Lajme Flesh

Në Tiranë, kryenegociatorja e Shqipërisë me BE-në, Majlinda Dhuka tha se vendi është gati të çelë negociatat me BE-në edhe për dy grup-kapituj të tjerë, ndërsa shpreson shumë që të gjithë grup-kapitujt të hapen sivjet.

Dy grup-kapitujt e rinj kanë të bëjnë me ekonominë dhe konkurrencën, ndërsa BE po përgatit qëndrimin e vet, për t’u organizuar së shpejti konferenca tjetër ndërqeveritare. Por opozita, gjatë një mbledhje me kryenegociatoren në Këshillin e Integrimit Europian, u shpreh mosbesuese për rezultatet e deritanishme të integrimit dhe për mungesën e transparencës në këtë proces, siç e cilësoi një përfaqësuese e saj.

Pasi ka hapur negociatat vitin e kaluar dhe ka nisur punën me Grup-kapitullin 1 (Themeloret/Shteti i të drejtës) dhe Grup-kapitullin 6 (Marrëdhëniet me jashtë), Tirana ka paraqitur në BE qëndrimin për Grup-kapitujt 2 dhe 3, (Konkurueshmëria dhe Rritja gjithëpërfshirëse) se është gati për çeljen e negociatave mbi to.

Kryenegociatorja e Shqipërisë me BE-në, Majlinda Dhuka, tha sot para Këshillit Kombëtar të Integrimit Europian se negociatat e pritshme për dy grupkapituj të rinj përfshijnë 17 fusha të tjera, që i përkasin ekonomisë, tregut dhe konkurueshmërisë, duke dëshmuar ritmin e përshpejtuar të saj në rrugëtimin drejt BE-së, si një partner i besueshëm në politikën e jashtme, i cili po punon tashmë për forcimin e shtetit të së drejtës.

“Shqipëria do t’i konsolidojë hemelet e shtetit europian në rrugën drejt anëtarësimit, do ta forcojë pavarësinë e gjyqësorit, do të mbështesë fort zbatimin dhe konsolidimin e reformës në drejtësi, luftën për parandalimin dhe luftën kundër korrupsionit”, tha zonja Dhuka.

Zonja Dhuka tha se Shqipëria ka bërë përparim në reformat ekonomike për t’u afruar me tregun europian, ndërsa BE paraqiti dhe vuri në zbatim Planin e ri të Rritjes për Ballkanin Perëndimor, krahas të cilës Tirana përgatiti Agjendën e Reformave Europiane, dhe nga zbatimi i saj ofrohet mbështetje mbi 900 milionë euro programe investimesh.

Ajo nënvizoi vlerësimet e BE-së nga progres-raporti se Shqipëria ka bërë përparim në 32 nga 35 fusha, dhe se sot ajo është mesatarisht e përgatitur në 24 fusha nga 33, sa I përket kritereve për anëtarësim.

Por kryetarja e Këshillit Kombëtar të Integrimit Jorida Tabaku, deputete e opozitës, u shpreh skeptike për ecurinë e deritanishme, përkundër rezultateve të renditura nga kryenegociatorja Dhuka.

Zonja Tabaku tha se zgjerimi i BE-së me Ballkanin Perëndimor është tashmë një çështje sigurie me përparësi të lartë dhe se autoritetet duhej të kishin hapur një diskutim kombëtar mbi angazhimet dhe detyrimet e Shqipërisë për procesin e integrimit me qytetarët, me sindikatat, grupet e interesit, shoqërinë civile, qarqet e biznesit, e jo të mbahet i mbyllur pa transparencë në një sirtar të qeverisë.

Ajo theksoi se në rrugën e integrimit europian Shqipëria ka shumë detyra përpara sa i takon Grup-kapitullit 1 (Themeloret), ka nevojë për më shumë punë dhe më shumë qëndrueshmëri.

“Ne nuk matemi dot me sa kapituj janë hapur, por me sa kapituj janë mbyllur me sukses. Shqipria është sot në një moment delikat për të parë nëse ka mundësi që institucionet demokratike të funksionojnë, a ka mundësi që të mbajë zgjedhje të lira dhe të ndershme, a ka mundësi që të tregojmë se ato standartet europiane, të cilat aspirojmë çdo ditë, së pari t’I zbatojmë vet”, tha zonja Tabaku.

Opozita vlerëson se disa nisma të fundit ligjore të qeverisë kanë shkuar kundër frymës së BE-së, si ligji për auditin, ai për zonat e mbrojtura, kontratat pa garë, por shton se Shqipëria duhet të ndërmarrë hapat e duhur brenda afateve të përcaktuara, duke mos humbur më shumë kohë.

Ndërsa drejtuesi i Delegacionit të BE-së në Shqipëri, ambasadori Silvio Gonzato, kujtoi se rezultatet në Grupkapitullin 1 Themeloret janë përcaktuese në ritmin e negociatave, por sfida thelbësore, sipas tij, mbetet kryerja e reformave në mënyrë që ligjet e Shqipërisë të jenë në përputhje të plotë me legjislacionin e BE-së.

Parlamenti Europian njoftoi se do të hapë një zyrë për Ballkanin Perëndimor në Tiranë, një mundësi më e mirë për fuqizimin e dialogut mes parlamenteve dhe shoqërisë civile të rajonit me institucionet europiane.

Komisionerja e re e BE-së për zgjerimin Marta Kos, pritet të vizitojë Shqipërinë për herë të parë në fund të kësaj jave, ndërsa brenda marsit Shqipërinë pritet ta vizitojë edhe zëvendës-presidentja e BE-së, Kaja Kalas, komisionere për politikën e jashtme dhe të sigurisë.

Në kulmin e debatit dhe zhurmës që ka shkaktuar në orët e fundit vendimi i kapitenit të përfaqësueses së 21 vjeçarëve të Kosovës, Etnik Brruti për të zgjedhur të luajë me kombëtaren e Shqipërisë, një tjetër lojtar i rëndësishëm pritet të bëhet “molla e sherrit” mes Shqipërisë e Kosovës.

Bëhet fjalë për sulmuesin e Lazios, Arijon Ibrahimoviç. Megjithëse Zv.Drejtori i kombëtares kosovare, Saimir Ujkani pati deklaruar pak kohë më parë se “dardanët” janë në ndjekje të Ibrahimoviç, për ta bindur atë të luajë për ekipin përfaqësues të Kosovës, së fundmi mësohet se edhe sulmuesi duket se ka zgjedhur që të veshë fanellën kuqezi.

Anësori bëhet me dije se pëlqen projektin e Sylvinhos dhe tashmë ka nisur punën për të përfaqësuar Kombëtaren kuqezi. Lojtari ka nisur tashmë procesin për t’u paisur me pasaportë shqiptare dhe shumë shpejt pritet të jetë protagonist në fushën e lojës, me përfaqësuesen kuqezi.

Kujtojmë se interes për shërbimet e tij kanë shfaqur edhe Gjermania dhe Kosova, por mesa duket 19-vjeçari ka preferuar të përjetojë emocionet me fanellën kuqezi. Gjithashtu Ibrahimovic ka luajtur në Serie A për Frosinonen, ndërsa shihet me interes edhe nga skuadra të mëdha të kontinentit. Kartoni i tij zotërohet nga Bayern i Mynihur, ndërsa këtë sezon Arijon Ibrahimoviç po luan në formë huazimi me Lazion në Serinë A.

Presidenti Donald Trump dyfishoi të martën tarifën për të gjitha produktet e çelikut dhe aluminit që hyjnë në Shtetet e Bashkuara nga Kanadaja, duke e çuar totalin në 50%.

Vendimi vjen si përgjigje ndaj qëndrimit të provincës së Ontarios, që vendosi një tarifë 25% për energjinë elektrike që eksportohet në SHBA.

Në një postim në ‘Truth Social’ Presidenti Trump shkruante se ka udhëzuar sekretarin e Tregtisë që të vendosë një tarifë shtesë prej 25%, që do të hyjë në fuqi të mërkurën në mëngjes.

“Kanadaja duhet të heqë menjëherë tarifën e saj anti-amerikanë për fermerët prej 250 deri në 390%, për produkte të ndryshme amerikane të qumështit, që është konsideruar prej kohësh si skandaloze. Së shpejti do të shpall një emergjencë kombëtare për energjinë elektrike brenda zonës së kërcënuar“, shkruante Trump.

Presidenti tha gjithashtu se do të “rrisë ndjeshëm” tarifat për makinat që hyjnë në Shtetet e Bashkuara më 2 prill “nëse Kanadaja nuk ul tarifat e tjera, skandaloze” siç i quajti ai, “të vendosura për kohësh”./ VOA

Mjeku Kardiolog Indrit Temali, i ftuar në studion e lajmeve në “Ora News” foli mbi shkaqet dhe arsyet e vdekjeve të papritura tek të rinjtë, fenomen që po bëhet gjithnjë e më shqetësues për shoqërinë shqiptare.

“Sigurisht që stili i jetesës dhe stresi kanë rolin e tyre thelbësor në shtimin e rasteve të vdekshmërisë në moshë të herët.

Po ashtu përdorimi i drogërave, apo duhanit kanë ndikimin e tyre. Po ashtu stili i pakujdesshëm i të ushqyerit çojnë në atë sklerozë në moshë të herët bëjnë rritjen e kolesterolit që na çojnë në infarkte apo vdekje të papritura edhe në mosha të reja.

Por në përgjithësi kur kemi të bëjmë me moshat e reja, janë sëmundjet e lindura dhe të trashëguara q ëjanë shkak i humbjes së jetës së personave që janë nën moshën 35 vjeç”, shpreh ndër të tjera mjeku Indrit Temali

Ola dhe Jozi kanë debatuar me Gjestin. Jozi i është drejtuar Gjestit duke i thënë se:

Shko o palaço shko. Këtu brenda shtëpisë je i adapotuar nga Laerti dhe Rozana.

Ola:

Largohu se jemi vetëm unë dhe Jozi. E ke çuar veten për psikiatër. Pse e more Rizartën në krevat

Gjesti:

Ku e ke parë skenën?

Ola:

Ti nje mashtrues i gradave më të larta. Shfrytëzove zarfin.

Gjesti:

Pse për cfarë kam ardhur unë këtu? Para se të më bini ju mua, u bie unë juve.

Tensionet shpërthyen gjatë natës në Beograd, ku grupe studentësh bllokuan selinë e televizionit publik RTS në qendër të kryeqytetit.

Pasi kanë ndërmarrë veprime pak para mesnatës, protestuesit thanë se aksioni do të vazhdojë për 22 orë.

“Të gjithë do të mund të dalin nga ndërtesa, por askush nuk do të mund të hyjë”, thanë organizatorët, shkruan a2 CNN.

Një njësi policore që mbërriti në vendngjarje për të siguruar daljen e personelit u sulmua dhe një oficer u dërgua në spital me një lëndim në sy. Asnjë incident tjetër i rëndësishëm nuk është raportuar deri më tani.

Presidenti Aleksandar Vuçiç ka shkuar menjëherë në spital për të vizituar policin e plagosur, raporton A2 CNN.

“Të dhunshmit mendojnë se u lejohet gjithçka. Nuk është kështu. Ata do të përgjigjen për çdo akt të dhunshëm që kryejnë”, ka shkruar Vuçiç në Instagram.

Në solidaritet me kolegët e tyre në Beograd, studentët në Novi Sad gjithashtu bllokuan hyrjet në selinë e Radio Televizionit Vojvodina (RTV) gjatë natës. Forca të shumta policie kanë mbërritur në vendngjarje. (A2 Televizion)

Këngëtarja e njohur, Albina Kelmendi është goxha aktive në rrjetet sociale, por edhe me projekte muzikore.

Sot me ndjekësit e saj në Instagram, ajo ka vendosur ta ndajë një fotografi me bashkëshortin e saj, Valon Vataj.

Albina është shfaqur krah tij dhe të dy po duket shumë të dashuruar.

Magjistrati italian që e ktheu në mision të jetës luftën ndaj mafies e që në luftë me të humbi tragjikisht jetën mbetet shembull frymëzimi për shumë dhe një emër i përmasave gjigante për të gjithë idealistët që kërkojnë ta ndryshojnë sistemin e drejtësisë.

I tillë ishte edhe për Engert Pëllumbin, gjyqtarin shqiptar jo pak të njohur për median dhe opinionin publik, si i pari magjistrat që çoi pas hekurave një zyrtar të lartë shqiptar, si ish-ministri Tahiri, duke përmbushur kështu qëllimin për të cilin nisi Reforma në sistemin e Drejtësisë dhe u ngritën organet e reja.

Dëshirën për të ndjekur studimet në Jurisprudencë dhe ambicien për të vijuar më tej rrugën si gjyqtar, ia adreson në një dozë të mirë, figurës së Giovanni Falcone-s. Si një homazh për këtë figurë, Pëllumbi dy vite më parë erdhi në vëmendjen mediatike, në rolin e përkthyesit.

“Giovanni Falcone, një hero i vetmuar”, ishte libri që e promovoi edhe në emisonin “Ora e Betit” në”Ora News”, në rubrikën e moderatores Beti Njuma “Një grusht librash”.

Në intervistë ai shpjegon se ky libër, mund të lexohet jo vetëm nga juristët, gjyqtarët, prokurorët, por edhe publiku i thjeshtë, “…pasi mesazhet që jep Falcone, me gjithë jetën dhe veprimtarinë e tij janë mesazhe që i shërbejnë të gjithë shoqërisë”, thotë më tej Pëllumbi. Në hyrje të librit, përkthyesi jep mbresat personale, i frymëzuar në shtegtimin e karrierës, nga një figurë si e Falcone-s.

“Është një shtegtim i bukur, por me sakrifica të mëdha, sakrifica të cilat në fakt i japin shijen e vërtetë dhe kurorëzojnë “ndjenjën e shërbimit” ndaj të tjerëve”, shkruan Pëllumbi.

E mbase nisur nga kjo intervistë ndryshe me një gjyqtar si Pëllumbi, i cili pritet të vendosë edhe për kryebashkiakun e arrestuar të Tiranës, Erion Veliaj, vetë Beti Numa teksa e ka rikthyer atë në vëmendje të publikut në rrjetet sociale thotë se:

“Një njeri që frymëzohet nga Giovanni Falcone nuk mundet kurrë të bëhet palë me krimin dhe korrupsionin!”

Gazetari Julian Kasapi ka bërë një deklaratë të fortë mbi arrestimet e SPAK, duke paralajmëruar se do të ketë ndalime para zgjedhjeve të 11 majit.

Në një lidhje të drejtpërdrejtë për “Top Story”, Kasapi u shpreh se “në lupën e SPAK janë 10 kandidatë të PS për deputetë”.

Ndër të tjera ai komentoi punën e SPAK, ku tha se gëzon mbështetje të madhe publike, pasi ka arritur të godasë të ‘fortët’ që janë konsideruar si të paprekshëm.

“Prokuroria e Posaçme gëzon sot mbështetjen më të madhe të publikut. SPAK ka treguar se në Shqipëri mund të bëhet drejtësi, mund të funksionojë sistemi i drejtësisë, edhe në një Shqipëri ku asnjë institucion antikorrupasion… më thoni ju mua, dini ju ndonjë institucion antikorrupsion i cili mund të ketë bërë një kallëzim në Prokurorinë e Posaçme.

Nga ana tjetër SPAK ka treguar se në Shqipëri flisnim deri dje për Jurgis Çyrbjan, tani kemi kryetarin e bashkisë Tiranë. Ka treguar se të paktën në këtë pikë SPAK gëzon mbështetje kaq të madhe.

Ashtu siç është historia me kryebashkiakun, ku unë mendoj se është një nga goditjet më të guximshme të SPAK dhe që ishte e nevojë, pasi nesër pasnesër ka nevojë për një ripërtëritje. Kemi edhe dosje të tjera siç është ‘21 janari’, dosja ‘5D’.

Kam kuptuar që historia në Shqipëri do vijojë me komente, në të vërtetë SPAK është i vetmi institucion që gëzon mbështetjen më të madhe nga publiku. Pse? Sepse ka shkuar deri aty ku godet edhe ata që janë ka shumë të fortë dhe që nuk mund të preken.

Nga ana tjetër kam një informacion se SPAK nuk do të vijojë me listën e zgjedhjeve, apo se duhet të bëjë arrestime të tjera para 11 majit dhe pas 11 majit. Është institucion që s’ka agjendën e PS apo PD.

Tani është momenti që të bëjë… në lupën e saj janë mbi 10 kandidatë të PS, të cilët janë për deputetë. Kemi dëgjuar për këta persona që deri dje kanë pasi imunitet. SPAK po tenton të bëjë, apo të shmangë historinë e përplasjes së Kuvendit. Tani është momenti.

Ndaj them që s’ka listë zgjedhore për SPAK, është momenti për të bërë veprimet e saj, ky është informacion që më ka mbërritur. Janë figura që dihen që janë politike dhe SPAK po tenton të shmangë përplasjen dhe të bëjë ndalime para zgjedhjeve”, tha Kasapi.

Eksperti i kriminalistikës Ervin Karamuço, i ftuar këtë mbrëmje në një studio televizive, u ndal te pikat që SPAK i cilëson si indimidim apo kërcënim në punën e tij.

Sipas tij, po diskutohet që jo të shkrihet SPAK, por të shkrihet GJKKO (Gjykata e Posaçme) dhe për hetimet e SPAK vendim të marrë prokuroria e zakonshme.

Kjo thotë Karamuço mund të ndikojë si kërcënim për SPAK.

“Po diskutohet aktualisht… që mund të kenë plan që të shkrijnë Gjykatën e Posaçme, që të ketë një gjykatë të plotë të juridiksionit të zakonshëm, ku një seksion të marrë vendime për hetimet e SPAK. Këto gjëra po shikohen në frymë sistemike, por a shkojnë këto deri në ndryshime të qenësishme, por faktin që e diskuton do të thotë që ‘unë të kam në fokus’”, tha Karamuço.