota 8,3 i ka mundësuar Ismajlit që të jetë kësisoj në formacionin e yjeve të raundit të parë, ku rreshtohet përkrah disa emrave shumë të njohur si Musiala e De Bryjn.