Lajme Flesh

Jeta private e Luana Vjollcës ka qenë kryefjalë e shtypit rozë, përgjatë gjithë këtë viti. Vetëm muajin e shkuar, shkruam për një raport të ri dashurie që moderatorja kishte nisur. Moderatorja kishte nisur një histori të re dashurie me biznesmenin, Drilon Xhepa.

Detajet që kanë ndezur thashethemet janë disa story të publikuara nga të dy në rrjetet sociale, që duket se janë realizuar në të njëjtin vend — madje pranë të njëjtit pallat afër Kullës Eiffel. Por kush është Driloni? Në rrethet sociale të Tiranës, Driloni njihet si një i ri pasanik, që vjen nga një familje sipërmarrësish. Në rrjetet sociale ai ka ruajtur një profil të ulët, duke preferuar që të jetojë larg famës.

Por duket se diçka ka ndodhur mes këtij çifti, pasi aktualisht të dy nuk ndiqen më në rrjetet sociale, duke ngritur dyshimet se gjithçka ka përfunduar. Luana është padyshim ndër personazhet më të ndjekura në rrjetet sociale, sakaq nga ana tjetër, Driloni ka një profil tejet privat, ku ditët e fundit ka larguar edhe shumë miq të tij, duke zgjedhur të mbajë vetëm 1 person dhe 3 që ai ndjek.

Nuk dihet nëse çifti ka zgjedhur që mos të ndiqen vetë, për të mos krijuar zhurmë mediatike, apo mes tyre përfundoi gjithçka brenda pak kohësh dhe i kanë dhënë fund historisë që nisën rreth 1 muaj më parë.

Kjo histori e re dashurie për moderatoren, vinte pas ndarjes së vështirë pas 8 vitesh me Krenar Çoçajn. Një këngë për ndarjen, për fundin, për një histori që është mbyllur në valixhen e harresës është kënga e saj, që duket se këtë herë është e bazuar në një histori të vërtetë pak kohë më parë, ku edhe u konfirmua ndarja e saj me Krenarin.

Duket se artistja i ka dhënë fund njëherë e mirë lidhjes së saj me biznesmenin Krenar Çoçaj. Një histori e trazuar dashurie që është jetuar larg vëmendjes së publikut për shumë vite, tashmë ka mbërritur në fund. Pas gati 8 vitesh kanë qenë së bashku, ku shpesh është përfolur edhe për martesë, çifti i kanë dhënë fund njëherë e mirë, duke zgjedhur që të jetojnë jetën e tyre të ndarë. Në fakt, që në fillimet e saj, kjo histori ka pasur ulje-ngritjet e saj, me probleme mes tyre që vinin si shkak i xhelozisë së Krenarit për Luanën. Moderatorja e njohur, teksa ka hapur një nga prime e Ferma VIP, ka bërë një deklaratë për veten, e cila ka trazuar rrjetin për mesazhin që ajo ka dashur të transmetojë.

Teksa i është referuar vetes dhe vajzave të tjera të cilat i konsideron lule, Luana është shprehur: “Mua njëherë të më provosh gjithmonë do të më kërkosh.” Kjo deklaratë e saj ka shkaktuar të qeshura në studio dhe duartrokitje, me Luanën e cila një moment ndjeu nevojën e t’u shpjeguarit se e kishte fjalën “për Luanën si moderatore”. “Se nuk u çmenda aq shumë sa të kaloj në temë tjetër”,- u shpreh ajo.

Një ngjarje tragjike, e denjë për skenarët e filmave hollivudianë, është regjistruar në Parma të Italisë.

Mediat përtej Adriatikut raportojnë se një 58-vjeçar pasi ka tentuar të vrasë bashkëshorten e tij duke e goditur me thikë, ia ka mbathur nga vendi i ngjarjes, por ndërroi jetë në një aksident me makinë.

Dhahri Abdelhakim, me origjinë nga Tunizia, e plagosi nënën e fëmijëve të tij në banesën e saj, në San Secondo Parmense, një qytet në zonën e Bassa Parmense dhe u përpoq të arratisej, por vdiq pasi makina e tij u përplas “kokë më kokë” me një kamion.

Aksidenti rrugor që i mori jetën 58-vjeçarit ndodhi në rrugën provinciale 10, jo shumë larg shtëpisë ku gruaja u godit me thikë. Dy personat që udhëtonin me kamionin mbetën të plagosur rëndë.

Sakaq, mediat raportojnë se gjendja e gruas është e rëndë, pavarësisht se fëmijët, 8 dhe 6 vjeç të çiftit, alarmuan fqinjët, të cilët thirrën me shpejtësi mjekët.

Pesë persona, përfshirë një fëmijë dhe pilotin, kanë mbijetuar për 36 orë në një kënetë të rrezikshme në Amazonë pas një uljeje emergjente të avionit të tyre në Bolivi. Të mbijetuarit qëndruan mbi trupin e avionit, të rrethuar nga aligatorë dhe një anakondë, derisa u shpëtuan nga autoritetet.

Avioni u zhduk të enjten dhe u gjet dy ditë më vonë nga peshkatarë lokalë pranë lumit Itanomas. Piloti tha se një defekt motorik e detyroi uljen emergjente në kënetë. Pasagjerët mbijetuan duke ngrënë miell manioku dhe qëndruan të palëvizshëm për shkak të rrezikut nga grabitqarët, të cilët, sipas pilotit, mund të jenë mbajtur larg nga rrjedhja e karburantit të avionit. Të pestë u dërguan me helikopter në spital dhe ndodhen në gjendje të mirë shëndetësore. Autoritetet lokale e quajtën shpëtimin një bashkëpunim të suksesshëm institucional dhe shmangie të një tragjedie të mundshme.

Detaje të reja janë zbuluar në lidhje me të shtënat me armë zjarri në afërsi të Kishës së Laçit.

Paraprakisht dyshohet se janë zënë për motive të dobëta, teksa në gjendje të rëndë ndodhet shitësja e qirinjve në anë të rrugës, e cila ishte futur për t’i ndarë.

“Pse më sheh”, ky dyshohet se ka qenë nisja e përdorimit të armëve, raporton Top Channel.

Dyshohet se më pas dikush ka zbritur me dorezë hekuri e kanë nisur të përplasen fizikisht.

Pas kësaj dyshohet se një tjetër person ka nxjerrë pistoletën dhe ka qëlluar duke plagosur 5 persona.

Në emisionin Kosova Today është diskutuar emri i Diellzës, e cila është përmendur shpesh nga banori i Big Brother VIP Kosova, Gjesti.

Sipas diskutimit në studio, Diellza ka qenë në një lidhje pesëvjeçare me Gjestin dhe ka pasur një ndikim të rëndësishëm në jetën e tij, veçanërisht në kohët e vështira financiare.

Gjesti ka treguar se ajo jo vetëm e ka ndihmuar atë, por edhe miqtë e tij. Gazetari në studio zbuloi se së fundmi Gjesti dhe Diellza janë takuar dhe ai i ka dhuruar një zinxhir si simbol.

Po ashtu, ai shtoi se motra e Gjestit, Blerina, është shoqe e ngushtë me Diellzën, me të cilën kanë punuar për më shumë se dy vjet në një qendër tregtare në Prishtinë. Sipas gazetarit, kjo mund të jetë arsyeja pse Blerina nuk tregon interes për Eglin dhe nuk e ndjek atë në rrjete sociale.

Gjithashtu, u përmend se Diellza është larguar nga rrjetet sociale pasi Gjesti fitoi famë dhe është zhvendosur në Gjermani, ku ka familjarë. Gazetari solli një detaj interesant nga vizita e Blerinës në Big Brother ku kishte thënë:

“Kam qenë në Gjermani veç për ty”, që sipas gazetarit mund të jetë një sinjal që marrëdhënia me Diellzën mund të rifillojë pas daljes së Gjestit. Në fund ai u shpreh se lidhja mes Gjesti dhe Eglit mund të jetë thjesht një strategji marketingu.

Po planifikonte ta vendoste në një bankomat, bomba i shpërthen në duar! Humb jetën 38-vjeçarja në Selanik, zbulohet e shkuara e saj. Një grua 38-vjeçare ka humbur jetën pasi një bombë shpërtheu në duart e saj në orët e para të mëngjesit në qytetin e Selanikut.

Nga verifikimi i pamjeve të disa kamerave të dyqaneve të zonës duket se gruaja në fjalë mbante një pajisje shpërthyese në një çantë dhe planifikonte ta vendoste atë në një bankomat.

Pasi e ka lënë pranë ndërtesës së bankës ajo është larguar disa metra , është kthyer përsëri dy herë për të parë se përse bomba nuk po shpërthente dhe hera e dytë ka qenë fatale pasi i ka shpërthyer në duart e saj duke i prerë njërën dorë dhe duke e plagosur rëndë. Në vendngjarje ka mbërritur ambulanca dhe i është dhënë ndihma e parë, por gjatë rrugës për në spital ajo ka humbur jetën.

Ngjarja ndodhi në një lagje banimi në qendër të Selanikut, përpara një pallati ku në katin përdhes ndodhet një filial banke. Pamjet pas shpërthimit tregojnë një brimë në anën e ndërtesës , dyqanet, muret e pallatit dhe makinat e parkuara aty pranë kanë pësuar dëme nga vala goditëse. Llamarina dhe copa xhamash janë shpërndarë në rrugë dhe trotuar.

Njësitë e mjekësisë ligjore dhe oficerë të antiterrorit kanë kryer për orë të tëra kërkime në vendngjarje. Burime policore kanë deklaruar se ka filluar një hetim penal pasi 38-vjeçarja kishte qenë e përfshirë në vepra të tjera penale në të kaluarën si pjesëmarrje në grabitje, falsifikim, prostitucion, trafikim lëndësh narkotike dhe posedim armësh.

Blerina Kelmendi, motra e Besart Kelmendit, njohur si Gjesti, ka reaguar ashpër përmes një postimi në Instagram, duke kundërshtuar lajmet që po qarkullojnë në rrjet lidhur me marrëdhënien e saj me Diellzën – ish-partneren e Gjestit – dhe distancën ndaj Eglit, partneres së tij aktuale.

Në një InstaStory, Blerina shprehu zhgënjimin për përfshirjen e emrit të saj në histori që, sipas saj, nuk kanë lidhje me realitetin.

Më vjen keq që përdoret vajza që s’ka të bëjë me këtë histori dhe i lidhin gjërat që s’kanë të bëjnë me realitetin. Turp.

Reagimi i saj vjen pas zërave që sugjeronin se shoqëria e saj me Diellzën është arsyeja për mospëlqimin ndaj Eglit, i përforcuar edhe nga fakti që ajo nuk e ndjek Eglin në Instagram.

Blerina theksoi se është e lodhur nga spekulimet dhe kërkoi që të mos përfshihet më në histori të pavërteta, duke ngritur gjithashtu shqetësimin për shkeljen e privatësisë në epokën e rrjeteve sociale. Ajo përfundoi mesazhin me një koment ironik:

Cila nga shoqet e mia do të përdoret tani?

Reagimi ka marrë shumë mbështetje nga ndjekësit, ndërkohë që Gjesti dhe Egli nuk kanë bërë ende asnjë koment publik.

Një dorezë gjysmë e djegur që u përdor nga autori i vrasjes së biznesmenit Bujar Nasufi mbrëmjen e 12 janarit 2025 në afërsi të zonës së njohur si “Pallati me Shigjeta” në kryeqytet është prova më e fortë që hetuesit kanë në duar për të hedhur dritë mbi krimin e rëndë.

Pas krimit, autori që lëvizte me një motorr e dogji atë një nga tunelet që zonën e Kombintatit dhe duke qenë se ekzekutori kishte përdorur doreza, në motomjet nuk u gjetën gjurmë të gishtërinjve.

Por, në njërën nga dorezat që ishte gjysmë e djegur, u zbulua material biologjik dhe prej tij është përftuar një profil ADN i gatshëm për krahasim.

Burime pranë grupit të hetimit thanë për News 24 se është kërkuar krahasimi i këtij profile me bazën e të dhënave të ADN-së pranë interpolit. Nëse rezulton i përputhshëm me ndonjë nga profilet e të skeduarve më herët për krime të tjera, prokuroria mund të ketë të dyshuarin e parë.

Hetuesit po ashtu konfirmojnë se vendim gjykate është vendosur që profili i ADN-së së përftuar të krahasohet me atë të nënës se vëllezërve nga Përmeti, të cilët kanë patur konflikte me biznesmenin e vrarë për shkak të shitjes së një prone nga babai i tyre në emër të Bujar Nasufit.

Të dy vëllezërit janë të skeduar në Spanjë në aktivitetin e trafikut të kokainës dhe prokuroria po heton për implikimin e tyre në këtë ngjarje të rëndë.

Bujar Nasufi u qëllua për vdekje pranë banesës së tij në sytë e gruas. Ai po parkonte makinën kur një person u afrua pranë tij dhe e ekzekutoi më disa plumba.

Lidhur me këtë ngjarje, Prokuroria është duke hetuar në disa pista, por e vetmja shpresë që mund ti afrohet të paktën emrit të ekzekutorit është prova e ADN-së që kanë prej tij.

Një incident që fatmirësisht është parandaluar nga udhëtarët, ka ndodhur në fluturimin e djeshëm Gjenevë-Prishtinë. Një shqiptar i Kosovës që do të udhëtonte nga Zvicra drejt vendlindjes, ka tentuar të hapë derën e avionit, por është ndaluar nga udhëtarët.

Siç shihet dhe nga pamjet e shpërndara në mediat sociale në Kosovë, kanë qenë disa persona që janë hedhur mbi të riun sapo kanë parë që ai do të hapte derën e avionit, ndërsa më pas dy djem të tjerë e kanë mbajtur të neutralizuar derisa në bord janë futur policët.

Nuk është e qartë nëse avioni ka qenë në fluturim dhe është detyruar të bëjë ulje emergjente në ndonjë shtet tjetër, apo gjithçka ka ndodhur në pistën e aeroportit të Gjenevës.

Nga veshja e policëve që janë paraqitur në avion për të shoqëruar personin në fjalë, dallohet që nuk janë uniforma të Policisë së Kosovës.

Nga pamjet, dëgjohen ofendime dhe të shara që udhëtarët shqiptarë lëshojnë drejt të riut.

Në një moment, në fund të videos, personi debaton me një të moshuar që e ofendon për veprimin që kishte në mendje të ndërmerrte, duke rrezikuar jetët e të gjithë udhëtarëve dhe ekuipazhit, kryesisht shqiptarë të Kosovës.

VIDEO

Detaje të reja janë zbuluar nga hetimet mbi përplasjen me armë zjarri në Laç, ku mbetën të plagosur pesë të rinj.

Sipas hetimeve paraprake dhe pamjeve të kamerave të sigurisë, rezulton se konflikti kishte nisur disa ditë më parë për motive të dobëta dhe kulmoi ditën e sotme në një shkëmbim zjarri mes dy grupeve.

Të rinjtë kanë zbritur nga automjetet dhe kanë qëlluar ndaj njëri-tjetrit, duke lënë të plagosur katër prej tyre, ndërsa një tjetër është larguar nga vendngjarja dhe dyshohet se është i plagosur. Në përplasje e sipër. është lënduar gjithashtu edhe një kalimtare, një grua 58-vjeçare që po shiste qirinj pranë kishës së Laçit.

Dinamika e plotë e ngjarjes në Laç:

Pas këqyrjes së kamerave të sigurisë nga grupi hetimor është zbardhur edhe dinamika e plotë e krimit. Përplasja ka ndodhur mes dy grupeve të rinjsh të cilët dyshohet se kanë pasur një konflikt të mëparshëm për motive të dobëta i cili ka agravuar ditën e sotme në përdorimin e armëve të zjarrit.

Në total në konflikt janë përfshirë 5 veta, kanë qenë një grup tre veta dhe një grup dy veta që janë përplasur. Të rinjtë kanë qenë duke lëvizur me makinë, tre në një makinë dhe dy në një makinë dhe kanë ndaluar, më pas kanë zbritur nga makinat dhe ka ndodhur konflikti mes tyre.

Ka pasur shkëmbim zjarri nga të dyja grupet. Nga 5 personat e përfshirë në konflikt, katër që kanë mbetur të plagosur dhe janë dërguar te spitali i Traumës, ndërsa një i ri tjetër i identifikuar nga policia është larguar nga vendngjarja dhe është shpallur në kërkim, dyshohet që edhe ky person ka mbetur i plagosur dhe ka qenë i armatosur. Një nga katër të rinjtë i cili ndodhet në spitalin e Traumës ka qenë bashkë më të riun tjetër që është në kërkim dhe e kanë pasur përplasjen me tre të rinjtë e tjerë të plagosur që janë në spitalin e Traumës.

Arma tip pistoletë e gjetur nga policia pak metra larg vendit të ngjarjes ende nuk është përcaktuar se kujt i përket nga të rinjve, pasi dyshohet që janë përdorur disa armë dyshohet edhe kallashnikov. Ndërsa nga të shtënat me armë gjatë shkëmbimit të zjarrit është plagosur edhe një 58-vjeçare e cila ishte në trotuar pranë vendit të ngjarjes e ulur në karrige duke shitur qirinjë për besimtarët që shkojnë në kishën e Laçit.

Gjatë shkëmbimit të zjarrit mes të rinjve një nga plumbat ka prekur në këmbë shitësen e qirinjve.