Lajme Flesh

Dashi

Pas një dite të rënduar më në fund kjo e enjte do ju gjejë më të qetë. Duhet të kuptoni se çfarë duhet të bëni dhe se në cilën rrugë duhet të ecni si në dashuri edhe në punë. Këshillohet që të reflektoni dhe ti besoni vetëm instinktit. Në të kaluarën keni vepruar nxitimthi dhe jeni penduar.

Demi

Me kalimin e kohës do të merrni konfirmimet që prisnit. Do të ndiheni të rënë fizikisht, me gjasë për shkak të ndonjë viroze të stinës. Në dashuri do të ketë momente tensioni. Bëni mirë që të ruani qetësinë.

Binjakët

Nëse nuk ndiheni të dashuruar dhe të rrethuar nga persona që ju vlerësojnë, ndiheni keq. Ndonëse keni një karakter të fortë, keni nevojë për konfirmime. Kohëve të fundit jeni ndjerë disi vetëm në përballimin e problemeve të jetës. Por ditët e fundjavës do të sjellin më shumë qetësi, duke favorizuar takimet.

Gaforrja

Keni një personalitet të dyanshëm, ku nga njëra anë pëlqeni të veproni dhe anën tjetër jeni dembel. Këshillohet që të qartësoheni në orët në vijim, sidomos sa i takon ndjenjave, sidomos nëse vini re se diçka nuk shkon.

Luani

Jeni treguar shumë shpesh kritik dhe autokritik, ndoshta për shkak se jeni shumë krenar dhe ambicioz. Kjo bën që të dukeni arrogant, por në fakt jeni vetëm të vendosur dhe besnik dhe aspak diplomatik. Mundohuni që të mos përsërisni të njëjtat debate.

Virgjëresha

Jeni mjaft konkret dhe nuk ndaleni kurrë para aparencës. Pëlqeni që të eksperimentoni dhe nuk ndikoheni dhe nëse e vlerësoni dikë, e bëni me sinqeritet. Në punë do të jeni mjaft të vendosur, ndërsa në sferën sentimentale do të ketë probleme.

Peshorja

Nëse po sakrifikoni shumë në dashuri, këtë po e bëni, pasi e dini se ia vlen. Me njeriun e zemrës do të gjeni një kompromis me leverdi. Ata që janë vetëm, do të jenë të rrethuar nga një klimë pozitive. Në sferën profesionale situata do të jetë mjaft pozitive, ku do të ndiheni tejet të kënaqur.

Akrepi

Kjo e enjte nuk do të jetë shumë pozitive, ku këshillohet që të bëni gjërat më të domosdoshme, pa u munduar. Prisni para se të hidheni në veprim.

Shigjetari

Është një moment pozitiv nga pikëpamja profesionale, por jo sa i takon ndjenjave. Nuk do të ketë tensione të pazgjidhshme, por diskutimet dhe debatet do të shoqërojnë gjithë ditën.

Bricjapi

Ky është një moment jo shumë pozitiv nga pikëpamja ekonomike, ku bëni mirë që të hapni sytë ndaj të papriturave me të cilat do të përballeni, shkruan noa.al. Nga pikëpamja sentimentale, situata do të jetë e favorshme.

Ujori

Kjo e enjte do të jetë mjaft e favorshme, ku do të keni mundësi që të sistemoni disa situata, të cilat janë zvarritur gjatë, sidomos në sferën sentimentale. Nga pikëpamja profesionale, ndonëse parashikohet një moment pozitiv, nuk duhet ti bëni gjërat nxitimthi.

Peshqit

Nuk do të jetë një ditë aspak pozitive sa i takon sferës sentimentale, ku nëse po jetoni një raport të rëndësishëm, mund të lindë dëshira për të tradhtuar njeriun e zemrës. Nga pikëpamja profesionale, është një moment i qëndrueshëm.

Mbi 500 njerëz nga kultura dhe shtresa të ndryshme shoqërore u mblodhën të dielën në Kishën e Shën Gjonit në Molenbeek, Belgjikë, për një iftar të përbashkët, si pjesë e përpjekjeve të komunës për t’u shpallur Kryeqyteti i Kulturës Evropiane në vitin 2030.

Ky aktivitet, që përkoi me muajin e shenjtë të Ramazanit dhe periudhën e Kreshmës për të krishterët, shërbeu si një simbol i fuqishëm solidariteti dhe harmonie mes komuniteteve myslimane dhe të krishtera. I organizuar nga iniciativa “Molenbeek për Bruksel 2030”, në bashkëpunim me shoqatat dhe banorët lokalë, ky iftar synonte të nxirrte në pah vlerat e bujarisë dhe bashkëjetesës, të rrënjosura thellë në identitetin e qytetit.

Pjesëmarrësit shijuan gatime tradicionale të përgatitura nga komuniteti lokal, duke përfshirë pjata të ngrohta, ëmbëlsira dhe pije, shumica e të cilave ishin dhurata nga vetë pjesëmarrësit. Përveç shijes së ushqimit, atmosfera u gjallërua nga tingujt e muzikës së luajtur nga anëtarët e komunitetit mysliman dhe të krishterë, duke krijuar një ndjenjë uniteti dhe afrimiteti.

Ky iftar erdhi dhjetë vjet pas sulmeve tragjike në Paris dhe nëntë vjet pas atyre në Bruksel, duke shënuar një hap të rëndësishëm përtej stigmës që ka rënduar mbi Molenbeek dhe duke afirmuar pasurinë e tij kulturore dhe frymën e bashkëjetesës. Përmes kësaj ngjarjeje, Molenbeek jo vetëm që synon të forcojë lidhjet brenda komunitetit të vet, por edhe të dërgojë një mesazh të fuqishëm uniteti dhe tolerance në mbarë Evropën.

Një Grua e cila u godit nga rrufeja dhe arriti të mbijetojë, ka treguar se si goditja bëri që sytë e saj të ndryshonin ngjyrën.

Carly Electric, siç njihet ajo nga miqtë, ka qenë gjithmonë e magjepsur nga rrufetë, madje ka bërë dhe tre tatuazhe kushtuar fenomenit të motit.

Kështu, kur nisi një stuhi, ajo menjëherë doli jashtë për të patur një pamje më të mirë.

Por më pas teksa po regjistronte me telefon, 30-vjeçarja u godit nga rrufeja.

“Kisha dridhje që udhëtonin lart e poshtë krahëve të mi”, tha ajo.

“Kur shkova të shikoja veten në pasqyrë, pashë që bebet e syve ishin zmadhuar”, vijoi ajo.

Më pas ajo humbi ndjesinë në këmbë dhe ra në paralizë, teksa të afërmit e dërguan menjëherë në spital.

Por ndonëse ajo arriti të shërohet plotësisht, rrufeja i la një ndryshim që s’do e harrojë asnjëherë.

 “Sytë e mi të gjelbër më parë tani janë kafe të errët. Kur e kërkova në internet, zbulova se nuk ishte e pazakontë që kjo të ndodhte te njerëzit që ishin goditur nga rryma.

Maja e kokës sime është shumë e ndjeshme, ku jam goditur, është e nxehtë në prekje, kështu që duhet ta shmang kur laj flokët”, tregoi ajo.

Carly Electric

Një aksident i rëndë ka ndodhur në Torino të Italisë pasditen e sotme, ku një autobus turistik ka humbur kontrollin dhe ka përfunduar në lumë.

Mediat italiane raportojnë se nga ky aksident ka ndërruar jetë shoferi, ndërsa tre kalimtare kanë mbetur të plagosur.

Shoferi fillimisht u gjet me shenja jete, por ai ndërroi jetë në spital. Mendohet se ka qenë vetëm shoferi brenda në autobus, pasi nuk janë gjetur trupa të tjerë.

Sakaq, tre këmbësorët ndodhen në spital nën kujdesin mjekësor, të cilët janë jashtë rrezikut për jetën.

Bashkimi Evropian u ka bërë thirrje qytetarëve të tij që të jenë të përgatitur për situata emergjente duke grumbulluar furnizime të mjaftueshme për të përballuar 72 orë në rast fatkeqësish natyrore, pandemish apo edhe kërcënimesh ushtarake. Strategjia e re, e para e këtij lloji e miratuar nga BE-ja, ka për synim të rrisë ndërgjegjësimin dhe përgatitjen e popullsisë ndaj krizave të ndryshme.

Gatishmëria e BE-së për fatkeqësitë dhe krizat

Në prezantimin e kësaj strategjie, Komisioni Evropian theksoi rëndësinë e marrjes së masave proaktive nga qytetarët, duke përfshirë krijimin e planeve të emergjencës shtëpiake dhe grumbullimin e furnizimeve jetike. Kjo nismë është frymëzuar nga praktikat e vendeve si Gjermania dhe shtetet nordike, të cilat kanë promovuar ndërgjegjësimin përmes materialeve informuese dhe aplikacioneve të posaçme.

“Ne po u themi vendeve anëtare: 72 orë vetë-mjaftueshmëri është ajo që ne rekomandojmë,” deklaroi Hadja Lahbib, komisionerja evropiane për përgatitjen dhe menaxhimin e krizave. Ajo iu referua një videoje të publikuar në rrjetet e saj sociale, ku shfaq një çantë emergjence që përmban dokumente të mbrojtura nga uji, ushqim të konservuar, ujë të pijshëm, mjete të ndryshme praktike, ilaçe dhe një radio të vogël.

Strategjia e Re: Një përgjigje ndaj rreziqeve të mundshme

Strategjia e BE-së ka për qëllim të forcojë bashkëpunimin dhe koordinimin mes shteteve anëtare në raste emergjente si përmbytjet, zjarret, sulmet kibernetike dhe kërcënimet ushtarake. Në dokumentin e publikuar, theksohet se blloku duhet të jetë i përgatitur për incidente dhe kriza të përmasave të mëdha, përfshirë mundësinë e agresionit të armatosur.

Një nga propozimet kryesore është krijimi i një “Dite Evropiane të Gatishmërisë”, për të rritur ndërgjegjësimin e publikut. Po ashtu, BE-ja synon të integrojë temat e përgatitjes ndaj krizave në kurrikulat shkollore dhe të hartojë një strategji të posaçme për grumbullimin e rezervave të ushqimit, ujit dhe lëndëve të para thelbësore.

Pas spektaklit të fundit të Big Brother VIP Albania, Ledion Liço është vënë në qendër të kritikave për një batutë të bërë ndaj Rizartës.

Moderatori, i njohur për stilin e tij të drejtpërdrejtë dhe humorin shpesh të papritur, këtë herë duket se ka kaluar cakun sipas ndjekësve.

Komentet në rrjetet sociale, veçanërisht në postimin e fundit të faqes zyrtare të Big Brother VIP Albania në Instagram, janë mbushur me reagime të ashpra ndaj tij.

“Batuta për Rizartën ishte shumë e shpifur. Po të ishe ti babai i saj, do të të pëlqente?” – shkruan një përdorues, ndërsa një tjetër e akuzon Ledionin se po përpiqet të krijojë momente virale, por po i tepron me komentet e tij:

“Nga mania për t’u bërë sa më shumë meme, idjotlliqe po nxjerr nga goja!”

Ndërkohë, disa ndjekës e kanë quajtur qëndrimin e tij arrogant dhe të papërshtatshëm për një moderator të një spektakli kaq të ndjekur.

Deri më tani, Ledioni nuk ka reaguar mbi polemikat, por debati në rrjet duket se nuk po shuhet.

Një video virale ka ndez një debat në madh në rrjetet sociale, pasi një burrë që agjëronte i kërkoi një gruaje të ndalonte së ngrëni në një autobus në Londër.

Ai pretendoi se aroma e ushqimit e shqetësonte gjatë agjërimit, por gruaja refuzoi duke i thënë se nuk ishte problemi i saj. Pavarësisht se burri e përsëriti kërkesën, gruaja i sugjeroi të zbriste në katin e poshtëm të autobusit nëse e shqetësonte aroma e ushqimit.

Videoja, megjithëse dyshohet se është e inskenuar, ka shkaktuar diskutime të mëdha në rrjetet sociale.Disa mendojnë se gruaja duhet të kishte treguar konsideratë dhe të kishte pritur për të ngrënë diku tjetër.

Të tjerë argumentuan se ishte e drejta e saj të hante në një hapësirë publike dhe se burri nuk kishte të drejtë në kërkesën e tij.

Ndeshja e sotme mes Apolonisë dhe Gramshit në futbolli e femrave është mbyllur me fitoren 1-0 të fierakeve që u ndëshkuan me dy kartonë të kuq në një sfidë që u mbyll me 25 minuta shtesë për shkak të ndërprerjeve.

Një prej tyre ka ndodhur si pasojë e hyrjes në fushë të drejtuesve të klubit Apolonia, me në krye presidentin Koço Kokëdhima, i cili protestonte ndaj vendimeve të kryesorit Dorian Maletaj.

Gjithçka është denoncuar nga drejtoresha e Gramshit, Edonisa Aliu, e cila nëpërmjet rrjeteve sociale ka treguar momentet e tensionit ku shihet Kokëdhima me zyrtarët e tij duke goditur e ofenduar arbitrat e ndeshjes.

“Që të gjithë na kanë frikë, kjo nuk diskutohet. Por që të futet presidenti i Apolonisë bashkë me zyrtarët e klubit në fushë për të dhunuar arbitrin e ndeshjes, këtë nuk e kisha menduar. Ja ku e keni presidentin Kokëdhima bashkë me zyrtarët e tij që godasin e shtyjnë, ofendojnë me fjalorin e rrugës arbitrat e ndeshjes. Turp! Turp! Turp!”, shkruan drejtuesja e Gramshit.

https://streamable.com/e/imjrzc?quality=highest

Një autobus turistik ka rënë nga ura në Piazza Vittorio Veneto, në Torino, pasditen e sotme.

Automjeti u fundos menjëherë, por për fat të mirë, vetëm shoferi ishte në bord dhe u shpëtua.

Zjarrfikësit kanë mbërritur në vendngjarje si dhe kanë ndërhyrë edhe me helikopter.

Një lajm i hidhur vjen nga Durrësi ku mjeku i njohur, ortopedi Niko Durri është ndarë nga jeta në moshën 54-vjeçare.

Dr. Niko ishte një figurë e rëndësishme e shërbimit të Ortopedisë-Traumatologjisë në Spitalin Rajonal të Durrësit prej vitesh, ndërsa ka ndëruar jetë në mënyrë të papritur.

Lajmin e hidhur e ka bërë me dije Urdhri i Mjekut Durrës, ku i shpreh ngushëllimet familjarëve dhe kolegëve.

Postimi i plotë:

Me dhimbje të thellë mësuam lajmin e hidhur të ndarjes nga jeta të Doktor Niko Durri, në moshën 54 vjeçare.

Një humbje e parakohshme për familjen dhe bluzat e bardha.

Dr. Niko, një figurë e rëndësishme e shërbimit të Ortopedisë-Traumatologjisë në Spitalin Rajonal të Durrësit dhe një shembull i përkushtimit të palodhur ne shërbim të pacientëve, sot nuk është më mes nesh.

Dr. Niko Durri, u lind në vitin 1971 ne Tiranë.

Përfundoi studimet e larta në Fakultetin e Mjekësisë të Universitetit të Tiranes ne vitin 1997 si Mjek i Përgjithshëm, duke e përfunduar me rezultate të shkëlqyera.

Më pas kreu specializimin për Ortopedi -Traumatologji ne Universitetin e Mjekesise”Carol Davilla”, në Bukuresht të Rumanisë.

Pas specializimit punoi për një periudhë një vjeçare si mjek ortoped-traumatolog në spitalin e Beratit deri në vitin 2005 dhe më pas në spitalin e Lushnjes për një vit tjetër deri në vitin 2006.

Me pas emërohet në Spitalin e Durrësit si mjek ortoped-traumatolog, ku vazhdonte të ushtronte profesionin.

Doktor Niko Durri gjatë gjithë karrierës së tij tregoi profesionalizëm, kulturë, korrektësi, qytetari dhe vlera e virtyte humane që konfiguruan tek secili mjekun e besuar dhe shumë të dashur për çdo pacient.

Përgjatë gjithë jetës profesionale, doktori me bluzën e bardhë dhe zemrën gjithashtu u bë pjesë jo vetëm e mjekëve profesionistë të qytetit tonë, por edhe e shumë viteve të mbushura me punë e sakrifica të panumërta.

Duke u shprehur ngushëllimet e përzemërta familjarëve dhe kolegëve, urojmë që shpirti i tij të prehet në paqe!

I paharruar qoftë kujtimi i tij!