Category: Lajme

Vdekja e Jeffrey Epstein dhe rrethanat e saj, e ndjekur nga skandale që përfshinin figura të njohura botërore, kanë nxitur një valë të madhe teorish konspirative në internet.

Më e përhapura ndër to është pretendimi se pedofili i dënuar është “ende gjallë”, pas dosjeve të fundit të publikuara nga Departamenti i Drejtësisë së SHBA-së. Disa përdorues të mediave sociale pretendojnë madje se e kanë parë atë personalisht.

Një nga teoritë më të gjera, tashmë të hedhura poshtë, lidhet me një llogari Fortnite, që fillimisht mendohej se i përkiste Epstein dhe ishte përdorur kohët e fundit.

Një imazh viral i një burri me flokë të gjatë gri, që supozohej të ishte Epstein duke u parë në Izrael, doli të ishte krijim i inteligjencës artificiale.

Një ditë më parë rrjetet sociale u “pushtuan” nga një video e shpërndarë nga Genard Hajdini, në të cilën shfaqej motrat e tij, Sonida Hajdini gjysmë e zhveshur.

Pamjet u përhapën me shpejtësi dhe sollën reagime të forta te ndjekësit, të cilët shprehën shqetësimin e madh për gjendjen e saj dhe kërkuan ndërhyrje të menjëhershme nga autoritetet.

Pas publikimit të videos, i menjëhershëm ka qenë reagimi i Njësisë Administrative nr.2, zonë ku banon familja Hajdini. Kryetari i kësaj njësie, Florian Pullazi u angazhua personalisht për menaxhimin e kësaj ngjarje.

I shoqëruar nga ekipet e emergjencës dhe nga efektivët e Policisë së Shtetit, ai ka shkuar në banesën ku jetojnë vëlla dhe motër dhe kryen vlerësimet e nevojshme.

Gjatë verifikimeve u konstatua se videoja ishte publikuar me qëllim për t’u bërë “virale”, nga vetë Genard Hajdini dhe nuk kishte elementë dhune apo qëllime dashakeqësie.

Megjithatë, për shkak të gjendjes së rënduar psikologjike u vendos që të dy, të shoqëroheshin për ndihmë të specializuar mjekësore, ndërkohë që video u fshi menjëherë nga rrjetet sociale.

Siç shihet dhe në fotot e mëposhtme, Pullazi së bashku me ekipin e emergjencës dhe efektivët shoqëruan për në spital dy anëtarët e familjes Hajdini.

Gjithashtu bëhet me dije se Sonida më herët ka qenë e shtruar në Spitalin e Shëndetit Mendor në Tiranë dhe ishte lënë në trajtim ambulator, nën kujdesin e një kujdestareje të caktuar nga familja.

Ministria e Shëndetësisë bëri me dije se aktualisht vëlla e motër ndodhen të shtruar në spitalin Psikiatrik të Tiranës, ku po marrin trajtim më të specializuar dhe janë nën monitorim të vazhdueshëm nga stafi mjekësor.

Hyrja e bujshme e Luiz Ejllit në “Big Brother VIP Albania 5” konsiderohet si karta më e fortë që Top Channel ka luajtur këtë sezon, duke monopolizuar vëmendjen e publikut. Por, a po përgatit Kosova një kundërpërgjigje të së njëjtës madhësi?

Dyshimet kanë nisur të vlojnë pas dy postimeve “të çuditshme” dhe të sinkronizuara në kohë, që duket se paralajmërojnë një “stuhi” mediatike.

Nga njëra anë, Arbana Osmani ka publikuar një foto në Instastory me diçiturën kuptimplotë: “THE CALM BEFORE THE STORM” (Qetësia para stuhisë).

Nga ana tjetër, producentja e “Big Brother VIP Kosova”, Olsa Muhameti, ka postuar disa orë më pas një foto ku shfaqet në ambientet e punës së bashku me moderatorin Alaudin Hamiti. Ajo që bie në sy është mbishkrimi identik: “Calm after/before the storm” (Qetësia pas/para stuhisë).

Ky koinçidencë në përdorimin e frazës “para stuhisë” nga ikona e këtij formati, Arbana Osmani, dhe krerët e BBVK-së, ka nxitur aludimet se palët mund të jenë në bisedime.

A po planifikon “Big Brother VIP Kosova” t’i bëjë konkurrencë BBVA-së duke marrë Arbanën në Prishtinë (në çfarëdo roli qoftë), tani që BBVA mori Luizin?

Mbetet për t’u parë nëse kjo “stuhi” e paralajmëruar do të jetë thjesht një projekt i ri, apo lëvizja më e papritur televizive e vitit.

Mësuesi paraqitet si një figurë me formim akademik në gjuhë të huaja dhe me aktivitet paralel letrar

Kush është mësuesi i anglishtes që u shkarkua nga detyra pasi predikonte fenë me nxënësit e arsimit bazë në shkollën Gustav Mayer në Tiranë?

Top Channel mëson se profesori nuk ka telefon dhe mundësi komunikimi drejtpërdrejtë me të, por sipas profileve online të hapura para shumë vitesh, Dritan Zaimi paraqitet si një figurë me formim akademik në gjuhë të huaja dhe me aktivitet paralel letrar.

Dritan Zaimi ka lindur më 5 maj 1975 në Gramsh. Ai ka përfunduar shkollën e mesme të gjuhëve të huaja në Tiranë në vitin 1993 dhe në vitin 1997 është diplomuar si mësues i gjuhës angleze në Universitetin e Tiranës.

Në website virtuale ai prezantohet se ka filluar të shkruajë vargje që në moshë shumë të vogël. Në vitin 2001 botoi përmbledhjen e tij të parë me poezi “Dhimbja”. Në krijimtarinë e tij letrare, vihet re një prani e theksuar e tematikave filozofike dhe shpirtërore, ku përdoren simbole që lidhen me jetën dhe vdekjen. Poezitë e publikuara online tregojnë një autor që reflekton mbi raportin e njeriut me të shenjtën.

Në orët e mësimit me nxënësit ju shfaqte video për Perëndinë dhe ju jepte detyra për urdhërimet e fesë që mendohet se përfaqësonte dëshmitarët e jehovait.

Në një nga poezitë e tij shkruante “Atë që s’e kuptojmë e quajmë budalla. Atë që s’na kupton përsëri e quajmë budalla.”/ Top Channel

Ernest Muçi ishte protagonisti kryesor i fitores së pastër 3-0 të Trabzonsporit në transfertë ndaj Samsunsporit, në një ndeshje që i mundësoi skuadrës së tij të ruajë vendin e tretë në renditje dhe të mbetet në garë për kreun e kampionatit.

Sulmuesi shqiptar dha asistin për golin e parë në minutën e 23-të, duke shërbyer saktë për Onuaçun pas një harkimi të kontrolluar, ndërsa ky i fundit realizoi për t’i dhënë avantazhin Trabzonsporit.

Edhe goli i dytë, sërish i shënuar nga Onuaçu, nisi nga një aksion ku Muçi pati rol vendimtar, duke e bërë më të thjeshtë menaxhimin e pjesës së mbetur të takimit.

VIDEO

Banorja e Big Brother Vip Kosova Elijona, gjatë mbrëmjes së fundit ndau me publikun një histori personale të pa bërë publike më parë.

Ajo ndau një periudhë të vështirë të fëmijërisë dhe ndarjen nga familja. Elijona tregoi se problemet nisën kur ishte vetëm në klasën e dytë, duke theksuar ndryshimet mes rregullave shkollore dhe ligjore në Gjermani, ku jetonte atë kohë, dhe Kosovës. Sipas saj nëna e saj ishte vonuar ta merrte nga shkolla dhe e “kishte harruar” për shkak të angazhimeve me motrën e saj, teksa ka shtuar se mësuesit atje dhe po ashtu shërbimet sociale i kishin konsideruar detyrat e saj të papërfunduara shpesh herë një problem serioz.

Por jashtë shtëpisë nuk është menduar kështu, e kjo nga vet daja i banores. Pasi në rrjetet sociale ka qarkurlluar në “screenshot” e një komenti të bërë nga daja i saj i cili e ka qëuajtur versionin e dhënë prej saj si të pavërtëtë.

Daja i saj Valon Zhubaj, është shprehur në komentin e tij se largimi i Elijonës dhe vëllait të saj nga familja ishte pasojë e dhunës së ushtruar nga babai ndaj fëmijëve dhe nënës së tyre, gjë e cila çoi edhe në divorc.

“Dhuna të cilën babi yt e ka ushtru pa ndërpre ndaj mamit tënd dhe juve që çoi deri te divorci atë se përmend!? Shkaktari kryesor pse ti dhe vllau jeni larguar nga familja je ti dhe babi yt. Krejt rrëfim i pavërtetë”, ka shkruar Zhubaj në koment.

Ndërkohë Elijona kujtojmë se është shgprehur më parë: “Mami ka harruar disa herë të më marrë nga shkolla dhe detyrat nuk i bëja. Kjo ishte arsyeja pse nga shkolla ishin të shqetësuar. Jam ndjerë shumë e pambrojtur kur më kanë marrë, kërkoja mamin. Më prezantuan me një grua dhe më thanë: kjo është familja e re. Unë kërkoja të kontaktoja me familjen, por më thoshin se nuk kishte mundësi”

Mbrëmja e sotme e spektaklit “Big Brother VIP Albania” ka sjellë në ekran romancën më të re që po lind në shtëpi, atë mes Selinës dhe Gimbos, por vëmendjen kryesore duket se e ka rrëmbyer reagimi i “të tretës së vërtetës”, Mirit.

Produksioni ka transmetuar një klip përmbledhës me momentet më të ëmbla të ditëve të fundit mes dyshes, ku shfaqeshin mjaft të afërt me njëri-tjetrin.

Por, ndërkohë që në ekran shfaqeshin skena mes Gimbos dhe Selinës, regjia ka fokusuar portretin e Mirit, i cili ka qenë krejtësisht i kundërt me atmosferën e klipit.

Partneri i afërt i Selinës në lojë u shfaq tejet serioz dhe “i prerë” në fytyrë, duke mos e fshehur aspak pakënaqësinë për atë që po shihte. Mimika e tij e ngurtë u interpretua menjëherë si shenjë xhelozie apo mosaprovimi.

Momenti më pikant u regjistrua kur Selin u dëgjua të thoshte në klip se ka “kimi” me Gimbon.

Sapo u dëgjua kjo fjali, Miri u kap nga kamerat duke tundur kokën me një ironi të dukshme dhe mosbesim, duke lënë të kuptohet qartë mendimin e tij për këtë “kiminë” e re të pretenduar.

VIDEO

Publikimi i këngës së re nga Xhensila Myrtezaj ka trazuar rrjetin orët e fundit, jo vetëm për melodinë, por për tekstin që është interpretuar menjëherë nga ndjekësit si një mesazh i drejtpërdrejtë për jetën e saj private.

Ky projekt muzikor vjen në një moment delikat, vetëm pak kohë pasi ish-bashkëshorti i saj, aktori Bes Kallaku, konfirmoi publikisht nisjen e një romance të re, ndonëse ka zgjedhur të mos e zbulojë identitetin e partneres.

Vëmendja e publikut është përqendruar te vargjet specifike të këngës, të cilat fansat i kanë lidhur ngushtë me situatën e ish-çiftit. Fraza që ka shkaktuar më shumë reagime dhe që po shpërndahet me shpejtësi është: “Emrin tim dhe një herë thuje, thuj asaj që në zemër m’ke, e di që një ditë ke mu kthy për ne”.

Komentet në rrjetet sociale kanë qenë të menjëhershme, ku shumë ndjekës kanë etiketuar Bes Kallakun duke e cilësuar këngën si një dedikim të hapur ndaj tij dhe historisë së tyre të përfunduar.

Ndonëse aludimet kanë pushtuar rrjetin, deri më tani nuk ka asnjë konfirmim nga këngëtarja nëse vargjet janë një reflektim personal apo thjesht krijimtari artistike.

Gazetari investigativ Artan Hoxha ka deklaruar se në Shqipëri ekzistojnë skandale të rënda komprometuese, të ngjashme me atë që po diskutohet prej kohësh në Shtetet e Bashkuara të Amerikës, duke pretenduar se materiale filmike dhe fotografike shantazhuese janë sekuestruar dhe ndodhen në duart e Prokurorisë së Posaçme. Fjala e tij ishte për filmimet e Ergys Agasit.

I ftuar në emisionin “Çim Peka LIVE” në SYRI TV, Hoxha u shpreh se këto materiale nuk lejohen të bëhen publike dhe “mbahen të mbyllura në kasafortë”, pasi sipas tij, publikimi do të trondiste ekuilibrat politikë dhe do të hapte një krizë me pasoja edhe për sigurinë kombëtare.

Në deklaratën e tij, Hoxha e tha hapur se Shqipëria nuk është përjashtim nga skemat e shantazhit me video dhe se, sipas tij, një pjesë e elitës politike dhe shtetërore është mbajtur nën presion pikërisht përmes materialeve komprometuese.

“A kemi ne skandale të ngjashme me atë që po ndodh në Amerikë? Po. Dhe janë aty, i kanë në dorë dhe për fat të mirë i kanë në dorë prokuroria. Prokuroria jonë speciale i ka.

Dhe ne i kemi këtu personazhe që kanë bërë të njëjtën gjë, që kanë kuruar veset e politikanëve dhe pushtetarëve tanë, që kanë bërë filmime kompromentuese, shantazhuese. Pra, i kanë, i kanë fotografuar, i kanë filmuar që t’i kenë, që t’i mbajnë peng. Që t’i shantazhojnë, që t’i kenë nën kontroll.

Madje e kanë bërë si kusht, në qoftë se ti do të bësh karrierë dhe të ngjitesh në hierarki shtetërore, duhet të bësh kompromise të tilla. Dhe ne tashmë këtë është një gjë që e dimë dhe për flasim në tavolina. Por provën nuk e kemi”, tha ai.

Gazetari vijoi më tej duke pretenduar se në Shqipëri kanë vepruar persona që “kanë kuruar veset” e politikanëve, pushtetarëve dhe zyrtarëve, duke i joshur, fotografuar dhe filmuar, jo për thashetheme, por për t’i pasur si instrument shantazhi.

Me sa duket Greqia dhe Turqia duan të bisedojnë përsëri – në nivelin më të lartë. Duke filluar nga e hëna (09.02.26) në Ankara do të mblidhet “Këshilli Suprem i Bashkëpunimit Greqi-Turqi”.

Nëse gjithçka shkon sipas planit në tryezë do të jenë të pranishëm edhe presidenti turk, Rexhep Taip Erdogan dhe kryeministri grek Kyriakos Mitsotakis. Ekziston edhe mundësia e një takimi posaçëm midis dy udhëheqësve në një ditë tjetër.

Pas një periudhe të vështirë dhe plot konflikte në Mesdheun Lindor, në vitin 2010 u krijua Këshilli i Lartë i Bashkëpunimit. Ndonjë sukses të madh ai ende nuk ka arritur. Megjithatë Këshilli përpiqet të promovojë një agjendë pozitive mes dy partnerëve të NATO-s, veçanërisht në fushat e ekonomisë dhe të turizmit. Por ai është mbledhur vetëm pesë herë deri tani, takimi i fundit u bë në Athinë në dhjetor 2023.

“Turqia bën kërkesa dhe pretendime territoriale të njëanshme, që nuk kanë bazë ligjore dhe nuk mund të jenë temë serioze debati”, shpjegonte në atë kohë Konstantinos Filis, drejtor i kërkimeve në Institutin e Marrëdhënieve Ndërkombëtare të Athinës në intervistë me DW. “Greqia pret që Turqia të përmbushë gjithmonë kërkesat e saj dhe të bëjë lëshime”, kundërshtonte Fuat Aksu, shkencëtar politik në Universitetin Teknik Yildiz në Stamboll.

Navtex, një pikë e re debati

Që atëherë nuk ka ndryshuar shumë në Detin Egje. Tensioneve u shtohet një pikë tjetër debati: Të enjten e kaluar Turqia përdori sistemin navigacionit detar “Navtex” për të paralajmëruar për rreziqet e sigurisë dhe aktivitetet ushtarake greke. Paralajmërime të ngjashme ka pasur edhe në të kaluarën.

Në fund të fundit bëhet fjalë për autoritet në Egje: Kush ka të drejtë të deklarohet përgjegjës për çështjet e sigurisë? Athina flet për një përpjekje të paligjshme të fqinjit të saj për të zgjeruar ujërat e tij territoriale. Një “provokim të ri turk” e konsideron këtë gazeta e njohur javore greke “To Vima”.

Nga këndvështrimi turk kjo është thjesht një çështje rutine, që përputhet me legjislacionin aktual. Por mund të jetë më shumë se kaq: sipas gazetës proqeveritare Türkiye: “Navtex ka shkaktuar panik në Greqi dhe ka ndryshuar status quonë në Egje”.

Për kryeministrin grek Mitsotakis mosmarrëveshja për Navtex do të thotë edhe më shumë presion nga e djathta. “Turqia po rrëmben gjysmën e Egjeut, por qeveria jonë nuk sheh asnjë arsye për shqetësim”, ankohet Kyriakos Velopoulos, kryetar i partisë së djathtë populiste “Zgjidhja Greke” (EL), e cila sipas sondazheve ka arritur vendin e tretë, përsa i përket mbështetjes së votuesve.

Grindje pa fund megjithë konvetën e OKB-së për Ligjin e Detit

Prej dekadash Greqia dhe Turqia grinden për shelfin kontinental para bregdetit turk, shfrytëzimin e lëndëve të para dhe për një zgjerim të mundshëm të ujërave territoriale në Egje. Në kuadër të doktrinës së saj ushtarake aktuale “Atdheu Blu” Turqia pretendon edhe territore detare prej më shumë se 450.000 kilometra katrorë para bregdetit të saj.

Si busull ligjore në raste të tilla shërben Konventa e Kombeve të Bashkuara e vitit 1982 mbi të Drejtën e Detit, megjithëse Turqia nuk e ka nënshkruar atë. Por ajo mund të zbatohej: sipas mendimit mbizotërues të juristëve ky traktat pasqyron të drejtën ndërkombëtare zakonore ekzistuese – dhe për këtë arsye është i detyrueshëm edhe për ata, që nuk e kanë nënshkruar.

Asnjë marrëveshje në horizont

Sipas Konventës së OKB-së mbi të Drejtën e Detit çdo shtet mund të përcaktojë në parim ujërat territoriale, që shtrihen deri në 12 milje detare. Por ekziston një përjashtim i rëndësishëm: Në rastet e kufijve të paqartë ose mbivendosjeve, palët e përfshira duhet të arrijnë një marrëveshje dypalëshe. Por marrëveshja midis Greqisë dhe Turqisë është ende në pritje.

Që në vitin 1995 parlamenti turk e pati shpallur zgjerimin e ujërave territoriale greke në Detin Egje “shkak për luftë”. Sepse në një rast të tillë Egjeu do të bëhej një lloj deti i brendshëm grek.

Në vitin 2021 qeveria e Athinës i zgjeroi ujërat e saj territoriale në 12 milje detare në Detin Jon drejt Italisë. Sot Greqia rezervon në mënyrë të qartë të drejtën për të zgjeruar ujërat e saj territoriale edhe në Detin Egje, tha së fundmi ministri i Mbrojtjes Nikos Dendias për stacionin televiziv të Athinës “Open”.

Si instancë e fundit në të gjitha çështjet e së drejtës ndërkombëtare konsiderohet Gjykata Ndërkombëtare e Drejtësisë (GJND) në Hagë. Por ky organ i Kombeve të Bashkuara nuk vepron me iniciativën e vet. Si Greqia ashtu edhe Turqia do të duhet të paraqesin një kërkesë të përbashkët, për të autorizuar gjykatën që të ndërmjetësojë. Për këtë debatohet që nga viti 1976. Deri tani pa sukses.