Category: Lajme

Nga 1 janari i vitit të ardhshëm do të ndryshojë përsëri siguracioni i makinës. Të gjithë ata drejtues mjetesh që kanë shkaktuar aksidente gjatë këtij viti do të paguajnë më shumë sigurim vitin tjetër.

Rregullorja e re për sigurimin e mjeteve hyri në fuqi në janar të këtij viti, duke marrë në konsideratë 7 faktorë risku që shtrenjtojnë siguracionin si fuqia motorike, mosha e shoferit, eksperienca e tij në drejtimin e makinës, përdorimi i mjetit, qarku i regjistrimit të mjetit dhe vjetërsia e makinës.

Kurse historiku me aksidentet nis të zbatohet nga janari i vitit të ardhshëm, pasi aksidentet apo dëmet e shkaktuara përpara vitit 2025 zerohen.

“Cilit modeli Evropian i jeni referuar për të miratuar rregulloren e faktorëve të riskut për sigurimin e mjeteve, bonus-malus? Apo është një rregullore shqiptare që ka probleme dhe arritje? Pse ne kemi vetëm 3 klasa, dhe kemi koeficiente në disa raste shumë të ulët, dhe në disa të tjera në anormalitet?”, pyeti Braçe.

“Nuk ekziston një model që i përshtatet çdo vendi. Këto janë faktorë minimal që mund të konsiderohen por mund të zgjerohen më tej për çdo shoqëri. Mund të mos jetë perfekte por është hap i madh, për të ndryshuar perceptimin e qytetarëve që të tregojnë kujdes në drejtimin e mjeteve, pasi që në 1 janar 2026 do të hyjë në zbatim dhe bonusi dhe malusi. Nëse incidenca e dëmeve në nivel vendi është 3.8 do të thotë që 3.8% e drejtuesve do të penalizohen, ndërsa të tjerët do të marrin bonus, që do të luhatet”, u përgjigj drejtuesja e AMF-së Mimoza Kaçi.

Drejtuesit e rregullt, marrin bonus vitin tjetër ose sigurim më të ulët, kurse drejtuesit ‘problematik’ do të marrin ‘malus’ ose sigurim më të lartë.

Grabitësit që kryen vjedhjen spektakolare të muzeut të Luvrit në Paris të dielën, vodhën 9 nga 23 bizhuteritë e koleksionit të perandoreshës Euzheni, bashkëshortes së Napoleonit të Tretë, përfshirë edhe kurorën e saj perandorake, të gjitha të shekullit të 19-të.

Për trashëgiminë historike të Francës dhe Europës, ato kanë vlera që nuk llogariten me para, ndaj dhe ngjarja, e kryer për 7 minuta, ka shokuar opinionin publik francez e më gjerë.

Për shtypin francez, kjo ishte vjedhja e shekullit, ndërsa autoritetet kanë nisur hetimet për gjetjen e autorëve dhe vënien përpara drejtësisë. Sipas ekspertëve, gjetja e objekteve të vjedhura është shumë e vështirë, por jo e pamundur.

Hetimet

Policia franceze ka disa prova fizike, duke përfshirë një helmetë motoçiklete dhe një dorezë që besohet se janë përdorur nga grabitësit e bizhuterive në Luvër.

Platforma e lëvizshme e vinçit, të cilën grabitësit e përdorën për t’u ngjitur në ballkonin dhe dritaret e galerisë, dyshohet se është vjedhur nga një shitës i cili postoi një reklamë në faqen e internetit Leboncoin, raporton Le Parisien.

Hetimi për vjedhjen e sendeve me vlerë në muzeun e Luvrit është duke vazhduar, hetuesit e Brigadës së Parandalimit të Krimit (BRB), në bashkëpunim me Zyrën Qendrore për Luftimin e Trafikimit të Mallrave Kulturore (OCBC), vazhdojnë të mbledhin deklaratat e dëshmitarëve dhe provat fizike që mund të ndihmojnë në identifikimin e anëtarëve të bandës që vodhi tetë bizhuteri të paçmuara nga dy vitrina në Galerinë Apollo në Luvër. Jeleku dhe pajisjet e gjetura në vendngjarje u dërguan menjëherë për analizë.

Sipas Reuters, qeveria franceze thuhet se do të punësojë ekipin që zgjidhi grabitjen e Kim Kardashian në Paris në vitin 2016 për të gjetur autorët e asaj që po përshkruhet si grabitja e dekadës në muzeun e Luvrit.

Bëhet fjalë për ekipin e BRB-së, i cili përbëhet nga rreth 100 agjentë, nga të cilët më shumë se dymbëdhjetë janë të specializuar në vjedhjet nga muzetë. Oficerët do të shqyrtojnë pamjet video, të dhënat telefonike dhe provat mjeko-ligjore, dhe do të aktivizohen informatorët.

“Ata mund të kenë ekipe që punojnë 24 orë në ditë, 7 ditë në javë, për një periudhë të gjatë kohore”, tha një ish-anëtar i ekipit për Reuters, duke deklaruar se ishte “100 për qind” i sigurt se hajdutët do të kapeshin.

Të dielën rreth orës 09:30 të mëngjesit, katër persona hynë me forcë në Galerinë e famshme Apollo në Muzeun e Luvrit në Paris. Ata përdorën një shkallë mekanike të montuar në një automjet për t’u ngjitur në galeri. Hajdutët prenë xhamin e sigurisë dhe morën nëntë objekte me vlerë të paçmuar kulturore, dhe njëra prej tyre, kurora e Perandoreshës Eugenie, gruas së Napoleonit III, u gjet në vendngjarje , dhe supozohet se autorët e krimit ranë gjatë arratisjes. Objektet burojnë nga shekulli i 19-të dhe i përkisnin fisnikërisë franceze, të zbukuruara me mijëra diamante dhe gurë të tjerë të çmuar.

Java e parë është vendimtare

Arthur Brand, një ekspert i vjedhjes së veprave të artit, i shpjegoi Sky News se “dritarja” kritike për gjetjen e sendeve të vjedhura është java e parë.

“Këto bizhuteri janë aq të famshme sa thjesht nuk mund t’i shesësh. E vetmja gjë që mund të bëjnë është të shkrijnë argjendin dhe arin, të çmontojnë diamantet, të përpiqen t’i presin. Kështu që ndoshta do të zhduken përgjithmonë. Policia ka një javë kohë. Nëse i kapin hajdutët, sendet mund të jenë ende aty. Nëse u duhet më shumë kohë, sendet e vjedhura ndoshta do të zhduken dhe do të çmontohen. Është një garë me kohën”, tha ai.

Ai e quan teorinë se grabitja u bë me urdhër të një koleksionisti “qesharake”, duke shpjeguar se objekte të tilla si ato të vjedhura nga Luvri nuk mund t’u tregohen as miqve ose të afërmve “sepse rrezikon të përfundosh në burg”.

Grabitja shkaktoi një “tërmet” në Paris

Megjithatë, vjedhja e papritur në Luvër shkaktoi një “tërmet” të vërtetë në Paris, duke tronditur udhëheqjen politike të Ministrisë së Kulturës dhe administratën e muzeut, të cilat janë nën presion dhe kritika të forta. Të hënën, përpjekjet e autoriteteve u përqendruan kryesisht në përmbajtjen e tronditjes, sipas gazetës franceze Le Monde.

Të nesërmen, tronditja ende nuk kishte mbaruar. Katër grabitësit, të cilët vodhën tetë bizhuteri të paçmuara nga koleksioni i Luvrit, janë ende të lirë. Pyetje të panumërta mbeten gjithashtu pa përgjigje në lidhje me kushtet e sigurisë në Luvër.

Vjedhja e paprecedentë me thyerje në Galerie Apollo në mes të ditës të dielën, më 19 tetor, ndodhi vetëm në shtatë minuta , por pasojat e saj do ta ndjekin kryeqytetin francez për një kohë të gjatë. Luvri do të mbetet i mbyllur për publikun të paktën deri të mërkurën në mëngjes.

Administrata e Luvrit kërkoi kushte më të mira

Të hënën, Ministri i Brendshëm, Laurent Ninez, zhvilloi një takim njëorësh me Ministren e Kulturës, Rashida Dati, dhe të gjitha departamentet përkatëse, në një përpjekje për të identifikuar dështimet e sigurisë.

Sipas raportimeve, pati paralajmërime të cilat, megjithatë, nuk çuan në masa të shtuara sigurie në muze.

Që nga janari, presidenti i Luvrit, Laurence de Carre, i është ankuar Ministrit të Kulturës për “shenja shqetësuese neglizhence” dhe “shumëfishim të dëmeve” , duke theksuar nevojën për një rinovim të konsiderueshëm.

Siç është raportuar, De Carre, tani nën një presion të madh, është thirrur të dëshmojë para Senatit Francez të mërkurën.

Pas takimit, ministria urdhëroi një hetim administrativ “për të analizuar vjedhjen minutë pas minute” , paralelisht me hetimin gjyqësor. Përveç kësaj, Ministri i Brendshëm u bëri thirrje të gjithë prefektëve të forcojnë masat e sigurisë rreth institucioneve kulturore dhe të hartojnë një listë të të gjitha objekteve “të çmuara” të trashëgimisë kulturore.

Bardella: Poshtërim!

Pati shumë reagime politike pas vjedhjes së paprecedentë të hënën. Jordan Bardella, president i Asamblesë Kombëtare të ekstremit të djathtë, foli për “poshtërim”.

“Është turp për vendin tonë që ka arritur në një gjendje të tillë”, tha për Franceinfo Jean Brocha, një zëdhënës i Partisë Komuniste.

Nga ana e tij, ish-Presidenti François Hollande bëri thirrje, duke folur për BFM-TV, që “të mos fillohen konflikte”. “Tani që jemi nën sulm, duhet të jemi të bashkuar“, tha ai.

Ngjarja tragjike në Trikala, ku një 18-vjeçar vrau nënën e tij, ka tronditur opinionin publik për shkak të brutalitetit me të cilin u krye krimi.

Sipas gjetjeve mjeko-ligjore, 54-vjeçarja u mbyt me një peshqir, të cilin autori e mbajti fort rreth qafës së saj për disa minuta, derisa ajo humbi jetën. Prania e gjakut në veshë dhe sy tregon qartë vuajtjet e rënda që gruaja pësoi përpara se të ndërronte jetë.

I riu është vënë nën akuzë për vrasje me dashje dhe pritet të dalë për të dhënë dëshminë e tij të mërkurën në mesditë.

Viktima, e cila përshkruhet nga fqinjët si një grua e qetë dhe e respektuar, ishte e divorcuar dhe jetonte me djalin e saj, ndërsa vajza qëndronte me të atin, duke e vizituar të ëmën gjatë fundjavave.

Sipas dëshmive të fqinjëve, mosmarrëveshjet mes nënës dhe djalit ishin të shpeshta, megjithatë në ditën e ngjarjes gjithçka dukej e qetë. Të dy po shikonin televizor, kur 18-vjeçari u ngrit, shkoi në banjo, mori një peshqir dhe, me një qetësi të frikshme, ia mbështolli atë nënës rreth qafës, duke e mbytur.

Pas krimit, ai qëndroi plotësisht i ftohtë, telefonoi policinë, pranoi veprimin dhe priti forcat e rendit që ta arrestonin.

Ndërkohë, avokatët mbrojtës kanë deklaruar për median trikalavoice se klienti i tyre nuk ka dhënë asnjë dëshmi apo pranim, duke hedhur poshtë raportimet mediatike që e citojnë si të ketë pranuar krimin ose të ketë thënë se “e kishte menduar prej kohësh”.

Në deklaratën e tyre të plotë, avokatët theksojnë:

“Është detyrë themelore e mbrojtjes ligjore që, në një tragjedi të tillë familjare me dy viktima, të mbrojë jetën dhe privatësinë e një të riu ende të brishtë, derisa shkenca dhe hetimet të zbardhin plotësisht rrethanat reale të ngjarjes. Ky detyrim, po ashtu, u përket edhe mediave, të cilat duhet të raportojnë me përgjegjësi dhe saktësi. Nënvizojmë se nuk ekziston asnjë deklaratë apo pranim nga i akuzuari, përkundër pretendimeve të pasakta që po qarkullojnë.”

Bombarduesit rusë me rreze të gjatë veprimi Tu-22M3 kanë kryer një fluturim të planifikuar mbi ujërat ndërkombëtare në Detin Baltik.

Lajmi u bë i ditur nga Ministrinë e Mbrojtjes.

‘Në faza të ndryshme të misionit, bombarduesit shoqëroheshin nga avionë luftarakë nga vende të huaja’, thuhet më tej në deklaratën zyrtare.

Një tjetër akt grabitjeje ka goditur botën e trashëgimisë kulturore në Francë, vetëm pak orë pas vjedhjes në Muzeun e Luvrit. Kësaj here, objektiv ka qenë Maison des Lumières Denis Diderot, muzeu i kushtuar filozofit të ndriçimit Denis Diderot në Langres, në rajonin Haute-Marne, në verilindje të Francës.

Ngjarja ndodhi natën e së dielës, kur muzeu ishte i mbyllur për shkak të një feste. Grabitësit hynë me forcë nga dera kryesore dhe thyen një vitrinë ekspozuese, duke marrë një koleksion historik prej 1,633 monedhash argjendi dhe 319 monedhash ari, të cilat datonin nga vitet 1790 deri në 1840.

Tjetër grabitje spektakolare në Francë! Pas Luvrit, shenjestra e
Muzeu
Sipas autoriteteve lokale, thesari i vjedhur ishte zbuluar në vitin 2011, gjatë punimeve të rinovimit në ndërtesën Hôtel du Breuil, që sot strehon muzeun. Në deklaratën zyrtare të komunës së Langres, thuhet se autoritetet e zbatimit të ligjit mbërritën menjëherë në vendngjarje dhe kryen një kontroll të plotë të objektit në bashkëpunim me stafin e muzeut.

“Autoritetet e zbatimit të ligjit u njoftuan menjëherë dhe shkuan në vendngjarje. Të shoqëruar nga personi përgjegjës për vendin, ata kryen një inspektim të plotë të muzeut. Sipas vëzhgimeve fillestare, një pjesë e ‘thesarit të muzeut’ është zhdukur. Ekipet e muzeut aktualisht po bëjnë një regjistrim të saktë të objekteve që do t’ia dorëzojnë policisë”, thuhet në një njoftim për shtyp të qytetit, të raportuar nga “France Info”.

Aktualisht, Maison des Lumières Denis Diderot mbetet i mbyllur deri në një njoftim të dytë, ndërsa vendi po ruhet gjatë natës nga një kompani sigurie private.

Hetuesit po e trajtojnë ngjarjen si një grabitje të targetuar, e cila ndodhi në një moment kur muzeu ishte i pambrojtur, në të njëjtën fundjavë kur ndodhi dhe vjedhja në Muzeun e Luvrit, çka ka ngritur shqetësime për një valë të re sulmesh ndaj institucioneve kulturore në Francë.

Dy shqiptarë, të shpallur në kërkim ndërkombëtar nga Shqipëria dhe Gjermania janë arrestuar në Angli.

Bëhet fjalë për Eduart Elezin 28 vjeç dhe Xhuljano Hoxhën 30 vjeç, të cilët ishin shpallur në kërkim për kultivimin e kanabisit.

Sipas raportimeve në media seanca e ardhshme e ekstradimit për Elezin është parashikuar më 16/02/2026.

Ndërsa për Hoxhën, i cili kërkohet nga drejtësia shqiptare për kultivim kanabisi do të mësojë masën e dënimit në gjykatën e Manchesterit më 20/11/2025.

Një ngjarje tronditëse ka tronditur Milanon mëngjesin e së martës, kur një grua 55-vjeçare u sulmua me thikë nga ish-bashkëshorti i saj në mes të rrugës. Ngjarja ndodhi rreth orës 09:50 në pjesën veriore të qytetit, ku kalimtarët e rastësishëm e gjetën viktimën të shtrirë në trotuar, të mbuluar me gjak dhe pa ndjenja.

Ekipet e urgjencës mbërritën menjëherë dhe e transportuan gruan në gjendje shumë kritike drejt spitalit Niguarda. Mjekët thanë se ajo kishte plagë të shumta nga goditjet me thikë, përfshirë edhe një plagë të rëndë në qafë që kishte prekur enë jetike të gjakut. Kirurgët ndërhynë me urgjencë për t’i shpëtuar jetën.

Sipas hetimeve paraprake, sulmi dyshohet se ka nisur brenda banesës së saj, ndërsa gruaja është përpjekur të arratiset për të kërkuar ndihmë. Agresori, një burrë 64-vjeçar, është parë duke u larguar me motor dhe me fytyrën e mbuluar nga një helmetë. Ai ndodhet ende në arrati, ndërsa karabinierët po e kërkojnë intensivisht.

Dëshmitarë dhe fqinjë tregojnë se pak çaste para sulmit janë dëgjuar britma, ndërsa në rrugë janë vërejtur gjurmë gjaku. Sipas tyre, burri e kishte ndjekur ish-bashkëshorten për disa javë, çka ngre dyshime për dhunë të përsëritur dhe përndjekje.

Çifti kishte qenë i martuar për disa vite, por ishte ndarë tre vite më parë për arsye financiare. Autoritetet po hetojnë nëse viktima kishte bërë më parë ndonjë denoncim për dhunë apo kërcënime ndaj ish-partnerit.

**Dëshmitë e para**

“Dëgjova një britmë, shikova nga dritarja dhe një vajzë më tha: ‘E kanë goditur rëndë! Ka shumë gjak!’”, tregoi për mediat lokale Antonietta, fqinja e viktimës, e identifikuar si Luciana Ronchi.

“Ajo më tha që ai e kishte rrahur për vdekje. Nuk pa nëse kishte thikë, por e pa që po e godiste fort. Burri u largua me motoçikletë dhe mbante helmetë, ndaj askush nuk ia pa fytyrën,” shtoi ajo.

Një tjetër banor tha se Luciana ishte një grua e qetë dhe shumë e dashur, që adhuronte kafshët. “Kishte një qen të sëmurë që e trajtoi me çdo kusht, edhe pse nuk kishte shumë para. Ishte njeri i mirë, e qetë dhe e sjellshme,” rrëfeu ai.

Autoritetet italiane po vijojnë kërkimet për autorin dhe po mbledhin prova për të zbardhur plotësisht motivin e ngjarjes që ka tronditur Milanon.

Rritja e temperaturave ekstreme gjatë verës po bëhet gjithnjë e më e theksuar në Europë. Sipas të dhënave zyrtare, vera e fundit ka qenë më e nxehta në Spanjë që nga viti 1961, një trend që po përfshin gjithë kontinentin dhe po shkakton pasoja serioze për natyrën.

Një nga vendet më të goditura është Greqia fqinje, ku përveç zjarreve të shumta që kanë shkatërruar ekosistemet lokale, vendi po përballet edhe me një thatësirë të gjatë e të ashpër. Pasojat janë dramatike në liqenin Mornos, rezervuari kryesor që furnizon me ujë kryeqytetin grek, Athinën, shkruan A2 CNN.

Sipas autoriteteve greke, në katër vitet e fundit liqeni ka humbur më shumë se gjysmën e ujit: nga 19,1 kilometra katrorë në vitin 2022 ka zbritur në vetëm 8,7 kilometra katrorë në shtator 2025. Shkaku kryesor është mungesa e reshjeve dhe nxehtësia e zgjatur që ka prekur gjithë rajonin, shkruan A2 CNN.

Pamjet satelitore të misionit Copernicus Sentinel-2 të Agjencisë Hapësinore Evropiane tregojnë qartë ndryshimin e ujit midis janarit 2022 dhe tetorit 2025, me brigje të zbuluara dhe një peizazh që dëshmon për krizën klimatike që po përkeqësohet çdo vit.

Kryeministri i Britanisë së Madhe Keir Starmer është zotuar të ‘mbyllë rrugët’ përmes Ballkanit Perëndimor që po e përmbyt Britaninë me emigrantë.

Kryeministri do të presë sot udhëheqës nga rajoni në përpjekje për të shkatërruar bandat e kontrabandës që qëndrojnë pas rritjes së kalimeve të Kanalit.

Ai i tha gazetës ‘The Sun’ se trafikantët kishin ndërtuar një perandori kriminale që shtrihej në të gjithë Evropën, të cilën Mbretëria e Bashkuar duhet t’a mbyllë.

Ministrat shpresonin të zbulonin një marrëveshje për qendrat e kthimit në samit. Por një burim qeveritar tha se ministrat së pari duhej të ulnin kriminalitetin dhe të stabilizonin sigurinë kufitare në rajon.

“Ekziston një autostradë kriminale që kalon nëpër Ballkanin Perëndimor, duke i çuar emigrantët e paligjshëm direkt në Mbretërinë e Bashkuar. Detyra jonë është ta mbyllim dhe të shkatërrojmë bandat që e drejtojnë’, tha ai.

Në një sulm të fshehur paksa ndaj Nigel Farage, ai tha se disa kishin “hedhur fyerje” ndaj vendeve si Shqipëria në vend që të bashkëpunonin. Britania tani po vendos dronë në pikat e kontrollit në të gjithë Ballkanin për të ndaluar kontrabandistët në vendngjarje. Zyrtarët e Ministrisë së Brendshme thonë se rreth një e katërta e mbërritjeve me varka të vogla udhëtojnë nëpër Ballkan./The Sun

Një 29-vjeçare shqiptare është qëlluar për vdekje me armë nga bashkëshorti i saj, Anthony Deschepper, 38-vjeç.

Ngjarja e rëndë ka ndodhur në Brampton, Kanada, kur burri i Savannah Kullës, nënë e 4 fëmijëve, e ka qëlluar atë në një parking, duke e lënë të vdekur në vend.

Autori pas krimit ka marrë një prej fëmijëve të tyre dhe ka tentuar që të largohet nga vendi i ngjarjes me automjetin e tij, por është ekzekutuar nga policia, në tentativë për ta arrestuar.

Ngjarja e rëndë ka tronditur komunitetin e Brampton, ndërsa vijojnë hetimet për të zbardhur arsyet që çuan në këtë tragjedi.