Category: Lajme

Ku është fëmija im? Kjo është pyetja që për 32 vite po torturon nënën e Juliana Hoxhës, Valentinën sot 71 vjeçe.

Fëmija u zhduk në 12 mars 1992 dhe prej atëherë nuk dihet asgjë. Ishte 7 vjeçe, doli nga shtëpia për të blerë një tullumbace në lagje dhe nuk u kthye kurrë.

Valentina Hoxha, nëna e Julianës: Më jep lekë të blej një tullumbace tha. Shitësja në atë kohë tha se i ka dhënë do tullumbace, një për vetë një për vëllain. Rrugës nga është kthyer për në shtëpi, një dorë kriminale mund ta quash, sepse një njeri nuk mund ta bëjë atë punë, e rrëmbeu dhe e futi në makinë. Dola të kërkoja këtu, nuk e gjeta, si nënë kam bërë përpjekje, kam bërë letër edhe presidentëve të asaj kohe, të gjithëve u kam bërë dhe të gjithë më thonë drejtohuni në organet kompetente. Organet kompetente, më thonë se këtë gjë e dimë, dhe jemi në kërkim të saj. Çfarë do bëj unë si nënë? Unë një nënë jam. Unë përpjekjet e mia i kam bërë të gjitha, shteti duhet të vërë dorë, s’jam e para as e fundit.  Ju lutem shumë si nënë, si qytetare, në qoftë se ngurroni ta thoni e shkruani në një copë letër dhe ma hidhni në shtëpi, jam një nënë që po vajtoj!

Humbur në Tiranë, në lagjen e saj pas gjimnazit Çajupi, Juliana Hoxha është fëmija i parë i rrëmbyer pas 1990. Emri i saj vazhdon prej tre dekadash i publikuar në kartelat e agjensive ndërkombëtare. Interpol shkruan se autoritetet vendase besojnë që Juliana mund të jetë adoptuar ilegalisht në vendet e Evropës Perëndimore. Asnjë dëshmitar, askush nuk tregon mbi identitetin e rrëmbyesve. Për të ëmën, vitet kanë mbetur në ditët kur shtëpia gumëzhinte nga zërat e fëmijëve, një ndër ta edhe zëri i Julianës.

Valentina Hoxha: Bënte detyrat dhe kishte qenë në kopsht, bënte detyrat, fëmijë 6 e gjysmë. Deri vonë pyesnin disa nga fëmijët dhe unë u thosha nuk është gjendur akoma. Djali ishte i vogël dhe pyeste kur do vijë motra, kur ishte dimër, loznin brenda. Ajo ka qenë e vogël, gjashtë vjeçe e gjysmë, po për birësim apo organe, uroj të jetë birësimi. Ajo do jetë bërë nënë! Në qoftë se ka krijuar familje, e uron nëna të jetë e lumtur, por nëna i uron të kthejë kokën mbrapa se kam 32 vjet që po lotoj!

Në kartelat e Interpol janë të afishuar emrat e 16 fëmijëve, që konsiderohen të humburi. Ata  janë Juliana Hoxha shtatë vjeçe , humbi në 1992. Xhevahir Gezdari, 12 vjeç, humbi në 1995. Djali i një zyrtari të antiterrorit në shërbimin sekret, Julian Çela 10 vjeç u deklarua zyrtarisht i humbur në 2013, Eva Dumani në 2014 ishte 9 vjeç, u rrëmbye bashkë me të vëllain nga i ati duke u dërguar me luftime në Siri. Aleksandër Nikolli ishte 13 vjeç në 1998, Noel Musa, nëntë vjeç në 2019, Arisa Barci 13 vjeçe, shpallur e humbur në 2019,  tre fëmijët Kledi, Robert dhe Amelia Peshpali përkatësisht 12, 11 dhe 4 vjeç u deklaruan të humbur nga Interpol në 2019. Artur Carja ishte nëntë vjet kur u shpall i humbur, Blerta Selaj humbi në 1999 dhe ishte tre vjeçe, Bleona Mataj ishte 6 vjeçe dhe u deklarua e humbur në 2010, Elson Lleshi 10 vjeç humbi në 2009 dhe dy fëmijët Jon dhe Janina Gashi 6 dhe 4 vjeç u futën në listën e Interpolit si të humbur në 2015.

Mes tyre ka fëmijë që janë rrëmbyer nga njëri prind. Shefi i Interpolit Idajet Faskaj, pranon se në total në Shqipëri njihen si të humbur 243 persona, dhe siç kuptohet përqindjen më të lartë të të zhdukurve e zënë të rriturit.

Idajet Faskaj: Përveç anës që njihet nga të gjithë, përveç kapjes së të kërkuarve është me mision edhe për gjetjen e personave të humbur. Policia ka kërkuar gjithë informacionin e marrë për personat e humbur në bazë të ankesave të familjarëve dhe ka vazhduar me përcjelljen e këtij informacioni që sipas vendimit ka bërë shpalljen publike të tyre. Për ditën që flasim, Interpol Tirana ka 243 kartela të verdha dhe 141 kartela që janë të publikuara.

Anila Hoxha: Sa prej tyre janë fëmijë të humbur?

Idajet Faskaj: Missing children ka dy kategori, në nivel  kombëtar dhe ndërkombëtar. Me kartela të verdha kemi shtatë, pesë të tjerë janë nga 10 vjeç e poshtë. Persona të tjerë janë në bazë të kritereve, dhe në respektim të konventës së Hagës. Pretendohet se janë marrë nga njëri familjar dhe janë katër qe nuk i kemi shpallur në kërkim ndërkombëtar. Interpol ka procedurat e veta dhe është shumë sensitive. Në bazë të ligjit duhet të respektohen disa parime, nuk duhet të ekstradohen në baza raciale, fetare edhe për ata që njihet se janë marrë në mënyrë të padrejtë, pavarësisht se Interpoli mund të kontribuojë, procedura për kthimin e tij tek njëri nga prindërit duhet respektuar disa etapa. Në këtë rast duhet të jetë ministria e drejtësisë që çmon interesin më të lartë.

Anila Hoxha: Si komunikon Interpol, më i vogli është tre vjeç, më i madhi 13…

Idajet Faskaj: Aty ka disa kritere, karakteristikat, prindi, shenjat e veçanta, si është humbur, ku ka qenë . Së fundmi Interpoli ka shtuar edhe And që do ndihmojnë për identifikimin e tyre, dhe Intrepol ka një bazë të madhe dhe deri tani 1900 sample (shenja) të ADN dhe ne synojmë të shtojmë rastet. Viti më i hershëm është 1992, që është Juliana Hoxha, vazhdon të ende në database. Është Xhevahir Gezdari, shpalljet kanë filluar në 2004, sot e 20 vjet pasi janë ezauruar të gjitha njoftimet.

Dashi

Kohëve të fundit jeni shumë të paduruar për të përfunduar një biznes apo negociatë të rëndësishme dhe kjo pasi më në fund mund të karikuar për të vendosur gjithçka në vijë. Kjo është një ditë mjaft energjike, pas atyre të kaluara në dembelizëm të plotë.

Demi

Ky është një moment shumë i mirë për të bërë projekte të reja dhe për të lënë mënjanë të gjitha zhgënjimet e muajve të fundit. Duhet të jeni të fortë dhe të mos i lejoni të tjerët që t’iu kritikojnë lidhur me idetë tuaja. Kjo është një periudhë e cila favorizon energjinë dhe të qenit të pavarur.

Binjakët

Do të riktheheni të jeni pozitiv dhe gjithë shpresë dhe gjithçka në sajë të përgjigjeve të shkëlqyera që keni marrë në vendin e punës. Në dashuri po përjetoni momente të rëndësishme kthese, të cilat do ju lejojnë që të zyrtarizoni një lidhje.

Gaforrja

Përqendrohuni dhe mos e humbni fokusin nga situata aktuale, sidomos në vendin e punës, ku do të merrni shpërblime të rëndësishme. Nga pikëpamja sentimentale, do të hapet një fazë e rëndësishme për tu dhënë një dimension tjetër raporteve ndërpersonale.

Luani

Parashikohet një ditë e cila do ju lejojë që të çoni përpara propozime të rëndësishme në vendin e punës. Duhet të jeni të përgatitur për tu përballur me një nga kolegët tuaj. Sfera e ndjenjave parashikohet mjaft e suksesshme.

Virgjëresha

Jini sa më kurajoz dhe mos hezitoni që të hidhni hapin e parë në dashuri, pasi tashmë po hapet një fazë mjaft e favorshme sa i takon ndjenjave. Mos u sforconi shumë nga pikëpamja fizike, për shkak se mund të keni probleme shëndetësore, si pasojë e lodhjes.

Peshorja

Do të riktheheni të jeni karizmatik dhe ambicioz dhe kjo rigjetje sigurie do ju lejojë që të merrni përgjegjësi të reja, pa u druajtur të guxoni më shumë. Bashkëpunime dhe aleanca të reja, janë mjaft të favorshme. Në dashuri mos bëni shumë kapriço.

Akrepi

Mundohuni që të tregoni më shumë kujdes për veten tuaj pasi parashikohet një fundjavë shumë intensive. Ky është një moment shumë i mirë për të bërë takime të reja, apo për të zyrtarizuar një histori të lindur prej pak kohësh.

Shigjetari

Për të arritur objektivin tuaj duhet të jeni sa më të përqendruar dhe të përpunoni një strategji të re, e cila do ju lejojë që të riorganizoni më mirë idetë tuaja. Por ajo që duhet të mbani parasysh është që të mos rrezikoni nga pikëpamja ekonomike. Në dashuri parashikohen ballafaqime dhe tensione.

Bricjapi

Kjo fundjavë do ju gjejë mjaft aktiv dhe produktiv, sa i takon pikëpamjes profesionale. Iniciativat tuaja do të vlerësohen maksimalisht. Kjo është një e diel e favorshme për të rigjetur ekuilibrin emocional me familjen ose partnerin.

Ujori

Më në fund do të tregoni kujdesin e duhur për veten tuaj dhe kjo gjë do ju lejojë që të riheni sigurinë dhe pozitivitetin në kapacitetet tuaja. Do të jeni mjaft joshës, kështu që nuk përjashtohet mundësia që të bëni për vete persona interesant.

Peshqit

Gjatë kësaj dite do ju duhet të bëni disa zgjedhje vendimtare, të cilat do ju lejojnë që të transformoni totalisht një projekt. Do të arrini rezultate të mëdha, por duhet të jeni të gatshëm që të lodheni më shumë.

Komuniteti lokal i Arvit, Kretë është tronditur nga një tragjedi e ndodhur mesditën e së shtunës.

Një djalë i moshës 6-7 vjeç, me origjinë nga Shqipëria, ka ndërruar jetë teksa po notonte në plazhin e zonës.

Sipas mediave greke, vogëlushi shqiptar i quajtur Nikolas, ndodhej me nënën e tij në shtëpinë e tyre, e cila ndodhet disa dhjetëra metra larg plazhit, kur i ka kërkuar asaj të notojë në plazh.

Mamaja nuk e ka lejuar, por djali i ka shpëtuar vëmendjes së saj dhe ka shkuar vetëm në plazh. Fatkeqësisht, pak minuta më vonë ai është nxjerrë nga uji pa ndjenja pasi deti sot ka qenë i trazuar dhe djali i vogël dyshohet se është mbytur nga një dallgë e fortë.

Ka qenë një banor i zonës që ka parë fëmijën në ujë pa ndjenja dhe ka ngritur menjëherë alarmin. Në vendngjarje kanë shkuar banorë të fshatit dhe kalimtarë të rastit, të cilët me ndihmën e një defibrilatori dhe mjekut kanë tentuar të rikthejnë në jetë fëmijën.

Në vendngjarje ka mbërritur menjëherë ambulanca dhe fëmija është transportuar në Qendrën Shëndetësore të Viannos, por fatkeqësisht nuk ia ka dalë dot.

Shqipëria pritet të përfshihet nga vala e të nxehtit afrikan.

Sipas sinoptikanëve, muaji Qershor nis me temperatura të larta, ku ditët e para do të arrijnë deri në 35 gradë.

Hakil Osmani: Kjo fundjavë do të sjellë një valë të të nxehtit që vjen nga Afrika, godet Gadishullin e Ballkanit duke bërë që edhe territori shqiptar të preket nga kjo valë e të nxehtit, duke bërë që maksimumet e temperaturave të ngjiten në vlerën 34 apo 35 gradë Celsius në rang territori.

Por i gjithë 15 ditëshi i parë i Qershorit mbetet me temperatura të larta.

Hakil Osmani: Parashikohet që të jetë me temperatura të larta, presim maksimumet që në rang territori të ngjiten në vlerën e 37 gradë Celsius.

Sipas sinoptikanëve, temperaturat për muajin Qershor janë 4 gradë mbi normalen.

Hakil Osmani: Këto temperatura janë 3 apo 4 gradë mbi normalen e muajit Qershor.

Temperaturat më të larta do i përjetojnë qytetet e Ultësirës Perëndimore, por edhe zonat bregdetare, të cilat janë mjaft të frekuentuara nga qytetarët./TEL

Kanë dalë detaje të reja nga ngjarja e rëndë që ndodhi në ishullin e Kretës në Greqi, ku një fëmijë me origjinë shqiptare është mbytur në det.

Kjo ngjarje ka ngjallur trishtim në komunitetin e zonës së e Arvit, ku Nikolasi i vogël jetonte me familjen e tij.

Ai u mbyt teksa po notonte së bashku me një mik të tij.

7-vjeçari u largua pa dëshirën e nënës së tij. Ai më herët i kishte kërkuar të shkonte të notonte tek plazhi që ndodhej disa dhjetëra metra larg shtëpisë, por e ëma nuk e lejoji.

Ai doli fshehurazi nga shtëpia, ndërkohë që e ëma po kujdesej për fëmijën e vogël që kishte lindur disa muaj më parë. Fatkeqësisht fëmijën e kanë marrë dallgët e si për pasojë ka humbur ndjenjat.

Ai u gjet në breg me trupin e përmbysur dhe kokën në ujë nga kalimtarët e rastit, të cilët e nxorën menjëherë nga deti dhe thirrën ambulancën. Pavarësisht ndihëm së parë që kalimtarët i dhanë, fëmija kishe humbur jetën.

Nikolasi i vogël jetonte me prindërit e tij në Arvi. Sipas mediave vendase, prindërit e tij janë punëtorë kryesisht në serra, njerëz të shkëlqyer siç përshkruajnë bashkëfshatarët e tyre.

Të gjithë e tregojnë 7-vjeçarin si një fëmijë të mrekullueshëm plot energji, gëzim dhe mirësi.

Nëna e tij pak muaj më parë solli në jetë fëmijën e dytë të familjes dhe në momentin që ndodhi e keqja ishte në shtëpi me foshnjën, ndërsa babai në punë.

“Çfarëdo që të themi është pak. Jemi të gjithë të shokuar”, tha për cretalive.gr presidenti i Shoqatës Kulturore të Arvit, Yannis Karpathakis, i cili ishte ndër të parët që nxitoi në vendin ku u gjet trupi i fëmijës së vogël.

“Në një tragjedi të tillë duhet të heshtim. Përballë zisë, të mos gjykojmë”, shtoi Karpathakis, duke theksuar se prindërit e Nikolas janë njerëz që punojnë gjithë ditën për t’u ofruar më të mirën fëmijëve të tyre.

Kryebashkiaku i Viannos, Pavlos Baritakis, tha për cretapost.gr se “fëmija e donte shumë detin dhe i shpëtoi vëmendjes së prindërve, si pasojë e të cilit humbi jetën”. Në një pyetje lidhur me plazhin, kryebashkiaku i Viannos theksoi se ky plazh i veçantë nuk është i organizuar, pra nuk ka një roje shpëtimi. Gjithashtu, është shkëmbor.

Sipas informacioneve të fundit, prindërit kanë qenë në komisariat dhe kanë dhënë deklaratë se si ka ndodhur ngjarja.

Arbana Osmani ka folur më në fund për Big Brother Vip 3 dhe Ledion Liçon. Gjatë një interviste që ka dhënë së fundi për “Prive” në Kosovë, Arbana tha se nuk kishte asnjë kritikë për moderimin e Ledionit, dhe se ai ishte një profesionist i mirë.

 “Nuk kam asnjë kritikë për Ledionin, kam shumë lëvdata. E kam njohje shumë të vjetër edhe kemi kujtime shumë të bukura bashkë. Është një profesionist që unë e vlerësoj dhe jo, nuk kam kritika”, u shpreh ajo.

Sa i takon pyetjes nëse e ka ndjekur apo jo BBV, Arbana tha se shumë pak. Dhe kjo për shumë arsye, sidomos për faktin që nuk ka qenë në shtëpi dhe në mbrëmje, kur mblidhet me familjen, fëmijët e saj kanë dëshirë të shohin programet që kanë qejf ata. Nga ana tjetër, moderatorja theksoi se tanimë do të shohë kryesisht filma dhe dokumentarë, të cilët nuk i ka parë kur ka qenë pjesë e “Big Brother”, për shkak të kohës.

“Shumë pak e kam parë. Nuk ka nevojë që ta shoh shumë. Ndjek pak dhe e kuptoj”, tha ajo, duke shtuar se nëse jep një mendim, do të ishte një gjykim sipërfaqësor, megjithatë, shtoi se e ka parë që ka pasur sukses dhe për këtë i bëhet qejfi.

Dashi

Kjo ditë ju fton që të jeni shumë të kujdesshëm në dashuri, sidomos nëse së fundmi jeni treguar tepër të rreptë me partnerin/en. Ky tension në çift mund të jetë shkaktuar nga keqkuptime të vogla, ndaj duhet të jeni të gatshëm që të favorizoni dialogun.

Demi

Në këtë moment është e rëndësishme që ju të përqendroheni maksimalisht në objektivat tuaj kryesor, sidomos sa i takon bashkëpunimeve të cilat mund t’iu lejojnë që të nisni aktivitete të reja krijuese dhe të dobishme për karrierën tuaj. Horoskopi i kësaj dite mbron emocionet.

Binjakët

Nëse do të tregoheni shumë të nxituar dhe anksioz në dashuri, rrezikoni që të vini nën presion partnerin/en tuaj, sidomos sa i takon një çështje bashkëjetese ose transferimi. Puna vazhdon me sukses, ku fitore të mëdha janë fare pranë.

Gaforrja

Në sferën profesionale parashikohen të reja shumë të mira, të cilat do ju bëjnë mjaft euforik. Dëshira juaj është që të riktheheni në lojë dhe të fitoni besimin në veten dhe kapacitetet tuaja. Mbrëmja do të jetë interesante për të bërë takime të reja apo për tu riafruar me një person të cilin nuk e keni parë prej kohësh.

Luani

Do të jeni të sigurtë në veten tuaj dhe kjo gjë do ju shtojë edhe më shumë hijeshinë. Do të bëni për vete persona për të cilët keni interes. Jini më të pavarur në punë, pasi intuita juaj do ju çojë në arritjen e rezultateve të mëdha.

Virgjëresha

Në këtë moment duhet të përshtatni një sjellje më superiore ndaj kolegëve tuaj ziliqarë, të cilët nuk do të kursejnë provokimet dhe pengesat në punë. Në dashuri parashikohen ndryshime të rëndësishme.

Peshorja

Në vendin e punës mos jini shumë krenar dhe mundohuni të krijoni aleanca të vlefshme për të realizuar në kohë një projekt për të cilin po punoni prej disa javësh. Kjo është një periudhë mjaft pjellore, për gjithë ata që janë në kërkim të shpirtit binjak.

Akrepi

Ka ardhur momenti që të rihapni disa çështje që i keni lënë pezull prej kohësh. Jini kurajoz dhe mos u druani në shprehjen hapur të ndjenjave tuaja. Kjo ditë parashikon shpërblime për ju.

Shigjetari

Kjo fundjavë do të jetë interesante për të rihyrë në lojë dhe për të arritur rezultate të mëdha në vendin e punës, sidomos nëse do të nisni negociata të reja. Tregohuni sa më luftarak dhe të vendosur dhe do të arrini më shumë rezultat në sajë të mbështetjes që do merrni nga bashkëpunëtorët tuaj.

Bricjapi

Në dashuri mos u tregoni të ndrojtur, pasi kjo fundjavë do të jetë mjaft e frytshme sa i takon takimeve, ndaj mos kini frikë të guxoni më shumë. Edhe në vendin e punës do të arrini rezultate të mëdha.

Ujori

Kjo fundjavë do të jetë mjaft fatlume, për gjithë ata që kanë dëshirë që të vlerësojnë ndjenjat e tyre dhe të rindezin emocionet. Së fundmi keni qëndruar disi të mënjanuar, por një surprizë e këndshme do ju bëjë euforik. Kjo e shtunë do ju shohë tejet dinamik, sidomos në vendin e punës.

Peshqit

Do të rigjeni bashkëpunimin dhe sintoninë me personat që dashuroni, por vetëm nëse do të arrini të frenoni impulset dhe xhelozinë, e cila së fundmi ju ka shkaktuar një sërë keqkuptimesh në çift. Nisja e projekteve të reja bashkë është më se e mundur, mes tyre edhe nisja e një bashkëjetese.

33-vjeçarja shqiptare që u përdhunua dhe më pas u godit me thikë dhe u mbajt meng nga një i ri palestinez në Greqi ka rrëfyer momentet e tmerrit që përjetoi.

Në dëshminë e saj, shqiptarja ka thënë se me 27-vjeçarin është takuar në orën 02:00 të mëngjesit dhe së bashku kanë rënë dakord që të shkojnë tek shtëpia e tij, por thekson se nuk e kishte menduar se do të përjetonte një torturë të tillë.

“Nuk mund të lëvizja. Ai më kishte mbyllur. Më kapi paniku. Mendova se do të vdisja. E takova pak pas orës 02:00 të mëngjesit. Asgjë nuk më bëri të besoja atë që do të kaloja. Kur kuptova se kisha bërë një gabim duke e ndjekur, ishte shumë vonë”, tha shqiptarja në rrëfimin e saj.

Siç raportojnë mediat greke, 33-vjeçarja ndodhet në spital në Athinë, pasi frakturat që ka marrë në pjesën e kokës janë të shumta. Po ashtu, ajo ka lëndime edhe në këmbën e majtë, ku i riu nga Palestina e plagosi me thikë.

Nëna e shqiptares, në një intervistë për “Mega” tha se vajza e saj me të riun palestinez kishin disa muaj që njiheshin, ndërsa rasti i dhunës brutale nuk ishte për herë të parë.

“Ajo ka frikë, sepse nuk është hera e parë që e dërgon në spital. Ai e kishte goditur 2 muaj më parë, ajo kishte plagë në sy dhe në kokë”, tha nëna e vajzës.

27-vjeçari u arrestua nga policia pak metra larg banesës ku mbajti peng shqiptaren. Ai u ndalua nga një patrullë e rastit dhe pas kontrollit iu gjet një thikë, çka solli që ai të shoqërohej në komisariat. Por pas gjetjes së vajzës shqiptare që po mbahej peng, u konfirmua nga hetuesit se ai ishte autori, bazuar edhe në pohimin e shqiptares.

I riu palestinez u lirua me kusht. Ai duhet të paraqitet dy herë në muaj në polici si dhe iu ndalua të dalë jashtë territorit të Greqisë.

Një ngjarje e pazakontë është regjistruar në Pogradec.

Një person është vënë në hetim pasi me qëllim për të ndihmuar bashkëfshataren e tij, i ka spërkatur të mbjellat me pesticide.

Në hetim është vendosur N. S., banues në fshatin Piskupat, Pogradec.

“Komisariati i Policisë Pogradec referoi materialet në Prokurori ku filloi procedimi në gjendje të lirë për shtetasin N. S., banues në fshatin Piskupat, Pogradec, pasi dyshohet se ka spërkatur me pesticide, një sipërfaqeje toke në pronësi të shtetases R. L., me qëllim dëmtimin e bimëve të mbjella”, njofton Policia.

Kryebashkiaku i zgjedhur i Himarës, Fredi Beleri, i cili është edhe kandidat për PE-në nga radhët e Demokracisë së Re të kryeministrit grek Kyriakos Mitsotakis ka dhënë një intervistë nga burgu i Fierit për emisionin “Live News” të gazetarit Nikos Evangeliatos të televizionit grek “MEGA”.

Fredi Beleri ka deklaruar se do të heqë dorë nga Himara, teksa ka treguar jetën në burg, duke thënë se zgjohet me imazhin e Shën Marisë që i ka dhuruar kryepeshkopi i Kishës Ortodokse, Anastas, dhe me një foto të familjes së tij.

I pyetur mbi përzgjedhjen e tij si një nga 42 kandidatët e listës së Demokracisë së Re për zgjedhjet europiane, Beleri fillimisht falënderoi kryeministrin grek Kyriakos Mitsotakis e më pas tha se duke u zgjedhur eurodeputet nuk do e braktisë minoritetin, por do të ngrejë zërin për ta në Parlamentin Europian. Beleri deklaron se është i vendosur të luftojë për pafajësinë e tij dhe për Himarën.

“Zgjohem në mëngjes dhe shoh para meje imazhin e Shën Marisë. Për tridhjetë vjet që jam marrë me politikë, doja t’u shërbeja të drejtave të grekëve të Vorio Epirit. Ne nuk kemi të drejta, jemi larg asaj që ne e quajmë shteti i së drejtës dhe unë do të luftoj për to në Parlamentin Europian.

Falenderoj kryeministrin grek që me këtë lëvizje për të marrë pjesë në zgjedhjet europiane më jep mundësinë të mbështes Himarën nga një këndvështrim tjetër. Nuk po heq dorë nga Himara. Kur të jem i dënuar nuk do të kem të drejta politike në Shqipëri dhe ky ishte qëllimi i parë.”

Beleri theksoi se dënimi i formës së prerë ia mohon të drejtën për të ushtruar të drejtat politike në Shqipëri. Ai po ashtu pohon se të paktën deri në fund të shtatorit do të dalë nga qelia.

“Nëse e shihni trukun në gjykata, ishte një rrugë njëkahëshe. Ata kanë shpikur një dëshmitar të cilin e kanë paguar. Ata kanë përdorur precedentë të rremë kriminalë. Gjyqtari që më gjykoi ka një dënim në Greqi dhe një ndalim hyrje për falsifikim. Gjithçka tregon se unë do të dënohem në Gjykatën e Apelit”, tha ai.

Pas intervistës me Belerin për emisionin grek është prononcuar edhe e bija e tij, Ermioni, e cila tha se babai i saj “po lufton për diçka që ia vlen”.

“Babai im e dinte se me çfarë po merrej pak a shumë. Ai ishte plotësisht i përgatitur për një gjë të tillë. Jo se e priste, por kur ndodhi nuk u çudit. Ai ishte kokëfortë, tha se do t’i shkonte deri në fund. Ai po lufton për diçka që ia vlen. Jam rritur në Himarë, është një vend që të gjithë e duam. Ka racizëm dhe diskriminim, ne mund të shkojmë në një dyqan dhe të kërkojmë ujë dhe ata të na pyesin ‘pse flet greqisht?’”, u shpreh e bija e Belerit.