Category: Lajme

Kombëtarja shqiptare është në përgatitje për ndeshjen e shumëpritur ndaj Serbisë, që do të zhvillohet të shtunën në Arenën Kombëtare në Tiranë, por sipas ish-komentatorit dhe gazetarit sportiv Dritan Shakohoxha, atmosfera që po krijohet nuk është pozitive për kuqezinjtë.

Në një intervistë televizive, Shakohoxha e konsideron lajm të keq mungesën e grupimit “Tifozat Kuq e Zi” në stadium, për shkak se nuk kanë siguruar bileta, si dhe kritikon prezencën e shtuar të forcave të sigurisë, që sipas tij, nuk përputhet me kulturën sportive të tifozërisë shqiptare.

“1500 forca policie thotë njëri, 1300 thotë tjetri, por Shqipëria nuk ka histori huliganizmi, rrëmujash apo që tifozët të prishin ndeshjet e ekipeve të tyre. Siç kanë serbët. Ne në Tiranë po sillemi siç serbët organizojnë ndeshje. Futbolli për ne është festë, familje, pasion dhe dashuri,” – tha Shakohoxha.

Ai gjithashtu kritikoi çmimet e biletave, që variojnë nga 20 euro deri në 500 euro, duke akuzuar FSHF-në për komercializim të Kombëtares:

“Janë shumë shumë, shumë, shumë të shtrenjta. FSHF e sheh Kombëtaren si një mall për t’u shitur nga e cila duhet të përfitojë shumë para.”

Megjithatë, në aspektin sportiv, Shakohoxha është optimist për një fitore ndaj Serbisë, duke theksuar cilësinë e skuadrës aktuale, që sipas tij është më e mira në historinë e Shqipërisë.

“Momentalisht kemi skuadrën më të mirë që kemi patur ndonjëherë në histori. Nuk kemi pasur kurrë futbollistë që luajnë në finalen e Champions League, që ngrejnë trofeun e Europa League. Besoj dhe shpresoj që të jetë edhe skuadra që të arrijë një fitore bindëse kundër Serbisë.”

Për rezultatin, ai parashikon një fitore 1-0 me gol të Mirlind Daku, i cili, sipas tij, do të festojë duke treguar tatuazhin që mban.

Në fund, Shakohoxha vlerëson se kjo ndeshje është vendimtare për ëndrrën e Botërorit, duke theksuar:

“Unë besoj shumë që po fituam të shtunën, jemi me një hap në vendin e dytë që do të thotë ‘play-off’.”

Eurodeputetët e Komisionit të Punëve të Jashtme u takuan sot me komisioneren e BE-së për Zgjerimin, Marta Kos.

Gjendja aktuale e negociatave të zgjerimit, lufta e agresionit e Rusisë kundër Ukrainës dhe politika e fqinjësisë së BE-së ishin ndër temat prioritare të programit aktual të punës së Komisionit që eurodeputetët diskutuan me komisioneren Kos.

Gjatë raportimit në Komisionin e Jashtëm të Parlamentit Evropian, komisionerja për Zgjerimin, deklaroi se Shqipëria po ecën më shpejt se më parë me reformat e integrimit.

Ajo shprehu besimin se Shqipëria do të jetë anëtare me të drejta të plota në BE deri në vitin 2030.

“Ne kemi një mundësi reale për të pranuar një ose më shumë vende kandidate me të drejta të plota si shtete anëtare të BE-së brenda vitit 2029. Në Shqipëri, ne kemi hapur tashmë 24 kapituj negociatash”, tha Kos.

“Vetëm në dy muajt e fundit kemi hapur grupkapitullin e dytë dhe të tretë. Ky vend kandidat e ka kuptuar vrullin e ri për zgjerim duke ndërmarrë reforma më të shpejta se më parë”, shtoi ajo.

“Ne duam që vendet kandidate të jenë pjesë e sistemit tonë të përbashkët të sigurisë. Shteti i së drejtës është i panegociueshëm”, theksoi Kos.

Në Konferencën për Qendrën për Studime Evropiane të mbajtur më 30 maj në Bruksel, Kos theksoi hapjen e kapitujve të mëtejshëm të negociatave brenda qershorit.

“Brenda mandatit tim si komisionere për Zgjerimin do të kemi anëtarësime të reja të vendeve të Ballkanit Perëndimor në BE. Me kryeministrin Edi Rama kemi një marrëveshje. Unë gjithmonë kam këmbëngulur që ky proces të bazohet në meritë, ne kemi rënë dakord për të realizuar më në fund atë “martesë” të Shqipërisë me Evropën”, tha Kos.

Ky është momenti tragjik kur 19-vjeçarja serbe Tijana Radonjiç hoqi rripin e parashutës dhe ra nga një lartësi prej 50 metrash në Mal të Zi.

Pamjet janë kapur nga kamera e sigurisë ndërsa shihet 19-vjeçarja, që duket sikur po kalon momente paniku, e cila fillimisht hoqi jelekun që e mbante të lidhur me parashutën dhe më pas doli nga rripat e sigurimit të vendosur rreth këmbëve të saj, duke bërë që të binte nga lartësia.

Pushuesit e tmerruar të plazhit treguan se dëgjuan Tijanën të bërtiste pak sekonda para se të binte: “Më ulni poshtë! Më ulni poshtë!”

Media lokale Republika raportoi se të tjerë e dëgjuan duke bërtitur “ndihmë”.

Incidenti tragjik ndodhi ndërsa 19-vjeçarja po xhironte një reklamë për një agjenci turistike lokale.

Në video, 19-vjeçarja shihet me bikini në parashutë mbi Rivierën e Budvës.

Dëshmitarët thanë për mediat lokale se ajo dukej e lumtur dhe e relaksuar ndërsa po e lidhnin me rripin e sigurimit dhe po e udhëzonin se si të ulej.

Megjithatë, Republika raportoi se ajo mund të ketë pësuar një “sulm paniku”.

Kujtojmë që Tijana Radonjiç, një 19-vjeçare nga Serbia, vdiq pasi ra nga një lartësi mbi 50 metra gjatë një xhirimi të një reklame pranë Budvës në Mal të Zi, më 28 maj 2025.

Raportohet se ajo e hoqi rripin e sigurimit, ndoshta për shkak të një sulmi paniku, por familja e saj e mohon këtë.

https://t.co/iiiI857bY4

Tijana Radonjic, a 19-year-old from Serbia, died after falling over 50 meters during a parasailing video shoot in Becici, near Budva, Montenegro, on May 28, 2025.
Reports say that she unbuckled her seatbelt, possibly due to a panic attack, but her family disputes this.
Sad. pic.twitter.com/iiiI857bY4— Tony (@TonyL_01) June 2, 2025

Themeluesi i Microsoft, Bill Gates, thotë se pjesa më e madhe e pasurisë së tij do të shpenzohet për përmirësimin e shërbimeve shëndetësore dhe arsimore në Afrikë gjatë 20 viteve të ardhshme. 69-vjeçari tha se “duke çliruar potencialin njerëzor përmes shëndetit dhe arsimit, çdo vend në Afrikë duhet të jetë në rrugën e prosperitetit”.

Duke folur në kryeqytetin e Etiopisë, Addis Ababa, ai gjithashtu u bëri thirrje inovatorëve të rinj të Afrikës të mendojnë se si të ndërtojnë Inteligjencën Artificiale (IA) për të përmirësuar kujdesin shëndetësor në kontinent. Gates njoftoi muajin e kaluar se do të dhuronte 99% të pasurisë së tij të madhe, të cilën ai pret të arrijë në 200 miliardë dollarë deri në vitin 2045, kur fondacioni i tij planifikonte të përfundonte operacionet e tij.

“Kohët e fundit kam marrë një angazhim se pasuria ime do të dhurohet gjatë 20 viteve të ardhshme. Pjesa më e madhe e këtij financimi do të shpenzohet për t’ju ndihmuar të adresoni sfidat këtu në Afrikë”, – tha ai në një fjalim në selinë e Bashkimit Afrikan (AU).

Ish-Zonja e Parë e Mozambikut, Graça Machel, e përshëndeti njoftimin e tij, duke thënë se erdhi në një “moment krize”. “Ne mbështetemi në angazhimin e palëkundur të z. Gates për të vazhduar të ecë në këtë rrugë transformimi përkrah nesh”, tha ajo.

Qeveria amerikane ka shkurtuar ndihmën për Afrikën, duke përfshirë programet për trajtimin e pacientëve me HIV/AIDS, si pjesë e politikës “Amerika e Para” të Presidentit të SHBA-së Donald Trump, duke ngritur shqetësime në lidhje me të ardhmen e kujdesit shëndetësor në kontinent.

Gates tha se fondacioni i tij, i cili ka një histori të gjatë veprimi në Afrikë, do të përqendrohet në përmirësimin e kujdesit shëndetësor parësor. “Ajo që kemi mësuar është se ndihma ndaj nënave për të qenë të shëndetshme dhe për t’u ushqyer mirë para se të mbetet shtatzënë, ndërsa është shtatzënë, jep rezultatet më të forta”, tha ai.

“Sigurimi që fëmija të marrë ushqim të mirë edhe në 4 vitet e para bën gjithë ndryshimin”. Në një mesazh drejtuar inovatorëve të rinj, miliarderi i teknologjisë vuri në dukje se telefonat celularë kishin revolucionarizuar bankat në Afrikë dhe argumentoi se IA tani duhet të përdoret për të mirën e kontinentit.

“Afrika kryesisht e anashkaloi bankën tradicionale dhe tani ju keni një shans, ndërsa ndërtoni sistemet tuaja të kujdesit shëndetësor të gjeneratës së ardhshme, të mendoni se si IA është e integruar në të”, tha ai.

Gates përmendi Ruandën si shembull, duke thënë se tashmë po përmirësonte shërbimet duke përdorur ultratinguj të mundësuar nga inteligjenca artificiale për të identifikuar shtatzënitë me rrezik të lartë.

Fondacioni Gates tha se kishte tre përparësi: t’u jepte fund vdekjeve të parandalueshme të nënave dhe foshnjave, të siguronte që brezi i ardhshëm të rritet pa pasur nevojë të vuajë nga sëmundje infektive vdekjeprurëse dhe të nxirrte miliona njerëz nga varfëria.

“Në fund të 20 viteve, fondacioni do të ndërpresë operacionet e tij”, tha ai në një deklaratë. Muajin e kaluar, Gates tha se do të përshpejtonte dhurimet e tij përmes fondacionit të tij. “Njerëzit do të thonë shumë gjëra për mua kur të vdes, por jam i vendosur që “ai vdiq i pasur” nuk do të jetë një prej tyre”, – shkroi ai në një postim në blog.

Dhënia e 99% të pasurisë së tij mund ta linte ende personin e pestë më të pasur në botë një miliarder, sipas Bloomberg. Së bashku me Paul Allen, Gates themeloi Microsoft në vitin 1975 dhe kompania shpejt u bë një forcë dominuese në industrinë e softuerëve dhe të teknologjisë së tjera.

Gates është tërhequr gradualisht nga kompania në dekadat e fundit, duke dhënë dorëheqjen si drejtor ekzekutiv në vitin 2000 dhe si kryetar në vitin 2014. Ai tha se ishte frymëzuar të dhuronte para nga investitori Warren Buffett dhe filantropë të tjerë. Megjithatë, kritikët e fondacionit të tij thonë se Gates përdor statusin e tij bamirës për të shmangur taksat dhe se ai ka ndikim të tepruar mbi sistemin global të shëndetësisë.

Ministri për Europën dhe Punët e Jashtme, Igli Hasani, zhvilloi një vizitë në Athinë ku u takua sot me homologun e tij, Giorgos Gerapetritis.

Pas takimit mes dy delegacioneve, ministrat zhvilluan një konferencë të përbashkët për shtyp. Gerapetritis bëri me dije se diskutuan të gjithë spektrin e marrëdhënieve bilaterale.

“Hijet që kanë lëkundur marrëdhëniet mes dy vendeve tona duhet të zhduken dhe të mos përsëriten. Duhet të shikojmë drejt së ardhmes me një qëndrim pozitiv, të bazuar në përkushtimin ndaj së drejtës ndërkombëtare dhe në përpjekjen e vazhdueshme për marrëdhënie miqësore dhe fqinjësore të mira”, tha Gerapetritis.

Kryediplomati grek e cilësoi zgjerimin e Bashkimit Europian me Ballkanin Perëndimor si të domosdoshëm për sigurinë dhe stabilitetin e rajonit. Sa i përket Shqipërisë, ai theksoi se Athina zyrtare ka dhënë pëlqimin për nisjen e negociatave dhe ka “vlerësuar përparimin” që është bërë në kapituj të veçantë.

Po ashtu një çështje që preku dhe që theksoi se është i rëndësishëm për Greqinë, është çështja e minoritetit grek në Shqipëri. Ministri grek nënvizoi para gazetarëve grekë se ndjehet i lumtur përkrah Hasanit jo vetëm se diplomati shqiptar nuk ka nevojë për përkthim nga greqishtja pasi e flet atë, “falë origjinës së tij greke, të cilën ai e nderon sot”.

“Pakica kombëtare greke është një nga hallkat më të forta në marrëdhëniet mes dy vendeve tona. Ajo ka qenë, prej shekujsh, një urë komunikimi dhe mirëkuptimi mes dy popujve. E njëjta gjë mund të thuhet edhe për numrin e madh të shqiptarëve që jetojnë dhe punojnë në Greqi, të cilët janë dalluar për integrimin e tyre jashtëzakonisht të suksesshëm në shoqërinë greke”, u shpreh ministri grek.

Ministri Igli Hasani nga ana e tij e nisi deklaratën në greqisht.

Ai tha se është koha e duhur për të patur një qasje të mirë ndaj çështjeve ende të hapura si dhe për të forcuar një dialogun me Greqinë dhe një marrëdhënie afatgjatë.

Kujtojmë se një ditë më parë në një intervistë për gazetën “Ta Nea”, Hasani tha se qeveria shqiptare “mbetet e hapur dhe plotësisht e përkushtuar për promovimin e dialogut për të gjitha çështjet dypalëshe pezull” me Greqinë.

Ai nuk përjashtoi perspektivën e Hagës për përcaktimin e Zonës Ekskluzive Ekonomike (ZEE) midis Greqisë dhe Shqipërisë, ndërsa u shpreh i sigurt se të gjitha çështjet dypalëshe të pazgjidhura mund të adresohen.

“Nëpërmjet dialogut të vazhdueshëm dhe bashkëpunimit konstruktiv, ne besojmë se është e mundur të adresohen të gjitha çështjet përkatëse në mënyrë që përputhen me rregullat ndërkombëtare”, tha ai.

Një zyrtar i lartë që çmontoi njësinë të dezinformimit rus të qeverisë amerikane është i martuar me një grua ruse me lidhje me Kremlinin, zbulon gazeta The Telegraph.

Darren Beattie ka shkaktuar alarm brenda Departamentit të Shtetit që kur u emërua në shkurt për pikëpamjet e tij të zjarrta pro-ruse.

Ai është njohur për përqendrimin e tij në shkatërrimin e agjencisë së ngarkuar me përballjen me propagandën e Kremlinit.

Beattie, nënsekretari në detyrë për diplomacinë publike dhe çështjet publike, është i martuar me një grua, xhaxhai i së cilës ka marrë disa role në politikën ruse dhe dikur ka marrë një mesazh personal “falënderimi” nga Vladimir Putin.

Në vitet para se t’i bashkohej qeverisë, Beattie bënte postime në mediat sociale duke sugjeruar që institucionet perëndimore duhet të “infiltrohen” nga Putini, ndërsa sulmonte atë që e përshkruante si “perandoria globale amerikane”.

Donald Trump është nën presion nga shumë në partinë e tij, veçanërisht senatorët, për të marrë një qëndrim më të ashpër ndaj udhëheqësit rus, ndërsa ai vazhdon të refuzojë të nënshkruajë një marrëveshje armëpushimi ndërsa lufta në Ukrainë vazhdon, raporton Telegraph.

Shumë nga postimet e Beattie në mediat sociale kanë të bëjnë edhe me Kinën, duke i bërë thirrje vazhdimisht SHBA-së t’ia dorëzojë Tajvanin- Pekinit dhe duke e etiketuar Britaninë si një “mbretëri të varfër dhe patetike” që do të ishte “shumë më mirë nën dominimin kinez”.

Beattie ishte anëtar i administratës së parë Trump, por pasi u shkarkua në vitin 2018 për pjesëmarrje të dyshuar në një konferencë të nacionalistëve të bardhë, ai e rishpiku veten si një figurë mediatike e “të djathtës alternative”. Burime të Departamentit të Shtetit shprehën skepticizëm nëse ai i ishte nënshtruar verifikimit të sigurisë, një proces që është zbutur nën drejtimin e zotit Trump.

Në maj të vitit 2021, të dhënat publike tregojnë se ai u martua me një grua ruse të quajtur Yulia Kirillova në një ceremoni në Qarkun Broëard, Florida.

Zonja Kirillova, e cila sipas faqes së saj në Facebook është arsimuar në Moskë përpara se të studionte jashtë vendit në Kanada dhe Uashington DC, është mbesa e Sergei Chernikov, një manjati rus i pijeve i cili zotëron një apartament bashkë me nënën e saj, Natalia.

Chernikov, pasuria neto e të cilit vlerësohej të ishte 150 milionë dollarë në vitin 2005, thuhet se mori një letër falënderimi nga Putin për ndihmën e tij në fushatën zgjedhore që e solli për herë të parë udhëheqësin rus në pushtet.

Po atë vit, Chernikov bëri hapin e tij të parë në politikë, duke marrë një rol në ministrinë e burimeve natyrore, përpara se të bëhej zëvendësguvernator i rajonit Nenets në Siberi.

Nga viti 2008 deri në vitin 2010, ai ishte anëtar i dhomës qytetare të Rusisë, e cila u themelua pas një propozimi nga Putini dhe që supozohet të ketë për qëllim të shqyrtojë aktivitetet e qeverisë ruse.

Kur u krijua dhoma, kritikët pretenduan se ajo do të kishte staf nga aleatë të Kremlinit dhe do të përdorej për të zvogëluar një bazë pushteti rivale në Dumën Shtetërore Ruse.

Si para ashtu edhe pas martesës së tij me mbesën e Chernikov, Beattie ka sulmuar vazhdimisht atë që e quajti “perandoria globale amerikane”, ndërsa vlerësoi si Rusinë ashtu edhe Kinën si kundërpesha ndaj ideologjisë së tij “woke”.

“Ngritja e konkurrentëve gjeopolitikë jo-woke (Kina) dhe anti-të woke (Rusia) ndaj Perandorisë Globaliste Amerikane nuk është një gjë e keqe”, shkroi ai në tetor të vitit 2021.

Ai tha gjithashtu se mezi priste që “prestigji dhe fuqia” e saj të shembet në skenën botërore dhe pretendoi se “pozicioni i saj (SHBA-së) në rendin global [po] përkeqësohet me shpejtësi”.

Beattie dhe “Revolver”, media që ai themeloi pasi u largua nga administrata e parë Trump, argumentojnë se SHBA-të janë përpjekur të organizojnë “revolucione me ngjyra” në të gjithë botën, një klishe e zakonshme në Rusi dhe Kinë për të shpërfillur lëvizjet pro-demokraci si përpjekje për grusht shteti të mbështetura nga Perëndimi.

Ai ka pretenduar se SHBA-të po kryejnë “operacione revolucionare me ngjyra” në Ukrainë, Hong Kong, Xinjiang dhe Myanmar, dhe se një “brigadë amerikane e revolucionit me ngjyra” po shtyn për një “luftë të përjetshme në Ukrainë”.

Dy muaj para pushtimit në shkallë të plotë të Ukrainës nga Rusia, ai tha: “Imagjinoni ankesat e Perandorisë Globaliste Amerikane nëse Putini ‘pushton’ Ukrainën… Më pëlqen kur burokratët tanë të sigurisë kombëtare dështojnë!”

Ai e ka lavdëruar gjithashtu Putinin si “të guximshëm dhe të fortë” dhe ka pretenduar se udhëheqësi rus kishte “bërë më shumë për të avancuar pozicionet konservatore në SHBA sesa çdo republikan”. Ai gjithashtu deklaroi: “NATO është një kërcënim shumë më i madh për lirinë amerikane sesa ka qenë ndonjëherë Putini”.

“Gjëja qesharake është se pothuajse çdo institucion perëndimor do të përmirësohej në cilësi nëse do të infiltrohej dhe kontrollohej drejtpërdrejt nga Putini”, shkroi ai në shtator të vitit 2021.

Artikulli i The Telegraph

Sipas gazetës britanike “The Sun”, Armando Broja është në bisedime me katër klube, ndërsa synon të largohet përfundimisht nga Chelsea këtë verë.

Sulmuesi shqiptar ka qenë i huazuar te Southampton, Fulham dhe Everton në sezonet e fundit, por progresi i tij është penguar nga lëndimet. Jo vetëm që ai është përballur me një dëmtim të tendinit të Akilit, por pas kthimit të tij, ai pësoi një problem serioz në kyçin e këmbës. Në sezonin 2024/25, ai arriti të bënte vetëm katër ndeshje titullar në Premier League.

AC Milan dhe Ajax janë të interesuar për Brojën, ashtu si PSV Eindhoven dhe RB Leipzig, teksa bisedimet janë duke vijuar. Broja ka bërë vetëm 38 paraqitje për ekipin e parë të Chelsea, duke shënuar tre gola.

Lojtari i kombëtares së Shqipërisë, do të kushtonte rreth 20 milionë paund (27 milionë dollarë) në verë, dhe Chelsea është gati të nxjerrë fitim të pastër nga produkti i akademisë së tyre.

Fjalët e tij vijnë në një kontekst të ndjeshëm gjeopolitik, me rritjen e agresionit rus dhe frikën gjithnjë e më të madhe për një përplasje të mundshme me NATO-n.

Motoja e qeverisë britanike është bërë tashmë e qartë: “Gatishmëri për luftë”. Kështu e përshkroi edhe kryeministri Keir Starmer në një deklaratë të fortë nga Glasgow, ku vizitoi kompaninë e mbrojtjes BAE Systems, një ndër shtyllat e sigurisë së Mbretërisë së Bashkuar.

Starmer paralajmëroi se kërcënimi që nisi me luftën në Ukrainë mund të përhapet në çdo moment edhe në një vend të aleancës atlantike – një frikë e artikuluar më herët edhe nga Shefi i Shtabit të Mbrojtjes së Gjermanisë, Carsten Breuer, dhe gjenerali amerikan David Petraeus.

Sulmet hibride të Rusisë tashmë po ndihen në Perëndim, nga sulmet kibernetike e deri te aktet e sabotimit, si shpërthimet me pako në Evropë verën e kaluar.

Raporti i mbrojtjes: Mbretëria nuk është e përgatitur për luftë

Këto deklarata erdhën në të njëjtën ditë me publikimin e Rishikimit të Shpenzimeve të Mbrojtjes, një raport i pavarur i hartuar nga ish-Sekretari i Përgjithshëm i NATO-s George Robertson, ish-këshilltarja e Donald Trump, Fiona Hill, dhe gjenerali britanik Sir Richard Barrons. Konkluzioni? Forcat e armatosura britanike nuk janë të gatshme për një përballje të mundshme ushtarake.

Nga 62 rekomandime të raportit, Starmer ka premtuar të nisë zbatimin e disa prej tyre menjëherë:

12 nëndetëse të reja sulmuese me energji bërthamore

15 miliardë paund për modernizimin e sistemit parandalues “Trident”

1.5 miliardë paund për prodhim të qëndrueshëm të municioneve

Prodhimi vendas i mbi 7,000 armëve dhe dronëve me rreze të gjatë

Krijimi i një komandë të re për sfidat kibernetike dhe elektromagnetike

Investime të mëdha në inteligjencën artificiale

Rritja e trupës aktive nga 73,000 në 76,000 ushtarë, si dhe zgjerimi i rezervistëve dhe përfshirja e veteranëve

Lufta nuk është më teori: paqja pas Luftës së Ftohtë ka përfunduar

Sipas raportit, bota tashmë ka hyrë në një epokë të re tensionesh dhe përplasjeje potenciale mes Perëndimit dhe fuqive bërthamore si Rusia dhe Kina. Skenarët përfshijnë sulme ndaj bazave ushtarake apo infrastrukturave kritike – duke e bërë të domosdoshme mobilizimin edhe të popullsisë civile, për mbrojtjen e vendit nga sabotime, sulme kibernetike apo ndërhyrje të tjera hibride.

“Shteti ka detyrimin të mbrojë qytetarët, por të gjithë duhet të bëjnë pjesën e tyre,” tha Starmer, duke sinjalizuar se në të ardhmen e afërt, rezervistët, vullnetarët dhe qytetarët e zakonshëm mund të thirren për përgatitje.

Prej 1 qershorit ka nisur zbatimi i marrëveshjes për pensionet mes Shqipërisë dhe Italisë, e cila garanton të drejtat e pensioneve për rreth gjysmë milioni shqiptarë dhe 4 mijë italianë.

Marrëveshja e cila u nënshkrua në Romë më 6 shkurt 2024, u finalizua me dokumentin përkatës që iu dorëzua Kryeministrit Rama në mesin e muajit maj nga homologia e tij italiane, Giorgia Meloni, gjatë vizitës së saj në Tiranë për samitin e Komunitetit Politik Europian. Marrëveshja garanton një sërë mundësish për ata që kanë punuar në të dyja vendet. Pjesë e saj janë ata që, për shkak të mosplotësimit të kushteve minimale për pension janë përjashtuar deri tani nga pagesa e tij. Kjo do të mundësojë përfitime për rreth 20% të personave mbi moshën 67 vjeç, të cilët deri tani nuk janë trajtuar me pension, me mundësi për të marrë deri në 400 euro në muaj. Përfituesit do të kenë mundësinë të marrin pensione nga Shqipëria dhe Italia në varësi të viteve të punës që kanë kryer në secilin vend.

ÇFARË OFRON MARRËVESHJA

Marrëveshja ka bërë që zyrat përkatëse të shërbejnë si pikë kontaktesh të dyanshme, duke ofruar shërbime për qytetarët italianë dhe shqiptarë pa kosto shtesë. Nëse një qytetar që ka 13 vite punë në Itali, por ka vendosur të jetojë në Shqipëri, kërkesën për pension e bën në Shqipëri, në ISSH. Instituti i Sigurimeve Shoqërore merr kërkesën dhe ua transmeton kolegëve italianë. Ecejaket nuk do t’i bëjnë qytetarët, por i bëjnë institucionet respektive. E njëjta gjë edhe për një qytetar që jeton në Itali, bën kërkesë pranë autoriteteve italiane dhe autoritetet shqiptare do e konsiderojmë të njëjtë si të ishte bërë në Tiranë. Buxheti për realizimin e kësaj marrëveshjeje është parashikuar të nisë me 7,6 milionë euro për vitin e parë dhe të arrijë në 20,3 milionë euro në fund të periudhës së planifikimit.

Përveç pensioneve të zakonshme, emigrantët që kanë kontribuar në të dyja vendet do të mund të përfitojnë edhe pensione invaliditeti, pensione familjare, pagesa të papunësisë dhe ndihmë për shërbime shëndetësore dhe për lindjet. Kategoritë që do të përfitojnë përfshijnë ata që kanë mbushur moshën e daljes në pension, por që janë përjashtuar deri tani për shkak të mosplotësimit të kushteve për vitet e kontributeve. Nga viti 2005 e deri më sot Shqipëria ka nënshkruar rreth 28 marrëveshje në fushën e sigurimeve shoqërore mes të cilave; me Turqinë, Belgjikën, Hungarinë, Luksemburgun, Çekinë, Maqedoninë e Veriut, Gjermaninë, Austrinë, Bullgarinë, Kanadanë, Rumaninë, Kosovën, me Konfederatën e Zvicrës dhe me Kroacinë. Sakaq, në fuqi pritet të hyjnë edhe marrëveshjet me Malin e Zi e Bullgarinë. Në proces ende janë marrëveshjet me Poloninë e Serbinë, ndërsa me Francën procesi është drejt arritjes së një dakordësie për fillimin e negociatave. Vende si Sllovenia, Spanja, Danimarka, Moldavia dhe Emiratet e Bashkuara Arabe, Izraeli dhe Letonia kanë dhënë dakordësinë për fillimin e negociatave. Procesi më i gjatë dhe më i vështirë për palën shqiptare është ai me Greqinë.

SI NJIHET E DREJTA PËR PENSION

SIPAS LEGJISLACIONIT TË NJËRIT SHTET (NENI 12):
Një punonjës që plotëson kushtet e pensionit në një shtet, pa nevojën e bashkimit të periudhave të sigurimit nga shteti tjetër, merr pensionin e llogaritur vetëm mbi bazën e kontributeve të paguara në atë shtet.

SIPAS LEGJISLACIONIT TË TË DY SHTETEVE ME BASHKIMIN E PERIUDHAVE KONTRIBUTIVE (NENI 13):
Në mungesë të plotësimit të kontributeve minimale, periudhat e kontributeve të grumbulluara në të dy shtetet bashkohen për qëllime të së drejtës për pension. Shuma e përfitimit përcaktohet më pas sipas metodës proporcionale. Eksportimi i përfitimeve: Pensionet e paguara nga njëri prej dy shteteve, mund të transferohen pa penalitete, edhe në rast se përfituesi zhvendoset në një vend të tretë.

PËRFITIMET E PENSIONIT MINIMAL (NENI 16):
Përfitimi i pensionit minimal njihet vetëm nëse pensionisti banon në vendin që ofron përfitimin. Është përgjegjësi ekskluzive e shtetit të rezidencës.

KONTRIBUTET E SIGURIMEVE SHOQËRORE:
Për punëtorët e dërguar përkohësisht me punë (Neni 6): parashikohet ruajtja e së drejtës për derdhjen e kontributeve të sigurimeve shoqërore në vendin e origjinës deri në 24 muaj. Për punonjësit e vetëpunësuar (neni 6, paragrafi 2): ekziston mundësia e ruajtjes së të drejtës sipas legjislacionit të sigurimeve shoqërore të vendit të origjinës për transferime të përkohshme më pak se 24 muaj. Për personelin udhëtues të transportit ajror, rrugor dhe hekurudhor si edhe anëtarët e ekuipazhit të anijeve detare (Neni 6, paragrafët 3 dhe 4): zbatohet legjislacionit i vendit në të cilin ka selinë kompania ose, për detarët, i shtetit të flamurit që mban anija.

NJOHJA E PERIUDHAVE TË MËPARSHME TË KONTRIBUTEVE:
Periudhat e sigurimit të grumbulluara para hyrjes në fuqi të marrëveshjes njihen për qëllime të bashkimit të periudhave kontributive. Megjithatë, ato nuk iu japin të drejtë për përfitime për periudhat e mëparshme.

Aktori i njohur i humorit, Elvis Pupa, është akuzuar pas disa ditësh nga autoritetet australiane për kultivim të kanabisit.

Ai ka zgjedhur që të reagojë sërish në rrjetet sociale me anë të një videomesazhi.

“Të gjithë synojnë të jenë perfekt. Unë kam lindur në fund të viteve ’70 dhe të jetoje fëmijërinë tënde në vitet ’80… obobo… Gjithmonë na thonin: ‘Mos fol, ha çfarë të kemi vendosur ne përpara. Por atëhere lale, s’kishe shanse të gaboheshe, mos të guxoje të gaboheshe, sepse atëherë nuk ishe njeri, ishe turpi i familjes, turpi i fisit, turpi i shoqërisë, turpi i shkollës dhe turpi i lagjes. Si rrjedhojë, prindërit thonin: ‘Ky nuk është kalamani im. Nuk e kam edukuar kështu unë këtë’.

Prindërit tanë ishin perfeksionist. Ata po. Dhe jo të llojit që thjesht ta mbajnë shtëpinë pastër, se ajo dihet që kur vinin komshinjtë, vinte prova e dy gishtave, që nuk kishte laborator që ja kalonte testimit të tyre se kur ishte hera e fundit që i kishe marrë pluhurat në shtëpi. Perfeksionizimi ishte i tipit që një fjalë ta thoje gabim, prindërit nuk të flisnin me gojë një javë, madje nuk të shihnin me sy. Kalonin afër teje… Gjithmonë thoja: ‘Si ka mundësi që nuk më shkelin. Kalojnë kaq perfekt anash sikur unë nuk ekzistoj’.

E kështu ti rritesh me idenë që duhet të rritesh perfekt. Duhet të ecësh siç duhet dhe të sillesh siç duhet. Në fund nuk përfundon njeri, por një robot me ankth. Perfeksionizmi nuk është virtyt. Është një helm emocional, po me emër trendi. Nuk është ambicie vëlla. Nuk është sukses, por është një zë brenda kokës që të thotë gjithmonë: ‘Ti nuk je duke bërë akoma mjaftueshëm’, pavarësisht se ti ke dhënë gjithçka, edhe shpirtin. Ironia është që prindërit tanë nuk na urrenin, e kundërta. Ata donin që ne të ishim perfekt që bota të na vlerësonte, mos të na shkelte me këmbë. Po bota prapë të shkel me këmbë dhe e bën me buzëqeshje, të shkel me klas.

Nuk e them këtë për miratim, as nuk më intereson mendimi juaj, sepse jeta ime personale është personale. Nuk më keni borxh asgjë e as unë ju. Aspak!”, u shpreh Pupa në videomesazhin e tij.