Category: Lajme

DASHI

Sot nuk do ndiheni aspak të privuar për të shprehur ato që mendoni dhe do keni forcë të madhe bindëse. Nëse jeni në një lidhje do iu pëlqejnë ndryshimet dhe të rejat dhe do doni ta largoni rutinën sa më parë. Flisni me partnerin për këtë sepse së bashku do arrini edhe më shumë. Nëse jeni beqarë do i merrni gjërat më seriozisht dhe nuk do doni aventura pa të ardhme. Mundet edhe t’iu plotësohen dëshirat dhe do keni dashuri me shikim të parë. Jeta profesionale do jete e paqëndrueshme dhe nuk do dini çfarë të bëni më parë. Mos kini besim absolut tek askush. Mos i lini gjërat të rrjedhin vetë në planin financiar sepse mund të keni probleme më pas.

DEMI

Sot do jeni shumë energjikë dhe do e merrni gjithçka me pozitivizëm. Në përgjithësi do kaloni momente pozitive. Nëse jeni në një lidhje duhet të bëni durim dhe përkujdes sepse sot partneri nuk do jetë në humorin e duhur. Po i shkuat kundër do debatoni, ndërsa po pranuat ato që do ju thotë, sikur edhe sa për t’i bërë qejfin, do dilni të fituar. Sipas Horoskopit vip, ju beqarët do e keni mendjen tek jeta profesionale dhe as që do mendoni për dashurinë. Për punën do jeni më të favorizuar ju që nuk e keni tashmë një të tillë. Mund t’iu bëhen propozimet që keni ëndërruar. Në planin financiar nuk do ketë shume fat, por as probleme.

BINJAKËT

Sot do jeni shumë praktikë dhe do e kaloni me lehtësi çdo lloj problemi që mund t;iu dalë përpara. Nëse jeni në një lidhje çdo situata do shkojë në favorin tuaj dhe do merrni atë që dëshironi. Do kaloni edhe më shumë momente intime së bashku me partnerin. Nëse jeni ende beqarë do keni frikë të hidhni hapa sepse do ju duket sikur dashuria është një thikë me dy presa. Në punë do keni ide shumë të mira dhe pa u lodhur shumë do arrini atje ku keni dëshiruar. Do ta kaloni me sukses edhe një sfidë në kompani. Financat rrezikohen goxha nga shpenzimet e pamenduara.

GAFORRJA

Sot do kujdeseni më së shumti për mirëqenien dhe harmoninë e të tjerëve. Të qenit i nevojshëm do ju lumturojë pafund. Nëse jeni në një lidhje duhet ta shfrytëzoni edhe sekondën kur të jeni pranë partnerin sepse për pak ditë ai mund të largohet diku. Shprehini sa më shumë ndjenjat. Nëse jeni beqarë një takim në momentin më të papritur mund të sjellë ndryshimet që as i kishit menduar. Puna d jetë shume e qetë dhe do realizoni pa problem çdo objektiv që i kishit vënë vetes. Financat do jenë edhe më të qëndrueshme kështu që mos u shqetësoni.

LUANI

Sot do jeni të vëmendshëm ndaj gjithckaje dhe do arrini të përfitoni nga çdo situatë. Nëse keni një lidhje do afroheni jashtëzakonisht me partnerin, do dashuroheni me pasion dhe do iu vini kapak problemeve të vjetra. Të dyja palët do kënaqeni pafundësisht. Nëse jeni beqarë do realizoni më në fund një takim fiks ashtu si e kishit ëndërruar dhe zemra do rrahë fort. Këto që do ndodhin sot do ua ndryshojnë përgjithmonë të ardhmen. Në punë duhet të organizoheni pak më mirë dhe të mbani përgjegjësi për çdo hap. Nuk priten probleme sot. Financat do dini si t’i menaxhoni dhe nuk do gjendeni në vështirësi.

VIRGJËRESHA

Do jeni në humor të shkëlqyer gjatë kësaj dite dhe gëzimin do ua transmetoni edhe të tjerëve. Nëse jeni në një lidhje keni për të kaluar vetëm momente pozitive dhe të mbushura me gëzim. Momentet pasionante shpesh do jenë goxha të forta. Në punë do dini si ta joshni dikë dhe mbrëmja ka për të qenë plot ngjyra. Rrahjet e zemrës do shtohen si kurrë ndonjëherë më parë. Në punë do i bëni gjërat sipas rregullave dhe nuk do anashkaloni asgjë. Gjithçka do ju ecë perfekt. Shpenzimet duhet t’i kryeni me kujdes edhe pse në fakt gjendja nuk ka për të qenë aspak e keqe.

PESHORJA

Sot është koha të bëni një pushim para një nisjeje të re. Reflektoni, meditoni e me pas veproni. Nëse jeni në një lidhje, jeta juaj në çift do jetë shumë e mirë. Nuk do keni debate të forta me partnerin dhe të dy palët do i pranoni gabimet vetjake. Ju beqarët duhet të mendoheni mirë para se te hidhni hapa sepse më pas mund të lëndoheni. Në punë do keni disa dyshime për hapat që do hidhni, por gjithsesi do guxoni. Në fakt sipas Horoskopit vip, keni për t’ia dalë. Edhe buxhetin po e menaxhuar si duhet keni për të pasur përfitime.

AKREPI

Do jeni plot energji, besim, dinamizëm dhe kurajë sot. Çdo qellim qe do i vini vetes keni për ta arritur. Nëse jeni në një lidhje, edhe sikur të keni shumë kohë bashkë, keni për ta kaluar një ditë vërtet të veçantë sot. Në çdo moment do bëni surpriza dhe do ndiheni për mrekulli. Ju beqarët nuk duhet të nxitoheni edhe sikur dikush t’iu pëlqejë tej mase sepse nesër kanë për të pasur ditë të ndërlikuara. Nëse në punë kohët e fundit keni pasur ndërlikime, sot gjithçka do jetë më e qartë dhe do hidhni hapa më të sigurta drejt suksesit. Buxheti do jetë aq i mirë saqë mund të blini çdo gjë që do dëshironi.

SHIGJETARI

Sot do jeni të gatshëm të bëni çdo lloj gjëje që gjithçka te ecë sa më mirë. Do ndërtoni ura lidhëse edhe me disa persona që më pare nuk i keni pëlqyer aspak. Nëse jeni në çift dhe keni një lidhje të fortë, do të dyfishohet pasioni ndërmjet jush dhe partnerit. Nëse lidhja juaj ka probleme atëherë duhet të luftoni shumë që t’i bëni ballë tradhtive. Klima për ju beqaret do jetë e ngrohtë. Përfitoni sa më tepër për të realizuar njohje të reja. Në punë do ju bëhet një propozim interesant nga i cili duhet të përfitoni sa më shumë. Urani do iu bëjë të tregoheni të matur me financat dhe do iu ndihmojë të filloni një projekt të ri në jetën profesionale.

BRICJAPI

Sot do jeni shumë romantikë, joshës dhe do bëni të pamundurën që çdo çast të jetë sa më i veçantë. Nëse keni tashmë një lidhje do bëni gjithçka që të mos e ndërlikoni jetën, por ta bëni atë edhe më të bukur. Pasditja dhe mbrëmja do jene më të këndshme. Ju beqarët do jeni paksa ëndërrimtarë dhe të paqëndrueshëm në mendime, por për fatin e mirë yjet do i keni në krah. Në punë keni për të qenë kreative dhe shumë të vendosur për të arritur ato që doni. Askush nuk do ua pengojë vrullin. Në planin financiar vështirë ta kaloni ditën pa probleme sepse nuk do e përmbani dot veten për të shpenzuar.

UJORI

Sot nuk duhet t’ia lini gjërat momentin, por duhet të organizoheni dhe të bëni çdo gjë me plan. Nëse jeni në një lidhje do vijë qetësia pas një periudhe stuhie. Në disa momente do ju duket vërtet sikur keni rilindur. Dashurinë njëri-tjetrit do ja shprehni pa dorashka. Nëse jeni beqarë duhet të mendoni se çfarë doni me të vërtetë të bëni e me pas të veproni. Saturni dhe Hëna do bëhen bashkë për t’i ndihmuar në planin financiar dhe do i kaloni të gjitha vështirësitë. Në planin financiar do keni përmirësime të papritura dhe të pamenduara ndonjëherë më parë.

PESHQIT

Tensioni do mbizotërojë gjatë gjithë kohës sot dhe gjërat nuk do ju ecin ashtu si e kishit menduar. Kujdes në çdo moment. Nëse jeni në një lidhje po nuk bëtë lëshime situata do ju ndërlikohet edhe më shumë. Nuk do keni aspak besim tek partneri dhe nuk do hidhni asnjë lloj hapi. Ju beqarët mos i humbni shpresat deri ne orët e fundit, megjithatë nuk është se pritet ndonjë gjë e jashtëzakonshme. Në punë do jeni kreativë dhe do mundoheni t’i bëni gjërat sa më mirë. Do ju dalin vështirësi dhe ato do nxiten kryesisht nga kolegët. Shpenzimet do jene shumë herë më delikatë se më parë. 

Reperi i njohur shqiptar, Mozzik, ka vizituar në Hagë krerët e Ushtrisë Çlirimtare të Kosovës të cilët po gjykohen nga Dhomat e Specializuara të Gjykatës Speciale në Hagë.

Në një postim në rrjetet sociale ai ka publikuar një foto para Gjykatës Speciale, teksa në mbishkrimin e bërë shprehet se krerët e UÇK-së që dikur morën armët për të çliruar Kosovën, sot po e paguajnë shtrenjtë çmimin e lirisë.

“Vizita në burg te Kadri Veseli është një rrugë pikëlluese në një peisazh të errët, ku drita e lirisë shuhet në prangat e mbylljes.

Në këtë vend të ndaluar, emocionet e humbjes dhe shpresës përplasen në një përjetim të thellë të vuajtjes së njeriut, duke përforcuar nevojën për drejtësi dhe për një të ardhme më të ndritshme.

Vallai Kadria o burrë amo burrë burrë ata që e njofin e njofin. Disa djem atëherë me disa armë që morën rrugën për me çliru Kosovën , po rrinë në burg . Po e paguajnë shumë shtrenjtë çmimin e lirisë . E dhimbshme , e trishtë se në çfarë horizonte është lakuar lufta e pastërt e UÇk-së . Lutem që rinia,brezi i ri të informohet me historinë e shtetit tonë më shumë , me luftën me lirinë dhe me gjithçka që po kalojmë. Biseduam shumë gjëra frymëzuese e besa edhe qeshëm shumë së bashku.

Të fala keni të gjithë ! Zoti iu dhashtë shëndet e forcë ta mbroni këtë rrugëtim të lirisë të shtetit tonë Kosovë”, shkruan ai.

Një ngjarje tragjike ka ndodhur mbrëmjen e së premtes në rajonin e Reggio Emilias në Itali.

Mediat italiane shkruajnë se dy të rinj kanë humbur jetën dhe një tjetër është plagosur rëndë pasi disa skela, që ishin ngarkuar në një kamion ranë mbi makinën me të cilën po udhëtonin.

Skelat ranë nga kamioni mbi makinën e cila ishte pas, duke shkaktuar vdekjen e dy të rinjve, 19 dhe 21 vjeç. Shoferi i kamionit është arrestuar nga policia, pasi u largua nga vendngjarja.

Dafina Zeqiri dhe Kreshnik Gjergji janë një nga çiftet më të komentuar së fundmi e duket se dyshja kanë vendosur ta shijojnë publikisht lidhjen e tyre.

Këtë herë ishte Kreshniku ai i cili ndau një video nga shtrati me partneren e tij. Dafina shihet teksa hidhet në krevat, por mesa duket Kreshniku nuk është aspak i lumtur për këtë, i cili në fund të videos dëgjohet të thotë: “Boll tani boll”.

“7:30 e paradites. Fëmijë i gëzuar“, duke iu referuar kështu Dafinës.

https://www.epovid.com/embed/558ab83ad8e19432e3d7

Trupi i 22-vjeçares Julia Cechetin u gjet mëngjesin e së shtunës në një rrjet vaditjeje në verilindje të Italisë, jashtë qytetit të Pordenones, pas disa ditësh hetime për gjetjen e saj.

Vajza ishte zhdukur për një javë, vetëm dy ditë para se të merrte diplomën e saj.

Dyshimet ranë menjëherë mbi të fejuarin e saj, Filippo Tourretta, i cili thuhet se ishte xheloz për karakterin e saj dinamik dhe krijues.

Të premten u bë e ditur se karabinierët kanë në duar një video, në të cilën Turretta sulmon Julian dhe më pas e tërheq zvarrë në makinën e tij të gjakosur.

Për këtë, siç u bë e ditur të shtunën, ndaj tij është lëshuar një fletarrest ndërkombëtar.

Targat e makinës së tij thuhet se janë kapur nga kamerat në Tirolin Lindor, Austri.

Pasi mori mjekim në spital, vajza u largua në banesë

Një vajsë 5-vjeçare është dërguar në spital për të marrë mjekim pasi është dëmtuar në kopësht.

Mësohet se e mitura ka rënë aksidentalisht në ambientet e kopshtit dhe është dërguar për mjekim. Pasi mori mjekim, e mitura është dërguar në shtëpi me familjarët.

Njoftimi i Policisë:

Në spitalin e Elbasanit është dërguar për të marrë ndihmë mjekësore një 5-vjeçare, banuese në Elbasan. Nga veprimet hetimore dyshohet se 5-vjeçarja është rrëzuar aksidentalisht, në ambientet e kopshtit ku qëndron. Pasi mori mjekim në spital, vajza u largua në banesë, me familjarët e saj.

Një grup trafikantësh droge që kryesohej nga dy vëllezër shqiptarë është dënuar në total me më shumë se 70 vite burg në Angli.

Grupi i krimit të organizuar që udhëhiqej nga vëllezërit shqiptarë Edmund dhe Eduard Haziri, kryente veprimtarinë kriminale në South Derbyshire, North-ëest Leicestershire dhe East Staffordshire, ku shisnin drogë të “klasit A”.

Ata u goditën nga operacioni policor “Eddie Line”. Kushëriri i vëllezërve Haziri, Gazmend Hoxha, do të udhëtonte për në Londër nga shtëpia e tij në Leicester për të marrë drogën dhe për të marrë paratë, përpara se të kthehej në Midlands për të rifurnizuar tregtarët e shumtë të bandës.

Drogën, të cilën e mbështillnin me bileta, ata ua shisnin deri në 145 klientëve në ditë, duke fituat qindra mijëra paund gjatë një viti.

Por banda u godit në mars të vitit të kaluar, kur një ekip i udhëhequr nga detektivët e Derbyshire bastisi të gjithë vendin – duke arrestuar vëllezërit Haziri dhe rrethin e tyre të ngushtë.

Dje, një nga anëtarët e fundit të bandës, Razvan Manoliu, u dënua në Derby Croën Court, duke i dhënë fund perandorisë së tyre të trafikut të drogës.

“Linja Eddie ishte përgjegjëse për helmimin e rrugëve tona me drogra. Me paratë e drogës ata jetuan jetë luksozë dhe gjetkë, ndërsa kokaina që shitën në Midlands shkatërroi familjet” -tha Inspektori i cili drejtoi hetimin, Kane Martin.

“Vëllezërit Haziri dhe banda e tyre tani po kalojnë shumë vite prapa hekurave dhe shpresoj se kjo dërgon një mesazh shumë të qartë për këdo tjetër të përfshirë në tregtinë e drogës: ne do t’ju kapim, do t’ju nxjerrim para gjykatave dhe do t’ju ndalojmë të përhapni mjerim dhe varësi në komunitetet tona.”- shtoi ai.

Anëtarët e bandës u akuzuan për komplot dhe shpërndarje kokaine. Të gjithë u dënuan në Gjykatën Derby Croën si vijon.

Edmund Haziri, 36 vjeç, pa adresë fikse- i dënuar me 15 vjet burg.

Eduard Haziri, 34 vjeç, nga Shardeloes Road, Lewisham, Londër – i burgosur me 15 vjet e gjashtë muaj.

Grazmend Hoxha, 47 vjeç, nga Denis Close, Leicester – i dënuar me 11 vjet burg.

Alban Krasniqi, 34 vjeç, nga Blackheath Hill, Londër – i dënuar me nëntë vjet burg.

Samuel Stoica, 25 vjeç, nga Burton Crescent, Wolverhampton – i burgosur për tetë vjet e tre muaj.

Simion Stoica, 22 vjeç, nga Jeremiah Road, Wolverhampton – burgosur për tre vjet e gjashtë muaj.

Kristi Prifti, 23 vjeç, pa adresë fikse – i dënuar me katër vjet burg.

Joshua Garrigan, 32 vjeç, nga Charnborough Road, Coalville – burgosur për dy vjet e tetë muaj.

Razvan Manoliu, 27 vjeç, nga Village Mews, Burton-upon-Trent – ​​burgosur për dy vjet e tetë muaj.

Daniel Stavrat, 29 vjeç, pa adresë fikse – do të dënohet muajin e ardhshëm./tc

Një ngjarje e rëndë ka ndodhur një ditë më parë në një spital në Britani, ku një shqiptar ka ndërruar jetë, ndërsa ndodhej prej disa ditësh në kujdes intensiv.

Sipas “The Guardian” 37-vjeçari shqiptar, i arrestuar në Angli, ka ndërruar jetë ditën e djeshme në spitalin East Surrey, në Redhill.

Lajmi është konfirmuar vetëm ditën e sotme nga Home Office.

“The Guardian” raporton se shqiptari kishte tentuar të vriste veten rreth një javë më parë në qendrën e emigrantëve të paligjshëm “Brook House”, pranë aeroportit Gatwick.

37-vjeçari Alfred Dosku, u dërgua në njësinë e kujdesit intensiv, por fatkeqësisht nuk ka mundur të mbijetojë. Policia, mjeku ligjor dhe avokati kanë nisur hetimet.

Ndërkohë, mediat britanike raportojnë se edhe një tjetër shqiptar ka tentuar të vrasë veten në kampin e emigrantëve të paligjshëm.

Pas tentativës për vetëvrasje, shqiptari i dytë u deportua në Atdhe, por u rikthye në mënyrë të menjëhershme në Angli pas një sfide ligjore nga avokati i tij, i cili aplikoi për anulimin e urdhrit të tij të dëbimit.

Kualifikimi i Shqipërisë në Euro 2024 ka pushtuar faqet e para të mediave botërore, pasi bëhet fjalë për herën e dytë në histori që kuqezinjtë shkojnë në një turne madhor, por sidomos për faktin se po shkon atje si kryesuese grupi.

Dhe kjo arritje e rëndësishme për futbollin tonë ka një arkitekt, brazilianin Silvinjo, puna e të cilit padyshim vlerësohet nga tifozët dhe specialistët në vendin tonë, por po bën bujë edhe në skenën ndërkombëtare.

Gazeta prestigjioze sportive spanjolle ”AS” i ka kushtuar një artikull trajnerit të kuqeznjve, duke kujtuar rrugëtimin e tij derisa erdhi në drejtimin e Shqipërisë, por edhe punën që ka bërë këtu përkrah Zabaleta e Doriva.

“Kampion te Barça dhe hero në Shqipëri, mrekullia e re e Silvinjos”, titullohet artikulli në fjalë i “AS’ që përshkruan eksperiencën kuqezi të tijën nëpërmjet fjalëve dhe shpjegimeve të video–analistit të Kombëtares, Alariko Rosi.

“Zabaleta dhe Silvinjo ishin mbrojtës dhe Doriva një pitbull i mesfushës. Ata kërkojnë shumë vëmendje në fazën mbrojtëse që më pas të ndërtojnë duke pasur mbajtjen e topit. Kërkohet shumë ekuilibri, sakrifica… ekipi është shumë i disiplinuar. Sakrifica e lojtarëve është shumë e rëndësishme dhe e madhe, por luajnë me shumë zemër dhe rezultatet janë shumë të rëndësishme”, shpjegoi ai arsyet e këtij kualifikimi historik.

“Silvinjo është një trajner i pabesueshëm. Shumë detajist. Ka një super shkollë pasi ka punuar me Guardiolën, Venger, Mançinin, Rajkard… Ai ishte një lojtar i cili ka fituar dy herë Ligën e Kampioneve. Doriva fitoi “Toyota Cup” në vitin 1993 në San Paolo kundër Milanit me Tele Santana. Më pas, ai dhe Silvinjo kishin trajnerë Karlos Alberto Parreira dhe Mario Zagallo në Brazil.

Zabaleta gjithashtu ishte me Guardiolën e më pas me Pelegrinin apo Mançinin. Pablo gjithashtu ka luajtur për Maradonën në kombëtare. Me përjashtim të Murinjos, kanë punuar me më të mirët. Është një përzierje e pabeseshme”, tha ndër të tjera ai në këtë artikull që i kushtohej suksesit kuqezi.

Një 26-vjeçar nga Fier -Shegani humbi jetën si pasojë e një aksidenti mëngjesin e sotëm.

Viktima Eri Naska, punonte si inxhinier mekanik në pikën e kontrollit të automjeteve në Fier.

I riu humbi kontrollin e makinës tip “Benz” dhe për pasojë automjeti ka dalë nga rruga.

Si pasojë e daljes nga rruga, 26-vjeçari ka ndërruar jetë. Grupi hetimor po punon për zbardhjen e rrethanave të aksidentit.

Miqtë e tij kanë shprehur dhimbjen përmes postimeve në rrjetet sociale.