Category: Lajme

Shkëndije Halili, punonjësja e Pastrimit dhe Gjelbërimit në bashkinë Delvinë, humbi jetën sot në ditën Ndërkombëtare të Gruas.

58-vjeçarja sapo kishte nisur punën në orën 5 të mëngjesit kur një 30-vjeçar e përplasi me makinë.

Kolegët e 58-vjeçares me lot në sy i shprehin ngushëllime familjes, dhe thonë se një pjesë e zemrës së tyre u ka ikur sot.

Shumë e dhimbshme është por nuk di se çfarë të them aq më tepër që ndodhi në një ditë si kjo. Asaj i takonte që të dilte të festonte si të gjitha nënat e tjera shqiptare. Fati donte kështu. Nuk kam fjalë ishte një grua e mrekullueshme një shoqe e mirë, një grua punëtore e kishim krah në punë. Një gjymtyre e jona është shkëputur nga ne. Nga gjithë kolektivi jonë. Nuk kam fjalë.

Ishte e papritur për ne. Secili punonte në sektorin e tij në mëngjes në orën 4 e 30 ka dalë nga shtëpia, na vjen lajmi në orën 6 që e ka përplasur makina. Na dhembte sa nuk ka më na ka ikur një pjesë e zemrës. Vajti 1 vit me ne që po punonte. Qe shumë vajzë e mirë e dashur me të gjitha.

Një aksident i rëndë ka ndodhur në lagjen Vezirkopru të provincës Samsun Turqi, ku një autobus me studentë, është përmbysur.

Nga aksidenti kanë mbetur të plagosur drejtuesi i mjetit dhe 27 të tjerë kryesisht studentë, të cilët janë dërguar në spital.

Në vendngjarje ka mbërritur policia dhe ekipi i urgjencës mjekësore.

“As nuk e pashë fare, as kush ishte djali, pashë një gocë, çfarë ke që qan, është çarë ky djali me thikë, u çorientuam, kur pashë djalin që doli gjaku, ku je i thashë, nga Tepelena jam tha,

mbante barkun me dorë, gjaku vu, i dhamë ndidhmën e parë, lajmëruam policinë, e mori ambulanca, këto gjëra nuk duhet të ndodhin më, ata janë fëmijë, por prindi duhet të ketë kujdes”, tha gruaja.

Një dokumentar i ri ka zbuluar zërin e marrë nga përpjekjet e kërkim-shpëtimit, i cili dha shpresë se ata që ndodheshin në zhytësin Titan mund të ishin gjallë. Vitin e kaluar, pesë persona vdiqën në bordin e një zhytëse në pronësi të kompanisë OceanGate, teksa ajo u zhyt në rrënojat e Titanikut.

Hamish Harding, Paul-Henri Nargeolet, Shahzada Dawood, Suleman Dawood dhe CEO i OceanGate Stockton Rush ishin në bord. Kontakti me anijen u humb më 18 qershor, duke nxitur një përpjekje të gjerë kërkimi.

Gjatë përpjekjeve për të gjetur nëndetësen Titan dhe për të rivendosur kontaktin, u dëgjua një zhurmë ritmike goditjeje, e cila dha njëfarë shprese se ata që ishin në bord mund të ishin ende gjallë.

Këto zhurma përplasjesh u kapën nga Forcat Ajrore Kanadeze dhe dukej se vinin çdo 30 minuta, duke i shtyrë disa të pyesin nëse pasagjerët e nëndetëses ishin ende brenda dhe po përpiqeshin të sinjalizonin për ndihmë.

Megjithatë, ekspertët theksuan se nuk e dinin se cilat ishin zhurmat e goditjeve dhe me kalimin e kohës u arrit përfundimi se nëndetësja kishte shpërthyer ditën që ishte zhdukur.

Sipas Wall Street Journal, marina e SHBA-së mori një zhurmë që mendonte se ishte shpërthimi i nëndetëses Titan menjëherë pasi kontakti u humb, që do të thotë se përpjekjet e kërkim-shpëtimit që kapnin zhurmat e goditjeve nuk po zbulonin shenja jete.

Audioja e asaj zhurme është dëgjuar në dokumentarin e ri The Titan Sub Disaster. Dokumentari, i cili do të transmetohet më 6 dhe 7 mars në Channel 5 në orën 21:00, synon të ndjekë detajet e zhytjes së Titanit deri në rrënojat e Titanikut dhe çfarë mësimesh janë nxjerrë nga humbja tragjike e pesë jetëve.

Që nga fatkeqësia, faqja e internetit e OceanGate ka thënë se ata “kanë pezulluar të gjitha operacionet e kërkimit dhe komercial”.

Është 7 Marsi, Dita e Mësuesit. Në këtë ditë të veçantë, e tillë ishte surpriza që ministri i Brendshëm, Taulant Balla pati për mësuesen e tij të matematikës, Veronika Cfarku, cila ishte e ftuar mëngjesin e kësaj të enjteje në studion e Klan News.

“Zyshë Veronika mirëmëngjes. Të uroj nga zemra gëzuar 7 Marsin, paç jetën e gjatë dhe shumë faleminderit dhe shumë mirënjohje për gjithë mundin tënd, për të na dhënë dije dhe për të na përgatitur të fortë, edhe në jetën tonë të përditshme. Sepse ti për ne nuk ke qenë vetëm mësuesja e Matematikës, dhe ne të dy kemi qenë shumë të lidhur me njëri-tjetrin për shkak se dhe mua më pëlqente shumë lënda jote.

Por na ke mësuar që të ecim të fortë edhe në karrierën tonë, në profesionin tonë, kështu që jo vetëm në emrin tim, por në emrin e të gjithë shokëve dhe shoqeve të klasës sonë dua të të uroj sot, Gëzuar 7 Marsin dhe shumë faleminderit dhe shumë mirënjohje”, u shpreh Balla në mesazhin e tij.

“Shumë-shumë-shumë faleminderit, tepër e emocionuar, kjo është dhurata më e bukur që më bëhet në jetë. Nuk e prisja sepse kam kohë që nuk kam komunikuar me Taulantin edhe pse e ruaj atë foto të kohës së gjimnazit. Ishte nxënës i shkëlqyer”, u shpreh mësuesja tashmë në pension, dukshëm e emocionuar.

Por a e kishte spikatur mësuese Cfarku që nxënësi i saj do të kishte një karrierë të suksesshme në jetë?

“Jo e politikës, pak nuhatje sepse ishte i ri, ishe aktiv, por ishte aktiv në shumë talente jashtë mësimit. E aktivizoja në olimpiadat e Matematikës, i bëja mësime të veçanta në atë kohë, doja që ai të shkëlqente, të zgjidhte shkencat kompjuterike, besoja që do bëhej një shkencëtar shumë i mirë në atë fushë. Dhe nuk më erdhi mirë që e ndërroi. Filloi vitin e parë te Shkencat e Natyrës, Informatikë dhe pastaj ndodhi zgjedhja e tij. Ai shkëlqente në të gjitha lëndët, por Matematikën e ka pasur dhe në 8 vjeçare ka qenë fitues i olimpiadës”, shprehet Cfarku për gazetaren Iva Kalemi, në Klan News.

Ajo po ashtu ndau edhe këtë fotografi të rrallë me ministrin Balla.

Një ngjarje e rëndë ka ndodhur mëngjesin e sotëm në Athinë në zonën e Shën Panteleimonit, ku një shqiptar që transportonte drogë ka tentuar t’i ikë policisë duke kryer manovra të rrezikshme me makinë e duke përplasur një motor të tyre.

Fillimisht efektivë të skuadrës “DIAS” i kanë bërë shenjë automjetit të ndalonte por drejtuesi ka shtuar shpejtësinë dhe është larguar. Gjatë kësaj tentative, automjeti ka përplasur motorrin e skuadrës “DIAS”.

Efektivët kanë ndjekur makinën dhe kanë shtënë me armë në drejtim të gomave të mjetit. Pas kësaj kanë arritur ta ndalin atë në rrugën “Nirvana” dhe kanë arrestuar autorin.

Pas kontrollit në automjetin e tij iu gjetën rreth 16 kilogramë hashash. 26 vjecari shqiptar është shoqëruar menjëherë drejt komisariatit të Agio Pantaleimona.

Burra si ky i duhen kombit! Shqiptari që ka restorant në Gjermani s’ua merr asnjë cent klientëve shqiptarë

https://facebook.com/ATVKS?ref=embed_video

Me daljen në pah të skandaleve të mashtrimeve ekonomike që Greqia ka bërë gjatë viteve filluan edhe problemet e dyshimeve të vetë grekëve në lidhje me identitetin e tyre nëse janë trashëgimtarët e grekëve të lashtë të cilët krenohen me shekuj. Në të vërtetë populli grek kur u shpall pavarësia e Greqisë nuk parapëlqente të quheshin elenas, grek, por romaikos.

Ndërsa lënda e historisë, gjuhës, fjalorët quheshin historia Greqisë së Re, fjalor i gjuhës së greqishtes së re etj. Nuk bëhej fjalë fare për grekët e lashtë. Për qytetarët e Greqisë së Re, ata ishin të huaj sepse Greqia e shekullit 19, përbëhej nga popullsi që i përkisnin kombeve të ndryshëm si shqiptar(arvanitasit), sllavë, bullgarë, turq, arab, hebrej etj. Por poetët e huaj të frymëzuar nga kryengritësit e revolucionit të 1821 i thurën vargje kësaj kryengritje duke i përmbledhur të gjithë popujt në emrin e përbashkët Grek.

Pra, pasi u themelua shteti grek u krijua kombi dhe është vërtetuar që është shteti ai që bën kombin dhe jo kombi bënë shtetin. (Kjo vërehet qartë edhe tek Republika e Maqedonisë së sotme. Politikanët, pushtetarët dhe akademikët sllavë të cilët pasi zyrtarizuan shtetin po krijojnë kombin maqedonas duke asimiluar shqiptarët, serbët, bullgarët, romët, turqit, boshnjakët, goranët. Ndërsa shqiptarët që kishin ruajtur kombin e tyre të pastër ndër shekujt pavarësuar një shtet shqiptar të vogël, të dobët politikisht dhe ekonomikisht. Kërkesë kjo për brishtësinë e shtetit shqiptar kur u pavarësua nga serbët, grekët dhe rusët.

Rigas Fereos (1757-1798), në poemën e tij “Këngë Kushtrimi” në një rresht të saj shkruan në gjuhën greke: “Βyλγαροι, κι Αρβανιτις, Αρμενος, κι Ρομιο, Αραπιδες”,(bullgarë, shqiptarë, armenë, grekë, arabë). Pra, në poemën e Rigas Fereos, grekët e sotëm, njiheshin romei, kurse shqiptarët me emrin arvanitis.

Shkrimtari dhe poeti i njohur grek i ditëve tona Nikos Dhimu në një intervistë që ka dhënë më 23 qershor 2009 gazetës së madhe NY TIMES u shpreh: ”Ne flisnim shqip dhe vetquheshim romaikos, por pastaj na tha: “Gëte, Viktor Hugo, Delacroix: “Jo, ju jeni grekë, pasardhës të drejtpërdrejtë të Platonit e Sokratit…”. Në qoftë se një vend i vogël, një komb i varfër ka një barrë të tillë mbi supet e tija, ai kurrë nuk do të shërohet…”

1897, gazeta San Francisco apo “San Francisco newspaper” shkruan: “Janina, The Capital of ALBANIA” apo “Janina, kryeqyteti i Shqipërisë”

Se Kosova është “fole” e shumë artistëve të talentuar po dëshmohet çdo ditë e më shumë.

I fundit që po bën krenarë shqiptarët është këngëtari nga Kosova, Freskim Rama me emrin artistik “Kim”, i cili ngjiti audicionet e American Idol, spektakli më i ndjekur në SHBA për zbulimin e talenteve të reja.

Djaloshi nga Kosova, 25-vjeçar, nisi audicionin me këngën “Heal” të Tom Odell”, por e përfundoi me këngën e njohur shqiptare “Oj Kosovë, oj nëna ime”.

“Kim” ishte zhvendosur gjashtë vjet më parë në Amerikë për të ndjekur ëndrrën e tij në American Idol, dhe në klipin prezantues nuk e la pa përmendur edhe Kosovën, si dhe periudhën e 99-tës kur edhe ishte lindur.

Ai mahniti jurinë prej tre anëtarësh të artistëve të njohur ndërkombëtarë si Katy Perry, Luke Bryan dhe Lionel Richie.

Zëri i tij melodik dhe stili i tij i të kënduarit bëri që të merrte dritën jeshile nga tre anëtarët e juristë së American Idol për të vazhduar në fazën tutje të spektaklit.

Madje, njëri prej momenteve që po ashtu duhet të veçohet në këtë audicion ishte edhe kur këngëtarja e njohur amerikane, Katy Perry përmendi Kosovën dhe Shqipërinë.

Rrugëtimi artistik në Amerikë për djaloshin 25-vjeçar nga Kosova sapo ka filluar.

Kujtojmë, se skenën e këtij spekakti të talenteve të reja e kanë ngjitur edhe Linda Halimi sikurse Melinda Ademi, duke shënuar një sukses të ri të artistëve shqiptarë në skenën ndërkombëtare të muzikës. /Telegrafi/