Category: Lajme

Ernest Muçi ka bërë një veprim që tregon shumë. Sulmuesi që është pjesë e Beshiktashit u la nga klubi turk pushim deri në 15 korrik, kjo për shkak të angazhimeve që ai kishte në Kampionatin Europian me Kombëtaren shqiptare.

Por, Muçi nuk ka zgjedhur që të pushojë deri në datën 15, por që dje ka zbarkuar në klub dhe ka nisur stërvitjen me ekipin që po zhvillon fazën përgatitore në Slloveni.

Ky pritet të jetë një sezon ku Ernest Muçi duhet të synojë trofe me Beshiktashin, teksa klubi turk është aktiv në merkato dhe pranë firmës me Imobilen nga Lacio, por edhe lojtarë të tjerë.

Për Muçin, ata shpenzuan 10 milionë euro në janar duke e blerë nga Legia e Varshavës.

Turisti i cili mbeti i plagosur nga helikat e një gomonie në plazhin e Karaburunit është nisur me helikopter drejt Tiranës.

Sipas informacioneve, 56-vjeçari ka pasur nevojë për mjekim më të specializuar.

Në Karaburun, një mjet lundrues tip gomone, me drejtues shtetasin F. T., gjatë ankorimit në molin e vjetër të ish-ushtrisë në gjirin e “Shën Janit”, aksidentalisht me helikën e mjetit lundrues ka dëmtuar në këmbë shtetasin A. K., 56 vjeç, banues në Tiranë, i cili kishte zbritur nga një anije turistike në det afër këtij moli, njofton policia.

56-vjeçari është transportuar për ndihmë mjekësore.

Mjeti lundrues është bllokuar nga shërbimet e Policisë Kufitare, ndërsa drejtuesi i mjetit është shoqëruar në Polici për veprime të mëtejshme”, njofton policia.

Marc Cucurella është një nga lojtarët që ka shkëlqyer më së shumti me Spanjën në këtë Europian, teksa tashmë është vetëm një fitore larg titullit kampion Europe.

Gjithsesi, partnerja e futbollistit, Claudia Rodriguez ka treguar premtimin që Cucurella ka bërë nëse do të arrijë të ngrejë trofeun. Ajo tregon se mbrojtësi do t’i lyejë flokët e tij kaçurrela me ngjyrë të kuqe, gjë që do të merrte vëmendjen e shumë mediave.

“Është personaliteti, identiteti i tij. Me pëlqen. Kur ishte i vogël, i kishte më të drejtë, por kur u rrit filluan t’i përkuleshin dhe mbetën ashtu. Ai ka premtuar se do t’i lyejë flokët me të kuqe, por nuk do ta detyroj”, tha bashkëshortja e mbrojtësit të Chelsea.

Prokuroria e Posaçme ka lëshuar disa urdhër-arreste të tjera pas hetimeve për inceneratorin e Tiranës, por asnjë nuk është arrestuar deri më tani, pasi nuk janë gjetur nga policia. Mes personave që ka një urdhër arresti është edhe Ilir Dedja, biznesmeni nga Kavaja, i cili nga një investigim i BIRN pak javë më parë rezulton se doli garant për qëndrimin e ish-zv/kryeministrit Ahmetaj në Lugano të Zvicrës dhe madje i punësoi gruan Erjola Hoxha me pagë 9 mijë franga në muaj

Një hetim i Prokurorisë së Posaçme zbuloi se Dedja njihej me Ahmetajn që prej viteve të shkollës. Dedja jetoi për dy dekada si tregtar në Itali, derisa u transferua në Lugano të Zvicrës si “një konsulent biznesi” në mars të vitit 2017 – një destinacion i preferuar botëror për kompanitë guackë. Menjëherë pas zhvendosjes në Zvicër, Dedja themeloi kompaninë “Drax Consult Sagl”, e cila tre vjet më vonë u përfshi në një skandal në Zimbabve të Afrikës i njohur si “Covidgate”.

Sipas informacionit të ardhur nga Zvicra në SPAK, Dedja “rezulton të jetë person i akuzuar për veprën penale të pastrimit të parave” në kuadrin e një kërkese për ndihmë juridike të kryer nga Prokuroria e Budapestit dhe e ekzekutuar më datë 5 dhjetor 2022 nga policia e kantonit të Ticinos.

Paralelisht me aventurën në Afrikë, Dedja e vazhdoi biznesin më Mërtirin dhe Zoton përmes një kompanie tjetër të tij, të quajtur 3DDD Sëiss Trading SA, sot me emrin e ndryshuar 3DDD Sëiss SA.

Në vitin 2019, 3DDD Swiss Trading SA nënshkroi një kontratë me vlerë 5.2 milionë euro me kompaninë e incineratorit të Tiranës, Integrated Energy BV SPV për blerjen e një impianti për trajtimin e ujërave të përdorura. Sipas SPAK, Dedja është administratori i vetëm dhe ka mbajtur pozicionin e zv.drejtorit për shoqërinë “3DDD Sëiss SA”.

Dedja vazhdoi të vilte frytet e kësaj kontrate deri në shkurt 2021, duke marrë pagesa të dokumentuara nga Shqipëria me një vlerë totale prej 490 mijë eurosh.

Ilir Dedja, rezulton të jetë gjithashtu një person që evidentohet në disa rrethana të rëndësishme të jetës së personit nën hetim Arben Ahmetaj dhe bashkëjetueses së këtij të fundit, personit nën hetim Erjola Hoxha.

Ai rezulton të jetë dhe garantuesi i apartamentit ku banon Arben Ahmetaj me bashkëjetuesen Erjola Hoxha dhe fëmijën e tyre. Apartamenti ndodhet në katin e gjashtë të një pallati të ri dhe është marrë me qira me një vlerë prej 1750 frangash në muaj [rreth 1800 euro].

Sipas autoriteteve zvicerane, Dedja është i punësuar si konsulent tregtar i kompanisë “Phronesis Consulting Sagl” – e njëjta kompani që punësoi edhe Hoxhën në qershor të vitit 2022 me një pagë mujore prej 9208 frangash në muaj [rreth 9500 euro]./ BIRN

Ylli i Kombëtares Shqiptare, Kristjan Asllani është nderuar me titullin “Shqiponja e Artë” nga kryetarja e Komunës së Butit në Piza, Arianna Buti.

Dhjetëra miq, fansa dhe mbështetës e kanë mirëpritur Asllanin në sheshin Garibaldi dhe kanë marrë autografe dhe bërë foto. Medalja “Shqiponja e Artë”, është çmimi më i lartë për njerëzit që dallohen në art, sport e kulturë dhe angazhim qytetar për të mirën e bashkisë dhe të qytetarëve.

Futbollisti ka lindur në Elbasan 22 vite më parë, por është rritur në Buti, pjesë e provincës së Pizës.

“Kristjan Asllani është një kampion që ka mbetur gjithmonë djali modest, i disponueshëm dhe i thjeshtë si të gjithë bashkëmoshatarët e tij të rritur në qytete të vogla provinciale. Kristjani është lindur në Shqipëri, në Elbasan, 22 vjet më parë, por është rritur në një qytet të vogël në provincën e Pizës pikërisht në Buti.

Është qyteza e Butit që mbrëmë ka festuar djalin dhe kampionin e saj, pikërisht në Sheshin Garibaldi, i mbushur plot me miq, fansa dhe shikues që e duan sportin e pastër dhe elegant që përfaqëson Kristjan Asllani. Kryetari i Komunës së Butit Arianna Buti, i dhuroi mbrëmjen e djeshme medaljen “Shqiponja e Artë”, çmimi më i lartë për njerëzit që dallohen në art, sport e kulturë dhe angazhim qytetar për të mirën e bashkisë dhe të qytetarëve. Një çmim i merituar, sepse Asllani është vërtet një djalë për medalje ari, i cili doli edhe kampion futbolli, duke u argëtuar gjithmonë dhe duke dhuruar emocione!

Mbrëmja e djeshme ishte një demonstrim i dashurisë së shumë qytetarëve të Butit dhe të gjithë krahinës së Pizës dhe Empolit që kishin ardhur për ta përshëndetur Kristjanin, për ta përqafuar dhe për të bërë një foto ose për të marrë një autograf, gjë që Asllani i priti të gjithë me durim dhe gatishmëri për gati dy orë, duke iu kthyer gjithmonë gjithë këtë dashuri me një buzëqeshje dhe respekt reciprok”, ka shkruar Aleks Martin Kapllaj, ndërsa ka ndarë pamje nga eventi.

Familja Ejlli prej ditësh janë duke i shijuar këto ditë të nxehta vere në Turqi.

Pamjet nga vendi ku po pushon familja Ejlli nuk kanë munguar, teksa herë pas here çifti Lui dhe Kiara kanë ndarë nëpër rrjetet e tyre sociale.

Dhe mëngjesin e sotëm Kiara Tito ka bërë një postim në llogarinë personale të Instagram-it për gjithë ndjekësit e saj.

Në post shikojmë Luin dhe dy femrat më të rëndësishme të jetës së tij, Kiara Titon dhe Lunushin ku padyshim kjo e fundit ka rrëmbyer zemrat e të gjithëve me pozat e saj të bukura!

https://www.instagram.com/p/C9WvlrZN-3d/embed/captioned/?cr=1&v=14&wp=961&rd=https%3A%2F%2Fshqiperia-ime.com&rp=%2Fbrenda-pushimeve-te-familjes-ejlli-ne-turqi-kiara-ndan-pamjet-e-emblafoto%2F#%7B%22ci%22%3A0%2C%22os%22%3A2182%2C%22ls%22%3A327%2C%22le%22%3A2160%7D

Një 50-vjeçare, e cila dyshohet se vuan nga probleme të shëndetit mendor, është hedhur nga ura e autostradës Fushë Krujë-Thumanë, e cila ka një lartësi 12 metra.

Ngjarja ka ndodhur pasditen e së premtes, ku 50-vjeçarja e identifikuar si Marjana Çoku, ka arritur të hipë mbi barrierat e urës dhe të hidhet.

Fatmirësisht 50-vjeçarja nuk ka humbur jetën, pasi ka rënë mbi një tendë rrushi, duke amortizuar kështu rënien.

Ajo ka pësuar fraktura dhe është transportuar drejt spitalit të Traumës për një ndërhyrje të specializuar kirurgjikale.

Pak para ngjarjes, 50-vjeçarja është paraqitur në një qendër shëndetësore, ku ka marrë një mjekim, i cili duket se nuk i ka vepruar./SYRI.net

Kur kanë kaluar dy ditë nga vrasja e të riut Adrian Pepkolaj, policia e Tropojës ende nuk ka arritur të arrestojë autorin e krimit, 40 vjeçarin Saimir Sadiku.

Ai qëlloi me thikë 24-vjecarin pas një sherri masiv në një lokal në fshatin Rrajë të Fierzës, pasditen e 11 korrikut.

Dy grupet e të rinjve kanë qenë duke konsumuar alkool deri në çastet para konfliktit, efekti i të cilit mendohet se ka nxehur gjakrat mes tyre. Gjatë sherrit kanë përdorur shishe të pijeve alkolike dhe thika duke kthyer ndenjen në tragjedi. Gjithçka ka nisur pas një debati për muziken e larte ne lokal, thane burimet policore.

24- vjeçari, Adrian Pepkolaj ndërroi jetë në spital, ndërsa të plagosur kanë mbetur vëllai i tij Valentin Pepkolaj, 32-vjeç, dhe Shkëlzen Kukaj, 45 vjeç.

Në kërkim është shpallur Saimir Sadiku, banues në fshatin Dushaj të Tropojës, ndërsa u prangosen shokët e tij, Andrin Qehaja, Xhevolin Macaj, Altin Shpendi, Anton Boçi, Jetmir Kuraj.

Një djalë është zhgënjyer rëndë nga vajza të cilën e besonte dhe me të cilën kishte rënë në dashuri. Ai ka zbuluar tra.dhëtinë e vajzës dhe historinë e ka rrëfyer.

“Nuk u zihet besë femrave sot. Jam një djalë 34 vjeç dhe para 8 muajsh u njoha me një 25-vjeçare po nga qyteti im.

Në bisedat e para më tha që nuk kishte patur kurrë marrëdhënie, edhe pse nuk e besova me kalimin e bisedave e nga mënyra si më rrinte larg e besova.

Dreqi e mori pse duhet të më gënjente. Unë nuk e doja patjetër të vi.rgjër, por tani më duket më e ulët se femra më e ulët në këtë botë. 

Muaj kaluan dhe normal disa herë i kërkova që të avanconim lidhjen tonë. Ajo më thoshte që nuk jam gati, nuk jam gati. Isha gati ta çoja në shtëpi ta fejoja, sepse në biseda më dukej vajzë me vlera.

Kur një pasdite po ikja me një shok diku me makinë, e zë këtë në një makinë me një laçian që më doli i njohur shok pas shoku që ju betohem është mbi 50 vjeç.

Në fillim ma mohoi më tha që e kishte të njohur familjar, por qyteti është i vogël dhe doli që ishin dashnorë.

Unë e shihja të veshur mirë e ajo në fakt akoma s’ka gjetur punë, por hajt thoja ja ble familja. Më është neveritur aq fort, sa kam marrë tërë inat të gjitha femrat.

E bukura është se pas ndarjes me mua, ajo vazhdon me atë gjyshin e saj, e nuk më kërkon fare. A i besohet sot femrave? Pse duhet t’më mbante dhe mua nuk e kuptoj?…Skandal, çfarë zhgënjimi…”, shkruan ai.

DASHI

Gjatë orëve të ardhshme do të mund të përfitoni plotësisht nga dashuria pa probleme. Kushtojini vëmendje Hënës në opozitë, teksa do të arrini të bëni një takim të rëndësishëm pune. Edhe Hëna do të jetë në aspekt negativ të dielën. Puna ju kënaq edhe nëse thirresh të përballesh me vështirësi.

DEMI

Sipas horoskopit të Paolo Fox, po jetoni një histori solide dashurie: do të ishte më mirë ta shfrytëzonit. Gjithçka është e vështirë për t’u menaxhuar në familje. Intransigjenca në dashuri të dielën me takime të reja që do të jenë premtuese. Do të duhet të qëndroni larg çdo lloj stresi.

BINJAKËT

Gjatë ditës do të keni Hënën në shenjë: takime që premtojnë diçka më shumë. Aftësitë e tyre nuk vihen në dyshim. Komplikacionet e vogla në dashuri mund të kthehen të dielën. Është koha të mendoni për diçka të rëndësishme në punë.

GAFORRJA

Jeni duke përjetuar një situatë shqetësimi të lehtë në dashuri, por mos u shqetësoni sepse takimet e bëra gjatë së dielës mund të jenë të rëndësishme. Është normale të ndihesh pak nervoz me gjithçka që duhet të bësh profesionalisht.

LUANI

Sipas horoskopit të Paolo Fox, ka një shqetësim në dashuri. Nuk duhet ta lini veten të ndikoheni nga mendimet negative. Marsi në opozitë sjell disa tensione të vogla pune. Ka shumë dëshirë falë këtyre yjeve të favorshëm. Jupiteri nuk është më në opozitë.

VIRGJËRESHA

Keni Venusin duke filluar një tranzit të favorshëm. Disa çifte më në fund mund të legalizojnë një bashkim. Disa shfletojnë me sy në punë. Gjatë së dielës do të jetë e mundur të merrni një vendim të rëndësishëm. Nuk është koha për të bërë zgjedhje të rrezikshme karriere.

PESHORJA

Venusi është i favorshëm, ka nga ata që janë të gatshëm të përfshihen në dashuri. Rrit kreativitetin falë Jupiterit. Të dielën mund të përjetoni një emocion të veçantë. Ju mund të kompensoni shumë terren të humbur në punë.

AKREPI

Sipas horoskopit të Paolo Fox, gjatë orëve në vijim do të keni një dozë të mirë emocionesh pozitive. Tashmë duhet të mendoni për disa angazhime për vjeshtën. Hëna në aspekt të shkëlqyeshëm, sidomos të dielën, edhe nëse nuk është e lehtë të ktheheni në paqe.

SHIGJETARI

Gjatë orëve të ardhshme mund të përballeni me ardhjen me forcë të dikujt në jetën tuaj. Mbërrin shpërblimi i merituar në punë. Merrni kohë për të vepruar në mënyrën e duhur…

BRICJAPI

Në dashuri mund të ketë disa dyshime. Kujdes me polemikat e të tjerëve, veproni sipas shijeve tuaja. Ju pret një udhëtim dhe pas kthimit duhet të zhvilloni një strategji fituese si në dashuri ashtu edhe në punë.

UJORI

Sipas horoskopit të Paolo Fox, një fundjavë kushtuar dialogut. Jupiteri i favorshëm ju ndihmon në punë. Hëna e së dielës në aspekt të favorshëm: mund të sjellë qartësi në një situatë të paqartë. Favorizohen takimet në punë.

PESHQIT

Venusi neutral nuk krijon shqetësime. Hëna e bukur e favorshme: një e diel plot festë nuk mund të përjashtohet. Guxim! Bëhuni më i zënë.