Lajme Flesh

Aksionet po bien ndjeshëm në Wall Street në hapjen e tregtimit, një shenjë e qartë e luftës së re tregtare të nisur nga Shtëpia e Bardhë mbrëmë.

Ndërsa kambana e hapjes ra në bursën e Nju Jorkut, mesatarja industriale Dow Jones, e cila ndjek 30 nga kompanitë më të mëdha amerikane, ra menjëherë me 1,137 pikë, ose 2,7%, në 41,087 pikë.

Nike është rënia më e madhe, duke rënë me mbi 10%, ndërsa Amazon dhe Goldman Sachs kanë rënë të dyja me rreth 6%.

Indeksi më i gjerë i aksioneve S&P 500 po bie gjithashtu, ai ka rënë me 3.3% në nisje të tregtimit.

Nasdaq i përqendruar në teknologji është duke rënë me 4.5%.

Kjo pason humbjet e mëdha në tregjet e Azisë-Paqësorit më herët sot, ku indeksi kryesor i aksioneve të Vietnamit ra me 6.8% pasi mallrat vietnameze u goditën me një tarifë të re prej 46%.

Tregjet evropiane janë gjithashtu thellë në rënie, me indeksin FTSE 100 të Mbretërisë së Bashkuar tani me 1.6% ose 138 pikë, në 8469 pikë.

Përllogaritet se rënia e përgjithshme ka zhdukur nga tregjet gati 2 trilion dollarë.

Tregjet janë tronditur nga tarifat e reja të Donald Trump, të cilat pritet gjerësisht të dëmtojnë perspektivën për rritjen globale dhe inflacionin.

“Paketa gjithëpërfshirëse e tarifave erdhi në fund të pritshmërive dhe, sipas analistëve, do të rrisë tarifën efektive për importet në SHBA në mes 20% dhe 25%.

Disa analistë sugjerojnë se rritja ekonomike e SHBA-së mund të reduktohet nga 1% në 2% ndërsa inflacioni do të shkojë më lart. Kjo do të shihet si një stagflacion për ekonominë amerikane. Tarifat për mallrat nga pjesa tjetër e botës duhet të zvogëlojnë rritjen e eksporteve dhe do të jenë një goditje negative e rritjes, me Azinë dhe Evropën më të prekura duke pasur parasysh madhësinë e tarifave të propozuara”, shpjegon Chris Iggo, shefi i investimeve për Investimet Core në AXA.

Sali Berisha ka njerëz brenda SPAK-ut dhe BKH-së që i japin informacione sekrete dhe më pas ai del i lexon në media dhe i bën publike, kur ato janë sekret.

Edhe rasti i harkimit të fundit të prokurorëve të SPAK lidhet direkt me këtë dyshim, pasi zyrtarë dhe ish-zyrtarë hynë në e-mailet e tre prokurorëve dhe madje tentuan të vidhnin edhe të dhëna nga posta elektronike e kreut të institucionit, Altin Dumani dhe serverëve.

Kështu u shpreh avokati Idajet Beqiri sot në një studio televizive, duke e lidhur edhe me një rast konkret si tangente me dyshimin e ngritur se pas ngjarjes mund të qëndrojnë edhe njerëzit e ish-kryeministrit. Beqiri tha se edhe një denoncim që ai i kishte dërguar SPAK-ut dhe Dumanit kohë më parë, u rrodh nga brenda institucionit direkt te Berisha dhe ky i fundit e lexoi në publik, duke përmendur edhe detaje që i dinin vetëm përfaqësuesit e akuzës.
Edhe avokati Edmond Petraj, i ftuar në panel, e cilësoi ngjarjen si tepër të rëndë, duke e nënvizuar faktin se pikërisht Berisha ishte personi që lexoi informacione sekrete që ishin vjedhur nga SPAK, në ngjarjen që u mbajt e fshehtë. Bëhet fjalë për detajet e dosjes “Toyota Yaris”.

“E konsideroj guxim dhe çmenduri këtë akt, të arrish të futesh deri aty, te ‘foleja e grerëzave’, te Prokuroria Speciale që lufton krimin e organizuar dhe korrupsionin shtetëror, si mund të arrijë të hakerojë e-mailet e tyre për të marrë informacione nga zyrtarët. E para sa siguri kanë mjetet e prokurorëve dhe SPAK për mbrojtjen kibernetike, pasi flitet për karakter tepër sekret të hetimeve, që lidhen edhe me sigurinë kombëtare, si mund të lejohen pa mbrojtje të fortë kibernetike, teksa u ndërhyjnë dhe futen në zyrat e tyre, kompjuterat, e-mailet dhe rrjetin e tyre. Kjo kërkon reagim të fortë të institucioneve. Duhej dhënë alarm dhe Komisioni i Ligjeve të mblidhej urgjent për këtë ngjarje, është skandal i madh. Kuvendi duhet të alarmohej. SPAK të bëjë transparencë për ngjarjen”, tha Beqiri.

Më tej ai ngriti edhe dyshimet e bazuara të tij, se brenda SPAK-GJKKO ka njerëz që bashkëpunojnë me persona të politikës, në këtë rast Berishën dhe politikanët rreth tij, si Belind Këlliçi.

“Te hetuesit e BKH-së ka elementë që bashkëpunojnë me persona jashtë, japin informacione për të tjerët. Kujtoj rastin Berisha që përmendi emri im tek Altin Dumani, duke thënë se jam anëtar i tij, pasi lexoi informacionin se kreu i SPAK kishte një letër të dërguar nga ana ime për Belind Këlliçin, në lidhje me bisedat e tij me drejtoreshën e shkollës. Nga i dinte Berisha këto? Si i gjeti këto informacione, kur e dija vetëm unë që e çova dhe prokurori i çështjes? Pra ka probleme të brendshme atje, ka informacione që rrjedhin nga brenda. Berishës ia dhanë nga brenda SPAK kallëzimin tim. Pra më parë i merr vesh Belo gajdexhiu, para se ta marri vesh Dumani, në rastet kur ky nuk është aty në institucion. Pra Belindi informohet herë pas here më parë se të tjerët, i merr vesh më parë ai kallëzimet sesa prokurorët. Madje unë mendoj se edhe Dumanit po ia punojnë aty në disa raste. Edhe për rastin e prokurores Kaçkini, më parë i merr vesh Këlliçi sesa ajo dhe Dumani. Puna është a do ketë një verifikim për këta prokurorë të SPAK apo agjentë”, denoncoi avokati në Report Tv.

Por jo vetëm kaq, pasi ai edhe për rastin e prokurorit Olsi Dado shprehu rezerva për mënyrën se si institucionet u treguan pasive dhe këtu shikon ndërhyrje të fuqishme të politikës. Ai shprehet i bindur se brenda SPAK dhe BKH ka ‘spiunë’.

“Ose fakti që aty është prokuror Olsi Dado, në kundërshtim me ligjin, nga noter në prokuror dhe këta nuk japin përgjigje për këtë rast, ku ish-presidenti mori vendim antiligjor dhe të pavlefshëm, tani veprojnë si struci dhe nuk reagojnë. Ka elementë në SPAK që dekonspirojnë informacionet. Të jeni të bindur se asgjë nuk ndodh aty pa pasur ndërhyrje nga brenda. Po të bëhet hetim, do dalin ose anëtarë të BKH-së dhe prokurorë të caktuar, që janë bërë pis. Por ka edhe raste kur janë blerë informacione nga BKH-ja”, nënvizon Beqiri.

Kurse avokati Edmond Petraj kujtoi se ngjarja kishte ndodhur pikërisht disa ditë para se Berisha të lexonte informacione sekrete të dosjeve në media apo Parlament, kryesisht të asaj “Toyota Yaris”. Edhe Dumani sipas tij e pranoi problematikën dhe se po punohej, derisa u zbuluan autorët, pasi lihet gjurmë. Sipas avokatit, edhe amerikanët ndaj u kthyen në SPAK, pasi ishin ekspertë të IT-së dhe rritën nivelin e sigurisë dhe ndihmuan në hetime.

“U tentua të merreshin të dhëna në e-maile, janë të dhëna zyrtare, komunikime. Por duket se edhe amerikanët që erdhën në SPAK duket se kanë qenë IT-të e kibernetikës, për sistemin “Data”, serverin dhe mbrojtjen e sistemit. Pra ata kanë ardhur posaçërisht për shkallën e sigurisë në serverin ku mbahen të dhënat arkivore dhe dokumentore. Prokurorët kanë përdorim në këtë server, me kod të veçantë. Rrjedhja ka kohë që ka ndodhur, se nga e dinte Berisha që lexonte ato materiale në publik, në media. Edhe Dumani e ka thënë këtë që edhe ne jemi në verifikim të punës sonë. Është përgjegjësi e madhe, është çështje e hetimit. Por të arrish të marrësh nga serveri këto të dhëna, ka kohën e saj, se janë me giga materiale. Kanë dalë në media informacioni, si dosja Toyota Yaris, ku u lexuan materiale në media e publik, me atë fjalor banal, si u siguruan ato? Pra ka pasur një rrjedhje informacioni”, tha ai.

Avokati shpjegoi edhe procedurën se si hyhet në informacionet e serverit të SPAK:

“Prokurori i jep akses edhe agjentëve të BKH-së nëse hyjnë në dosje apo materialet e serverit, pra jepet leje. Kush tenton të hyjë në e-mail, sigurisht që lë gjurmë dhe ka lënë të tilla, është e gjurmueshme. Çështja është se ku kanë hyrë konkretisht. Mendoj se pas tyre (të arrestuarve) fshihen persona të tjerë, mundësisht një personazh të rëndësishëm për të marrë informacione të posaçme, por edhe për të penalizuar këta prokurorë për raste të caktuara hetimi. Psh., Berisha ka prokuroren Millonai, por kjo do parë, do hetuar dhe do verifikuar. PD e ka ngarkuar jashtë mase SPAK-un këto kohë. Edhe për rastin që denoncoi zoti Beqiri, SPAK duhet të kishte reaguar, të ngrinte grupo, sesi doli ky informacion dhe nga doli”.

Këngëtarja e njohur shqiptare Parashqevi Simaku tashmë prej disa muajsh e rikthyer nga jeta në rrugë në një apartament komod, nuk harron as të këndojë.

Ajo një javë më parë ka publikuar edhe projetin e saj muzikor ndërsa pak orë më parë Elton Ilirjani ka publikuar disa video ku shihet që Parashqevia këndon këngët shqiptare sikurse dy dekada më parë.

Në një nga InstaStoryt e biznesmenit shqiptar Parashqevia dëgjohet të këndojë këngën “Ky Marak” në ditëlindjen e fotografit të mirënjohur shqiptar në Amerikë, Fadil Berishës.

Eltoni krahas video shkruan për Parashqevinë: Krenare për ty “Mama”, Nëna ime është me e mirë se e jotja.

https://streamable.com/e/j9zeji?quality=highest

Reality shou i njohur, ‘Ferma VIP’, ka nisur sezonin e tij të ri këtë të hënë, duke sjellë në vëmendje një kast të larmishëm personazhesh publike.

Ndër ta, veçohet këngëtari i mirënjohur Frederik Ndoci, i cili ka tërhequr vëmendjen e publikut për sjelljen e tij brenda fermës.​

Mbrëmjen që lamë pas, Ndoci është parë duke konsumuar alkool në disa raste, një sjellje që ka ngjallur reagime të ndryshme mes shikuesve. Disa e kanë parë këtë si një aspekt argëtues dhe simpatik të personalitetit të tij, ndërsa të tjerë shprehin shqetësim për mundësinë e një abuzimi të mundshëm me alkoolin në hapësirat e programit.​

Në një video të ndarë së fundmi, Frederik Ndoci shfaqet duke e tepruar me pijen, ndërsa Albi, një nga banorët e tjerë, e shoqëron atë brenda fermës për t’u siguruar që është mirë.

Ndërsa formate të tilla synojnë të ofrojnë argëtim dhe të sjellin në pah anët e ndryshme të personaliteteve të njohura, është e rëndësishme që të ruhet një balancë dhe të merren masa për të parandaluar sjellje që mund të jenë të dëmshme për pjesëmarrësit ose të promovojnë mesazhe të gabuara për publikun. /Prive

VIDEO

Një mega-infrastrukturë e re është afër të transformojë tregtinë europiane. Bëhet fjalë për Tunelin Fehmarnbelt, një vepër inxhinierike e jashtëzakonshme që do të lidhë Danimarkën me Gjermaninë, duke transportuar mallra dhe pasagjerë. Ky projekt do të ketë një gjatësi prej 18 kilometrash.

Sipas drejtuesve të projektit, në këtë tunel nuk do të kalojnë vetëm automjetet, por dhe dy linja hekurudhore të elektrifikuara. Ndryshe nga Eurotuneli i njohur, ky tunel nuk do të gërmohet në tokë të fortë, por do të përdoren pjesë të mëdha betoni të parapërgatitura, të cilat, pasi vendosen në një hendek të gërmuar në fund të detit, do të lidhen mes tyre dhe më pas do të mbulohen.

Këto pjesë betoni tashmë dolën nga fabrika daneze e Rødbyhavn këtë vit, duke përfunduar kështu pjesën e parë të projektit ambicioz, që parashikohet të përfundojë në vitin 2029. Çdo seksion i tunelit ka një gjatësi prej rreth 217 metrash, gjerësi 42 metra dhe thellësi 9 metra, duke peshuar rreth 73.000 ton.

Kur të hapet, tuneli do të zvogëlojë kohën e udhëtimit mes Danimarkës dhe Gjermanisë, nga 45 minuta me traget në 10 minuta me makinë dhe 7 minuta me tren. Sipas parashikimeve, udhëtimi nga Hamburgu në Kopenhagen, që aktualisht zgjat pesë orë, do të reduktohet në gjysmën e kohës. Tuneli Fehmarnbelt pritet të sjellë një rritje të turizmit në Danimarkë dhe rajonin skandinav, duke krijuar mundësi punësimi dhe përmirësuar ekonominë e disa zonave që janë më të zhvilluara sesa kryeqyteti, Kopenhagen.

@a2_cnn

Një mega-infrastrukturë e re është afër të transformojë tregtinë europiane. Bëhet fjalë për Tunelin Fehmarnbelt, një vepër inxhinierike e jashtëzakonshme që do të lidhë Danimarkën me Gjermaninë, duke transportuar mallra dhe pasagjerë. Ky projekt do të ketë një gjatësi prej 18 kilometrash. Sipas drejtuesve të projektit, në këtë tunel nuk do të kalojnë vetëm automjetet, por dhe dy linja hekurudhore të elektrifikuara. Ndryshe nga Eurotuneli i njohur, ky tunel nuk do të gërmohet në tokë të fortë, por do të përdoren pjesë të mëdha betoni të parapërgatitura, të cilat, pasi vendosen në një hendek të gërmuar në fund të detit, do të lidhen mes tyre dhe më pas do të mbulohen. #a2cnn #tunel #europe

♬ original sound – A2

Në takimin e dytë të nivelit të lartë “Shqipëria 2030 në BE- Rruga e Reformave”, kryeministri Edi Rama u shpreh mirënjohës për vlerësimet pozitive që ka marrë Shqipëria nga Këshilli Evropian dhe BE për punën që vendi ynë po bën për t’u anëtarësuar në familjen e madhe evropiane.

Sigurisht gjatë fjalimit të Ramën nuk munguan batutat, teksa theksoi mirënjohjen e shqiptarëve për BE-në.

“Nuk e prisja që do vinte një ditë që unë do shprehesha me tone shumë pozitive për Këshillin Evropian. Por jemi shumë mirënjohës për ekspertizën që kemi marrë nga Këshilli Evropian. Ne ngelëm duke e falënderuar BE-në mëngjes drekë darkë. Myslimanët falen pesë herë, i falen Allahut pesë herë, ne i falemi BE-së më shumë se pesë herë në ditë”- tha Rama.

Motrat Xhovana dhe Alda Nikolli kanë shpërthyer sërish në akuza të forta ndaj SPAK, në lidhje me kontrollet e ushtruara në banesën e tyre dhe sekuestron e telefonave.

Në një video në TikTok, Alda Nikolli ka akuzuar Prokurorinë e Posaçme se po mbron kriminelët dhe se ka shkelur privatësinë e saj, duke deklaruar se e kanë pyetur pse ka dy tre të dashur.

Gjithashtu ajo tha kanë shkuar në SPAK dhe i është kërkuar që të shkëpusë çdo kontakt me bashkëpunëtorin e penduar të drejtësisë Nuredin Dumani.

Alda Nikolli: Ne nuk donim! Mua njëherë nuk më lejohet fare, se më është bërë presion, se në momentin që unë dal në media, unë e di që pas 2-3 orësh do vinë të më marrin.

Me zotin lart dhe duke qenë e pastër, e ndjej për detyrë me u shpjeguar. Duke ik në Spanjë, unë jam ndaluar bashkë me Xhovanën! Më kanë bërë kontroll për dyshim eksplozivi! Më kanë fut tek dhoma dhe më kanë kërkuar kodin e telefonit, gjë që unë e kundërshtova dhe ngrita zërin, Vjen hetuesja dhe më thotë: pusho se ta rrasa një.., Nuk më ka prekur askush me dorë dhe s’më ka bërë askush asnjë gjë dhe janë në rrefull se po bëshin punën e vet.

Por nuk më duket i drejtë fakti që ime motër, Xhiovana Nikolli të merret dhe të futet në një dhomë veçmas nga mua dhe t’i thuhet tekstualisht fjalët “mos ik në Spanjë se motra jote do të vrasi”! Kush do e vrasë motrën time? Për çfarë do e vrasin motrën time? Do e vrasin kriminelat që mbroni ju?

Nuk po përmend emra sot, por po lë një video tjetër, por po lë një video tjetër, që çfarë do që të ndodhi mua, do dalë këtu dhe më pas do e shihni se kush nuk ështëi pastri dhe kush jo? Po na shtypni ne duke mbrojt kriminelat?

Detyra juaj është që ta zbardhni ngjarjen dhe jo të na vrisni ne për së gjalli, dhe jo të ndani një vajzë nga nëna e vetë, se e arritët këtë qëllim..

Xhovana Nikolli: Iku kjo. Erdhën në shpi për kontroll, madatin e kishin, por në mandat nuk ishte e shkruar që të sekuestrohet telefoni i Gjovalin Nikolli dhe Luljeta Nikolli, dhe për këtë arsye jam revoltuar dhe kanë dashur që të më vendosin prangat mua dhe e kam grisur mandatin në sy të shefit, se nuk mundesh që të sekuestrosh telefonin.

Alda Nikolli: Do të rikthehem në kohën kur kam shkuar në SPAK she iu kam treguar që jam në një lidhje me Nuredin Dumanin. Më kanë thënë që sdo kesh asnjë lloj komunikimi me atë, do ndërpresësh çdo gjë. Ikam bërë bllok dhe kam fshirë fotot dhe çdo gjë dhe jam larguar.

Prap kam shkuar në SPAK për të denoncuar dyshimet se pas ngjarjes, fshihet Nuredin Dumani. Pra dyshojmë tek ai, por nuk thash unë që e ka vendos Nuredin Dumani me dorën e vet, që po mundoheni që ta ma hidhni mua deklaratën. Por unë thash gjeni personin dhe nxirreni në shesh. Unë nëse do isha në dijeni, do e kisha nxjerra e para atë person.

Më kanë ndërhyrë dhe më kanë thënë pse ke dy apo tre të dashur? Pse më ndërhyni në privatësi.

Ne jemi këtu dhe këtu do qëndrojmë, jemi të lira dhe ndaj nesh nuk ka asnjë akuzë. Nuk kemi dalë në emisione se e kami pas të ndaluar. Unë dola në emision se kisha frikë! Mua smë mbrojti shteti.

Video Player

Kryeministri i Shqipërisë Edi Rama, në takimin me emigrantët shqiptarë në Athinë, u shpreh se me pasaportën e Bashkimit Europian, ata do të ulen “në çdo tryezë të Evropës përgjithmonë si shqiponja”.

“Me këtë pasaportë, ti ke mundësi të qëndrosh këtu (Greqi), ose të shkosh në çdo vend të Evropës dhe të respektohesh si i barabartë mes evropianësh. Kur prindërit e tu erdhën këtu, u detyruan të bëjnë shumë gjëra për të mbijetuar, për ta ulur kurrizin deri në tokë, për të mos e humbur betejën, të bëjmë punë që ti, biri apo bija jonë as nuk mund t’i imagjinosh sot që i ke të gjitha të mirat, dhe të duket se jeta ka qenë gjithmonë kështu, por këto i bëmë për ty e ju, dhe tani jemi të lehtësuar sepse juve duhet ta respektoni kryqin e bardhë në flamurin e Greqisë se është vendi që ju ka adoptuar po ama s’keni nevojë që shqiponjën në flamurin e kuq ta harroni apo aq më keq ta ndërroni”, tha Rama.

Kryeministri shtoi: “Ju jeni shqiponja dhe do të jeni gjithmonë shqiponja. Me pasaportën evropiane të shqiptarëve, ju do të uleni në çdo tryezë të Evropës përgjithmonë si shqiponja. Ashtu sikundër në të gjitha tryezat ku mblidhet Evropa, përfaqësuesit e shteteve janë poshtë dhe lartë nëpër ballkon janë përkthyesit e të gjitha gjuhëve, ashtu do të jetë edhe përkthyesi i shqipes, kur përfaqësuesi i Shqipërisë të flasë shqip dhe të tjerët të vënë kufjet për të dëgjuar. Ky është momenti, sepse sot për herë të parë, që kur kemi filluar këtë rrugëtim, Shqipëria ka filluar rrugëtimin kolektiv, ju keni bërë këtu përpjekjet për t’u integruar, Shqipëria i ka bërë përpjekjet për t’u integruar në botën e madhe”.

“Për herë të parë Bashkimi Europian thotë se jemi gati që brenda 2027 të mbyllim marrëveshjen me ju dhe brenda kësaj dekade të jemi bashkë. Kjo ka ardhur si pasojë e atyre që kemi bërë ne, e këmbënguljes tonë, që na shikonin në rastin më të mirë me keqardhje, në rastin e zakonshëm me bezdi dhe në të keqin me përçmim, në një situatë kur na shikojnë me respekt dhe besim. Por kjo ka ardhur edhe si rezultat ku është sot Evropa. Për këtë arsye nuk jemi vetëm ne që duam të hyjmë në BE, por edhe BE ka hapur një derë dhe thotë ejani hynë një orë e më parë”, deklaroi më tej Rama.

Ekspertët e Universitetit Yale kanë identifikuar një gjendje shqetësuese të lidhur me vaksinat mRNA kundër COVID-19 – e cila, sipas tyre, është treguar se ndikon në biologjinë e trupit tuaj.

“Sindroma pas vaksinimit” është një sëmundje e mëparshme e paidentifikuar, që duket se shkakton intolerancë ndaj ushtrimeve fizike ose lodhje, tringëllimë në veshë (tinnitus), marramendje dhe mjegullim të trurit, ndër simptoma të tjera.

Vite pas marrjes së injeksionit fillestar dhe dozave përforcuese, pacientët mund të shfaqin gjithashtu ndryshime të dukshme biologjike – si ndryshime në qelizat imune dhe prania e proteinave të koronavirusit në gjakun e tyre.

“Nga mostrat e gjakut të pjesëmarrësve, studiuesit kërkuan veçori imune që ndryshonin midis dy grupeve. Ata zbuluan disa dallime në popullatat e qelizave imune; ata me PVS kishin nivele më të ulëta të qelizave efektore CD4+ T dhe nivele më të larta të TNF-alpha+ CD8 T, të dyja lloje të qelizave të bardha të gjakut – ndër dallime të tjera,” sipas platformës së lajmeve të Yale.

“Kjo ishte befasuese, të gjenim proteinën spike në qarkullim në një pikë kaq të vonë,” shtoi Dr. Akiko Iwasaki. “Nuk e dimë nëse niveli i proteinës spike po shkakton simptomat kronike, sepse kishte pjesëmarrës të tjerë me PVS që nuk kishin asnjë nivel të matshëm të kësaj proteine. Por mund të jetë një mekanizëm që qëndron pas kësaj sindrome.”

Për më tepër, kjo gjendje duket se riaktivizon virusin Epstein-Barr, i cili mund të shkaktojë simptoma të ngjashme me gripin, probleme nervore dhe ënjtje të nyjeve limfatike.

Megjithatë, shkencëtarët e Yale janë përpjekur të qetësojnë shqetësimet e publikut, duke theksuar se gjetjet “janë ende në zhvillim” dhe rezultatet përfundimtare të studimit nuk janë publikuar ende. Sipas ekspertëve të pavarur, rezultatet e universitetit të njohur tregojnë se kërkimet mbi sindromën pas vaksinimit janë të nevojshme.

Hapi tjetër i studimit do të jetë identifikimi i atyre që janë më të rrezikuar dhe përcaktimi i përhapjes së kësaj sëmundjeje.

Që nga futja e vaksinave mRNA kundër COVID-19, mijëra njerëz kanë raportuar se kanë pësuar dëmtime serioze nga injeksionet.

“Kjo punë është ende në fazat e saj të hershme dhe kemi nevojë të verifikojmë këto gjetje,” tha imunologia e Universitetit Yale dhe autore e studimit, Dr. Akiko Iwasaki.

“Por kjo na jep shpresë se mund të gjejmë diçka që mund të përdorim për diagnostikimin dhe trajtimin e PVS në të ardhmen.”

Ndërmjet dhjetorit 2022 dhe nëntorit 2023, ekipi i Iwasakit mori mostra gjaku nga të paktën 42 individë me sindromën pas vaksinimit (PVS) dhe 22 individë pa të, në kuadër të këtij studimi të ri, i cili ende nuk është shqyrtuar nga kolegë shkencorë.

“Sipas analizave të sistemeve imune të pacientëve, ata me PVS kishin përqindje të ndryshme të disa qelizave imune. Nuk është e qartë se çfarë kuptimi kanë këto ndryshime, pasi studiuesit nuk mund t’i lidhnin ato me simptoma të veçanta,” raportoi Daily Mail.

Shkencëtarët analizuan gjithashtu 134 persona “të shëndetshëm” të vaksinuar dhe 134 individë me “long COVID”, pasi simptomat e PVS ngjasojnë me këtë gjendje.

Megjithatë, në mars të vitit të kaluar, studiuesit mjekësorë në Queensland Health të Australisë pohuan se termi “long COVID” duhej të hidhej poshtë dhe të mos merrej seriozisht. Ata argumentuan se simptomat e atyre që kanë raportuar se janë prekur për të paktën një vit nuk ndryshonin nga simptomat e një virusi të zakonshëm, si gripi.

Ndërkohë, në lidhje me studimin e fundit të Yale për vaksinat kundër COVID-19, virusi Epstein-Barr u riaktivizua si tek pacientët me PVS ashtu edhe tek ata që kishin simptoma të “long COVID”.

Epstein-Barr është një infeksion që transmetohet përmes lëngjeve trupore si pështyma apo sperma, dhe më shumë se 90% e të rriturve mendohet se e kanë kaluar atë në një moment të jetës së tyre. Virusi qëndron në trup edhe pas zhdukjes së simptomave si ethet, skuqjet dhe lodhja – por mund të riaktivizohet kur sistemi imunitar dobësohet.

Për më tepër, nivelet e proteinës spike të COVID-19 ishin shumë më të larta tek pacientët me PVS. Disa nga simptomat afatgjata mendohet se shkaktohen nga këto proteina që vazhdojnë të qarkullojnë në trup, duke e mbajtur atë në një gjendje inflamatore.

“Kjo ishte befasuese, të gjenim proteinën spike në qarkullim në një fazë kaq të vonshme… Nuk e dimë nëse niveli i saj po shkakton simptomat kronike, sepse kishte edhe pacientë me PVS që nuk kishin fare proteinë spike të matshme… Por mund të jetë një nga mekanizmat që fshihet pas kësaj sindrome.”

Për më tepër, Dr. Harlan Krumholz, një nga autorët kryesorë të studimit, dhe Harold H. Hines, profesor i mjekësisë në Yale, komentuan mbi këtë zbulim shqetësues në një deklaratë të përbashkët:

“Përgjegjësia jonë si shkencëtarë dhe mjekë është të dëgjojmë përvojat e pacientëve, të hetojmë në mënyrë rigoroze shkaqet dhe të kërkojmë mënyra për t’i ndihmuar ata,” thanë ata.

Përveç kësaj, Faqja Kombëtare e Bibliotekës së Mjekësisë, e cila drejtohet nga Instituti Kombëtar i Shëndetësisë (NIH), ka raportuar disa të dhëna shqetësuese mbi miokarditin – një inflamacion i muskulit të zemrës – dhe lidhjen e tij me vaksinat mRNA kundër COVID-19.

“Sipas të dhënave të raportuara në VAERS (Sistemi i Raportimit të Ngjarjeve të Dëmshme të Vaksinave), numri i rasteve të miokarditit pas vaksinimit kundër COVID-19 në vitin 2021 ishte 223 herë më i lartë se mesatarja e të gjitha vaksinave të kombinuara gjatë 30 viteve të fundit.

Kjo përfaqëson një rritje prej 2500% të numrit absolut të raporteve në vitin e parë të fushatës së vaksinimit, krahasuar me vlerat historike para vitit 2021.

Të dhënat demografike treguan se miokarditi ndodhte më shpesh tek të rinjtë (50%) dhe meshkujt (69%).

Në total, 76% e rasteve përfunduan në kujdes urgjent ose shtrimin në spital. Nga të gjitha rastet e raportuara të miokarditit, 92 individë humbën jetën (3%).

Miokarditi ishte më i zakonshëm pas dozës së dytë të vaksinës (p < 0.00001), dhe personat nën moshën 30 vjeç kishin më shumë gjasa ta zhvillonin atë në krahasim me ata mbi 30 vjeç (p < 0.00001).”/Daily Mail

Teksa e cilësoi situatën më mafioze të ndodhur në këtë institucion, gazetarja Klodiana Lala dha ca detaje më shumë sa i takon publikimit të disa dosjeve të SPAK.

Në studion e “Opinion”, ajo tha se ka dyshime të forta për hakerim, duke shtuar se është ndërhyrë në kompjuterët e 3 prokurorëve.

“Është ndërhyrë në kompjuterin e prokurores Enkeleda Millonai, e cila kohët e fundit për arsye shëndetësore ka pasur momente që nuk është paraqitur në punë, në këtë moment është dhënë sinjali.

Ka dyshime të forta për hakerim. Është ndërhyrë! Është parë që është ndërhyrë në 3 kompjutera, të Millonait, prokurores Elida Kaçkini dhe prokurorit Behar Dibra.”

Sipas Lalës, është tentuar të hakerohej edhe kompjuteri i drejtuesit të Strukturës së Posaçme AntiKorrupsion Altin Dumani.
“Është tentuar të hakerohet kompjuteri i kreut të Prokurorisë së Posaçme Altin Dumani. Nuk është hakeruar dot, është vendosur të fiket gjithë sistemi, që të mos merreshin të dhëna të tjera.“

Gazetarja shtoi se përmes gjurmimit të celularëve është zbuluar se në kryeqytet ekziston një zyrë hakerimi.

“Prokurorët përmes gjurmimit të celularëve kanë arrestuar në Kamzë Zambak Gjonin dhe më pas Arnold Rrokajn. Përmes gjurmimi të celularëve, ata kanë arritur të kuptojnë që hakerimi vinte nga një zyrë që ishtë në një nga kullat kryesore të Tiranës. Zyrë hakerimi! Ka dyshime që ka pasur edhe bashkëpunëtorë nga brenda. Kanë arritur përmes gjurmimit të celularëve, se kanë ndodhur brenda 24 orëve, kanë arritur të arrestojnë 2 personat. Janë ndaluar në flagrancë, u janë kapur celularët dhe u janë gjetur pajisje që përdoren për përgjim e hakerim. Dy janë sfidat kryesore, së pari kanë dalë të dhënat e një politikani, biznesmeni dhe një gruaje në administratë”, tha ajo.

“SPAK ka bërë një inventar, ka pasur mbledhje urgjente me prokurorët. Ka një dyshim tjetër, që përveçse do përdoreshin për shantazh në prag fushate, po shihet mos ka pasur edhe ndërhyrje se janë PDF”, përfundoi Lala.