Lajme Flesh

Episodi i radhës i “A je bre normal” me Meriton Mjekiqin, erdhi me një të ftuar shumë speciale, si Soni Malaj. Në këtë intervistë të veçantë, ajo ka folur më shumë për karrierën e saj, sukseset dhe sfidat e hasura, por jo vetëm.

Pjesë nga intervista:

A ka producentë të mirë sot?

Rritja në treg është bërë shumë e madhe për sa i përket pjesës muzikore, duke qenë se ka ndryshuar dhe pjesa e tregut, është digjitalizuar çdo gjë, konsumi është bërë shumë herë më i shpejtë për sa i përket muzikës. Sepse më përpara kanë qenë disqet e kasetat dhe ne duhet të punonim për një kohë të gjatë për të prodhuar ato. Por sot producentët nuk po arrijnë dot hapin e këngëtarëve, sepse këngëtarët po shumohen. Por kur vjen fjala për të bërë një koncert live, në të gjithë industrinë jemi tre veta. Nëse në Shqipëri do bëhen evente të mëdha dhe duhet të dalim në sheshin Skënderbej para 20 mijë vetave live, jam vetëm unë, Aurela Gaçe, Alban Skënderaj. Çdo gjë minimizohet, nga qindra këngëtarë që janë, bie numri.

Si ka ndryshuar industria e muzikës sot në krahasim me dikur?

E mira është që ka shumë informacion tani, kush do që të punojë gjërat janë shumë më profesionale. Konkurrenca ka shtuar kërkesën e llogarisë tek secili, duke filluar nga imazhi e paraqitjet në skenë. E keqja është që është konsumi i shpejtë. Playback-u vazhdon fuqishëm, nëpër clube edhe kur duam të këndojmë live, nuk është teknika e duhur. Duke qenë se shumica e këngëtarëve këndojnë playback, është një pakicë shumë e vogël që kërkojnë të dalin live, por pronarët e clubeve thonë që jo sepse rrezikohen të tjerët. Audienca e kupton shumë mirë këtë. Ndoshta edhe këngëtarët duan të dalin live, por nuk janë kushtet, sepse gjëja është shumë e shpejtë.

Ti ke bashkëpunuar disa herë me reperë, çfarë roli janë duke luajtuar hip-hop artistët në muzikën tonë?

Ne duke pasur një kulturë amerikane, normalisht që pjesa e hip-hopit është shumë e dashur për ne. Më përpara kanë qenë tekstet disi më të pastra, ndërsa sot janë mbi përdorimin e substancave dhe e shoh që dhe në publik janë pak të lodhshme. Më përpara mezi prisnim kur dilnin BabaStars, apo Kaos, ose Skillz, ose PINT. Kur je në pakicë, je diçka më e rrallë dhe je më e dëshirueshme. Cilësia është vetjake, çdo person ka aftësi artistike vetjake. Unë jam pak fanatike e shkollës së vjetër të hip-hopit. Nga të rinjtë sot, që më ka bërë përshtypje është MatoLale, Kidda, më pëlqen shumë se ka një stil shumë të veçantë. /TAR/

Dashi

Horoskopi i datës 31 mars 2025 nga Christine Haas

Do jeni shumë të paduruar gjatë kësaj dite dhe mund të hidhni hapa të pamenduara mirë. Tregohuni disi më tolerantë nëse nuk doni që gjithçka të marrë tatëpjetën. Nëse jeni në një lidhje, sot do ketë zhvillime shumë të rëndësishme. Në mëngjes do bëni gabime që mund ta lëndojnë partnerin, por menjëherë do reflektoni dhe në mbrëmje mund të organizoni darka romantike. Zemra e partnerit është e brishtë dhe ai do ju falë. Gjithsesi kjo nuk d të thitë që herë tjetër duhet të abuzoni. Ju beqarët do pëlqeni shumë dikë, por rivaliteti i fortë do ju nxitë të stepeni dhe të qëndroni pas. Në punë ka rrezik të mos jeni shumë të organizuar dhe kjo do ju shtyjë drejt vështirësive. As me shpenzimet nuk do bëni kujdes dhe gjendja do jetë delikate.

Demi

Horoskopi i datës 31 mars 2025 nga Christine Haas

Ka mundësi që sot të përballeni me disa zhgënjime dashurie dhe do ndiheni të mërzitur. Dëgjoni më shumë arsyen sepse vetëm ashtu do dilni më shpejt nga periudha e vështirë. Nëse jeni në një lidhje do keni debate të forta me partnerin dhe nuk do arrini dot të gjeni gjuhën e përbashkët. Disa fjalë të familjarëve do i hedhin benzinë zjarrit. Ju beqarët çfarëdo që të bëni nuk do arrini dot ta ndryshoni statusin. Kujdes nga personat gënjeshtarë që do ju thonë fjalë të bukura sa për të përfituar prej jush. Në punë, disa pengesa ligjore apo administrative do vënë në pikëpyetje projektet që keni filluar. Financat nuk do jenë as të shkëlqyera, por as shumë problematike.

Binjakët

Horoskopi i datës 31 mars 2025 nga Christine Haas

Gjatë kësaj dite nuk do jeni në humorin më të mirë të mundshëm dhe nuk do doni të ndryshoni aspak zakonet tuaja. Lëshimet mund të ndodhin një ditë tjetër, jo sot. Ju të dashuruarit do i merrni gjërat shtruar dhe do e dëgjoni partnerin, por nuk do pranoni kurrsesi që të bëni me detyrim atë që atij i duket me e logjikshmja. Mund të lindin edhe debate në disa momente. Ju beqarët do jeni aq sharmantë saqë askush nuk do mund t’iu rezistojë, por nuk do keni besim të plotë për te hedhur hapa me këdo. Në punë nuk do ndiheni plotësisht të sigurt dhe herë pas here do shtangni. Në planin financiar mos rrezikoni sepse keni për të pasur vështirësi edhe më të mëdha më pas.

Gaforrja

Horoskopi i datës 31 mars 2025 nga Christine Haas

Sot nuk do lejoni asnjë person të marrë vendime në vendin tuaj dhe do jeni të zotët e vetes. Nëse keni një lidhje do mund të bëni diskutime të sinqerta me partnerin dhe do gjeni zgjidhjet më të mira edhe për disa tema që ju kanë brengosur. Vendosmëria e të dyve do jetë një virtyt që do ua çmojnë të gjithë. Ju beqarët do i keni idetë më të qarta dhe nuk do stepeni të shprehni pëlqimet. Gjithsesi mos prisni që të filloni lidhje menjëherë. Në punë do jeni më të motivuar dhe do arrini të gjitha qëllimet që i kishit vënë vetes. Mundet edhe t’i bindni shefat për një projekt që e keni përzemër. Nëse në planin financiar reflektoni para se të shpenzoni gjendja ka për të mbetur shumë e mirë.

Luani

Horoskopi i datës 31 mars 2025 nga Christine Haas

Puna dhe financat mund t’iu sjellin disa vështirësi gjatë kësaj dite të cilat mund t’i kaloni vetëm fale intelektit dhe mbështetjes së të afërmve. Nëse keni një lidhje herë pas here mund te keni edhe ndonjë debat dhe do mendoni të qëndroni larg njëri-tjetrit, por sapo të kalojnë disa orë nuk do mundeni dot pa telefonuar dhe pa i dëgjuar zërin atij që dashuroni. Mbrëmja do jetë më e ngrohtë. Ju beqarët sot do vini re se një koleg flirton me ju me delikatesë dhe ju sheh kur nuk e keni mendjen. Në punë do e keni akoma më të vështirë të arrini objektivat sepse disa kolegë do ju pengojnë me çdo lloj mënyre. Për financa të kënaqshme, mos shpenzoni për gjëra të tjera përveç atyre më të domosdoshmeve.

Virgjëresha

Horoskopi i datës 31 mars 2025 nga Christine Haas

Hëna dhe Venusi nuk do bashkëpunojnë sot për ta bërë jetën tuaj më të bukur kështu që përgatituni për vështirësi. Do hezitoni të hidhni hapa dhe mundet edhe të mbylleni në vetvete. Nëse keni një lidhje kujdes me kërkesat që do bëni dhe me fjalët që do thoni pasi partneri nuk do jetë në humorin e duhur. Çastet romantike thuajse do mungojnë plotësisht. Ju beqarët do jeni aq të pabindur për hapat që duhet të hidhni saqë do lini një takim me dikë dhe në momentin e fundit nuk do shkoni. Në punë nuk duhet të kërkoni rritje page sot sepse nuk është momenti i duhur. Për më tepër ju nuk do i arrini as objektivat që iu janë dhënë. Për të përmirësuar financat mos u fiksoni tek lotaritë.

Peshorja

Horoskopi i datës 31 mars 2025 nga Christine Haas

Urani dhe Hëna do sjellin ngjarje të papritura që do ju ndihmojnë të merrni drejtimin e duhur. Nëse jeni në një lidhje në shumë momente do ju duket sikur partneri nuk ju sheh me dashuri si më parë dhe do mërziteni. Para se të dilni në përfundime flisni hapur me të. Ju beqarët do jeni më të matur dhe nuk do hidheni menjëherë në krahët e dikujt që do ju vijë vërdallë. Kjo në fakt do jetë zgjidhja më e mirë. Në punë, nëse po bashkëpunoni me kolegë për një projekt gjigand, do ju duket sikur jo të gjithë po japin të njëjtin kontribut dhe do ju vijë inat. Në planin financiar, vigjilenca që do tregoni do bëjë që gjendja të përmirësohet.

Akrepi

Horoskopi i datës 31 mars 2025 nga Christine Haas

Sot duhet të bëni pak pushim dhe të distancoheni nga të gjithë në mënyrë që të reflektoni për hapat që duhet të hidhni më tej. Nëse jeni në një lidhje mos mbani pengje, por flisni sa me hapur me partnerin dhe zgjidhini mosmarrëveshjet. Mbase mund te lëndoheni e te vuani pak, por është më mirë sesa të dukeni sikur qeshni dhe të qani në shpirt. Ju beqarët duhet thjesht ta hapin zemrën dhe të pranojnë të njihen me sa më shumë persona. Kjo do jetë një arritje e madhe. Në punë do ju duhet të luftoni shumë fort për të mbrojtur idetë dhe interesat tuaja. Me shpenzimet nuk do i keni punët shumë mirë kështu që priten vështirësi edhe në këtë sektor.

Shigjetari

Horoskopi i datës 31 mars 2025 nga Christine Haas

As mos e vrisni mendjen për opinionet e të tjerëve sot, por bëni atë që do ndieni. Secili e di vete se çfarë zgjedhjesh bën. Nëse keni një lidhje do bëni çdo përpjekje për t’u riafruar me partnerin e për të rifilluar çdo gjë nga fillimi. Gabimet e bërë së fundmi do i kuptoni dhe do kërkoni falje, Për fatin tuaj të mirë partneri do hapë rrugë dhe do ju falë. Gjithsesi kjo nuk do të thitë se ai ka harruar gjithçka. Ju beqarët nuk do ndiheni ende të bindur nga dikush dh nuk do tentoni as sot ta bëni për vete. Në punë do keni liri veprimi dhe do jeni të arsyeshëm. Edhe sikur të mundohen, askush nuk do ju pengojë të bëni atë që keni menduar. Me shpenzimet tregohuni realistë që gjendja e parave të mbetet e stabilizuar.

Bricjapi

Horoskopi i datës 31 mars 2025 nga Christine Haas

Komunikimi me të tjerët do jetë shumë i mirë sot. Do keni edhe një fuqi bindëse për t’u adhuruar. Nëse jeni tashmë në një lidhje, provoni aktivitete të reja për ta mbajtur zgjuar entuziazmin dhe pasionin. Partneri do jetë i gatshëm t’iu ndjekë kudo vetëm që marrëdhënia juaj të bëhet sa më e mirë. Ju beqarët do kërkoni një person që t’iu ofrojë liri pafund. Për fatin e mirë sot do keni njohje të shumta. Në punë do jeni të ndërgjegjshëm se duke punuar në grup mund të arrini rezultate edhe më te larta. Do bashkëpunoni fort me kolegët. Financat kanë për të qenë të mira kështu që mund të hiqni edhe ndonjë para mënjanë për më vonë.

Ujori

Horoskopi i datës 31 mars 2025 nga Christine Haas

Sot më shumë se kurrë do doni ta jetoni jetën si t’iu vijë. Herë pas here mund të ndiheni edhe disi të lodhur. Ju të dashuruarit do jeni gjithë kohës gati për të festuar, për të provuar gjëra të reja dhe për të lëvizur. Partneri nuk do ju ndjekë dot përherë dhe kjo mund t’iu mërzitë paksa. Tregohuni pak më të duruar dhe realiste sepse edhe ju do lodheni shpejt. Ju beqarët do nxiteni nga Venusi dhe do joshni pafundësisht, pavarësisht vendit, kohës dhe personave që do ju dalin para. Në punë do jeni shumë energjikë dhe do merreni me shumë gjëra njëherësh. Me financat do dini si të veproni, do bëni ekonomi dhe do mendoni më shumë për të ardhmen.

Peshqit

Horoskopi i datës 31 mars 2025 nga Christine Haas

Sot do bëni të pamundurën që të hiqni dorë nga disa zakone të këqija që deri më sot ju kanë sjellë probleme të mëdha dhe do ja arrini qëllimit. Nëse jeni në një lidhje dhe partneri nuk ju qëndron pranë apo nuk kujdeset për ju do vendosni pikat mbi ‘’i’’ dhe do gjeni zgjidhjen më të mirë. Mbi të gjitha shihni qetësinë tuaj. Ju beqarët do jeni më të disponueshëm për të dalë nëpër takime dhe ka mundësi që në mbrëmje të realizojnë njohje që do ua ngrohin zemrën. Në punë pas shumë mundi më në fund do ju konkretizohen planet e bëra dhe do ndiheni krenarë për veten. Shpenzime do bëni, por me përkujdes kështu që financat do mbeten të mira.

Për herë të parë në historinë e Agjencisë, të gjitha pasuritë që ndodhen nën administrimin e saj po regjistrohen

Agjencia e Administrimit të Pasurive të Sekuestruara dhe të Konfiskuara ka publikuar për herë të parë katalogun e pasurive të sekuestruara, me synimin për të rritur transparencën dhe efektivitetin e administrimit të këtyre pasurive.

Për herë të parë në historinë e Agjencisë, të gjitha pasuritë që ndodhen nën administrimin e saj po regjistrohen dhe po bëhen publike përmes katalogëve zyrtarë, duke krijuar një standard të ri transparence dhe llogaridhënieje. Pronat e sekuestruara përfshijnë vila luksoze, apartamente, garazhe, toka bujqësore, biznese të ndryshme, automjete.

Mes qindra pronave, në listë janë pasuritë e kreut të Partisë së Lirisë, Ilir Meta dhe ish-bashkëshortes së tij, Monika Kryemadhit apo pronat e dhëndrit të Sali Berishës, Jamarbër Malltezit, i cili ndodhet në “arrest shtëpie” për korrupsion.

Përse unë nuk do të votoj Lëvizjen Bashkë.

Situatën ku ndodhet sot Shqipëria jam e bindur që nuk e ndryshojnë dot as programet, as ideologjitë dhe as premtimet utopike që janë bërë zakon i fushatave – ku kandidatët na shfaqen si magjistarët që mbajnë shkopin magjik, e me të mund ta kthejnë vendin në një tokë të premtuar.

Sa i takon përplasjes së ideve mbi praninë e shtetit në sferën publike dhe vendosjes së kufijve mes publikes dhe privates, prapë besoj se nuk është koha dhe as vendi (Shqipëria) që meriton këto diskutime, kur sot po rrezikojmë të rrëshkasim në një sistem autokratik. Vlerat e meritokracisë janë përmbysur, cilësia e shërbimeve publike është ulur, korrupsioni është rritur dhe është instaluar modeli ku për të larë duart ligjërisht pasuritë e vendit jepen me ligj apo vendime kolegjiale.

Prandaj besoj se përpara se të flasim se çfarë modeli e shpëton vendin, duhet të kërkojmë zbatimin e standardeve të qeverisjes së mirë, funksionimit të organeve të pavaruara nga Kuvendi e deri te agjencitë e dorës së dytë e tretë dhe garantimin se ligjet zbatohen dhe shteti nuk kapet.

Një nga problemet më shqetësuese të ekonomisë shqiptare është kapja e saj nga një dorë biznesmenësh të cilët në sajë të lidhjeve dhe ndihmës nga pushteti kanë arritur të marrin toka, leje, licenca, të drejta shfrytëzimi, tendera, kontrata etj. duke u vendosur në krye të piramidës së vendit. Që në këtë moment nuk mund të flasim dot as për demokraci dhe as për parime nëse tregu nëse duhet të jetë më i lirë – apo më i kontrolluar nga shteti. Sot jemi në situuatën që shteti të bën të pasur, shteti të bën të varfër – kjo varet nga dëshira e udhëheqësit.

Lëvizja Bashkë ka patur në thelb të denoncimeve të saj sistemin oligarkik të vendit. Ndryshe nga kjo linjë e tyre, unë mendoj se në Shqipëri nuk ka oligrakë të mirëfilltë që vendosin drejtuesit, por anasjelltas- biznemenë që ofrohen të shërbejnë sa më mirë dhe të marrin shpërblimin e të qënit të pasur duke mbajtur në emër të tyre pasuri të politikanëve. Por kjo është një tjetër çështje.

Lëvizja Bashkë më ka pëlqyer për këto denoncime dhe sidomos për faktin që në fushatën e Zgjedhjeve Vendore 2023 ishte e vetmja forcë politike që denoncoi shkeljet dhe lidhjet kriminale në të gjitha kullat që po ndërtohen në kryeqytet.

Lëkundjet mbi vërtetësinë e denoncimeve së kësaj force politike më erdhën disa muaj më pas, kur shihja që për çështjet ku ndaje një mendim ndryshe – ktheheshe papritur në armik (asnjë ndryshim nga mendësia e partive tradicionale). Një tjetër përshtypje jo për mirë më ka lënë dhe insistimi për denoncimin e mediave që nuk shfaqin aktivitetet e kësaj partie duke i ikur tinëzisht thelbit nëse mediat janë të kapura nga interesat ekonomike, apo ishin të kapura vetëm ato që nuk transmetonin aktivitetet e saj; e deri te protesta ku në vend që të prevalonte ngjarja e rëndë e policit, u pa një sherr se kush ishte pronari i saj.

Bindjen se unë nuk do të votoj Lëvizjen Bashkë nuk e krijova as kur lexova programin paradoksal në disa çështje, sepse siç e thashë më lart Shqipërinë nuk e bën as niveli i taksimit, e as qasja në politikat sociale- bindjen e krijova kur pashë që në listën e Tiranës ishte renditur i pari Redi Muçi, djali i një prej ortakëve të oligarkëve që Lëvizja Bashkë denoncon dhe thotë se do t’i luftojë – ndërsa në Gjirokastër është kandidate në listën e hapur motra e tij Stela Muçi.

Sondazhet sugjerojnë se mundësitë janë që Lëvizja Bashkë do të arrijë të marrë vetëm 1 kandidat në Tiranë, ndaj çdo votë e atyre që simpatizojnë këtë forcë do të shkojnë për z.Redi Muçi i cili është i renditur në listën e mbyllur. Redi Muçi është djali i Fredi Muçit, ndërtues në kryeqytet dhe aksioner në disa firma të prodhimit të materialeve të ndërtimit dhe betonit, por dhe një nga ortakët në kompaninë “Arameras” shpk, bashkë me kompaninë Concord Investimet të vëllezërve Dulaku.

Kjo firmë ka ndërtuar një resort në Ksamil, në zonë të mbrojtur – ndërsa toka është dhënë me qira modeste vite më parë nga qeveria shqiptare si subjekt “i simuluar”. Kompanitë Concord Investiment dhe Edil Al të ortakëve të Fredi Muçit, kanë përfituar toka me qira 1 euro, koncesione të shumta, leje ndërtimi, kontrata publike, tendera etj. dhe janë pjesë e listës të sistemit oligarkik që kjo forcë denoncon.

Ndaj unë nuk do të votoj Lëvizjen Bashkë. Nëse në krye të fushatës së saj është eleminimi i sistemit oligarkik, dhënia e vendit të vetëm që pret të marrësh në parlament një prej fëmijëve të atyre që denoncon, të rrëzon çdo parim!

Një investigim i gazetarit grek Vangelis Triantis në median “Datajournalist” ka hedhur dritë mbi mafien e ndërtimeve në ishull grek Mykonos dhe lidhjen me vrasjen në burgun e Koridhalos të shqiptarit 35-vjeçar Alfons Ndoci më 26 qershor 2024.

Një dokument i nxehtë audio në lidhje me të ashtuquajturën mafia e ndërtimit në Mykonos ka 1 vit e gjysmë që ka mbetur i paprekur nga Policia Helene . Sipas informacioneve të “Datajournalists”, bëhet fjalë për një bisedë pesë-orëshe mes Alfons Ndocit, i vrarë në burgun e Koridhallos, dhe një kryekontraktori nga Mykonos, të cilin ai e kishte denoncuar si nxitës të një kontrate vdekjeje ndaj një agjenti të njohur të pasurive të paluajtshme nga Mykonosi, të cilën e kishte marrë vetë Ndoci.

Biseda në fjalë është regjistruar fshehurazi nga Ndoci, në të cilën sipas të njëjtave burime referohen persona dhe veprime të lidhura me mafian e ndërtimit në Mykonos. Ndoci e kishte dorëzuar audion në Policinë Helene në qershor 2023, pas një arrestimi aventuresk në qendër të Athinës. Më pas i është përcjellë Drejtorisë së Hetimeve Kriminale të Policisë Helenike për përpunimin dhe transkriptimin e bisedave. Megjithatë, deri më sot nuk dihet fati i saj, pavarësisht se dyshohet se përmban informacione të vlefshme në lidhje me aktivitetet e grupeve kriminale në Mykonos. Por le të fillojmë nga e para.

Vrasja në burgun e Koridhalos

Në fund të qershorit 2024, Alfons Ndocici, me origjinë shqiptare, u vra brenda burgut të Korydallos. Ky është një person i njohur për autoritetet me një të kaluar të rëndë kriminale. Më 12 mars 2015, Ndoci kishte vrarë me gjakftohtësi një 53-vjeçar pronar të një dyqani në Elefsinë, ndërsa kishte grabitur edhe gruan e viktimës.

Më 6 tetor 2015, gjatë një grabitjeje në një shtëpi në Aspropirgos, një 75-vjeçare u godit në kokë, e cila ndërroi jetë pak ditë më vonë. Më 30 mars 2016 u zbërthye banda ku ai bënte pjesë, e cila përveç dy vrasjeve kishte kryer të paktën pesë grabitje shtëpish. Më 9 maj 2018, 35-vjeçari arriti të arratisej gjatë transferimit të tij në Kretë së bashku me tre të burgosur të tjerë. Një prej tyre ishte njeriu që e vrau në burgun e Koridhalos.

Nga hetimet e policisë rezulton se sherri në Koridhalos ka nisur për një arsye të parëndësishme, mes të vrarës dhe një të burgosuri tjetër. Gjithçka filloi kur oficerët e burgut i thirrën të burgosurit në qelitë e tyre. Mirëpo, disa prej tyre kanë reaguar për shkak të vapës së fortë. Më pas ka shpërthyer një sherr dhe ka pasur një përleshje. Siç tregohet në një video-dokumentar që ishte bërë publik, dy të burgosur iu afruan 35-vjeçarit Ndoci dhe filluan ta rrahin. Më pas njëri prej tyre nisi ta godiste me thikë, me ç’rast Ndoci humbi jetën. Vrasja e 35-vjeçarit ndodhi vetëm një javë para vrasjes gjakftohtë të inxhinierit topograf 54-vjeçar Panagiotis Stathis në Psychiko.

Një person që vitet e fundit është aktivizuar profesionalisht në Mykonos. Vrasja e topografit solli edhe një herë në sipërfaqe çështjen e nxehtë të mafies së ndërtimit në Mykonos, e cila vazhdon të veprojë e pakontrolluar. Tashmë është arrestuar autori i dyshuar i kësaj vrasjeje, por jo porositësi, pra personi që ka dhënë urdhër për vrasjen.

Ndoci dhe kontraktori i madh i Mykonos

Vitet e fundit para vrasjes së tij, Ndoci jetonte në Mykonos, ku kryente punë ndërtimore. Në fakt, ai ishte i lidhur ngushtë me një kontraktor të madh të njohur në Mykonos, i cili në të kaluarën ishte përfshirë edhe në një rast vrasjeje, për të cilën më pas u shpall i pafajshëm, ndërsa kufoma nuk u gjet kurrë.

Për një arsye të panjohur, në një moment dy burrat kanë pasur një konflikt. Në nëntor 2022, Ndoci u përfshi në një rast grabitjeje dhe sulmi ndaj kontraktorit kryesor, së bashku me dy bashkatdhetarë të tjerë. Autorët hynë në zyrën e kontraktorit dhe filluan ta rrahin. Mirëpo, njëri prej tyre harroi armën që kishte me vete në tavolinën e kontraktorit. Ky i fundit, sapo gjeti rastin, rrëmbeu armën dhe filloi t’i kërcënonte. Autorët janë larguar, por kanë arritur të zhvasin 30 mijë euro. Kontraktori i madh ngriti një padi për sulm. Në qershor 2023, autorët u arrestuan në qendër të Athinës pas një ndjekjeje aventureske. Mes tyre ishte edhe Alfons Ndoci.

Audioja që injorohet edhe sot

Pas arrestimit, Ndoci është transferuar në Departamentin e Armëve të Policisë Helenike. Aty, sipas informacioneve të “Datajournalists”, ai ka njoftuar policinë se posedonte një dokument audio. Ky ishte, siç pretendonte pala Ndoci, një audio incizim në të cilin dyshohet se regjistronte në celular kontraktorin, gjatë një bisede pesë orëshe mes tyre. Audioja dyshohet se përmbante, sipas të njëjtave burime, referenca për persona të veçantë dhe veprime të lidhura me mafian e ndërtimit në Mykonos.

Audioja i është përcjellë Drejtorisë së Hetimeve Kriminale të Policisë Helene (EL.AS) për përpunim dhe transkriptim të bisedave. Megjithatë, deri më sot fati i tij nuk dihet. Sipas informacioneve të Gazetarëve të të Dhënave, audio nuk i është përcjellë Departamentit të Krimeve Kundër Jetës, i cili kishte marrë përsipër hetimet si për vrasjen e Ndocit ashtu edhe për inxhinierin topograf 54-vjeçar. Nuk dihet pse. Edhe pse ka të ngjarë të ketë të dhëna të vlefshme në hetimet e autoriteteve policore për goditjen e të ashtuquajturës mafia e ndërtimit në Mykonos.

Ekzistenca e audios është përmendur nga vetë Ndoci gjatë gjyqit në Syros në mars 2024, ku akuzohej për sulmin dhe grabitjen ndaj kontraktorit të Mykonos. Ishte një gjyq që i ngjante një fortese nga frika e incidenteve mes dy palëve. Procedurat u monitoruan personalisht nga kreu i Prokurorisë së Apelit të Rajonit Egje. Tsorbatzoglou. Prokurori i Apelit me përvojë kishte urdhëruar praninë e forcave të forta policore me asistencën edhe të efektivëve të forcave speciale EKAM nga Athina.

Kontrata ndaj një ndërmjetësi dhe denoncimi ndaj Ndocit

I vrari Ndoci kishte denoncuar edhe diçka tjetër pranë autoriteteve. Ekzistenca e një kontrate vdekjeje ndaj një agjenti të njohur imobiliar në Mykonos, me urdhër të kontraktorit të cilin ai e kishte regjistruar fshehurazi. Ngjarja ka ndodhur në vitin 2020. Agjenti imobiliar është sulmuar jashtë shtëpisë së tij. Një burrë i kishte ngritur një barrikadë, duke mbajtur një shufër hekuri. Kur u shfaq ndërmjetësi, ai filloi ta godiste në krahë dhe këmbë, duke i shkaktuar fraktura të rënda. Ndërmjetësi foli publikisht për atë që kishte ndodhur. Ai vuri në dukje “arbitraritetin e ishullit”, siç i quajti ai, si nxitësit moralë të sulmit vrasës kundër tij.

Sipas raportimeve, ka pasur mbi 100 raste abuzimi në vila, hotele dhe dyqane në të cilat dyshohet se janë përfshirë emra të rëndësishëm në ishull. Ndërmjetësi kishte bërë ankesa me shkrim si në organet kompetente ashtu edhe në rrjetet sociale.

Autori i atentatit vrasës ishte Alfons Ndoci, siç ka pranuar para autoriteteve dy vite më vonë. Sipas asaj që ai kishte dëshmuar, sulmi është kryer me urdhër të dhënë nga kontraktori i Mykonos me të cilin ai bashkëpunonte në atë kohë. Ndaj Ndocit u ngrit një procedim penal për tentativë vrasje ndaj ndërmjetësit, ndërsa zhvilluesi i Mykonos u procedua penalisht për nxitje të vrasjes së mbetur në tentativë.

Dy burrat ishin planifikuar të dilnin në gjyq në Naxos më 14 qershor 2024, megjithatë, pas një kërkese nga pala Ndoci, çështja u shty. Ky gjyq i veçantë tani ka filluar. Në fakt, në një seancë dëgjimore të fundit, pala e ndërmjetësit thuhet se argumentoi për ekzistencën e një regjistrimi të dytë audio në të cilin ishte regjistruar një kontraktor. Këtë herë nga ndërmjetësi.

“Të fikur” celularët e të përfshirëve në vrasjen e Ndocit

Në lidhje me vrasjen e Ndocit, tashmë janë ngritur procedime ndaj dy personave, njëri për vrasje dhe tjetri për bashkëpunim të thjeshtë. Njëri prej tyre ishte një bashkëkombës i Ndocit, me të cilin ishin arratisur së bashku më 9 maj 2018, gjatë transferimit të tyre në Kretë, pak përpara portit të Pireut.

Autori i vrasjes Ndoci ishte i përfshirë në një kontratë vdekjeje ndaj një greku në Kalamatë në vitin 2011. Në momentin e vrasjes viktima ishte me fëmijën e tij 2 vjeç, të cilin autori e vrau edhe duke i prerë në fyt me thikë. Gjatë hetimeve për vrasjen e Ndocit nga organet e hetuesisë, u bë një kërkesë për hapjen e celularëve të autorëve për të parë se me kë kishin folur para dhe pas vrasjes.

Qëllimi ishte të shihej nëse vrasja e Ndocit ishte një ngjarje e rastësishme apo ishte një vrasje e urdhëruar nga një person ndoshta i lidhur me mafian e Mykonos. Megjithatë, kërkesa nuk u pranua. Telefonat nuk u ndezën kurrë.

Një 34-vjeçar shqiptar, Fatbardh Mneraj, është arratisur mbrëmjen e së shtunës nga burgu Dozza në Bolonja të Italisë. Mneraj, i dënuar për grabitje, kishte përfituar nga regjimi i gjysmëlirisë që i mundëson të burgosurve të punojnë ose të marrin pjesë në aktivitete edukative.

Sipas mediave italiane, 34-vjeçari ka arritur të shpëtojë gjatë transferimit nga një nga godinat e burgut, duke përfituar nga një derë e hapur që i ka mundësuar arratisjen. Pas arratisjes, Mneraj ka humbur çdo gjurmë, ndërkohë që kërkimet nga autoritetet vazhdojnë. Policia e burgjeve ka publikuar fotot dhe të dhënat personale të të arratisurit për të kërkuar ndihmën e qytetarëve në identifikimin dhe kapjen e tij.

Burgu Dozza ka një seksion të ndarë për të burgosurit në regjimin e gjysmëlirisë, i cili ndodhet brenda oborrit të burgut, por është i ndarë nga pjesa tjetër e burgut.

Regjimi i gjysmëlirisë është një nga mundësitë për të burgosurit e dënuar për vepra penale më të rënda, që miratohet nga gjykata. Ky regjim lejon të burgosurit të kalojnë pjesën më të madhe të ditës jashtë burgut për të marrë pjesë në aktivitete pune, edukative ose për riintegrimin social. Për t’u pranuar në këtë regjim, të burgosurit duhet të kenë kryer të paktën gjysmën e dënimit të shqiptuar, për dënimet që janë më të gjata se gjashtë muaj.

Dashi

Ky muaj do të sjellë një shpërthim të ri energjie për ty, ndaj është koha e duhur për të nisur projekte të reja. Ana jote udhëheqëse do të jetë shumë e theksuar, gjë që do të të ndihmojë të marrësh situatat në kontroll. Përqendrohu te vetja – ke nevojë për përmirësime, qoftë në rutinën e fitnesit apo në zhvillimin e aftësive të reja. Kujdes, mos e kalo kufirin mes vetëbesimit dhe agresivitetit. Përdore këtë energji për të nisur nisma të duhura, dhe do të shohësh që të tjerët do të frymëzohen prej teje. Ky është momenti yt, Dash – mos e lër të të ikë!

Demi

Ky është momenti i duhur për të hyrë më thellë në mendimet e tua, për të eksploruar ëndrrat dhe për t’u përballur me frikërat apo ankthin që të ka penguar deri tani. Do të ndjesh një nevojë të fortë për t’u tërhequr dhe për t’u çlodhur – ndiqe këtë ndjenjë. Merr pak kohë për veten, për të zbuluar anën tënde të brendshme. Meditimi ose lidhja me natyrën do të jenë shumë të dobishme në këtë periudhë. Është gjithashtu një moment i mirë për të mbyllur kapituj të vjetër dhe për të shëruar plagë të së kaluarës. Deri në fund të muajit, syno të dalësh më i rigjallëruar, gati për të përballuar botën me një mendje të qartë dhe një zemër të lehtësuar.

Binjakët

Binjakë, ky muaj të fton të përqendrohesh te marrëdhëniet sociale dhe angazhimi në komunitet. Është koha e duhur për të zgjeruar rrethin tënd shoqëror – lidhu me njerëz me interesa të përbashkëta ose me kauza që të frymëzojnë. Ky është një moment i mirë për të krijuar lidhje të rëndësishme me njerëz që mund të luajnë një rol të madh në të ardhmen tënde. Bashkëpunimi dhe puna në ekip do të jenë çelësi i suksesit – idetë e tua mund të marrin hov përmes përpjekjeve të përbashkëta. Gjithashtu, merr kohë për të rishikuar objektivat e tua dhe për t’i përshtatur ato me marrëdhëniet që ke.

Gaforrja

Karriera dhe imazhi yt publik janë në qendër të vëmendjes këtë muaj. Tani ke mundësi të rritesh dhe të njihesh për aftësitë e tua, ndaj shfrytëzo çdo rast për të treguar përkushtimin tënd. Ky është momenti ideal për të reflektuar mbi synimet afatgjata të karrierës ose për të ndërmarrë hapa të rëndësishëm drejt tyre. Figura të rëndësishme dhe mentorët mund të luajnë një rol të madh në këtë periudhë, ndaj është e rëndësishme të jesh i hapur ndaj këshillave. Po ashtu, do të ndjesh nevojën për të kuptuar nëse karriera jote është në përputhje me vlerat e tua personale – të qenit i vërtetë do të të ndihmojë shumë.

Luani

Luan, këtë muaj do të ndjesh një shpirt aventuresk dhe një dëshirë të fortë për të mësuar. Do të të ndihmojë shumë të zgjerosh horizontet përmes udhëtimeve, edukimit ose eksplorimit të filozofive të reja të jetës. Ky është momenti i duhur për të dalë nga rutina e zakonshme dhe për të provuar diçka të re. Mund të regjistrohesh në një kurs që të intrigon ose të planifikosh një udhëtim në një vend që ke ëndërruar gjithmonë ta vizitosh. Dëshira jote për njohuri jo vetëm që do të të çojë drejt rritjes personale, por edhe do të të hapë dyer të reja në jetën dhe karrierën tënde.

Virgjëresha

Virgjëreshë, ky muaj shënon një periudhë ndryshimesh dhe reflektimesh të thella. Do të përballesh me disa nga temat më të rëndësishme të transformimit në jetën tënde, si marrëdhëniet intime, financat e përbashkëta dhe zhvillimi personal. Mund të të duhet të menaxhosh financat e partnerit ose të marrësh vendime të rëndësishme në këtë aspekt. Është një periudhë e mirë për vetë-analizë dhe rifreskim shpirtëror. Reflekto mbi zakonet ose frikërat që duhet të lësh pas për të ecur përpara. Kjo është një mundësi e shkëlqyer për t’u shëruar dhe për të shfrytëzuar energjinë e transformimit për të bërë hapa të rëndësishëm drejt rritjes personale.

Peshorja

Peshore, këtë muaj marrëdhëniet dhe partneritetet do të jenë në qendër të vëmendjes. Aftësia jote për të krijuar lidhje të forta, qoftë në biznes apo në jetën personale, do të jetë e theksuar. Ky është momenti ideal për të forcuar lidhjet ekzistuese dhe për të krijuar të reja. Komunikimi do të luajë një rol kyç – ji i hapur, i sinqertë dhe përpiqu të gjesh ekuilibrin për harmoni të ndërsjellë. Para se të shprehësh nevojat e tua, përpiqu të kuptosh të tjerët dhe pritshmëritë e tyre. Gjithashtu, çështjet ligjore ose kontraktuale mund të kërkojnë vëmendje, ndaj vepro me kujdes dhe përpikmëri.

Akrepi

Ky muaj është koha më e mirë për të reflektuar dhe për të ndryshuar zakonet në mënyrë që të jenë më të shëndetshme dhe produktive. Ndryshimi i dietës, vendosja e një rutine ushtrimesh apo edhe organizimi i hapësirës së punës mund të duken të vogla, por kanë një ndikim të madh në mirëqenien tënde. Do të kesh mundësi të rrisësh efikasitetin dhe të zhvillosh aftësi të reja. Kujdesu për detyrat dhe shëndetin tënd. Sa më shumë disiplinë të praktikosh, aq më shumë do të arrish suksese si në aspektin fizik ashtu edhe në produktivitetin e punës.

Shigjetari

Është koha për të shprehur veten dhe për t’u marrë me ato aktivitete që të bëjnë të ndihesh mirë. Arti, romanca apo thjesht një periudhë çlodhjeje – lëre veten të lirë dhe shijo gëzimet e jetës. Ky muaj është gjithashtu një mundësi e shkëlqyer për dashurinë, qoftë një lidhje e re emocionuese apo rizgjimi i një romance të vjetër. Merre seriozisht çfarë të frymëzon ose provo një hobi të ri krijues. Kjo është gjithashtu një periudhë e mirë për të kaluar momente të bukura me fëmijët ose për t’u kënaqur me aktivitete që të kthejnë në fëmijërinë tënde. Shijo këtë fazë të gëzueshme, Shigjetar, sepse sa më i lirë dhe i lumtur të ndihesh, aq më shumë momente të bukura do të tërheqësh në jetën tënde!

Bricjapi

Këtë muaj, vëmendja zhvendoset te shtëpia dhe familja – te ajo pjesë e jetës tënde që ka nevojë për kujdes dhe ngrohtësi. Do të kesh mundësinë të forcosh lidhjet me të afërmit dhe të zgjidhësh çështje shtëpiake. Mundohu ta bësh hapësirën tënde më të rehatshme dhe më të sigurt, sepse kjo do të ndikojë pozitivisht në mirëqenien tënde të përgjithshme. Gjithashtu, ky është një moment i mirë për të reflektuar mbi rrënjët dhe historinë tënde familjare, si dhe mbi sigurinë emocionale që vjen prej tyre. Nëse ka çështje të pazgjidhura brenda familjes, ky muaj mund të sjellë një qartësi të re për t’i adresuar ato.

Ujori

Ujor, komunikimi do të jetë arma jote më e fortë këtë muaj! Do të kesh shumë ndërveprime – nga bisedat e zakonshme e deri te temat më të thella me miq, fqinjë apo të afërm. Ky është një moment i shkëlqyer për të mësuar gjëra të reja, për të dhënë mësime apo për të ndarë njohuritë e tua me të tjerët. Mos hezito të marrësh pjesë në diskutime apo të ndërmarrësh një udhëtim të shkurtër për të rifreskuar mendjen dhe për t’u lidhur me njerëz të rinj. Do të ndihesh i tërhequr nga hobi të reja ose nga aftësi që të ndihmojnë të kuptosh më mirë botën rreth teje. Gjithashtu, do të jetë një periudhë shumë e favorshme për të shkruar, për të folur publikisht ose për çdo formë tjetër të komunikimit të mendimeve të tua.

Peshqit

Ky muaj do të ketë në qendër të vëmendjes financat dhe vlerat personale. Do të jetë një periudhë e mirë për të menduar mbi burimet e tua – të ardhurat, kursimet dhe asetet që të japin siguri dhe rehati. Ky është momenti ideal për të organizuar buxhetin dhe për të planifikuar me kujdes të ardhmen financiare, duke u siguruar që të jetë në përputhje me nevojat dhe synimet e tua. Mund të lindin mundësi për të gjetur burime të reja të ardhurash ose për të menaxhuar më mirë ato që ke. Po ashtu, është një kohë e mirë për të reflektuar mbi atë që është me të vërtetë e rëndësishme për ty – jo vetëm në aspektin material, por edhe në atë shpirtëror dhe emocional. Kultivo ndjenjën e mirënjohjes për atë që ke dhe përpiqu të krijosh një marrëdhënie më të qëndrueshme me pasuritë e tua.

Prindërit e Gjestit kanë dhënë një intervistë për “Fan Club” menjëherë pas takimit që patën me banorin në shtëpinë më të famshme në Shqipëri, “Big Brother VIP 4”.

Babai i Gjestit ka komentuar debatet e djalit të tij me G-Banin dhe Jozin, ku që të dy dolën me Zarf të Zi nga gara e BBV 4.

Por jo vetëm kaq, pasi ata u pyetën edhe në lidhje me raportin e Gjestit me Eglin, ku shprehën respekt për banoren dhe familjen e saj.

“E gjitha varet nga ata të dy, ne prindërit çfarëdo që të ndodhë e përkrahim”, tha babai i Gjestit kur u pyet nëse mund të ketë një romance mes tyre.

Pjesë nga intervista:

Në raport me Eglin çfarë mund të na thoni dy fjalë?

Babai: E falenderojmë shumë dhe respekte për familjen e Eglit, edhe për çdo gjë që kërkoi falje Gjesti, kërkojmë edhe ne Eglit dhe familjes së saj. Nuk kemi qejf në asnjë moment me vendos në pozitë të keqe, kemi qejf me e parë sa më të lumtur dhe suksese gjithë jetën.

A mendoni se do lindë një romance mes tyre?

Mami: Se di

Babai: E gjitha varet nga ata të dy, ne prindërit çfarëdo që të ndodhë e përkrahim.

Sipas jush, kush është kundërshtari/ja e tij më e fortë në lojë?

Babai: Nuk e di, të gjithë janë të fortë, nuk mund të bëj dallime.

Po nëse Gjesti del kokë më kokë me Eglin në finale?

Babai: Kokë më kokë kam qejf o me fituar të dy, ose me dale të dy.

Zbardhen detaje nga aksioni i SPAK lidhur me motrat Xhovana e Alda Nikolli, paraditen e 28 marsit në Elbasan.

Burime nga policia bënë me dije se Gjykata e Posaçme kishte urdhëruar kontroll në banesën e dy tyre, si dhe në shtëpinë e prindërve të tyre po në qytetin e Elbasanit, si dhe sekuestrim te celularëve. Kontrollet u kryen për shkak se nga shpërthimi i një sasie tritoli në derën e apartamentit ku jetonin motrat Nikolli 9 muaj më parë humbi jetën fqinji i tyre Enea Thomaraj, një person pa asnjë rekord penal.

Aksioni nisi që në në orët e para të mëngjesit, kur skuadra e posaçme operacionale nisi vëzhgimin e dy motrave dhe të babait të tyre. Në momentin, që ata u ngjitën në një automjet BMV x1 që drejtohej nga babai i tyre, mësohet se forcat e policisë i prenë rrugën dhe informuan se ndaj tyre kishte një urdhër gjykate për kontrollin e banesave.Burimet thanë se Xhovana dhe Alda Nikollit si dhe babait të tyre iu sekuestrua celulari. Më pas, ata u shoqëruan në banesat përkatëse ku edhe u ushtrua kontrolli.

Të njëjtat burime konfirmuan se motrat Nikolli gjatë kontrollit hodhën akuza ndaj të penduarit të drejtësisë, Nuredin Dumani, duke e akuzuar si porositës të ngjarjes.

SPAK ka dyshime të forta se Xhovana Nikolli, e fejuara e të penduarit të drejtësisë, Amarildo Nikolli dhe motra e saj Alda që ishte në një lidhje me Nuredin Dumani kanë dijeni se kush është personi që ka vendosur tritolin në derën e apartamentit të tyre, e po ashtu për emrin e urdhëruesit.

Shpërthimi në katin e 4-ët të pallatit në lagjen ‘Haxhias’ të Elbasanit ku banonin motrat Nikolli ndodhi më 14 korrik 2024. Nga shpërthimi dera e familjes Thomaraj u shemb duke lënë në plagosur djalin e madh Enean, i cili ndërroi jetë pas 4 muajsh në spitalin e Traumës.

Mbrëmja e djeshme në Big Brother VIP Albania u shoqërua me shumë zhurmë në rrjet, sidomos pas përmendjes së një konflikti të vjetër mes Rozana Radit dhe Rezarta Shkurtës. Komentet nisën të vërshojnë online dhe videot e vjetra nisën të qarkullojnë si rrufe, por mesa duket, e vërteta është pak më ndryshe.

Rezarta Shkurta ka reaguar në mënyrë publike në rrjete sociale, duke hedhur dritë mbi atë që sipas saj ka ndodhur realisht mes saj dhe Rozanës. Ajo tregon se “konflikti” që përflitet ka ndodhur në vitin 2008, në një program televiziv, dhe ishte thjesht një debat banal mbi… pastat! Po, po, pastat me salcë apo me domate të freskëta.

Por ajo që ndezi më shumë kureshtjen ishte pikërisht pjesa që ka të bëjë me “dashurickat”, një temë që gjithmonë bën bujë në botën e showbizit. Në reagimin e saj, Rezarta mohon kategorikisht që përplasja e dytë me Rozanën në vitin 2012 të ketë pasur ndonjë lidhje me çështje dashurie apo partnerësh.

“Kam pasur një tjetër konflikt me Rozanën, edhe këtë herë për arsye profesionale, jo për ‘dashuricka’, siç është përfolur nëpër portale,” – shkruan ajo prerazi, duke iu referuar spekulimeve që kanë qarkulluar ndër vite.

Me pak fjalë, “dashurickat” nuk kanë qenë asnjëherë pjesë e ekuacionit mes tyre – thjesht trillime për të krijuar pak drama e zhurmë në rrjet.

Rezarta e mbyll reagimin e saj me ton të matur, duke e bërë të qartë se sot nuk mban asnjë mëri, madje vlerëson ndryshimin pozitiv të Rozanës që po shfaqet në BBVA: “Në këtë Big Brother kam parë tek ajo një vajzë më të rritur dhe të ndryshuar për mirë.”

Reagimi i plotë, në vijim. /Prive By Liberta Spahiu