Lajme Flesh

Kryeministri i Greqisë, Kyriakos Mitsotakis, ka njoftuar se paga minimale do të rritet nga 830 euro në 880 euro, me synimin që deri në fund të mandatit të tij katërvjeçar, paga minimale të arrijë në 950 euro. Ai theksoi se rënia e papunësisë është rezultat i politikave për krijimin e vendeve të reja të punës.

Po ashtu, është rritur edhe asistenca sociale për ata që janë të papunë, e cila tani do të arrijë 540 euro. Paga për punonjësit e martuar, me tre vjet përvojë pune, do të jetë 1258.4 euro, ndërsa punëtorët e pakualifikuar do të fitojnë 39.4 euro në ditë. Këto ndryshime do të hyjnë në fuqi më 1 prill.

Kjo përbën rritjen e pestë të pagës minimale që nga viti 2019, dhe rritja totale gjatë këtyre gjashtë viteve është 35.4%. Kjo rritje do t’u mundësojë punëtorëve një rritje të ndjeshme, që është afërsisht e barabartë me pesë paga minimale shtesë në vitin 2019. Nga rritja përfitojnë gjithashtu emigrantët shqiptarë që jetojnë dhe punojnë në Greqi në mënyrë të rregullt.

(Balkanweb)

Departamenti Amerikan i Shtetit dhe departamenti i efikasitetit të qeverisjes në Shtetet e Bashkuara të Amerikës janë në fazën përmbyllëse të identifikimit të projekteve për të cilat do të ndërpritet financimi dhe i atyre që do të vazhdojnë të financohen. Dhe me sa duket, mbështetja për reformën në drejtësi në Shqipëri do të vazhdojë.

Ekspertët amerikanë të OPDAT, që u larguan në fund të muajit janar pas urdhrit të Donald Trump për pezullimin e fondeve të ndihmës së huaj, janë rikthyer këtë të mërkurë në prokurorinë dhe gjykatën e posaçme.

Burime jozyrtare të Top News konfirmojnë se të njëjtët ekspertë që ishin edhe para se të largoheshin kanë hyrë pak pas mesditës së të mërkurë në godinën e SPAK dhe janë akomoduar në të njëjtat ambiente ku ushtronin detyrën e tyre para se të largoheshin.

Rikthimi i tyre në SPAK paralajmëron edhe rikthimin e ekspertëve të tjerë amerikanë të misionit OPDAT, të stacionuar te policia e shtetit dhe Agjencia e Mbikëqyrjes Policore.

Ekspertët paguhen nga Shtetet e Bashkuara të Amerikës përmes linjës së ndihmës së huaj për forcimin e institucioneve dhe shtetit ligjor në Shqipëri, që pas rishikimit në Uashington nuk përfshihet te projektet që anulohen.

Kryeministri i Kosovës, Albin Kurti ka rënë pre e dy komedianëve rusë të njohur si Vovan dhe Lexus, duke menduar se po komunikonte në telefon me presidentin e Letonisë.

Siç dëgjohet duke folur në videon e publikuar nga komedianët rusë, Kurti flet për mediat e opozitën, duke pretneduar se ka pasur luftë hibride ndaj qeverisë së tij.

“Ka pasur luftë hibride kundër qeverisë tonë që herët…kryesisht vjen nga Serbia dhe Rusia, por edhe nga disa elementë të tyre brenda Kosove. Prandaj lufta hibride dhe dezinformtat, e dyta ishte premtimet irracionale të opozitës të cilët flirtonin me luftën hibride. Dhe e treta disa oligarkë në vend, në veçanti njëri, që ka një TV stacion”, dëgjohet të thotë Kurti.

Ai flet edhe për emisarin Richard Grenell, për të cilin në fund dëgjohet duke thënë se “ai është homoseksual”.

“Tërë këto katër vite kundër meje. Ai ishte instrumental në rrëzimin e qeverisë time të parë, në 2020, e vetmja qeveri e ime u rrëzua gjatë pandemisë. Dhe tash në masë të madhe është rreshtuar me opozitën. Ai ka marrë një çmim të lartë në Beograd, të klasit të parë, nuk është në rregull të marrës çmim të atij soji në një vend autoritar dhe të pretendosh të jesh neutral. Tash ka një punë të re, Instituti Kenedi, ku ka të bëjë me vlerat e ShBA-së… Ai është homoseksual vetë”, thotë Kurti.

Këtu, komedianët i thonë: “A e di që edhe unë jam homoseksual?”. “Jo se di”, përgjigjet Kurti.

Shefi i përgjithshëm i NATO-s, Mark Rutte, ka paralajmëruar Rusinë të mërkurën me kundërpërgjigje “shkatërruese”, në rast se ajo sulmon Poloninë apo ndonjë shtet tjetër anëtar të aleancës.

Rutte ka folur gjatë vizitës së tij në kryeqendër të Polonisë, Varshavë. Kryeministri i Polonisë, Donald Tusk, ka thënë se është me rëndësi të bëhet përgatitje për çdo rezultat të mundshëm nga bisedimet mes Rusisë dhe SHBA-së të cilat janë të përqendruara për t’i dhënë fund luftës trevjeçare në Ukrainë, raporton AP.

32 shtetet anëtare të NATO-s, sidomos ato të krahut lindor, janë shumë të shqetësuara se bisedimet mund të përfundojnë me marrëveshje që i shkon përshtati Rusisë. Frikësohen se rezultati do t’i lejojë presidentit të Rusisë, Vladimir Putin, që t’i rindërtojë forcat dhe të kërcënojë shtetet tjera në rajon në vitet e ardhshme. 

Rutte tha se askush s’guxon të mendojë se mund të shpëtojë pa pasoja nëse sulmon një shtet anëtar të NATO-s. 

“Nëse dikush do të bënte keqllogari dhe do të sulmonte Poloninë apo ndonjë shtet tjetër aleat, atëherë do të përballet me reagim të ashpër të aleancës. Reagimi ynë do të ishte shkatërrues. Kjo duhet të jetë shumë e qartë për Vladimir Vladimirovich Putinin apo këdo tjetër që dëshiron të na sulmojë”, tha Rutte. 

Pika e fillimit është raporti tetorin e kaluar nga ish-presidenti finlandez Sauli Niinistö, se si të “Forcohet përgatitja dhe gatishmëria civile dhe ushtarake e Evropës”.

Sot Komisioni Evropian prezanton strategjinë e përgatitjes dhe menaxhimit të krizave, duke u fokusuar në masat civile: “Strategjia e BE-së për gatishmërinë e Bashkimit” ofron tridhjetë veprime kyçe për adresimin e emergjencave, duke filluar nga rreziku i konfliktit (frika e vendeve në kufi me Rusinë është shumë e lartë) deri te katastrofat mjedisore, nga sulmet kibernetike te pandemitë.

Komisionerja e BE-së për Menaxhimin e Krizave, Hadja Lahbib, shpjegoi në një intervistë me AFP se “ne do të mbështesim shtetet anëtare në krijimin e asaj që ne e quajmë një qese elasticiteti, në mënyrë që të gjithë qytetarët të jenë gati të rezistojnë, të jenë strategjikisht autonomë për të paktën 72 orë”.

Një komplet mbijetese që duhet të përmbajë rreth dhjetë produkte të konsideruara thelbësore, duke përfshirë ujin, ilaçet, energji elektrike, dokumentet e identitetit, shkrepset, ushqimin.

Një propozim tjetër është krijimi i një “dite kombëtare gatishmërie” për të rritur ndërgjegjësimin për nevojën për të qenë gati për çdo fatkeqësi në BE. Ekziston edhe një strategji specifike për shkollat.

Draft-dokumenti që do të miratohet sot, i parë nga gazeta spanjolle “El País”, propozon krijimin e një komiteti të posaçëm të krizës, në të cilin do të përfaqësohet Komisioni i BE-së, Përfaqësuesja e Lartë për Politikën e Jashtme dhe 27 shtetet anëtare, të cilat do të marrin mbështetjen e agjencive kombëtare evropiane.

“Identifikimi i hershëm i rreziqeve dhe kërcënimeve, – shpjegon dokumenti, – mund të kursejë kohë të çmuar dhe të ndihmojë në parandalimin e krizave ose të lehtësojë menaxhimin e tyre dhe të minimizojë ndikimin e tyre”.

Komisioni dëshiron gjithashtu të përshpejtojë planet për të zgjeruar shërbimin e tij të analizës dhe inteligjencës, Qendrën e vetme të analizës së inteligjencës të BE-së, organi që merr informacione civile dhe ushtarake nga agjencitë e spiunazhit të vendeve anëtare.

Brukseli do të krijojë gjithashtu një platformë digjitale në mënyrë që qytetarët dhe udhëtarët të kenë informacion mbi rreziqet dhe opsionet e disponueshme (p.sh. strehimet) në rast krize.

Ai gjithashtu propozon koordinimin e rezervave strategjike të ilaçeve, lëndëve të para thelbësore, energjisë dhe ushqimit në nivel të BE-së./si

Kunati i Nexhmije Haradinit, e cila u qëllua për vdekje nga ish-pronari i furrës së bukës në Stanoc të Vushtrrisë, ka rrëfyer momentin kur mori vesh vrasjen e saj.

nexhmije haradiniKunati i viktimës u shpreh se sapo ishte kthyer nga puna dhe kishte vënë re njerëz të shumë pranë vendit të krimit.

“Zbrita tek rruga dhe pashë shumë njerëz. Vrapova dhe më thanë “një grua është vrarë”, nuk e dija kush ishte, kur më tha komshia më pas”, deklaroi ai.

Ai u shpreh se Nexhmije Haradini kishte punuar për 8 vite tek autori i ngjarjes, i cili pas më pas vrau veten, por ky i fundit e kishte pushuar tre herë nga puna.

“Ka punuar 8 vite aty, por e largoi 3 herë nga puna. Herën e katër nuk pranoi të kthehej më në punë, ky e bëri për xhelozi se punonte në një gjelltore tjetër. Lajmin e mora vesh pasi erdha nga puna, zbrita tek rruga dhe pashë shumë njerëz. Vrapova dhe më thanë “një grua është vrarë”, nuk e dija kush ishte, Kur më tha komshia më pas.

Vëllai na ka treguar se e kishte kërcënuar, kanë menduar se e kishte vetëm nga nervozizmi. Ishalla rasti i fundit, por këto raste nuk ndalen. Të gjithë kanë motra (qan), më dhimbsen kur i shoh femrat, vajzat, gratë, mundohen të punojnë, të ndihmojnë burrin dhe shtëpinë, në fund e pësojnë më së keqi, vetëm femrat nga njerëzit e ligë”, u shpreh ai.

Nisma e Kosovës, Shqipërisë dhe Kroacisë për bashkëpunim në fushën e sigurisë dhe mbrojtjes, “është e hapur edhe për aleatë e partnerë të Bashkimit Evropian dhe NATO-s”, që “duan të kontribuojnë në ndërtimin e stabilitetit, sigurisë dhe qëndrueshmërisë në rajonin e Evropës Juglindore”.

Kështu e komenton Qeveria e Kroacisë Deklaratën e nënshkruar nga tri vendet, më 18 mars. Sipas saj, nismës mund t’i bashkohen të gjitha vendet që, po ashtu, duan t’i ofrojnë mbështetje Kosovës dhe Shqipërisë në rrugën e tyre evropiane dhe euroatlantike.

Qëllim i saj “nuk është krijimi i ndonjë aleance ushtarake”.

“Një aleancë e tillë – përveç anëtarësimit në NATO – as që është e nevojshme”, theksohet në përgjigjen me shkrim të Qeverisë kroate, dërguar Radios Evropa e Lirë.

Ndryshe nga Shqipëria dhe Kroacia, Kosova nuk është anëtare e NATO-s.

Në reagimet e tij të para ndaj nismës, presidenti i Serbisë, Aleksandar Vuçiq, ka thënë se me nënshkrimin e dokumentit, Kroacia, Shqipëria dhe Kosova “kanë hapur një garë armësh në rajon” dhe “kanë shkelur marrëveshjen nënrajonale të vitit 1996”.

Kjo marrëveshje, e cila ka të bëjë me kuotat e lejuara në armatim, u nënshkrua atëkohë nga dy entitetet e Bosnje e Hercegovinës – Federata e Bosnje e Hercegovinës dhe Republika Sërpska, si dhe nga Kroacia dhe nga Republika Federale e Jugosllavisë, e cila përbëhej nga Serbia dhe Mali i Zi.

Në deklaratën dhënë Radios Evropa e Lirë, Qeveria kroate thotë se kjo marrëveshje është zbatuar vazhdimisht për 29 vjet. Ajo, po ashtu, kujton se as Shqipëria dhe as Kosova nuk janë palë në atë marrëveshje.

“Në këtë kontekst, është krejtësisht e kotë të lidhet me Deklaratën e përbashkët, të nënshkruar së voni ndërmjet Shqipërisë, Kroacisë dhe Kosovës, qëllimi kryesor i së cilës është forcimi i bashkëpunimit ndërmjet ministrive të mbrojtjes të vendeve mike, partnerëve dhe aleatëve”, thuhet në reagimin e Qeverisë së Kroacisë.

Qeveria e Serbisë dhe Ministria e Mbrojtjes e këtij vendi nuk iu përgjigjën pyetjes së Radios Evropa e Lirë se përse e shohin si kërcënim nismën e tri vendeve ballkanike.

Por, Daniel Serwer, profesor në Universitetin Johns Hopkins në SHBA, thotë se Beogradi zyrtar “e di fare mirë” se aleatët e NATO-s nuk mund të veprojnë në mënyrë të njëanshme kundër Serbisë.

“Për më tepër, tri vendet e përmendura nuk paraqesin asnjë kërcënim për Serbinë”, thotë Serwer për Radion Evropa e Lirë.

Deklaratën e tri shteteve ai thotë se e sheh si “një lëvizje që kontribuon në stabilitet, jo në destabilizim”. Ai vlerëson se Kosova ka vepruar “mençur” që ka lidhur partneritet me Shqipërinë dhe Kroacinë, të cilat janë vende anëtare të NATO-s. NATO-ja e komentoi gjithashtu Deklaratën, duke e cilësuar si marrëveshje trepalëshe mes tri vendeve.

“NATO-ja, si organizatë, nuk është pjesë e iniciativës dhe, për këtë arsye, nuk ka pasur ndonjë rol në procesin e konsultimit”, thuhet në përgjigjen dhënë Radios Evropa e Lirë.

Pse e pengon Beogradin?

Vuk Vuksanoviç, studiues në Qendrën joqeveritare të Beogradit për Politikat e Sigurisë, thotë se zyrtarët në Beograd po e përdorin Deklaratën “për të larguar vëmendjen” nga problemet e brendshme.

Ai aludon te protestat masive që kanë përfshirë Serbinë për më shumë se katër muaj. Protestuesit, të udhëhequr nga studentët, kërkojnë përgjegjësi politike dhe penale për vdekjen e 16 personave nga shembja e një strehe në Stacionin Hekurudhor të Novi Sadit, nëntorin e kaluar.

Vuksanoviq thotë se Beogradi e konsideron pjesëmarrjen e Zagrebit si veçanërisht “provokuese”.

“Unë nuk mendoj se ka të bëjë aq shumë me Shqipërinë, marrë parasysh se Vuçiç ka, ose së paku ka pasur një marrëdhënie mjaft bashkëpunuese me kryeministrin Edi Rama”, thotë ai.

Megjithatë, për ministrin serb të Mbrojtjes, Bratisllav Gashiq, memorandumi trepalësh është “një nismë provokuese e vendeve fqinje, që bie ndesh me përpjekjet për forcimin e sigurisë rajonale”.

“Kosova dhe Metohia është një krahinë autonome brenda Republikës së Serbisë, pa marrë parasysh faktin se disa vende, përfshirë Shqipërinë dhe Kroacinë, e kanë njohur pavarësinë e saj të paligjshme dhe të vetëshpallur”, ka thënë Gashiç.

Kosova ka shpallur pavarësinë në vitin 2008, por ajo vazhdon të mos njihet nga Serbia. Sipas Gashiçit, Zagrebi dhe Tirana ka kohë që përpiqen ta fusin Kosovën në NATO “përmes derës së pasme”. Po sipas tij, këto dy vende po e ndihmojnë zhvillimin e Ushtrisë së Kosovës, të cilën Serbia e konsideron të paligjshme.

“Qartazi, një skenar i tillë nuk është i pranueshëm për vendin tonë”, ka thënë Gashiq.

Cila është forca ligjore e Deklaratës?
Vuksanoviç thotë se kjo nuk është një marrëveshje tipike ndërshtetërore, sipas rregullave të së drejtës publike ndërkombëtare.

“Memorandumet për bashkëpunim nuk janë ligjërisht të detyrueshme në natyrë”, sipas tij. Ai thekson se kjo është një marrëveshje nënrajonale midis dy anëtarëve të NATO-s me një palë të tretë – Kosovën. Pjesëmarrjen e Kroacisë, ai e sheh si përpjekje për të arritur pikë politike në planin rajonal.

Kë e shohin si kërcënim Zagrebi, Tirana dhe Prishtina?

Në përgjigjen dhënë REL-it, Qeveria kroate thekson se bashkëpunimi në mbrojtje midis Zagrebit, Tiranës dhe Prishtinës është “i cilësisë së lartë” dhe se Deklarata ka synim vetëm ta përmirësojë atë.

“Zona e Evropës Juglindore është e ekspozuar ndaj kërcënimeve të sigurisë, veçanërisht atyre nga fusha hibride dhe kibernetike, qëllim i të cilave është destabilizimi i rajonit”, thuhet në Deklaratë. Aty nuk specifikohet se nga vijnë kërcënimet.

Kush është “faktor i paqes dhe stabilitetit” në rajon?

Përveç kundërshtimit të Deklaratës, zyrtarët serbë kanë përsëritur vazhdimisht se Beogradi mbetet i përkushtuar ndaj ruajtjes së paqes dhe stabilitetit rajonal.

Kështu, Ministria e Mbrojtjes e Serbisë ka thënë se, për këtë interes, do të vazhdojë të bashkëpunojë me vendet anëtare të NATO-s.

Por, profesori Serwer thotë se “gara e vetme” e armëve në rajon, është ajo që udhëheq Serbia për vite me radhë. “Serbia nuk është faktor paqeje dhe stabiliteti në rajon. Vuçiq, thjesht, i mashtron diplomatët naivë”, thotë ai.

Serwer shton se Beogradi vazhdon të refuzojë zbatimin e marrëveshjeve me Kosovën, si dhe t’i ofrojë mbështetje politikës secesioniste në Republikën Sërpska, të udhëhequr nga Millorad Dodik.

Po sipas tij, pushteti në Beograd, i cili nuk i ka ndërprerë lidhjet me Kremlinin as pas pushtimit rus të Ukrainës, inkurajon politika proruse si në Serbi, ashtu edhe në Mal të Zi.

“Asnjë nga këto nuk kontribuon në paqe dhe stabilitet”, përfundon Serwer./REL

Një vrasje e dyfishtë ka ndodhur në fshatin Stanovc të Vushtrrisë.

Pronari i furrës “Diellza”, Arsim Morina ka vrarë me armë zjarri punëtoren e tij, Nexhmije Haradini e më pas edhe vetën.

Sipas informacioneve dy trupat e pajetë të viktimave janë gjetur tek një nënkalim që është afër furrës. Dy viktimat nuk kanë lidhje familjare me njeri tjetrin. Mësohet se ai e ka ndjekur viktimës pasi ajo ka dalë nga vendi i saj i punës.

Ajo hipi në një furgon që udhëtoi pak kilometra dhe pasi zbriti, u vra në një kalim nëntokësor në fshatin Stanovc.

Sipas informacioneve fillestare dyshohet se ajo ka ndërruar vendin e punës, ku ka punuar me bashkëshortin për rreth pesë vite dhe është shpërngulur në një furrë tjetër buke që ndodhet përballë vendit të vjetër të punës në Millosheve.

Sipas dëshmisë së familjarëve të së ndjerës vrasja ka ndodhur për arsye xhelozie të ndërrimit të vendit të punës, sepse asnjë arsye tjetër nuk ka pasur për te shprehen ata. Por nga ana tjetër nga informacionet qe qarkullojnë ne media ka pasur edhe dëshmitar ne momentin e ngjarjes.

Gazetarja Majlinda Kovaçi, në një lidhje live në emisionin “Me Zemër të hapur” të autores Evis Ahmeti në News24, ka treguar detaje nga ngjarja.

“4 vrasje në 3 ditë të tëra me armë zjarri. Sipas kunatit vrasja ka ndodhur për motive xhelozie sepse e ndjera ishte larguar 3 herë nga puna. Rreth 6 muaj kishte ndërprerë kontratën dhe punonte në një lokal përballe biznesit të autorit. Për shkak të konkurencës ai e vret zonjës. Pronari i kishte dërguar edhe një mesazh kërcënues për shkak të konkurrencës, referuar thënieve të familjarëve.

Ekzistojnë edhe mesazhe që i ka dërguar bashkëshortit të së ndjerës ku i thotë: Ku po takohemi?”, u shpreh ajo.

Gjesti i ka shprehur Eglit se:

Më 20 mars kisha thënë dua dasëm. E kisha bërë për lojë. Ti e dashuruar e kishe ngrënë sepse unë nuk kisha qëllim tjetër

Egli:

Unë e kam ngrënë që kur më ke puthur në buzë, në qafë, nuk më duhet dasma mua.

Gjesti:

Do rrija me ty duke të bërë respektin dhe ti e kishe ngrënë se je e dashuruar.

Egli:

Siç e kam ngrënë.

Gjesti:

Kisha bërë një dasëm gjigande dhe fill pasi të dilja jashtë do të thoja nuk është duke më shkuar me ty dhe do të ta kisha ngul. Unë i kisha bërë të gjitha dhe në fund kishe parë tmerrin me sy por nuk e bëra.

Një 13-vjeçar ka vrarë me thikë 16-vjeçarin Kory McCrimmon në një park në Glasgow, pas një konflikti mes bandave rivale. Ngjarja ndodhi më 31 maj të vitit të kaluar në Greenfield Park, ku viktima u godit fatalisht në zemër.

Dy të rinjtë ishin pjesë e bandave rivale dhe kishin shkëmbyer më parë kërcënime në rrjetet sociale. Konflikti mes tyre nisi për një borxh prej 50 paund dhe u përshkallëzua në dhunë.

Mbrëmjen e ngjarjes, një grup të rinjsh u mblodhën në park, disa prej tyre të armatosur me thika, shkopinj bejsbolli dhe shufra metalike. Në përleshje, i pandehuri nxori një thikë dhe e goditi Koryn në gjoks, duke i shkaktuar plagë fatale në zemër dhe hemorragji të brendshme. Viktima ndërroi jetë më 2 qershor.

I pandehuri u arrestua më vonë në spital dhe fillimisht u akuzua për vrasje, por pranoi fajësinë për vrasje të pavullnetshme (culpable homicide). Gjyqtari Lord Mulholland e dënoi aktin duke thënë se “përdorimi i thikave është një lojë fati, ku mbijetesa është rastësi” dhe theksoi se prindërit e Koryt “kanë marrë një dënim të përjetshëm të dhimbjes dhe humbjes”.