Lajme Flesh

Një 34 vjeçare beqare thotë se e ka gjetur zgjidhjen kundër vetmisë. Ajo thotë se orën para gjumit e kalon duke gatuar për të varfërit.

Kjo është historia emocionuese e rrëfyer. “Mirëmbrëma të gjithë lexuesve të faqes tuaj. Ju lexoj rregullisht.

Unë jam një 34-vjeçare që jetoj në Athinë. Jeta nuk është treguar e drejtë me mua, por pa hyrë në detaje di t’ju them që unë nuk jam tërhequr kurrë.

Si çdo femër edhe unë kam dashur të krijoj familjen time, por i fejuari më la për një tjetër vite me parë.

Nuk u lidha më kurrë në jetë. Jetoj vetëm sepse prindërit më kanë vdekur prej vitesh tashmë.

Shumë më ftojnë këtu të dal netëve, ose mikeshat e huaja më këshillojnë të chat-oj me njerëz se aty shumë persona sipas tyre kanë njohur partnerët e jetës, por unë nuk mundem.

Netëve unë merrem me gatime. Gatuaj për disa të varfër që jetojnë në zonën ku unë banoj dhe punoj. Kjo gjë më jep kënaqësi.L

Chris LaCivita i është përgjigjur nga studio e emisionit Opinion, ironive tyë kryeministrit Edi Rama ndaj tij, duke thënë se ka ardhur tek PD vetëm për të “fituar ca para”.

Përgjigja e LaCivita ka qenë me akuza, duke u shprehur se kreu i qeverisë bën ironi të tilla pasi nuk mbulon dot dështimin e qeverisë së tij prej 12 vitesh.

Po ashtu, LaCivita thotë se nuk përfaqëson SHBA, por thekson se kurrë nuk do të punonte kundër agjendës së administratës Trump.

Pjesë nga intervista

Fevziu: Ka qenë vetë Kryeministri që tha se keni ardhur për të fituar ca para e më pas do të ktheni në Shtetet e Bashkuara.

LaCivita: Edi Rama e thotë këtë gjë sepse nuk mbron dot 12 vitet e fundit si Kryeministër që ka shkartuar çdo gjë. Nuk ka asgjë për të folur përveç se dështimeve të tij.

Fevziu: Do ju pyes pyetjen e dytë të ndjeshme. A keni folur me administratën amerikane për praninë tuaj këtu?

LaCivita: Jo. Nuk përfaqësoj Shtetet e Bashkuara. Jam një individ privat. Nuk punoj për qeverinë. Janë në dijeni. Kurrë nuk do të punoja kundër agjendës së Presidentit nëpër botë. Por nuk kam nevojë për lejen e ndokujt për të bërë atë që jam duke bërë. Jam këtu për një pikëpamje politike. Angazhimi im dhe aftësitë e mija që të sigurohemi që partia demokratike do të fitojë.

Lideri i Partisë Demokratike, Sali Berisha, pati një takim me bizneset e vogla në Tregun Industrial të Tiranës.

Gjatë takimit, ai foli për politikat që do të vendosë për biznesin e vogël, nëse Aleanca për Shqipërinë Madhështore do të fitojë zgjedhjet e 11 majit.

Diku biseduar me qytetarët, njërit prej tyre i ra telefoni, i cili iu përgjigj: “Jam me Sali Berishën. Jam me Salën”, ndërsa lideri i iu kthye me batuta: “Përshëndete”.

Ndër të tjerat, Berisha tha gjatë takimit: “Do bëjmë gjithçka për frymëmarrje më të madhe sepse për ne biznesi i vogël është themelor për punësimin e njerëzve. Ne besojmë se duke i shpëtuar nga ngarkesa absurde fiskale, u mbeten para më shumë, e zgjerojnë më mirë biznesin dhe punësojnë dhe të tjerë dhe familjet marrin një mirëqenie më të mirë. Do ulim çmimin e energjisë me tre herë. Çmimin e ujit me dy herë. Do rrisim tavanin pa taksa nga 140 mijë në 180 mijë euro. Pra, kemi një kuadër emergjence”.

Gjykata e Beratit lë në burg Natasha Rombulën dhe djalin e saj (Armando Kumaraku), pasi ata shfrytëzonin djalin e mitur të këtij të fundit, për para në Tik-Tok.

Burime bëjnë me dije se Gjykata e Beratit dënoi sot me 3 vite e 6 muaj burg babain Armando Kumaraku dhe me 2 vjet e 3 muaj burg Natasha Rombulën.

Këtij vendimi, gjyqtarja Lumturi Zhupa,i ka shtuar edhe dënimin plotësues të kërkuar nga organi i akuzës, duke i hequr shtetasit Armando Kumaraku të drejtën e prindërimit mbi djalin e tij 10-vjeç.

Natasha Rombula u arrestua së bashku me djalin e saj Armando Kumaraku dhe të dy akuzohen për kryerjen e veprës penale “Keqtrajtimi i të miturit”, kryer në bashkëpunim.

Arrestimi i tyre erdhi pas denoncimit të ish-bashkëshortes së Kumarakut,për disa video të shpërndara në rrjetin social Tik Tok, ku duket gjyshja dhe djali që mësojnë nipin 10-vjeç të shajë me fjalë banale, për të përfituar vlera monetare.

Tension dhe kaos ka pasur në qendrën për emigrantëve në Gjadër, ku janë sistemuar 40 shtetas të huaj të transferuar nga Italia.

Ngjarja, e raportuar nga Tg4, ka ngjallur sërish debat, sidomos pasi bëhet fjalë për të njëjtët emigrantë për të cilët e majta italiane kishte reaguar me zemërim për shkak të përdorimit të prangave plastike gjatë zbritjes nga anija Libra.

Sipas raportimeve, rreth njëzet prej emigrantëve kanë shkaktuar trazira në ambientet e qendrës, duke dëmtuar mobiliet, shkatërruar dyshekët dhe thyer xhamat e dritareve. Situata ka dalë jashtë kontrollit për disa orë, duke detyruar ndërhyrjen e stafit të sigurisë.

Shqetësuese ishin rastet e vetëlëndimit, pasi mësohet se tre emigrantë kanë përdorur mjete të mprehta për t’i shkaktuar vetes plagë. Ata janë trajtuar menjëherë nga personeli mjekësor i qendrës dhe fatmirësisht, nuk kanë pësuar dëmtime serioze.

Ndërkohë, një prej emigrantëve, i cili kishte përfituar anulimin e urdhrit të dëbimit, është rikthyer tashmë në Itali.

Ilaria Sula mbeti e vrarë nga ish i dashuri i saj, Mark Antony Samson, i cili e goditi tre herë me thikë në shtëpinë e tij, kjo pasi 22-vjeçarja shqiptare i kërkoi që t’i jepnin fund marrëdhënies së tyre.

Universiteti më i madh i Romës, La sapienza, në të cilin Ilaria studionte për shkenca statistikore, ka zgjedhur të nderojë studenten shqiptare, e cila mbeti viktimë e femicidit në Itali.

Në një ceremoni të mbajtur në ambientet e universitetit, u vendos që një prej sallave të La Sapienzës të mbante emrin e Ilaria Sulës.

“Hapësirat e reja të studimit brenda Godinës së Teatrit të Ri Universitar i janë kushtuar Ilaria Sulës. Me rastin e 722-vjetorit të themelimit të Studium Urbis, sot janë inauguruar tre hapësira të reja me gjithsej 260 vende të reja studimi për komunitetin studentor: Biblioteka e re e bashkuar e Jurisprudencës, Salla Montessori në Godinën e Mineralogjisë dhe Hapësirat e studimit Ilaria Sula, në të cilat një pllakë përkujtimore kujton: ‘Ilaria, studente e Sapienza-s, për të mos harruar të gjitha gratë viktima të feminicidit, të cilave u është ndërprerë mundësia për të shkruar të ardhmen e tyre’”, shkruhej në postimin e universitetit.

Pjesë e kësaj ceremonie ishin dhe prindërit e vëllai i Ilarias, të cilët prej ditësh vajtojnë humbjen e vajzës së tyre.

Ilaria u vra më 26 mars nga ish i dashuri i saj, Mark Antony Samson, i cili pasi e goditi tre herë me thikë, trupin e saj e futi në një valixhe dhe e hodhi në një zonë pyjore jashtë Romës. Prej ditësh ajo rezultoi e humbur, deri në momentin kur 23-vjeçari me origjinë nga Filipinet tregoi të vërtetën në polici.

Pas kurorëzimit të “dashurisë” mes Eglit dhe Gjestit brenda shtëpisë së Big Brother VIP Albania, nuk kanë munguar emocionet as jashtë saj.

Motra e Eglit, e cila e ka ndjekur me përkushtim rrugëtimin e saj në shtëpi, ka reaguar përmes një postimi në Instagram, duke ndarë disa nga momentet më të bukura të dasmës së çiftit.

Ajo ka shkruar një dedikim të shkurtër, por shumë domethënës në mbështetje të motrës së saj: “Unë jam e lumtur kur ti je e lumtur”, duke e shoqëruar postimin me një tag për Eglin (@eglitakoooo).

Dasma e Gjestit me Egli Takon në Big Brother VIP Albania 4.

Të ftuar kanë qenë edhe opinionistët: Arbër Hajdari dhe Neda Balluku, e disa ish-konkurrentë të këtij formati.

Ata kanë kërcyer e janë argëtuar me njëri-tjetrin, ku performoi Remzie Osmani së bashku me të vëllanë, Nexhatin.

Ajo duket se po mban akoma anën e këngëtarit pejan, përkundër raportit të ngushtë që kishte me Joz Markun.

Para se të dilte, gazetarja kishte rregulluar raportet me Gjestin dhe po shoqërohej vazhdimisht.

Finalja e madhe e këtij reality shou do të mbahet të shtunën (19 prill).

Mbrëmë, në një nga netët më emocionuese të Big Brother VIP Albania, Gjesti dhe Egli kurorëzuan dashurinë e tyre me një ‘ceremoni martese’ brenda shtëpisë.

Pas një kërkese të veçantë nga Gjesti drejtuar Vëllait të Madh, ceremonia u aprovua dhe u organizua me stil.

Të ftuar ishin shumë ish-banorë, ndërsa opinionistët Neda dhe Arbri morën rolin e dëshmitarëve të dasmës. Ceremonia u udhëhoq nga Ledion Liço, i cili mori rolin e celebruesit.

Një moment që ra në sy ishte hyrja e Gjestit, i shoqëruar nga këngëtarja Rozana Radi.

Teksa Gjesti i zgjat dorën Nedës për ta përshëndetur, edhe Rozana bëri të njëjtën gjë, duke i thënë “Mirëmbrëma”.

Neda ia ktheu përshëndetjen dhe ia zgjati dorën gjithashtu.

Ky veprim u komentua në rrjete sociale, pasi Neda dhe Rozana kanë pasur një raport të tensionuar që më parë.

Përplasjet e tyre të shpeshta gjatë Prime-ve dhe një status i vjetër i Rozanës, ku ajo shprehej me tone të ashpra ndaj Nedës, kishin krijuar përshtypjen e një armiqësie personale mes tyre.

Megjithatë, duket se mbrëmë Rozana vendosi të lërë pas të kaluarën dhe të bëjë një hap drejt pajtimit, ndërsa Neda e pranoi gjestin me maturi.

Melisa Hoxhallari është vënë në pranga nga policia pas plagosjes së bashkëshortit nga ana e saj dhe të dashurit.

Specialistët për Hetimin e Krimeve Kundër Personit ndaluan shtetasen e shpallur në kërkim M. H., 29 vjeçe, pasi Gjykata e Fierit i ka caktuar masën e sigurisë “Arrest në burg”, për veprat penale “Plagosja e rëndë me dashje” dhe “Prodhimi dhe mbajtja pa leje e armëve, armëve shpërthyese dhe municionit”.

Më datë 05.01.2025, në lagjen “Apollonia”, dyshohet se shtetasi K. B. (aktualisht në kërkim), në bashkëpunim me 29-vjeçaren, plagosi me armë zjarri, shtetasin G. H., 40 vjeç.