Category: Lajme

Pishinë “infinity” me pamje nga deti, hidromasazh i konceptuar sipas një hoteli në Santorini, dru “teak” për një atmosferë “si në jaht”, palestër, sauna dhe banjo turke.

Vila 188/1 në “Green Coast”, e cila në komunikimet e administruara nga SPAK identifikohet edhe si “Vila 2” dhe që Prokuroria e Posaçme, bazuar në provat e dosjes hetimore, ia atribuon si pasuri faktike Belinda Ballukut.

Në një prej emaileve të administruara nga SPAK, arkitekti Alban Efthimiu i dërgon Ballukut në adresën e saj personale një variant të rishikuar të projektit, duke diskutuar edhe detaje të luksit të vilës.Por, përtej projektit, materialeve dhe kostove, një pyetje mbetet thelbësore: kujt i përkiste në të vërtetë Vila 188/1?

Top Channel kontaktoi arkitektin Alban Efthimiu për të marrë një qëndrim mbi emailet e shkëmbyera me Belinda Ballukun, të cilat janë pjesë e dosjes së SPAK dhe rolin e tij në projekt. Përgjigjja e tij ishte e shkurtër:

“Përshëndetje! Më vjen keq, por jam i rezervuar gjithmonë. Me respekt.”

Edhe nga “Green Coast”, përmes Balfin Grup, ku Top Channel kërkoi informacion mbi këtë çështje, nuk erdhi një përgjigje konkrete se kush ishte klienti, siç i referoheshin kompania ndërtuese dhe studioja Atellier 4 në emailet e dosjes së SPAK.

Kompania deklaroi për Top Channel se nuk mund të komentojë një çështje nën hetim, edhe pse në dokumentet e publikuara nga dosja e SPAK, Efthimiu i është drejtuar direkt Ballukut për arredimin e vilës.

“Green Coast nuk mund të komentojë mbi një çështje që aktualisht është nën hetim. Kompania ka vepruar gjithnjë në përputhje me kuadrin ligjor në fuqi dhe mbetet e hapur dhe e gatshme të bashkëpunojë me çdo institucion publik kompetent…”, deklaroi kompania.

Ndërkohë, në dosjen hetimore të SPAK, emri i Ballukut shfaqet në disa prej komunikimeve për vilën. Në një tjetër dokument, për punimet e pishinës, gjendet shënimi “PISHINA ARBER ABAZI (DHERMI) + BELINDA”, me një vlerë prej 25 mijë eurosh.

SPAK vlerëson se këto të dhëna, të marra së bashku me provat e tjera të administruara gjatë hetimit, mbështesin dyshimin se vila ishte pasuri faktike e Belinda Ballukut, ndërsa dokumentacioni i pronësisë ishte krijuar në emër të Igli Tares.

Më 9 shtator, Gjykata e Posaçme pranoi kërkesën e SPAK për vendosjen e sekuestros preventive mbi këtë pasuri.

Ndërkohë, edhe pse është shtuar akuza për korrupsion, SPAK nuk ka ende një vendimmarrje nëse do t’i drejtohet ose jo Parlamentit për të autorizuar një masë të re sigurimi për ish-zv.kryeministren Belinda Balluku.

Pas publikimit të fakteve të reja, kreu i grupit parlamentar të PD, Gazment Bardhi, ka akuzuar SPAK për standard të dyfishtë, sepse u kërkua autorizim për arrestim kur akuza ishte për shkelje të barazisë në tendera dhe nuk po kërkon një masë të re në rrethanat e tanishme të akuzës për korrupsion.

Struktura të Prokurorisë së Posaçme dhe agjentët e Byrosë Kombëtare të Hetimit kanë ushtruar kontrolle të paparalajmëruara në qelitë e paraburgimit të Bradasheshit dhe kanë zbuluar atje pije alkoolike e pajisje për shpërndarje interneti.

Në këto qeli, ndodhet i arrestuar edhe biznesmeni kontravers Ergys Agasi, i cili u ndalua pak javë më parë në qytetin e Durrësit, pas më shumë se 8 muajsh në kërkim.

Megjithatë, për kontrollet dhe ato që janë gjetur në qelitë e paraburgimit, nuk ka ende një njoftim zyrtar nëse i përkasin Ergys Agasit apo personave të tjerë që ndodhen të akomoduar në IEVP Bradashesh.

Deri tani, e konfirmuar është se janë gjetur pije alkoolike dhe pajisje për shpërndarjen e internetit, të fshehura në kuzhinën e institucionit. Agjentët e Byrosë Kombëtare të Hetimit i kanë marrë për ekspertim, për të parë se kujt i përkasin.

Prokuroria e Posaçme e akuzon Agasin, së bashku me biznesmenin Ermal Beqiraj, për përfshirje në një grup të strukturuar kriminal të dyshuar për manipulimin e tenderave të AKSHI-t, ndërsa hetimet përfshijnë edhe pretendime për përdorim të dhunës dhe pengmarrje, të biznesmenit Gerond Meçe.

Ergys Agasi është një nga figurat që prej kohësh ka gjetur “strehë” në politikë, veçanërisht te Partia Socialiste, duke mbajtur pozita të rëndësishme.

Një prej pozitat më të rëndësishme që Agasi ka mbajtur është ajo si kreu i Inspektoriatit të Mjedisit, një detyrë që i dha mundësinë të jetë afër qeverisë dhe të ndikojë në shumë aspekte të administratës publike. Sukseset e tij në karrierën politike janë gjithashtu të lidhura ngushtë me faktin se ai është djali i Bardhyl Agasit, një ish-deputeti socialist, gjë që i hapi shumë dyer në kupolën e Partisë Socialiste veçanërisht në Durrës.

Kryeministri Edi Rama udhëtoi këtë të hënë drejt Italisë ku dhe do të marrë pjesë në ceremoninë e inaugurimit të Konsullatës së Nderit të Republikës së Shqipërisë në Napoli.

Gjatë kësaj vizite, kryeministri do të vizitojë edhe Katedrën e Gjuhës Shqipe në Universitetin “L’Orientale” si dhe Universitetin “Parthenope”, ku do të marrë pjesë në pritjen me temë  “Napoli, një urë miqësie, bashkëpunimi dhe zhvillimi mes Italisë dhe Shqipërisë”.

Po ashtu, gjatë kësaj vizite ai së bashku me ministren e Arsimit, Mirela Kumbaron, do të zhvillojnë dhe një takim me rektorët e universiteteve të Napolit, për të folur lidhur me mundësitë e bashkëpunimit mes dy vendeve, sa i përket fushës së arsimit.

E përpos axhendës së kreut të qeverisë në tokën fqinje, një video është duke qarkulluar së fundmi në rrjetet sociale ku pretendohet se udhëtimi i kryeministrit drejt Napolit ka pasur një incident.

Shkak është bërë një shtetas shqiptar i cili po ashtu sipas asaj që JOQ pretendon, referuar kështu dëshmitarëve që ishin udhëtarë në këtë fluturim, thuhet se ai e ka sharë kryeministrin me një fjalorth rëndë, dhe si rrjedhojë ky i fundit ka lajmëruar oficerët italianë.

“Të q***a robt, o Edi Rama”, kështu mësohet ta ketë ofenduar shqiptari kryeministrin Rama. Ndërkohë siç shihet dhe në video kryeministri ka përfunduar duke e dorëzuar vetë këtë shtetas në duart e karabinierëve.

VIDEO

Një dhimbje koke e fortë, një moment i papritur dhe një situatë që mund t’i ndryshonte gjithçka. Kështu nisi një nga sfidat më të vështira shëndetësore për moderatorin e njohur Bledi Strakosha, i cili pak ditë më parë u përball me një hemorragji cerebrale dhe qëndroi për 12 ditë i shtruar në spital.

Për të rrëfyer këtë eksperiencë të vështirë dhe momentet që përjetoi, Strakosha ishte i ftuar në emisionin “Rudina”. Ai ndau të gjithë rrugëtimin e tij, nga momenti kur iu shfaqën simptomat e para, deri te diagnostikimi dhe ndërhyrja kirurgjikale.

Sipas moderatorit, gjithçka ndodhi shumë shpejt dhe ishte një përvojë tronditëse. Megjithatë, sot ai e konsideron veten me fat dhe e sheh këtë ngjarje si një mundësi për ta parë jetën ndryshe.

“Tani e konsideroj një jetë të dytë.”

Strakosha tregoi se një dhimbje e pazakontë koke e alarmoi pak para mesnatës kur ndodhej i vetëm në shtëpi.

“Ishte një moment shumë ters sepse ishte 29 gusht, pra fundi i gushtit dhe fundjavë, ku të gjithë kishin rendur për të bërë ato pushimet e fundit. Unë ndërkohë atë fundjavë nuk e di pse e ndjeva se duhej të qëndroja në shtëpi dhe të qetësohesha.

Rreth orës 11 e gjysmë të natës bëj një ngritje nga divani për të shkuar në kuzhinë për të gatuar diçka, por duke qenë se jam pak impulsiv si natyrë dhe, më thënë të drejtën, lëvizjet i kam më të shpejta seç duhet dhe, sa ngrihem nga divani, më fillon një dhimbje koke si therje, fillimisht në ballë, pastaj vazhdoi në të gjithë kokën deri në fund të qafës.

Dhe se kisha provuar ndonjëherë atë lloj dhimbje ishte aq e fortë sa më vonë, kur ia përshkrova sime motre, i thashë: më vinte të vrisja veten vetëm që të shpëtoja nga ajo dhimbje koke, aq e tmerrshme ishte.”

Pas telefonatës me urgjencën, Strakosha tregon se mjekët mbërritën në shtëpi dhe i kryen disa matje, por në atë moment situata nuk u vlerësua si një rast që kërkonte shërbim spitalor. Të nesërmen, megjithatë, ai vendosi të shkonte në urgjencë dhe nga ekzaminimet u zbulua se bëhej fjalë për një hemorragji cerebrale.

“Në fillim nuk iu vu një emër. Në telefon nga urgjenca më thanë se kishte rënë dhe një virozë që jepte dhimbje koke shumë të fortë, por unë ndihesha shumë okej dhe tensionin nuk e kisha dhe aq të lartë, 15 me 10. Shkova në urgjencë dhe më bënë analizën e gjakut fillimisht dhe më pas kemi bërë skaner me kontrast që ishte i domosdoshëm për këtë diagnostikim. Pasi më bëjnë skanerin, shoh portretet e tre djemve të rinj që ishin vrenjtur dhe, pasi më thanë ‘mos lëviz fare’, erdhën, më morën me karrige. Ishte një venë e fryrë që dhe mbase kishte shpërthyer, nuk mi dhanë këto informacione.”

Pas operacionit të kushtueshëm që u krye në kokë, Strakosha shprehet mirënjohës ndaj mjekëve që arritën t’i shpëtonin jetën. Për të, kjo përvojë ka sjellë edhe një reflektim të fortë mbi jetën dhe fatin e atyre që përballen me të njëjtën situatë.

“Ndihem me shumë fat dhe më vjen shumë keq për ata që nuk ia dalin dot sepse përqindja e personave që nuk ia dalin, sepse përqindja është shumë e vogël e atyre që ia dalin, por edhe personat që ia dalin kanë pasoja të mëvonshme dhe kjo është një fatkeqësi edhe më e madhe. Brenda ditës të ndryshon jeta plotësisht.”

Pikërisht për këtë arsye, moderatori ka zgjedhur ta ndajë publikisht historinë e tij. Ai thotë se dëshiron që përvoja personale të shërbejë si një mesazh ndërgjegjësues për të gjithë ata që kanë tendencën të neglizhojnë shenjat e pazakonta që shfaq organizmi.

“Është gjithmonë ideja se do të të kalojë duke pirë një paracetamol, por asnjëherë nuk i marrim seriozisht disa simptoma që na shfaqen, që janë të pazakonta. I neglizhojmë, pasi kemi dhe frikë ndonjëherë dhe kjo mund të na çojë drejt humbjes së jetës. Edhe unë kam shkuar i nxitur prej sime motre.”

Ai pohoi se tashmë do të fillojë të ketë një jetë më të shëndetshme duke shmangur edhe konsumimin e duhanit, për të cilin tha se do e ketë shumë të vështirë pasi është duhanpirës që prej moshës 18 vjeçare.

Dashi
Do jeni mjaft sensuale gjate gjithë kësaj dite dhe partneri do ju dashuroje me më shume pasion. Do kaloni çaste te mrekullueshme me te dhe do ndiheni te bekuar nga yjet. Beqaret do dashurohen koke e këmbë me një person te cilin e njohin prej vitesh, por qe nuk e kane pare kurrë me atë sy. Me financat do dini si te silleni dhe gjendja do jete goxha e mire.

Demi
Dite gjithë kohës e mbrojtur kjo e sotmja për ata qe janë ne një lidhje. Nuk pritet asnjë lloj debati apo mosmarrëveshje. Beqaret gjithashtu do ndihen te lire te bëjnë atë qe duan. Shfrytëzoni çdo mundësi qe do iu jepet për takime sepse rralle vijnë momente te tilla. Sektori i financave do mbetet delikat. Mos kryeni shpenzime te mëdha sepse mund te mbeteni pa para me pas.

Binjaket
Çdo gjë do ece me se miri gjate kësaj dite ne jetën tuaj sentimentale. Do ndani çdo ide me partnerin tuaj dhe do i lini pas mosmarrëveshjet e se shkuarës. Beqaret do ndihen gati te hedhin hapa me tej me një person qe ka kohe qe iu qëndron pranë. Financat nuk do jene aspak te këqija. Do dini si t’i menaxhoni ato dhe madje mund te hiqni edhe ndonjë para mënjanë.

Gaforrja
Do e adhuroni atë qe keni ne krah gjate kësaj dite dhe nuk do doni te shkëputeni asnjë çast prej tij. Orët e mbrëmjes do jene me emocionueset. Beqaret do kenë një dite te zakonshme dhe pa ndonjë propozim interesant. Beni atë qe ndjeni pa menduar për te ardhmen. Me shpenzimet mundohuni te tregoheni sa me te arsyeshëm qe te mundeni qe te mos keni vështirësi.

Luani
Planetët do jene gjithë kohës ne krahun tuaj sot dhe do ua bëjnë ditën me te bukur se kurrë. Do jeni ne një mendje me atë qe keni ne krah dhe nuk pritet te ndonjë as mosmarrëveshja me e vogël. Beqaret duhet te tregohen te arsyeshëm ne mënyrë qe te mos bëjnë gabime. Për financat do jeni te matur dhe te kujdesshëm. Do e dini mire sa te shpenzoni dhe sa te hiqni mënjanë.

Virgjeresha
Marrëdhënia juaj ne çift do jete shume e mire sot. Do i lini pas te gjitha problemet e se shkuarës dhe do shihni vetëm drejt se ardhmes. Beqaret do ndihen shume te turbullt dhe nuk do dine çfarë hapash te hedhin me pare. Gjendja e financave do ketë përmirësime te konsiderueshme. Do ndiheni mire kur te kryeni edhe ndonjë investim qe keni menduar prej kohesh.

Peshorja
Do dini si ta rregulloni sot marrëdhënien ne çift dhe si ta afroni me shume partnerin tuaj. “Formulat” qe do zbatoni do japin rezultatet e shumëpritura. Beqaret do kenë një dite mjaft romantike. Do afrohen me personin qe kane kohe qe shkëmbejnë shikime dhe emocionet do jene te forta. Ne planin financiar nuk do jeni aspak realiste dhe mund te kryeni shpenzimet te konsiderueshme.

Akrepi
Fale ndikimit pozitiv te yjeve, sot do ndiheni mire pranë personit qe keni ne krah. Do i sqaroni menjëherë problemet qe keni pasur dhe do tregoheni me tolerante. Beqaret do ndihen te kënaqur me disa takime qe do realizojnë dhe mund te hedhin shume shpejt hapa. Me financat nuk duhet ne asnjë mënyrë te luani sepse gjendja mund te përkeqësohet tej mase.

Shigjetari
Mos kërkoni gjer te pamundura gjate kësaj dite ne jetën tuaj ne çift sepse ne një moment situata mund t’iu dale tërësisht jashtë kontrollit. Beqaret nuk do ndihen gati për te filluar një lidhje dhe do i neglizhojnë te gjitha ftesat qe do iu bëhen. Jupiteri do jete planeti qe do ua mbroje ne çdo moment te ardhurat. Do kryeni te gjitha shpenzimet e menduara dhe do ndiheni te qete.

Bricjapi
Ka rrezik qe sot te ndodhin gjera negative ne jetën tuaj ne çift. Nuk do ndiheni mire pranë personit te zemrës dhe do doni te qëndroni larg tij. Beqaret ka shume gjase te njihen mire me një koleg pune. Gjithçka do ndryshoje shpejt ne jetën e tyre. Nëse gjendja financiare është e qëndrueshme përfitoni për te hequr disa para mënjanë sepse do ju duhen.

Ujori
Perspektivat do jene shume te mira për sektorin ndjenjave sot. Do i shprehni pa pushim ato dhe emocionet do jene te papërshkrueshme. Beqaret do realizojnë një takim te veçante dhe do ndihen mire pranë atij personi. Gjendja e financave do varet nga mënyra sesi ju do i menaxhoni ato dhe sa shpenzime do kryeni. Po u treguat te logjikshëm gjithçka do ece për mrekulli.

Peshqit
Sot do merrni vendime te rëndësishme juve qe jeni ne një lidhje dhe e ardhmja do jete e shkëlqyer. Beqaret do mundohen paksa, por ne fund do arrijnë ta bëjnë për vete personin qe kane pëlqyer prej disa muajsh. Gjendja e financave do mbetet e paqëndrueshme. Kujdes me çdo shpenzim sepse situata mund t’iu dale jashtë kontrollit.

Është pìkërisht ky moment shpërqendrimi kur mashtruesit hidhen në veprim…

“Paratë sjellin para”, thotë një proverb popullor, të cilin kriminelët po e shfrytëzojnë me përpikëri këto ditë për të joshur viktimat e tyre. I tillë është rasti me këtë mashtrim të ri dhe të sajuar mirë. Me të mbërritur në parking, mundësisht një nga ato të mëdhatë në një qendër tregtare ose supermarket, shoferi gjen një kartëmonedhë 50 euro në xhamin e përparmë, nën fshirësen e xhamit. Është një kartmonedhë false, por, duke mos e ditur këtë, kush nuk do t’i rezistonte ta merrte? Kështu përfundon në një kurth, sepse mashtruesit, që fshihen aty pranë, hidhen në veprim, duke i grabitur viktimës së pafat, sendet personale të lëna më parë në makinë, nëse jo edhe vetë makinën.

Teknika është shumë e thjeshtë. Kriminelët, në parkingje të mëdha publike, si ato pranë qendrave tregtare dhe supermarketeve, ose në zona tregtare të ngarkuara, zgjedhin shënjestrën e tyre, kryesisht shoferët ose korrierët, dhe vendosin një kartëmonedhë të falsifikuar 50 euroshe nën fshirësen e xhamit të përparmë. Viktima e mashtrimit kthehet në automjet, hyn në makinë si zakonisht, duke vendosur sendet personale brenda dhe duke e ndezur makinën, por kur vëren kartëmonedhën dhe më pas del nga makina për ta marrë atë ndodh hataja.

Është pikërisht ky moment shpërqendrimi kur mashtruesit hidhen në veprim. Ata futen fshehurazi për të vjedhur sende me vlerë të lëna në sedilje ose, në skenarin më të keq, ikin direkt me makinën. Policia rekomandon të ndiqni disa masa paraprake për të shmangur rënien pre e këtyre mashtrimeve. Mos dilni nga makina nëse vini re një kartëmonedhë ose objekt të dyshimtë në xhamin e përparmë pasi të keni hyrë. Këshilla tjetër është të ndizni makinën dhe të largoheni në një vend të sigurt larg parkingut për të kontrolluar paratë në xhamin e përparmë. Vetëm atëherë duhet të fikni motorin, të dilni nga makina, të kyçni dyert dhe të kontrolloni kartëmonedhat, të cilat rezultojnë të falsifikuara.

Në një intervistë për emisionin “Se luan Topi” Albana Osmani ka folur edhe për raportin me Arbana Osmanin. E pyetur mbi ngjashmërinë në emrat e dy moderatoreve, Osmani tha se nuk e ka bezdisur që njerëzit i ngatërronin.

“Është thjẹsht një gërmë që na bën diferencën në emër. Por jemi fizikisht të ndryshme. Kurse rrugëtimi kemi patur ngjashmëri në formatet që kemi cekur. Ndoshta kjo i bënte njerëzit më lëmsh”, tha Osmani.Erjona: Hyn ajo tek njerëzit që ke patur miqësi?

Albana: Unë nuk kam patur asnjëherë miqësi, thjesht kolege dhe “Ciao bella”. Kaq”

Ndërkaq e pyetur nëse ishte mërzitur kur audicionin në Portokalli e fitoi Ami, Albana tha se në shumë raste ka ndjerë se ishte më e mirë se koleget.

“Unë asnjëherë nuk jam mërzitur në rastet kur jam provuar për një program por është zgjedhur dikush tjetër. Edhe në ato raste, jam ndjerë se isha realisht më e mirë. Më falni për mungesën e modestisë”, tha ajo.

Kryeministri Edi Rama së fundmi në një intervistë ka treguar se kur do të largohet nga pushteti dhe qeverisja.

Së fundmi në një intervistë, Rama është shprehur se qëllimi i tij në qeverisje nuk është të bëhet “mbret” apo të qëndrojë deri në pafundësi në pushtet.

Ai tha se nëse është ende në këtë post, është për shkak të negociatave me Bashkimin Europian. Gjatë intervistës, Rama u shpreh se në momentin Shqipëria do të anëtarësohet në BE “shqiptarët do të shpëtojnë nga ai”.

“Unë nuk jam këtu për tu bërë mbret ose për të qëndruar në pafundësi. Unë jam këtu vetëm sepse shoh derën e hapur të Bashkimit Europian. Në momentin që, me ndihmën e Zotit dhe të shqiptarëve, unë e kapërcej pragun e asaj dere juve do të shpëtoni nga unë”, u shpreh Rama në intervistë.

Para se të fitonte mandatin e katërt qeverisës, Rama shprehej se kishte vetëm 2 rrugë që ai mund të largohet nga zyra e Kryeministrisë, vota e qytetarëve dhe kur ta vendosë vetë tërheqjen politike.

Ndërkohë sot pas më shumë se një viti, thotë se rruga e vetme që ai të largohet është anëtarësimi në BE.

Por lind pyetja: Po sikur Shqipëria të mos hyjë në Bashkimin Europian, Ramën do të durojmë tërë jetën?

Ndryshimi i orës vjen më herët se zakonisht këtë vit. Në natën mes 24 dhe 25 tetorit, ora 03:00 do të bëhet 02:00. Këtë vit kalimi në orën dimërore ndodh në datën më të hershme të mundshme

Ndryshimi i orës këtë vit do të vijë më herët se zakonisht. Kalimi nga ora verore në atë dimërore do të bëhet në natën mes së shtunës, 24 tetor, dhe së dielës, 25 tetor 2026. Në Shqipëri, në orën 03:00, akrepat do të kthehen 60 minuta pas dhe ora do të bëhet 02:00.

Kjo do të thotë se atë natë do të “fitojmë” një orë më shumë gjumë.

Data 25 tetor është edhe data më e hershme e mundshme për kalimin në orën dimërore, pasi ndryshimi bëhet gjithmonë të dielën e fundit të tetorit. Herën e fundit që ndryshimi ndodhi kaq herët ishte në vitin 2020.

Në pranverë ndodh e kundërta: akrepat çohen një orë përpara, duke sjellë më shumë dritë gjatë pasdites dhe mbrëmjes.

Ndërsa në vjeshtë, kthimi i orës një orë pas sjell më shumë dritë në mëngjes, por errësira bie më herët në mbrëmje.

Ndryshimi i orës bëhet gjatë fundjavës pikërisht për të kufizuar sa më shumë ndikimin te puna, udhëtimet dhe jeta e përditshme.

Si ndikon ndryshimi i orës te organizmi?

Edhe pse bëhet fjalë vetëm për një orë, ndryshimi mund të ndikojë përkohësisht në ritmin biologjik të trupit.

Te disa persona mund të shfaqen lodhje, përgjumje, vështirësi në përqendrim ose ndryshime humori gjatë ditëve të para.

Ndikimi mund të jetë më i ndjeshëm te fëmijët, të moshuarit, personat me çrregullime të gjumit dhe ata që punojnë me turne.

Për t’u përshtatur më lehtë, këshillohet që në ditët para ndryshimit të mbahet një orar sa më i rregullt gjumi, të shfrytëzohet drita natyrore gjatë ditës dhe të shmangen kafeina dhe vaktet e rënda në mbrëmje.

Aktiviteti i lehtë fizik gjithashtu mund të ndihmojë në ruajtjen e një gjumi më të mirë. /noa.al

Dashuria nuk ka moshë thuhet, por në disa raste nuk paska edhe ngjyrë.

Një rast i tillë ka ndodhur më një vajzë e cila shkoi në Londër për studime edhe atje njeh një shokë moshatar

me veten e saj dhe kështu po njiheshin deri sa u dashuruan edhe ngeli shtatzënë.Djali i quajtur Henri,

ishte i lumtur me të edhe vajza shqiptare me atë e kështu në këtë mënyrë filluan të bashkëjetonin.

E gëzuar vajza i jep lajmin e mirë familjen që është bërë me djalë por, familja e refuzoi atë duke i thenë se “nuk je

më vajza jonë”. Së bashku me djali ajo niset për në Shqipëri për të treguar të plotë historinë.

Dhe për përgjigja e tyre ishte kjo:“Çoje djalin ta rrisë i ati dhe atëherë do jesh vajza jonë”.Cfarë do të bënit ju nëse do të ishit në një situatë të tillë do ta pranonit apo do ta refuzonit vajzën tuaj!