Category: Lajme

Pas një dhjetori të pazakontë, thuajse pa reshje dhe me mungesë dëbore edhe në zonat e thella malore, janari pritet që të vijë krejt ndryshe. Sinoptikania Lajda Porja, tha se ditët në vijim do të shoqërohen fillimisht nga temperatura shumë të ulëta dhe mot i kthjellët, si pasojë e një mase ajrore të ftohtë që vjen nga Poli i Veriut.

Megjithatë, ky episod i acartë nuk do të zgjasë shumë, pasi në fillim të janarit pritet një ndryshim i menjëhershëm i kushteve atmosferike, me rikthim të reshjeve, dëborë në zonat malore dhe më pas shira të dendur e erë të fortë në pjesën më të madhe të vendit.

“Nuk ka reshje dëbore edhe zonat e thella kanë pasur shumë pak në një episod të shkuar, duke qenë se dhjetori ishte një muaj shumë i thatë, pa reshje. Kemi pasur dy episode me reshje të papërfillshme, ose shumë të pakta.

Parashikohet që sot edhe nesër moti të jetë i kthjellët pa reshje dhe shumë i ftohtë. Është masë që vjen nga Poli i Veriut dhe po përpiqet që të depërtojë dhe të qëndrojë në Ballkan, është futur tashmë.

Nuk do të qëndrojë shumë gjatë, por do të kthehet shumë shpejt. Me pak fjalë sot edhe nesër do të kemi temperatura shumë të ulëta në të gjithë territorin. Ka edhe një shtim të lagështirës. Tirana i është afruar sot temperaturave 0 gradë, sonte gjatë natës temperaturat do shkojnë -8 dhe -9 në zonat malore, në Korçë temperaturat do shkojnë në -6.

Më pas kemi një ndryshim total në datën 2 janar, futet një sistem që sjell reshje të pakta, kryesisht dëborë dhe reshje akoma më të forta në datat 4 dhe 5. Në datën 2 rikthehet dëbora në të gjithë zonën malore, do të afrohet dëbora në qarkun e Shkodrës, në Krujë dhe në Elbasan.

Zbret dëbora deri në zonat e ulëta, por duke qenë se reshjet janë në sasi të ulëta. Më pas në datat 4 dhe 5 do të ketë reshje shiu me intensitet të lartë, do të jenë kryesisht reshje shiu pasi rriten temperaturat. Dita e diel dhe e hënë do të ketë erë shumë të fortë, Ultësira Perëndimore do të ketë edhe rrebeshe shiu”, tha meteorologia.

Në një analizë politike të vitit që po mbyllet, gazetari Genc Burimi theksoi se viti 2025 është përshkruar si faza finale e kalbëzimit për qeverinë Rama, duke argumentuar se një hetim personal nga SPAK ndaj kryeministrit është tashmë i pashmangshëm.

Burimi u shpreh se kjo analizë vjen në kontrast të thellë me atë që cilësohet si një “vit fantastik” për Kosovën, e cila ka shënuar suksese të rëndësishme në arenën ndërkombëtare. Në krahun tjetër, situata në Shqipëri paraqitet tërësisht ndryshe.

Viti aktual shihet si “stadi i fundit” i një procesi degradimi për mazhorancën aktuale, duke parashikuar se viti 2026 do të shënojë fundin e kësaj qeverisjeje dhe, bashkë me të, edhe fundin e një epoke të korrupsionit madhor shtetëror.

Në përfundim, Burimi i bëri thirrje SPAK të mos bëjë “llogaritje politike” mbi pasojat e një hetimi ndaj kryeministrit në detyrë, duke theksuar se detyra e institucionit është të ndjekë provat deri në fund, ndërsa fati politik i vendit mbetet në dorën e qytetarëve përmes votës.

Intervista:

Burimi: Në aspektin pozitiv, unë do, për këtë vit do veçoja Kosovën. Kosova që e mbyll këtë vit në mënyrë fantastike sepse e mbyll këtë vit me një, me një mazhorancë stabël dhe e mbyll këtë vit Kosova të pajtuar me komponentët, aleatët strategjikë ndërkombëtarë, edhe me SHBA-të dhe me Evropën. SHBA-të që tashmë e kanë futur, kjo administratë Trump e ka futur Kosovën në dokumentin e tij themeltar të sigurisë. Pra, jemi gati në atë moment që Kosova është, mund të hyjë në NATO, që ishte e paimagjinueshme para disa kohësh, nëse kujtohet presioni i madh që bënte jo vetëm Evropa dhe SHBA-të e Biden-it mbi Kosovën, por edhe vetë vëllau, me thonjëza e them, vëllau shqiptar i Kosovës, Edi Rama. Pra, sa larg jemi kësaj, kush e mendonte këtë lloj skenari këtë fundviti për Kosovën? Ëhë. Pra, një Albin Kurti dhe një Kosovë e mirëpritur nga SHBA-të dhe nga Bashkimi Europian që hoqi të gjithë masat e sigurisë. Plus që e filloi vitin Kosova me me heqjen e heqjen e vizave. Pra është një lirërim i madh për për shqiptarët, kjo që po ndodh në Kosovë. Shqipëria po ashtu, viti që po lëmë pas, qe viti i fazës së fundit e kalbëzimit të kësaj mazhorance dhe të qeverive të Edi Ramës. Pra, është stadi i fundit dhe 2026-a është fillimi i një fundi që shumë shqiptarë e presin, fundin e korrupsionit madhor, shtetëror, që mund të arrihet vetëm me fundin e qeverisjes së Edi Ramës. Dhe në këtë rrugë kemi hyrë, e shoh sot, e paimagjinueshme që SPAK-u me këtë mori, me këto mijëra faqe dokumenta, me gjithë këto prova që ky SPAK ka në dorën e tij, mos të editohet hetimi personal mbi kryeministrin. E shoh të pamundur, të pamundur.

Parruca: Po shkohet drejt asaj.

Burimi: Po në qoftë se këta marrin urdhër nga jashtë që mos shkohet deri aty, por sot domethënë me ato, tashmë ky SPAK kishte boll element, po të marrim dy dosjet madhore para Veliajt dhe Ballukut, që qenë dosja e McGonigal-it që ka filluar që në 2021-shin dhe dosja e inceneratorëve. Tashmë në këto dy dosje ishte element të bollshëm, të mjaftueshëm që Edi Rama të thërritej nga SPAK-u. Plus, dy aleatët e tij më të ngushtë, pra Veliaj dhe Balluku, ëh, ky SPAK ka çfarë i duhet për t’i shkuar deri në fund situatës. Shpresoj thjesht që SPAK mos të bëjë llogaritje politike që po u rrëzua kryeministri Edi Rama, ç’do të ndodhë pastaj me qeverisjen në Shqipërisë. Kjo nuk është punë e SPAK-ut. Këtë punë e kanë në dorë shqiptarët me votën e tyre. Po shpresoj që pikërisht që kjo mos të luajë, SPAK-u t’i shkojë deri në fund kësaj trajektoreje në të cilën ai ka hyrë.

Nga ana tjetër kryeministri Rama mbajti një fjalë që duket se i hodhi poshtë, ai mori pozicionin e tij, tha këto nuk janë prova, këto janë biseda, çfarë janë këto dosje me 16.000 faqe. Unë nuk e kam kuptuar akoma, tha ai, se çfarë ka bërë Veliaj. Domethënë Rama ishte ende në fillim të vitit me me leximin e dosjeve dhe nuk e kishte kuptuar dhe nuk pranon asgjë nga këto.

Parruca: Çfarë qëndrimi është ky?

Burimi: Po po, është qëndrimi i një diktatori. Një diktatori që i supozon mjetet e drejtësisë të duhura kur këto mjete bien mbi kundërshtarët politikë, siç ishte rasti i zotit Berisha, dhe në konferencë shtypi dje Ramës ju kujtua fare mirë që kur qe fjala për heqjen e imunitetit të Ballukut.

Shqipëria po bëhet gati për heqjen e tarifave Roaming me vendet e Bashkimit Europian.

Ministria e Infrastrukturës dhe Energjisë ka nxjerrë në konsultim publik disa ndryshime në ligjin “Për Komunikimet Elektronike”, të cilat synojnë të përafrojnë legjislacioni shqiptar me atë europian sa i përket zbatimit të regjimit “Roaming Like At Home”.

Objektivi është që brenda vitit 2026, qytetarët shqiptare të mund të përdorin telefonin pa kosto shtesë për minuta, mesazhet apo internet në vendet e Bashkimit Europian, njëjtë si në Shqipëri. E njëjta gjë do të vlejë dhe për qytetaret europiane që do vizitojnë vendin tonë.

Ligji parashikon gjithashtu uljen e kostove teknike mes operatorëve, për të garantuar që përfitimi të shkojë realisht te përdoruesit, ndërsa risi është vendosja e gjobave për operatorët telefonikë që nuk do zbatojnë rregullat e reja të Roaming.

Kjo iniciative, e cila konsiderohet një hap i rëndësishëm drejt integrimit në tregun unik digjital të BE-së, pritet të sjellë përfitime për lëvizjen e lire të qytetarëve dhe të përmisojnë klimen e biznesit.

Më herët, dhe presidentja e Komisionit Europian, Ursula Von Der Leyen, I ka cilësuar heqjen e tarifave roaming për telefoninë celulare, si një hap domethënës në integrimin e Shqipërisë në Bashkimin Europian

Një aksident i rëndë rrugor me pasojë humbjen e tre jetëve njerëzore ka ndodhur mëngjesin e sotëm në aksin Gjirokastër-Tepelenë, në vendin e quajtur Bypass. Dy automjete janë përplasur fort me njëra-tjetrën, duke shkaktuar një bilanc tragjik që ka shënuar ditën e parë të vitit 2026.

Ngjarja ndodhi rreth orës 03:18. Automjeti me drejtues shtetasin Martin Dulaj, 25 vjeç, banues në Tepelenë është përplasur me automjetin që drejtohej nga shtetasi Klejdi Myftari, 24 vjeç, banues në Tepelenë.

Si pasojë e aksidentit, kanë humbur jetën dy drejtuesit e automjeteve, pasagjeri shtetasi Anxhelo Ruçi, 27 vjeç, banues në Tepelenë, si dhe ka mbetur e dëmtuar shtetasja Arsida Demiri, 19 vjeçe, banuese në Delvinë, e cila ndodhet në spitalin e Traumës, në kujdesin e mjekëve.

Policia ndodhet në vendngjarje dhe po punon për zbardhjen e shkaqeve të aksidentit, ndërsa qarkullimi në këtë segment rrugor është kryer për disa orë me vështirësi.

DASHI

Ata që janë në çift nuk do të kuptohen si duhet me partnerin dhe mosmarrëveshjet në çift do të jenë të mëdha. Vetëm në mbrëmje situata do të përmirësohet paksa. Beqarët do të kenë mundësi për takime serioze dhe jo thjesht për aventura kalimtare. Shfrytëzojeni ditën! Merkuri do të jetë planeti që do ua mbrojë financat dhe nuk do ju lejojë të tundoheni për të kryer shpenzime marramendëse.

DEMI

Nuk do të jetë shumë e thjeshtë sot për të gjetur ekuilibrin në jetën tuaj në çift sepse si ju ashtu edhe partneri do të dëshironi të dalë e juaja. Me këtë kokëfortësi nuk keni për të shkuar askund. Beqarët do të pëlqejnë shumë një person që nuk është i lirë. Kujdes, mos hidhni hapa të nxituar. Në planin financiar duhet ta studioni mirë situatën para se të kryeni shpenzime.

BINJAKËT

Flisni sa më hapur me partnerin tuaj sot për gjithçka që ju mundon sepse, po i anashkaluat gjërat, situata do të ndërlikohet më vonë. Beqarët do tërhiqen së tepërmi nga personat që kanë ardhur rishtazi në zyrë ose në punë. Para se të hidhni çdo hap, njihuni më mirë me ta. Në planin financiar do ju duhet të merrni disa para hua për t’ia dalë mbanë.

GAFORRJA

Do të jeni shumë xhelozë për partnerin tuaj gjatë kësaj dite dhe do të dëshironi ta keni gjithë kohës në mbikëqyrje. Mos e teproni sepse debatet mund të jenë aq të mëdha saqë nuk do dini nga t’ia mbani. Beqarët do të jenë të pasigurt dhe konfuzë për atë që duan të bëjnë. Në planin financiar ka rrezik të përballeni me surpriza të këqija për shkak të pamaturisë që keni treguar.

LUANI

Nuk do të jeni në humor të mirë gjatë kësaj dite dhe do debatoni edhe për gjërën më të vogël me atë që keni në krah. Disa mund të kenë partnerë të duruar, por disa të tjerë jo. Kujdes sepse situata mund të dalë tërësisht jashtë kontrollit. Beqarët do të kenë vetëm njohje të reja dhe asgjë më tepër. Në planin financiar nuk duhet të shpenzoni me sy mbyllur.

VIRGJËRESHA

Do të jeni gjithë kohës në dispozicion të partnerit tuaj sot dhe marrëdhënia në çift do të fillojë të ngrohet. Ai që keni në krah nga ana e tij do të mendojë për ndonjë dhuratë surprizë. Beqarët do të jenë të kthjellët dhe mjaft realistë. Ëndrrat me sy hapur nuk janë për ta. Financat do të kërkojnë më tepër vëmendje dhe durim. Do ta përmirësoni shpejt situatën po vazhduat kështu.

PESHORJA

Qielli i dashurisë do të jetë i kthjellët gjatë kësaj dite. Do të keni një komunikim mjaft të mirë me partnerin tuaj dhe nuk do debatoni për asgjë. Beqarët do të jenë mjaft ambiciozë dhe nuk do kënaqen me ato takime që do realizojnë sot. Do të bënit mirë t’i shtrinit këmbët sa keni jorganin. Financat nuk do të jenë në gjendjen më të mirë. Kujdes me çdo lloj shpenzimi.

AKREPI

Ditë shumë e zakonshme kjo e sotmja për të gjithë ata që janë në një lidhje. Gjithçka do të vazhdojë të jetë po njësoj. Për beqarët nga ana tjetër gjërat do të ndryshojnë tërësisht. Ata do të kenë disa njohje mbresëlënëse që në orët e para të ditës dhe do të vazhdojnë të njihen me ta. Në planin financiar duhet të shpenzoni me maturi nëse nuk doni probleme më vonë.

SHIGJETARI

Partneri do t’iu plotësojë një nga dëshirat tuaja më të zjarrta gjatë kësaj dite dhe kjo do ju bëjë të ndiheni si në ëndërr. Do ta përqafoni dhe do ta dashuroni edhe njëherë atë. Beqarët mund të fillojnë disa aventura emocionuese, por afatshkurtra. Në planin financiar, po nuk u treguat të kujdesshëm, do të përballeni me probleme goxha serioze. Mos e teproni me asnjë shpenzim.

BRICJAPI

Jeta në çift nuk do të jetë ajo që do ju shqetësojë gjatë kësaj dite dhe nuk do i kushtoni shumë vëmendje. Gjithçka do të jetë si çdo ditë. Beqarët do të vazhdojnë ende të jenë në kërkim të princit të tyre të kaltër, por sërish nuk do ta gjejnë dot atë. Në planin financiar do ta dini mirë çfarë hapash të hidhni që situata të përmirësohet. Disa familjarë do ju japin ndihmën e tyre.

UJORI

Ditë e mbushur me pasion dhe emocione pa fund kjo e sotmja. Do të ndiheni shpesh si në ëndërr dhe do të dëshironi që dita të mos mbarojë kurrë. Beqarët do ta vendosin arsyen para zemrës dhe nuk do hedhin asnjë hap të nxituar gjatë kësaj dite. Me financat do të tregoheni të kujdesshëm dhe situata do të vazhdojë të mbetet e qëndrueshme si më parë.

PESHQIT

Sot, në vend që të mendoni aventura kalimtare me dikë tjetër, kushtojini më tepër vëmendje personit që keni në krah. Ai do të ketë më shumë se kurrë nevojë për ju. Beqarët do të takojnë një person të shenjës së Binjakëve me të cilin do të kenë një komunikim të mirë. Zemra do ju rrahë fort që në takimin e parë. Situata financiare do të fillojë dalëngadalë të përmirësohet.

Dashi

Sot do ja kaloni aq mire ne krahët e atij qe keni ne krah saqë do ju duket sikur jeni ne ëndërr. Shume gjera kane për te ndryshuar për ju. Edhe beqaret do kenë një dite te veçante dhe te mbushur me surpriza. Shfrytëzoni çdo sekonde. Financat nuk do jene ne gjendjen me te mire kështu qe bëni kujdes me shpenzimet apo me dhëniet e huave.

Demi

Marrëdhënia juaj ne çift do thellohet edhe me tepër gjate kësaj dite. Do iu jepet mundësia për te folur lirshëm me te dhe për te diskutuar gjere e gjate edhe mbi tema delikate. Beqaret do jene te parrezistueshem dhe do e gjejnë sa hap e mbyll sytë princin e tyre te kaltër. Dite goxha delikate kjo e sotmja për financat. Po nuk u treguar te matur do keni goxha vështirësi.

Binjaket

Te dashuruarit duhet te hapin rruge here pas here ne mënyrë qe jeta ne çift te ece me se miri. Beqaret do kenë mundësi pa fund për aventura kalimtare dhe nuk do i lënë këto mundësi te mira, t’iu shpëtojnë nga duart. financat nuk do jene njësoj për te gjithë. Ata qe kane treguar kujdes gjithë këto kohe do ndihen te qete dhe nuk do kenë probleme.

Gaforrja

Planetët do ju bëjnë me te kthjellet gjate kësaj dite ne jetën tuaj ne çift dhe do e konsolidoni tej mase lidhjen qe keni. Do i shihni gjerat me më tepër optimizëm. Beqaret do takohen me persona te cilët nuk ja vlejnë aq shume sa për te krijuar një lidhje. Mos u nxitoni. Ne planin financiar asgjë nuk do jete ashtu si e kishit menduar. Kujdes me çdo shpenzim.

Luani

Do jeni shume xheloze sot për atë qe keni ne krah dhe do kërkoni gjithë kohës ta kontrolloni. Ndryshoni strategji sepse ne këtë mënyrë do jeni gjithë kohës ne ankth dhe nuk do ndiheni mire. Beqaret realizojnë takimet e ëndrrave dhe do fillojnë një jete te re. Me financat mos u tregoni te paarsyeshëm sepse do keni vështirësi me vone.

Virgjeresha

Nuk do ketë surpriza te mëdha gjate kësaj dite për ju qe jeni ne një lidhje, kështu qe merrini gjerat sa me shtruar qe te mundeni. Dëgjojeni me kujdes njeri-tjetrit. Beqaret do ndihen serish vetëm sepse nuk do mund te realizojnë asnjë lloj takimi. Ne planin financiar tregohuni vigjilente dhe shpenzoni me sa me shume kujdes. Ruajeni qëndrueshmërinë.

Peshorja

Do kërkoni me shume qëndrueshmëri sot ne jetën tuaj ne çift sesa pasion. Me ne fund do gjeni kohen e duhur për te diskutuar gjere e gjate me partnerin për disa tema te veçanta. Beqaret nuk do e gjejnë princin e kaltër, por disa takime do i realizojnë. Financat do varen nga mënyra sesi ju do i menaxhoni. Qëndroni gjithmonë me këmbë ne toke.

Akrepi

Do bashkëpunoni fort me partnerin tuaj gjate kësaj dite dhe se bashku do i kaloni shpejt e shpejt te gjitha sfidat qe do ju dalin para. Beqaret do kalojnë një dite normale dhe pa ndonjë takim interesant. Kjo e sotmja nuk është dita me e përshtatshme për ju. Ne planin financiar duhet te merrni masa strikte ne mënyrë qe gjendja te mos pësojë tronditje te mëdha.

Shigjetari

Duhet t’i kushtoni me shume vëmendje se kurrë partnerit tuaj gjate kësaj dite sepse po e late pas dore do ua rrëmbejnë përgjithmonë. Beqaret do ndihen mire me disa persona qe do takojnë dhe do pranojnë ta vazhdojnë njohjen. Qe te ardhurat mos kenë vështirësi duhet te kufizoni sa te mundni shpenzimet. Po nuk morët masa do keni vështirësi pa fund.

Bricjapi

Dite e këndshme dhe e mbushur me kënaqësi te shumta kjo e sotmja për te dashuruarit. Partneri do ua shprehe ndjenjat me mënyra te ndryshme. Beqaret do jene te zënë me pune dhe nuk do kenë mendje për jetën sentimentale. Me financat do keni shume fat dhe gjendja sa do vije e do përmirësohet. Do kryeni edhe investimet e menduara.

Ujori

Fati do ju buzëqeshë sot juve qe jeni ne një lidhje. Lidhja do marre drejtimin e duhur dhe do ndiheni te sigurte qe doni te vazhdoni me tej. Beqaret nuk do ndihen ende gati te fillojnë një histori dashurie edhe pse mundësitë nuk do mungojnë. Ne planin financiar gjendja nuk do jete aspak e mire. Do ju duhet patjetër ndihma e një specialisti për t’ia dale.

Peshqit

Dite shume e kënaqshme kjo e sotmja për ata qe janë ne një lidhje. Do bëni gjithçka ne bashkëpunim me partnerin tuaj dhe gjerat do ecin për mrekulli. Beqaret do dashurohen koke e këmbë me një person qe sapo është shfaqur. Financat nuk do jene delikate, mirëpo për te bere investime te mëdha do ju duhet ende te prisni edhe pak kohe.

Kryeministri Edi Rama duket se është në qendër të një stuhie të paprecedentë politike dhe ligjore, pas një vargu përgjimesh dhe dosjesh që nxjerrin në pah lidhje të tij dhe të familjarëve me afera të dyshimta financiare. Viti 2026 pritet të sjellë “goditjen e madhe”, me prova që mund të ndryshojnë rrënjësisht skenën politike shqiptare.

Gazeta “SOT” ka mësuar se situata është aq serioze sa parashikohet se kryeministri Rama mund të detyrohet të largohet nga posti i tij për të shmangur një krizë të thellë politike dhe përballje ligjore. Një kombinim i provave të reja, përgjimeve dhe deklaratave të ish-ministrave mund të krijojë presion të paparë mbi Ramën, ku burime nga Kryeministria thonë se shefi i qeverisë flitet si iu ka thënë bashkëpunëtorëve të tij mëtë ngushtë se largimi është një opsion i parë për të shmangur thellimin e krizë politike. Ndërkohë viti i ri që do të vijë mund të jetë vendimtar: nëse Prokuroria e Posaçme (SPAK) arrin të verifikojë implikimet direkte të Ramës në skemat e korrupsionit, vendimi për largimin mund të bëhet i pashmangshëm.

Madje thuhet se epoka e Ramës në krye të qeverisë mund të përfundojë në mënyrë dramatike dhe të papritur, pasi përgjimet që do të dalin në janar nxjerrin “lakuriq” kryeministrin me familjarët e tij të përfshirë në afera. Kështu që në këtë situatë, çdo lëvizje e Ramës do të monitorohet nga të gjitha institucionet ligjzbatuese dhe partnerët ndërkombëtarë, ndërsa opinioni publik pret zbardhjen e përgjimeve që mund ta detyrojnë atë të japë dorëheqjen.Në vijim, po paraqesim dosjet kryesore ku dyshohet se kryeministri është i përfshirë, të cilat mund të vendosin të ardhmen e tij politike.

Inceneratorët: Barrikadë korrupsioni

Hetimet e SPAK zbulojnë se vendimi i Ramës për inceneratorin e Tiranës në 2016, me firmën e tij në VKM nr. 855, favorizoi një kompani që nuk ekzistonte ende. Ish-ministri Arben Ahmetaj tashmë e akuzon publikisht Ramën si përgjegjësin kryesor të skemës. “Shëmbëlltyrë kuptimplotë e teknologjisë së fundit”, kishte deklaruar Rama për impiantin, duke i falënderuar publikisht përfituesit e aferës.

Dosja “McGonigal”: Implikohet kryeministri

SPAK po heton gjithashtu lidhjet e Ramës me ish-agjentin amerikan McGonigal, që ka pranuar marrjen e 225,000 dollarëve për aktivitete të paligjshme në Shqipëri. Prokurorët kanë dërguar letër-porosi në SHBA për të marrë të gjithë dokumentacionin që mund të implikojë Ramën dhe këshilltarin e tij të ngushtë, Dorian Duçka, në korrupsion aktiv dhe shpërblim të paligjshëm për kompani të huaja. Po ashtu, përgjimet e “SKY ECC” nxjerrin në pah lidhje të afërta mes PS-së dhe krimit transkufitar, përfshirë klanin Sinaloa dhe individë të njohur shqiptarë si Luftar Hysa dhe Besnik Lulaj. Këto implikime rrezikojnë të krijojnë një krizë të paprecedentë politike dhe ligjore për Ramën.

Belinda Balluku dhe afera e AKSHI-t

Prokuroria po heton tenderin e tunelit të Llogarasë, ku kostot janë fryrë me 30 milionë euro për një kompani turke që nuk kryen asnjë punim. Mesazhet e Ramës me ministren Balluku tregojnë një përpjekje për të favorizuar kompaninë, duke rrezikuar të shpallë kryeministrin përgjegjës direkt. Dosja e Agjencisë Kombëtare të Shoqërisë së Informacionit tregon përfitime të jashtëzakonshme për familjarë të kryeministrit, përfshirë baxhanakun Armand Frangu dhe bashkëshorten e tij Linda Rama. Fitime “përrallore” të Ergys Agasit, një prej njerëzve më të afërt të kryeministrit, kanë rritur kapitalin e tij nga 1 mijë euro në mbi 200 milionë euro brenda pak muajsh.

Madje implikimin e kryeministrit Edi Rama dhe familjarëve të tij në dosjet e “AKSHI-t” dhe “Ballukut” i solli në vëmendje dje edhe kryetari i Partisë Demorkatike, Sali Berisha. “Ne në kushtet kur ky regjim, Edi Rama pasi është dokumentuar nga prokuroria se kanë abuzuar miliarda para të qytetarëve dhe ka hequr çdo maskë në mbrojtje të flaktë të vjedhjeve dhe abuzimeve të parave të shqiptarëve, sepse është vetë i implikuar. Dy dosjet e Lubisë, qoftë tuneli qoftë unaza, Rama del aq sa Lubia me mesazhet. Kurse AKSHI, AKSHI i kunatit dhe familjes është historia më unike në Evropë dhe Botë, ku në një agjenci shtetërore merresh peng sepse merr pjesë në tendera për ti hapur rrugë kunatit. Merresh peng dhe nuk hetohesh. Edi Ramapërgjegjësitë i ka më të rënda se Lubi Balluku sepse nëse ata kanë vjedhur dhe shpërdoruar miliarda në veprat publike, ndërmarrja, kopshti privat i Edi Ramës, AKSHI, nuk është kontrolluar nga Lubi Balluku.

AKSHI ka qenë ekskluzivitet total i familjes Rama. Në dosjen e AKSHI-t janë veprat më të shëmtuara në historinë e kombit, vjedhja e plotë dhe totale të gjitha të dhënave të sigurisë kombëtare dhe ato që vijnë nga Aleanca e Atlantikut të Veriut në Shqipëri. Kalimi i këtyre të dhënave në duart e bandave dhe armiqve të betuar të kombit shqiptar dhe NATO-s. Dosja e AKSHI-t nuk është pra vetëm dosja e vjedhjeve të qindra milionë eurove përmes baxhanakut të tij në AKSHI, dhe implikimit siç tregojnë regjistrimet të bashkëshortes së tij në përcaktimin e fituesve, nuk është vetëm pengmarrjet, 3 pengmarrje jo 2, Gerond Meçe me 12 gusht, Daniel Shima një javë më vonë dhe një tjetër biznesmen i ri i marrë peng për shkak të lojërave të fatit, monopol ekskluziv dhe total i kartelit të drogës në Elbasan”, deklaroi dje kreu i PD, Sali Berisha gjatë një konference për gazetarët nga selia blu.

Prapaskenat

Pra nga inceneratorët tek dosja McGonigal, tuneli i Llogarasë dhe AKSHI, çdo provë po shtrin gishtin drejt Ramës dhe rrjetit të tij të afërt. Përballë SPAK, provat dhe përgjimet e reja mund të bëjnë që kryeministri i Shqipërisë të përballet me pasojat më të rënda të karrierës së tij politike. Viti i Ri 2026 mund të jetë vendimtar, një vit ku Rama mund të humbasë jo vetëm imazhin, por edhe postin e tij të kryeministrit. Megjithatë në një kohë kur Shqipëria shikon drejt një hetimi të pakthyeshëm të korrupsionit të nivelit më të lartë, pyetja që mbetet është: A do të mbijetojë Edi Rama politikisht, apo po afrohet fundi i epokës së tij në krye të qeverisë?

Sqarim: Çdo person prezumohet i pafajshëm deri sa nuk vërtetohet fajësia e tij me vendim gjyqësor të formës së prerë.

Avokati Altin Goxhaj, i ftuar në një emision televiziv deklaroi se kreu i Partisë Demokratike, Sali Berisha së shpejti do të ketë probleme me SPAK, lidhur me dosjen e “21 janarit”.

Ai paralajmëroi se PD do të pësojë vetëm rënie.

Altin Goxhaj: Shumë shpejt Berisha do ketë probleme me SPAK, lidhur me 21 janarin dhe kjo nuk është rastësi. Berisha ka lëvizur shpejt sepse Salianji është futur si pykë po për këtë gjë.

Ajo që është e dhimbshme, por unë do ta them është që gjithë klasa politike aktuale ëshët e gjitha e Soros. Flas si lidership. Edhe Salianji është Soros. Këtu ka ardhur një administratë amerikane trumpiste që po ndikon në të gjithë botën nëpërmjet agjendës antisoros.

Kjo ka qenë arsyeja që ti do shohësh jo vetëm Salianjin por edhe të tjerë që do fillojnë luftë të brendshme. Berisha nuk ka pasur ndonjë plan këto dy vjet. Nuk ka për të parë më PD ndonjë ngritje, vetëm rënie. Këtë javë Berisha dha një mesazh shumë të rëndësishëm.

Tha çdokush që është në këtë parti do marrë lejë te fondacioni Soros për të dalë në TV dhe tha do shkoni te zyra e shtypit të Alfred Leles. Lela është pjesë e fondacionit Soros.

Institucioni i Prokurorisë së Posaçme kundër Korrupsionit dhe Krimit të Organizuar (SPAK) po intensifikon punën për të zbardhur disa nga çështjet më të ndjeshme që pritet të tronditin nga themelet pushtetarët e lartë. Ndërsa na ndajnë pak ditë nga viti i ri 2026, që konsiderohet vendimtar për të ardhmen e vendit dhe integrimin evropian, disa prej “dosjeve të nxehta” të SPAK janë drejt fundit të hetimeve dhe çështje kohe janë dhe fletë-arrestet.

SPAK në 2026 pritettë prangosë Frida Krifcën, ish-ministren e Bujqësisë dhe ish Drejtoreshën e AZHBR për të cilën hetimi tashmë i zyrtarizuar dhe nga zyra evropiane kundër mashtrimit (OLAF) po shkon drejt fundit. Hetimet trevjeçare të OLAF nxitën Komisionin Evropian që të pezullonte programin më të rëndësishëm të ndihmës për bujqësinë në Shqipëri, për shkak të dyshimeve për korrupsion.Bashkë me Krifcën, pritet të prangosen dhe dhjetëra zyrtarë të tjerë. Gjithashtu edhe dosja e aferave në ushtri shumë shpejt pritet të shpërthejë në Prokurorinë e Posaçme.

Pas hekurave pritet të përfundojnë emra “VIP”. E rrezikuar në këtë mes është edhe ish-ministrja Olta Xhaçka, oligarku Artan Dulaku dhe disa gjeneralë të ushtrisë. SPAK mund të fundosë edhe ish-ministren e shëndetësisë Ogerta Manastirliu, vërtetuar me prova për aferën e pajisjeve kirurgjikale dhe laboratorëve 130 milionë Euro; për vjedhjen e 32 milionë Euro ilaçe kur ishe Drejtore e QSUT dhe për korrupsionin me vlerë 610 milionë euro në tenderë.

Gjithashtu, hetimet e SPAK për aferën e inceneratorëve po hyjnë në një fazë të re, ku sipas raportimeve po shqyrtohet edhe arrestimi i Sekretarit të Përgjithshëm të Kryeministrisë, Ëngjëll Agaçi. Ai përmendet si një nga hallkat kyçe në procedurat dhe vendimmarrjet institucionale që lidhen me kontratat e inceneratorëve, skandal që i ka kushtuar qindra miliona euro buxhetit të shtetit.

Pas dënimeve dhe arrestimeve të mëparshme të zyrtarëve të tjerë, SPAK duket se po ngjitet drejt niveleve më të larta të pushtetit në këtë dosje. Nga ana tjetër, e rrezikuara kryesore është Belinda Balluku dhe rrethi i saj më i ngushtë. Si pjesë të hetimit të çështjeve të lidhen me zv/kryeministren dhe disa bashkëpunëtorëve të saj Byroja Kombëtare e Hetimit kreu disa ditë më parë 19 kontrolle në dy kompani ndërtimi dhe shumë punonjës të Autoritetit të Rrugëve dhe Korporatën Elektroenergjitike. Në fokus të drejtësisë është dhe administrator i OSHEE, Enea Karakaçi, që thuhet se ndodhet në “fije të perit”.

Detajet

Po ashtu SPAK është drejt fundit të hetimeve dhe për hetimin pasuror ndaj ish-ministrit dhe deputetit Damian Gjiknuri. Ai është thirrur disa herë në SPAK, pasi emri tij lakohet në disa çështje sensitive, dukë përfshirë dosjen “McGonigal”, apo dhe inceneratorët. Gjithashtu operacione të mëdha janë duke u përgatitur të kryhen gjatë 2026 nga SPAK, ku në fokus të hetimit janë me personat të cilët mësohet se përmes aplikacionit “Sky” janë të implikuar në veprimtari kriminale.

Goditjet kanë në fokus dhjetëra punonjës policie, që kanë rënë në përgjimet “SKY”, nga ku kanë hyrë në kontakt me njerëzit e botës së krimit, duke i mbështetur dhe favorizuar në aktivitetet e tyre kriminale, që kanë shkuar deri në vrasje.

Po ashtu SPAK, po shkon drejt fundit të hetimeve dhe për dosjen voluminoze, e cila përmban përgjime të cilat dyshohet se ekspozojnë marrëdhëniet e ministrit Taulant Balla me anëtarë të botës së krimit.“Dosja 26/1 është dosja e ferrit dhe e tmerrit për Ballën. Nga ana tjetër, i rrezikuar kryesor në SPAK është dhe ministri Pirro Vengu, i cili është në qendër të hetimeve të drejtësisë për mënyrën se si u menaxhua kontrata e operimit të terminalit të kontenierëve në Portin e Durrësit. Hetuesit e Byrosë Kombëtare të Hetimit kanë ndërhyrë disa muaj më parë, duke sekuestruar dokumentacion dhe pajisje, ndërsa aksioni i urdhëruar nga SPAK synon të verifikojë rolin e Vengut kur ishte drejtor i APD gjatë nënshkrimit të kontratës.

Çështjet e tjera

Një ndër çështjet më të bujshme që kanë tronditur opinionin publik është ajo e tragjedisë së Gërdecit, ku humbën jetën 26 persona dhe dhjetëra të tjerë u plagosën pas shpërthimit në fabrikën e çmontimit të armëve. Pas viteve të zvarritjeve në sistemin e drejtësisë, duket se autoritetet po afrohen më pranë figurave kyçe të këtij skandali. Më i rrezikuar është deputeti Fatmir Mediu, por drejt fundosjes është dhe Shkëlzen Berisha, djali i ish-kryeministrit SaliBerisha, i cili është lakuar shpesh për përfshirje të dyshuar në marrëveshjet që çuan në tragjedinë e 2008-ës.

Burime të afërta me hetimin sugjerojnë se ai mund të merret i pandehur për rolin e tij në këtë aferë. Nga ana tjetër, një dosje që mund të çojë në arrestime të bujshme në vitin 2026është dhe dosja e 21 janarit. Pas 12 vjetësh, Gjykata Europiane e të të Drejtave të Njeriut, e cila shqyrtoi edhe një herë nga e para krimin shtetëror të 21 janarit, pas padisë së familjarëve të Aleks Nikës nxori si përfundim se shteti ishte vrasësi, duke tejkaluar kompetencat, Sali Berisha prishi provat shkresore e filmike, mori nën sqetull të dyshuarit si ekzekutorë dhe sulmoi e pengoi me sa mundi hetimin e prokurorëve. De facto para nesh u shfaq një ngjarje e hetuar në mënyrë hipokrite dhe duke fshehur fajësinë e autorëve kryesorë, një tragjedi e shkaktuar me dorën e shtetit, e cila është tentuar rregullisht të kamuflohet nga vetë shteti.

SPAK ka ecur me ritme shumë të shpejta për të hetuar këtë dosje dhe brenda këtyre muajve kemi parë me dhjetëra persona që janë thirrur në Prokurorinë e Posaçme. Tashmë SPAK në 2026 pritet të konkludojë në akuza për njerëz konkretë. Nga ana tjetër figura të tjera si Flamur Noka, Luan Baçi dhe Belind Këlliçi janë nën hetim për pasuri të pajustifikuara e pastrim parash. Gjithashtu hetimet e prokurorëve vazhdojnë për Ilir Metën, Monika Kryemadhin, apo dhe Erion Veliajn, Ajola Xoxëndhe shumë bashkëpunëtorëve të tyre. Në SPAK situata është shumë e ndjeshme. Ka kërcënime, presione dhe mesa duket mbështetja e hapur e SHBA sinjalizon se asnjë nuk do t’ia hedhë paq.

Qeveria ka miratuar sot vendimin për dhënien e një mbështetjeje financiare të menjëhershme për shtresat më në nevojë, si dhe skemën e re të kompensimit mujor për pensionet e ulëta dhe kategoritë e veçanta.

Vendimi, i cili hyn në fuqi për efektet financiare të vitit 2025, ndahet në dy kolona kryesore: bonusin e fundvitit (mbështetje financiare) dhe kompensimet e përhershme mujore të të ardhurave.

Bonusi prej 15 mijë lekësh (150 mijë të vjetra)

Qeveria ka vendosur të akordojë një shumë prej 15,000 lekësh si mbështetje financiare për vitin 2025. Kategoritë që do ta përfitojnë këtë shumë në llogaritë e tyre janë:

– Familjet dhe individët që trajtohen me ndihmë ekonomike.

– Fëmijët pa kujdes prindëror, të vendosur në familje kujdestare.

– Personat me aftësi të kufizuara.

– Individët me statusin e invalidit paraplegjik dhe tetraplegjik.

– Individët me statusin e të verbrit.

– Ndihmësit personalë të përfituesve të pagesave të aftësisë së kufizuar.

Kompensimet mujore të të ardhurave

Përveç bonusit, vendimi përcakton edhe shkallën e kompensimit mujor (shtesë mbi të ardhurat) për ata që kanë pensione apo të ardhura të ulëta, duke marrë si referencë datën 31.12.2025:

Deri në 1,800 lekë/muaj, përfitojnë personat që kanë të ardhura mujore deri në 40,000 lekë.

Deri në 1,000 lekë/muaj, përfitojnë personat me të ardhura deri në 18,000 lekë në muaj.

Deri në 800 lekë/muaj, përfitojnë personat me të ardhura deri në 22,000 lekë në muaj.

Pensionet e invaliditetit (600 lekë/muaj), përfitojnë personat me pension invaliditeti që kanë të ardhura deri në 30,000 lekë në muaj.

Pensionet familjare (700 lekë/muaj), përfitojnë personat me pension familjar që kanë të ardhura deri në 18,000 lekë në muaj.