Category: Lajme

Dashi

Një ditë e mirë kjo e premte për të lindurit e Dashit. Sot juve do të dini se si t’i shprehni ndjenjat partnerit/es. Ajo që juve duhet të kni parasysh është të mos i fshihni ndjenjat dhe mendimet. Beqarëve do i ndodhin gjëra të rëndësishme të cilat do i ndryshojnë jetën. Lajme të mria për financat. Ato do jenë të ekuilibruara.

Demi

Ju keni qenë disi të pasigurt. Fjala ëhstë kryesisht për marrëdhënien tuaj në çift. Por, kjo ditë do t’ju japë një sens të ri sigurie që do t’ju pëlqejë shumë. Beqarët duhet të bëjnë ende durim për të gjetur njeriun e duhur. Në planin financiar tregoni kujdes me shpenzimet.

Binjakët

Keni disa probleme sentimentale por energjia juaj sot është e mjaftueshme për t’u përballur me to. Përqendrohuni sa më shumë të mundeni. Beqarët do jenë joshës, por sërish nuk do mund të gjejnë personin që po kërkojnë. Me shpenzimet tregohuni sa më të matur, ose do keni pasoja.

Gaforrja

Një ditë e mirë kjo e sotmja. Një ngarkesë emocionale do të rezultojë diçka shumë e bukur, pasi do t’ju kthejë emocionet e vjetra që kishit kohë pa i përjetuar me njeriun e zemrës. Beqarët do kenë dashuri me shikim të parë atëherë kur se presin ndaj kini besim. Lajme të këqija për financat. Keni shumë probleme.

Luani

Sot do të ndiheni të pasigurt dhe disi çuditshëm. Një ndjesi e panjohur po ju drithëron pa e kuptuar. Mos u frikësoni. Në këto çaste po përjetoni diçka të re me partnerin/en që se kishit provuar më parë. Beqarët më në fund do realizojnë një takim mbresëlënës. Në planin gjërat duken mirë.

Virgjëresha

Sot të lundurit e kësah shenje do të kalojnë një ditë të mrekullueshme me partnerin/en. Ju pëlqen të buzëqeshni dhe t’i bëni të tjerët të ndihen mirë. Vazhdoni kështu. Beqarët do kenë takime dhe aventura kalimtare asgjë më shumë. Financat në vështirësi.

Peshorja

Progresi do të jetë iluzioni juaj sot për ju të dashuruarit. Mos u mërzisni! Thjesht qetësohuni dhe pranoni se disa gjëra nuk mund t’i kontrolloni. Beqarët nuk do jenë ende gati të ndryshojnë statusin e tyre. Buxheti do jetë i mirë.

Akrepi

këtë ditë do të ndjeheni mjaft energjik. Madje, niveli juaj i energjisë është më i lartë se zakonisht, ndaj shtyjeni veten të bëni gjëra që nuk kishit menduar kurrë se do ia dilnit. Beqarët ka gjasa që të gjejnë sot personin e duhur. Financat do mbrohen nga Dielli dhe nuk do keni vështirësi.

Shigjetari

Ju ndjeni se jeni zhytur në monotoni sa i takon jetës në çift. Ndaj, mendoni disa gjëra të reja me partneren. Çfarë prisni, eksploroni kufijtë tuaj. Beqarët më në fund do fillojnë një histori të bukur dashurie. Financat do jenë të mira.

Bricjapi

Një ditë mjaft e mirë kjo e premte. Jeta juaj në çift po shkon më së miri. Jeni të lumtur me gjithçka që ju rrethon dhe nuk ngurroni t’ua tregoni të tjerëve. Beqarët duhet t’i pranojnë ftesat sepse vetëm kështu mund të ndryshojnë statusin. Financat do mbeten të mira.

Ujori

Një çështje jo shumë e rëndësishme po ju ngatërron mendimet dhe ndjenjat lidhur me partnerin/en. Kjo është një situatë e përkohshme e cila do të kalojë sa hap e mbyll sytë. Beqarët do kenë një ditë mbushur me takime mbresëlënëse. Financat do jenë të mira.

Peshqit

Një ditë me mjaft zhvillime pozitive në jetën në çift. Argëtimi do të jetë në thelb të veprimeve gjatë kësaj dite me partneren/in. Ajo që këshillohet është që ju të tregoheni sa më pozitiv me veprimet tuaja. Për beqarët nuk parashikohen ndryshime. Sa i takon financave, duhet një menaxhim më i mirë për të kaluar problemet.

Vangjel Dule ka reaguar pas deklaratës së kryeministrit Edi Rama, i cili në Athinë tha se shteti grek i detyroi shqiptarët që të ndryshonin emrat për t’i pranuar në shkolla apo institucione.

Dule tha në një intervistë me gazetarin Çim Peka se, sipas tij, shqiptarët i ndryshuan emrat me dëshirë në Greqi duke u pagëzuar. Kjo sipas kreut të PBDNJ-së, u bë pasi në komunizëm shqiptarëve u ndalohej të kishin emra kristianë.

Pjesë nga deklarata e Dules:

E bën këtë takim si një demonstrim force, por edhe si një joshje. Askush nuk do të kishte skepticizmin më të vogël për një kryeministër që takon emigrantët. Por i gjithë ky takim ishte shumë larg. Zoti Rama ka shkuar disa herë në Greqi, hapja e ekspozitës, dreka me Miçotaqisin, a i shkoi ndër mend për emigrantët? Jo, kur kishte relata të mira me qeverinë greke jo nuk interesohej.

Ju kthye në një bumerang. Emigracioni në Greqi është i organizuar, i gjejmë në universitete, në partitë politike. Zoti Rama kur përmend ndryshimin e emrave, duhet të na thotë pse ka ndryshuar emrin e vet. Ka pasur ndryshme emrash përse? Pas vitit 19607 në Shqipëri kishte një listë emrash që mund të zgjidhnin, në këtë listë nuk kishte emra me konotacion fetar. Të gjithë këta emra që nuk kishin mundësinë të zgjidhnin, kur vajtën në Greqi u rikthyen përmes pagëzimit në emra kristianë.

Gazetarja Klodiana Lala thotë se kamerat e sigurisë kanë kapur momentin e vrasjes së oficerit të policisë në fshatin Baltës të Fierit.

Ajo tha se pamjet janë shumë të rënda, dhe në to dallohet autori, Azgan Mernica teksa qëllon pas koke policin 28-vjeçar Novruz Cenalia. Në emisionin “Open”, ajo tha se në pamje duket një tentativë e policit për të reaguar me armën e shërbimit, por ka qenë e pamundur pasi është qëlluar pas shpine.

Lala tha se video e publikuar ku dëgjohen familjarët teksa inkurajojnë autorin e krimit të rëndë, është trishtuese për Shqipërinë.

“Në ngjarjet filmike që unë kam parë, janë pamje shumë të rënda, e qëllon me pistoletë në kokë, teksa ishte kthyer me shpinë. Ai tenton të bëjë diçka me pistoletën e shërbimit por nuk arrin se e qëllon në kokë. Familjarë të cilët inkurajojnë një njeri i cili ka bërë një krim të rëndë. Po të shohësh ka një urrejtje ndaj forcave “Shqiponja”, duhet parë pse , çfarë ka ndaj tyre.

Mjafton të shikosh, jo për mua që merrem me kriminelë të kësaj natyre, mjafton të shikosh lëvizjet, mënyrën, faktin që familja e inkurajn atë, është trishtuese për këtë vend”, u shpreh gazetarja Lala.

Eduart Denaj thotë se nuk pendohet që vrau gruan e tij, ditën e sotme në Athinë, Greqi.

50-vjeçari nga Vlora qëlloi me thikë disa herë gruan e tij 40-vjeçare Enkelejda Denaj, duke e lënë të vdekur në mes të rrugës pranë një dyqani.

“E vrava dhe nuk pendohem”, ka deklaruar ai në polici. Ai ka thënë se gruaja “po i hante paratë” dhe ka pretenduar se ajo kishte lidhje me burra të tjerë përgjatë viteve.

“Nuk mund ta shihja të dashurin e saj duke bërë xhiro me makinë, kishte edhe foto në Facebook”, deklaroi ai.

Eduart Danaj ishte në gjendje të dehur kur u arrestua nga policia në një godinë të braktisur ku po fshihej. Aktualisht ai po mbahet në rajonin lokal të policisë dhe më pas do të dërgohet në drejtorin e policisë së Atikës.

Pas deklaratave të presidentes së re maqedonase e cila gjatë betimit vendit iu referua vetëm si Maqedoni, kryeministri Hristian Mickoski sfidon Greqinë, duke thënë se është e drejta kushtetuese e vendit të quhet si të dojë.

“Prisja që fqinji ynë jugor të na uronte. Përkundrazi, për fat të keq, na treguan krahët e tyre politikë. E drejta ime personale kushtetuese është të zgjedh si ta quaj vendin tim dhe kur të bëj deklarata dhe kur të flas me ju, gazetarët, si unë ashtu edhe unë presim që presidentja Silianovska të përdorë termat Maqedoni dhe maqedonas, si në këtë mënyrë, bazuar në interpretimin tonë të Marrëveshjes së Prespës, nuk ka shkelje të marrëveshjes dhe me këtë rast u bëj thirrje miqve tanë në Greqi të ndalojnë kërcënimet, pengesat, të mos kthehen më në të kaluarën, të shikojnë nga e ardhmja”.

Ndër të tjera Mickoski i bën thirrje Greqisë që të ndalojë sulmet ndaj vendit të tij dhe nëse ka ndonjë problem të shkojë në gjykatën e Hagës.

“Nëse ata mendojnë se ne e kemi shkelur Marrëveshjen e Prespës, le të shkojnë në Gjykatën Ndërkombëtare të Drejtësisë në Hagë. Ata mund të fillojnë një proces dhe aty do të shohim argumentet e njërës palë dhe tjetrës. Do të doja të shkoja atje”.

Çështja e emërtimit të Maqedonisë së veriut ka rikthyer krizën mes dy vendeve, që prej disa kohësh ishte tejkaluar. Ministri grek i punëve të jashtme ka thënë se një nga parakushtet për promovimin e procesit evropian është respektimi i Marrëveshjes së Prespës nga Maqedonia e Veriut.

Detaje të reja janë zbardhur nga ngjarja që tronditi Athinën ditën e sotme ku shqiptari Eduard Danaj u arrestua nga policia pasi vrau me thikë bashkëshorten e tij Enkelejda Danaj.

Eduart Danaj ishte në gjendje të dehur kur u arrestua nga policia dhe ende nuk është në gjendje të japë dëshmi para policisë.

Aktualisht po e mbajnë në rajonin lokal të policisë dhe më pas do të dërgohet në drejtorin e policisë së Atikës.

Lidhur me ekzaminimin e trupit të 40 vjeçares, u gjetën plagë në qafë, në duar.

Mësohet se shkak për ndarjen nga jeta janë bërë 3 apo 4 goditje vdekjeprurëse në gjoks dhe në bark.

Një ngjarje e pazakontë është regjistruar në Algjeri, ku një person i zhdukur 27 vite më parë është gjetur në bodrumin e shtëpisë së fqinjit, rreth 200 metra larg nga shtëpia e tij.

Omar Bin Omran nga Algjeria u zhduk 27 vjet më parë në vitin 1998 teksa ishte rrugës duke ikur në shkollë.

Fqinji i tij 61-vjeçar ndodhet tashmë në paraburgim pasi vëllai i tij e denoncoi në rrjetet sociale pas konfliktit që ata kishin për trashëgiminë e pronës.

Postimi alarmoi familjen e Omarit, dhe më pas policia bastisi shtëpinë duke kërkuar për djalin. Ai u gjet në një dhomë nën tokë.

Omari u mbajt në robëri nga fqinji i tij që jetonte i vetëm dhe punonte si nëpunës civil. Ai shihej shpesh duke blerë ushqime për dy persona, thanë disa dëshmitarë.

“Zyra e Prokurorit Publik mori një ankesë kundër një personi anonim që pretendonte se vëllai i ankuesit, Omar bin Omran, i cili është zhdukur për rreth 30 vjet, është në shtëpinë e një fqinji të tij, brenda një bodrumi”, tha një zyrtar i gjykatës.

Nuk është plotësisht e qartë pse Omar nuk bëri thirrje për ndihmë për gati 30 vjet.

Mediat algjeriane po raportojnë se Omar pretendoi se ai nuk ishte në gjendje të thërriste për ndihmë për shkak të një magjie që rrëmbyesi i tij i kishte bërë.

AN UNUSUAL STORY

Omar Bin Omran, an Algerian who vanished at 17 in 1997, was discovered alive in a neighbor's basement in May 2024 after 27 years of captivity.

The revelation came when her kidnapper's brother disclosed her location during a family argument.

Omar was held by a… pic.twitter.com/qFmCdU01pG

— Insider Corner (@insiderscorner) May 16, 2024

Nuk është hera e parë! Egla Ceno ka nxjerrë sërish zbuluar produksionin me një deklaratë të bërë së fundmi në shtëpinë e “Big Brother Vip”. Ajo në një bisedë me Julin komenton ngjarjen e rëndë të vetëflijimit në lumin Buna të nënës me tre fëmijët, rasti i Alma Arrazit që tronditi mbarë opinionin publik dhe u bë kryefjalë në media.

Ndonëse në rregulloren “e rreptë” të Vëllait të Madh, asnjë informacion nga jashtë nuk mund të bëhet me dije për banorët brenda, videoja më poshtë e Eglës tregon të kundërtën dhe vë totalisht në dyshim transparencën e produksionit. Banorët mesa duket janë informuar për rastin si gjithë qytetarët e tjerë.

Ngjarja e rëndë ka ndodhur më 2 maj. Alma Arazi dyshohet se u vetëvra duke u hedhur në lumin Buna, bashkë me 3 fëmijët e saj të mitur, 2 vajza dhe 1 djalë. I dyshuar kryesor për krimin e rëndë është bashkëshorti i Alma Arazit, Ergys Arazi, babai i tre fëmijëve. Ai akuzohet se ka ushtruar dhunë në familje, gjë që ka shtyrë 39-vjeçaren drejt aktit të vetëflijimit. Ndërkohë që sherri në familje kishte nisur prej kohësh, pasi Alma Arazi zbuloi tradhtinë e bashkëshortit.

Deri më tani, 31-vjeçari ka mohuar të gjitha akuzat duke u mbrojtur me pretendimin se e shoqja vuante nga probleme të shëndetit mendor. Familjarët pretendojnë se Arazi kishte një lidhje tjetër jashtëmartesore, detaj që është marrë si pistë hetimi nga autoritetet.

SHIKO VIDEON KËTU

https://streamable.com/e/czelrf?quality=highest

Italia veriore është pushtuar nga moti i keq ditët e fundit, me reshje të dendura shiu dhe përmbytje.

Mediat në Itali raportojnë se një persona ka humbur jetën në Verona si pasojë e motit të keq. Ekipet zjarrfikëse gjetën sot trupin e pajetë të një personi gjinia mashkullore nga Verona e përmbytur, sipas mediave lokale.

Autoritetet në Itali bëjnë me dije se moti ekstrem me stuhi dhe reshje të dendura pritet të shkaktojë dëme serioze në rajonin Friuli Venezia Giulia pranë kufirit me Slloveninë.

Ndërsa në të njëjtën kohë, në shumë zona të rajonit të Venetos është ndërprerë furnizimi me ujë dhe energji elektrike, ku Mbrojtja Civile mbetet në gatishmëri të lartë.

Policia greke ka vënë në pranga 50-vjeçarin shqiptar Eduart Danaj, pak orë pasi vrau me thikë gruan e tij 40-vjeçare Enkelejda Danaj.

Mediat greke raportojnë detaje shokuese nga krimi i rëndë, që ndodhi pas një sherri që çifti nga Vlora kishte patur pak para ngjarjes së rëndë.

50-vjeçari e qëlloi dhe ia la thikën të ngulur në pjesën e barkut gruas së tij.

Eduart Danaj

Sakaq, mediat greke kanë publikuar një video nga kamerat e sigurisë ku ata dëgjohen teksa debatojnë me njëri-tjetrin.

Enkelejda Danaj dëgjohet teksa i thërret disa herë “largohu” dhe “ik”, ndërsa ai i përgjgjet duke i thënë “do të të vras”.

Trupi i 40-vjeçares u gjet në kryqëzimin e rrugëve Parnithos dhe Aristotelous. Ajo është pikasur rreth orës 06:00 nga një banor i zonës dhe ka njoftuar policinë.

Vendi i krimit