Category: Lajme

Dashi

Dite e zakonshme kjo e sotmja për te dashuruarit. Merrini gjerat si t’iu vijnë pa u sforcuar me shume sesa duhet. Beqaret do vazhdojnë ende te ëndërrojnë për dashurinë e madhe sepse as sot nuk kane për ta gjetur atë. Financat do jene goxha delikate tregohuni shume te kujdesshëm me çdo lloj shpenzimi. Nëse keni vështirësi te mëdha kërkoni ndihme.

Demi

Çiftet do i pushtoje një re e madhe melankolizmi dhe trishtimi sot. Askush dhe asgjë nuk mund t’iu beje te ndryshoni atmosfere madje as ai qe keni ne krah. Beqaret do kenë takime, por me personat qe do njihen mund te fillojnë veçse aventura kalimtare asgjë me tepër se aq. Ne planin financiar mos u mërzitni nëse nuk keni përmirësime te ndjeshme, kënaquni edhe me pak.

Binjaket

Ka shume gjasa qe kjo dite te jete e vështirë për ata qe janë ne një lidhje. Do debatoni me shume për shkak te mungesës se komplimenteve ndaj njeri-tjetrit dhe kritikave te herëpashershme. Beqaret nuk do jene me fat dhe do mbeten serish vetëm. Financat nuk do jene aq te mbrojtura sa ju mendonit kështu qe kujdes me çdo lloj shpenzimi qe do kryeni.

Gaforrja

Duhet te bëni edhe pak me shume durim sot qe atmosfera ne çift te jete me e ngrohte. Partneri do tregohet me tolerant dhe me i kuptueshëm se me pare. Beqaret do jene me shume fat dhe do fillojnë një histori dashurie mjaft emocionuese. Kombinimi i yjeve do jete mjaft i favorshëm edhe për financat. Mundohuni vetëm te mos jepni para hua edhe sikur te behet fjale për miqtë e ngushte.

Luani

Nuk do ketë pasion te zjarrte sot ne jetën tuaj ne çift megjithatë as probleme serioze nuk priten. Mundohuni ta merrni çdo gjë me qetësi dhe te mos alarmoheni. Beqaret do kenë njohje te reja, por nuk do jene shume te sigurte nëse ata janë aq te përshtatshëm sa për te krijuar një lidhje. Ne planin financiar tregohuni me te moderuar qe te mos keni vështirësi.

Virgjeresha

Dite shume e qëndrueshme dhe e bukur kjo e sotmja për te dashuruarit. Do ia shprehni me shume ndjenjat njeri-tjetrin dhe do kaloni momente te paharrueshme. Beqaret do takojnë një peron me te vërtetë interesant dhe me shume humor. Ne planin financiar do keni probleme te mëdha po nuk u treguar te matur. Një gabim i vogël mund t’iu kushtoje shtrenjtë.

Peshorja

Ka rrezik qe dita e sotme te jete mbushur me tension dhe mosmarrëveshje te shumta për çiftet. Mundohuni te tregoheni paska me te arsyeshëm dhe te mateni mire me fjalët. Beqaret nuk do kenë fat as sot kështu qe do bëjnë mire te mos bëjnë sakrifica te kota. Financat do jete te stabilizuara fale ndihmës qe do iu jap enje mik shume i ngushte.

Akrepi

Do jeni gjithë kohës ne dispozicion te partnerit sot dhe marrëdhënia ne çift do jete me e ngrohte sesa mendohej. I njihni mire pikat e tij te dobëta dhe do ia bëni qejfin. Për beqaret do jete dite pozitive. shfrytëzojeni çdo mundësi qe do iu jepet për takim. Financat do jene te mira ne përgjithësi, por nuk duhet te shpenzoni absolutisht aq sa keni fituar.

Shigjetari

Ne jetën sentimentale te çifteve do mbizotërojë qetësia gjate gjithë ditës. Ne këtë mënyrë do e keni me te lehte te komunikoni me te. Beqaret nuk duhet ta harxhojnë energjinë e tyre duke kërkuar me kot personin e ëndrrave, por duhet t’iu kushtojnë me shume kohe miqve. Financat do i menaxhoni me shume kujdes e maturi. Nuk pritet as problemi me i vogël ne këtë plan.

Bricjapi

Ata qe janë ne një lidhje do marrin disa vendime shume te rëndësishme te cilat mund t’ua ndryshojnë njëherë e përgjithmonë te ardhmen. Veproni me maturi. Beqaret nuk do mendojnë gjithë kohës për dashurinë, por gjithçka do ndodhe si me magji ne jetën e tyre. Ne planin financiar duhen shmangur shpenzimet stratosferike sepse do arrini fundin e humnerës.

Ujori

Klima për jetën tuaj ne çift do jete mjafte kontrastuar sot. Beni shume kujdes me çdo gjë qe do thoni nëse nuk doni te keni probleme te mëdha me partnerin. Beqaret do kenë takime pa fund, por do jene shume dyshues me te gjithë personat. Ne planin financiar mos prisni ndihme nga askush, por merrni sa me shpejt masa qe ta stabilizoni situatën.

Peshqit

Do afroheni me shume me partnerin tuaj gjate kësaj jave dhe do sqaroni çmos keqkuptim qe keni pasur para disa kohesh. Do qetësoheni mjaft për këtë fakt. Beqaret duhet t’i marrin me seriozisht propozimet qe do iu bëhen sepse koha ikën shpejt. Financat do jene shume te mira. Përfitoni nga kjo për te kryer investime te rëndësishme apo për te hequr disa para mënjanë

Një aksident automobilistik është regjistruar dje në kryqëzimin e Shënkollit, ku dy automjete u përplasën me njëra-tjetrën. E përfshirë në aksident ka qenë edhe Denisa Bajrami, e njohur në rrjetet sociale si bashkëshortja e influencerit Kozak Braçi.

Në disa video të postuara në llogarinë e tij në instagram, Kozak Braçi ka shprehur pakënaqësitë ndaj shërbimit që bashkëshortja e tij mori në spitalin e Lezhës. Sipas Braçit një doktor kundrejt pagesës ka manipuluar letrat duke e bërë të duket sikur Denisa Bajrami nuk ka asgjë dhe se nuk ka dëmtime serioze nga aksidenti. Sakaq ai pretendon se guraja e tij e cila është në muajin e 8 të shtatzënisë është në gjendje të rëndë dhe se doktori në fjalë nuk ka pranuar t’i bëjë skaner dhe ka bërë atë që ai e quan ‘skaner me sy’.

Braçi përsërit disa herë në videot e postuara se ai do ta ndjekë penalisht rastin dhe se doktori në fjalë “nuk do t’i hajë paratë që ka marrë në djersën e tij”.

“Megalluksa më ka ra një hall sot që mos i raftë as hasmit, më kanë përplasur gruan bashkë me fëmijën që lind për një muaj. Janë në spitalin e Lezhës. Normal shkova atje u zura se depresion e stres i paparë. Tani aksident mund t’i ndodhë çdo kujt se nuk ka njeri që do të bëjë aksident, dhe unë mund të bëj aksident nesër sepse është gjë që ndodh pa dashje. Po e kam me këta doktorët e spitalit të Lezhës që kanë marrë lekët për të manipuluar letrat për të bërë sikur nuk ka gjë. Gruaja ime ka shkuar me barrelë, është në spital në gjendje të rëndë bashkë më fëmijën. Dhe kanë shkuar atje kanë thënë s’ka gjë, ja duke i bërë letrat kështu që, ku di gjë unë çfarë kanë paguar a në lidhje më siguracionet e me këto. Degjo këtu more doktor, ti që e ke parë, deri në fund do ta ndjek këtë dhe ato lekë që ke marrë nuk i ha t’i në djersën time. Do ta marr Denisën dhe do t’ia bëj letrat këtu në Tiranë tani, por kurrë nuk ke për t’i shpëtuar kësaj”, shprehet Kozak Braçi në videon e parë të postuar.

“O Megalluksa a keni dëgjuar ndonjëherë skaner me sy te spitali i Lezhës. O ti, penalisht do ndiqesh, janë me avokat me gjëra s’do rri të merrem unë me doktorë se të denonconi ju. Por ty, meqë bëke skaner me sy do të bëj unë skaner me b****”, tha influenceri në videon e dytë.

“A dëgjoni o megalluksa ma gjeni pak emrin e këtij doktorit që bëka skaner me sy te spitali i Lëzhës. Ka shkuar atje ‘Ore s’ngre dot dorën s’lëviz dot’ i ka thënë, ‘S’ke gjë, je në rregull’ i ka thënë. Si bëke ti skaner me sy, ‘Nuk të fus dot në skaner se je shtatzënë’. Të rregulloj unë ty, që ke marrë lekët. Po nuk i ha dot lekët me mu, ça i do lekët ti, me mu e gjete me hëngër lek ti? Do të ngecin këtu lekët, këtu do të ngecin”, u shpreh Braçi.

Detaje të reja janë zbardhur lidhur me gjendjen e 26-vjeçarit të plagosur pak ditë më parë pranë rrethrrotulimit të Freskut.  I riu mësohet se po lufton për jetën pasi ka marrë dëmtime të rënda nga sulmi i porositur nga 36-vjeçari Gjoke Ndrevataj dhe 30-vjeçari Xhemal Uka.

Ata janë shpallur në kërkim nga policia. Dy të shpallurit në kërkim dyshohet se kanë porositur Helidon Markun për të kryer plagosjen. Shkak i plagosjes janë bërë komentet ofenduese të të riut të plagosur kur ata bënin live në TikTok.

Mësohet se autori ka qëlluar me çekiç të riun në kokë disa herë duke i shkaktuar dëme. Autori është vënë në pranga nga policia. Porositësit dhe autori rezultojnë me precedentë penal të theksuar për krime kundër personit.

Nga një rrjedhje informacioni nga drafti i strategjisë së sigurisë së SHBA-së, duket se qeveria amerikane përpiqet të përçajë BE-në. Me gjasë SHBA planifikon që të nxjerrë katër vende nga unioni. Sa realiste është kjo?

Marrëdhëniet transatlantike janë cënuar fort që me ardhjen në pushtet të Donald Trump-it. Publikimi i Strategjisë Kombëtare të Sigurisë (NSS) më 4 dhjetor 2025 u kuptua nga shumë politikanë europianë si një fyerje e hapur. Në dokumentin e strategjisë, që çdo qeveri e SHBA-ve duhet t’ia paraqesë kongresit, qeveria Trump e përshkruan Europën si një kontinent në rënie. Shprehimisht bëhet fjalë për një “censurë” ndaj lirisë së shprehjes së mendimit në Europë, një “shtypje të opozitës politike” dhe një “shuarje të mundshme të civilizimit” për shkak të politikës aktuale të migracionit.

Por ndërkohë ka rrjedhur informacion nga një pjesë e papublikuar e dokumentit NSS, që është edhe më i ndërlikuar dhe përmban më shumë detaje, se si do të veprojë SHBA në të ardhmen në Europë.

Drafti parashikon, që duhet të intensifikohet bashkëpunimi i SHBA-ve veçanërisht me Italinë, Austrinë, Poloninë dhe Hungarinë, “me qëllim për t’i shkëputur ato (nga Bashkimi Europian)”, citon portali i SHBA-ve Defense One, draftin të cilin pretendon se e ka lexuar.

E pyetur nga Portali Defense One, Shtëpia e Bardhë e ka mohuar ekzistencën e një drafti të tillë.

Sidoqoftë: A po përpiqen SHBA-të ta përçajnë Bashkimin Europian? Përse pikërisht ka përpjekje për afrim me këto katër vende të BE-së?

Hungaria, Austria, Polonia, Italia

Më pak surprizuese në këtë listë është Hungaria. Kryeministri Viktor Orban dhe presidenti Donald Trump konsiderohen aleatë të ngushtë. Orban e ka mbështetur Trumpin gjatë fushatës elektorale më 2016 – asokohe si i vetmi kryeministër nga BE. Të dy e dinë, se çfarë kanë të përbashkët. Orbani vazhdimisht me qëndrimet e tij destabilizon BE-në duke e dobësuar një institucion, ndaj të cilit Trump ka mosbesim të madh.

Orbani nga ana e tij gëzohet për mbështetjen politike prej superfuqisë. Me gjasë SHBA-të i kanë ofruar Hungarisë, ngjashëm si Argjentinës së fundi, një “mburojë financiare” prej 20 miliardë dollarësh – Ekonomia e Hungarisë kohët e fundit po dobësohet dhe financimet e rëndësishme nga BE janë pezulluar. Në një intervistë aktuale me Politico, Trump nuk kujtohej më të ketë bërë një premtim të tillë. Por ka pasur bisedime për një bashkëpunim financiar. Trump është vazhdimisht i gatshëm, që ta ndihmojë – siç e quan ai – “great friend“, shokun e tij të madh.

Edhe kryeministren e Italisë Giorgia Meloni dhe partinë e saj post-fashiste Fratelli d’Italia e vlerëson presidenti i SHBA-ve.

Megjithatë Daniel Hegedus, drejtor rajonal për Europën Qendrore në German Marshall Fund of the United States, mendon se është një “keqkuptim” i qeverisë amerikane, se Meloni mund të dalë kundër BE-së.

Sepse ndonëse Meloni ka një afërsi botëkuptimi me Orbanin, ajo nuk është bërë një ndër bllokueset në BE, por ka një qëndrim mjaft pragmatik: Askush tjetër nuk e ka kuptuar më mirë se Meloni, se çfarë i sjell vendit të saj një BE e qëndrueshme dhe funksionuese, thotë për DW Hegedus.

Polonia dhe Austria ndonëse aktualisht nuk kanë qeveri populiste të djathta, deri para pak kohësh të dy vendet kanë pasur në pushtet parti të djathta euroskpetike, që vazhdojnë të kenë influencë të madhe. Në zgjedhjet e fundit në Austri, Partia e Lirisë (FPÖ) doli forca më e madhe dhe kryeson sondazhet aktuale. Në Poloni në verë me Karol Navrockin i fitoi zgjedhjet presidenciale kandidati i partisë konservatore të djathtë Ligj dhe Drejtësi (PiS). Është e mundur, që qeveria Trump në të dy këto vende së shpejti mendon se mund të ketë sërish mundësi më të mëdha influence.

Përse jo Sllovakia dhe Çekia?

Vëzhguesit mund t’i habisë fakti, që në listën e vendeve nuk përfshihen Republika Çeke dhe ajo Sllovake.

Në Çeki në tetor fitoi zgjedhjet parlamentare partia populiste e djathtë ANO e miliarderit Andrej Babis dhe ka krijuar koalicion me parti gjithashtu të djathta si: Partia e Shoferëve (Motoriste) dhe me atë të ekstremit të djathtë Liria dhe Demokracia Direkte (SPD).

Sllovakia që nga vitit 2023 është spostuar djathtas me qeverinë e Robert Ficos. Partia e tij nominalisht socialdemokrate dhe faktikisht në pjesën më të madhe nacionaliste e djathtë Smer-SD së fundi u përjashtua nga radhët e partive socialdemokrate të Europës (SPE).

Të dy Babis dhe Fico, janë skeptikë ndaj BE-së, të dy kanë potencialin që të nxisin kaos në vendimmarrjen europiane dhe të minojnë autoritetin e BE-së në çështjet strategjike, kryesisht sa ka të bëjë me Rusinë dhe Ukrainën – tipare këto, që qeveria Trump në orientimin aktual do të duhej t’i kishte vlerësuar.

Që këto dy vende nuk shfaqen në dokumentin e strategjisë, sipas politologut Hegedus, kjo ka të bëjë me rrënjët e secilës parti. ANO për një kohë të gjatë nuk klasifikohej si parti klasike e spektrit majtas-djathtas, ndërsa Smer-SD fillimisht e konsideronte veten si majtas. “Mund ta shohësh qartazi, se sa e ideologjizuar është qasja amerikane”, thotë Hegedus. “Meqenëse Smer dhe ANO nuk kanë prejardhje klasike populiste të djathtë, ato nuk konsiderohen si shok ideali, edhe pse ndoshta bëjnë një politikë, që është e dobishme për qeverinë Trump.”

Dekompozim gradual i integrimit europian

Përpjekja e parë për ndërhyrje e qeverisë së re të SHBA-ve në proceset demokratike në Europë ishte në fillim të vitit, kur zëvendëspresidenti JD Vance mbajti një fjalim provokues në Konferencën e Sigurisë në Mynih. Kjo përpjekje u anashkalua pjesërisht nga vëzhgues të raporteve transatlantike duke argumentuar, se qeveria e re në Uashington së pari duhet të përcaktojë rolin e vet të ri. Por qysh atëherë qeveria e SHBA-ve vazhdimisht ka ndërhyrë në Europë në fushatat elektorale si ajo gjermane, rumune e polake. Ndërhyrja ndjek gjithmonë të njëjtin shabllon: Mbështetje, kur qeveria Trump sheh aleatë ideologjik – dhe kush dobëson Brukselin.

Qëllimi i SHBA-ve nuk mund të jetë një Huxit, Italexit, Auxit apo Polexit, mendojnë ekspertët si Hegedus – por një shpërbërje graduale e integrimit europian, që ajo mund ta nxisë me mbështetje diplomatike, politike e ndoshta edhe financiare.

Shenjat e para për këtë tani po shihen: BE p.sh. ka rënë dakord për shkëputjen graduale nga varësia e energjisë ruse. Deri në fund të vitit 2026 do të ndalohet importi i gazit të lëngshëm natyror, deri në nëntor 2027 importi i gazit përmes linjave gazsjellëse. 

Kryeministri i Hungarisë Orban në nëntor mori një përjashtim nga Trump-i në kontekstin e sanksioneve të SHBA-ve lidhur me importet ruse të gazit. Ai deklaroi, se BE-ja nuk do ta pranojë këtë vendim dhe se rasti do të kalojë në Gjykatën Europiane. Në një konferencë të përbashkët shtypi me presidentin turk Rexhep Tayip Erdogan të hënën (08.12.2025) Orban deklaroi, se Turqia edhe në të ardhmen do të garantojë që Hungaria të marrë furnizimet me gaz përmes linjës TurkStream.

Eksperti Hegedus beson, se në vitet e ardhshme vazhdimisht do të ketë raste të tilla, kur vendet anëtare në sektorë të caktuar nuk do t’u përmbahen rregullave të vendosura bashkarisht dhe në këtë mënyrë do të vihet gjithnjë e më shumë në pikëpyetje integrimi europian. BE-ja kësisoj do të gërryhej gjithnjë e më shumë – derisa dikur vërtetë mund të humbiste rëndësinë./Marrë nga DW

Kur dukej se Mali i Zi po ecte me hapa të shpejtë për t’u bërë shteti i parë nga rajoni ynë si anëtar me të drejta të plota i BE-së një lajm i keq erdhi këtë fundjavë për Podgoricën. Franca vuri veton duke e bllokuar anëtarësimin e Malit të Zi në BE.

Franca ka bllokuar avancimin e dy kapitujve kyç në procesin e integrimit europian të këtij vendi. Burime për “Vijesti” bënë me dije se përfaqësuesit francezë në grupet e punës së BE-së kanë kundërshtuar heqjen nga lista të kapitullit 11, që lidhet me bujqësinë dhe zhvillimin rural, si dhe kapitullit 13 për peshkimin. Qëndrimi i Parisit u bë i ditur në mbledhjen e Grupit të Punës së Këshillit të BE-së, që u zhvillua një ditë më parë.

Në kryeqytetin e fqinjit tonë verior mendojnë se ky vendim i papritur i Parisit lidhet më shumë me zgjedhjet e vitit 2027 në Francë sesa me reformat në Mal të Zi. 

Presidenti francez Emmanuel Macron, partia e të cilit përballet me një betejë elektorale për të mbetur në pozicionin presidencial në vitin 2027, ka vendosur ta lërë mënjanë temën e zgjerimit të BE-së, e cila nuk ka mbështetjen e shumicës në shoqërinë franceze, ndërsa opozita dhe Fronti Kombëtar i krahut të djathtë kundërshtojnë fuqimisht zgjerimin e BE-së.

Po ashtu ka spekulime se ndoshta lidhet edhe me deklaratën e presidentit serb Aleksandër Vuçiç për anëtarësimin e gjashtë shteteve të Ballkanit Perëndimor në BE në grup në të njëjtën kohë.

Pa heqjen e vetos nga Parisi për mbylljen e dy kapitujve të fundit në negociata, do të jetë e vështirë të arrihet mbyllja e të gjitha kapitujve për këtë shtet deri në fund të vitit 2026.

Ky ndryshim qëndrimi nga Parisi erdhi vetëm disa orë pas mesazhit të kancelarit gjerman Friedrich Merz se duhet të fillojë shkrimi i traktatit për pranimin e Malit të Zi në Bashkimin Europian.

Mali i Zi do të mbyllë përkohësisht negociatat mbi kapitujt që kanë të bëjnë me lëvizjen e lirë të kapitalit, të drejtat e shoqërive tregtare dhe lirinë për të ofruar shërbime.

Mali i Zi i nisi negociatat për anëtarësim në Bashkimin Evropian më 29 qershor 2012. Që prej asaj kohe, Podgorica ka hapur të gjithë kapitujt negociues 33 ne total, por ka mbyllur përkohësisht vetëm shtatë prej tyre.

Ish-deputeti i Partisë Socialiste, Vladimir Kosta, i është bashkuar protestës së Adriatik Lapajt.

Prej disa ditësh, kreu i “Shqipëria Bëhet” është vendosur para Kryeministrisë dhe kërkon dorëheqjen e Edi Ramës, ndërsa u ka bërë thirrje njerëzve t’i bashkohen në këtë protestë.

Ndërsa ish-deputeti Kosta nga ana tjetër është tashmë nga kundërshtarët e kryeministrit Edi Rama pas shembjes së tre vilave në pronësi të tij, në periferi të Tiranës, të cilat autoritetet i konsideruan ndërtime pa leje.

Kosta kritikoi dje edhe deklaratën e bërë nga kryeministri Edi Rama një ditë më parë gjatë fjalës në Forumin Ekonomik, ku theksoi rëndësinë e tërheqjes së investitorëve të huaj në Shqipëri, ka sjellë jo pak reagime.

Kosta në një postim në rrjetet sociale akuzon direkt Ramën duke e quajtur kryeministër që prish, dhunon dhe minon pasurinë e shqiptarëve.

“…Pa pikën e turpit kërkon investitorë të huaj…! Si të zë vendi…”, shkruante Kosta, duke publikuar edhe pamjen e shembjes së tre vilave në pronësi të tij, në periferi të Tiranës.

https://www.facebook.com/plugins/video.php?height=315&href=https%3A%2F%2Fwww.facebook.com%2Freel%2F847503027858988%2F&show_text=false&width=560&t=0

Historia e një djali ukrainas të plagosur nga një raketë ruse ka prekur zemrat e njerëzve në mbarë botën.

Në videon që ka bërë xhiron e rrjetit, tregohet një përkthyese që shpërthen në lot teksa po përkthente fjalën e 11-vjeçarit gjatë një seance në Parlamentin Evropian në Bruksel.

Ajo po përkthente nga ukrainishtja në anglisht për djalin e mitur, i cili u plagos nga një sulm me raketë rus ndaj një spitali në Ukrainën qendrore në vitin 2022.

Roman Oleksiv kujtoi se në sulm u vra nëna e tij, ndërsa përkthyesja nisi të qante dhe kishte vështirësi të vazhdonte përkthimin.

Oleksiv tha gjithashtu se ishte në koma për më shumë se 100 ditë dhe ka kaluar nëpër shumë operacione që nga ajo kohë.

11-vjeçari, i cili është bërë simbol i rezistencës së fëmijërisë në Ukrainë, ndau historinë e tij me ligjvënësit e BE-së gjatë shfaqjes së një dokumentari mbi fëmijët ukrainas si viktima të luftës dhe të rrëmbyer nga Rusia.

https://www.facebook.com/plugins/video.php?height=476&href=https%3A%2F%2Fwww.facebook.com%2Freel%2F4241641956080774%2F&show_text=false&width=267&t=0

Reklama e Krishtlindjeve e McDonald’s e krijuar me Inteligjencë Artificiale ka shkaktuar reagime negative në Holandë.

Reagimet ishin aq të forta sa reklama 45-sekondëshe, e cila u postua në kanalin YouTube të McDonald’s Holandë më 6 dhjetor, është hequr.

Siç shkroi një përdorues i Twitter-it, “kjo është reklama më e tmerrshme që kam parë këtë vit”.

Kompania, nga ana e saj, tha në një deklaratë për BBC-në se ishte “një mësim i rëndësishëm” në përpjekjet e saj për të ecur përpara me një “përdorim më efektiv të IA-së”.

Reklama u krijua nga agjencia holandeze TBWA\Neboko dhe kompania amerikane e prodhimit The Sweetshop. Ideja ishte të shfaqte gjithçka që mund të shkojë keq gjatë festave të Krishtlindjeve, duke përdorur sloganin “koha më e tmerrshme e vitit” dhe duke sugjeruar se do të ishte më mirë të kalonte kohën në McDonald’s.

Pas publikimit të saj, kritikat u përqendruan në personazhet e çuditshëm dhe numrin e madh të klipeve të lidhura, me përshkrime të tilla si “i frikshëm” dhe “i montuar keq”. Të tjerë u përqendruan në shqetësimet për humbjet e vendeve të punës në industrinë e reklamave, duke shkruar, “asnjë aktor, asnjë ekip kameramani… mirë se vini në të ardhmen e krijimit të filmave. Dhe është e tmerrshme”.

CEO e Sweetshop, Melanie Bridge, mbrojti rezultatin. Sipas saj, prodhimi zgjati “shtatë javë”, gjatë të cilave ekipi “mezi flinte” dhe krijoi “mijëra pamje – dhe më pas i redaktoi ato siç do të bënim me çdo prodhim me cilësi të lartë”. “Nuk ishte një mashtrim i inteligjencës artificiale”, tha ajo. “Ishte një film”.

Mbështetja në rritje për partitë e djathta në Europë po i shtyn vendet të ashpërsojnë rregullat për hyrjen e të huajve. Zvicra po shkon edhe më larg, së shpejti mund të votojë për një ligj që vendos kufi për numrin e banorëve të saj.

Siç shkruan Bloomberg, sot Zvicra ka rreth 9 milionë banorë dhe propozohet që nëse vendi kalon 10 milionë, hyrjet e reja do të ndalohen thuajse plotësisht. Kjo do të vlejë për këdo, për të ikurit nga lufta, për punëtorët e kualifikuar dhe për ata që paguhen shumë. Vendim që pritet të hidhet në votim vitin e ardhshëm.

Sondazhet tregojnë se shumë zviceranë mund ta mbështesin. Sipas kundërshtarëve, rreziku është që Zvicra të mbetet pa punëtorë të nevojshëm dhe të dëmtohet ekonomia e saj.

Po pse kërkohet ky cak?

Zvicra ka një ekonomi shumë të fortë dhe kjo ka tërhequr punëtorë nga shumë vende. Aty ndodhen qendra të mëdha bankare, doganore dhe shumë kompani të njohura botërore. Për shkak të rrogave të larta dhe taksave të ulëta, edhe kompani të tjera të mëdha janë vendosur atje.

Popullsia e Zvicrës është rritur për pothuajse 50 vjet me radhë. Banorët ankohen për qira të larta, trafik dhe vende të mbushura në trena e autobusë. Partia më e madhe e djathtë, SVP, thotë se tashmë ka ardhur koha për të kufizuar rritjen e popullsisë për të ruajtur cilësinë e jetesës zvicerane.

Sa shpejt po rritet popullsia?

Në 10 vitet e fundit, numri i banorëve është rritur në rreth 10%. Në vendet e BE-së rritja ka qenë shumë më e vogël. Pjesa më e madhe e rritjes në Zvicër vjen nga të ardhurit. Lindjet dhe vdekjet kanë ndikim të vogël.

Po a ka gjasa të miratohet ligji?

Po, ka gjasa. Një sondazh i fundit tregoi se pothuajse gjysma e votuesve e mbështesin idenë, ndërsa pjesa tjetër është kundër ose e pavendosur.

Në rast se po, si do të zbatohet kufiri?

Plani ka disa hapa:

Nëse Zvicra arrin në 9.5 milionë banorë, do të kufizohen më shumë kërkesat për azil dhe bashkim familjar.

Ata që janë në vend përkohësisht nuk do të mund të marrin leje të përhershme ose shtetësi.

Nëse popullsia kalon 10 milionë, Zvicra do të tërhiqet nga disa marrëveshje ndërkombëtare që rrisin numrin e të ardhurve.

Nëse pas 2 vitesh numri nuk bie nën 10 milionë, Zvicra do të largohet nga marrëveshja e lëvizjes së lirë me vendet e BE-së. Ky hap mund të ndikojë në punësimin e rreth 1.5 milionë qytetarëve të BE-së që jetojnë në Zvicër dhe në tregtinë e vendit me BE-në, ku shkon më shumë se 40% e mallrave zvicerane.

Si e shohin këtë plan bizneset dhe çfarë pasojash mund të ketë?

Shumë shoqata të biznesit paralajmërojnë se Zvicra do të mbetet pa punëtorë, veçanërisht në zanate dhe profesione të kërkuara.

Ata thonë se deri në vitin 2040 do të mungojnë rreth 430 mijë punëtorë nëse kufizohet hyrja e të ardhurve. Mund të ngadalësohet rritja e ekonomisë, të plaket më shpejt popullsia dhe të vështirësohet tregtia me vendet e BE-së. Mbështetësit e nismës thonë se qiratë dhe shpenzimet publike do të ulen, por kundërshtarët besojnë se dëmi ekonomik do të jetë më i madh.

Ky gadishull shqiptar fsheh mozaikë bizantinë, nën një mbulesë mbrojtëse për nëntë muaj të vitit, me sipërfaqe 158 metra katrorë, që datojnë në shekullin VI

Journée Mondiale

Liqeni i Ohrit shtrihet përtej rrënojave të Bazilikës Paleokristiane në majë të kodrës. Ujërat e tij ngjyrë bruz reflektojnë dritën e pasdites mbi pllakat terrakote dhe safiri. Zbulimi sezonal e transformon Gadishullin e Linit nga një fshat i qetë peshkimi në një destinacion pelegrinazhi arkeologjik.

Vizitorët do të kenë mundësi të dëshmojnë artin mbi të cilin kanë ecur të krishterët e hershëm, i cili tani është ruajtur përmes një mbulese mbrojtëse. Gjatë muajve të verës, punonjësit e mirëmbajtjes zbulojnë me kujdes dyshemenë e lashtë, me pallonj, peshq dhe hardhi që kanë mbijetuar 1500 vjet.

Gadishulli ku vera zbulon historinë

Gadishulli i Linit shtrihet në Liqenin e Ohrit nga bregu lindor i Shqipërisë, 14 milje nga qendra e qytetit të Pogradecit. Dalja shkëmbore ngrihet 724 metra mbi nivelin e detit, e kurorëzuar nga rrënojat e bazilikës bizantine. Shtëpitë tradicionale shqiptare me çati me tjegulla të kuqe zbresin poshtë shpateve të kodrave drejt liqenit më të vjetër të Evropës.

Liqeni i Ohrit u formua mbi një milion vjet më parë. Ujërat e tij të kristalta shtrihen në një gjatësi prej 19 miljesh dhe me një thellësi prej 290 metrash. Brenda mureve mesjetare te fortesës bizantine e cila ngrihet nga ujërat e Egjeut shfaqet një trashëgimi e pasur kulturore.

Gadishulli ka 180 banorë që ruajnë traditat e peshkimit që datojnë mijëvjeçarë më parë. Dëshmitë arkeologjike zbulojnë vendbanime që kanë ekzistuar për 8500 vjet – duke e bërë Linin një nga vendet më të vjetra të banuara në Evropë.

Pse mozaiku qëndron i fshehur?

Autoritetet e trashëgimisë kulturore shqiptare e mbulojnë mozaikun nga tetori deri në maj duke përdorur një pëlhurë të specializuar. Dimri dhe lagështia e liqenit do të dëmtonin gurët e lashtë nëse mozaiku nuk do të mbrohej. Udhëzimet e UNESCO-s kërkojnë akses sezonal për të ruajtur veprat e artit për brezat e ardhshëm.

Procesi i mbulimit zgjat tre ditë çdo vjeshtë. Punonjësit e mirëmbajtjes vendosin me kujdes materiale mbrojtëse mbi secilën pjesë, duke dokumentuar gjendjen e pllakave. Zbulimi i mozaikëve në pranverë kërkon kujdes, me ngjyra që mbeten të gjalla pas 15 shekujsh.

Atmosfera e qetë e bregdetit shqiptar

Lini pret 8 000 vizitorë çdo vit krahasuar me një milion turistë në qytetin e Ohrit në bregdetin maqedonas. Pjesa shqiptare ruan atmosferën autentike të fshatit të peshkimit. Orët e mëngjesit ofrojnë përvojën më të qetë të eksplorimit, me dritën e artë që ndriçon mozaikun e lashtë. Hotelet lokale kushtojnë 50 dollarë nata krahasuar me 95 dollarë në qytetin e Ohrit përtej liqenit.

Restorantet tradicionale shërbejnë troftë të Ohrit me një kosto prej 13 dollarësh, duke ofruar lloje endemike peshqish që nuk gjenden askund tjetër në Tokë.

Kur gurët flasin pas 1500 vitesh

Bazilika e hershme e krishterë daton në vitet 550-575 të erës sonë, duke përfaqësuar dyshemenë më të madhe të mozaikut bizantin në Ballkan. Modelet e ndërlikuara shfaqin hardhi që mbijnë nga kupat, duke simbolizuar rilindjen dhe Eukaristinë. Pallonjte dhe pëllumbat përfaqësojnë jetën e përjetshme dhe Shpirtin e Shenjtë.

Motivet e peshqve dhe lepujve lidhin natyrën tokësore me besimin shpirtëror. Lulet e lotusit, gërshetat gjeometrike dhe kryqet bizantine gërshetojnë qiellin dhe tokën në një rrëfim mahnitës vizual.

Liqenet me ujë të kripur takohen me pyje pishe në një tjetër mjedis të gadishullit të Ballkanit që ruan trashëgiminë mesjetare. Arkeologët shqiptarë zbuluan vendin në vitin 1967 gjatë studimeve rutinë. Poshtë dyshemesë bizantine ndodhen gjurmë vendbanimesh ilire nga mijëvjeçari i parë p.e.s., dhe themele të mundshme romake.

Çfarë zbulon dyshemeja

Gurët e kuq terakote, blu safiri, okër i artë dhe të bardhë fildishi krijojnë modele komplekse. Guroret lokale siguruan materiale, me artizanë që zgjidhnin gurë për ngjyra dhe tekstura specifike. Çdo pllakë ka një sipërfaqe prej afërsisht 12 centimetra katrorë, të prera me dorë dhe të pozicionuara me saktësi matematikore. Kufijtë gjeometrikë kornizojnë skena figurative në të gjithë hapësirën prej 220 metrash katrorë.

Medalionet e qosheve paraqesin dizajne të hollësishme zogjsh, ndërsa panelet qendrore shfaqin simbolikë fetare. Mjeshtëria rivalizon kryeveprat bizantine në Ravena dhe Kostandinopojë.

Shtresa ilire poshtë Bizantit

Stratifikimi arkeologjik zbulon 2000 vjet adhurim të vazhdueshëm në këtë majë kodre. Themelet ilire mbështesin strukturat e mëvonshme romake, të kurorëzuara nga bazilika bizantine.

Çisternat e lashta ende të dukshme edhe sot ruanin ujë si për banorët romakë ashtu edhe për ata bizantinë. Kjo histori e shtresuar e bën Linin të vlefshëm në mënyrë unike për të kuptuar tranzicionet kulturore.

Çdo qytetërim ndërtoi mbi themelet e mëparshme, duke krijuar mbivendosje të mbishkrimeve arkeologjike që tregojnë historinë e plotë të rajonit.

Drita e liqenit mbi sipërfaqet mozaike

Dielli i pasdites krijon kushte optimale për të vëzhguar zonën midis orës 14:00 dhe 17:00. Reflektimet e liqenit hedhin dritë mbi sipërfaqet mozaike, duke bërë që peshqit e lashtë të duken sikur notojnë dhe zogjtë sikur fluturojnë.

Trumza e egër, livandoja dhe trëndafilat shkëmborë çelin rreth rrënojave gjatë muajve të verës. Shtegu shkëmbor i gadishullit kërkon 20 minuta për ta vizituar nga qendra e fshatit, me këpucë të forta për ngjitjen përfundimtare.

Kjo tryezë gëlqerore ngrihet nga uji bruz në një mjedis të ngjashëm mesdhetar që kombinon historinë me bukurinë natyrore.

Vizitorët tërhiqen nga tingulli i valëve që përplasin gurët e lashtë. Aroma e freskisë së liqenit përzihet me gurët tokësorë dhe parfumet e luleve të egra. Gurët e mozaikut bëjnë kontrast me diellin e ngrohtë të pasdites në majën e kodrës së ekspozuar.

Ecje në shtegun e gadishullit

Shtegu fillon pranë portit të vogël të Linit, duke u përdredhur nëpër shtëpitë tradicionale prej guri. Seksionet e pjerrëta kërkojnë ecje të kujdesshme, veçanërisht qasja e fundit shkëmbore në vendin e bazilikës.

Hyrja kushton 2,75 dollarë për vizitorët ndërkombëtarë, dhe hyrje falas për qytetarët vendas të dielën e parë të muajit. Fotografimi lejohet pa blic, megjithëse xhirimet komerciale kërkojnë leje të posaçme nga autoritetet e trashëgimisë.

Pogradeci dhe jeta lokale

Pogradeci shërben si qyteti portë, duke ofruar hotele, restorante dhe lidhje transporti. Minibusët qarkullojnë çdo orë midis Pogradecit dhe Linit për 1,65 dollarë vetëm vajtje. Shërbimi i taksive kushton 17 dollarë për udhëtimin prej 14 miljesh.

Restorantet lokale ofrojnë belvica, një peshk të vogël endemik që shërbehet me vaj ulliri dhe limon. Byrekët tradicionalë dhe trofta e freskët e liqenit ofrojnë përvoja autentike të ushqimit.

Qetësia që liqeni i Ohrit ruan

Gadishulli i Linit ruan atmosferën e qetë që turizmi masiv e ka zhdukur diku tjetër në Ballkan. Mjegulla e mëngjesit ngrihet nga ujërat e lashta, ndërsa anijet e peshkimit dalin si fantazma nga qetësia e agimit.

Zbulimi sezonal i mozaikut krijon momente pelegrinazhi që lidhin vizitorët modernë me  besimin dhe artin 1500 vjeçarë.

Ky cep i qetë i Shqipërisë ofron një përvojë autentike kulturore pa turma vizitorësh. Mozaiku përfaqëson trashëgiminë e gjallë, të mbrojtur me kujdes, por të arritshme për turistët që kërkojnë bukuri përtej vendeve turistike të mbipopulluara.

Kur mund ta shihni mozaikun e zbuluar?

OMozaiku zbulohet çdo vit nga 15 qershori deri më 30 shtator, nëse e lejon moti. Orari i përditshëm i vizitës është nga ora 9:00 e mëngjesit deri në 19:00 të mbrëmjes gjatë sezonit të hapjes. Fundi i qershorit dhe fillimi i shtatorit ofrojnë kushte optimale me më pak turma dhe ndriçim ideal.