Lajme Flesh

Tashmë është mbyllur zyrtarisht televotimi për dy finalistët e tjerë të “Big Brother VIP”.

Gjartë prime-t do të lexohej zarfi, ku përveç të zgjedhurve, katër të tjerë do të largohen nga shtëpia.

Rozana dhe Laerti janë dy finalistët e parë që u shpallën nga publiku, primeve të ditëve të fundit.

Ndersa cifti i shumeperfolur Loredan dhe Jozi do te elimoniheshin nga gara.

Por ky i fundit do ta mbyllte ne menyre skandaloze, teksa goditi me grushta Gjestin.

Ndersa policia ka bere shoqerimin e shtetasit Jozefin Marku per ne rajonin me te afert.

Të martën, u hap një televotim, ku publiku duhet të zgjidhte edhe dy finalistët e fundit.

Në garë gjatë këtyre ditëve kanë qenë Gjesti, Egli, Loredana, Jozi, Gerta dhe Danja.

SHIKO VIDEON KËTU

Një kthesë e re në rezultatin gjyqësor të vrasjes që përfshinte një viktimë 33-vjeçare u dha dje në Gjykatën me Juri të Përzier të Larisës nga pranimi i 19-vjeçares se ajo falsifikoi mesazhe me tekst për të bindur të atin, një të pandehur 51-vjeçar, në një çështje ligjore të paprecedentë.

Shtetasi 50-vjeçar shqiptar, Fatmir Tarellari nga Poliçani, akuzohet për vrasje me dashje në gjendje të qetë mendore, për armëmbajtje pa leje dhe për përdorim arme, pasi më 9 janar 2024, me pushkën e tij të gjuetisë, pak jashtë Volosit, pranë një fabrike çimentoje, i ngriti një kurth vdekjeprurës kunatit të tij 33-vjeçar Erjon Pelivani, të cilin e qëlloi duke e plagosur për vdekje.

51-vjeçari u bind nga vajza e tij se kunati i tij 33-vjeçar ishte ai që e përdhunoi kur ajo ishte një vajzë e vogël. E gjitha filloi kur 51-vjeçari Tarellari mori një telefonatë nga pronarja e vajzës së tij studente, e cila i tha se nuk e kishte paguar qiranë, edhe pse ai i kishte dërguar paratë rregullisht.

Vajza 19-vjeçare thuhet se deklaroi në atë kohë se ishte e detyruar t’ia jepte paratë dajos së saj 33-vjeçar sepse ai po e shantazhonte duke i thënë se do të publikonte foto të veprimeve të saj të pahijshme. Në fakt, që ta bënte të atin ta besonte, ajo i tregoi mesazhe me tekst (SMS) në telefonin e saj celular.

Babai u bind se kunati i tij ishte ai që po i përdhunonte të bijën dhe, duke ngritur një pritë, e qëlloi, duke e plagosur për vdekje.

Vetëm se hetimi nga Drejtoria e Hetimeve Penale të Policisë Helenike. vërtetoi falsitetin e SMS-së, duke përmbysur faktet e çështjes. Vajza 19-vjeçare, gjatë dëshmisë së saj dje, pranoi se, për t’u besuar nga i ati, ajo falsifikoi mesazhet SMS që shkëmbente me të dashurin e saj, në një mënyrë të tillë që dukej sikur dërguesi i mesazheve ishte 33-vjeçari, i cili në fund humbi jetën padrejtësisht.

Gjyqi filloi me të pandehurin që vuri në dukje se “më vjen keq për atë që ndodhi”, duke shtuar se ato ditë “ishin ditët më të këqija të jetës sime kur mësova se çfarë i ndodhi vajzës sime”, për të theksuar se “isha në gjendje shoku”.

Gjatë seancës së disa ditëve më parë, dëshmuan një numër dëshmitarësh, ndërsa gjyqi do të vazhdojë.

Një ngjarje e rëndë ka tronditur kryeqytetin ditën e djeshme, kur një vajzë e re humbi jetën në rrethana dramatike në lagjen “Lakrishtë” të Prishtinës. 26-vjeçarja Xheneta Ejupi ra nga kati i 17-të i një ndërtese banimi dhe ndërroi jetë në vend.

Burime nga vendi i ngjarjes bëjnë të ditur se viktima kishte jetuar me qira në atë apartament dhe dyshohet se për një periudhë të gjatë kohore kishte qenë nën presion të madh psikologjik nga partneri i saj, 30-vjeçari Valmir Sheqiri. Sipas Policisë së Kosovës, i dyshuari është arrestuar dhe ndaj tij është iniciuar procedurë penale për veprën penale “nxitje në vetëvrasje”.

Hetuesit kanë ndërmarrë veprimet e para menjëherë pas incidentit, duke bërë ekzaminimet përkatëse. Me urdhër të Prokurorisë, i dyshuari është ndaluar për 48 orë në kuadër të hetimeve që janë ende në zhvillim.

Trupi i pajetë i së ndjerës është dërguar për obduksion në Institutin e Mjekësisë Ligjore, ndërkohë që familjarët kanë bërë të ditur se ceremonia mortore do të mbahet sot në orën 18:00.

Lajmi i hidhur është konfirmuar edhe nga një familjar i viktimës përmes rrjeteve sociale, me fjalët prekëse: “Te Allahut jemi dhe te Ai do të kthehemi”. Ndërsa institucionet përkatëse vazhdojnë hetimet për të zbardhur plotësisht këtë rast të rëndë.

Një strukturë misterioze nënujore pranë ishujve Ryukyu të Japonisë po sfidon njohuritë tona për historinë e qytetërimeve të lashta. E njohur si Monumenti Yonaguni, kjo masë e madhe shkëmbore e vendosur vetëm 25 metra nën sipërfaqe u zbulua në vitin 1986 dhe ka tronditur studiuesit me formën e saj të ngjashme me një piramidë me shkallë.

Me një lartësi prej rreth 27 metrash dhe e ndërtuar tërësisht prej guri, Yonaguni ngjan si një strukturë e ndërtuar me dorë nga një qytetërim i lashtë. Testet mbi shkëmbin sugjerojnë një moshë prej mbi 10,000 vjetësh që do të thotë se nëse është ndërtuar nga njerëzit, ajo ekzistonte para se deti të mbulonte zonën, mbi 12,000 vite më parë.

Kjo do ta bënte më të vjetër se çdo piramidë egjiptiane apo edhe se Stonehenge, duke hapur derën për teorinë e ekzistencës së një qytetërimi të humbur, ndoshta të ngjashëm me mitin e Atlantidës. Autori Graham Hancock, i njohur për teoritë mbi qytetërimet e humbura dhe arkeologu Flint Dibble debatuan kohët e fundit në podcast-in e Joe Rogan mbi origjinën e Yonagunit. Dibble mbrojti idenë se formacioni është natyror, ndërsa Hancock kundërshtoi me fotografi që, sipas tij, tregojnë qartë struktura të krijuara nga dora e njeriut; shkallë, tarraca, harqe dhe një fytyrë e gdhendur në gur.

Pavarësisht skepticizmit të disa studiuesve si Dr. Robert Schoch, i cili thekson se karakteristikat gjeologjike të rajonit mund të shpjegojnë formën e Yonagunit, teoria e një ndërtese të lashtë të ndërtuar nga njerëzit nuk është përjashtuar. Ai pranoi se pamjet fotografike mund të krijojnë përshtypjen e një ndërtese për shkak të simetrisë dhe këndeve të mprehta.

Nëse vërtetohet se Yonaguni është ndërtohet nga njeriu, ajo do t’i bashkohej strukturave të tjera misterioze si Göbekli Tepe në Turqi (daton rreth vitit 9500 p.e.s.) dhe Gunung Padang në Indonezi, e cila mund të jetë më e vjetër se 16,000 vjet. Deri më tani, Monumenti Yonaguni mbetet një mister i pazgjidhur.

Denisa dhe Simoni ishin fare të rinj kur u njohën, u dashuruan dhe vendosën të lidhnin jetën së bashku. Ajo ishte nga Delvina, ndërsa ai nga Dhëmblani, fshati i vogël i Tepelenës, ku dhe hodhën themelet e para të familjes së tyre të re.

Në 2018 erdhi në jetë vajza e tyre e parë, Desila, si një engjëll që do t’ua ndriçonte shtëpinë e do t’i nxiste të rendnin drejt një jetë më të mirë. Një vit më pas, Simoni e Denisa e lanë pas fshatin e tyre. Erdhën në Tiranë, në një shtëpi me qira, me shpresën që do të kishin mundësitë reja.

Ardhja në jetë e dy vogëlushëve: Seit dhe Eldisa, u dha një gëzim të ri.

Derisa kuptuan se në sytë e tyre të bukur e të qeshur, kishte një problem. Të vegjlit, ndërsa mësuan të ecnin, nisën të përplaseshin me sende, rrëzoheshin shpesh e nuk gjenin dot drejtimin e prindërve kur i thërrisnin.

Pas shumë kontrollesh, mjekët dhanë lajmin që ua shembi botën dy prindërve: Seit sheh vetëm 5%, ndërsa Eldisa vetëm 2.5%. Të dy fëmijët u diagnostikuan me një sëmundje të rrallë dhe shumë të rëndë të syve, një sëmundje që përparon shpejt dhe që mund t’ua marrë shikimin përgjithmonë.

Për Simonin, kjo ishte një plagë që hapej sërish. E kishte parë këtë errësirë më parë tek babai i tij, që kishte humbur shikimin nga njëri sy në moshë të re. Por nuk e kishte imagjinuar kurrë që e njëjta gjë do i ndodhte te fëmijët e tij të vegjël.

Çdo mëngjes, fëmijët zgjohen duke kërkuar babain. Nuk e shohin, por ndiejnë praninë e tij. Zgjatin duart deri sa gishtat e tyre të vegjël prekin fytyrën e tij të lodhur, të lagur nga lotët.

“Babi, ku je? Nuk shoh”- i thotë Seiti. Zëri i tij i vogël qëllon në zemrën e Denisës dhe Simonit si shigjetë.

Tani, Denisa dhe Simon përballen çdo ditë me frikën se fëmijët e tyre do të rriten pa parë fytyrat e prindërve, pa parë dritën e diellit, qiellin apo çdo gjë tjetër.
Fatmiresisht mjekët thonë se ka një shpresë, një mundësi për trajtim jashtë vendit, por koha është e shkurtër dhe nuk pret.

Simoni e Denisa nuk kanë mundësi të mbulojnë shpenzimet. Çdo ditë është një betejë me kohën dhe pamundësinë. Nëse nuk trajtohen jashtë vendit, fëmijët do ta humbasin plotësisht shikimin.

Ata luten për t’i çuar fëmijët jashtë, për t’i shpëtuar nga errësira që po u afrohet me hapa të shpejtë. Ata kanë nevojë për ndihmë, që Seiti dhe Eldisa të mund të shohin dritë e të jetojnë jetën me të gjitha ngjyrat e saj, thirrje që u bë në “Për Shqiptarët”.

Të gjithë e dimë që ataku në zemër nuk mund të parashikohet, megjithatë ka disa këshilla të dobishme të cilat mund t’ju shpëtojnë jetën, nëse e gjeni veten përballë një situate të tillë.

Shpresojmë, që të mos ju duhet ta zbatoni kurrë këtë këshillë, por është mirë të dini se mund të ndihmoni veten apo dikë tjetër, para se të vijë ambulanca.

Shumica e njerëzve kalojnë në panik dhe nuk dinë çfarë të bëjnë kur dyshojnë për infarkt miokardi.

Kjo bën që të bien pa vetëdije për çështje sekondash.

Por, edhe pse keni vetëm disa sekonda për të reaguar ka diçka që mund të bëni, që me shumë gjasa do ju shpëtojë jetën.

Kini parasysh se si fillim duhet të kërkoni ndihmë, kjo është shumë e rëndësishme.

Pasi të keni thirrur ndihmën profesionale duhet të filloni të kolliteni me forcë!

Filloni kollituni thellë dhe fortë, pa pushim. Nxirrni frymë thellë dhe ngadalë.

Kur merrni frymë thellë ju dërgoni oksigjen në mushkëri, ndërsa kolla ushtron presion te zemra duke ndihmuar qarkullimin e gjakut.

Ky presion në zemër do të rikthejë në normalitet ritmin e sinusit dhe kjo është gjëja më e rëndësishme për të mbajtur një njeri gjallë deri në ardhjen e ndihmës profesionale.

Prokuroria e Beratit ka kërkuar 5 vite burg për Natasha Rombulan dhe Armando Kumaraku, gjyshja dhe babai i 10-vjeçarit, të cilin e shfrytëzonin për video banale në rrjete sociale. Më konkretisht, Prokuroria kërkon tre vite burg për babain e djalit si edhe dënim plotësues ‘Humbjen e përgjegjësisë prindërore’, ndërsa për gjyshen, kërkon 2 vite burg.

Sipas Prokurorisë, nënë e bir kanë keqtrajtuar djalin e mitur, kanë komunikuar me fjalë banale me të miturin dhe e kanë detyruar dhe të, të flasë në të njëjtën mënyrë në rrjetet sociale ‘Youtube’ dhe ‘TikTok’. Sipas organit të akuzës, i mituri është nxitur nga babai dhe gjyshja për t’u bërë pjesë e rrjeteve sociale pa dëshirën e tij, gjë që ka ndikuar në gjendjen e tij emocionale.

“Gjatë seancës vlerësuese është arrit në përfundimin se i mituri ka qënë i kërcënuar vazhdimisht dhe është ndjerë nën presion nga babai dhe gjyshja si dhe është ekspozuar në rrjetet sociale në mënyrë abuzive me gjuhë dhune dhe fjalor denigrues i cili nuk është i përshtatshëm për moshën në të cilën ndodhet i mituri. Po kështu, i mituri është ekspozuar kundrejt lëndëve narkotike, gjë e cila është e papranueshme për moshën që fëmija ka. Ai është nxitur nga gjyshja dhe babai i tij për t’u bërë pjesë e rrjeteve sociale (Tik-Tok) në video pa dëshirën e tij, gjë e cila ka ndikuar në gjëndjen e rënduar emocionale të fëmijës së mitur. Bullizimi që ushtrohet duke ju drejtuar me epitete të ndryshme gjithashtu kanë rënduar gjendjen e tij psikologjike. Në përfundim të hetimeve paraprake, pas analizës në tërësi të të dhënave dhe provave të marra, arrihet në përfundimin se, ka të prova të mjaftueshme se të pandehurit A.K. dhe N.R. kanë kryer veprën penale për të cilën u akuzuan. Ata kanë kryer veprime të cilat konsistojnë në keqtrajtim fizik dhe psikologjik të të miturit dhe detyruar këtë të fundit për të kryer veprime që dëmtojnë zhvillimin e tij mendor dhe fizik që ka sjellë si pasojë simptoma të çrregullimit të personalitetit anti social te i mituri, duke qënë se të gjithë modelet që ai ka pasur kanë ndikuar drejtpërsëdrejti në jetën e tij dhe në zhvillimin e tij si individ”, thuhet në njoftimin e Prokurorisë.

Natasha Rombula u arrestua së bashku me djalin e saj Armando Kumaraku në shkurt të vitit të kaluar, me akuzën për kryerjen e veprës penale “Keqtrajtimi i të miturit”, kryer në bashkëpunim.

Premtimi për anëtarësimin e Shqipërisë në Bashkimin Europian është shndërruar në kartën më të fortë elektorale të Edi Ramës në këtë fushatë për zgjedhjet e 11 majit. Por pikërisht në kulmin e retorikës së tij optimiste, vjen një “goditje në stomak” nga Berlini zyrtar. Qeveria e re gjermane ka shpallur qartë se nuk do të ketë zgjerim të mëtejshëm të BE-së pa reformuar më parë vetveten. Mesazhi është i prerë: asnjë vend i Ballkanit Perëndimor nuk do të anëtarësohet pa u forcuar struktura e brendshme e Unionit.

ProfitSence Logo

Tabloidi gjerman “BILD” raporton se kjo politikë e re do të shkaktojë zhgënjim të madh në rajon, veçanërisht në vende si Shqipëria që janë përdorur BE-në si premtim fushate. Vetë kryediplomatja e BE-së, Kaja Kallas, foli nga Tirana me tone realiste, duke përmendur vitin 2027 si një objektiv për mbylljen e negociatave, jo anëtarësimin, nëse do të përmbushen kushtet. Ndërkohë Rama kërkon një mandat të katërt mbi një ëndërr që duket gjithnjë e më larg dhe më pak e besueshme.

Detajet

Konkretisht kryeministri Edi Rama e ka vënë anëtarësimin në BE në qendër të premtimeve në fushatën e tij për zgjedhjet e 11 majit. Në çdo dalje të tij kërkon votën e shqiptarëve duke premtuar pasaportën e europiane. Por ky premtim duket se ka marrë një goditje të fortë nga Berlini. Qeveria e re gjermane e krijuar nga një koalicion tripartiak mes CDU, CSU dhe SPD ka përcaktuar qartë bllokimin e zgjerimit me vende të reja deri në një reformim të vetë BE-së. Sipas asaj që raporton BILD, në marrëveshjen e koalicionit thuhet: “Zgjerimi i BE-së dhe kapaciteti i saj për të thithur anëtarë të rinj duhet të ecin paralelisht. Prandaj, mos vononi me zgjerimin e radhës, duhet një konsolidim i brendshëm dhe reformë e BE-së që e forcon atë institucionalisht”. BILD shkruan se kjo do të shkaktojë pakënaqësi, veçanërisht në Ballkan.

“Qeveria e re po ndalon në thelb zgjerimin e BE-së. Ajo kërkon një reformë thelbësore të BE-së dhe mekanizmave të saj vendimmarrëse si kusht për pranimin e shteteve të reja anëtare si Kosova, Serbia apo Shqipëria, të cilat janë në listën e pritjes”, shkruan tabloidi gjerman. Rama ndërkohë u kërkon zgjedhësve në Shqipëri mandatin e katërt me premtimin e anëtarësimit të vendit në Union brenda 2030-ës. Nga ana tjetër mesazhi që Bashkimi Europian për që i dha Shqipërisë këtë javë është i qartë. Mbyllja e negociatave deri në vitin 2027 është një objektiv realist, u shpreh kryediplomatja e BE, Kaja Kallas nga Tirana theksoi se nuk ka rrugë të shkurtër drejt integrimit veçse zbatimi i reformave. Për integrimin në BE janë 33 kapituj që duhen hapur, dhe Shqipëria me Edi Ramën për 12 vite radhazi nuk ka bërë ndonjë progres të madh.

Pra Rama po u premton shqiptarëve gjëra që edhe po të ketë vullnet të mirë për ti bërë, teknikisht nuk janë të realizueshme për 2030. Edhe sipas ekspertëve, Shqipëria i ka shanset zero për anëtarësim në këto hapësira kohore që Edi Rama propagandon para 11 Majit. Vetë ish-ministri i Jashtëm i Edi Ramës, Ditmir Bushati, në një analizë për vizitën zyrtare të Kaja Kallas në Tiranë, thotë se Rama po pretendon të (pa) mundurën.

Thinking Machines Lab, startupi i ri i Inteligjencës Artificiale nga ish-CTO e OpenAI, Mira Murati, thuhet se po përpiqet të mbyllë një nga raundet më të mëdha fillestare në histori. Business Insider raportoi se Thinking Machines Lab ka dyfishuar objektivin për raundin e saj të financimit fillestar në 2 miliardë dollarë. Raundi, nëse mbyllet sipas planit, do ta vlerësonte kompaninë në të paktën 10 miliardë dollarë.

Thinking Machines Lab u krijua së fundmi dhe ende nuk ka asnjë produkt apo të ardhura për të folur. Ajo që ka dhe ajo që ka të ngjarë të bindë investitorët të paguajnë para janë dhjetëra studiues të profilit të lartë të AI në radhët e saj. Kohët e fundit, Bob McGrew, më parë shefi i kërkimit në OpenAI dhe Alec Radford, një ish-kërkues i OpenAI që qëndron pas shumë prej inovacioneve më transformuese të kompanisë, iu bashkuan Thinking Machines Lab si këshilltarë.

Thinking Machines Lab tha më parë se synon të krijojë sisteme të AI që janë më gjerësisht të kuptueshme, të personalizueshme dhe përgjithësisht të aftë sesa ato aktualisht të disponueshme. Mira Murati është renditur ndër 100 njerëzit më me ndikim në teknologji që po revolucionarizojnë botën. “The Times” nënvizon se Murati ka luajtur një rol të rëndësishëm në OpenAI. Ajo prezantoi modelin kryesor të kompanisë, GPT-4o, i cili impresionoi përdoruesit me ndërveprimet e tij të sofistikuara zanore në kohë reale dhe avancimin në SearchGPT.

E lindur në Vlorë dhe e shkolluar në Kanada, Murati ka një histori të pasur në inxhinieri dhe zhvillim teknologjik. Gjatë studimeve në Kolegjin Dartmouth, ajo ndërtoi një makinë hibride garash. Më pas, iu bashkua Tesla-s, ku kontribuoi në zhvillimin e makinës Model X dhe pastaj punoi në Leap Motion, një start-up që krijoi një sistem kompjuterik për ndjekjen e lëvizjeve të duarve dhe gishta. Në vitin 2018, Murati u bashkua me OpenAI si zëvendëspresidente për inteligjencën artificiale, duke luajtur një rol kyç në avancimin e teknologjive të reja të AI-së.

Kryeministri Edi Rama ka çelur sot zyrtarisht fushatën elektorale të Partisë Socialiste për zgjedhjet e 11 majit, me një ngjarje madhështore në Sheshin “Skënderbej”.

I veshur sportivisht dhe me një kapelë që mbante numrin 5 numrin që Partia Socialiste ka në fletën e votimit – Rama dha sinjalin e parë të fushatës përmes një paraqitjeje që kombinon thjeshtësinë me mesazhe të forta politike.

Skema vizuale e aktivitetit ishte ndërtuar rreth 12 yjeve, një simbolikë me shumë kuptime: 12 prilli, 12 qarqet e vendit dhe 12 yjet e flamurit të Bashkimit Europian që përfaqëson edhe synimin kryesor të kësaj fushate: integrimin e Shqipërisë në BE.

Prezantimi i kandidatëve të PS mori një formë artistike dhe festive, ndryshe nga fushatat tradicionale. Çdo qark u përfaqësua në skenë me këngë dhe valle tradicionale, duke shfaqur diversitetin kulturor të vendit.
Parë në skenë u futën kandidatët e qarkut të Dibrës, të shoqëruar nga motive folklorike të zonës.