Category: Lajme

Vitaly është një prej personave më të famshëm në Youtube.

Videot e tij marrin miliona klikime dhe ai praktikisht jeton vetëm prej kësaj pune.

Nëse ju kujtohet edhe kampionati botëror 2014, finalja në mes të Gjermanisë dhe Argjentinës, atëherë më siguri e kujtoni personin që hyri në fushë.

Është pikërisht Vitaly. Sidoqoftë ai gjithmonë ju bën kurthe shokëve dhe të tjerëve.

Ndërsa kësaj radhe ka rënë vet në të. Nëna e tij dhe shoku i tij i ngushtë i kishin bërë një kamerë të fshehur.

Ata janë shtirur sikur po bëjnë seks dhe në momentin që Vitaly ka hyr në dhomë është çmendur duke filluar ta godas atë. Nëse nuk e keni parë, shikojeni videon më poshtë:

SHIKO VIDEON KËTU

Një vjehërr e nëpërkëmbur sidomos kur i ke tradhtuar edhe djalin nuk duhet marrë asnjëherë lehtshëm.

Rasti më i fundit vjen nga një qytet i Shqipërisë së mesme ku vjehrra ka kapur mesazhet e nuses së djalit me dashnorin duke i bërë gjëmën në Facebook. 

Pasi ka konstatuar se nusja harxhonte shumë para nga ato që i sillte djali nga emigracioni,

vjehrra e ka ndjekur duke gjetur momentin për të parë celularin e saj. Aty zbulon se nusja kishtë një lidhje tjetër

dhe një pjesë të mirë të parave, përfshirë edhe ato që bashkëshorti i kishte nisur për karrocën e djalit, ia dërgonte të dashurit të saj.

Mesazhet janë hedhur në Facebook prej vjehrrës dhe tashmë po bëjnë xhiron e internetit,

ndërsa çështja ka shkuar edhe në gjykatë për shkurorëzim. Me këto fakte, zor se nusja do ta ketë të lehtë!

Korçë

Finalizohet operacioni policor i koduar “Kriptonite”, në kuadër të të cilit u arrestuan Kanan Hani dhe Kristjan Feçanji. Këta të fundit mashtronin shtetas grekë, duke iu marrë të dhënat e llogarive bankare dhe duke transferuar shuma parash nga llogaritë e tyre, në llogari të tjera të paidentifikuara, nëpërmjet agjentëve fiktivë.

Njoftimi i policisë:

Operacioni u zhvillua nga Seksioni për Hetimin e Krimeve Ekonomiko-Financiare, i DVP Korçë, në drejtimin e Prokurorisë, për goditjen e veprimtarive kriminale të mashtrimit dhe të pastrimit të produkteve të veprës penale, si dhe të punësimit të paligjshëm.

Mashtronin shtetas grekë, duke iu marrë të dhënat e llogarive bankare dhe duke transferuar shuma parash nga llogaritë e tyre, në llogari të tjera të paidentifikuara, nëpërmjet agjentëve fiktivë, vihen në pranga 2 shtetas.

Në subjektin tregtar të përshtatur për këtë veprimtarinë kriminale, ishin punësuar në mënyrë të paligjshme 7 shtetas.

Sekuestrohen 23 njësi kompjuterike, 1 laptop, fatura fiktive, fatura transaksionesh bankare dhe pajisje të tjera që i shërbenin kësaj veprimtarie.

Specialistët e Seksionit për Hetimin e Krimeve Ekonomiko-Financiare të DVP Korçë, në vijim të punës për evidentimin dhe goditjen e veprimtarive kriminale, pas një pune të mirëfilltë hetimore në drejtimin e Prokurorisë pranë Gjykatës së Shkallës së Parë të Juridiksionit të Përgjithshëm Korçë, kanë organizuar dhe finalizuar operacionin policor të koduar “Kriptonite”, në kuadër të të cilit u arrestuan në flagrancë shtetasit:

-K. H., 31 vjeç, banues në Tiranë;

-K. F., 29 vjeç, banues në Korçë.

Shërbimet e Policisë, gjatë kontrollit të ushtruar në lagjen nr. 2, te bulevardi “Republika”, në Korçë, në një subjekt tregtar në pronësi të shtetasit K. H., kanë gjetur të punësuar në mënyrë të jashtëligjshme 7 punonjës, të cilët ishin të padeklaruar në organet tatimore.

Gjithashtu, nga këqyrja e pajisjeve kompjuterike të vendosura në këtë ambient, janë gjetur lista emërore me kontakte telefonike dhe foto të dokumenteve të identifikimit të shtetasve grekë, fatura transaksionesh bankare, fatura fiktive në kriptomonedha “Bitcoin”, adresa kriptovalutash etj. Nga verifikimet e kryera rezultoi se pajisjet kompjuterike përdoreshin nga këta shtetas, për të mashtruar shtetasit grekë, të cilëve iu merrnin të dhënat e tyre personale bankare, me të cilat ndërhynin në llogaritë e tyre, nëpërmjet agjentëve fiktivë, për të transferuar shuma parash në llogari të ndryshme të huaja, të paidentifikuara.

Gjatë këtij operacioni u sekuestruan në cilësinë e provës materiale 23 njësi kompjuterike, 1 laptop, 2 celularë dhe pajisje të tjera elektronike, që përdoreshin në këtë veprimtari të paligjshme.

Vijon puna intensive hetimore për identifikimin dhe vënien përpara përgjegjësisë ligjore të shtetasve të tjerë të implikuar në këtë veprimtari kriminale dhe sekuestrimin e aseteve të përfituara prej saj.

Materialet procedurale i kaluan Prokurorisë pranë Gjykatës së Shkallës së Parë të Juridiksionit të Përgjithshëm Korçë, për veprime të mëtejshme.

Një ngjarje e rëndë është regjistruar mbrëmjen e së mërkurës në Kefaloni të Greqisë. Një 25-vjeçar shqiptar ka masakruar me thikë, duke e goditur 10 herë një të moshuar, i cili ndodhet në gjendje të rëndë në spitalin e Janinës.

Sipas policisë, 25-vjeçari Klodian Saliaj, nga Armeni i Vlorës, shoqërohej nga një bashkatdhetar 18-vjeçar, Xheladin Bejaj. Dy shqiptarët fillimisht thyen xhamin e shtëpisë së të moshuarit në Agia Efimia, ndërkohë që 25-vjeçari hyri në shtëpi dhe 18-vjeçari ruante. ERT raporton se kur 73-vjeçari ka hyrë në shtëpinë e tij, 25-vjeçari shqiptar e ka sulmuar me thikë, duke e goditur rreth 10 herë në bark dhe në shpatull. Më pas dy grabitësit u larguan.

Viktima arriti të dilte në rrugë i gjakosur dhe të thërriste ndihmë, duke u shembur përtokë në shtëpinë më të afërt që gjeti. 73-vjeçari u dërgua fillimisht në spitalin e Argostolit ku iu nënshtrua një operacioni, por në fund u gjykua e nevojshme të transportohej me helikopter në Spitalin Universitar të Janinës. Më në fund, dy shqiptarët u arrestuan pasditen e së enjtes nga efektivët e Sigurisë së Argostolit dhe Ekipi për Parandalimin dhe Shuarjen e Krimit (OPKE) të Kefalinisë.

Nxjerrja nga tregu dhe asgjesimi i produkteve ushqimore të cilat kanë skaduar, është një nga detyrimet kryesore që duhet të plotesojë çdo biznes.

Në vijim të investigimit lidhur me produktet e skaduara Tv Ora News iu drejtua me një kërkesë për informacion KMY-së ku u parashtrohet pyetja se sa ushqime të skaduara ka asgjesuar ky subjekt nga viti 2018 deri në 2023?

Duke qenë se KMY refuzoi të na jepte informacion, të njëjtën kërkesë ia adresuam Autoritetit Kombëtar të Ushqimit dhe Agjencisë Kombëtare të Mjedisit.

Sipas AKU, nga viti 2018 deri në 2023 KMY ka kryer gjashtë procedura asgjesimi, ndërsa AKM në përgjigjen zyrtare na bën me dije se KMY ka kryer vetëm dy procedura asgjesimi.

Janë 4 procedura asgjesimi me sasi 54 ton, kryesisht mish dhe nënproduktet e tij që nuk dihet së ku kanë përfunduar.

Kjo pasi AKM nuk ka asnjë informacion për katër asgjesimet e kryera nga viti 2019 deri në 2020 nga KMY.

Sipas legjislacionit në fuqi, kur kryhet një procedurë asgjesimi duhe të jenë prezent inspektorët e AKU, inpektorët e Mjedisit dhe përfaqësues së Drejtorisë së Tatimeve.

Inspektorët e Mjedisit pasi konstatojnë sipas listës produktet e skaduara, bëjnë verifikimin e mjetit që do t’i transportojë deri në landfill. Subjekti që bën depozitimin e mbetjeve duhet të ketë kontratë me landfillin.

Praktikisht janë 54 ton ushqime të skaduara të KMY-së, kryesisht mish dhe nënproduktet e tij që nuk dihet se ku kanë përfunduar, sepse AKM nuk ka asnjë informacion për 4 procedura asgjesimi nga ky subjekt.

Por skandali thellohet pasi Tv Ora News i kërkon informacion më të detajuar AKU, ku përveç procesverbaleve i kërkojmë të na vihet në dispozicion edhe lista e mallrave të skaduara bashkëlidhur çdo procesverbali.

Nga 6 asgjesime që ka kryer KMY, vetëm 1 procesverbal ka të bashkëlidhur listën e produkteve të skaduara.

AKU është institucioni që pretendohet së garanton sigurinë ushqimore, ndërkohë që janë dhjetëra ton ushqime të skaduara që nuk rezultojnë bashkëlidhur procesverbaleve të asgjesimit.

Ku përfunduan 54 ton mishi dhe sallam që AKU firmosi për t’i asgjesuar?

Nuk rezulton asnjë foto dhe video në AKM që fakton groposjen e produkteve të skaduara.

Në lidhje me këtë situatë alarmante Tv Ora News ka depozituar një shkresë drejtuar kreut të AKU, Edmond Rrushi, ku i kërkojmë të vërë para përgjësisë çdo inspektor që ka kryer shkelje gjatë procedurës së asgjesimit të ushqimeve të skaduara.

Ish-senatori dhe prokurori zviceran Dick Marty ka ndërruar jetë dje në moshën 78-vjeçare. Marty u bë i njohur ndërkombëtarisht si anëtar i Këshillit të Evropës dhe i Komisionit të OSBE-së për të Drejtat e Njeriut. Në vitin 2010, Marty publikoi një raport mbi trafikimin e supozuar të organeve në Kosovë që implikonte UÇK-në. Si pasojë e raportit të tij u themelua Gjykata Speciale në Hagë nga Kuvendi i Kosovës disa vjet më vonë. Kohë më parë, Marty pretendoi se shërbimet sekrete serbe kishin dhënë para për ta vrarë dhe më pas t’ua linin fajin shqiptarëve.

Sipas tij, ishte vënë nën mbrojtje policore për shkak të kërcënimeve me jetë. Marty lindi në kantonin jugor italishtfolës të Ticinos, ku shërbeu si zëvendësprokuror publik, më pas prokuror publik nga viti 1975-1989. Ai ishte anëtar i qeverisë kantonale të Ticinos nga viti 1989 deri në 1995. I zgjedhur në Senatin Zviceran në vitin 1995, ai ishte anëtar i Partisë Radikale të qendrës së djathtë. Ai dha dorëheqjen në vitin 2011.

Ndër nismat e tij ishin instalimi i një prokurori federal të pavarur dhe dekriminalizimi i abortit. Ai u zgjodh në asamblenë parlamentare të Këshillit të Evropës në vitin 1999 dhe kryesoi Komisionin për Çështjet Ligjore dhe të Drejtat e Njeriut nga viti 2005 deri në 2008.

Ai doli në pension në vitin 2011. Në emër të komitetit, ai hetoi burgjet sekrete të CIA-s në Evropë, duke publikuar një raport në vitin 2006 që thoshte se 14 vende kishin bashkëpunuar me SHBA-në në një “rrjetën e merimangës” të abuzimeve të të drejtave të njeriut. Marty tha se vende të tjera, përfshirë Zvicrën, ishin përfshirë në mënyrë aktive ose pasive në ndalimin ose transferimin e personave të panjohur. Në vitin 2010 ai publikoi një raport mbi trafikimin e dyshuar të organeve në Kosovë, i cili implikonte anëtarë të rangut të lartë të Ushtrisë Çlirimtare të Kosovës (UÇK).

Sot, më 29 dhjetor 2023, dollari amerikan blihet me 92.8 lekë dhe shitet me 94.5 lekë. Euro blihet me 103.4 lekë dhe shitet 104.6 lekë.

Ditën e sotme, franga zvicerane këmbehet në blerje me 110.8 lekë, ndërsa në shitje me 112.2 lekë.

Paundi britanik blihet me 118.7 lekë, shitet me 120.2 lekë. Dollari kanadez blihet me 70.2 lekë, shitet 71.6 lekë.

Më poshtë po sjellim të dhënat e këmbimit valutor, për të gjitha monedhat e huaja.

Dashi

Sot ju do të jeni veçanërisht interesantë dhe tërheqës falë ndikimit të Venusit. Do të dini se si ta pushtoni zemrën e të dashurve në çdo kohë! Një ditë stresuese për beqarët që kanë për të frenuar ankthet e tyre dhe për të parë të ardhmen me më shumë optimizëm. Në punë do të keni shanse të shkëlqyera për të pasur kënaqësi në mbrëmje falë dashamirësisë së Saturnit.

Demi

Përpiquni të kuptoni problemet që janë duke u lëkundur në marrëdhënien tuaj. Mos merrni vendime për të cilat mund të pendoheni dhe dëgjoni zemrën tuaj. Beqarët sot mund të kenë një surprizë fantastike që do të hapë perspektiva të reja. Disa persona në punë do të komplikojnë mëngjesin dhe do të bëjnë humorin tuaj pak të zymtë. Ji i hapur me kolegët.

Binjakët

Duhet të sqaroni një çështje në dashuri që nuk ju lë të qetë të flini. Kërkoni një sqarim nga i dashuri/a juaj nëse nuk doni ta harroni këtë çështje. Beqarët sot do të jenë të papërmbajtshëm dhe do të jenë në gjendje për të kapur shumë mundësi të favorshme për dashurinë. Ruajeni atë që keni arritur në punë dhe mos merrni projekte të vështira. Vepro me kujdes.

Gaforrja

Mos e neglizhoni sferën sentimentale dhe përpiquni ta mbani lart flamurin e dashurisë. Nëse jeni në çift sot ju do të jeni në disponim për të bërë plane. Nëse jeni vetëm do të ndiheni të lirë dhe do t’i kushtoni vetes takime me njerëz të rinj. Një ditë e lodhshme për sferën profesionale, por gjithashtu potencialisht e rëndësishme dhe e kënaqshme nga këndvështrimi material.

Luani

Ju keni ndjenjën se jeni në gjendje të përballeni me diçka sikur të ishit të pamposhtur. Kujdes, rrezikoni të lëndoni veten, tensionet në dashuri mund të zhgënjejnë pritjet tuaja. Një ditë melankolike për beqarët që nuk kanë ende guximin për të harruar të kaluarën. Mos i lini asgjë rastësisë në punë, sigurohuni që gjithçka ofrohet gjithmonë pa mundësinë e gabimit.

Virgjëresha

Gjendja e mirë ju bën të lumtur dhe do t’i bëni miqësitë të enden me lehtësi. Vlerësoni nëse është ende e përshtatshme për të diskutuar çështje me rëndësi të vogël në çift. Për shumë beqarë, një takim është i destinuar të bëhet diçka më e rëndësishme. Besoni intuitën tuaj në një marrëveshje pune, ajo do të sjellë ndryshime të dukshme.

Peshorja

Në dashuri sot ju do të ndani momentet e lumturisë me partnerin/en tuaj dhe marrëdhënia do të konsolidohet. Një ngjarje e këndshme ju vë në humor të mirë dhe ju bën të përballoni ditën me një qëndrim pozitiv. Ndryshime të reja edhe për beqarët të cilët mund të jetojnë përvoja të reja. Në vendin e punës, do të merrni vendimet e duhura dhe mund të planifikoni më mirë jetën tuaj të përditshme.

Akrepi

Sot ngriheni me hënën në kundërshtim me shenjën tuaj dhe kjo do ju përballë me beteja dhe konflikte me të dashurin/ën. Do të ketë grindje dhe përplasje mendimi! Mërzia do të sulmojë edhe beqarët, por një lajm i mirë do ta bëjë këtë ditë fantastike! Jini të kujdesshëm dhe jepini peshë fjalëve që thoni në prani të njerëzve me influencë. Bëni që ata të kuptojnë se jeni kompetentë dhe profesionalë.

Shigjetari

Hëna ju bën komunikues dhe të hapur për njohje të reja. Megjithatë, duhet t’i shpjegoni partnerit/es për ndryshimet në sjelljen tuaj. Beqarët mund të marrin një propozim interesant, por më mirë të mos pranoni menjëherë. Me kolegët e punës, debatet nuk mungojnë sot. Nëse doni të merreni me ta, përpiquni të kombinoni taktikën dhe vendimet.

Bricjapi

Mos e neglizhoni mundësinë e shikimit nga brenda për të kuptuar atë që dëshironi. Për paqen më të madhe të mendjes në sektorin afektiv, le të lirohen marrëdhëniet pa perspektiva. Beqarët mund të pushojnë në mëngjes, por në mbrëmje mund të dalin jashtë dhe të argëtohen. Momenti është pozitiv për të gjitha mundësitë e reja në punë, si zakonisht ju do t’i jepni përparësi mundësive të parasë.

Ujori

Hëna është tërësisht në anën tuaj dhe do ta bëjë ditën të furishme dhe të ndritshme. Është e lehtë të kuptohet se ia vlen të kapësh mundësitë e mira për dashurinë! Lumturia është gjithashtu në dorë të beqarëve, sot do të fillojë një periudhë të re e jetës së tyre! Në punë bëni mirë të mos reagoni keq ndaj provokimeve ë kolegëve.

Peshqit

Duhet një pushim, ju jeni tërhequr dhe hutuar pak nga qëllimet. Rrezikoni të shfaqeni disi sipërfaqësorë, por do të bëni gjithçka mirë lidhur me marrëdhënien tuaj me partnerin/en. Pak “pesimizëm” në sytë e beqarëve të cilët janë në një gjendje shpirtërore jo shumë të mirë, bëni mirë ta shikoni të ardhmen me optimizëm. Nuk duhet të bëni gabime sot në marrjen e vendimeve. Ankthi për një intervistë pune do t’ju bëjë nervoz.

Policia del me versionin zyrtar të ngjarjes në Fier ku një punonjës policie qëlloi me armë një të ri 26-vjeçar duke e lënë të plagosur.

‘Rreth orës 19:20, në vendin e quajtur “Ish globi”, në qendër të qytetit të planizuar me shërbim, shërbimet e Policisë kishin bllokuar një segment rrugor për zhvillimin e një koncerti.

Shtetasi D. B, 26 vjeç duke drejtuar një automjet tip “Volkswagen” është afruar te punonjësit e Policisë dhe ka tentuar të futet në rrugën e bllokuar.

Punonjësit e Policisë nuk e kanë lejuar të futet brenda perimetrit të sigurisë dhe në atë momentet shtetasi D. B., ka dalë nga automjeti dhe ka qëlluar me grushte në fytyrë duke i shkaktuar dëmtime të rënda në fytyrë dhe në gojë.

Inspektor Sh. J., në kushtet e vetëmbrojtjes ka qëlluar me armën e shërbimit duke e plagosur në këmbë shtetasin D. B.

Menjëherë pas marrjes së njoftimit kanë ndërhyrë shërbimet e Policisë të cilët kanë dërguar menjëherë për në spital për ndihmë mjekësore shtetasin D. B., i cili ndodhet jashtë rrezikut për jetën.

Ndërkohë është shoqëruar në spital për ndihmë mjeksore dhe punonjësi i Policisë, shtetasi Sh. J. dhe pas marrjes së ndihmës mjekësore është shoqëruar në Komisariatin e Policisë për veprime të mëtejshme.

Të gjitha veprimet po kryhen nga Agjensia e Mbikëqyrjes Policore në drejtimin e Prokurorisë për shmangur konfliktin e interesit.

Në përfundim të veprimeve hetimore, AMP do të japi informacion të zgjeruar në lidhje me këtë ngjarje’, citohet në njoftimin e policisë.

“Inspektor Sh. J., në kushtet e vetëmbrojtjes ka qëlluar me armën e shërbimit duke e plagosur në këmbë shtetasin D. B.’

Policia e Fierit ka dhënë mbrëmjen e sotme informacionin zyrtar për plagosjen e ndodhur në qendër të qytetit.

Bëhet me dije se efektivi i policisë ka qëlluar me armën e shërbimit një person dhe e gjithë kjo ka ndodhur për vetëmbrojtje.

Sipas informacionit zyrtar mësohet se 26-vjeçari I plagosur nuk është lejuar të futet brenda perimetirt të sigurisë dhe në atë momentet shtetasi D. B., ka dalë nga automjeti dhe ka qëlluar me grushte në fytyrë duke i shkaktuar dëmtime të rënda në fytyrë dhe në gojë.

Informacion paraprak

Rreth orës 19:20, në vendin e quajtur “Ish globi”, në qendër të qytetit të planizuar me shërbim, shërbimet e Policisë kishin bllokuar një segment rrugor për zhvillimin e një koncerti.

Shtetasi D. B, 26 vjeç duke drejtuar një automjet tip “Volkswagen” është afruar te punonjësit e Policisë dhe ka tentuar të futet në rrugën e bllokuar.

Punonjësit e Policisë nuk e kanë lejuar të futet brenda perimetrit të sigurisë dhe në atë momentet shtetasi D. B., ka dalë nga automjeti dhe ka qëlluar me grushte në fytyrë duke i shkaktuar dëmtime të rënda në fytyrë dhe në gojë.

Inspektor Sh. J., në kushtet e vetëmbrojtjes ka qëlluar me armën e shërbimit duke e plagosur në këmbë shtetasin D. B.

Menjëherë pas marrjes së njoftimit kanë ndërhyrë shërbimet e Policisë të cilët kanë dërguar menjëherë për në spital për ndihmë mjekësore shtetasin D. B., i cili ndodhet jashtë rrezikut për jetën.

Ndërkohë është shoqëruar në spital për ndihmë mjeksore dhe punonjësi i Policisë, shtetasi Sh. J. dhe pas marrjes së ndihmës mjekësore është shoqëruar në Komisariatin e Policisë për veprime të mëtejshme.

Të gjitha veprimet po kryhen nga Agjensia e Mbikëqyrjes Policore në drejtimin e Prokurorisë për shmangur konfliktin e interesit.

Në përfundim të veprimeve hetimore, AMP do të japi informacion të zgjeruar në lidhje me këtë ngjarje.