Category: Lajme

Zëvendëssekretarja e Përgjithshme e NATO-s, Radmilla Shekerinska, tha se Shqipëria dhe Kroacia kontribuojnë në stabilitetin rajonal, kur u pyet për bashkëpunimin në fushën e mbrojtjes të dy shteteve të aleancës me Kosovën.

“Shqipëria dhe Kroacia nuk janë vetëm aleate të besueshme dhe të çmuara brenda aleancës. Ato janë edhe kontribuuese për paqen dhe stabilitetin rajonal. Ato kanë prani në KFOR, por në përgjithësi janë të përqendruara në mbështetjen e kësaj agjende në rajon”, tha Shekerinska për agjencinë serbe të lajmeve, Beta.

Kosova, Shqipëria dhe Kroacia marsin e vitit të kaluar nënshkruan një deklaratë për bashkëpunim në fushën e sigurisë dhe mbrojtjes. Zyrtarët e mbrojtjes të këtyre tri shteteve janë takuar dy herë gjatë këtij muaji për zbatimin e kësaj deklarate dhe kanë paralajmëruar se gjatë këtij viti do të zhvillojnë një stërvitje të përbashkët.

Ky bashkëpunim ka zemëruar Serbinë, presidentit i të cilës, Aleksandar Vuçiq, e ka parë si “aleancë sulmuese” kundër “serbëve dhe Serbisë”.

Shekerinska shtoi se NATO-ja nuk merr pjesë në diskutime apo konsultime për deklaratën e në shkruar nga Prishtina, Tirana dhe Zagrebi, por anëtarësimi në aleancë nuk i parandalon shtetet që të kenë marrëveshje shtesë të mbrojtjes me palë të treta.

“Çfarë shohim në përgjithësi është, sigurisht, situata gjeopolitike globale po ashtu ka ndikuar në rajon. Ju shihni më shumë stërvitje, më shumë investime në mbrojtje dhe siguri, por ne po ashtu u bëjmë thirrje aleatëve dhe partnerëve të angazhohen në dialog politik për të zgjidhur çështjet e hapura në rajon. Prania jonë në Ballkanin Perëndimor synon mbështetjen e këtij lloji të dialogut politik”, tha Shekerinska.

Ajo përsëriti po ashtu qëndrimin se NATO mbështet dialogun mes Kosovës dhe Serbisë për normalizim të raporteve, që ndërmjetësohet nga Bashkimi Evropian.

Një ditë më parë, Vuçiq tha se është i shqetësuar për bashkëpunimin mes Kosovës, Shqipërisë dhe Kroacisë, duke shtuar se për këtë shkak Serbia do të rrisë investimet në fushën e mbrojtjes.

Pas këtyre deklaratave, ministri i Mbrojtjes i Kroacisë, Ivan Anusheviq, tha se bashkëpunimi me Kosovën dhe Shqipërinë nuk përbën kërcënim për askënd.

“Në këtë deklaratë absolutisht nuk ka asgjë të diskutueshme dhe, natyrisht, nuk i rrezikojmë askënd me të. Bashkëpunimi ynë është qartësisht i orientuar drejt forcimit të stabilitetit dhe sigurisë në Evropën Juglindore, si dhe për thellimin e partneritetit dhe aleancës mes tre shteteve mike”, shkroi ai në X.

Edhe më herët, nënshkruesit e deklaratës kanë deklaruar se ajo nuk është kundër askujt, as ndaj Serbisë, teksa ministri i Mbrojtjes i Shqipërisë, Pirro Vengu, deklaroi në fund të janarit të këtij viti se e ka ftuar Serbinë që të bëhet pjesë e këtij pakti, por Beogradi nuk i është përgjigjur kësaj ftese.

Kroacia dhe Shqipëria janë pjesë e aleancës ushtarake perëndimore të NATO-s, aty ku Kosova shpreson të anëtarësohet.

Sipas deklaratës, janë katër fusha kryesore të bashkëpunimit, që përfshijnë promovimin e bashkëpunimit në fushën e aftësive mbrojtëse dhe industrisë mbrojtëse, rritjen e ndërveprueshmërisë përmes arsimit, trajnimit dhe ushtrimeve të përbashkëta, adresimin e kërcënimeve hibride dhe forcimin e qëndrueshmërisë, si dhe ofrimin e mbështetjes së vazhdueshme dhe të plotë për integrimin euroatlantik.

Në bazë të kësaj deklarate, veç tjerash, Prishtina, Tirana dhe Zagrebi parashohin të bëjnë blerje të përbashkëta të armatimit nga Shtetet e Bashkuara.

Numri dy në NATO, Radmilla Shekerinska, foli edhe për sulmin në Banjskë të Zveçanit dhe tha se aleanca ka pranuar garanci nga autoritetet në Beograd se do të përcaktohet përgjegjësia.

“Kemi pranuar garanci apo një zotim të qartë nga autoritetet në Beorad se përgjegjësia do të përcaktohet”, tha ajo.

Shefi i NATO-s, Mark Rutte, tha më herët gjatë javës se ende po pret “për përgjegjësi” për ngjarjet e shtatorit të vitit 2023 në Kosovë, duke shtuar se Vuçiq i ka premtuar se do të përmbushë këtë premtim sa më shpejt.

“Është një thirrje që do ta përsërisim vazhdimisht se presim nga autoritetet në Beograd të dalin me rezultate”, tha Shekerinska.

E pyetur se nëse kjo do të thotë se nuk ka pasur rezultate deri më tani, ajo u përgjigj se Rutte “prandaj bëri thirrje sërish për përgjegjësi”.

Në shtator të vitit 2023, një grup i serbëve të armatosur sulmuan Policinë e Kosovës në Banjskë të Zveçanit duke vrarë një polic. Gjatë këmbimit të zjarrit u vranë edhe tre sulmues serb.

Politikani nga Kosova dhe biznesmeni Millan Radoiçiq e mori përgjegjësinë për sulmin, dhe prej atëherë ai ndodhet në Serbi, ku nuk është ndjekur penalisht deri më sot.

Kosova kërkon ekstradimin e tij, pasi Prokuroria Speciale veçse ka ngritur një aktakuzë për këtë rast dhe Radoiçiq është pjesë e aktakuzës./REL-Top Channel

Ngjarjet e fundit në shtëpinë e Big Brother VIP Albania 5 kanë marrë një kthesë dramatike, teksa pas përplasjes me Mirin dhe tensioneve të akumuluara nga dinamika e lojës, Kristi ka marrë një vendim të papritur që ka tronditur banorët dhe publikun.

I zhgënjyer nga rrjedha e lojës dhe mënyra si po zhvilloheshin nominimet, ai i është hapur Selinës në një bisedë të sinqertë dhe të ngarkuar emocionalisht. Sipas tij, e vetmja gjë që kishte kërkuar ishte një përballje e drejtpërdrejtë “kokë më kokë” në nominim me Mirin — një sfidë e pastër mes tyre, pa ndërhyrje apo ndikim nga banorë të tjerë. Por, sipas Kristit, kjo ishte bërë e pamundur për shkak të përfshirjes së vazhdueshme të palëve të treta, veçanërisht të Rogertit.

“Mund të qëndroj dhe të mbaj këtë version… po prapë do jetë dhe ai tjetri, i treti, Rogerti. Kurrë nuk kemi për të qenë kokë më kokë të dy,” është shprehur ai me tone revolte, duke lënë të kuptohet se ndjehej i penguar dhe i padrejtësuar nga mënyra si po zhvillohej loja. Për Kristin, duket se gara kishte humbur thelbin e saj dhe përballja direkte që ai kërkonte nuk po i jepej.

Kjo deklaratë pasqyron një lodhje emocionale dhe një ndjesi frustrimi që kishte kohë që po ndërtohej brenda tij. Konflikti i mëhershëm me Mirin, i cili përfshiu edhe përplasje fizike me shishe uji dhe shkëmbime të ashpra fjalësh, duket se ishte vetëm maja e ajsbergut. Në thelb, pakënaqësia e tij lidhej me mënyrën si po luhej loja dhe me strategjitë që, sipas tij, po shmangnin një duel të drejtë.

Biseda me Selinën u mbyll me një deklaratë të prerë dhe vendimtare: “Unë e kam marrë vendimin tim… Kam për të takuar Onon dhe do flas me të.”

Menjëherë pas kësaj deklarate, ai e puthi Selinën në ballë, një gjest që u perceptua si përshëndetje dhe ndarje emocionale. Pa humbur kohë, Kristi u drejtua me vrap drejt murit rrethues të shtëpisë dhe realizoi daljen e tij të papritur, duke kapërcyer perimetrin dhe duke lënë pas një shtëpi të tronditur.

Ky veprim përbën një nga momentet më të forta të këtij sezoni. Largimi i tij nuk ishte thjesht një reagim impulsiv ndaj një debati, por kulmimi i një pakënaqësie më të thellë ndaj dinamikave të lojës. Banorët mbetën të habitur, ndërsa publiku tashmë pret me interes vendimin që do të merret ndaj tij.

Arratisja e Kristit ngre pikëpyetje të mëdha mbi vazhdimësinë e tij në garë dhe mbi mënyrën si produksioni do ta trajtojë këtë situatë. A do të konsiderohet ky një largim përfundimtar, apo do të ketë një mundësi rikthimi? Një gjë është e sigurt: ky episod ka ndryshuar rrjedhën e lojës dhe ka shtuar një kapitull dramatik në historinë e këtij edicioni të “Big Brother VIP Albania 5”.

Forma e shkëlqyer e Rei Manaj në futbollin turk po vazhdon të tërheqë vëmendjen, teksa sulmuesi kuqezi po konfirmon rolin e tij si lider ofensiv te Sivasspor. Edhe në sfidën e radhës në kampionat, ai ishte protagonist absolut, duke realizuar një dopietë brenda pjesës së parë përballë Vanspor.

Sulmuesi shqiptar e nisi spektaklin personal në minutën e 28-të, kur arriti të tundë rrjetën me një finalizim të saktë, duke i dhënë avantazhin skuadrës së tij. Vetëm katër minuta më vonë, në minutën e 31-të, Manaj goditi sërish, duke realizuar golin e dytë personal dhe duke konfirmuar instinktin e tij të mprehtë para portës. Dy gola brenda katër minutash tregojnë jo vetëm formën e tij fizike, por edhe përqendrimin dhe nuhatjen për pozicionim në zonë.

Ndeshja, e vlefshme për Ligën e Parë turke, ishte e luftuar dhe plot emocione. Pavarësisht epërsisë dhe paraqitjes së fortë të sulmuesit shqiptar, takimi përfundoi me rezultatin 3-3, pasi miqtë arritën të rikuperonin disavantazhin. Megjithatë, pavarësisht barazimit, performanca e Manajt mbeti pika më e ndritur e sfidës.

Rei Manaj ka treguar vazhdimësi në këtë sezon, duke u shndërruar në një nga lojtarët më të rëndësishëm të skuadrës së tij. Ai jo vetëm që po kontribuon me gola, por po merr përsipër përgjegjësi në momente kyçe të ndeshjeve. Ritmi i tij, lëvizjet pa top dhe aftësia për të finalizuar me të dyja këmbët e bëjnë një kërcënim konstant për mbrojtjet kundërshtare.

Për futbollin shqiptar, forma e tij është një lajm shumë pozitiv. Një sulmues në formë të tillë është aset i çmuar edhe për Kombëtaren, sidomos në prag të angazhimeve të rëndësishme ndërkombëtare. Paraqitje si kjo ndaj Vanspor tregojnë se Manaj po kalon një moment të artë në karrierë dhe se është gati të marrë rolin e protagonistit kudo që luan.

Edhe pse rezultati final nuk ishte ai që pritej për Sivasspor, dopieta e Manajt mbetet një tjetër dëshmi e rritjes së tij si lojtar dhe e impaktit që po ka në kampionatin turk. Nëse vazhdon me këtë ritëm, ai pritet të jetë një nga emrat më të përfolur të sezonit në Ligën e Parë turke.

Goli i parë i Rei Manajt: (VIDEO)

Goli i dytë i Rei Manajt: (VIDEO)

Një aksident tragjik ka tronditur komunitetin shqiptar në Greqi, pas ngjarjes së rëndë që ndodhi mbrëmjen e djeshme në periferi të Athens. Viktimë e përplasjes ka mbetur 16-vjeçari shqiptar, Eljon Metaj, ndërsa dy shokët e tij që udhëtonin në të njëjtin automjet kanë mbetur të plagosur, por fatmirësisht ndodhen jashtë rrezikut për jetën.

Aksidenti ka ndodhur në rrugën “Dhimokratias”, në zonën Luca, në periferi të kryeqytetit grek. Sipas informacioneve paraprake, automjeti me të cilin po udhëtonin tre adoleshentët ka dalë nga rruga dhe është përplasur me një pemë anësore. Përplasja ka qenë shumë e fortë, duke rezultuar fatale për 16-vjeçarin, i cili ka ndërruar jetë në vendngjarje si pasojë e plagëve të marra.

Dy të miturit e tjerë janë transportuar me urgjencë në spital, ku po marrin ndihmën mjekësore të nevojshme. Burime bëjnë me dije se ata janë jashtë rrezikut për jetën, megjithatë ndodhen ende nën kujdesin e mjekëve për shkak të dëmtimeve të pësuara nga përplasja.

Nga të dhënat paraprake rezulton se njëri prej adoleshentëve dyshohet të ketë marrë çelësat e automjetit të nënës së tij pa dijeninë e saj dhe më pas ka dalë për xhiro së bashku me dy shokët. Hetimet paraprake sugjerojnë se mjeti mund të ketë qenë duke lëvizur me shpejtësi mbi normat e lejuara, çka ka çuar në humbjen e kontrollit dhe daljen nga rruga.

Autoritetet greke po vijojnë hetimet për të sqaruar plotësisht rrethanat e aksidentit, përfshirë shpejtësinë me të cilën po lëvizte automjeti dhe faktorë të tjerë që mund të kenë ndikuar në ngjarje. Ekspertiza teknike e mjetit dhe dëshmitë e të plagosurve pritet të hedhin më shumë dritë mbi atë që ndodhi në momentet para përplasjes fatale.

Ngjarja ka shkaktuar dhimbje të madhe te familjarët dhe te komuniteti shqiptar në Athinë, ndërsa humbja e një jete kaq të re ka rikthyer në vëmendje rrezikun e drejtimit të automjetit nga të mitur dhe pasojat tragjike që mund të sjellë shpejtësia e lartë.

Një tjetër paraqitje mbresëlënëse për Ernest Muçi në futbollin turk. Sulmuesi shqiptar ishte protagonist në derbin mes Trabzonspor dhe Fenerbahçe, duke ndezur sfidën që në minutat e para.

Vetëm në minutën e 6-të, Muçi shfrytëzoi në maksimum një top të gjatë të ardhur në zonë. Me qetësi dhe klas të pastër, ai realizoi një parabolë elegante mbi portierin kundërshtar, duke e dërguar topin në rrjetë dhe duke kaluar Trabzonsporin në avantazh. Goli i tij heshti për pak çaste tifozët vendas dhe i dha vrull skuadrës së tij në një ndeshje me ritëm të lartë.

Aksioni tregoi instinktin dhe teknikën e sulmuesit shqiptar: kontroll i mirë i topit, vendimmarrje e shpejtë dhe ekzekutim i saktë. Në një derbi me presion të madh dhe intensitet maksimal, një realizim i tillë në minutat e para ka peshë të dyfishtë, si në aspektin psikologjik ashtu edhe në atë taktik.

Megjithatë, reagimi i skuadrës nga Stambolli ishte i menjëhershëm. Anderson Talisca riktheu baraspeshën në rezultat, duke shënuar për Fenerbahçen dhe duke vendosur shifrat në 1-1. Goli i brazilianit rihapi plotësisht sfidën, duke e kthyer derbin në një betejë të hapur për tri pikët.

Pavarësisht barazimit, goli i Muçit konfirmon formën e tij të mirë dhe rritjen e vazhdueshme në kampionatin turk. Në ndeshje të tilla të mëdha, performanca individuale shpesh bën diferencën dhe sulmuesi shqiptar po tregon se është gati të marrë përgjegjësi në momente kyçe.

Rezultati aktual është 1-1, ndërsa sfida mbetet e hapur dhe me intensitet të lartë, tipik për një derbi të futbollit turk.

Beşiktaşın bonservisli futbolcusu, Ernest Mucinin fenerbahçeli oyuncuları kucağa alıp attığı gol #TSvFB

pic.twitter.com/yEz2E3qhqB

— emre jk (@quaemre) February 14, 2026

Pas eliminimit mbrëmjen e së premtes nga ”Big Brother Kosova Vip 4”, këngëtari Labinot Rexha ka reaguar publikisht përmes një deklarate të fortë, duke ngritur dyshime mbi mënyrën e eliminimit të tij dhe duke pretenduar se produksioni kishte qëllim ta largonte para finales.

Përmes postimeve, ai ka ndarë mendimet e tij mbi televotimin, përkrahjen e publikut dhe informacione që thotë se i ka mësuar pas daljes nga shtëpia.

“E sollët zarfin e zi për Labin që ta stoponi popullin, mos me çu vota kinse do e heqim. U pa nga televotimi dëshira e madhe e produksionit për ta nxjerrë, pasi ishte hera e parë në histori që u bënë vetëm 5 vota nga një telefon dhe televotimi ishte Labi kokë më kokë me gjithë fansat e banorëve mrena dhe nuk mjaftoi kjo, edhe thirrja e opinionistëve që ta votojnë me dalë. Dhe prapë 48% me 52%. Gjysma e popullit është me të vërtetën edhe pse i kishim kundër të gjithëve”.

Ai theksoi se diferenca në televotim ishte shumë e ngushtë dhe se përkrahja e publikut për të ishte e madhe, pavarësisht rrethanave që, sipas tij, ishin kundër tij.

Në një deklaratë tjetër, Rexha pretendon se pas daljes nga shtëpia ka mësuar informacione të reja që, sipas tij, konfirmojnë dyshimet për eliminimin e tij të planifikuar: “Pas daljes nga shtëpia mora vesh shumë gjëra të ndryshme dhe fjalë të cilat po tregojnë të vërtetën.

Dolen fjalët e Limit që i tha Olsa: duhet me nxjerr Labi me zarf të zi para finales sepse na e merr fitoren se ka vota. Limi, para se të futet në Big, e ka takuar Olsen dhe pas takimit na ka njoftuar me telefon atë ditë që mos u lodhni kot, se Olsa ka me nxjerr me zarf të zi para finales”.

Një ngjarje e rëndë është regjistruar në Itali, ku një tentativë vjedhjeje në një vilë private ka përfunduar tragjikisht me humbjen e jetës së një 46-vjeçari shqiptar. Sipas mediave vendase, ngjarja ka ndodhur gjatë orëve të natës, kur tre persona dyshohet se kanë hyrë në një pronë private me qëllim grabitjeje.

Sipas informacioneve paraprake, shqiptari kishte hyrë në banesë së bashku me dy bashkëpunëtorë të tjerë. Pronarët e vilës kanë konstatuar praninë e tyre dhe, në përpjekje për t’i larguar, kanë qëlluar në ajër me armë zjarri. Të shtënat kanë shkaktuar panik te autorët e dyshuar, të cilët janë larguar me shpejtësi nga vendi i ngjarjes.

Gjatë arratisjes, 46-vjeçari është rrëzuar nga një lartësi rreth dy metra, dyshohet nga një ballkon apo pjesë e ngritur e oborrit. Sipas burimeve hetimore, ai ka pësuar një çarje të thellë në këmbë, e cila ka shkaktuar hemorragji të rëndë. Edhe pse ka arritur të largohet rreth 20 metra nga vendi i rrëzimit, ai është shembur në tokë dhe ka ndërruar jetë si pasojë e humbjes së madhe të gjakut.

Shërbimet e emergjencës janë njoftuar menjëherë, por për 46-vjeçarin nuk ka pasur mundësi shpëtimi. Autoritetet italiane kanë nisur hetime të plota për të sqaruar rrethanat e ngjarjes, përfshirë përdorimin e armës së zjarrit nga pronarët e shtëpisë dhe dinamikën e saktë të arratisjes.

Në vendngjarje kanë mbërritur forcat eCarabinieri, të cilët kanë kryer këqyrjen e zonës dhe kanë mbledhur prova materiale. Aktualisht janë në kërkim të dy personave të tjerë që dyshohet se ishin pjesë e grupit. Hetuesit po verifikojnë gjithashtu nëse në afërsi të zonës ndodhej një automjet i përdorur për largimin, si dhe nëse persona të tjerë mund të kenë qenë në pritje për t’i ndihmuar në arratisje.

Një tjetër aspekt që po shqyrtohet është nëse pronarët e vilës kanë vepruar në kushtet e vetëmbrojtjes dhe në përputhje me ligjin italian për përdorimin e armëve në pronë private. Hetimet pritet të sqarojnë nëse të shtënat kanë qenë paralajmëruese apo në drejtim të autorëve.

Ngjarja ka rikthyer në vëmendje debatet mbi sigurinë, vetëmbrojtjen dhe rastet e grabitjeve në banesa private në Itali. Ndërkohë, autoritetet vijojnë kërkimet për identifikimin dhe kapjen e dy personave të tjerë të përfshirë, ndërsa trupi i viktimës është dërguar për ekzaminime të mëtejshme mjeko-ligjore që do të përcaktojnë me saktësi shkakun e vdekjes.

Aksident tragjik ndodhi pasditen e së premtes në Lutsa, në kryqëzimin e rrugës Demokratisë me rrugën Sotiros, ku humbi jetën Eljon Metaj, një 15-vjeçar dhe u plagosën dy bashkëmoshatarë të tij.

Sipas të dhënave paraprake, një automjet i bardhë me tre të mitur në bord po lëvizte me shpejtësi të lartë, kur drejtuesi 15-vjeçar humbi kontrollin e mjetit.

Fillimisht makina goditi bordurën e trotuarit, më pas u përplas me forcë në një pemë. Përplasja ishte e fortë dhe si pasojë pasagjeri që ndodhej në sediljen e përparme u hodh jashtë automjetit, duke humbur jetën në vend nga plagët e marra.

Dy të miturit e tjerë, drejtuesi i mjetit dhe pasagjeri në sediljen e pasme, u transportuan me ambulancë në spital për ndihmë mjekësore. Sipas informacioneve, ata ndodhen jashtë rrezikut për jetën.

Dëshmitarë okularë kanë deklaruar se automjeti po lëvizte me shpejtësi shumë të lartë pak para përplasjes. Autoritetet po analizojnë pamjet e kamerave të sigurisë dhe po marrin dëshmi për të sqaruar plotësisht dinamikën e aksidentit.

Hetimet vijojnë për të përcaktuar me saktësi rrethanat dhe përgjegjësitë e ngjarjes.

Shiko videon këtu

https://www.megatv.com/embed/?p=20202271208

Dita e të Dashuruarve ka sjellë emocione të forta dhe momente prekëse në shtëpinë e Big Brother VIP Albania, ku atmosfera festive është ndërthurur me tensionet dhe dinamikat e forta të lojës. Një nga personazhet që ka përjetuar më shumë emocione këtë 14 shkurt ka qenë Miri, i cili prej ditësh ndodhet në qendër të diskutimeve për raportin e tij me Selinën dhe aludimet për një pëlqim të mundshëm mes tyre.

Brenda shtëpisë, debatet dhe komentet nga banorët e tjerë kanë shtuar presionin mbi këngëtarin, duke e vendosur shpeshherë në situata të sikletshme përballë pyetjeve dhe dyshimeve. Marrëdhënia e tij me Selinën është komentuar vazhdimisht, ndërsa vetë Miri ka theksuar se gjithçka është keqinterpretuar dhe se ai mbetet i përkushtuar ndaj familjes së tij.

Në mes të këtij presioni, një surprizë e veçantë nga jashtë ka ndryshuar krejtësisht atmosferën për të. Bashkëshortja e tij ka vendosur t’i dërgojë një buqetë me trëndafila të kuq dhe një letër mbështetëse, një gjest simbolik por me peshë të madhe emocionale. Ky veprim është parë si një mesazh i qartë besimi dhe mbështetjeje, pikërisht në një moment kur ai ndodhej në qendër të thashethemeve.

Pamjet e transmetuara janë bërë shpejt virale në rrjetet sociale. Miri shfaqet i prekur, duke tymosur një cigare në oborr, ndërsa mban në dorë lulet dhe lexon me vëmendje dedikimin e bashkëshortes. Emocionet e tij ishin të dukshme, ndërsa përpiqej të ruante qetësinë përpara banorëve të tjerë.

Reagimet në shtëpi nuk munguan. Banorët e uruan për martesën dhe për mbështetjen që mori nga partnerja e tij. “Edhe 100 vite bashkë ishalla,” – i tha Livia, duke shtuar se letra ishte shkruar shumë bukur dhe me ndjenjë. Të tjerë e përgëzuan për faktin që marrëdhënia e tij duket e fortë pavarësisht presionit të lojës dhe situatave të krijuara.

Vetë Miri e cilësoi këtë surprizë si forcën e tij më të madhe. Në një moment reflektimi, ai u shpreh: “E kam më të fortën këtë gjë… çfarë kam vuajtur dhe çfarë mbaj në shpatulla,” duke lënë të kuptohet se rrugëtimi i tij personal ka qenë i mbushur me sakrifica dhe sfida. Ai theksoi se familja është prioriteti i tij absolut dhe se mbështetja e bashkëshortes i jep energji për të përballuar çdo situatë brenda shtëpisë.

Kjo surprizë ka shërbyer jo vetëm si një moment romantik në Ditën e Shën Valentinit, por edhe si një mesazh i fortë për publikun dhe banorët e tjerë: pavarësisht dinamikave të lojës, lidhjet jashtë shtëpisë mbeten themeli më i rëndësishëm për shumë prej konkurrentëve. Në një ambient ku presioni psikologjik është i vazhdueshëm dhe çdo veprim interpretohet, një gjest i tillë mbështetjeje mund të bëjë diferencën.

Ndërkohë, mbetet për t’u parë se si do të ndikojë kjo situatë në raportin e tij me Selinën dhe në perceptimin e banorëve të tjerë. Por për momentin, duket se Miri ka gjetur qetësinë dhe sigurinë emocionale që i nevojitej për të vazhduar garën me më shumë besim dhe qëndrueshmëri.

Shiko videon këtu

Një ngjarje e rëndë ka tronditur kryeqytetin në orët e para pas mesnate, ku një e re ka mbetur e plagosur në rrethana që po hetohen nga policia.

Sipas burimeve zyrtare, incidenti ka ndodhur në ambientet e Hotel Gjuta, në Tiranë. Viktima është identifikuar si Natalia Murtati, 18 vjeçe, e cila është gjetur e plagosur në një nga dhomat e hotelit, pronë e familjes së partnerit të saj.

Në momentin e ngjarjes, partneri i saj, 22-vjeçari Erisjaldo Gjuta, nuk ndodhej në dhomë. Ai, së bashku me anëtarë të tjerë të familjes, sipas deklarimeve paraprake, ndodheshin në katin e parë të objektit, ku funksionon edhe biznesi familjar. Pas dëgjimit të të shtënave, familjarët janë ngjitur në dhomë dhe kanë konstatuar se e reja ishte e plagosur.

Burime policore bëjnë me dije se nëna e të riut dhe një i afërm i familjes kanë ndërhyrë për ta transportuar 18-vjeçaren drejt spitalit. Megjithatë, në kontaktin fillestar me autoritetet shëndetësore, ata kanë deklaruar se e kishin gjetur vajzën të plagosur në rrugë dhe se kishin ofruar ndihmë, një version që më pas është vënë në dyshim nga hetimet.

E reja është dërguar me urgjencë në spital, ku ka marrë ndihmën mjekësore të nevojshme dhe ndodhet jashtë rrezikut për jetën. Pas përmirësimit të gjendjes shëndetësore, ajo është marrë në pyetje nga grupi hetimor. Sipas burimeve, 18-vjeçarja ka deklaruar se është vetëplagosur në dhomën e hotelit, duke përdorur armën e zjarrit që i përkiste partnerit të saj. Në dëshminë e saj, ajo ka pohuar se veprimin e ka kryer në gjendje të rënduar emocionale, duke deklaruar se “ka bërë shumë gabime në jetë”.

Pas këtyre zhvillimeve, policia ka nisur një hetim të thelluar për të sqaruar të gjitha rrethanat e ngjarjes, përfshirë mënyrën e sigurimit dhe ruajtjes së armës së zjarrit, si dhe veprimet e kryera pas plagosjes së të resë. Si rezultat i hetimeve të para, në pranga janë vënë nëna e partnerit të 18-vjeçares, Mirvetja Gjuta, si dhe xhaxhai i tij, Vladimir Gjuta.

Ndërkohë, janë shpallur në kërkim partneri i vajzës, Erisjaldo Gjuta, babai i tij Sajmir Gjuta dhe një kushëri i familjes, Elvir Gjuta. Ata dyshohen për veprat penale të fshehjes së krimit dhe pastrimit të gjurmëve, lidhur me mënyrën se si është menaxhuar situata pas plagosjes dhe deklarimet e dhëna fillimisht ndaj autoriteteve.

Policia vijon kontrollet dhe veprimet procedurale për lokalizimin dhe arrestimin e personave të shpallur në kërkim, ndërsa materialet hetimore i janë referuar Prokurorisë për veprime të mëtejshme ligjore. Autoritetet kanë theksuar se hetimi është në zhvillim dhe se çdo detaj shtesë do të bëhet publik pas përfundimit të verifikimeve të nevojshme.