Category: Lajme

Vrasja horror e 50-vjeçarit Pëllumb Meta nga Shënavlashi i Durrësit, krim për të cilin akuzohen tre fëmijët e tij Hysen, Hygerta dhe Amarlildo, ishte tema e diskutimit në pjesën në emisionin “Jetë Shqiptare” në RTSH ku për të folur për këtë temë ishin të ftuar gazetari Spartak Koka

Ngjarja u shpreh ai, është e mbuluar me mister për shkak të ndryshimit të versioneve, ku vetëm brenda 3 ditëve kemi pasur katër versione të ndryshëm të rrëfyer nga protagonistet e ngjarjes.

Sipas Kokës, policia po punon fortë sepse ka dyshime të forta që vrasjen ta ketë bërë djali i madh, Hyseni por do bëhet dhe eksperimenti balistik që a kishte mundësi dhe a dinte të qëllonte me arme vajza 19-vjeçare Hygerta.

“Më shumë përshtypje më bënë në brutalitetin që është përdorur në vrasjen dhe në zhdukjen e kufomës si dhe ftohtësia e sjelljes së fëmijëve dhe bashkëshortes së të ndjerit pas kryerjes së krimit” tha Koka.

Ndaj tha ai, zbulimi i motivit të vrasjes do të zbuloj dhe vrasësin e të atit të tyre.

“Është një ngjarje horror e vërtetë ku ata për 10 ditë kanë jetuar vetëm disa metra pranë kufomës. Mënyra se si e përshkruan policia dhe familjarët e tjerë kur kontaktuan me fëmijët e viktimës të binte në sy gjakftohtësie e tyre” thekson gazetari.

Duke iu referuar dhe deklaratave të hallës së autorit të dyshuar, Koka deklaroi se, “Pëllumb Meta kishte 6 dynym tokë në zonën që njihet si ish -sektori rinia dhe toka atje shitet me 35/40 euro metri katror”.

Sipas informacioneve, tha ndër të tjera ai, kishte 5 vite që po kërkonte ta shiste këtë pronë dhe nuk e kishte shitur dot. Ky është një element që vëllai dhe motra e viktimës e ka ngritur si një pistë të mundshme.

Motra e viktimës së Pëllumb Metës ka thënë që djali i madh, Hysenit i pëlqente dhe kërkonte të bënte një jetë luksi dhe kërkonte të kishte para nëpër duar pa u lodhur.

Elia është artiste. E kam duartrokitur kur e kam ndjekur në skenën e teatrit. Kam kënduar njëzëri teksa e ndiqja nga televizori kur performonte me grupin “Spirit Voice”. Ajo që sot del në portale nuk e përcakton Elian. Elia dhe çdo grua nuk e meriton atë!

Një divorc nuk është thjesht mbyllja e një marrëdhënie dhe ndarja e pasurisë, është më komplekse se kaq. Lëndon, mërzit dhe lë shenjë. Aq më tepër kur në mes ka fëmijë. Unë nuk marr përsipër të flas se çfarë ka ndodhur mes çiftit. Të dy pretendojnë dhunë dhe kanë kërkuar mbrojtje. Por, filmimi i një gruaje në dhimbje, të lënduar, të prekur dhe hedhja e pamjeve për konsum në median online nuk është aspak fisnike e aq më tepër mbretërore.

Një burri 2 metër nuk i shkon të bëjë viktimën me një plak të thinjur që vuan po aq sa e bija dhe me nënën e fëmijës së tij. Atë grua artiste që sot ka hematoma në dorë e krahë.

Medemek Princi përpara se të kapte celularin për të xhiruar të kujtohej për vogëlushen 3-vjeçare që me siguri dëgjonte të qarat e nënës së saj.

Një xhaketë e tërhequr me forcë a e justifikon atë që pasoi? Filmin me metrazh të shkurtër të një akti “dhune” nga një grua që thotë “mos më prek babin që të ka mbajtur me bukë”; denoncimin; kërkimin e urdhërit të mbrojtjes dhe servirien në pjatë argjendi të fabulës “Dhunohet Princi”, në median online.

Aspak fisnike! Aspak mbretërore!

Edhe nëse ka pasur një reagim të ashpër nga ajo që ka ndarë shtratin për 1 dekadë dhe ai burri me thinja që sheh sot të bijën të lënë mënjanë, a ishte aq e vështirë të mbyllej ajo derë dhe komunikimi të riniste një moment tjetër?! Sakrificë e madhe është?

Skenar shumë i dobët që të besohet se nga hiçi dy njerëz u turrën me statuja druri e shkelma. Nuk di kur të rritet e bija çdo t’i thotë për të shkuarën! Do të nisë t’i tregojë se çfarë ka bërë stërgjyshi i saj, gjyshi etj. Si do t’i tregojë se në 2000 u bë trashëgimtar i fronit dhe në 2024 u bë një njeri i vogël fare, shumë larg emrit dhe statusit?

U mata shumë të shkruaja apo jo për këtë çështje. Vendosa të shkruaj për Elian. Për shumë Elia të tjera që i takoj e lexoj në komunikata policie.

Tradhtohen, përbuzen, divorcohen dhe për interesa të atij që dikur kishin bashkëshort pas emrit të tyre vijnë epitete “e dhunshme”, “agresive”, “me probleme të shëndetit mendor”.

Ky burri që zakonisht ka para, shokë e njohje i merr durimin, rininë në fund dhe fëmijët në gjykatë sepse investohet shumë që të sigurojë prova për ato mbiemrat që përmenda më parë.

Ta gëzoni Marsin tuaj të dashura gra dhe vajza! Mos heshtni!

Princ Leka ka bërë sot një kallëzim në Komisariatin nr.1 në Tiranë ndaj ish-bashkëshortes Elia Zaharia dhe babait të saj Gjergj Zaharia.

Princ Leka ka kërkuar urdhër-mbrojtje duke pretenduar se babai ish-bashkëshortes e ka dhunuar.

Avokati i Princ Lekës, Aranit Roshi tha në emisionin Noë në Euronews Albania se ka një marrëveshje të përgjithshme që rregullon marrëdhënien pasurore ku princi ka hequr dorë nga disa pasur që rrjedhin nga trashëgimia familjare dhe ja ka dhuruar ish-bashkëshortes.

“Është një pasuri e konsiderueshme që i garanton një jetesë komode, është një akt vullneti mes dy palëve që tregon një lloj mirëkuptimi që ka shoqëruar gjithë procesin e ndarjes deri në këtë moment. Shkaku nuk lidhet me kushtet e marrëveshjes, gjithçka ka lindur nga një situatë banale me ish-vjehrrin”, tha ai.

Princ Leka ka bërë sot një kallëzim në Komisariatin nr.1 në Tiranë ndaj ish-bashkëshortes Elia Zaharia dhe babait të saj Gjergj Zaharia. Princ Leka ka kërkuar urdhër-mbrojtje duke pretenduar se babai ish-bashkëshortes e ka dhunuar.

Avokati i Princ Lekës, Aranit Roshi tha në emisionin Now në Euronews Albania se shkaku i konflikti të princit me ish-vjehrrin e tij ka qenë shumë banal pasi ai ka shkuar të takojë të bijën në rezidencën mbretërore dhe është përballur me një sjellje armiqësorë nga i fundit.

Ai sqaroi se në bazë të marrëveshjes që ishte bërë mes ish-çiftit pas divorcit ishte vendosur që Elia të jetonte në rezidencë, derisa një apartament që princi kishte blerë për të, të arredohej.

Por pas ngjarjes së fundit, vendimi i princit është që ish-bashkëshortja duhet të largohet menjëherë nga rezidenca mbretërore.

“Në pjesën e marrëveshjes thuhet se Elia do jetojë në atë rezidencë derisa një apartament që princi ka blerë për të arredohet. Derisa situata arriti në këtë pikë, do ishte e arsyeshme që të largohet. Duhet të largohet, nuk e meriton më që të jetojë aty, kështu vlerëson Princi Leka”, tha avokati.

Një ngjarje e rëndë ka ndodhur në rrugën Prizren – Reçan – një çift të moshuar u përfshinë në një vetaksident me fatalitet.

Shoferi i veturës, një burrë 70-vjeçar, raportohet të ketë humbur kontrollin mbi timon, duke bërë që mjeti të bie nga një lartësi prej rreth 10 metrash.

Si rezultat, shoferi ka ndërruar jetë në vendngjarje, ndërsa bashkëshortja e tij ka mbijetuar me lëndime të lehta.

Policia ka identifikuar viktimën si banor i Komunës së Prizrenit, ndërsa gruaja e tij, e moshës 67-vjeç, u dërgua në Spitalin Rajonal në Prizren për mjekim dhe më pas u lirua.

“Më 06.03.2024 rreth orës 15:40, u raportua një aksident i vetëm me pasoja fatale në rrugën Prizren-Reqan. Aksidenti ndodhi kur drejtuesi i automjetit, z. F.M., lindur në vitin 1954, nga fshati Llokoc i Prizrenit, ka humbur kontrollin, duke devijuar në krahun e kundërt të rrugës, goditur barrierat anësore dhe më pas përfunduar në një lugunë afër lumit, ku automjeti ra nga një lartësi e konsiderueshme. Si pasojë e aksidentit, drejtuesi i mjetit vdiq në vendngjarje, ndërsa pasagjerja, zonja E.M., lindur në 1957, u dërgua për trajtim mjekësor në emergjencën e spitalit dhe u lirua më pas”, ka thënë zëdhënësi i Policisë së Kosovës për rajonin e Prizrenit, Shaqir Bytyqi.

Ai shtoi se Njësia Rajonale e Trafikut Rrugor e Prizrenit po e heton rastin.

Pas ngjarjes tragjike, sipas urdhrit të prokurorit, trupi i viktimës u transportua në Institutin e Mjekësisë Ligjore në Prishtinë për obduksion.

Një 36 vjeçar shqiptar është arrestuar në Greqi pasi abuzonte seksualisht me vajzën e partneres së tij. Ndaj tij rëndojnë akuzat për përdhunim dhe akte seksuale me të mitur.

Sipas policisë, 36-vjeçari dyshohet se nga viti 2013 ka abuzuar me vajzën të partneres së tij 50-vjeçare, po ashtu me kombësi shqiptare.

25 vjeçarja ka dëshmuar se deri në moshën 18 vjeçare e ka rrahur, por më pas ka vazhduar ta përdhunojë, më shumë se një herë.

Gjithçka ka ndodhur në shtëpinë ku jetonte e reja me njerkun dhe nënën e saj 50-vjeçare. Pas një kontrolli në banesën e tyre, policia gjeti dhe sekuestroi kanabis, armë dhe 4 thika.

Ndaj 36-vjeçarit u ngrit një dosje dhe u referua para drejtësisë me akuzat për përdhunim, marrëdhënie seksuale me të mitur, shkelje të legjislacionit për të dhënat personale, për armët dhe drogën. Ndaj nënës së vajzës u procedua edhe për shkelje të legjislacionit për armët.

Dy tërmete të fortë kanë goditur jugun e vendit tonë këtë mbrëmje.

Tërmetet me magnitudë 3.3 ballë me thellësi 15km dhe 3.7 ballë me thellësi 5km me epiqendër në Brataj, u ndjenë në të gjithë Vlorën.

Banorët të frikësuar tregojnë se tërmetet u ndjenë të fuqishëm.

Nuk raportohet për dëme.

Dashi

Në dashuri do të shfaqni shumë pretendime dhe kjo gjë, për shkak se po mundohuni të lini pas krahëve të gjitha zhgënjimet me të cilat jeni përballur në të kaluarën. Gjithsesi, mundohuni të mos e vini shumë nën presion, partnerin/en tuaj. Në vendin e punës parashikohen të reja të rëndësishme.

Demi

Kur jeni të përhumbur në mendime, shpesh prireni të izoloheni, por kjo gjë mund t’iu ndalojë që të hapeni më shumë me personat që ju rrethojnë. Kësisoj do ju mohohet mundësia për të marrë sugjerime me vlerë prej tyre. Mos e humbni një mundësi të mirë që do ju ofrohet, për të bërë njohje të reja.

Binjakët

Parashikimet e yjeve flasin për një ditë të rëndësishme, e cila iu projekton drejt një vendi intrigues, sidomos sa i takon fushës së ndjenjave. Do të merrni surpriza të bukura, lidhur me një projekt i cili deri më tani nuk iu bindte.

Gaforrja

Jini më të komunikueshëm dhe më të gatshëm për të bashkëpunuar në vendin e punës, kjo pasi do të jetë e rëndësishme për ti dhënë jetë një projekti të ri. Sa i takon dashurisë, kjo e enjte nuk do të jetë shumë e favorshme.

Luani

Do të jeni të shqetësuar për shkak të një sërë çështjesh lidhur me karrierën tuaj profesionale. Mos e humbni durimin lidhur me strategjitë tuaja, por analizojini me më shumë kujdes, duke ndjekur udhëzimet e bashkëpunëtorëve tuaj. Në mbrëmje parashikohen takime interesante.

Virgjëresha

Në lidhjen në çift do të jeni shumë xheloz dhe kjo për shkak të disa përgjigjeve që po vonojnë të vijnë. Gjithsesi kjo gjë nuk duhet marrë shumë përpjekur. Megjithatë kjo ditë do të hapë mundësi shumë të mira para jush.

Peshorja

Do të jeni mjaft të angazhuar në realizimin e një projekti të ri profesional, i cili do ju shohë të përkushtuar maksimalisht. Mos ngurroni të shfaqni autoritetin tuaj.

Akrepi

Mundohuni të mos jeni shumë kritikë ose mendjemadh, pasi në të kundërt rrezikoni të krijoni shumë armiq përreth. Sfidat nuk do ju trembin, por duhet të rrethoheni nga njerëz pozitiv për të kapërcyer pengesat.

Shigjetari

Gjatë kësaj të enjteje, mund të tërhiqni vëmendjen e një personi me ndikim, i cili do të vlerësojë cilësitë tuaja. Mos u tregoni të rezervuar në dashuri, si dhe tregoni kujdes me fjalët.

Bricjapi

Do të jeni të detyruar të punoni më shumë, për të rregulluar gabimet e kryera nga të tjerët dhe kjo gjë ju shkakton tension të madh. Gjithsesi mundohuni të mos përfshiheni nga ankthi sa i takon situatave familjare, apo atyre të dashurisë.

Ujori

Përmbyllet një muaj i cili ju sugjeron që të veproni me më shumë qetësi dhe përqendrim në vendin e punës, sidomos nëse keni nisur negociata të rëndësishme. Horoskopi i kësaj dite ju fton që të menaxhoni më mirë kursimet tuaja.

Peshqit

Kjo do të jetë një periudhë e shkëlqyer për sektorin profesional, duke arritur të realizoni një sërë projektesh dhe idesh që i mbani në sirtar prej kohës. Në dashuri, këshillohet të mos jeni shumë impulsiv.

Është publikuar video-ja e sherrit mes Princ Lekës dhe Elia Zaharisë që ka degraduar në dhunë fizike.

Në videon e publikuar, shihet teksa Elia Zaharia dhunon Princ Lekën duke e akuzuar se i ka rrahur babanë. Ajo hedh një sërë akuzash, teksa Princ Leka filmon.

“Ke prekur me dorë babin tim që të ka mbajtur me bukë. I ke gjuajtur babit që është 70 vjeç. I ke gjuajtur babit tim, do të çoj në gjyq ty mos bëj viktimën. Të rrahësh ti babain tim. Ti s’ke shkoll, ke vetëm katër klasë shkollë. Ti ke falsifikuar provat, i ke thënë shtetit shqiptar që je i shkolluar”-dëgjohet të thotë Elia.

https://www.instagram.com/reel/C4LR4BGMGIF/?igsh=a3kycjBzb2VrOXIz

Një tjetër video ka dalë në dritë brenda shtëpisë të ish-çiftit mbretëror Princ Leka dhe Elia Zaharisë.

Në një video të re, shihet momenti kur Gjergj Zaharia, babai i aktores, ka në dorë një statujë druri.

Të njëjtin pretendim ka thënë në policia edhe Princ Leka, i cili ka deklaruar se është sulmuar nga Gjergj Zaharia. Princi pretendon se ish-vjehrri e ka goditur me statujë në ambientet e oborrit mbretëror.