Category: Lajme

Ish-zv/kryeministri Arben Ahmetaj ka artikuluar një tjetër akuzë të drejtpërdrejtë ndaj kryeministrit Edi Rama, duke deklaruar se kreu i qeverisë ka ndërtuar brenda shtetit disa “depozita” për interesa kriminalo-financiare.

Në intervistën e tij në Syri TV, Ahmetaj ka përmendur me emra institucione dhe zyrtarë të lartë që sipas tij mbrohen politikisht për shkak të rolit që luajnë në këtë skemë.

Arben Ahmetaj: Edi Rama ka krijuar organizatës katër depozita të interesave të veta kriminalo-financiare. Bashkia e Tiranës, Ministria e Infrastrukturës me Plaçkicën, AKSHI, kopshti privat i tij, dhe shtatë-tetë vitet e fundit shëndetësia. Për shëndetësinë do flasim herës tjetër siç e diskutuam, edhe për ëh tagmën e tokave. Ju e dini, unë ju tregova. Thotë, në emailin tim, 1000 Nesti Angoni dërgojnë denoncime.

-Pra ju po thoni, Erjon Veliaj, Belinda Balluku, AKSHI dhe Ogerta Manastirliu janë…

Ahmetaj: Janë depozita. Kjo është arsyeja, kjo është arsyeja pse ka, është sjellë ndryshe me ata dhe ndryshe me mua. Kjo. Pyetja jote ishte pse ata i mbron? Unë do isha i turpëruar të më mbronte një organizatë.

Gjatë një tjetër interviste në Syri TV, Ahmetaj u shpreh se prej vitesh ka luftuar kthimin e vendit në një republikë narko-trafikante dhe se për këtë disponon dosje dhe dokumente.

Arben Ahmetaj: Unë kam këtu dosjet edhe letra. Unë e kam luftuar aq sa ç’kam mundur, kthimin e Shqipërisë në një republikë narko-trafikante. Që nga 2014-a, që nga 2015-a. Shikoni çfarë ka ndodhur me AKSH. Imagjinoni sikur unë të kisha rënë dakord që të kishim lënë projektin e TVSH-së, të Tatimit të Vlerës së Shtuar, në dorë të privatëve që nuk e dimë se kush do ishin, por siç tregojnë faktet, një pjesë e tyre të lidhur drejtpërsëdrejti me krimin. Gjithë të dhënat e tatimpaguesve. Siç janë të dhënat personale. E di ti, zoti Peka, çfarë pasurie kanë njerëzit në Shqipëri? Përveç shtëpisë e, nuk po i hyj. Janë të dhënat. Shqipëria çfarë ka, ka ar, ka uranium? Janë të dhënat personale. Të dhënat personale dorëzohen në dorë të krimit të organizuar. Por policisë është e përfshirë, kupola e policisë. Nuk po flas për policinë e thjeshtë. Është e përfshirë. Po mo. A janë futur duart në TIMS? Po mo. A, një nga tenderat më të sigurisë kibernetike, është një kompani e akuzuar për organizatë kriminale, person. Po. A janë përdorur këto të dhënat personale gjatë zgjedhjeve? Po. Janë përdorur.

Për shkak të protestës që zhvillojnë fermerët në Greqi, aksi rrugor Kakavijë-Janinë nuk do të jetë funksional për qarkullimin e automjeteve për 48 orë duke filluar nga ora 12:00 (me orën greke).

Policia e kufitare e Kakavijës bën me dije se do të lejohet vetëm qarkullimi i mjeteve për emergjenca shëndetësore.

“Policia Kufitare Kakavijë, nëpërmjet qendrës së përbashkët të shkëmbimit të informacionit Kakavijë, është njoftuar nga Policia Kufitare Greke se ditën e sotme, për 48 orë duke filluar nga ora 12:00 (me orën greke), aksi rrugor Kakavijë-Janinë, në kryqëzimin e fshatit Kallpaq,

do të jetë i bllokuar për shkak të protestës që do të zhvillojnë fermerët. Do të lejohen të qarkullojnë vetëm automjetet që do të kenë emergjenca shëndetësore”, thuhet në njoftimin e policisë.

Post navigation

Moderatori i emisionit “Opinion” Blendi Fevziu, i është përgjigjur përmes një postimi në rrjetet sociale kryeministrit Edi Rama, pasi ky i fundit hodhi poshtë deklaratat e gazetarit se ministra të qeverisë, përgjatë fundjavave janë në udhëtime private.

Fevziu shkruan se është çuditur se në kohën kur Shqipëria ishte “nën ujë” dhe një zjarr i madh shpërtheu në Tiranë, problemi “i vetëm që meriotonte polemikë ishin daljet në TV të Ministrave”.

Më tej gazetari shkruan se postimi i Ramës tregoi një ngërç që ka shoqëria shqiptare nuk e ka kaluar, ndryshe nga shoqëritë e tjera që e kanë kapërcyer. Ndërsa thekson se kryeministri kishte rënë pre e mendësisë së qeverisë së tij.

“Duke rrëmuar në profilin tim në Instagram kishte parë postimet e mia të ditëve të fundit gjatë një turi në Amerikën e Jugut. Turi është bërë në Gusht, kur ishim pushim, ndërsa postimet e videove shtesë i postova këto ditë. Dmth ishin si videot e ministrave të tij, por me një ndryshim: Unë s’kam kurrë në 33 vitet e fundit punonjës publik, as jam paguar nga taksat e qytetarëve dhe as e kam detyrim t’ju përgjigjem atyre”, thekson gazetari në postimin e tij.

Më tej Fevziu kishte një thirrje për qytetarët, teksa shkruan se nëse i shqetësojnë udhëtimet e tij dhe problemet e tyre, të qeverisë, është problemi i tyre.

Postimi i plotë i Fevziut:

Per postimin e Edi Rames…

Kryeministri i Shqipërisë ishte shqetësuar nga një fragment i emisionit të djeshëm në Opinion, ku ministrat dhe drejtorët e tij sfilonin mes sipërfaqeve të përmbytura duke bërë muhabet me vete. Po po, me vete, duke u parë në sy, ndjekur nga një kameraman i ministrisë që ecte mbrapsht. Këto pamje të transmetuara live thuajse kudo, ishin për mua, jo vetëm një shëmtim moral, por edhe një lloj papërgjegjshmërie, që ministrave të sotëm i vjen nga impotenca e ideve, mungesa e karizmës dhe personaliteti i gjymtuar. Por s’do zgjatem në këtë pikë se meriton një shkrim më vete. Dhe javët e fundit kanë plot histori që mund të tregohen për këtë gjë…

U çudita që me 1/3 e Shqipërisë nën ujë; me një zjarr që shkumboi miliona dollarë të tregtarëve të vegjël të Tiranës, me krizën parlamentare të shkaktuar nga kërkesa e SPAK për ndryshimin e masës së sigurisë ndaj një anëtare të Kabinetit dhe nga akuzat për problemet në AKSH, problemi i vetëm që meriotonte polemikë ishin daljet në TV të Ministrave.

Po, daljet në çdo ekran të ministave që bëjnë muhabet me vete, ose që diskutimet e zyrës i bartin në ndonjë cep të Shqipërisë duke shpenzuar kohën që duhet t’ja kushtojnë qytetarëve, është vërtet një shëmtim. Shumica nuk i pranojnë gazetarët, i montojnë lajmet me ekipet e tyre dhe i përcjellim pa asnjë mundësi verifikimi. Ndaj dje, vura bashkë me imazhin e tyre, atë të Presidentit të SHBA, ose Prokurores së Përgjithshme, ku tregohej se kudo, shtetarët i japin llogari shtypit, jo kameramanit të Ministrisë.

Akoma më shëmtim, është fakti që këto kronika transmetohen edhe disa ditë më pas, kur protagonistët e tyre janë në impenjime të tjera ose s’janë fare në Shqipëri. Nëse doni një shembull, mjafton të kujtoni se si Veliaj ishte në një event të bashkisë “Live”, kur BKH e mori nga zyra e tij. Dhe shikuesit nuk kuptonin më lëjmet që ju vinin me njoiftim për arrestimin, ndërkohë që ai vijonte të fliste në ekran. E njëjta gjë ka ndodhur edhe kur Ministra të tjerë kanë qenë në Vienë apo Emirate dhe ndërkohë shfaqeshin në ekran. Por të jap të drejtë, kjo ska ndonjë rëndësi. Rëndësi kanë dy fake:

1. E para që llogaridhënia përpara shtypit nga ministrat është zero, po zero

2. E dyta që shtypi është përgjegjës më i madh se Ministrat që jua transmeton kronikat e tyre. Po, përgjegjësia është e JONA!

Ndërkohë postimi i Ramës dhe mesazhet që mora, më bënë të kuptoj më mirë pse shoqëria shqiptare ka një ngërç që shumë shoqëri të tjera e kanë kapërcyer. Për fat të keq, Rama ishte pre e mendësisë së qeverisë së tij. Duke rrëmuar në profilin tim në Instagram kishte parë postimet e mia të ditëve të fundit gjatë një turi në Amerikën e Jugut. Turi është bërë në Gusht, kur ishim pushim, ndërsa postimet e videove shtesë i postova këto ditë. Dmth ishin si videot e ministrave të tij, por me një ndryshim: Unë s’kam kurrë në 33 vitet e fundit punonjës publik, as jam paguar nga taksat e qytetarëve dhe as e kam detyrim t’ju përgjigjem atyre. Dhe. Und të postoj kur të dua sepse nuk gënjëj njeri. Aq më shumë që pjesa më e madhe e tyre mban shënimin Gusht 2025. Unë jam një qytetar i lirë, që e ndërtoj jetën si dua, dhëntë zoti ta kem ndërtuar mirë,. Kur Rama të jetë edhe ai i lirë, do ta kuptojë që kjo jetë e imja, është më interesante se sa ajo që ka zgjedhur ai, dhe të cilën, ai e di shuuumë mirë, unë e kam refuzuar më shumë se sa një herë. Kam bërë gabim a jo pak rëndëesi ka. Dhe vijoj ta refuzoj.

Së fundi, më lanë pa mend komentet dhe kurioziteti i njerëzve se përse më kishin kthyer mbrapa nga Venezuela. Të dashur ndjekës, nuk e di pse Rama zgjodhi Venezuelën, çështje subkoshience, por po tallej. Dhe e thoshte vetë që tallej. Mos i merrni edhe talljet dhe shakatë për të vërteta se pastaj problemi nuk është ai që bën shaka, por ai që e beson dhe e bën temë bisede shakanë.

Kategoria e fundit e këtij postimi janë “konspiracionistët”. Ata që më thoshin mos ju përgjigj se heq vëmendjen, ose të tjera që thoshin është strategji për të hequr vëmendjen.

Zonja dhe zotërinj, nëse një diskutim se si duhet të dalin ministrat në tv tërheq vëmendjen më shumë se hallet dhe problemet tuaja, pastaj problemi nuk është Rama, por jeni JU!

E fundit, Rama e di shumë mirë se si ka qenë përballja e shtypi me politikën. Dhe mbase ende është i vetmi që vijon të ketë kurajo të përballet në emision me gazetarë ose intervista. Ndaj unë e pres në studio me 4 nga panelistët e djeshëm, për të folur për gjithçka që e shqetëson. Të paktën deri më sot, Rama nuk e ka patur vesin e vartësve të tij, që kërkojnë të caktojnë edhe gazetarët me të cilët do dalin në TV. Nëse vjen mirëse të vijë…

https://www.facebook.com/plugins/video.php?height=476&href=https%3A%2F%2Fwww.facebook.com%2Freel%2F1611111090046365%2F&show_text=false&width=267&t=0

https://www.facebook.com/plugins/video.php?height=476&href=https%3A%2F%2Fwww.facebook.com%2Freel%2F1611111090046365%2F&show_text=false&width=267&t=0

Mbrëmjen e djeshme, ish-zv.kryeminitri Arben Ahmetaj në Syri TV denoncoi, projektin ‘Smart City’.

Projekti që parashikon instalimin e mijëra kamerave të sigurisë në të gjithë vendin.

Ahmetaj u shpreh se me vizitën e një ish-ministri të Brendshëm, është zgjedhur një kompani “X”, por pa përmendur emrin e ish-anëtarit të qeverisë.

VoxNews ka mësuar se ish-ministri i Brendshëm është Taulant Balla, sot kreu i grupit parlamentar socialist.

Siç e dëshmon edhe fotoja e mëposhtme ish-ministri Balla me datë 23/04/2024 firmosi gjatë vizitës zyrtare dy ditore në Abu Dhabi, marrëveshjen për zhvillimin e projektit SMART CITY nës disa qytete të Shqipërisë.

Marrëveshja për zhvillimin e projektit SMART CITY në disa qytete të Shqipërisë

Sipas të dhënave të zbuluara, kostoja e cila ishte 60 milionë dollarë është shumëfishuar në 140 milionë një fond i siguruar si kredi nga Abu Dhabi dhe i dhënë pa tender një kompanie specifike.

Shifrat alarmante sipas Ahmetajt: një kamerë trupi për efektivët e policisë, e lidhur me sistemin qendror, kushton 15,723 dollarë, ndërsa një kamerë për monitorimin e trafikut arrin vlerën 52,000 dollarë.

Këto kosto konsiderohen gjashtë deri në shtatë herë më të larta se vlera reale e tregut.

Ish-zv.kryeministri Ahmetaj shtoi se kontrata i jep një kompanie nga një vend jashtë NATO-s akses në infrastrukturën kritike dhe në të dhëna sensitive të qytetarëv.

Sipas tij, flitet për rrezikun e përdorimit të një “teknologjie armiqësore” (hostile technology), duke e vënë sigurinë e vendit në duar të paçertifikuara sipas standardeve të Aleancës.

©Copyright Vox News

Ish zv.kryeministri Arben Ahmetaj ka ngritur publikisht pikëpyetje të forta mbi projektin e terminalit doganor të Lidl në Shqipëri, duke e cilësuar atë si një rast që kërkon hetim të thelluar publik dhe institucional për mënyrën se si është zbatuar ligji për investimet strategjike.

Sipas Ahmetajt, Lidl ka përfituar një terminal doganor me kontratë 35-vjeçare dhe rinovim automatik, ndërsa në një rreze prej 5 kilometrash nuk lejohet asnjë aktivitet tjetër i ngjashëm.

Ai theksoi në syri TV se kjo situatë ka sjellë shpronësime masive të pronarëve privatë, jo në funksion të një interesi të gjerë publik, por në favor të drejtpërdrejtë të një subjekti privat që sipas tij duhet investiguar.

Ahmetaj deklaroi se pronarët janë shpronësuar për llogari të Lidl, duke vënë në dyshim konceptin e interesit publik që justifikon ndërhyrjen e shtetit.

Sipas tij, magazina doganore po jepet pa u ndërtuar ende porti përkatës, gjë që e bën edhe më të paqartë gjithë skemën.

Ahmetaj ngriti dyshime të forta se ligji për investimet strategjike është shfrytëzuar në mënyrë kriminale, duke e cilësuar këtë praktikë si grabitje të pasurisë publike dhe private.

Sipas Ahmetajt, dhënia e një magazine doganore në këto kushte, pa plotësuar kriteret bazë infrastrukturore, është një precedent i rrezikshëm që duhet ndalur.

Në deklaratën e tij, Ahmetaj theksoi se rreth projektit Lidl ka shumë thashetheme për aktorët që qëndrojnë realisht pas tij, duke bërë thirrje që kjo çështje të hetohet nga gazetarët, opinioni publik dhe institucionet shqiptare.

“Kush qëndron pas Lidl, le ta zbulojnë gazetarët. Kjo skemë duhet ndalur”, u shpreh Ahmetaj, duke e cilësuar rastin si një test serioz për transparencën, ligjshmërinë dhe mbrojtjen e interesit publik në vend.

Danimarka ka konfirmuar se një rregull ushtarak i vitit 1952 mbetet ende në fuqi dhe parashikon që trupat daneze të hapin zjarr menjëherë në rast të një pushtimi të huaj të territorit të saj, përfshirë edhe Groenlandën, pa pritur urdhra nga zinxhiri më i lartë komandues.

Lajmi është raportuar nga The Telegraph, duke cituar Ministrinë daneze të Mbrojtjes, e cila thekson se rregulli zbatohet ekskluzivisht në rast të një pushtimi ushtarak dhe jo për incidente diplomatike apo prani të zakonshme ushtarake.

Sipas këtij parimi, nëse trupa të huaja zbarkojnë në territor danez, ushtarët në terren kanë detyrimin ligjor të reagojnë menjëherë me forcë, pa pritur konfirmim apo udhëzime shtesë nga komanda qendrore. Doktrina përmblidhet qartë: “mbro fillimisht, heto më pas”.

Groenlanda në qendër të vëmendjes strategjike

Rikujtimi publik i këtij rregulli vjen në një kontekst të ndjeshëm gjeopolitik, ku Groenlanda ka marrë rëndësi të veçantë strategjike për shkak të pozicionit të saj në Arktik, burimeve natyrore dhe interesit në rritje të fuqive të mëdha, përfshirë Shtetet e Bashkuara.

Megjithëse Danimarka dhe SHBA-të janë aleate në kuadër të NATO-s, autoritetet daneze sqarojnë se ligji nuk bën përjashtime për aleatë, nëse skenari përfshin një pushtim të mirëfilltë ushtarak pa pëlqimin e Kopenhagenit.

Doktrinë e Luftës së Ftohtë, ende aktive

Rregulli daton nga periudha e Luftës së Ftohtë, kur frika nga një sulm i papritur e bënte të domosdoshme reagimin e menjëhershëm në terren.

Fakti që ai mbetet ende në fuqi tregon se Danimarka vazhdon ta konsiderojë sovranitetin territorial si një vijë të panegociueshme, pavarësisht ndryshimeve në arkitekturën e sigurisë globale.

Ministria e Mbrojtjes thekson se ky është një mekanizëm mbrojtës ekstrem, i projektuar për skenarë po aq ekstremë, dhe se politika zyrtare e Danimarkës mbetet bashkëpunimi dhe koordinimi me aleatët.

Megjithatë, mesazhi është i qartë: në rast pushtimi ushtarak, armët flasin para diplomacisë.

Shtëpia e Bardhë nuk ka përjashtuar mundësinë që Shtetet e Bashkuara të përdorin forcën për të marrë kontrollin e Groenlandës, territor autonom që i përket Mbretërisë së Danimarkës.

Si Danimarka, ashtu edhe Shtetet e Bashkuara janë vende anëtare të NATO-s, çka e bën këtë skenar veçanërisht të ndjeshëm në aspektin e sigurisë ndërkombëtare.

1- Çfarë do të ndodhte nëse një shtet i NATO-s do të sulmonte një tjetër?

Një situatë e tillë nuk parashikohet nga NATO-ja. Aleanca, e themeluar në vitin 1949, është ndërtuar si një organizatë mbrojtëse për të garantuar sigurinë kolektive të vendeve anëtare. Kryeministrja daneze, Mette Frederiksen, ka deklaruar se “nëse Shtetet e Bashkuara do të zgjidhnin të sulmonin një vend tjetër të NATO-s, atëherë gjithçka do të merrte fund, përfshirë vetë NATO-n dhe arkitekturën e sigurisë që është ndërtuar që nga fundi i Luftës së Dytë Botërore”.

2-  A parashikohet në traktatin themelues i NATO-s një sulm mes aleatëve?

Jo. Traktati i NATO-s nuk parashikon as mundësinë që një vend anëtar të sulmojë një tjetër, as procedura për përjashtimin e një shteti. Neni 1 i Traktatit përcakton se palët angazhohen, në përputhje me Kartën e OKB-së, të zgjidhin me mjete paqësore çdo mosmarrëveshje ndërkombëtare dhe të përmbahen nga kërcënimi ose përdorimi i forcës në mënyra që bien ndesh me qëllimet e Kombeve të Bashkuara.

3- Çfarë parashikon neni 5 i NATO-s?

Neni 5 është themeli i Aleancës Atlantike. Ai përcakton se një “sulm i armatosur” kundër një ose më shumë vendeve anëtare në Evropë ose Amerikën e Veriut do të konsiderohet si sulm ndaj të gjithëve, duke aktivizuar mbrojtjen kolektive. Komandanti suprem i NATO-s është gjithmonë një gjeneral amerikan dhe mbrojtja e Evropës është ngushtësisht e integruar me atë të Amerikës së Veriut.

4- A është i vetë-mjaftueshëm shtylla europiane e NATO-s?

Jo. Kontributi kryesor financiar dhe ushtarak në NATO vjen nga Shtetet e Bashkuara. Në samitin e NATO-s të mbajtur në Hagë në qershorin e kaluar, 32 vendet anëtare u angazhuan, nën presionin e presidentit amerikan Donald Trump, të rrisin shpenzimet për mbrojtjen deri në 5% të Prodhimit të Brendshëm Bruto deri në vitin 2035. Sipas vlerësimeve të NATO-s, shpenzimet e mbrojtjes të SHBA-së në vitin 2025 arritën në rreth 980 miliardë dollarë, krahasuar me 99 miliardë korona daneze (rreth 15,5 miliardë dollarë).

5- A parashikon Bashkimi Europian mbrojtje të ndërsjellë mes shteteve anëtare?

Nga 27 vendet e Bashkimit Europian, Austria, Irlanda, Malta dhe Qiproja nuk janë pjesë e NATO-s. Neni 42.7 i Traktatit të Lisbonës përcakton se, në rast se një shtet anëtar i BE-së sulmohet ushtarakisht në territorin e tij, shtetet e tjera anëtare janë të detyruara t’i ofrojnë ndihmë dhe asistencë.

Kryetari i PD-së, Sali Berisha i bëri thirrje qytetarëve që kudo që të shohin ministrat e kabinetit qeveritar Rama, t’i godasin ata me vezë dhe domate. Pasi sipas Berishës, ata janë shkaktarët kryesorë të përmbytjeve.

Nga tryeza e opozitës me forca politike dhe shoqërinë civile, Berisha tha se Rama po shkel drejtësinë për rastin Balluku.

“Ata që falimentojnë nisen drejt Europës, për një kafshatë, për një punë. Me mijëra punëtarë, intelektualë, sot kanë ikur. Shqiptarët kanë treguesin e lindshmërisë më të vogël në botë. Rama ka përqendruar çdo gjë në duart e tij. Ka përvetësuar taksat e qytetarëve. Ky ka zgjedhur Troplinët që të përfitojnë pa taksa. Nuk ka një kryeministër në botë që të ketë bërë këto që thotë ky. Rezultatin kërkon që të marrë peng në Lozanë të Zvicrës dhe ta sjellë këtu. Altin Dumanin e ka në xhep ky, e ka mercenar të vetin. Nuk heq imunitetet!

Do i lutem çdo shqiptari, të rikthhet pak në vitet 2005-2013. Çdo kërkesë e paraqitur nga prokuroria, është zbatuar pa asnjë lloj komenti. Çdo ministër, që u kërkua të hetohej, ka dorëzuar vetë imunitetin. Ja ku është Fatmir Mediu, apo Meta. Apo ai tjetri, dy herë, Lulzim Basha. Ky përdor drejtësinë, segmente të saj për të bllokuar drejtësinë. Ështe grusht shteti.

E kishte dërgua dje Lubi Ballukun te ura e Mifolit. I bëj thirrje qytetarëve, kudo ti shihni ministrat, i gjuani me vezë dhe domate. Këta janë shkaktarët kryesorë. I dëgjuat sot? Po shpifet! Dy hidrovorët, i Durrësit dhe i Hamallës, janë vjedhur pompat. Kanë vënë po, pa nafte. Këtu i kam. Me 30 litra ujë. Durrësi është përmbytur në mënyrë apokaliptike, se aty ka qenë kënetë. Nëse ujërat nuk hiqen, përmbyten. Nuk shpall gjendjen e jashtëzakonshme, pasi e detyron që t’u përgjigjet atyre qytetarëve. Fondet rezervë detyrohet ta çojnë drejt tyre. Dhe thotë; po na përçajnë.”, tha ai.

Selin Bollati ka folur brenda shtëpisë së “Big Brother”, për konfliktin që ajo ka pasur në lidhje me një biznes në Ksamil që familja e saj zotëronte. Selin sqaron se ajo personalisht nuk ka pasur probleme me ligjin, por kontrata e biznesit e lidhur në vitin 2020 ishte në emrin e saj për të ndihmuar familjen.

“Problem me ligjin nuk kam pasur, por kontrata ka qenë në emrin tim në vitin 2020 për të ndihmuar familjen time. Unë nënshkrova një kontratë për një biznes që kishim në pronësi deri para dy vitesh. Zotëria që kishte kontratën bëri më pas një mbikontraktim me një individ tjetër. Kjo ishte një goditje që i ka kushtuar shumë familjes sime dhe mua personalisht”, u shpreh Selini.

Ndërkohë, gazetari i emisionit “Fiks Fare”, Sokol Çobo, i ftuar në studion e “Breaking” me Fiori Dardhën në Top News, dha detaje mbi investigimin e kryer për rastin.

Sipas Çobos, familja Bollati ka pasur një konflikt me pronarin e një godine në zonën e Ksamilit, e cila ishte planifikuar të shndërrohej në hotel. Ai tha se godina iu dha me qira për një kontratë afatgjatë 10-vjeçare Jeton Bollatit, ndërkohë që më pas e njëjta godinë iu dha me qira edhe një punonjëseje të policisë, Pranvera Ndreca.

“Familja Bollati ia dha biznesin në mirëbesim, por më pas punonjësja e policisë krijoi lidhje me pronarin e godinës. Për të njëjtën godinë rezultuan dy kontrata qiraje: një në emër të Bollatit dhe një tjetër në emër të Pranvera Ndrecës. Të dyja kontratat janë bërë para të njëjtit noter”, deklaroi gazetari.

Sipas tij, Bollati e ka denoncuar çështjen duke pretenduar se biznesi i është zhvatur, e ndërkohë që punonjësja e policisë shfrytëzonte biznesin, detyrimet tatimore rezultonin në emër të Selin Bollatit, pasi biznesi ishte regjistruar në emër të saj për shkak se NIPT-i ishte në emër të saj.

Çobo shtoi se babai i Selinit ka bërë denoncim publik me zë dhe figurë, duke akuzuar për mbivendosje kontratash dhe duke përfshirë veprimet e punonjësve shtetërorë dhe noterit. Sipas tij, institucionet shtetërore e kanë anashkaluar çështjen, ndërsa familja ka raportuar edhe kërcënime, për të cilat është bërë denoncim në polici.

“Nuk kemi pasur kontakte me Selinin gjatë investigimit. Babai na tha se biznesi ishte regjistruar në emër të saj, por ajo në atë kohë ishte jashtë vendit. Denoncimi qëndronte. Kemi kontaktuar edhe punonjësen e policisë, e cila ia hodhi përgjegjësinë pronarit të godinës. Edhe noteri e pranoi se janë lidhur dy kontrata”, u shpreh gazetari.

Një ngjarje tronditëse ka ndodhur gjatë një pushimi familjar në Brazil, ku një nënë dhe djali i saj 11-vjeçar kanë humbur jetën pasi u goditën nga rryma elektrike në një pishinë. Viktimat janë identifikuar si Luciana Klein Helfstein, 39 vjeçe dhe djali i saj Arthur Klein Helfstein Alves. Familja kishte udhëtuar drejt Maragogi, një zonë turistike shumë e frekuentuar në bregdetin verilindor të Brazilit, për të kaluar disa ditë pushimi. Ngjarja e rëndë ka ndodhur në pishinën në tarracë të bujtinës ku ishin akomoduar.

Partneri i Lucianës ka deklaruar se pas mbërritjes kishin konstatuar se dushi elektrik në dhomë nuk funksiononte. Pas kësaj, nëna dhe djali ishin futur në pishinë për t’u larë. Pak më vonë, ata u gjetën pa shenja jete dhe u nxorën nga uji me ndihmën e pushuesve të tjerë.

Pavarësisht përpjekjeve për t’i rikthyer në jetë, mjekët konfirmuan vdekjen e tyre. Instituti i Mjekësisë Ligjore bëri të ditur se shkaku i vdekjes ishte goditja nga rryma elektrike, duke përjashtuar mbytjen. Sipas ekspertëve, në trupat e viktimave janë konstatuar shenja të qarta të kalimit të rrymës elektrike.

A e dini se përse SKUQENI shpesh në fytyrë? Psikologët deklarojnë atë që nuk e prisnit…
Autoritetet kanë nisur hetime të plota, përfshirë inspektimin teknik të ambienteve dhe sistemit elektrik të pishinës, si dhe verifikimin e pamjeve të kamerave të sigurisë.