Category: Lajme

Në orët e para të së enjtes është djegur bredhi i Vitit të Ri, që ndodhej në oborrin e komunës së Hanit të Elezit, në Kosovë.

Ngjarjen e ka konfirmuar zëdhënësi i Policisë për rajonin e Ferizajt, Kanun Veseli.

“Me daten 28.12.2023 rreth ores 02:23 kemi pranuar një informatë se Bredhi i Vitit të Ri, i vendosur në oborrin e komunës së Hanit të Elezit ishte kapluar nga zjarri. Patrulla e policisë ka dalë menjëherë në vendin e ngjarjes, ndërkohë që edhe një ekipë e zjarrëfikësve ka lokalizuar zjarrin. Lidhur me rastin ësht? njoftuar edhe prokurori kujdestarë dhe është inicuar një rast “Shkaktim i rrezikut të përgjithshem”. Ndërsa në rast janë kyçur edhe njësia e hetimeve, të cilët po e hetojnë rastin”, tha Veseli për mediat në Kosovë.

Po ashtu, Veseli bëri të ditur se sot janë shfaqur disa mbishkrime: “Viti i Ri nuk është e jona, mos festo festat e jomyslimanëve”.

Ai tha se policia është duke punuar për të identifikuar të dyshuarve.

“Me datën 28.12.2023 rreth orës 09:30 policia e stacionit në Han të Elezit , policët patrullues kanë vëretjur se në disa rrugë ishin vendosur disa afishe me mbishkim “Viti i ri nuk është e jona, mos festo festat e jo myslimanëve”. Policia e stacionit i ka marrë veprimet e nevojshme dhe është duke punuar intenzivisht në identifikimin e personit/personave të dyshuar. Në koordinim me Prokurorinë Themelore në Ferizaj është inicuar rast për hetim “Nxitje e përqarjea dhe mosdurimit”, tha Veseli.

Jasir Asani mbetet një futbollist me vlerë modeste të kartonit, diçka e kuptueshme për etapat në karrierë, por ngjitja e fortë ka nisur.

Sipas vlerësimit më të fundit nga agjencia e specializuar për tregun e futbollit, “Transfermarkt”, sulmuesi i Kombëtares shqiptare ka gati dyfishim të çmimit. Nëse në shkurt të këtij viti kartoni i tij ishte 700 mijë euro, tani flasim për 1.2 milionë euro.

Natyrisht, shumë më pak se Broja, Kumbulla, Gjimshiti, Bajrami, Asllani apo Uzuni, që luajnë në Itali, Angli e Spanjë, por kjo është normale sepse lojtari nga Shkupi aktivizohet në Korenë e Jugut.

Padyshim në këtë rritje kanë ndikuar paraqitjet e tij shumë të mira për kombëtaren shqiptare në eliminatoret e Kampionatit Europian ku shënoi 3 herë dhe ndihmoi ekipin që të kualifikohej për në finalet e vitit të ardhshëm në Gjermani.

Edhe në elitën e Koresë së Jugut, Asani po luan mirë dhe ka 7 rrjeta e 3 asiste në 30 ndeshje.

Pritet që në janar të transferohet në Europë, dhe ka zëra se mund të gjejë ekip në La Liga-n e Spanjës.

Një i ri ka përjetuar momentin më të sikletshëm të jetës, pasi e dashura ka refuzuar propozimin që ai i bëri në Romë.

Në media dhe rrjetet sociale është bërë viral momenti i propozimit në Romë mes çiftit të të rinjve. Ky propozim nisi mirë, por pas kërcimit në Via dei Condotti dhe nën dritat e Krishtlindjeve, një tenor u shfaq duke kënduar këngën “O Sole Mio”, ndërsa djali u ul në gjunjë.

Në mes të turmës me njerëz, ai nxorri unazën dhe i propozoi për martesë të dashurës. Por ajo duke mos e pritur një propozim të tillë ajo tha:

“Nuk e prisja këtë. Nuk isha gati. A është kjo arsyeja pse erdhëm në Romë?’ .

E reja dukshëm në siklet i kërkoi vazhdimisht të dashurit të saj të ndalojë, ndërsa tenori vazhdonte të këndonte. Më pas i riu i paqartë për përgjigjen e saj e pyeti sërish, “A është po apo jo?”

Ajo u përgjigj duke thënë ‘JO’ ndërsa djali u ngrit në këmbë i zhgënjyer.
https://v16-web-newkey.tiktokcdn.com/9ed6120e0af60eb115f13d960607378c/658debbe/video/tos/useast2a/tos-useast2a-ve-0068c001-euttp/o0BtY3TFQQEiJ3GZEoPWgIABYEZcqqi8NwOV0/?a=1988&ch=0&cr=3&dr=0&lr=tiktok_m&

Aktualisht policia ka nisur dhe po ndërmerr të gjitha veprimet e duhura hetimore

Artila Kameri, ka humbur jetën tragjikisht mëngjesin e sotëm në një hotel në zonën e Graçanicës, në Kosovë.

Dyshohet se ajo ka rënë nga kati i dytë i një hoteli “Venus” në Prishtinë. Lajmin e ka konfirmuar Policia e Kosovës.

“Sot në stacionin policor të Graqanicës është iniciuar një rast hetim mbi vdekjen, ku viktimë është një femër 34 vjeç, vdekjen e së cilës e ka konstatuar ekipi mjekësor në vendngjarje.

Aktualisht policia në koordinim me Prokurorinë ka nisur dhe po ndërmerr të gjitha veprimet e duhura hetimore që do të ndihmonin hetimin dhe sqarimin e rastit, ndërkohë që trupi i pajetë i viktimës është dërguar për obduksion”, deklaroi Flora Ahmeti për mediat në Kosovë.

Ndërkohë, në lidhje me ngjarjen për gazetën “Express” ka folur edhe zëdhënësja e Prokurorisë Themelore në Prishtinë, Laureta Ulaj.

“Pas pranimit të informatës nga policia, prokurori kujdestar nga Departamenti i Krimeve të Rënda ka dalë në vendin e ngjarjes.

Me urdhër të njëjtit trupi i pa jetë është dërguar në IML për t’iu bërë obduksioni, ndërsa rasti është iniciuar “hetim mbi vdekjen”. Prokuroria në koordinim me policinë është duke i ndërmarrë veprimet e nevojshme hetimore për t’i ndriçuar rrethanat e këtij rasti”, citohet të ketë thënë Ulaj.

Po ashtu gazeta Nacionale shkroi se në kohën kur ka ndodhur ngjarja, brenda në hotel kanë qenë edhe dy persona të tjera, një mashkull nga Peja dhe një vajzë nga Gjakova.

Viktima dyshohet se kishte një biznes privat në Gjakovë për estetikë, dhe ka pasur disa paraqitje publike edhe nëpër media vendore.

EGJIPT – Më e vështirë do ishte ta nxirrte topin jasht, por… ia arrin!!!

Kjo ndodhi në finalen e shkurtër të Superkupës së Egjiptit, ku Piramida u përball me Ceramica Cleopatra dhe protagonist është qendërsulmuesi i kësaj të fundit, Ahmed Rayyan.

Në minutën e 64-të, me ndeshjen ende në barazim “të bardhë”, sulmuesi 25-vjeçar la pas mbrojtjes, portieri i Piramidave doli për të penguar, por Ryan kaloi topin me gjoks, dhe doli përballë një porte të zbrazët… Zgjodhi të vendoste dhe goditi, por ndërsa topi ishte gati të… futej në rrjetë, ai goditi shtyllën e djathtë!

Sulmuesi i Ceramikës është rrëzuar përtokë dhe kapi kokën me duar, pasi nuk mund ta besonte atë që kishte humbur, ndërsa të njëjtin reagim pati edhe një bashkëlojtar i cili ishte gati të festonte. Ndodhi futbolli…

🚨 | OLHA O GOL MAIS PERDIDO DE 2023

O gol mais perdido de 2023 saiu dos pés de Ahmed Rayan, jogador do Ceramica Cleopatra em jogo válido pela disputa do terceiro lugar da Supercopa do Egito diante do Pyramids.
pic.twitter.com/Tvoilx66g1

— Only Fut ⚽ (@OnlyFut12) December 28, 2023

Noel Hoxha është 12-vjeçari i njohur që po bën “namin” në rrjetet sociale përmes vlogut të tij.

I ftuar në “ABC e Mëngjesit”, ai u shpreh se së bashku me Luiz Ejllin janë më të famshmit e Shkodrës.

Sakaq, Noeli zbuloi edhe se si e kalon kohën e lirë, duke i dhënë një rëndësi të madhe veshjes, stilimit të flokëve dhe padyshim videove në Youtube që realizon.

“Më ndihmon mami për veshjen time, ndërsa për flokët i stiloj vetë.

Mundohem të jem një vloger serioz, jo të postoj marrina. Mua mi menaxhon mami rrjetet sociale, ndërsa me postimet merrem unë se mami nuk ia thotë fortë. Grupmosha që më ndjek më tepër janë 25-35 vjeç, ka dhe mosha të mëdhaja, gjyshi dhe gjyshet, ka dhe fëmijë, por ata nuk para i menaxhojnë mirë rrjetet sociale.

Unë bëj video për kanalin tim në Youtube në kohën time të lirë, shpenzoj kohë me familjen. Dje që në mëngjes jam çuar vonë se nuk kam shkollë deri në janar, kam shkuar në qendren after school, kam shkuar për të blerë veshjen e sotme, më pas te gruaja e dajës se është bërë me beb, më pas kam shkuar te nëna”, u shpreh Noeli./abcnews.al

Fredi Beleri ka kërkuar sërish që të lirohet nga burgu, por një vendim i tillë është refuzuar nga Gjykata e Posaçme ditën e sotme.

Njoftimi i GJKKO:

Personi nën hetim Dhionisios Alfred Beleri, më datë 26.12.2013 ka paraqitur pranë Gjykatës kërkesën me objekt: Revokim ose zëvendësimin e masës së sigurimit.

2. Në përfundim të gjykimit, Gjykata e Posaçme e Shkallës së Parë për Korrupsionin dhe Krimin e Organizuar me trup gjykues të përbërë nga gjyqtarët Erjon Çela, Irena Gjoka dhe Flora Hajredinaj, bazuar në nenet 112 dhe dhe 260 të K.Pr.Penale, me vendimin Nr. 552, datë 28.12.2023, vendosi:

Rrëzimin e kërkesës së kërkuesit (të pandehurit) Dhionisios Alfred Beleri, me Nr. 522 Regj. Them. Dt. Regj. 26.12.2023 me objekt “Revokim ose zëvendësim të masës së sigurimit personal “Arrest në burg”.

Kundër këtij vendimi mund të bëhet ankim në Gjykatën e Posaçme të Apelit për Korrupsionin dhe Krimin e Organizuar, brenda 5 ditëve, afat i cili fillon nga dita e nesërme e njoftimit të vendimit.

Avokati Idajet Beqiri thotë se ish kryeministri Sali Berisha është personi i parë, i cili do të merret i pandehur për tragjedinë e Gërdecit dhe do të dënohet me burg përjetë.

Në një intervistë për “Ora e Fundit” në ABC News, Beqiri u shpreh se eksekutori i Gërdecit, është i biri i ish kryeministrit, Shkëlzen Berisha, i cili u thirr në GJKKO këtë të mërkurë për të dëshmuar.

Sipas Beqirit, Shkëlzen Berisha ka ndenjur në të njëjtën makinë me një nga dëshmitarët në lidhje me këtë çështje, Kosta Trebocka, përpara se ky i fundit të aksidetohej për vdekje.

“Numri një që do të merret i pandehur dhe do të dënohet me burg përjetë është Sali Berisha. Çernobi ishte ai për kushtet e Shqipërisë. Ekzekutori i Gërdecit është Shkekzen Berisha. Ke lidhje dhe je kryesori në atë pune. Mediu, tani, si të thotë ka lidhje, si të mos e thotë, ka përgjegjësinë e vetes së vet dhe do të përgjigjet. Ka lejuar të ndërtohet një Çernobil, një central me lëndë plasëse që shkatërronte të gjithë dynjanë, ia ka bërë yzmetit deri në fund, ia dhe djalit të kryeministrit. Këtë rrugë ka zgjedhur Mediu, por do përfundoje keq. Problemi është që unë jam i bindur që SPAK po heton ashtu siç duhet.

SPAK-un e kemi ndihmuar edhe ne, faktorët e jashtëm, i kemi thënë që mos të bëjë rolin e të paditurit dhe të padëgjuarit. Këta i gënjen mendja, mendojnë se SPAK vepron si prokuroria e kohës së Saliut. SPAK-u ka metodë tjetër, këta pasi e mbushin dosjen plot, ajo dosja atje është plot, merresh i pandehur, dërgohesh në gjyq dhe merr dënimin, të gjitha këto bëhen brenda ditës. SPAK-ut i kemi thënë, që nuk është shkrimi i Aldo Bumçit, por është urdhri i tij, ia ka dhënë zv.ministrit. Shkëlzeni ka ndenjur me Kosta Trebickën në një makine me xhama të zinj, kanë bërë veprime. Trebicka është piketuar për t’u vrarë nga Berisha, siç ka bërë me të tjerë. Vrau Remzi Hoxhën, solli kasetën për tradhtinë kombëtare të Saliut me Millosheviçin në Ohër. Është sadist, sadizmi duhet luftuar”, theksoi ai./abcnews.al

Një ngjarje e rëndë ka ndodhur në Nju Jork, ku tre persona të armatosur i kanë zënë pritë një nënë 28 vjeçare dhe e kanë vrarë.

Në videon e kamerave të sigurisë shihet momenti kur tre personat e armatosur iu afruan makinës dhe hapën zjarr në makinën që ndodhej 28 vjeçarja së bashku me një 39 vjeçar.

Sipas policisë, 28-vjeçarja, e cila kishte një djalë 4-vjeçar, është qëlluar me plumb në kokë, ndërsa shoferi 39-vjeçar është plagosur. Pas të shtënave, 39-vjeçari ka arritur të shkojë në një komisariat aty pranë ku ka njoftuar efektivët për atë që kishte ndodhur.

https://twitter.com/CollinRugg?ref_src=twsrc%5Etfw%7Ctwcamp%5Etweetembed%7Ctwterm%5E1740199052653048288%7Ctwgr%5E9588882ab33d907153eb17c19214275020f92f58%7Ctwcon%5Es1_&ref_url=https%3A%2F%2Fabcnews.al%2Fvideo-momenti-kur-tre-te-armatosur-i-zene-prite-dhe-vrasin-nje-28-vjecare-ne-nju-jork%2F

/abcnews.al

Quhet “Open Balkan” dhe në të valëvitet flamuri shqiptar. Bëhet fjalë për një nga anijet më të mira të kontinentit e që e zotëron biznesmeni i njohur shqiptar Gjergj Luca.

Në një intervistë për Blendi Fevziun në “Opinion”, nga Porti i Durrësit, ai tregon se kjo anije e prodhuar në Norvegji i ka rënë dy herë rreth e qark rruzullit tokësor plot me shkencëtarë brenda.

-Si quhet anija?

Gjergj Luca: Anija është “Open Balkan”. Kjo është anije research, anije kërkimesh.

-Sa metra?

Gjergj Luca: Rreth 50 metra, është një nga anijet lider në të gjithë Evropën dhe është marrë nga Norvegjia. Është një anije që i ka rënë dy herë rruzullit tokësor me shkencëtarë. Ka qenë një nga anijet krenari të Norvegjisë.

-Dy herë i ka rënë rrotull botës?!

Gjergj Luca: Po, po. Është dhe anije, edhe akullthyese. Çan akullin dhe lundron…Peshon rreth 700 ton, merret me të gjitha kërkimet shkencore të fundit të detit, të të gjithë oqeaneve. Është pjesë jo vetëm e flotës time, por edhe krenari e shqiptarëve dhe Mesdheut. Kam shumë kërkesa prej Italisë e Francës që duan ta marrin./tvklan.al